Isang samahan ng magkaklaseng may malikhaing kaisipan at dedikadong puso sa likod ng Sabáng. Sa hugpungan ng kanilang mga ideya, karanasan, at paninindigan, isinilang ang isang kolektibong pagsisikap na suriin at unawain ang mga isyung panlipunan sa mas malalim na paraan. Sa pamamagitan ng pananaliksik, itinawid nila ang personal tungo sa kolektibo, at ang akademiko tungo sa makabayan—lahat ay nagtatagpo sa iisang layunin: ang makapag-ambag sa pagbubuo ng mas makabuluhang talastasan para sa bayan.