Krakkaspjall

Krakkaspjall er samræðu- og samskiptaverkefni ætlað strákum og stelpum á yngsta- og miðstigi grunnskóla. Krakkaspjall samanstendur af 10 samræðu- og samskiptafundum og er hver fundur 40-60 mínútna langur. Á fundunum hittast krakkahópur og samræðustjóri og taka þátt í fjölbreyttum samræðu- og samskiptaverkefnum.

Á námskeiðinu verður fjallað um hugmyndafræði verkefnisins og fyrsti fundur lagður inn. Í framhaldi af námskeiðinu munu þátttakendur leggja inn fyrsta fund með nemendahópnum sínum. Námskeiðshaldari mun svo hitta þátttakendur reglulega í vetur, leggja inn tvo fundi í hvert skipti og veita ráðgjöf og stuðning.

Kennari: Sigríður Ingadóttir

Markmið Krakkaspjalls

Að loknu námskeiði hafa:

Þátttakendur:

öðlast þekkingu á fræðilegum grunni verkefnisins
öðlast leikni til þess að leiða nemendahóp í gegnum verkefnið
fengið verkfæri sem nýtist þeim í samræðu- og samskiptavinnu með nemendum

Nemendur:

öðlast leikni í tjáningu og miðlun
haft tækifæri til þess að beita skapandi og gagnrýnni hugsun
haft tækifæri til þess að efla sjálfstæði sitt og samvinnu
fengið tækifæri til þess að nýta miðla og upplýsingar
eflt sjálfmynd sína

Foreldrar:

fengið tækifæri til þess að fylgjast með viðfangsefnum sem tekin voru fyrir og rædd heima með barninu.

Ávinningur skóla:

samræðu- og samskiptahæfni nemenda styrkist sem eflir þá í námi og leik
verkefnið styður vel við lykilhæfni Aðalnámskrár grunnskóla