Stærðfræði

Námskeiðið er ætlað þeim kennurum sem vilja þróa starfshætti sína í stærðfræðikennslu. Á námskeiðinu læra kennarar um þróunarlíkan sem notað er til að efla stærðfræðikennslu og hefur verið notað með góðum árangri í Svíþjóð. Á námskeiðinu verður þróunarlíkanið prófað og viðfangsefnið opin verkefni tekið fyrir.

Markmið námskeiðsins er að kennarar læri um opin verkefni og velti fyrir sér eftirfarandi spurningum:

• hvað eru opin verkefni?
• hvað fela þau í sér?
• hvernig stuðla þau að stærðfræðinámi?
• hvernig tengjast þau félagstuðningi í nám?

Að loknu námskeiði getur kennari notað opin verkefni í stræðfræðikennslu og þekkir markvissa og árangursríka leið til að þróa stærðfræðikennslu í kennarahópi.