രുദ്രാക്ഷജാബാലോപനിഷത്ത് (മലയാളം)

രുദ്രാക്ഷജാബാലോപനിഷത്ത്

(സ്വതന്ത്ര മലയാള പരിഭാഷ)

ലക്ഷ്മി നാരായണന്‍ വൈക്കം

(വൈക്കം ഉണ്ണികൃഷ്ണന്‍ നായര്‍)

ശാന്തിപാഠം.

ഓം ആപ്യായന്തു മമാംഗാനി വാക്പ്രാണശ്ചക്ഷുഃ

ശ്രോത്രമഥോ ബലമിന്ദ്രിയാണി ച .. സർവാണി സർവം ബ്രഹ്മോപനിഷദം

മാഹം ബ്രഹ്മ നിരാകുര്യാം മാ മാ ബ്രഹ്മ നിരാകരോദനിരാകരണമ-

സ്ത്വനിരാകരണം മേസ്തു തദാത്മനി നിരതേ യ ഉപനിഷത്സു ധർമാസ്തേ മയി

സന്തു തേ മയി സന്തു .. ഓം ശാന്തിഃ ശാന്തിഃ ശാന്തിഃ ..

ഹരിഃ ഓം ..

പിന്നെ ഭൂസുണ്ഡനും ചോദിച്ചു കാലാഗ്നി-

രുദ്രനോടുല്‍പത്തി-രുദ്രാക്ഷമെപ്രകാ-

രത്തിലാണായതിന്‍ ധാരണം, തന്‍ ഫലം? 01

കാലാഗ്നിരുദ്രനും ചൊല്ലിനാൻ കണ്ണുകൾ

പൂട്ടിസ്സമാധിസ്ഥനായ് വസിച്ചൂ വധി-

ച്ചീടുവാന്‍ ത്രിപുരരായീടുന്നൊരസുരരെ:

ആയിട്ടും വേളയെൻ നേത്രത്തിൽനിന്നുജല-

ബിന്ദുക്കളിറ്റിറ്റു ഭൂമിയില്‍വീണതില്‍-

നിന്നുതാനുണ്ടായിവന്നു രുദ്രാക്ഷവും.

ചൊല്ലുന്നു സര്‍വ്വലോകാനുഗ്രഹത്തിനായ്,

പത്തുഗോദാനത്തിനൊത്തപുണ്യം ഫലം-

രുദ്രാക്ഷമെന്നുച്ചരിക്കുന്ന മാത്രതാന്‍.

രുദ്രാക്ഷ ദര്‍ശ്ശന-സ്പര്‍ശ്ശനംകൊണ്ടുഫല-

മാകുന്നിരട്ടി മുൻചൊന്നതിൻ കൂതുതൽ. 02

ഉണ്ടുശ്ലോകങ്ങളുണ്ടെവിടെയുണ്ടെന്തുപേ-

രെത്രതാന്‍ ജാതികളെപ്രകരത്തിലീ-

ധാരണം, ധാരണാമന്ത്രങ്ങളെന്നതും. 03

ആയിരം ദിവ്യസംവത്സരം ശേഷമെന്‍

കൺതുറന്നപ്പൊഴെൻ കണ്ണുനീർത്തുള്ളികൾ

രുദ്രാക്ഷമാം മഹാവൃക്ഷമായ് ഭക്തര്‍ക്ക-

നുഗ്രഹത്തിന്നുള്ള സ്ഥാപരമായതും. 4,5

രുദ്രാക്ഷധാരണം തന്‍ഫലം ദിനരാത്ര-

പാപകർമ്മൾങ്ങതൻ പൂര്‍ണ്ണ വിനാശനം.

രുദ്രാക്ഷദര്‍ശ്ശനം പുണ്യമോ മോക്ഷവും,

കോടിപുണ്യംഫലം ധാരണത്തിന്‍റെയും.

കോടാനുകോടിപുണ്യംഫലം രുദ്രാക്ഷ-

ധാരണത്തോടൊത്തതാകും ജപത്തിനും.6,7

രുദ്രാക്ഷമെണ്ണി ജപിക്കുകിൽ ലഭ്യമാ-

യീടുന്നുപുണ്യം ധരിപ്പതിന്നൊപ്പവും.

നെല്ലിക്കതൻ മുഴുപ്പൊത്തതാണുത്തമം,

ലന്തക്കായ്തൻ വലുപ്പംതന്നെ മദ്ധ്യമം;

കടലക്കതൻ മുഴുപ്പൊത്തതാണധമവും:

ഇപ്രകാരം ജാതി-വര്‍ഗ്ഗ ഭേദാദികൾ. 8,9

ഉണ്ടായി രുദ്രന്‍റെയാജ്ഞയാൽ ശുഭകരം

രുദ്രാക്ഷജാതികൾ നാലുവെവ്വേറെയായ്;

വെള്ളതാന്‍ ബ്രാഹ്മണൻ, ക്ഷത്രിയൻ രക്ത-

വര്‍ണ്ണം, മഞ്ഞ വൈശ്യനും, ശൂദ്രന്‍ കറുത്തതും. 10,11

ശ്വേതവര്‍ണ്ണംമണി ധാരണം ബ്രാഹ്മണൻ,

രാജന്‍റെധാരണം രക്തവര്‍ണ്ണംമണി;

പീതവര്‍ണ്ണം ധരിക്കുന്നതും വൈശ്യനും;

കൃഷ്ണവര്‍ണ്ണംതന്നെ ശൂദ്രന്‍റെ ധാരണം.

ഉരുണ്ടുസ്നിഗ്ധം, ബലമുള്ളതും നല്ലപോല്‍

മുള്ളുനിറഞ്ഞതുമെത്രയും ശുഭമതും.

കീടം കടിച്ചതും, ഛിന്നഭിന്നം, വൃണ-

മാര്‍ന്നതും മുള്ളുകളില്ലാത്തതും, സമ-

മല്ലാത്തതും മണി വര്‍ജ്ജിക്കണം, സ്വയം-

ദ്വാരങ്ങളുള്ളതാണെത്രയുമുത്തമം. 12-14

പുരുഷപ്രയത്നേന ദ്വാരങ്ങളുണ്ടാക്കിടും-

മണി മദ്ധ്യമം; സ്നിഗ്ധം, സമം, ദൃഡം-

സ്തൂലമാം രുദ്രാക്ഷമണികളെ പട്ടിന്‍റെ-

നൂലതില്‍ കോര്‍ത്തിട്ടമാല ധരിക്കുക. 15

ആകണം മാലതന്‍ മണികളൊപ്പംമുഴു-

പ്പാകണം സൗമ്യസൗന്ദര്യമൊത്താകണം.

ചാണയില്‍ വച്ചുരച്ചാൽ സ്വര്‍ണ്ണരേഖപോ-

ലുള്ളതാണുത്തമം, ശിവനതും പധ്യവും.

കുടുമയില്‍ രുദ്രാക്ഷമൊന്നുതാൻ ധാരണം,

മുപ്പതെണ്ണംകോര്‍ത്ത മാലതാൻ തലയിലും.

മുപ്പത്തിയാറുമണിമാല കഴുത്തിലും,

കൈകളില്‍ പതിനാറുവീതവും, പന്ത്രണ്ടു-

മണിബന്ധമായതിൽ, തോളത്തില്‍ പതിനഞ്ച്;

നൂറ്റെട്ടുമണിമാല പൂണുനൂല്‍ പോലെയും,

കണ്ഠത്തിലേഴഞ്ചുരണ്ടുമൂന്നേതുമാം.

കടുക്കനായിട്ടുമാം, കുണ്ഡലംപോലെയും,

പിന്നെരുദ്രാക്ഷം കിരീടമായിട്ടുമാം. 16-20

നൂലതില്‍ കോര്‍ത്തതാം മാല ധരിക്കണം,

തോള്‍വളയായരഞ്ഞാണമായിട്ടുമാം.

നിദ്രയിലും നിദ്രവിട്ടിരിക്കുമ്പോഴു-

മെപ്പൊഴുമായിടാം ധാരണം, ധാരണം-

മുന്നൂറുമണിതന്നെയധമവും, മദ്ധ്യമ-

മഞ്ഞൂറു-മായിരംധാരണമുത്തമം. 21,22

ധാരണമീശാനമന്ത്രേണ ശിരസ്സിലും-

തത് പുരുഷമന്ത്രേണ കണ്ഠത്തിൽ;

അഘോരമന്ത്രേണ കഴുത്തിലും കൈയ്യി-

ലഘോരബീജം മന്ത്രമുച്ചരിച്ചാകണം.

രുദ്രാക്ഷമദ്ധ്യത്തിലുള്ള ദ്വാരങ്ങളിൽ

‘അ’മുതലി‘ക്ഷ’വരേക്കുള്ളയക്ഷരം

പഞ്ചാക്ഷരിമന്ത്രമൊത്തഭിമന്ത്രിച്ച്-

പ്രാണപ്രതിഷ്ഠാദി ചെയ്തിട്ടു മൂല-

മന്ത്രത്തൊടൊത്തിഴകളേഴഞ്ചുമൂന്നാകും

ക്രമത്തിലായിട്ടു ഹാരത്തിന്‍റെ ധാരണം.23-25

ചോദിച്ചു പിന്നെയും കാലാഗ്നിരുദ്രനോ-

ടായിട്ടു ഭൂസുണ്ഡനെപ്രകാരത്തിലീ

രുദ്രാക്ഷ ഭേദം, സ്വരൂപം, ഫലങ്ങളും,

ദുരിതവിനാശനം, ഇഷ്ടഫലസിദ്ധികൾ?26

മുഖമൊന്നുതന്നെ പരതത്വസ്വരൂപകം-

ഇന്ദ്രിയംവിട്ടു പരതത്വത്തിലെത്തിടും.27

ഇരുമുഖം രുദ്രാക്ഷമാകുന്നു മുനിഃശ്രേഷ്ഠ-

മര്‍ദ്ധനാരീശ്വരം തൻസ്വരൂപം, തന്‍റെ-

ധാരണത്താലർദ്ധനാരീശ്വരൻതാൻ-

പ്രസാദിച്ചിടുന്നുണ്ടസംശയം കേൾ.28

അഗ്നിത്രയംതാൻ സ്വരൂപം മുഖംമൂന്നു-

രുദ്രാക്ഷമഗ്നിദേവൻതൻ പ്രസാദവും.29

നാൽമുഖംതൻസ്വരൂപം നാലുമന്ത്രവും,

ധാരണത്താല്‍ പ്രസാദം നാൽമുഖന്‍റെയും.30

മുഖമഞ്ചുതൻസ്വരൂപം ശിവൻ അയ്‌മുഖൻ;

ധാരണത്താൽ പുരുഷഹത്യയും നീങ്ങിടും.31

അറുമുഖംതൻസ്വരൂപം കാര്‍ത്തികേയനും,

ധാരണാലാരോഗ്യമൈശ്വര്യവും ഫലം.

ചൊല്ലും ഗണേശസ്വരൂപമെന്നും ചിലർ,

ബുദ്ധി, വിജ്ഞാനസമ്പത്തതെന്നും ചിലർ.32,33

സപ്തംമുഖംസ്വരൂപം ലോകമേഴുമാ-

മാതാക്കളാരോഗ്യമൈശ്വര്യമാകും ഫലം.34

മുഖമെട്ടുദൈവതം അഷ്ടമാതാക്കളും,

പ്രീതരാമെട്ടുവസുക്കളും, ഗംഗയും.35,36

നവമുഖംരുദ്രാക്ഷദൈവതം നവശക്തി;

ധാരണത്താൽ പ്രീതരായിടുന്നായവർ.37

ദശമുഖംരുദ്രാക്ഷദേവനാകുന്നെമൻ;

ധാരണാൽ നേടുന്നസശയം ശാന്തിയും.38

പതിനൊന്നുമുഖമുള്ളരുദ്രാക്ഷദൈവതം-

പതിനൊന്നുരുദ്രരാകും ഫലം ഭാഗ്യവും.39

പന്ത്രണ്ടുമുഖമതാകുംസ്വരൂപം മഹാ-

വിഷ്ണുവാദിത്യരാകുന്നു പന്ത്രണ്ടതും.40

പതിമൂന്നുമുഖമുള്ള രുദ്രാക്ഷദൈവതം-

കാമദേവൻ, ധാരണാൽ പ്രസാദിപ്പവൻ.41

രുദ്രനേത്രത്തിൽനിന്നുത്ഭവം പതിനാലു-

മുഖരുദ്രധാരണം ആരോഗ്യദായകം.42

വര്‍ജ്ജിക്കണം മത്സ്യമാംസദിയുള്ളികൾ,

ശ്ലേഷ്മാതകം, വിഡ്വരാഹം മുരിങ്ങയും.43

ഗ്രഹണത്തിലും, വിഷുവയനത്തിലും, രണ്ടു-

വാവിനും, പൂര്‍ണ്ണദിനങ്ങളാമാദിയിൽ

ധാരണം രുദ്രാക്ഷഹാരം ഫലം സര്‍വ്വ-

പാപവിനാശനം, മോക്ഷപ്രദായകം.44

ബ്രഹ്മാവുരുദ്രാക്ഷമൂലവും നാളമോ-

വിഷ്ണു, രുദ്രൻമുഖം, ബിന്ദുക്കൾ ദേവത.45

ചോദിച്ചുപിന്നെയും കാലാഗ്നിരുദ്രനോടായ്കുമാരൻ സനൽ;

എപ്രകാരത്തിലീ രുദ്രാക്ഷധാരണം?

അപ്പൊഴേക്കുംവന്നുചുറ്റുംനിരന്നിരു-

ന്നൂ നിദാഘൻ, ജഡഭരത, ദത്താത്രേയ,

കാര്‍ത്ത്യായനൻ, ഭരദ്വാജൻ, വസിഷ്ഠനും;

കപിലനും, പിപ്പലാദൻ മുനിവൃന്ദങ്ങൾ-

ചൊല്ലിനാല്‍ കാലാഗ്നിരുദ്രനോടായിട്ടു-

രുദ്രാക്ഷധാരണം, തന്‍വിധി ചൊല്ലുക?46

ചൊല്ലിനാൻ കാലാഗ്നിരുദ്രനും രുദ്രന്‍റെ-

നേത്രത്തിൽനിന്നുത്ഭവിക്കയാൽ നാമവും

രുദ്രാക്ഷമെന്നതായ് ഖ്യാതി ലോകങ്ങളിൽ.

സംഹാരകാലത്തു സര്‍വ്വതും സംഹരി-

ച്ചിട്ടുതൻ സംഹാരനേത്രവും ബന്ധിച്ച-

തായതില്‍നിന്നതുണ്ടായി രുദ്രാക്ഷവും.47

രുദ്രാക്ഷനാമത്തെ വാക്കിനാൽ ചൊല്ലുകിൽ

പത്തുഗോദാനത്തിനൊത്തതാകും ഫലം.

രണ്ടായിരംപശുദാനം ഫലം തന്‍റെ

കൈകൊണ്ടെടുത്തുരുദ്രാക്ഷം ധരിക്കുകിൽ.

കർണ്ണങ്ങളിൽ ധരിച്ചീടുകിലേകാദ-

ശംസഹസ്രം പശുദാനമൊക്കും ഫലം;

കൈവരിക്കുന്നു പതിനൊന്നു രുദ്രത്വവും-

ശിരസ്സിലെ രുദ്രാക്ഷധാരണം തൻഫലം

കോടിഗോദാനത്തിനൊത്തിരിക്കുന്നു ചൊ-

ല്ലാവതല്ലായതിൻ സ്ഥാന-കര്‍ണ്ണം ഫലം.48

രുദ്രാക്ഷജാബാലമുപനിഷത്തിതുനിത്യ-

മാലപിക്കുന്നതാമാബാലവൃദ്ധരും

ആയ്ഭവിക്കും മഹാത്മാക്കളാകുന്നവർ-

വേദമന്ത്രോപദേശത്തിന്നുതക്കവർ.

ഗുരുവിൽനിന്നും സ്വീകരിച്ച രുദ്രാക്ഷം

കഴുത്തിലും, കൈകൾ, കുടുമ-കേശാദിയി-

ലാകെ ധരിക്കുകിൽ ലഭ്യമാകും ഫലം-

ദ്യൂപേഴുഭൂമിമൊത്തത്തിലെ ദക്ഷിണ.

ശ്രദ്ധയോടുപനിഷത്തദ്ധ്യയനം ഫലം

ദിനമൊന്നിലുള്ളപാപത്തിന്‍റെ നാശനം.

മദ്ധ്യാഹ്നമദ്ധ്യയനം ഫലം നാശമാ-

മാറുജന്മത്തിലെ മൊത്തമാം പാപവും.

പ്രഭാതം-പ്രദോഷപാരായണം തൻഫലം

നാശമാകുന്നനേകം ജന്മപാപവും,

ലഭ്യമാകുംലക്ഷമാറായിരംമന്ത്ര-

ഗായത്രിയാലാപനം ഫലം, ബ്രഹ്മഹ-

ത്യാദി പാപത്തിന്‍റെ നാശനം, പിന്നെ-

സർവ്വത്രതീർത്ഥത്തിലെ സ്നാനപുണ്യം ഫലം;

അറ്റിടും പതിതസംഭാഷം പാപവും,

ലഭ്യമാകും ശിവസയൂജ്യവും ഫലം;

ഇല്ലതും ജനന-മരണാദി ക്ലേശങ്ങളും:

ഇപ്രകാരംസമാപ്തംതാനുപനിഷദ്.49

ശാന്തിപാഠം.

ഓം ആപ്യായന്തു മമാംഗാനി വാക്പ്രാണശ്ചക്ഷുഃ

ശ്രോത്രമഥോ ബലമിന്ദ്രിയാണി ച .. സർവാണി സർവം ബ്രഹ്മോപനിഷദം

മാഹം ബ്രഹ്മ നിരാകുര്യാം മാ മാ ബ്രഹ്മ നിരാകരോദനിരാകരണമ-

സ്ത്വനിരാകരണം മേസ്തു തദാത്മനി നിരതേ യ ഉപനിഷത്സു ധർമാസ്തേ മയി

സന്തു തേ മയി സന്തു .. ഓം ശാന്തിഃ ശാന്തിഃ ശാന്തിഃ ..