Höfundar: Jason Buckley; Brynhildur Sigurðardóttir sjá: Óþekktarskalinn

Útfærsla fyrir leikskóla: Ingi Jóhann Friðjónsson

Aldur og hópastærð 4+, 4-5 í hópi

Viðfangsefni/umræða: Siðfræði, gott/vont, þægur/óþekkur

Markmið: Samvinna, æfing í að segja hvað manni finnst og af hverju, hlusta á aðra og bíða eftir að röðin komi að sér.

Tímalengd: 20 mín.

 Kennsluleiðbeiningar á PDF

Undirbúningur kennara:

· Kynna sér kennsluleiðbeiningarnar vandlega.

· Notast við myndakveikjur í verkefni eða nota aðrar kveikjur.

· Skalinn er frá skást til verst (frá best til verst).

Framkvæmd:

· Skipuleggja sætaskipan í hring þar sem allir sjá hver annan

· Kennarinn metur aldur og þroska hópsins. Fyrir yngri nemendur er betra að kennarinn kynni hverja myndakveikju eina í einu og börnin raða á skalann.

· Með eldri nemendum getur kennarinn sýnt kveikjurnar í upphafi samræðunnar og börnin taka við og raða á skalann í sameiningu. Kennarinn gefur þeim þá næði og þegar skalinn er tilbúinn fer kennarinn með hópnum yfir niðurstöðuna og spyr um rök.

· Athugið eftir samræðurnar hvort nemendur vilja breyta uppröðun.

Dæmi um sókratískar spurningar

1. Að segja eitthvað ljótt við einhvern, 2. Rífast um dót, 3. Öskra, 4. Rífa af, 5. Fara ekki eftir fyrirmælum, 6. Ljúga, 7. Slást, 8. Stela, 9. Að horfa á aðra segja eitthvað ljótt við einhvern og gera ekkert

Ræðið hvað er slæmt við myndirnar

· Er alltaf slæmt að gera það sem er á myndunum? 

· Hvenær er það í lagi? Er t.d. alltaf rangt að ljúga? Alltaf rangt að stela? O.s.frv.

· Hvað er að vera óþekkur?

· Hvað er gott og slæmt? Tengið við kveikjurnar.

Leikur með möguleika og alhæfingar

· Hvað myndi gerast ef allir myndu alltaf ljúga?

· Hvað myndi gerast ef allir myndu alltaf stela?

· Hvað myndi gerast ef allir myndu bara segja eitthvað ljótt við aðra?/Hvernig myndi ykkur líða?

Þurfum við að hafa einhverjar reglur?

· Hvað gerist ef það eru engar reglur? Væri það gott eða slæmt?

· Hver setur reglurnar? Eru sumar reglur mikilvægari en aðrar?

Hægt er að tengja við aðrar kveikjur eins og Góður dagur.

Gerið lista yfir reglur sem eru nauðsynlegar í leikskólanum.

Hvaða reglur eru algildar? Hvaða reglur gilda alltaf?

Börnin teikna reglur sem eru í leikskólanum.

Aðalbjörg Steinarsdóttir, Anna Þórunn Hjálmarsdóttir, Helga María Þórarinsdóttir, Kristín Sigurðardóttir,  Sigurbjörg  Friðný  Héðinsdóttir,  Unnur  Kristjánsdóttir,  Þórdís  Halldórs-dóttir  og  Örn  Arnarson.  (2001).  Íslenskar  barnabókmenntir  og  þjóðsögur  sem  upp-spretta  heimspekilegrar  samræðu  meðal  leikskólabarna:  Þróunarverkefni  leikskólans  Lundarsels 1999–2001. Leikskólinn Lundarsel.

Brynhildur Sigurðardóttir. (2013). Óþekktarskalinn. Verkefnabanki Heimspekitorgsins. https://verkefnabanki.wordpress.com/2013/04/22/othekktarskalinn/

Forms könnun um mat á verkefni