Höfundar: Sara Swan Miller (1997) úr bókinni Three Stories You Can Read to Your Cat; Garreth B. Matthews (2003)

Þýðing og útfærsla: Helga María Þórarinsdóttir

Aldur: 3+

Viðfangsefni/umræða: Siðfræði, hugtakagreining, gott/slæmt, þægur/óþægur

Markmið: Að hlusta, draga ályktanir, segja hvað manni finnst, komast að niðurstöðu

Tímalengd: 15– 25 mín

Kennsluleiðbeiningar á PDF

Undirbúningur:

· Kynna sér kennsluleiðbeiningarnar vandlega.

Framkvæmd:

· Kveikja lesin og spyrjið hópinn: Hvað var skrítið við þessa sögu?

Góður Dagur

Einn daginn var vinkona mín að fara í búðina, þegar hún fór út, sagði hún: „Ég er að fara út kisa, vertu nú góð og gerðu ekki neitt slæmt á meðan ég er í burtu“. Ég hugsaði með mér: „Af hverju ætti ég að vilja gera eitthvað slæmt? Slæmir hlutir eru ekki góðir. Vinkona mín var rugluð, að halda að ég gerði eitthvað af mér.“ Ég skoðaði mig um í herberginu og leitaði að einhverju góðu að gera. Ég kom auga á gardínurnar. „Að klifra er alltaf skemmtilegt“, hugsaði ég með mér, „og skemmtilegt er gott“. Ég setti út sterku klærnar og byrjaði að klifra upp gardínurnar. Í raun klifraði ég í gardínunum þar til þær rifnuðu í tætlur. „Hmmm“, hugsaði ég með sjálfri mér, „það eru alltof mörg göt í gardínunum núna. En þetta var mjög gott á meðan á því stóð“.

Ævintýri mín héldu áfram. Ég sá plöntu í gluggakistunni. Ég beit eitt lauf af og mér fannst það bragðast mjög vel. Svo ég beit öll grænu laufin af. Allt í einu sá ég gólfmottuna. „það er alltaf gott að snyrta klærnar mínar“ hugsaði ég með mér. Ég læsti klónum í gólfmottuna, ég klóraði og klóraði í gólfmottuna þangað til hún varð slitin og subbuleg. „Aaahhh“ sagði ég við sjálfa mig, „þetta var mjög, mjög, mjög gott.“ Næst sló ég skál út af borðinu, skálin brotnaði í milljón mola. Svo gekk ég um í eldhúsinu og þefaði af ruslatunnunni. Ég sló lokið af tunnunni og byrjaði að gramsa í ruslinu til að finna hvað lyktaði svona vel. Ég gróf alla leið niður á botn og þessi góða lykt var yndislegur biti af kjúklingi. „Mmmm“, sagði ég á meðan ég hámaði í mig kjúklinginn, „þetta var það besta sem ég hef gert í allan dag“.

Ég var orðin mjög syfjuð af því að gera alla þessa góðu hluti. Ég skreið aftur inn í stofu, hoppaði á sófann og kúrði mig saman eins og bolti. „En hvað þetta var góður dagur hjá mér í dag“, sagði ég við sjálfa mig. „Vinkona mín verður mjög glöð þegar hún kemur aftur heim, því ég gerði ekki einn slæman hlut.“ Svo fór ég að sofa.

Hugmyndir af spurningum

· Var kisan góð?

*        Ef já hvernig var hún góð?

*        Ef nei hvernig var hún ekki góð?

*        Hvað var hún þá?

· Hvernig líður kisu?

· Hvað er kisa að gera ein heima?

· Hvernig eiga kisur að haga sér?

· Hvað voru fyrirmælin sem eigandinn gaf henni?

· Var kisan þæg?

·  Hvað er að vera þægur?

·  Hvað er að vera óþekkur?

·  Hvað er að gera eitthvað gott?

·  En slæmt?

·  Getur maður óvart verið vondur/slæmur?

Spurningar um kisur

· Hvar eiga kisur heima?

· Eiga kisur alltaf heima hjá fólki?

· Hvernig eiga kisur að haga sér?

· Hvernig halda menn að kisur eiga að haga sér?

· Var kötturinn tillitsamur?

Um hegðun, gott/vont

· Getur maður verið óvart vondur?

· Er alltaf skemmtilegt að hlýða?

· Hvað þýðir að vera góður/vondur?

· Er í lagi að hugsa bara um sjálfan sig?

· Hafa allir vilja? Hugsa þau? Skilja þau hugmyndir?

· Er allt gott sem okkur finnst skemmtilegt?

Vinna þemaverkefni um kisur, t.d. út frá spurningum.

Teikna myndir af kisum eða leira kisu eða nota annan efnivið og kynna fyrir hópnum. T.d. hvað heitir hún? hvar á hún heima? er hún góð? gerir hún alltaf það sem henni er sagt, skilur hún allt?

Skrá samræðuna og vinna út frá henni.

Vinna fleiri verkefni tengd köttum t.d. Lesa bækur eða nota aðrar kveikjur, t.d. Er þessi köttur til í alvörunni?

Matthews, G. B. (2003). Thinking in Stories. Thinking: The Journal of Philosophy for Children, 16(4), 3. https://digitalcommons.montclair.edu/thinking_journal_philosophy_children

Miller, S. S. (1997). Three Stories You Can Read to Your Cat. Houghton Mifflin.

Forms könnun um mat á verkefni