TEKNOLOGIA

Problema teknologikoak konpontzeko prozesua: trebetasunak eta metodoak garatu behar dira aurrera egiteko, problema tekniko baten identifikazio eta formulaziotik abiatuta problemaren soluzio eraikitzailea lortu arte; hori guztia, baliabideen eta soluzioen optimizazioa bilatzen duen prozesu planifikatu baten bidez. Prozesu teknologiko hori abian jartzeak osagai zientifiko eta teknikoa eskatzen du, eta irakasgai osoaren ardatza da.

Adierazpen eta komunikazio teknikoa: agiri teknikoak interpretatu eta sortu behar direnez, ikasleek oinarrizko teknikak eskuratu behar dituzte marrazteko eta diseinu grafikoko programak erabiltzeko. Dokumentu teknikoak oinarrizkoak izanen dira hasieran, baina gero eta handiagoa izanen da haien konplexutasuna, berariazkotasuna eta kalitate teknikoa. Eboluzio prozesu horretan, informatikako tresnak erabili behar dira proiektu teknikoaren agiriak prestatzeko.

Erabilera teknikoko materialak: prototipo bat produzitzeko, industrian gehien erabiltzen diren material teknikoen ezaugarriak eta aplikazioak ezagutu behar dira, bereziki materialekin, tresnekin eta makinekin lan egiteko teknikak eta elkarlanari eta segurtasun eta osasun ohiturei lotutako jokaerak.

Egiturak eta mekanismoak: makinak eta sistemak: ikasleei prestakuntza eman nahi die arlo hauetan: egitura batek jasaten dituen indarrak, hura osatzen duten elementuen gaineko esfortzuak eta mugimendua transmititu eta eraldatzeko oinarrizko eragileen funtzionamendua, biak makinen funtsezko zatiak baitira. Ikasleek elektrizitatearekin lotutako egintzak eta gailuak ezagutu eta erabili behar dituzte, makinekin eta sistemekin erabiltzen den energia iturri erabiliena baita.

Informazioaren eta komunikazioaren teknologiak: ordenagailuen hardwarea osatzen duten elementu nagusiak ezagutzea lortu nahi da. Prozedurako edukiak nabarmentzen dira, bai gailu elektronikoen arteko konexioan, bai dokumentuen kudeaketan eta aplikazioen instalazio, mantentze eta egu-neraketan. Halaber, helburu bat da ikasleek tresnak erabiltzeko eta tresnak bilatu, jaitsi eta trukatzeko oinarrizko aplikazioak baliatzeko trebetasunak eskuratzea. Trebetasun horiek estu lotuta egon behar dute informazioa hautatu, landu eta erabiltzeko jarrera kritiko eta gogoetatsuarekin.

Informaziaoren eta komunikazioaren teknologiak: hari bidezko eta haririk gabeko komunikaziorako elementuak eta gailuak. Sareak, sareen tipologia eta konfigurazioa. Hedabide digitaletan informazioa argitaratzea eta trukatzea. Programazio-lengoaien oinarrizko kontzeptuak. Ordenagailuen eta informazioa trukatzeko beste sistema batzuen erabilera.

Etxebizitzetako instalazioak: ohiko instalakuntzak; instalazio elektrikoa, ur instalazioa eta saneamendu instalazioa. Beste instalazio batzuk; berokuntza, gasa, aire girotua edota domotika. Araudia, sinbologia eta oinarrizko instalazioen muntaketa naiz azterketa. Energia aurreztea etxebizitzan, arkitektura bioklimatikoa.

Elektronika: elektronika analogikoa, oinarrizko osagaiak, oinarrizko zirkuitoen sinbologia eta azterketa, zirkuitu errazen muntaketa, elektronika digitala, Boolen algebra, ate logikoak, etb.

Kontrola eta Robotika: sistema automatikoak, kontrol gailuen ohiko osagaiak. Robotak diseinatu eta egitea. Askatasun mailak. Ezaugarri teknikoak. Oinarrizko programazio-lengoaiak. Txartel kontrolatzaileak aplikatzea diseinatutako prototipoetan.

Pneumatika eta Hidraulika: sistema hidrauliko eta pneumatikoen azterketa, osagaiak, sinbologia, funtzionamenduaren printzipio fisikoak eta industria sistemako aplikazioak.

Teknologia eta gizartea: garapen teknologikoa historian zehar. Objektu tekniko eta teknologikoen bilakaera eta industria produktuetan normalizazioak duen garrantzia aztertzea. Lehengaien eta natura baliabideen aprobetxamendua. Garapen iraunkorra sustatzen duten ohiturak lortzea.