عن فرق توقيت الحروف

عن قلب مليان بالكلام

بس بتخونه الظروف

وعن القدر

مهما استمر

في حاجات بتفضل أقوى من كل البشر

معرفش ليه مطلوب أوي

ألقى السبب

وأحب باستئذان واراعي في الهوى كل اعتبار

أيام مرار

كل شيء مبقاش له طعم

كأنه شغال بالزرار

كل شيء في البعد عنك

مش طبيعي

وانتي في الدنيا الوحيدة

اللي مشبوكة بضلوعي

بحب فيكي كل شيء

واسأل عليكي بنص كلمه

واكتم النص الجميل

لسه أجمل حاجه بينا مقولنهاش

لسه الغرام مش مستحيل

معرفش ليه مطلوب أوي

يبقى الكلام بالمختصر

واسهر اناجي كل نجمة

واشكي لليل والقمر

عن فرق توقيت الحروف

وعن الكسوف

إني أقولك

كل يوم

يا أحلى من كل الصور

يا أغلى من كل البشر

****

محمد سلامه