Ang Peopling of Mainland Southeast Asia ay tumutukoy sa pagdating at paninirahan ng mga sinaunang tao sa mga lupain ng Myanmar, Thailand, Laos, Cambodia, at Vietnam. Batay sa mga pag-aaral, ang mga unang naninirahan dito ay nagmula sa iba’t ibang lugar ng Asya at dumating sa pamamagitan ng migrasyon, dala ang kanilang sariling wika, kultura, at kaalaman sa agrikultura. Sa paglipas ng panahon, ang paghahalo-halo ng mga pangkat na ito ang nagbigay hugis sa kasaysayan, kultura, at pagkakakilanlan ng rehiyon.