Gung-thang Dkar-chag

Gung-thang Dkar-chag

 *NOTE: A reposting of this page appears at the so-called "Chinese Buddhist Encyclopedia" website without my approval (http://www.chinabuddhismencyclopedia.com/en/index.php/Gung-thang_Dkar-chag).

This file, input by Dan Martin (Jerusalem) contains a very important source for the history of Tshal Gung-thang Monastery, which had not previously been made available in any modern publication (but this statement is no longer true; see now the work listed below). 

This guidebook to the history and holy objects contained in the temple-monastery was composed in 1782 by the Dge-lugs-pa author 'Jog-ri-ba Ngag-dbang-bstan-'dzin-'phrin-las-rnam-rgyal (the last 4 syllables are optional), who was born in 1748. It was written at a time when Gung-thang was under the administration of Se-ra Monastery. Tshal Gung-thang was founded by Zhang G.yu-brag-pa (1123-1193) in the year 1187. The nearby Tshal Yang-dgon monastery he had already founded in 1175 (the Yang-dgon is still locatable in a village on the opposite side of the highway, closer to the Skyid-chu River). Zhang was himself important to Tibetan history because it was arguably he who set the precedent for sectarian (as distinguished from royalist) polity, which became the predominating form of government in Tibet down until the 1950's. He was also the founder of the Tshal-pa branch of the Bka'-brgyud-pa school of Tibetan Buddhism. This guidebook is important for political historians of Tibet during Mongol times, because it has a section devoted to the Tshal-dpons who ruled the myriarchy of Tshal. It also contains detailed listings of the then-existing objects (statues, wall paintings, chortens, etc.) in the various chambers of this monastery, which can still be visited today, just off the main highway, upstream from Lhasa (an easy and pleasant half-hour bicycle ride from downtown). It has been undergoing gradual but major restoration work, evidently largely funded by the donations of local inhabitants. The famous huge central Buddha image built by Lama Zhang and his immediate disciples was mostly destroyed in the Great Fire of 1546 or 1547, but parts of it were enshrined in its replacement. It was being reconstructed once more when I visited in 1995. There are still a few items that probably date from Zhang's times, but still more from the time of the 5th Dalai Lama when this monastery was inhabited by the Rnying-ma-pa teacher Zur Chos-dbyings-rang-grol (it seems likely that most of the more remarkable wall paintings originated, or were repainted, during his time). Although the main central rooms are largely restored, little remains in the side chambers, although I was told that they, too, will be restored (the large chamber on your left as you enter was filled with large wooden beams; the sacristan told me this was the [an?] original part built by Zhang Rinpoche, and that they wanted very much to restore it). The roofing has collapsed over some of these chambers, and if you are foolhardy enough to walk on the roof (I strongly advise against it), you can look down into some of them and see the empty niches where images once were.  (All of this last paragraph is based on two visits in the mid-1990’s.)

Note that the entire work (based on prints from the same woodblocks) has now been published in Roman transcription and German translation in: Karl-Heinz Everding, Der Gung thang dkar chag: Die Geschichte des tibetischen Herrschergeschlechtes von Tshal Gung thang und der Tshal pa bKa' brgyud pa-Schule, Ein Beitrag zur Geschichte des Lhasa-Tales in der Zeit des 12.-19. Jahrhunderts, Tibetischer Text in Edition und Übersetzung, Monumenta Tibetica Historica, Abteilung 1 [Scriptores], Band 5, Vereinigung für Geschichts-wissenschaft Hochasiens [VGH] Wissenschaftsverlag GmbH (Bonn 2000). Everding's readings are occasionally slightly different from mine, in part no doubt explainable because we used xerox copies of different impressions from the same blocks, and what was unclear in one was clear in the other. I've noticed some places where Everding's reading is the preferable one, so it is very useful to have both his readings and my readings to compare.

Even more recently, is the English translation of this text (with a facsimile of a woodblock print) contained in the following publication:  Per K. Sørensen & Guntram Hazod, in cooperation with Tsering Gyalpo, Rulers on the Celestial Plain: Ecclesiastic and Secular Hegemony in Medieval Tibet, a Study of Tshal Gung-thang, Verlag der Österreichischen Akademie der Wissenschaften (Vienna 2007), in 2 volumes.

The original on which the following transcription is based is from the Hermitage collection in St. Petersburg. The existence of only two other versions presently known to me are: [1] in the museum in Patna, Bihar state, India (I have another bad xerox of prints from the same woodblocks, origins unknown). [2] a manuscript in 76 folios kept in the library of the TASS, Lhasa (source: Civilization at the Foot of Mount Sham-po, p. 267, which I imagine could be mistaken in calling it a 'manuscript').

The present work is from the woodblock printing of his collected works (his gsung-'bum) in 2 volumes. It is contained in volume 2 (kha), and has a total of 76 folio leaves.

The text contains five main sections.

[1] The first, following the introduction, is about the place in general, and the existence of the Buddha's teachings, in particular those associated with this place (fol. 3r.6 ff.).

[2] The second section contains biographies of Zhang Rinpoche together with his disciples (beginning at 7v.1), and a subsection on the Tshal-pa Khri-dpon-s, who were important political leaders (28v.1).

[3] The third part is a detailed register of the holy objects contained in the Gung-thang temple itself and in surrounding areas (42r.4).

[4] The fourth section is a general discussion about objects of worship (65v.6), including still another listing of the objects in the various temple chambers,

[5] while the fifth section is on the benefits of prostrating and making offerings to those objects (71v.4).

On a technical note, this transcription for most part does not distinguish reversed Tibetan letters from the ordinary ones (for example, the first 'n' in the title pan chen ought to have a dot beneath it to signify that it is the backward version of the letter; sometimes the dot has been placed immediately before the letter to which it belongs). The file as a whole has not yet been completely proofread, and typographical errors are liable to be found, although they shouldn't be many. There are a very few places where the letters could not be made out, in which cases 'x's have been typed more-or-less equal to the number of letters that would seem to be missing.  My transcription of the full text follows:

@@|| Gung thang dpal gyi gtsug lag khang | byung rabs dang bcas pa'i dkar chag 'gro mgon zhal lung bdud rtsi'i chu rgyun || ||

[1r] na mo gu ru badzra dha ra yå |

gang zhig 'jig rten 'jig rten las 'das skyon dang yon tan spangs blangs rtag dang gus sbyor ba'i ||

rgyu 'bras theg pa'i rnam pa ma lus rgyu 'bras tshul gyi thabs mkhas brtson pas bsgoms mdzad las ||

phun tshogs yon tan kun gyi gter gyur sku gnyis zung 'jug bdag gi ngo bor ldan mdzad pa ||

'dren pa mnyam med zas gtsang sras dang yang sras sob mar bcas la rtag tu gus pas 'dud ||

rmad byung rnam thar rgyal ba dgyes pa'i tshul ||

sbas don zung 'jug lam dang chabs gcig par ||

'doms mdzad phul byung zhabs dang 'jam dpal snying ||

sras bcas byang chen de srid snying dbus mchod ||

rnam 'dren kun kyang thugs rje btang snyoms kyis ||

ngal gso'i yul gyur gangs can bstan 'gro la ||

brtse chen thugs kyi rgyan du bzhes mdzad pa'i ||

pad dkar 'chang ba rim byon rnams la 'dud ||

bka' rgyud rin chen chu bo rnam bzhi'i rgyun ||

rnam dpyod blo gros bum par rab gtams te ||

gangs can bstan 'gror sman pa'i bsil sbyin mkhan ||

grub dbang g.yu brag 'gro ba'i gnyen la 'dud ||

shåkya'i bstan la shåkya'i lung gis zin || [2r]

shåkya'i gdung tshob 'gro mgon zhabs bsten nas ||

shåkya'i bstan la mdzad pa'i phyul byung ba'i ||

shåkya ye shes 'gro ba'i mgon la 'dud ||

lugs gnyis zung 'jug 'phrin las 'od zer gyis ||

bsod nams zhing dang dman pa'i zhing mchog rnams ||

bde legs dpal gyi grong du 'jug mdzad pa'i ||

slob rgyun rin chen srol 'dzin rnams la 'dud ||

smin byed dbang bzhi'i chu rgyun rim gnyis lam ||

rnam dag dam tshig sdom pa'i gzhir gnas pa'i ||

rnal 'byor gsang mtha'i rgyud rgyal 'khor lo sdom ||

gnas gsum mkha' 'gror bcas la gus phyag 'tshal ||

de nyid thugs rje'i 'phrin las sgyu ma'i gar ||

dpal mgon lcam dral phyi nang bka' sdod gsum ||

'dod khams dbang phyug 'khor bcas gtsor gyur pa'i ||

bsrung ma'i tshogs rnams mchod do rtag skyongs shig ||

tshul min rang 'dod blo skyon dri bral ba'i ||

lhag bsam me long ngos la rang gzhan gyi ||

bskul byed gzugs brnyan dang 'grogs gzigs mo 'di ||

don gnyis bsgrubs phyir ston la spro bar gyur ||

zhes mchod par brjod pa dang shis par bya ba'i tshig dag [2v] gis lam langs par byas nas | gang gleng bar bya ba skabs su babs pa ni | thub pa'i brtul zhugs mchog gis thub pa'i bstan pa rin po che'i srog shing dam par gyur pa | 'khor 'das kyi legs tshogs thams cad gang las 'byung ba bshes gnyen dam pa bsam sbyor dang rtag gus kyis tshul bzhin du bsten pas legs tshogs kyi rtwsa ba tshugs pa | dal 'byor lus kyi gru chen nges 'byung thabs shes kyi bgrod pas sdug kun chu bo bzhi'i pha rol du son pa'i dgra bcom pa chen po | mkha' khyab kyi 'gro ba mtha' dag sning la gcags pa'i bu ltar gzigs nas sgrib gnyis kyi rgud pa las grol te spangs rtogs phun tshogs kyi gnas la 'god pa'i thugs rje chen po snying la 'khyud pas ci byed sems can gyi don 'ba' zhig las mi 'da' ba'i byang chub sems dpa' sems dpa' chen po | rang nyid gang las gshegs pa'i go 'phang mchog la yid can mtha' dag 'god pa'i thabs tshul dang 'phrin las lhun gyis grub cing dgos pa'i dus las 'da' ba med pa'i rdzogs pa'i sangs rgyas chen po |  mkha' mnyam gyi yid can rnams la 'khor 'das kyi bde legs mtha' dgar ba bzhin skyol bar mdzad pa'i yid bzhin gyi nor bu chen po | thog mtha' bar gsum du dge ba'i lam bde bas 'bras bu bde ba sgrub pa'i nyams len dang shes bya'i gnas mtha' dag la ma rmongs pa'i gangs can thar pa 'dod pa rnams [3r] kyi gtsug gi rgyan gcig pu | 'khrungs yul las mtshan gsol ba tsha ba gru pa | gzhon nu las mtshan gsol ba dar ma grags | phyi gdul bya las mtshan gsol ba 'gro ba'i mgon po | nang dben gnas las mtshan gsol ba g.yu brag pa | gsang ba gdung rus las mtshan gsol ba bla ma zhang | tshul khrims brtul zhugs mchog las mtshan gsol ba brtson 'grus grags pa zhes brjod pa de nyid kyi 'phrin las kyi cha las grub pa'i gung thang dpal gyi gtsug lag khang rten brten par bcas pa'i dkar chag khrig chags su brjod pa'i sgo nas rang gzhan mtha' dag | dad pa gsum gyi gnas la 'god pa'i thabs de nyid brjod pa yin la | 'di la lnga |

[I] spyi dang bye brag gi bstan pa'i gnas tshul cung zad brjod pa | (3r.6; pt. 2, 4r.4).

[II] khyad par du 'gro mgon nyid kyi phyi nang gsang ba slob brgyud dang bcas pa'i rnam thar brjod pa'i sgo nas dad gus bskyed pa |  (6r.5, with actual bio. at 7v.1; pt. 2 on Tshal pa Khri dpon's, 28v.1)

[III] gtsug lag khang dang dgon ma lag rnams kyi dkar chag rgyas par bshad pa |  (42r.4)

[IV] brjod don mdor bsdus te rten bshad bya tshul bshad pa | (65v.6)

[V] rten gsum de dag la phyag mchod sogs byas pa'i phan yon bshad pa'o ||  (71v.4)

[4r.4]  gangs can gyi ljongs 'dir ni 'jam dpal rtsa rgyud la |

nga yi dus nas lo brgya na ||

kha ba can du mtsho bri nas ||

sa la'i nags ni 'byung bar 'gyur ||

zhes sogs mdo rgyud du mas las lung bstan pa'i bod ces spyi khyab tu grags pa 'di nyid | dang po mtshor yod pa las rim gyi bri te | sa la'i nags ljongs su gyur cing | 'byung po dang dud 'gro gtsam las mir gyur pa med par brten | rgyal ba'i 'phrin las kyi 'jug pa gtso bor gyur pa mi yin par dgongs te | 'jig rten dbang phyug dang 'phags ma sgrol ma'i thugs rje'i sgyu 'phrul las byung ba'i | spre'u dang brag [4v] srin 'dus pa las kong yul spre sna mi yul gyi lding du grags par phrug gu mang du byung ba rim gyis mir gyur nas bod mi'i rgyal khams su gyur te | rus chen bzhir gyes pa sogs rgyal phran sil ma mang du byung bar 'phags mchog phyag na padmo'i 'phrin las kyi 'jug pa dus la babs te | mnga' bdag gnya' khri btsan po sogs spyi la dbang ba'i rgyal rabs mang du byung zhing | khyad par lha tho ri snyan bcan gyi sku ring la pho brang yum bu gla sgang du mdo sde za ma tog bkod pa | dbang skong phyag rgya pa | tsindha ma ni'i gzungs sogs mi rabs ldan 'di dag gi don shes pa'i lung bstan dang bcas te nam mkha' las babs nas dam pa'i chos kyi dbu brnyes | de nas rgyal rabs ldan chos rgyal mnga' bdag srong btsan sgam po byung ba'i sku ring la | thon mi pandi tas rgya yig las bod yig btus pa sogs lo pan du mas chos bsgyur bshad dang | rgyal po nyid kyis kyang 'phags pa 'jig rten dbang phyug gi bsgrub thabs sogs gsungs shing | lha ldan sprul pa'i gtsug lag khang phran lag dang bcas pa dang | lhag par rgya bal bal gyi rgyal po'i sras mo kong jo dang khri btsun khab tu bzhes te rten skal jo shåk rnam gnyis gdan 'dren pa dang | rang byung gi rten gtso gsum grub pa sogs 'phrin las kyi mdzad sgo mtha' yas pas bstan pa'i sgrol btod | mnga' bdag tshangs pa lha'i me tog gi sku ring la ka cog bai gsum sogs kyis mdo rgyud kyi chos du ma bsgyur ba dang | mkhan chen zhi ba 'tsho dang | sangs rgyas gnyis pa padma sam bha wa gnyis spyan drangs nas sad mi mi bdun gyis mtshon pa'i rab [5r] tu byung ba'i bslab pa rgyud la ldan zhing cha lugs mig sngar babs pas rgyal bstan rin po che'i mdo sngags kyi bdud rtsi'i dga' ston la mchog dman bar gsum gyis longs spyad chog pa'i srol legs par phye zhing mnga' bdag khri ral sogs dbon rgyud phal mo ches kyang dkon mchog bla mar 'dzin pa'i 'phrin las rnam par dag pa mtha' dag yab mes gong ma'i srol bzhin mdzad pa ste snga dar gyi byung ba rags rim tsam brjod pa yin la |  +

phyi dar la | log smon gyi mthu grub pa'i glang dar dbon blon gyis mnga' bdag khri ral dkrongs shing | rab byung gi grwa dang gtsug lag khang bshig pa sogs kyi log sgrub la brten | bstan pa rin po che dung gi rdul phyis pa ltar nyams par byas pa na | skyes mchog dgongs pa rab gsal gyis tshul khrims bslab pa'i ma dros las dbus gtsang sde gnyis su grags pa sogs tshangs spyod dpal gyi rgyan pa'i lung rtogs 'dzin pa'i skyes bus gangs ljongs 'di slar yang rgyan par mdzad mod kyang | dus dbang gis sems can rnams bsod nams dman pa la brten nas | mdo rgyud gsar rnying gnyis su byas pa'i bshad sgrub dang srid kyi bya ba phal mo che rnams kyang snga mkho ltar ma gyur cing | lhag par sbyor sgrol la sogs pas bstan pa'i rtsa ba tshangs par spyod pa rmangs nas 'jigs pa'i byer sgo mtha' yas pa byung bar brten | chos rgyal rnams kyi 'phrin las spyi khyab la spyod pa'i mdzad pa yang dum bur gyur te | stod smad bar gsum du gyes pa'i nang tshan mnga' ris chos rgyal lha bla ma ye shes 'od [5v] khu dbon gyis | 'bad pa du mas rgya gar pan chen rnams kyi gtsug gi nor bu lta bu | dpal lha gcig di pam ka ra spyan drangs byang chub lam gyi sgron ma sogs tshad la ma nor ba'i gdams pa du ma gsungs pa'i sgo nas rgyal ba'i lung rtogs kyi bstan pa'i gnad la ma rtogs pa dang | log par rtog pa dang | the tshom gyi dri ma mtha' dag bsal nas mkhas btsun bzang gsum gyi rnam thar 'dzin pa'i skyes mchog du mas bstan pa'i srog bzung zhing | lhag par bka' brgyud bstan pa'i gzhi ma 'gro mgon g.yu brag pa dang | khams gsum 'gro ba'i bla ma tsong kha pa chen po'i bstan pa'i gdugs dkar po gcig gis 'dzam gling mtha' dag khyab par mdzad de | dpal gsang ba 'dus pa'i zung 'jug nas so thar gyi me reg gi ltung ba bsrung ba'i bar gyi nyams len mtha' dag gang zag gcig gi mngon mtho dang | nges legs bsgrub pa'i cha rkyen du gru bzhi lam gyis khyer chog pa'i 'phrin las bzang po da lta'i bar du gnas pa 'di ni | bstan pa rin po che snga phyi bar gsum du dar rgyas spel gsum byed par thugs bskyed dam bca' brtan po thugs la gser gyi g.ya' bzhin zhan ba'i | 'phags mchog 'jig rten dbang phyug rnam 'gyur ci rigs pa'i sgo nas sku 'phreng rim par byon pa yab sras dang bcas pa 'di dag gi thugs rje kho na yin par 'gro ba mtha' dag gi mthun snang du grub pa 'di bzhin lags te | rgyas par mi sngon gyi mkhas grub du mas yang yang bzlas pa'i yige mang du snang ba las shes par bya ste | 'dir de dag la lta ba'i mig tsam [6r] zhig bkod pa yin no || 

smras pa |

rnam 'dren sras bcas byol ba'i gangs can sa ||

rang skal khur du gzigs pa'i spyan ras gzigs ||

chos rgyal mes dbon pan chen sam bho ta ||

brgyud bcas bka' drin blo gros bum par 'khyil ||

mtha med 'khor ba'i sdug bsngal me dpung rlubs ||

bsil byed so thar tshul khrims srog gi zungs ||

'dzin mkhas stod smad pan chen mkhan slob drin ||

stong gsum dge bcas phul kyang gzhal nus min ||

lha btsun khu dbon lhag bsam shar ri'i rtser ||

phul byung mkhyen brtse'i dkyil 'khor nyer shar tshe ||

log spyod ku mud zum dang chabs gcig par ||

spyi sgos bstan pa'i ge sar bzhad 'di mtshar ||

bka' brgyud yab mes na ro'i thugs mtsho'i rgyun ||

rang rang blo mtshor 'khyil ba'i bcud bsdus nas ||

nyams myong lta spyod gtsang ma'i byed po ni ||

'jam dpal snying po'i rnam thar zla med bsngags ||

skye bar dal 'byor rten bzang bshes gnyen mgon ||

dri med cha tshad lam dang zung 'brel ba'i ||

rgyu 'bras yid la smon pa'i blo gdengs 'di ||

don ldan re ba 'bras dang bcas gyur cig ||

ces bya ba ni bar skabs kyi tshigs su bcad pa'o ||

[Section IIa:  On Zhang Rinpoche and the Activities of his Successors]

+ gnyis pa la gnyis | 'gro mgon nyid kyi phyi nang gsang ba dang | slob brgyud rnams kyi rnam thar brjod pa'i sgo nas dad gus bskyed pa dang | zhar byung srid skyong rnams kyi byung ba rags rim tsam bshad pa'o || 

dang po ni | bka' brgyud ya bzhi'am dwags shangs lugs gnyis kyi ya gyal gyi srol 'dzin thams cad kyi nang nas phul dang mchog tu gyur pa tshal pa bka' brgyud [6v] kyi byung ba mdo tsam brjod par bya ste | de yang ji skad du phrin yig gar mkhan pho nyar ||

rgyal ba kun gyi mkhyen brtse'i gter gyur pa ||

snang ba mtha' yas 'gro mgon g.yu brag pa'i ||

ye shes rnam par rol pas legs bskrun pa'i ||

tshal gung zhes bya dpal ldan he ru ka'i ||

pho brang dngos gyur ston mtshan kun gsal ba'i ||

do shal sa la lhung 'dra'i dgon sde zung ||

lugs gnyis lhan cig spyod pa'i 'dus pa'i tshogs ||

byu ru'i do shal gcal du bkram 'dra yod ||

ces gsungs pa ltar rgyal ba kun gyi mkhyen brtse gcig tu bsdus pa la snang ba mtha' yas zhes sam 'jig rten dbang phyug ces mtshan du gsol ba de nyid nam mkha'i zla ba chu nang du gzugs su 'phos pa lta bu gong du brjod pa ltar phyi nang gsang gsum gyi mdzad pa las brtsam te | zhang g.yu brag pa zhes sogs mtshan gyi rnam grangs du ma dang ldan pa de nyid kyis | 'gro ba'i snang tshul dang mthun par bstan pa'i thog mtha' bar gsum gyi mdzad pa'i tshul dang | lugs gnyis kyi brgyud 'dzin lag rjes dang bcas pa'i byung tshul cung zad bshad na |  de yang gong du brjod pa ltar dam pa 'di nyid spyir na 'phags pa 'jig rten dbang phyug gi rnam par 'phrul bar tshad ldan gyi skyes mchog du mas gsungs shing | sngon gyi yig tshang dag las | dam pa 'di nyid sngon bskal pa dpag tu med pa'i gong rol du de bzhin gshegs pa klu'i sgron ma la dang por byang chub mchog tu sems bskyed cing | bskal pa 'di'i gong rol du rdzogs pa'i sangs rgyas mar me mdzad la utpa la lnga phul te byang chub mchog tu sems bskyed | de nas da lta'i [7r] bskal pa 'di la rdzogs pa'i sangs rgyas shåkya thub pas lung bstan pa'i sprul pa'i skur byon tshul ni 'jam dpal rtsa rgyud | sprin chen po'i mdo | lha mo dri ma med pas zhus pa'i mdo sogs mdo rgyud shin tu mang ba nas lung bstan tshul dang | bdag cag gi ston pa 'jig rten 'dir byon skabs li tsa byi dri ma med par 'khrungs te bcom ldan 'das la phyag 'tshal nas 'gro ba'i don byed par dam bcas pa'i tshe | de bzhin gshegs pas zhal 'dzum pa mdzad de legs so legs so zhes sogs gsungs tshul byung ba | dus gsum gyi mdzad pa'i snang tshul dang | de dang mthun par sngon gyi rgyal ba sras bcas rnams kyi lung bstan yang khungs dag yod pa nges mod | 'on kyang sku gsung thugs kyi 'phrin las rnams nyi zla nam mkhar mi 'char bar rtsa chu gang bzang gi sa yul rnams su rgyu ba mi srid pa ltar | skyes mchog rnams kyang gzhan phan gyi mdzad pa la gcig tu mi gzhol bar | rang gi don tsam la ches cher byed pa'i skye bo tha mal gyi ngang tshul la brten mi srid pa de bas na | sgo gsum gyi g.yo 'gul thams cad bstan pa dang 'gro ba'i phan bde sgrub pa'i thabs su 'gyur mi 'gyur brtags pa'i sgo nas tshad ldan gyi lung rig gis sgrub thub pa zhig byung na | 'bras bu du ba la brten nas de'i rgyu tsha zhing sreg 'tshod nus pa'i mer 'grub pa gzhung lugs pa dag gi smra ba ltar | rigs pa yang dag gis gtan la phebs pa zhig byung na legs so ||

des na dam pa 'di nyid dngos kyi mdzad pa'i tshul las | dang po 'khrungs pa'i yul ni | skyid shod [7v] sa'i cha tsha ba grur | zhang gi rigs las byung ba'i yab rdo rje sems dpa' dang | yum mang skyid bya ba'i sras su ngo mtshar ba'i ltas du ma dang bcas rab byung gnyis pa'i chu mo yos kyi lo (1123 ce) ston zla 'bring po'i tshes bzhi la sku bltams | mtshan dar ma grags rang byung gi rnal 'byor ma ma jo dar ma bya ba'i grub thob zhig gis lung bstan dang | byin rlabs mdzad pas bla mar gyur cing | phyis ma jo dar mas kho mo la chos shig gsung bar zhu zhes zhus pas | dam pa 'di nyid smra shes tsam de nyid kyi dus su yang ma jo dar ma la bde gshegs snying pos 'gro kun yongs la khyab | bden pa'i tshig 'dir lha dang klu yang nyan | sems nyid rtogs na sangs rgyas yin zhes dang | dkon mchog gsum po gzhan nas btsal du med ces dpag par dka ba'i gdams pa zab mo tshig nyung ngur 'dus pa de gsungs pas na | ma jo de bla slob gnyis kar gyur pas bla ma la snga ba ma jo dar ma dang | slob ma la snga ba ma jo dar ma zhes 'byung ba yin no ||

de ltar dam pa 'di nyid chung ngu'i dus nas nges 'byung shugs che ba dang 'bad rtsol la ma ltos par sku gsung thugs rten la skor ba dang | gsung rab klog pa dang | rigs gnas kyi tshul la mkhas pa dang | dag nas yi dam gyi lha mang po'i sngags du ma thol byung du smra ba dang | dman zhing nyams thag pa'i mi dang dud 'gro la snying rje che ba dang | byis pa rtse ba'i grwar yang khri brtsigs nas de'i steng nas chos 'chad pa sogs ngo mtshar ba'i spyod yul du ma dang bcas par gyur |

de nas dgung lo bdun tsam lon pa nas bzung ste bla ma rngog pa dang | sam bu lo tstsha ba sogs [8r] kyi drung nas rig gnas dang | phar tshad la sogs pa'i gsan pa mthar phyin pa mdzad de | mkhas pa rnams kyi nang du sbobs pa'i gzengs mtho ba'i smra ba'i sengge lta bur gyur cing | de nas yab yum la sogs pa'i mi chos kyi rtsa lag rnams phal cher 'thor ba'i tshe sngon gyi thugs bskyed dang | phral rkyen ci rigs pas bskul te drag sngags mthu sgrub kyi sgo nas rgol ngan tshar bcas pas bod khams gnyis kar mngon spyod kyi 'phrin las grub pas grabs pa thob par gyur te | de nas khams su slob dpon blo bstan bya bar brtan khrims lnga'i sdom pa bzhes | nyi shu rtsa bzhi pa la sngon sbyangs kyi las 'phro sad pa'i tshul bstan | skabs shig mnal lam du sna khrag mang po zag pa'i mthar sbrul dra ba'i sems can ring po zhig thon nas ub phyogs su song bar thugs bsam la khyod dang yun ring po zhig 'grogs pa yin te | da ni mi phrad do snyam pa byung |

de nas gser g.yus mdor grogs po zhig gis mdzo rin ma sprad pa'i rkyen rkyen byas nas thugs nges 'byung drag po skyes te mthu mdzad phro'i rten gtor brdab | rdzas kyi khrag rnams pho ba na | slob mas slob dpon smyo'am de ltar ma byed zer ba yang byung | de nas re zhig khams rang du bar ma dor lus shing | nyi shu rtsa drug pa'i tshe mdo dkon brtsegs gzigs pas dad pa chen po 'khrungs te | dge ba'i bshes gnyen mkhar sgo ba dang | slob dpon grab mkhar ba | gsang ston gzu 'jang mdo ba sogs la bsnyen par rdzogs te mtshan brtson 'grus grags par gsol | [8v]

der lo gcig gi bar tsog bu dang | stan gcig gi dam bca' mdzad | na bza' brje ba'i dus ma gtogs sku rags ma bshig par ltung bshags la thugs dam gyi mthil du mdzad cing bzhugs pa'i tshe | dpal rgwa lo chen po sog tu phebs pa'i spyan sngar byon | zhal mthong ba tsam gyis dad pa ltag par skyes | snang ba rting nas 'gyur sgom lung zhus pas | dpal chen gyis thog mar he ru ka'i go 'phang tshe 'di nyid la thob par bya snyam pa gyis gsungs byung ba la | gsang sngags kyi gdams pa yang dag pa gcig gnang bar 'dug snyam du dgongs te phyis de bzhin du byung skad |

gzhan yang rdul mtshon dang | ras bris sogs kyi dkyil 'khor la brten nas dbang bskur zhing sbyor drug la sogs pa rlung rtsol gyi gdams pa mang du gnang nas bsgoms pas | mgo bo na ba sogs byung ba la dpal chen la zhus par 'byung ba 'khrug pa'i skyon yin pas dmar rdor gyis | nad drag nas ma zos pas mchog gsungs |

de nas gdams ngag rnams la rang yul gyi dben pa bsten pa bsten nas bsgoms pas 'dre'i cho 'phrul dang thig le'i bgegs byung bar rje btsun rga lo thag ring nas zhu ma thub par | mal yer pa ba la rgyu mtshan gyi yi ge phul bas byang bu la bgegs sel gyi gdams pa bris te | 'dis ma phan na zla ba'i yar tshes la 'dir shog bya ba bskur byung ba ltar zhal mjal du phyin te na ro pa'i thabs lam gyi man ngag bsgoms pas de nub rang la nyams drod skyes | sngar gyi chos rnams kha phyir ltas byas nas sgoms par 'dug | da lan sems nyid gtan la 'bebs pa'i chos su 'dug snyam pa shar | bla ma'i drung du bshags pa byas [9r] dka' thub dad du bangs nas rtag tu ri khrod bsten te lo gsum song ba dang | slar yang rga lo ba dang mjal nas gdams ngag lhag ma rnams zhus shing | nye gnas dar ma gzhon nu dang 'grogs te | lnga rong brag bla nga dang | rje mo'i sko ba brag phug | mkhar chen brag sogs su bzhugs nas | sgrub pa la gzhol bar mdzad cing | lhag par 'bri nag brag rtsar bzhugs yul gyi gzhi ma bcas te bzhugs pa na | lha sa dang | grib | gnas de nyid kyi gzhi bdag rnams kyi cho 'phrul byung ba zil gyis gnan te dam la btags | slar jo mo sman gcig mas bya mkhar gyi sgrub gnas phul bas gnas der phebs pa na | mgon po beng dmar can gyi sku dngos su bstan te bstan 'gro'i don rgya cher mdzad par bskul ba dang | 'phrin las sgrub par zhal bzhes mdzad pas mgon zhal stengs su grags | klu'i cho 'phrul gyi dug sbrul thon te dug gi kha rlangs kyi 'jigs pa byung bar | bla ma yi dam la gsol ba btab pas dpal rga lo sogs dngos rgyud kyi bla ma rnams nam mkhar byon te | 'di skad du | bu sems kyi rang bzhin gzhi rtsa bral || skye med don la nan tan bskyed || bdag 'dzin gyi rtog pa ma chod na || dus gsum sangs rgyas zhal mthong yang || khyod kyi sems la phan mi thogs ||  zhes gsungs pas thugs nyams 'ur nas zhabs bro mdzad pas | pha bong steng thams cad zhabs rjes kyi knegs pa | dgongs pa khyad par can 'khrungs nas brag rnams mgo zhabs ldog par mdzad pa na | gzhi bdag gis rten skal du 'jog par gsol ba btab pa'i rkyen [9v] gyis | da lta'i zhabs rjes 'gro don mar grags pa 'di nyid slar brgyud 'dzin zhig gi rnyed par lung bstan mdzad pa ltar | gdan rabs bcu pa byang chub dpal bzang pos rnyed |  'di 'ga' zhig tu gdan rabs bcu gcig par 'dren srol kyang 'dug |

de nas dgung lo so gsum du phebs pa na | slob dpon rin po che sgom pa tshul khrims snying po dang mjal nas gdams ngag zhus pas phyag chen lhan cig skyes sbyor gnang | sngon gyi las 'brel bzang ba'i mthus | bsgoms nyams dang | shes rab kyi rtsal skyes | gsung rab kyi tshig don mtha' dag la mkhyen pa'i klong brdol | slob dpon la bogs 'don zhus pas rnam rtog gi blo yin gyi dmigs rten la rtse gcig tu dril zhing | nged kyi 'di byin rlabs la re ba yin gsung ba ltar | snying rus bskyed nas bsgoms pas chos thams cad kyi de kho na nyid skye 'gag gnas gsum dang bral ba'i tshu thugs la 'khrungs nas | 'khor 'das sa lam | 'bras bu | bya byed dang bcas pa'i gzhi rtsa rnams stong par kho thag chod de | sngar rang gi chos gzhan la bshad pa rnams kyang dus thog tu phebs nas dga' drags te | te te yang brdungs | slob dpon sgoms pa la rgyu mtshan zhus pas | bka' brgyud 'dir byin rlabs kyi tshan ka yod | de tsug 'ong ba yin | da 'ur gyis song ba lags gsungs te | rnam rtog ri rang chad der sgral (?) | skye med kyi gnas lugs mngon sum du rtogs pas skye med zhang du mtshan grags |

de lta bu'i rtogs pa gong du 'phel ba'i bogs mang po yang thon | bar skabs shig bla ma 'ol kha ba dang mjal | byang chub kyi sems bcos min 'khrungs shing [10r] de'i bogs kyang thon | ma 'ongs pa'i bstan 'gro'i don dang | lha ldan jo zhal rnams kyi zhabs tog tu bla ma rga lo sogs kyi lung bstan ltar | gung thang dpal gyi gtsug lag khang rten dang bcas pa bzheng bar bzhed nas | nye gnas dar ma gzhon nu rta rgod ma dkar mor bskyon te gtsug lag khang 'debs pa'i sa gros gsungs pa na | nye gnas kyi rtog pa la | yo byad ci yang med pa la gtsug lag khang chen po 'debs pa'i blo rgya byed do snyam nas rgod mas nyin phyed 'khor ba'i sa gras btab pas rten 'grel 'grig | sgrub gnas bya mkhar du nyid kyi sku tshab du 'dra 'bag bzhengs te | phyis des gsung lan gsum byon | 'gro mgon rin po che nyid dang dbyer med pa yin pa'i zhal bzhes mdzad |

gzhan yang bla ma bai ro dang | ngam shod smad pa sogs rtsa ba'i bla ma drug dang | da lta'i bla ma sum cu rtsa gnyis byung ba la | rga lo sogs bla ma drug la gdams pa dang | gzhung gi gsan rgya dang grub pa'i rtog pa mngon du byas shing de dag las brgyud de tshal pa bka' brgyud ces pa'i lugs srol byung khungs rags rim 'og tu 'chad la | de nas gung thang dpal gyi gtsug lag khang gi rtsigs rmang 'ding bar mdzad pa'i tshe chos sku kun tu bzang po yab yum | rigs gzhan yab yum bzhis bskor ba la klu sgrub yab sras sogs brgyud pa'i bla ma dpag tu med pa dang bcas pas | ma 'ongs pa na bsgrub brgyud kyi bstan pa dar ba'i lung bstan dang sa gzhi byin brlabs mdzad cing | rten gtso byang chub chen po sgrub gzhi bca' ba'i tshe | rnam gzigs la [10v] sogs pa'i bde gshegs rabs bdun sman bla bde gshegs 'khor bcas kyis me tog 'thor ba dang | ma 'ongs pa na bsgrub brgyud 'dzin pa dang | tshul khrims rnam par dag pa'i bstan pai srol 'dzin ang po 'byung ba'i lung bstan mdzad | gtsug lag khang rten bcas kyi rgyu dngos rnams kyang | lha klu gnod sbyin sogs kyis phyag thogs med par phul mod kyang | gdul bya gzhan gyi bsod nams 'dzad mi shes pa'i gter du sba ba'i gzhan don rlabs chen po la dgongs te | gzhan gyi skur zhus sogs la ma 'dzems par zhi drag gi thabs du mas gsog par mdzad pas | phyis 'gro mgon nyid kyi zhal nas nga'i 'di gzhan gyis ci 'drar mthong yang | rang ngos nas rang don gyi bsam pa

'dug na gum cig ces pa'i dbu snyung bzhes | mdor na gdul bya dman pa'i snang ngo dang bstun pa'i mdzad pa yang skye bo rang bzhin gyis brjod pa'i yul min pa lta bu dang | gsang ba mchog gi mdzad pa ni | tshul khrims rnam par dag cing lam ma nor ba la nyams len rnam dag byas na gzhan gyi sems shes pa la sogs pa'i mngon shes dang | zad par la sogs pa'i ting nge 'dzin dang | rdzu 'phrul rnams 'byung ba rten 'brel gyi chos nyid yin pas | dper mtshon tsam brjod na dgung lo phra mo'i dus nas rang byung gi rnal 'byor mas sprul pa'i skur lung bstan pa dang | sgrags kyi g.yu brag spyi bur bzhugs dus kyis mtshon phyi nang gsang ba'i sgrub gnas rnams su inda bo dhi | slob dpon klu sgrub sogs dngos dang dag snang gi mi dang mkha' 'gro'i bla ma mang pos byin gyis rlabs cing da lta'i gtsug lag khang rten dang brten par bcas pa slob brgyud kyi gzhan [11r] don rgya chen 'grub pa'i lung bstan mtha' yas pa dang | gnas der phyi nang gsang gsum dkyil 'khor lha tshogs ma dang mkha' 'gro'i tshogs dang bcas pas mgrin gcig tu gsang ba'i rnam thar bdun dang | gsang ba'i mtshan bdun | sgrub pa'i gnas bdun | ngo mtshar can gyi skyes rabs sogs kyi lung bstan dang | bstod pa yang mdzad cing lhag par gzang yul mon gdong gi bka' rgya las | 'brug gi lo dbyar zla ra ba'i tshes brgyad kyi nub mo nam mkhya' las rol mo'i sgra sgrogs pa sogs kyi cho 'phrul byung nas ltas pas ci yang ma mthong te rtsa rlung gi rten 'brel yin nam snyam nas nyal lo ||  der tho rangs su song ba na bla ma la gsol ba btab pas nam mkha' la rje btsun sgrol ma zhal gcig phyag gnyis ma yan lag thams cad ta'i yi ges brgyan pa zhig zhal mjal | brtags pa'i cho ga byas pas yi dam lhar yid ches te ting nge 'dzin gyi mchod pas mchod cing gsol ba btab pas rje btsun ma'i zhal nas | rigs kyi bu nub phyogs su u rgyan rdo rje'i gnas su phyin na yi dam lha las sa bcu pa'i chos thob par 'gyur ro zhes gsungs nas mi snang bar gyur pa na | tshes dgu'i nub mo nyi ma'i zer la 'jus te | sum cu rtsa gsum pa'i gnas dang | nub phyogs su phyin te u rgyan gyi gnas btsal bas ma rnyed par lus pa'i dus su | mgon po phyag bzhi pa dang mjal nas mchod pa phul bas tshar gcod pa'i man ngag gnang zhing | de nyid du he ru ka spyan gsum pa gcig tu sprul te tshangs pa'i gnas phyed da dbang ba yin no byas pas | rgyu skar gyi lha mo nyi shu rtsa brgyad sa [11v] la babs | khye'u chung dar dkar gyi cod pan can dgus | snying po yi ge dgu phul to || tshes bcu'i nug mo rus pa'i rgyan cha lngas sku rgyan nas nam mkha' la rigs ma bcu drug gi 'khor dang bcas te | sa gzhi thams cad g.yo ba tsam gyi cho 'phrul cher bskyed nas | u rgyan du phyin pas rdo rje'i gdan ji lta ba bzhin du mthong | dus der rgyal po chen po bzhis | me tog u dum wa ra mang pos mchod pa byed pa dang dus 'dzoms pas | ltad mo shin tu che | ngas kyang yid las sprul pa'i spyan gzigs dang mchod pa'i bye brag mang po phul lo ||

de nas o rgyan gyi gnas de'i nub phyogs mda' rgyang gang tsam na | 'od dmar po me lce 'bar ba 'dra ba 'dug nas | tsham tshom med par der phyin pa dang | yi dam rdo rje phag mo de g.yung drung 'khyil ba'i gdam la dbu la phag zhal dang | rgyan cha lugs med par bzhugs 'dug pa na | nga'i lus rang dbang med par yi ge hËm dmar po gcig tu khyur gyi gyur nas | bha ga nas yar phyin to ||  sku'i lte ba'i dkyil 'khor du slebs pa na | rigs drug gi gnas thams cad | me long gi gzugs brnyan bzhin du mthong | rang nyid shi ba'i snang ba yud tsam shar | dus der mngon shes dpag med shar nas | snga rabs 'das pa'i bla ma stong rtsa brgyad | da ltar gyi bla ma sum cu rtsa gcig | dus phyis nga rang gis bzhengs pa'i gtsug lag khang dang | lha khang dang | mchod rten dang | de'i bang rim gsum pa'i steng na rang gi lus bsrogs pa la steng 'og bar gsum nas lha klu dri za mi dang mi ma yin sme sngags 'don pa dang | mkha' 'gro chos skyong rnams skad cig kyang mi sdod par brel g.yeng byed par mthong ngo ||

de nas thugs kar phyin pa ni | 'dzam gling dang | [12r] rdo rje gdan | yi dam kyi lha bye ba phrag brgya | gsol ba 'debs mkhan dang gdams ngag zhu mkhan gyi bla ma zhang bye ba phrag brgya brgya mthong ngo ||

de nas mgrin par phyin par | sangs rgyas kyi zhing dang | der sangs rgyas dpag tu med pas chos gsungs pa mthong ngo ||

rang nyid rnam snang du gyur te gdul bya la chos bshad pa snyam byed do ||  de nas spyi bor phyin pa na shes pa nam langs pa lta bu'i nyams shar ba'i rjes la | nub phyogs u rgyan gyi yul ji lta ba dang | padma ra ga las byas pa'i gzhal yas khang gi nang du | phag mo lha bdun gyi dkyil 'khor bkra lam me mthong ngo ||

dus der gtso mo'i thugs ka nas byung ba'i rigs lnga dang lha mo rnams kyi bkra shis brjod cing bum dbang bskur ro || de nas slar yang mgrin pa | thugs ka | gsang gnas rnams su phyin te dbang bzhi thob cing snang srid thams cad yum gyi bha bar bstan cing rtogs so ||

rang nyid he ru ka zhal gcig phyag gnyis par gyur te gsang mtshan mtsho skyes rdo rje zhes bya bar btags nas mchod pa'i lha dpag tu med pas mchod cing | yi dam phag mo'i zhal nas 'di skad du |

dge dang sdig pas ma gos pa'i ||

'dam skyes 'gro ba lnga yi dpal ||

mtsho skyes rdo rje khyed kyi ni ||

grangs med gsum gyi gong rol du ||

sangs rgyas gzi brjid mtha' yas kyi ||

spyan sngar sems bskyed smon lam btab ||

ces bya ba la sogs pa'i dus gsum gyi mdzad pa la bstod cing lung bstan pas tshig gi 'phreng ba snyan pa'i glu dbyangs su brjod pa'i mthar | me tog dmar po zhig tu gyur pa rim gyis mi snang bar gyur to ||

de nas khams gsum [12v] thams cad chu'i sgras khyab pa snyam byed cing | rmi lam de de sad do ||

dus de nas rnam par smin pa'i lus gtor nas skad cig gcig la bye brag phyed ces sgyu 'phrul dra ba'i rang gzugs su gyur to ||  zhes nyams snang yin tshul gyi bsam pa dang brjod pa'i yul las 'das pa'i shin tu gsang bai rnam par thar pa phyi nang gsang gsum gyi tshul du bstan nas | thugs las skyes pa'i sras gcig bu mnyam med shåkya ye shes la gdan sa'i bsko bzhag dang | slob brgyud skyong ba'i bslab bya mdzad de | lo drug lon pa na sku 'bum chen mo'i gang rim gsum pa man chad longs pa'i bzhengs 'phro'i steng du | dgung lo bdun bcu rtsa gnyis pa chu mo glang lor (1193 ce) gzugs sku'i bkod pa bsdus te | sngar gyi lung bstan ji lta ba bzhin gyur to ||

dam pa 'di nyid sangs rgyas gang gi rnam 'phrul yin pa la brjod tshul du ma snang ba las | phyi nang gsang gsum gyi tshul la dpags nas brjod dgos pas | sngon gyi yig tshang dang | dam pa phal cher mthun par gong du brjod pa ltar spyir 'phags mchog phyag na padmo ni dus gsum gyi rgyal ba rnams kyi mdzad pa dang

phrin las mtha' dag gi khur 'dzin pa dang | lhag par gangs can gyi ljongs 'di ni 'phags mchog 'di'i thugs la | khril shing gi lcug phran ljon shing la 'khyud pa bzhin du 'phrin las nyi shu rtsa bdun gyi mdzad sgo gcig tu bsdus te mdzad pa bzhin du mkhyen brtse'i klong nas skad cig kyang mi 'dor bas na | da lta rang cag rnams la dngos su snang ba'i rgyal mchog thams cad mkhyen pa sku 'phreng rim par byon pa 'di nyid kyi mdzad pa'i rnam 'gyur zhig yin zhes lung rigs brgya phrag gis grub pa bzhin yin la | rgyu mtshan de bas na | [13r] skyabs mgon gong ma na rim gyis gdan sa 'di la bsngags brjod dang bdag rkyen che bar mdzad cing | lhag par rgyal mchog lnga pa dang | zur chen chos kyi rgyal po dpal 'byor 'phrin las rab rgyas | khri chen dge 'dun phun tshogs | skyabs mgon bskal bzang rgya mtsho rin po che dang | de nyid kyi zhabs drung rten pa dar han mkhan rin po che dpon slob rnams kyis kyang | bkur bsti dang | phu dud bla lhag tu mdzad pa rnams kyang | 'phags mchog nyid kyi 'phrin las kyi rnam 'gyur yin par go dgos te | 'di dag gi tshul cung zad 'og tu 'chad do ||

+ de ltar dam pa 'di nyid kyi snar bshad pa ltar bshes gnyen dam pa bsten pa'i nang du rtsa ba'i bla ma drug dang | yin nges bzhi | yid bzhin nor bu lta bu gcig || ces pa rnams kyi nang tshan yid bzhin nor bu lta bu ni | dwags bsgoms tshul khrims snying po  | sgam po zla 'od gzhon nu'i gcen po'i sras rje sgam po pa las gdams ngag yongs rdzogs thob nas sgoms pas | nyams rtogs kyi bdud rtsis thugs kyi bum bzang yongs su khengs pa zhig ste | de las sgam po pa'i gdams ngag yongs rdzogs thob cing | nyams rtogs kyi myu gu yang khong la brten nas 'khrungs pas 'gram gyi do med du 'dzin no ||

de cung zad brjod na | lugs srol 'di las bka' brgyud kyi lugs srol gzhan rnams la'ang gdams ngag gi khyab bdal dang | bstan 'dzin gyi skyes bu dam pa mang du byung zhing | bka' brgyud 'di ni rnal 'byor dbang phyug mi la'i lugs srol gtso bor 'dzin pa dang | bod dang bod chen po'i sa'i cha stod smad du spel ba'i skyes bu yang brjod [13v] par 'gyur ba ltar mang du byung bas | gdams ngag gi chu mgo rje lho brag pas bu chen bzhi la 'byung 'gyur lung bstan gyis rmi lam brda sprod kyi mgur las |

gyang du ka chen btsugs pa de ||

gung thang gi mi la ras pa yin ||

ka thog tu rgod po lding ba de ||

kho mi bzhi rgod dang 'dra ba yin ||

rgod rtse sgro mtha' nas rgyas pa de ||

snyan brgyud kyi gdams ngag thebs pa yin ||

rgod tshang brag la bcas pa de ||

tshe srog brag las sra ba yin ||

rgod de la bu gcig byung ba de ||

'gran gyi do med gcig yong ba yin ||

bya phran gyi nam mkha' gang ba de ||

bka' brgyud kyi bstan pa dar ba yin ||

spyan mig gyen du gzigs pa de ||

'khor ba la phyi phyag 'tshal ba yin ||

rgod nam mkha'i thongs su 'phur ba de ||

thar pa'i gling du gshegs pa yin ||

byang rmi lam mi ngan rmi lam bzang |

zhes gsungs shing | rje sgam po pas rje btsun lo lnga bsten nas slar gdams ngag bum pa gang byor gnang nas |

shar sgam po dar gyi ri bo de ||

rgyal po gdan la bzhugs pa 'dra ||

rgyab ri dar dkar 'phyar ba 'dra ||

mdun ri rin chen spungs pa 'dra ||

rtse mo rin chen prog zhu 'dra ||

ri bdun blon po 'dud pa 'dra ||

shing spangs gser gyi mandal 'dra ||

ri de yi mgul na gdul bya yod ||

khyod de ru song la 'gro don gyis ||

bu khyod kyi 'gro don 'grub ste mchis

zhes sogs | dbus su dgon pa'i gnas dang | gdul bya 'phrin las rnams kyi lung bstan dang | zhal gdams rnams gnang ste | der tshogs pa bskyangs pa las mched pa gong du brjod ma thag pa de bzhin dang | mar pa'i dngos slob | rngog me tshul sogs las kyang brgyud pa'i gdams ngag gi rgyu yang yod mod kyang | [14r] 'dir ni yi ge'i ngal bas 'jigs te ma bris shing rags rim tsan mi rim par 'byung bar 'gyur ro ||

da lta ngod (dod?) na stod 'brug | smad 'brug | bar 'brug ces tha snyad byed pa'i lugs dar cha che ba 'di dag la yang lugs srol 'di'i lta sgom gyi tshul nyid gtso cher spyod de | de dag gang las mched pa'i gzhi ni | 'gro mgon rgya ras yin la | rgya ras la bka' drin mchog tu che ba'i bla ma gnyis zhes | zhang rin po che dang | grub chen gling gnyis la 'dzin pa'i phyir ro ||

de yang gtsang pa rgya ras kyis thog mar 'bri khung par chos 'brel tsam byas nas zhang rin po che'i zhabs la gtugs pa na | zhang gi bkas bskul te rab byung dang bsnyen rdzogs mdzad pa'i mkhan po zhang rin po ches mdzad cing | gdams ngag gnang nas bogs kyang legs par thon | skabs der zhang rin po che'i dgongs par rgya ras skyes bu mchog tu gzigs nas ma 'ongs pa'i slob brgyud rnams kyang nyid kyi lugs srol gtsang mar yod par mdzad bzhed nas | zhang rin po ches rgya ras rab tu byung ma thag rgod ma dkar mo chibs nas | rgya gar gyi pan chen na ro pa'i gtsug phud len khan nga min pa bod yul na su yod ces gsungs nas rga rgyugs gtong ba'i bar la | rgya ras kyis 'bri khung pas gnang ba'i zhwa tsog de gyon tshar 'dug par | zhang rin po ches nga'i zhwa bya rgod nam 'phangs gcod pa 'dra ba 'di skon snyam ste rgad po col chung byed pa'i bar la de gyon nam gsungs pa sogs kyi rnam thar ltar ro ||

rgya ras kyi bla ma gling chen ras pa yang zhang gi slob ma yin mod kyang rtsa ba'i bla ma ni phag gru nyid la mdzad do ||

de ltar 'gro mgon nyid la [14v] rtsa ba'i bla ma rnams las brgyud pa'i gdams pa'i tshul yang mang zhing | de mthun slob ma'i tshul kha 'thor ba yang mang mod kyi 'dir de tsam las ma spros la | shes par 'dod na chos 'byung gi yi ge khungs dag rnams lta bar bya'o ||

'dir skabs su babs pa'i 'gro mgon rin po che nyid kyi gdan rabs 'dzin pa'i slob brgyud dang | de dag gi chos srid lugs gnyis kyi sgo nas bstan 'gro'i don du phyag rjes ji ltar byung tshul rags rim tsam brjod 'dod de | de yang zhang rin po che'i mdzad pa'i cha las dgon chags tshul ni | yang dgon ni 'gro mgon nyid kyi gong du brjod pa ltar dwags sgoms kyi bka' ltar lha ldan sprul pa'i gtsug lag khang gi zhabs 'debs su rab byung gsum pa'i shing mo lug lo tshal dang | me mo lug lo gung thang gi gtsug lag khang btab par grags pas | gdan sa dang lha khang de gnyis su nges par 'dra zhing 'gro mgon nyid kyi gdams ngag gis smin grol mdzad cing | 'jam dpal rtsa rgyud sogs las lung bstan pa'i mnyam med shåkya ye shes gdan sar bskos | de ni 'khrungs yul yar 'brog rtag lung gi dgon pa dkar po | sngags rnying ma'i grub thob nam mkha' dang | yum bu mo 'od ldan ma'i sras su yos lor 'khrungs | skya ming shåkya rdo rjer btags | 'bri klog sogs mkhas par bslab | dgung lo bcu gcig la zhang dang mjal | 'dis nga'i bstan pa 'dzin ces pa'i lung bstan dang byin rlabs mdzad | de nas bzung ste rigs kyi sras bzhin bskyangs | gdams ngag gi bdag por gyur | dgung lo bcu dgu la | mkhan po tsis pa gzhon seng dang | las slob slangs pa jo btsun dang | gsang ston [15r] gtsang gsar skos sogs las bsnyen par rdzogs | gcen slob dpon jo btsun sogs la sngags dang | dge bshes rgyal ba sogs bla ma mang po bsten nas mdo phyogs kyi gdams ngag mang po dang bka' gdams kyi chos skor sogs gsan pa mthar phyin mdzad | zhang rin po che'i drung du las slob | khrid gnyer | slob ma skyong ba sogs chos phyogs kyi 'gan dbur thams cad kyi mthil mdzad | dgung lo bzhi bcu'i thog tu gdan sar bskos shing lo drug tu zhang rin po che mya ngan las 'das te | nye gnas dar ma gzhon nu dang mchod yon gyi tshul du sku 'dab dang sku 'bum chen mo'i 'phro dang | gdung khang bkra shis 'od 'bar | mgon khang | lha khang gi khyams smad | thig khang | rgya phubs | gser 'phru dang bcas pa dang | lcags ri nang ma bzhengs pa sogs sku rjes kyi bya ba phal cher mdzad | de nas kyang lo bco lnga'i bar du gdan sa bskyangs te pha shul bus 'dzin pa bzhin mdzad | dngos grub kyi rtsa ba bla ma mnyes par byas pa'i thun mong dang thun mong ma yin pa'i rtogs pa'i bdud rtsis thugs rgyud gdams shing rgya pho ba lung pa sogs lung rtogs la mnga' brnyes pa'i slob ma'ang mang du byung | dgung lo drug cu re gcig pa yos lo rgyal zla ba'i tshes gsum la sku gshegs |

de rjes mnyam med nyid kyi pha spun phyogs kyi slob dpon shes rab ye shes bya ba zhig gi sras byang chub ye shes gdan sar bskos kyang gdan sa lo gsum las ma khyongs par bslab pa babs rjes | rin po che lha phyug mkhar ba gdan sar phebs | 'di ni lo ro dol gyi zhur na lung du sngags rnying ma'i rgyud | gdung rus gzi | yab sangs rgyas skyabs la [15v] lcam sring bzhi yod pa'i tha chung yin | gzhon nu'i dus su rngog mdo sde | gan ba da re | lo ro ras pa rnams bsten | de nas zhang rin po che dang mjal | zhang gi las slob sha mi 'dul 'dzin gyis mkhan po mdzad nas lha sar bsnyen par rdzogs | mtshan nyi zla 'od du gsol | 'gro mgon rin po che lo nyi shu rtsa gcig bsten nas mdo sngags kyi chos skor ma lus pa thob cing byin brlabs zhugs nas rtogs pa mtha' dag longs su rdzogs | ba lam mtha' brag na bzhugs dus phrang gtsangs kyis gdan drangs nas lug lor 'ju bu btab | der lo gsum bzhugs te mtha' brag tu byon glang lor lha phyug mkhar btab | lo bco brgyad kyi bar du bskyangs pas rin po che lha phug mkhar bar grags | rta lo la yang dgon gyi gdan sa dang sbrel nas lo lnga mdzad | khyi lo la khong rang gi nye gnas sang 'bum bskos nas dgung lo bdun cu rtsa gcig pa phag lor lha phyug mkhar du sku gshegs | de'i thugs srs bla ma spyan mnga' ba bsam gtan shes rab | rin ston | bla ma ba lam pa | rtogs ldan brag po che ba | ru thog pa | snang sgom zhig po sogs byon |

lha phyug mkhar ba'i rjes su yang dgon gyi gdan sar rin po che sangs rgyas 'bum phyi lor phebs shing de ni khrungs yul gra'i lho grangs | gdung rus rje | yab lha rad ma'i sras su 'khrungs | mtshan rdo rje 'bum du gsol | dgung lo lnga par zhang rin po che gra phur byon dus yab kyis khrid nas sems bskyed chen mo dang phyis grags mdar dbang chen thob | gung thang du zhang rin po cher rab tu byung nas mtshan sangs rgyas 'bum par gsol | khrid zhus pas rtogs pa khyad par can 'khrungs | dgung lo nyer gsum [16r] pa la bsnyen par rdzogs | gzhan yang slob dpon mgon zhi sogs bla ma mang po bsten sku che'i smad la lha phyug mkhar ba'i slob mar gyur nas gdams pa dang rjes su bstan pa mtha' dag gi snod du gyur te nyams rtogs kyis thugs rgyud brlan | shing pho khyi lor (1214) yang dgon gyi gdan sar phebs nas lo lnga bskyangs | chu stag lo (1242) gung thang du bsgom sde btab | bde mchog gi dkyil 'khor bzhengs nas dbu rtser phul | lha sa'i rags gsos | 'bri stag gi 'khrug pa'i 'dum mdzad pa sogs phyag rjes mtha' yas shing | dgung lo bdun cu rtsa lngar gshegs |

slob ma lha rje dge ba 'bum | ba lam pa | spyan mnga' ba | rtogs ldan 'dag sbyar ba | spos kha ba sogs mtha' yas so ||

'di'i skabs su dgon sde thams cad dar rgyas shin tu che bar yod mod | gdan sa lo gsum las mi mdzad pa'i bla ma'i bka' rgya yod kyang lo lnga'i bar 'gyangs shing | yos lor gdan sa 'khrug nas zur du bzhugs | bar skabs der ti shri ras pas gral dpon tshon tsam mdzad | de ni zhang rin po che gdos par 'khrug pa mdzad dus mjal | zhang rin po ches dgra bo 'di rnams la rdo 'phongs gsungs par | lan gnyis 'phangs | gsum pai tshe nga chos la yongs nas mi bsad du mi rung snyan ste ma 'phangs pas rten 'brel 'phyugs | de'i gnad kyi phyis mi nyag tu hor dmag lan gnyis byung a bzlog gsum pa ma bzlog ||  bla ma rin po cher phyag chen zhus lus gnad dang bcas bsgoms pas | de 'dra ga na dgos 'di tsug byas kyang phyag rgya chen po 'di tsug byas kyang phyag rgya chen po zhes [16v] mda' 'gengs gzhu 'gengs mang po zhig mdzad pas | ti shri ras pa'i rgyud kyi gzung 'dzin gyi 'khru pa zhig | mnyam rjes 'dres | phyis dbang yon byung tshad zhang rin po cher 'bul bar mdzad do ||

de rjes 'brug lor rin po che sangs rgyas snying po gdan sar phebs | 'di ni gtsang nyang stod du yab slob dpon tshul khrims snying po dang | yum bkra shis 'od gnyis la 'gran zla med pa'i sras drug byung ba'i che ba de yin la | dgung lo bcu dgur dbus su phebs | mkhan chen bzad pa dang mnyam med shåkya ye shes kyi drung du rab byung dang bsnyen rdzogs mdzad | 'brug lor (1220) yang dgon gyi gdan sar phebs | khyams stod smad du mnyam med shåkya ye shes kyi gdung rten bzhengs shing | 'phrin las nam mkha' dang mnyam | gdan sa lo bdun mdzad nas khyi lo (1226) la sku gshegs |

de rjes de kha'i sku mched rin po che sangs rgyas gzhon nu gdan sar phebs | 'di dgung lo bcu gnyis la dbus su byon | mtshan sangs rgyas ras par grags shing tshal pa'i chos skor thams cad mkhyen | dgung lo nyi shu rtsa gsum la mkhan po dge bshes jo sras dang slob dpon brag tshab pa gnyis kyi drung du rab byung dang bsnyen rdzogs mdzad |  nyang stod kyi glang lung dgon pa btab | khyi lor (1226) yang dgon gyi gdan sar phebs | rin po che sangs rgyas snying po'i nang rten bzhengs | gdan sa lo nyi shu rtsa gsum mdzad 'ga' zhig tu lo nyer gcig mdzad zer ba yang 'dug | gdul bya 'phrin las nam mkha' dang mnyam pa byung zhing sprel lor sku gshegs |

de rjes de kha'i sku mched rin po che kun dga' rgyal mtshan gdan sar phebs | 'di ni dgung lo bcu la chen po rnams kyi dbus su gdan drangs mkhan po chos rin dang slob dpon rin chen grub gnyis kyi drung du rab byung dang bsnyen rdzogs mdzad | dgung lo nyer gcig la gdan sar mnga' gsol rin po ches sangs rgyas gzhon nu'i nang rten dang phyi rten rnams bzhengs | lha sdings dgon pa btab | yang dgon ka dgu ma'i steng du gser khang mdzad pas | gser khang steng par grags | gdan sa lo sum cu so gsum mdzad | dpal 'byor 'phrin las nam mkha' dang mnyam | gdan sa nyid kyi dbon sangs rgyas rin chen pa la gtad | lo bcu gcig ring zur bzhugs mdzad | dgung lo re gsum la sku gshegs ||

de rjes sku'i dbon sangs rgyas rin chen gdan sar phebs | 'di ni gser khang pa'i pha spun shåkya 'od kyi sras su 'khrungs | dgung lo bcu drug bar dbus su byon | rin po che gser khang steng pa dang | mkhan po rin chen dpal gnyis kyi drung du rab byung bsnyen rdzogs mdzad | mkhas grub kyi bla ma mang po laas rgyud lag len la mkhas par sbyangs | dgung lo bzhi bcu zhe lngar gdan sar phebs | gdul bya dang longs spyod 'phrin las kyang shin tu che | gdan sa lo bcu mdzad nas lnga bcu rtsa lngar dag zhing du gshegs |

de rjes gdan sar sprul sku shåk 'bum byon | 'di ni sngar gyi gdan sa ba slob skyon byung ba byang yes kyi sras ye shes bya ba'i sras su glang lor sku 'khrungs | rab byung dang bsnyen rdzogs mdzad nas dbus su phebs dgung lo sum cu so brgyad la gdan sar bskos | [17v] yi dam lha'i zhal gzigs rdzu 'phrul dang mgnon shes thogs med du mnga' ba des gdan sa lo dgu mdzad khyi lor sku gshegs (1278?) |

de rjes chos rje byang chub bzang po gdan sar phebs | 'di'i gdung rigs ni 'bre ste | 'bre shes rab 'bar dang | gtsang pa 'bre skur sogs bshes gnyen dam pa mang du byung ba'i rgyud las yab sngags 'chang slob dpon yon tan rgya mtsho | yum yang dgon pa'i dbon mo rin chen 'bum gnyis kyi sras su sa khyi lor (1238?) sku 'khrungs | gzhon nu'i dus su mtshan shåkya mtha' yas su gsol |  dgung lo bcu par mkhan po lha dong shes rin pa dang slob dpon snar thang gi mkhan po grags she ba las dge tshul mdzad de mtshan byang chub bzang por bsgyur | mkhan po la thugs bskyed dang blo sbyong sogs du ma dang | sha rkan gyi bla ma grags 'byor la dbang dang me lugs dang tshal lugs kyi bshad lung sogs gdams pa thams cad zhus | dgung lo bcu gsum pa lcags khyi lor (1250) chen po dga' bde yab sras kyis dbus su gdan drangs | zla ba lnga ba'i tshes gsum la 'gro mgon rin po che'i gdan sa chen mor mnga' gsol | de'i phyi lor brtag gnyis gsungs dgung lo nyi shur tshogs pa chen mo'i mkhan po sang rin pas las slob | bsod nams dpal gyis mkhan po bla ma shad na pas gsang ston mdzad de bsnyen par rdzogs | mkhan por 'dul ba mdo rtsa dang spyod 'jug gsan nas 'dug pa'i lung dang phyag len thams cad legs par zhus | bsam sding pa'i bla ma mkhas grub chos rje gzhon nu la ri gong pa'i chos skor zhus | [18r] rje btsun ri bo pa rin chen bzang por rngog pa'i chos skor mtha' dag zhus | rtogs ldan don grub ye shes la zhang gi bka' rgya'i skor mang po zhus te brtag gnyis me lugs dang | 'gro mgon rin po che'i bka' 'bum sogs bshad lung man ngag khrid sogs kyis 'gro don rgya chen po mdzad | yer pa dga' ldan gling gi ri khrod btag chos khri lha khang dang | bla ye phyi nang gsar bzhengs mdzad | bka' rgya ma'i lung bstan dang cha mthun par spyi khungs nas zhang rin po che'i zhabs rjes rnyed pa sogs ngo mtshar can gyi rnam thar bsam gyi mi khyab pa mnga' zhing gdan sa lo bzhi bcu rtsa brgyad mdzad | dgung lo drug cu re gcig la sku gshegs (1299?) |

de rjes spyan snga ba grags pa bshes gnyen gdan sar phebs | 'di ni drung chen smon lam rdo rje'i sras su khyi lor sku 'khrungs dgong lo brgyad pa rab tu byung | rgyud dang lag len la mkhas par sbyangs | spang lo tsa ba dang | lha rdzing ri ba | dpal ldan bla ma dam pa bsod nams rgyal mtshan la sogs pa'i bla ma mang po bsten | dgung lo sum cu rtsa gsum par gdan sar bskos | gdul bya dang 'phrin las nam mkha' dang mnyam | dgung lo re gcig pa bya lo la sku gshegs |

de rjes spyan snga legs pa rgyal mtshan gdan sar phebs | 'di ni ta'i si tu dge legs bzang po'i sras su rta l[o] la sku 'khrungs | dgung lo dgu la dpal ldan bla ma dam pa bsod nams rgyal mtshan dang spyan snga grags pa bshes gnyen gnyis kyi drung du | drung slob dpon pa dang sku mched gnyis lhan du rab byung mdzad | [18v] rgyud dang phyag len la mkhas par sbyangs | dgung lo bcu gsum pa rta lo la gdan sar phebs | gdul bya longs spyod nam mkha' dang mnyam | gdan sa lo nyi shu rtsa gcig mdzad | spyan snga dngos grub rgyal mtshan la gdan sa gtad nas kun spangs chen po mdzad do ||

spyan snga rin po che dngos grub rgyal mtshan ni tre hos dpal 'byor bzang po'i sras su yos lor sku 'khrugs rab tu byung nas rgyud lag len thams cad mkhas par mkhyen | dgung lo bcu gsum pa yos lor gdan sar phebs | gdan sa lo bcu brgyad mdzad | dgung lo so gcig pa bya lo zla ba lnga pa'i tshes nyer lnga la sku gshegs ||

de rjes de kha'i bu slob chos rje grags pa don grub gdan sar phebs | de yan la tshal btab nas lo nyis brgya drug cu rtsa lnga (1440?) | mnyam med rin po che gshegs nas lo nyis brgya nyi shu rtsa lnga song (1432?) ||

chos rje grags don pa'i rjes su stag lo la rin po che bsod nams rin chen gdan sar phebs |

de rjes rin po che nam mkha' bzang po sprel lo la gdan sar phebs |

de rjes thams cad mkhyen pa chos rje rin chen rta lo la gdan sar phebs |

de rjes spyan snga dngos grub pa'i sras rin po che bsod nams rgya mtsho bya lor gdan sar phebs |

de rjes spyan snga agrags pa rgya mtsho gdan sar phebs |

de rjes spyan snga ngag dbang rgya mtsho gdan sar phebs | 'di pan chen bde legs nyi ma'i thugs sras yin zhing | 'di dang zhabs drung bkra shis ba thob mnyam |

de rjes spyan snga bsod nams rab brtan |

de rjes spyan snga skal ldan rgya mtshos gdan sa bskyangs pa'i bar gdan sa bsko rim ma 'phyugs pa byung zhing spyan snga de nyid rab byung bcu pa'i 'gal ba zhes pa sa glang lo (1589) rdo rje grags ldan gyi 'khu ldog la brten glo bur du zhing gshegs |

zhabs phyi grul thub med gshis zur chen rin po che nas sku gdung zhugs 'bul [19r] dang mchod 'bul sogs phyag bstar du mdzad | lhag par yo byad dang dgos cha gang dgos xxx zur chen rang nas phyag 'don dang xxdam gnang nas spyan snga'i gser sku mda' gang ma zhig bskrun te yang dgon du bzhugs su gsol bas gzur gnas mtha' dag gi dad pa'i gsos su gyur | drung chen dngos grub rgyal mtshan bas srid skyangs ba'i bar dge 'dun tshal pa dpon slob la sri zhu mi dman pa byung bas chos srid lugs gnyis gang gi cha nas kyang gzhan la 'gram chu ldang ma dgos shing | de nas rim pa bzhin sde tshugs rnams nyams par ma zad lhag par rab byung dgu pa'i zil gnon zhes pa me rta lo (1546) zla ba bzhi pa'i tshes bco lnga'i dgong mo me shor gyis gtsug lag khang rten bcas kyi bkod pa phal cher bsdus te de yan chad tshal pa'i bstan pa dngos gnas dang de nas gzugs brnyan la spyod pa'i tha snyad byas so ||

lo de ni 'gro mgon rin po ches tshal btab nas lo sum brgya dang don gsum | gung thang btab nas lo sum brgya dang drug cu re gcig song zhing | rgyal dbang bsod nams rgya mtsho (b. 1543) 'khrungs nas lo lnga lon pa'i me rta lo de yin no ||

sngar dus yang dgon khri thog tu tshal gung grwa tshang thams cad kyi khri pa rim par bskos nas | 'dul mngon phyar [phar!] tshad sogs mdo phyogs dang | gur brtag sam gsum sogs sngags phyogs kyi gzhung chen mo rnams dang | phyag chen chos drug | sbyor drug | tshal lugs thun mong ma yin pa'i khrid rim sogs bshad grwa dang | khrid sgrub skor gtong ba dang phyogs phyogs su sgom gra [19v] 'gyed pa sogs kyi phyag len rnam par dag pa yod kyang spyan snga bsod rgyal ba man chad rta ma chag tsam las ma byung 'dra zhing | phyis ni grwa tshang so so'i chos lugs kyang sngar dus ltar ma gnas par 'don chos sgrub dkyil gyi rgyun tsam so sor mdzad cing | so so'i khri thog tu slob dpon gang la ci 'os su byed pa 'di bzhin dang | gdan sa 'di nyid du 'jam mgon bla ma tsong kha pa chen pos thog mar sman pa dkon mchog skyabs kyi drung du gso ba rig pa la sbyangs | slar dka bzhi'i grwa skor mdzad | rgyal ba'i bka' 'gyur ro cog la gzigs rtog gnang nas dag par mdzad pa de las ma phyi byas te 'jam dbyangs gong ma'i rgyal khab tu par du bsgrub | de las phyogs thams cad du 'phel | dus phyis gzhung sa rin po ches kyang de dag gi ma phyi las rgyud de | par du bskrun pa las 'dzam bu'i gling dang gling phran thams cad du khyab | gzhan yang snyan ngag sgra rgyan dang | mngon par rtogs pa'i rgyan 'grel ba dang bcas pa'i rnam bshad chen mo mdzad pa sogs 'khor lo gsum ka'i sgo nas mdzad pa rlabs po che mtha' yas par bstan te rang gi slob rgyud du byin gyis brlabs par mdzad | rje'i dngos slob gsung rab mang du mkhyen pa'i bstan 'dzin chen po brgyad kyi nang tshan rgyal sras bde'i byung bas chos 'khor gling gi 'chad nyan pa mdzad | rje 'bul ba 'dzin pa chen pos kyang 'dul ba'i slab bya dang lam rim sogs legs par gsungs pa'i mthu las gdan sa 'di nas byon pa'i rje'i ring lugs pa chen po byams chen chos kyi rgyal po shåkya ye shes kyis kyang rje thams cad mkhyen par sgo [20r] gsum bran du phul zhing gong ma tå ming rgyal po'i tri shri (ti shri) mdzad nas dbang phyogs kyi rgyal blon 'bangs dang bcas pa zhwa ser bstan pa'i sbyin bdag tu gyur | bshad sgrub bstan pa'i 'byung gnas se ra theg chen gling gis mtshon rgya bod thams cad du dgon sde mang po phyag btab | gsang chen rgyud sde'i mnga' bdag rgyud grwa stod smad sogs gsar du 'dzugs pa'i mthun rkyen 'bad med du sgrub pa sogs sku phreng thams cad du mdzad pa rlabs che zhing 'phrin las nam mkha' dang mnyam | 'bras spungs chos rje 'jam dbyangs dga' ba'i blo gros kyang gdan sa 'di nas yin zhing des kyang gsang phu dang 'bras spungs blo gsal gling gi 'chad nyan pa dang 'bras spungs chos rje'i khrir yar phebs gzhung lugs chen mo'i bshad pa sogs kyi sgo nas bstan pa'i bya brlabs chen po mdzad pas slob ma'ang thams cad mkhyen pa dge 'dun rgya mtsho sogs grangs med pa byon pa bcas rje'i bstan pa la bya ba mdzad pa'i mkhas grub mang po byon pa'i mthu las tshal gung thang gi dge 'dun thams cad ngang tshul rnam par dag pa dang | skyes bu chen po'i chos lugs la sbyar bar mdzad pa'i bka' drin la brten nas tshal gung thang gi sde chen po 'di dge ldan par dkar lam gyis bsgyur ba yin no ||

de ltar 'gro ba'i mgon po de nyid kyi slob 'bangs gdan sar phebs pa'i gong ma de dag gis bshad sgrub gnyis kyi sgo nas rang gzhan gyi don rlabs chen sgrub tshul sogs mdor bsdus brjod zin nas | gzhan yang 'gro mgon rin po che'i [20v] dngos slob ro skam pa chen po ni | klad kyi phur lung byang khang na | gdung rus lo mi | phyug po bkra shis seng ge'i sras gnyis kyi chung ba dgung lo bcu gsum la mkhan po lcags bu ba dang slob dpon mgar la rab tu byung | mtshan nyi ma shes rab | zhang rin po che gra'i 'gyer du dmag la byon pa dang | ngar phug tu phyag phyi la phyin | chal du mkhan po sha mi 'dul 'dzin | slob dpon zhang rin po che | mkhan po bzad pa sogs kyi spyan sngar bsnyen par rdzogs | dgung lo bzhi bcu zhe dgu'i bar du zhang rin po che bsten | yon tan bum pa gang byor thob | zhang 'da' khar lo sgom rang yul du sgomgs gsungs pas | ro skam du 'jag spyil mdzad nas bsgoms | de nas 'bri gung chos rje dang mjal | chos thob sgom zhwa g.yogs | tshogs dung gnang | ro skam du tshogs pa lnga brgya 'du ba'i dgon pa thob gsungs nas | yos lo la ro skam btab | gdan sa tshal gung thang du zhabs tog chen po mdzad | lo nyi shu rtsa lnga tshogs pa bskyangs nas | dgung lo bdun cu pa 'brug lo la 'das de'i gcen po yon bdag 'bum me'i sras rin po che sang rdor ni khu bo dang 'bri gung chos rje | spyan snga rin po che rnams kyi [?] slob ma yin | 'brug lo la dbon sangs rgyas kyis ro skam du bskos nas phyi lo'i bar lo nyi shu la gdan sa byas | dgung lo lnga bcu rtsa brgyad la gshegs | de nas gzhon nu rin po che tshe dpag med du grags pa de yum bskyid 'bum dang | yab dgos pa gnyis kyi sras su 'khrungs | des rang gi khu bo dang | spyan snga rin po che la chos thob | khyi lo la dbon rin rgyal gyis ro skam du bskos | rta lo'i bar lo sum cu so gsum gdan [21r] sa mdzad nas | drug cu rtsa bdun la sku gshegs | de la sogs pa rim pa bzhin du byon pas bla slob rgyud pa dang bcas pa rnams kyis kyang bstan 'gro'i don rgya chen po mdzad do ||

kha rag pa chen po ni | 'khrungs yul grwa' kyis pa | gdung rus kyi | sngags rnying ma pa'i rgyud rnying ma'i chos skor yang mang du mkhyen cing | mched ya gcig yod pa mis bsad pas skyo ba skyes nas | bya lo la 'gro ba'i mgon po zhang rin po che'i spyan sngar tshal yang dgon khra mor byon chos skor rnams zhus shing yung bu gad par dag sbyar lo gsum byas gdams ngag rnams rdzogs par thob | ri'u chung gi rtser slob dpon zhang rin po che dang | mkhan po 'ben thang pa sogs dad pa'i dge 'dun bcu gsum gyi sar rab tu byung nas mtshan dge slong dngos grub bla mar btags | phyis zhang rin po che nyid kyis 'dul ba 'od du btags shing | rtogs ldan nyag po seng ger yang grags | khong gi gcung po bsod nams bla ma dang | bzod ldan bla ma gnyis kyis zhang gi dpe gnyer dang | nang gi nye gnas byas | kho rang rten skya bo'i dus kyi sras slob dpon jo sras grongs nas glo 'bur lhor rten gtso chen mo bzhengs | glang lo la zhang rin po che'i lung bstan gyi kha rag gi ri dgon btab | rting la do bo rir rtogs pa 'khrungs nas khong rang gi dbon po seng ge brtson 'grus zhang rin po che'i drung du rab tu byung zhing 'bul ba chen po skyal ba'i dus na lta sgom spyod gsum kha rag gi nyag po seng ges khyer te gangs dkar ltongs su bros brer ba'i bro brdungs mdzad | bar [21v] skabs su gung thang gi lho sgo dang lcags ri lho phyogs bskrun | sku 'bum chen mo bang rim gsum gyi steng ga yan chad tshar bar bzhengs grogs mdzad | zhang rin po che dang mtha' bzhi dol du 'khrug pa chen po byas pa'i dus su kha rag nyag pos 'khrug pa la byon zhang bla ma de thugs dgongs rdzogs par mdzad | kha rag tu ri khrod btab | shar du bkra shis kun dga' | nub tu gsal stengs | rigs pa | phu stod | do bo ri | byang du kha lung rnams btab | bkra shis kun dgar bhugs dus bde mchog drug cu rtsa gnyis kyi zhal gzigs | sog po dgon par bzhugs dus khong rang gi slob ma rnal 'byor ye shes kyis spyan gsum 'dug pa mthong | do bo rir bzhugs dus thog babs byung ba chos gos kyi thu bar bcug nas phrag par skyur | nags la me chen po mched pa sdig mdzub mdzad pas me phral du shi | kha rag tu char ba 'bebs dus zhang rin po che la gsol ba btab pas zhang rin po che yang dgon ka dgu mar mthong kha la skor ba mdzad kyin kha rag nyag po'i char pa 'bebs grogs byed dgos gsungs pas kha rag tu char chen po babs | cha'o lung du zhang rin po cher dbang zhus dus | bden tshig gi gtso bo de zhang rin po cher dngos su gzigs | kha rag la sku gshegs dus thugs kyi dpal be'u dang | chos gos ma tshig par byon pa gung thang gi khyams stod kyi phyag stong spyan stong gi nang na bzhugs | ljags ma tshig par phat kyi sgra dang bcas pa rnal 'byor jo yes kyi pang du byon pa kha rag gi sku 'bum nang na bzhugs | ring bsrel las grub pa'i rgyal mtshan gcig dang | nang gi yi dam lhan cig skyes pa gcig byon pa [22r] kha rag gi gdan sa ba bla ma spang kha ba'i phyag na bzhugs | khong sku gshegs nas khong rang gi nang rten gser skui nang na da lta kha rag na bzhugs | kha rag pa'i pur sbyong byed dus gnam la nyi ma gsum shar | gshegs pa'i dus na kho bo zhang rin po che'i thugs khar 'pho ba yin gsungs | sku gshegs rting kha rag dbon pos thugs rje chen po bcu gcig zhal bal por bar ma [par ma]  bzhengs su bcug nas khyams stod du gdan drangs te rab gnas zhus tsa na lha sa gung thang gnyis 'ja' tshon gyis 'brel ba byung 'dug | gung thang du sde 'khrug byung dus | chos skyong gi lung bstan byung nas sde 'khrug zhi bar byas | sgom sde yul bud nas | grib mda' gnas gsar dang | lha sa rtse mor 'bros dgos byung dus | sgom sde nub gling sgom sde bar phul | dbang gdams pa zhus | kha rag dbon pos sa dgon btab pa la | don 'brug 'ol | brag cho | do lung | phu stod | spong po mkhar | dbyung | gong bu | gam po dgon pa rnams btab bo ||

gdan sa'i rim pa ni | kha rag pa nas bla ma gzhon nu rgyal mtshan sogs rem pa bzhin du byon pas bla slob rgyud pa dang bcas pa rnams kyis kyang bstan 'gro'i don rgya chen po mdzad do ||

lha phyug pa'i slob ma ru thog pa chen po ni | 'khrungs yul grwa gzar po'i phu | gdung mdzo ri | sku tshe'i stod la grwa'i sde'u sgang du sna ro chos kyi ye shes kyi slob mar gda' | sku tshe'i sgang la lha phyug pa bsten | phyag rgya chen po'i sgom khrid zhus rtogs pa shin tu mtho skad | mal gro ru thog dang | sgang bu dgon gsar btab | ldan lung yang phyag tu byung | khong la slob ma rtogs ldan gsum | [22v] rtag chen du rtogs ldan mtshal pa | za lung du rtogs ldan mdzes pa | rta sga ru rtogs ldan dar bsod do ||

rtogs ldan mtshal pa | ba lam ri khyi ba'i rgyud yin | grwa phyi rtag can dgon pa btab | ru thog pa'i dbon po bsod nams gzhon nu | de la dbon po lha phyug pa dang | slob ma grub thob bla ma seng ge la sogs pa byon |

rtogs ldan mdzes pa'i 'khrungs yul mnga' ris ma pham g.yu mtsho'i 'gram | za 'og gle g.yang chung kha rur | mal gros pa mgon gyi bu 'bring po g.yung drung byin rlabs kyi sras su 'khrungs khyi ra ras pa'i skye bar grags shing | la stod rta sgar mkhan po spug gcer ba sogs la bsnyen par rdzogs nas mdzes pa snying por btags | des rta sga ba'i 'bul ba skyel ba'i zla la glo 'bur shar gyi ganydzir de khur nas dbus su chos 'tshol du 'ong | mal gro sgang bu dgon gsar du rtogs ldan ru thog pa la phyag rgya chen po zhus nas bsgrub pa lo gsum byas pas | nub cig rmi lam na | bud med sma ra khyug ge ba zhig byung nas | zhang rin po che la gsol ba thob | spyi khungs su bgrub pa gyis zer ba rmis pas glo 'bur nub tu sku 'dra la mandal phul nas gsol ba btab pas sngar gyi nyams de kun las lhag pa'i nyams skyes | de nas byang phyi 'brong bu spyi khungs su ri mi 'babs pa lo bcu gsum byas nas | shing mo phag lo za lung btab | slob ma rtogs ldan grwa pa mang du byung | lo sum cur tshogs pa skyangs nas lo bdun cu don dgu 'brug lo la gshegs so ||

slob ma rtogs ldan nam mkha' dbang phyug gis bal yul gangs ra btab | rtogs ldan nam mkha' seng ges gong por sna phu gangs ra btabs pas | gangs ra ba gsum zer | gzhan yang [23r] rtogs dar ma dang | sangs rgyas la sogs bcu gsum gyis kong por dgon pa bcu gsum btab | rtogs ldan dge tsho bas stod ung ko ba brag btab | chos gos nyi zer la bkal | rtogs ldan tsa ri bas lhun grub sdings btab | rtogs ldan nyi zla la sogs pa lngas g.yor phyogs su gangs khrod la sogs pa rnams btab bo ||

rtogs ldan mdzes pa'i nu bo g.yu ru byin rlabs stan gyi bu gnyis la stod nas spyan drangs pa'i gcen de rtogs ldan pa dang mkhan po shåkya bkras ba la rab tu byung | bsod nams dbang phyug tu btags | 'brug lo la za lung gi gdan sar byon te lo bcu bzhir za lung gi gdan sa byas | de nas lha phyug gi gdan sa byas | de'i gcung po yos lo ba gzhon rdor (gzhon nu rdo rje) sbrul lo la gdan sar byon | lo bcu dgu tshogs pa bskyangs | lnga bcu nga brgyad thog phag lo la zhi bar gshegs |

de rjes slob dpon rnam rgyal mdzes kyi lo bcu lnga bskyangs | 'di ni lcam sangs rgyas bskyed (sangs rgyas skyid) kyi sras su sbrul lor 'khrungs | dgung lo zhe bzhi pa glang lo la dag zhing du gshegs |

de rjes de kha'i gcung po slob dpon gzhon nu mdzes gdan sar phebs nas de thams cad kyis chos srid gnyis kyi sgo nas bskyangs | sgrub rgyud kyi bstan pa nyin mo ltar gsal bar mdzad do ||

de dag ni bar tshal gyi byung rabs 'phros dang bcas pa mdor sdus so ||

[subsection on the Upper Tshal school, the Stod Tshal pa]

gzhan yang rta sga'i snang bsgom ras pa zhes grags pa des lha phyug pa'i drung du | sangs rgyas kyi bstan pa la rab tu byung mtshan yang sangs rgyas 'od du btags | khrid bsgrub skor [23v] gdams pa thams cad tshar bar mdzad nas | byang mkhar | spyil skungs (spyi khung) | mtha' brag rnams su bsgrub pa mthar phyin par mdzad | dpal gdan sa ba'i drung du 'ang khrid sgrub skor gyi zhun thar bcad | gdul bya'i 'phen pa la brten nas ti se dang rdzong drug la bsgrub pa la byon | brag skya rdo rje rdzong du thugs dam gyi rtsal sbyangs | rta sga'i dgon pa btab nas sku nub ris la gdul bya'i mthil mdzad grwa pa yang mang du 'dus pa'i dus su | rin po che gdan sa pai drung du | nged kyi dgon chung gcig btab yod pas nged kyi tsha bo jo sras kyi mgo byas btsun pa gsum bzhi ba gcig rdzong bar zhu zer ba'i zhu ba byung bas jo sras dang tshang 'dur ba chen po | bsam gtan rdzong pa | rtogs ldan dar bsod rnams rdzangs pa bzhin slebs nas zla ba gnyis lon pa dang jo sras grong | khong rang bgres nas rtogs ldan dar bsod la khyod kyis dgon pa 'dir sdod dang | sems can la phan thogs pa yong gsungs nas khong gi gdan sar bzhugs | nub ris dang men zhang | pu rangs | dol po | glo bo rnams su 'gro don 'phrin las rgyas | rta sga'i dgon pa yang dar rgyas che | sku gshengs pa'i rjes su | bla ma gzhon nu bas | 'dabs dang phyi rten nang rten rnams legs par bsgrubs shing sngar gyi bu slob tsho dang | go lo kun rdzob rnams su byon nas 'gro don bskyangs | gdan sa'ang dar rgyas mdzad | bla ma gcung po bas kong gshegs pa'i rjes kyi 'dabs dang phyi rten nang rten bzhengs pa dang | sngar gyi bu slob yon bdag rnams kyis skyong bran mdzad | khong gshegs pa'i rjes la slob dpon sangs rgyas bla mas gdan sa [24r] mdzad nas 'dabs dang phyi rten nang rten dang grwa pa bu slob rnams bskyangs | gdan sa yang dar rgyas du mdzad | khong gshegs pa'i rjes la | bla ma shes rab bla mas 'dabs dang phyi rten nang rten grwa pa bu slob rnams bskyangs | gshegs rjes grwa pa bu slob rnams kyis 'dabs dang phyi rten nang rten bzhengs | gdan sar bla ma dkon mchog gzhon nu spyan drangs | bla ma bzang za ra sogs thams cad kyis 'gro mgon rin po che'i 'phrin las la | tshal gung thang | lha phyug mkhar rnams su gsung rab dang | ganydzi ra | nor zang zing 'bul ba mang po skyel ba sogs sri zhu rgya chen po mdzad | tshang 'dur ba chen po de yab kyis dpal gdan sa pa'i drung du chung ngu'i dus nas phul | sku na cher song ba dang | bla ma ba lam pa'i drung du sangs rgyas kyi bstan pa la rab tu byung | mtshan yang tshul khrims seng ge zhes bya bar btags | khrid bsgrub skor thams cad kyis rgyud smin par mdzad cing | de nas rin po che gdan sa pa'i drung du byon nas gzims g.yog mdzad | khrid bsgrub skor gdan sa thams cad gnang nas rta sgar byon te sangs rgyas tshal pa dang | mkhan po sbug gcer ba gnyis las dge slong mdzad | rdzong drug dang spong rgyan gangs kyi ra ba dang | dbang po'i brag rnams su bsgrub pa mthar phyin par mdzad cing | snang sgom ras pa'i gdung khang mtho brgyad ma cig tshong 'dus 'gur mor bzhengs | phyi rten sku 'bum bzhengs nas thugs dam gyi rtsal dben gnas brag dkar la sbyong gin bzhugs dus | khal glang mi | g.yogs mgon po | ston pa be chung [24r] khong yon bdag gsum gyis tshang 'dur gyi lung pa de phul | dgon pa btab | dgon pa'i ming yang lha sdings su btags nas spyan ras gzigs dngos yin pa'i lung bstan la brten nas | snang sgom zhig po zhes par grags | lho nub gung gsum | jo bo sku rgyal gyis cha yan chad gdul bya'i mthil du gyur | 'gro don dang 'phrin las dpag tu med pa la rten skyid grong jo bo'i drung du byon dus btsun pa rnams wa ti'i 'gram la gro debs | ngan long zas med gos med rnams la snying rje skyes nas jo bo pa'i dpon rgyud la | nga jo bo'i drung 'dir tshugs na thug tshul gcig 'dzugs | ma tshugs na phye khal bcu drug yod pas 'dis 'jam grub cig gi thug pa gcig gtong bas khyed kyi sa cha cig g.yar gtong ba zhu zhus pas khong gi thug tshul gyi sa cha rnams phul | dus de nas bzung ste | ji srid 'khor ba ma stongs kyi bar du thug tshul dang ma ni'i rgyun btsugs | jo bo'i dkon gnyer la btsun pa re re bzhag | de nas byams sprin rlung gi kha gnon du byon nas | de'i gnyer pas gzhis phul nas ma ni'i thun btsugs | de nas yang spang zhing bcu dpon gyis mgo byas pa'i spang zhing pa rnams dang | yon bdag sgar ba rnams kyis zhogs phug gi dgon gzhis yul nas dgon pa btab | 'jam dpal dang ma ni'i thun btsugs | bal steng gi bla ma rgyal ba shes rab kyis chos mang du zhus | khong rang gi lto skal gyi sgang du ma ni'i thun btsugs | lar n yon bdag sgun pa shags mun rnams kyis dgon gzhis lung pa | rtswa shing rnams phul | [25r] dgon pa dgun gnas | yon bdag cig gi ma ni'i thun btsugs | gsang ma nas gzhis phul te dgon par ma ni'i thun btsugs | sngags steng nas yon bdag gcig gi gzhis phul nas ma ni'i thun btsugs | dgun bzhugs kyi ring la thug tshul nar mar btsugs | dgun bzhugs thon pa'i rjes la grwa pa thams cad dgun chos su 'dus nas | rgyas 'bring rnam gsum | skyabs 'gro sems bskyed | yi ge brgya pa 'jam dpal rnam 'joms sgrol ma ma ni'i thun khag mang po btsugs nas zhag nyi shu tsam re thun mo che byed | rgyun mdar kag ni'i mchod rten chen po bzhengs | gung thang du yon bdag rin po che mgon gyis gdan drangs nas stad thang gi gtsug lag khang phul | gzhis kyi ma ni'i thun btsugs snyam | yon bdag bsam 'grub kyis gdan drangs | brag shug bsebs phul nas dgon pa btab ma ni'i thun btsugs | tsar du yon bdag blo gros kyis gdan drangs nas sbo mong gi gzhis phul | ma ni'i thun btsugs | phyi yul du mang dkar ba rnams kyis gdan drangs nas yon bdag gi mthil byas | khyu ri dgon pa btab | ma ni'i thun btsugs rta sgar tshes bcu bla brang brtsigs | sangs rgyas tshal pa'i mchod pa zla ba byung ngo cog dang | tshes bcu nar mar btsugs (?) rta sga'i kun mchod ka ba bzhi brtsigs | dkar phibs phub | rta sga bla  yer chos khri brtsigs | sku 'dra bzhengs | zhabs tog dpag tu med pa byas | spug gcer du mkhan po'i phyi brten ma grub par 'dug pas | phyi rten gyi 'bum pa [25v] bzhengs nas phul | dros pa'i yon bdag rnams kyis gdan drangs nas byang chub gling gi dgon pa btab | chos khri thang la chos gsungs yon bdag rnams kyis dgon gzhis phul nas | 'jam dpal dang ma ni'i thun btsugs | yon mchod rnams kyis tshwa tshwa nyi ma lnga re 'debs pa'i dge srol btsugs | sku thang du yon bdag rgyal gyis gdan drangs nas sprog tu dgon pa btab | ma ni'i rgyun btsugs | sa 'gag la khag ni chen po bzhengs | gsum rje gtso ma gling du ban nag gis gdan drangs nas dpag rkyen gyi dgon gzhis phul | dgon pa btab ma ni'i rgyun btsugs | dgon pa dang | brag dkar rta so dbu ma'i rdzong | sman khang | go bo cho rnams su bsgrub pa mdzad cing byang chub sems dpa'i rnam thar gyis sems can gyi don dpag tu med pa mdzad | dgung lo bdun cu'i steng du sku gshegs | pur sbyang dus phyag gi rkang nang la lhan skyes | phyi la spyan ras gzigs | snang ba mtha' yas kyi sku zhun thig las grub pa sor phyed dang do ba gcig | rtsibs ma sor gcig gi steng na khong rang gi sku 'dra zhun thig las grub pa dbu so gtsigs gi (?) pa gcig | thams cad la rgyan dang ring bsrel kha dog sna tshogs pa dang | gzhan yang gdung g.yas su 'khyil ba dang | chos skyong gi sku la sogs pa gdung ring bsrel dpag tu med pa byon pa rnams | phyi rten nang rten gyi thugs khar bzhugs nas gser sku'i drung du mi ma yin gyis mar me phul bas mar me mtshan thub rnams nyin zhag gsum gsum 'bar ba ste | nya stong brgyad gsum dang | khong gshegs dus [26r] kyi tshes nyi shu byung res la 'bar | bla ma dbon gyis 'dabs dang phyi rten nang rten bzhengs pa dang | mchod pa 'dzugs pa | grwa pa bu slob rnams kyis skyong bran rnams legs par mdzad | rtogs ldan brag dkar ba rin seng gis phyis can gyi dgon pa btab | 'gro mgon gyi sku 'dra bzhengs nas de'i thugs khar ye shes mgon po'i sku bzhugs | bla ma rin po che'i mchod pa bzung | rab gnas zhus nas dgon pa'i ming yang phyis can du btags | de nas thugs dang dang 'gro don dpag tu med pa mdzad nas sku gshegs | lha sku ring bsrel dang | sku chos kyis bur gtums pas ma tshig par byon pa la sogs pa'i rtags ya mtshan mang po byon 'dug | grwa pa bu slob rnams kyi 'dabs dang phyi rten nang rten bzhengs mchod pa btsugs |

bla ma bsod dar ba gdan drangs nas | khong gi dgon pa dang grwa  pa bu slob rnams kyi skyong bran dang dge las kyi srol thams cad ma chags par bskyangs | khong sku gshegs te pur sbyangs | grwa pa bu slob rnams kyis 'dabs dang phyi rten bzhengs la mchod pa 'dzugs pa byas |

de nas bla ma bsod nams shes rab kyis gdan sa bzung nas dgon pa dang grwa pa bu slob rnams kyi skyong bran dge legs byas khong sku gshegs nas grwa pa bu slob rnams kyis 'dabs dang phyi rten nang rten bzhengs mchod pa btsugs |

bla ma bzang zar rtsegs rnams kyis tshal gung thang gi gtsug lag khang dang | sgom sde lha phyug rnams su gsung rab rin po che gser gdugs | ganydzi ra | gung mo che la sogs pa'i zang zing gi [26v] 'bul ba bsam gyis mi khyab pa bskyal | mnga' bdag pa yab yum rje blon dang bcas pa rnams dang | sde pa chen po zur bzang gi dpon rgyud rnams kyis | dge legs thams cad kyi zhabs tog bskyangs bran du 'gro ba mdzad nas thugs la btags rin po che gdan sa pa'i slob ma jo btsun sbrad pas stod phyogs la byon | dpal ba me tse'i dgon pa dang | blo smad gtad bla shod kyi dgon pa btab nas dbu ma'i bshad grwa btsugs | sgom sgrub kyis rgyud smin par mdzad nas bal yul du byon | bal por 'gro don chen po byung nas 'phags pa shing kun gyi srog shing 'phags pa klu sgrub kyis btsugs pa'i srog shing brje ba la sing ga nags na srog shing gsum yod pa'i gcig breg nas shing kun gyi srog shing brjes | gdugs bkal | sku dkar gsol | rdo ring btsugs | 'gro don dang 'phrin las dpag tu med pa grub | bal po'i rgyal po dang | 'ba' ro rnams kyis bkra shis sgo mang phul | ras la sogs pa'i 'bul ba dpag tu med pa dang bcas nas yar byon pas | ra sha ma se ru sku gshegs | tshang 'dur ba'i bla ma dpon gyis spur sbyangs | spur sbyongs sar mchod rten bzhengs | gung thang gi dbu rtse chen mor 'jam dbyangs kyi gser sku phul | sgom sder bkra shis sgo mang phul nas | be tse dang khyung brten gnyis ka nas sgom sder 'bul ba na rim bzhin bskyal | zhang nyag 'bri ra ba'i slob mas zhol bu'i dgon pa btab | 'or ma ron gung thang rnams yon bdag tu gyur nas | gdul bya dang 'phrin las rgya chen po byung zhing | skyid grong du'ang 'jam dpal gling | rin po che [27r] spungs pa gnyis kyi dgon pa btab nas | 'or ma'i sa 'gag la kag ni'i mchod rten bzhengs | tshal gung thang sgom sde 'bri ra rnams su bla ma na rim gsum tsam gyis zang zing gi 'bul ba bskyal nas zhabs tog rgya cher byas so ||

bsam gtan rdzogs pa chen pos glo bor bsam gtan rdzong gi dgon pa de btab nas bshad nyan dang sgom sgrub kyis gdul bya bskyangs | lha phyug sgom sde gnyis su 'bul ba rim bzhin bskyal nas tshogs brlabs po che bsags | gdan sa'i zhen pa mos gus chen pos 'gro don dang 'phrin las mdzad | rin po che ba'i slob ma rtogs ldan g.yungs pa bas mi la'i rdzong drug dang ti se la byon | mi la rdo rje phug tu bzhugs nas thugs dam gyi rtsal sbyangs | 'gro don dang 'phrin las dpag tu med pa byung | pu rang rgyal po'i thad sor bzhugs nas | rgyal po yab yum gyi nang gi bla mchod mdzad | dad gus dpag tu med pa la rten nas | sgom sder yang gser gyi 'bul ba bskyal | rgyal po yab yum dang grwa pa bu slob rnams kyis sku gshegs rjes 'dabs dang phyi rten nang rten bzhengs |

de'i rjes la bla ma tshul dar ba yar gdan drangs nas dgon pa dang grwa pa bu slob kyi skyong bran dang | thad sor bzhugs nas rgyal po yon mchod kyi nang gi bla mchod mdzad cing | zhen pa dang mos gus kyis 'gro don dpag tu med pa bskyangs nas gshegs | rgyal po yab yum dang grwa pa bu slob kyis phyi rten nang rten bzhengs |

de nas bla ma shes rab 'phel ba gdan drangs khong gi dgon pa dang grwa pa bu [27v] slob kyi skyong bran mdzad thad sor bzhugs nas rgyal po yab yum gyi bla mchod mdzad | rgyal po yon mchod kyis lo tsha ba rin chen bzang pos bzhengs pa'i gser gyi gtsug lag khang chen po sde dang bcas pa dang gzhi sde'i gtsug lag khang sde dang bcas pa phul nas 'gro don dang 'phrin las dpag tu med pa mdzad nas | zhi bar gshegs pa'i 'dabs dang | phyi nang gi rten rnams rgyal po yab yum grwa pa bu slob dang bcas pas mdzad |

de nas bla ma sangs rgyas 'od zer ba gdan drangs nas dgon pa dang grwa pa bu slob yon bdag dang bcas pa'i skyong bran dang thad sor bzhugs | rgyal po yab yum gyi bla mchod mdzad nas | yab yum dang rje blon rnams la dbang bskur | de nas gu ge rgyal pos gdan drangs nas | gu ge rgyal po yab yum rje blon rnams la dbang bskur mdzad 'bul ba longs spyod dpag tu med pa byung zhing 'gro don dang 'phrin las rgya chen po byung | de nas pu rangs thad sor bzhugs nas sems can gyi don dpag tu med pa mdzad | rta sga ba'i gad pa gser gyi bya skyibs dang | pu rangs nas dgon pa 'ga' yod par gda' | men zhang gi yon bdag byed pa'i bla ri pas btab pa'i dgon pa | ser spangs mkhan pos btab pa'i chos gung | sman khrod | mar lung rnams la'ang grwa pa dang bu slob yon bdag bsam gyis mi khyab pa rnams kyis dgon pa dar rgyas su mdzad cing | rta sgar yang gsung rab kyis mgo byas nor zang zing gi 'bul ba bskyal | tshal gung thang dang | lha phyug tu'ang gsung rab dang nor zang zing gi 'bul ba yang yang bskyal nas [28r] zhen pa dang mos gus dpag tu med pa yod par 'dug ces tshal pa'i deb dmar ls ji ltar 'byung bz bzhin | stod tshal pa'i byung rabs mdor bsdus tsam dang | de dag las kyang slob rgyud dang sgom grwa mang du 'phel ba ste shes par 'dod na sngar gyi chos 'byung rnams dang tshal pa'i deb ther chen mo de'i kha long [kha skong] deb ther mkhas pa'i yid phrog le tshan dang | dgos 'dod re skong ma'i 'grel pa drung chen kun dga' rdo rje'i gsung sogs las shes par bya'o ||  ||

smras pa |

thub gsung grub mtha' rgya mtshor rgya bod kyis ||

rang tshul bgrod byed thabs mkhas mang na yang ||

dpyad gsum sgom 'dris rdzogs pa'i ded dpon ni ||

mar ston blo bzang yab rje brgyud bcas tsam ||

gangs can skyid shod sgeg mo'i mngal gtsang du ||

'phags mchog thugs bskyed sbrum pa'i dngos po gang |

rang gzhan smin grol spangs rtogs rtsal rdzogs pa'i ||

khye'u chung zhang rje'i ngang tshul snying la sdug ||

thub bstan mdo sngags rin chen gal ta zung ||

lha chos nor bu'i zong dang chabs gcig par ||

gangs can phyogs med dbul phongs sel mkhas pa'i ||

yab mes gser mdog zur phud can khyod rgyal ||

rang tshul lung rtogs bshad sgrub rtsal rdzogs shing ||

thabs shes gshog rlabs gomgs pas legs bskyod nas ||

gzhan srol dang khyu'i mtsho mtha' 'grim mkhas pa'i ||

gnyis skyes kun las 'phags te sngon bsags mthu ||

chu shel kha ba'i rdul brtsegs ri bong can ||

sbrang rtsi'i rgyal mtshan rtsa bas bskrun min pa'i || [28v]

legs byas 'gro kun dge dang gnyis med par ||

gtan bde'i rgyu ru bsngo ba snying la brnags ||

zhes bya ba ni bar skabs kyi tshigs su bcad pa'o ||  ||

+ gnyis pa ni de ltar zhang rin po che'i slob rgyud dang bcas pa'i 'khor lo gsum gyi 'phrin las nam mkha' dang mnyam pa'i lugs zung du 'brel ba'i ya gyal | srid skyong tshal pa khri dpon rnams kyi dge 'dun tshal pa dpon slob gtso gyur gyi | mchod yul zhing la phyag rjes mdzad tshul cung zad brjod na |  de yang zhang rin po che'i nye gnas dar ma gzhon nu zhes lha dbang brgya byin gyi sprul pa de nyid ni rab byung gnyis pa'i khro bo zhes pa shing glang lor (1145) ban khos su 'khrungs | rab tu byung nas 'gro mgon rin po che'i phyag phyi mdzad cing thugs sras su gyur | me lug lo (1187) gung thang gi gtsug lag khang dang | khyams stod du byang chub chen po bzhengs pa sogs bla ma ji ltar dgyes pa'i zhabs 'debs mdzad | 'gro mgon mya ngan las 'da' khar sde gtsug lag khang gi bdag por bskos pa bzhin | phyi'i khyams mgon khang dang bcas pa dang | nang du gdung rten bkra shis 'od 'bar | sku 'bum chen mo'i 'phro sogs bzhengs pa dang | dgon ma lag gi dpon slob 'bangs bcas rnams la bkur bsti mi dman pa bsgrub | dpon sa lo nyi shu rtsa gcig mdzad | dgung lo brgyad cu rtsa brgyad (1232) la sku gshegs |

de'i dbon 'byung gnas brtson 'grus phag lo la dpon sar bskos | sde gtsug lag khang la zhabs tog che bar byas | 'di'i dus su 'gro mgon rin po che'i slob ma yar lung pa grags pa seng ges byi ba lo la [29r] glegs bam 'ga' sa ma zhes pa gser srang bzhi bcu yod pa'i gser zhun mas bris pa gcig dang | rtags sku khyad tshar dang | gser 'phan chen mo sogs 'bul ba lan mang po phul | dpon sa lo bcu gsum mdzad cing phag lor gshegs |  (served as dpon from 1232-1245??)

de nas dbon ye shes 'byung gnas la dpon sa bskos | de'i ring la skyid smad kyi srid ma bzhi bu brgyad du grags pa'i yul grong mang po mnga' 'og tu bcug | bstan pa'i dbu brnyes par grags shing | dpal 'byor longs spyod che bar byung | dpon sa lo lnga mdzad stag lo (1254??) la sku gshegs |  (served as dpon from 1245-1249|50?)

de rjes mgar sang rgyas dngos grub dpon sar phebs | 'di'i gdung rus ni dang po lha yul nas chad pa | mgar chen ma dang | cho 'brug | de nas mgar bla mkhyen chen po sogs nas nye bar rgyud chos kyi rgyal po srong btsan sgam po'i chos blon chen po mgar stong btsan yul bsrung gis 'dzam bu'i gling phyed dbang du bsdus | rgya bza' bal bza' dang jo shåk rnam gnyis | byams pa chos 'khor | tsan dan las grub pa'i sgrol ma gsung byon ma sogs rten ngo mtshar can dang | rin po che'i dpyad pa khyad du 'phags pa mang po bod du gdan drangs | 'od du dam pa'i chos dar bar byas te kha ba can pa yongs la bka' drin gyis khyab par mdzad | de nas kyang gdung rabs mang po 'das pa na mgar yang thog rgyal ba la sras rgyal le dang 'phen ne gnyis phyi mas ram pa bzung | dang po grib tu chags de'i sras mgar rgyal ba 'byung gnas kyi zhang rin po che'i yon bdag mdzad | dbang dang gdams [29v] ngag zhus |  gsol ba btab pa bzhin chung ma la sras 'byung bar lung bstan pas shin tu dga' bar gyur nas zhang rin po che grib gser khang du gdan drangs nas kho bo lo lnga bcu lon kyang sngar phan rigs rgyud ma byung | da lan rigs rgyud yod pa 'di la byin gyis rlabs nas thugs rjes bzung du gsol | zhes zhus pas | zhang rin po ches mgar gyi jo mo'i lus la phyag mdzub gtad nas khyod kyi lus 'di la skyes bu yon tan dang ldan pa zhig 'byung zhing nga'i bstan pa la zhabs tog byed par gyur cig gsungs nas dbang bskur | jo mo'i mgo la phyag bzhag nas shis brjod dang bden tshig brjod pa'i mthu las dpon sangs rgyas dngos grub 'khrungs | 'di dgung lo bzhi bcu zhe bdun gyi thog tu dpon sar bskos | de yang bka rgya las | mkha' 'gro ma gcig na re | na ro pa'i bu chen bzhi'i bcud 'dus pa bal po ba tan ta zhes bya ba'i | gtsug lag khang ba ti sde chen zhes pa 'byung | de khyod kyi sprul pa gcig gis 'dzin | de'i dus su bstan pa dar rgyas 'ong zhes dang | nga mya ngan las 'das nas lo dgu bcu go lnga tsam na nga'i bstan pa mdo smad nas dar ba 'ong zhes lung bstan pa bzhin zhang gi dngos slob bla ma yar lung pa grags pa seng ges tsong khar byon go ra dgon mo che btab | rgyal po'i bla mchod mdzad | gu shri rtogs pa yongs su gsal bar mtshan gsol ba des sngar gser 'phan chen mo sogs 'bul ba mang du phul bar ma zad dus 'dir ya nga bkra shis khra ring sogs bsam gyis mi khyab pa'i 'bul ba bstar | yang zhang gi dngos slob gtsang pa dung khur ba dbang phyug bkra shis dpon slob bdun [30r] gyis hor yul du byon nas ri khrod zhig la sgrub pa mdzad skabs | hor gyi ru pas lug rdzi bcol bar nyin gcig shwa 'od chen po byung nas gzhan rnams kyi lug phal cher chus khyer te shi | khong gis chu la dmigs pa gtad pas khong rang gi lug rnams la gnod pa ma byung bas hor de rnams ngo mtshar skyes nas ci yin dris par skad mi go yang nam mkhar bsdigs 'dzub gtad pas gnam la dbang ba yin zer go bar | grags pa dang sku bsod rgyas | 'di'i dus jing gir khang gis rgyal sa byas nas lo gsum bzhi tsam 'gro tshod yin 'dug | de'i gnas tshul rgyal pos thos pas rgyal po'i mdun du bos | 'di rnams mi nyag na yod pa dang cha lugs gcig par 'dug | gnam la dbang ba yon tan che zer nas bdag rkyen che bar byas |

de nas rgyal po la dkon mchog gi bsngags pa brjod pas dad par gyur | rgyal po'i blon po che ba zhig la steng gdon log pa phral du zhi bar mdzad pas rgyal blon gnyis kas lung bzang po dang | 'bul ba rgya chen po phul | hor dang bod ban phrad pa'i thog ma yin | slar mi nyag gi yul du byon | jing gir khang gis rgyal sa byas nas lo dgu pa me mo phag gi lo (1227) la mi nyag gi yul hor gyis bcom | gtsug lag khang mang du bshig | bstan pa nyams smad pa'i tshe bla ma gtsang pas rgyal po'i drung du byon nas las rgyu 'bras kyi chos mang du bshad | sems can gyi bde skyid sangs rgyas kyi bstan pa la rag las pas | sangs rgyas kyi bstan pa la rgyal pos bkur bsti chen [30v] po byed dgos | bstan pa 'dzin pa'i ban de la khral dmag mi 'gel zhing 'thor ba bsdud | nyams pa gso dgos zhes bstan pa gshed bskyed kyi 'ja' sa yang zhus pas bla mas ji ltar zhus pa bzhin gnang ste | bha ti dang mi nyag gi yul thams cad du gtsug lag khang rnams nyams pa thams cad gsos pa sogs hor rgyal pos ban de la 'ja' sa gnang ba'i thog ma yang 'di yin par snang | 'di'i zhor la bon po dang zhin shing sogs kyang khral dmag las thar ba sogs bstan pa rin po che spyi khyab rang la bya brlabs chen po 'grub pa 'di dag kyang zhang rin po che'i 'phrin las yin par nges so ||

rgyal pos kyang bla ma gtsang pa gnam mchod thams cad kyi gral mgor ston |  o go ta rgyal po rgyal sar bskos tsam na[1] sger gyi sbyin bdag za ying se ka (?) yum sras la shwa 'od ral gsum na nga'i chos grogs bla ma gung thang pa'am yar lung pa grags pa seng ge bya ba yod | de spyan drongs la khyod rang yum sras kyi mchod gnas mdzod gsungs nas zhing gshegs | sku 'bum yang gu rum na yod 'dug cing | dngul gyi gdung khang gcig bha tir bzhugs | de nas bla ma'i gsung bzhin bla ma gung thang pa spyan drangs yum sras kyi mchod gnas su bskur | bde mchog gi dbang dang chos skyong gi rjes gnang sogs mdzad |  hor gyi chos zhus pa'i thog ma yin |[2] kho rang gi slob ma rgyal sras go pe las slar rgyal sa thob par mkhyen te | khyed kyi slar rgyal sa thob par 'dug pas de'i dus na nga'i bla ma'i gdan sa tshal gung thang bya ba yod pas de la phan grogs gang [31r] drags dgos pa sogs 'byung 'gyur gyi lung bstan mang po gsungs pas | rgyal bu go pe la lus 'dar chums byas nas bla ma rin po che tshig chen po de 'dra ma gsung | slar dus la babs pa byung na shes pa yin mod zer ba sogs byung |

de nas mi ring bar go pe las rgyal sa thob pa de hor se chen rgyal po yin zhing des rgyal sa lo sum cu so lnga byas | se chen rgyal sar ma 'khod gong nas bla ma gung thang pa sogs kyi bka' lung bzhin tshal gung sde dang bcas pa' bdag bzung dang dge 'dun tshal pa'i bstan pai rtsa ba bzung |  de'i dus su dpal 'byor longs spyod nam mkha' dang mnyam | dbon sangs rgyas dngos grub kyis dpon sa lo nyi shu rtsa bzhi mdzad dgung l[o] bdun cu rtsa lnga la sku gshegs |

de'i sras dpon chen rin rgyal ba sbrul lor 'khrungs | dgung lo nyi shu rtsa gsum la dpon sar bskos | lug (1259?) lo la dbon rin chen rgyal mtshan gyis ban khos pa shes rab 'bum sogs dpon g.yog lnga bcu skor rgya nag tu byon nas rgyal bu go pe la mjal | go pe las 'jangs yul du dmag la phebs pa'i phyag phyir byon pas dmag jus legs shing | dmag nas 'khor phral sprel lo (1260) zla ba dang por go pe la rgyal sar ston | se chen rgyal por mtshan gsol | dpon chen rin rgyal la dngul bre chen gos dar gyi gnang sbyin bsam gyis mi khyab pa dang bcas gung thang gi gtsug lag khang rten dang brten par bcas pa zhig gso'i cha rkyen du | mi sder cha | zhogs | dar yul | spras | 'brom stod smad | glang ra | yer pa | ldan glags ba lam | [31r] lo | byang ji | sri | zhal | byang sgal sde tso lnga | nyab bran | dog bde | stod lung phu mda' | snye thang tsho | lha 'brug gnyis | skul tshing ru | yar 'brog sgang gsum | gra dol gzhung gsum | e gnyal dwags gsum | 'chong ngo rgyas sman | sle'u chung | sgrags | 'phrang po | mkhar chu | zung mkhar | kha rag pa | rab btsun pa | snon | gsang phu | rgya sde | grib la sogs pa yul grong de thams cad mi sde la shes su bcug pa'i 'ja' sa gnang | bya lo (1261) la gung thang du phebs | gung thang gi phyi'i lcags ri chen mo | gzims khang shar | gung thang gi khyams ra chen mo | bskor khang dang bcas pa gsar du rtsigs | rab gnas dang dga' ston rgya chen po mdzad mnga' 'bangs rnams bde skyid sum cu rtsa gsum dang mnyam | dpon sa lo nyi shu rtsa drug mdzad | dgung lo lnga bcu nga bdun glang lo la sku gshegs |

de'i sras dpon chen nyi ma shes rab glang lo la 'khrungs | dgung lo bcu bdun la dpon sar bskos | dgung lo nyi shu la sngar lugs bzhin rgya nag tu 'gro mgon chos rgyal 'phags pa'i phyag phyir byon | btsun gzugs mdzad pas spyan snga nyi ma shes rab tu yang grags | rgyal po shin tu dgyes nas dngul bre chen dang gos dar gyi gnang sbyin dang chabs cig par lha sa dang gung thang gis mgo byas sngar gyi mi sde tshang ma shes su 'jug pa'i 'ja' sa yang thob nas dbus su byon |  gdul bya dang longs spyod nam mkha' dang mnyam dpon sa lo bcu gcig mdzad nas dgung lo nyi shu rtsa bdun yos lo la sku gshegs so ||

de rjes dpon chen rin rgyal gyi sras [32r] dpon chen po dga' bde dpal ba[3] zhes mgon po bya rog gi sprul par grags pa de ni thang yig las |

da lta'i sba mi gsal snang 'di ||

tshal thang bye ma thang zhes par ||

dga' yi ming can dkon gnyer 'byung ||

bstan pa'i dge 'dun zas gos skyong ||

zhes gsal bar lung bstan pa bzhin | 'khrungs pa'i dus su yang sa g.yo ba dang | 'od 'khyug pa la sogs pa byung zhing | yab yum gnyis dang bcas pa ngo mtshar du gyur nas rin po che sangs rgyas gzhon nu la zhus pas | rin po che'i zhal nas | bu chung 'di chos skyong chen po ma hå ka las byin gyis rlabs pa'i gang zag khyad par can yin pas rgyal khams thams cad la dbang bsgyur zhing mthu dpal dang ldan pa zhig yong bar 'dug ces lung bstan nas shin tu mnyes so ||

dgung lo lnga la 'dri klog sogs bslab pas thams cad brda' bstan pa tsam gyis mkhyen | mthu stobs dang yon tan phun sum tshogs pa de dgung lo bco lngar dpon sar bskos | dgung lo bco brgyad la hor yul du byon | rgyal po dang mjal | shin tu dgyes nas dngul bre chen dang gos dar gyi gnang sbyin bsam gyis mi khyab pa dang bcas bod kyi spyi dpon du bskos | sngar gyi mi sde rnams shes su bcug pa'i 'ja' sa gnang nas dbus su phebs | rgyal khams yongs la dbang bsgyur | tshal mkhan po dang srin po ri pa sogs kyis mi sde ma gtad par rgya yul du lan bzhi byon nas mi sde tshang ma blangs | dus der sa skya'i dpon chen kun bzang bas[4] bla ma'i thugs dang 'gal ba byas tshul nye gnas kyi gong ma se chen la phra ma zhus rkyen gyis | zam kha sogs hor dmag gis dpon chen bsad (in 1281) | de yang bya rog rdzong du dmag gi khrims rnga brdung || snying med po rnams gser bye chu la 'pho || zhes dang | 'di dag gi dus dpon chen 'ga' zhig gi byed par brten bod du mi bde ba du ma byung bas | sna thag sas byas hor dmag bod du yong || ngan song zer yang de 'dra'i sdug bsngal med || ces pa'i lung bstan gyi dus babs yin 'dug |

de dang phyogs mtshungs par stag lo la mi chen zam kha ba bod du 'byor bar khri skor thams cad tshogs | zam kha bar lha sa'i nye gnas 'dam ri bas[5] ngan slob byas pa'i rkyen gyis dpon chen dga' bde dpal ba la rtsa ra mang po byas pas | dpon chen po dga' bdes rgya yul du byon | rgyal po dang mjal | mi chen zam kha bas bod du khrims 'gal chen po byas tshul dang | tshal pa dga' bde dpal ba bdag gis gong ma dgos kyi lha khang gung thang gi gtsug lag khang dang jo shåk rnam gnyis kyi dkon gnyer bdag gi nyes pa khab tsam ma byas kyang gzhan pa'i ngan slob la rten nas rtsa ra byas tshul sogs rgyas par zhus pas rgyal po mnyes nas phral du rgyal po'i na bza' 'brug sder lnga ma sogs gnang te khyod nga'i nang mi yin zhes pa la sogs pa'i bka' bzang po phebs kyang zam kha bas dga' bde dpal khrims rar khrid nas gsod par brtsams pa'i tshe steng gos phud pa'i 'og nas rgyal po'i na bza' 'dug pa mthong bas zam kha ba dngangs shing skrag par gyur |  de nas zam kha ba la nag phog ste gsod [33r] sar khrid pa'i gdong du dga' bde dpon g.yog gis byon te kho la snying tshim byas chang drangs nas | nged rang gnyis khyad par shin tu che || khyod ni mi chen zam kha ba || nga ni dge 'dun tshal pa yin || dga' bde dpal | blo bde dpal | skyid pa'i dpal | da lta tshal pa'i dga' bde dpal zhes glu blangs so ||

de ltar tshal pa'i dgon sde'i don du rgya nag la lan bdun byon | mi chen zam kha ba sogs kyi mi 'os pa'i sbyor khyer mang po byas kyang rgyal po'i thugs zin pas dgra zla zil gyis mnan te snying tshim gyi chang dang bshags 'debs byas | de dag gi tshe dpon chen po dga' bde'i phyi rjes su chos bsrung thams cad byon nas 'gal rkyen sel ba rgyal pos gzigs pas ngo mtshar zhing thugs shin tu dgyes | gung thang gi chams sku rnams la lo re bzhin na bza' dang | dngul bre chen ges [gos?] dar sogs gnang sbyin dpag tu med pa gnang | slar bod du phebs khar rgyal pos sngar khyod kyi pha rin chen rgyal mtshan la tshal gung gnyis lung ri gcig gis thum | lha chen la khri rgyab ma zos (?) byas kyang khos ma 'grub | da khyod kyis nga'[i] lha khang gi zhabs tog 'bungs gsungs nas sa mchod kyi 'ja' sa dang dpa' chas sogs gnang ste rgya'i bzo bo mkhas pa dang bcas pa dbus su phebs | 'brug lo la rgya dang bod kyi bzo bo mkhas bsdus bsags te | bar khang chen mo gtsug lag khang gi steng | glo 'bur bzhi | spo khang phyi nang gnyis bcas par rgya phibs bcu gnyis gsar 'phru dang bcas pa | bya 'dabs sgor mo steng gi lha khang [33v] bzhi'i nang na bla med kyi dkyil 'khor rten dang bcas pa | gtso bor rgyal po'i bka' bzhin jo bo byang chub chen por khri dang rgyab yol khyad du mtshar ba bskrun | nub phyogs na gong ma dgos kyi lha khang dang hor gyi chos rgyal rim byon gyi lha khang so sor rin po che'i dpyad pa sogs ngo tshar can mang po dang | gzhan yang dngul dpyad zho stong tsho re dang | gser dpyad zho brgya re | 'gro mgon rin po che'i drung du dngul dpyad zho nyis stong re dang gser dpyad zho nyis brgya re | khyams ra chen mo'i nang logs su grwa mig sum brgya bzhi bcu'i nang na gsung rab 'o ti khri tsho gnyis dang sum stong lnga brgya | lha khang nang ma rnams la gser chos | na bza' sku rags zha mtshungs yod pa po ti sum stong dang nyi shu | phyi'i bla ye chen mo rdo gcal dang bcas pa | sgo khang chen mor rgyal chen bzhi | sgo khra chen mo | de'i phyi na rdo seng gnyis | ka chen gnyis dang bcas pa | sgo dong na cong dang | steng na thig khang | 'khyams phyi nang gi ka ba so sor khrab rmog gri dang bcas pa dang stag lpags res brgyan pa | pha rol gyi rgol ba ngan pa rnams kyi ni mthong ba tsam gyis dngangs shing 'jigs pa | dbus gtsang thams cad na 'gran zla dang bral zhing ngo mtshar che ba'i gtsug lag khang khyams dang bcas pa legs par sgrub ste rab gnas dang dga' ston sogs rgya chen po mdzad do ||

sprel lo la | gsang ne'u thog nas 'jam dpal dbyangs shåkya gzhon nu[6] gdan drangs | chos 'khor gling btab nas mtshan nyid kyi 'chad nyan btsugs | de nas dpal ldan sa skya pa'i chos rgyud rgyas par bya ba'i phyir tshal dbus gling btab | [34r] sa skya shar pa'i dge bshes do ba don grub dpal ldan gdan drangs nas chos grwa btsugs | de nas rwa mo che bzhi sde la bdag rkyen mdzad nas ro skam pa mkhan chen bsod nams shes rab slob dpon du bskos nas 'dul ba'i bshad grwa btsugs | de thams cad legs par tshar bstun | dpon chen pos rgya yul du byon nas rgyal por rgyu mtshan zhus pas shin tu dgyes te | lha khang gi phyogs su ci song gi rgyu dngos su dngul bre chen gos dar gyi gnang sbyin bsam gyis mi khyab pa stsal |  sa skya pa dgos kyi bla ma yin | tshal pa dgos kyi nang mi yin pas brtse ba chen pos skyong ba yin bya ba'i lung bzang po yang thob |  dbus su phebs | thams cad dbang du bsdus | rgyalkhams chen por kha lo bsgyur | 'dod rgu'i longs spyod char bzhin du babs | dge 'dun tshal pa'i bstan pa'i sgron me sngar | phyi'i dgra thul | nang gi mnga' 'bangs rnams byams brtses bskyangs | snyan pa dang grags pa ni 'dzam gling phyogs bcur khyab | dpal phyag na rdo rjes byin gyis rlabs shing chos skyong ma hå ka la dang gnyis su med pa des dpon sa lo bzhi bcu zhe gsum mdzad nas dgung lo lnga bcu rtsa brgyad la sku gshegs |[7]  dgongs rdzogs su gral dbur karma pa rje rang byung rdo rje sogs bla chen dang dge 'dun khri tsho mang por sri zhu dang bkur bsti rgya chen po mdzad |

drung chen 'di'i snga phyi rnams su chos rje spos rgya bas kyang lo gnyis kyi ring la 'gro mgon zhang rin po che 'brel tshad don ldan yin pas [34v] zas nor sogs don car du 'gro bar dgongs | dbus gtsang sogs nas 'bul ba gang byung rnams dang gzhan yang phyag rdzas gang yod thams cad gung thang du drangs t[e] 'dra sku rin po che sogs kyi drung du zhag re la mar khal bco lnga re dang | mar nag zangs zo bcu gsum ma re'i mchod mes mtshon | mchod pa rgya chen po chag med dang | ser rtsi ston mo la yang bu ram st[o]ng tsa nyi shu tsam dgor nas dge 'dun rnams la bu ram khru skor ma'i ston mo dang | bla ma dang mkhan slob rnams la mdzo rta'i 'bul ba bsam gyis mi khyab pa 'bul bar mdzad pas de'i rgyun las de dus kyi bla chen phal cher gyis kyang de bzhin du mdzad de | chos rje bcu gsum pas kyang 'gro mgon rin po che'i bka' drin rjes su dran nas longs spyod rnams de phyogs su gtong bar bzhed de | 'dra sku rin po che dang jo bo byang chub chen po'i drung du nyin re bzhin mar khal nyi shu rtsa lnga re dang | mar nag zangs zo bcu gsum ma'i mchod me sogs mchod pa sna mang po bsam gyis mi khyab pa dang | ser rtsi ston mo la yang bla ma mkhan slob dge 'dun rnams la gsung rab mdzo rta sogs 'bul ba dang | sne bzhag mang po mdzad | de bzhin du chos rje kun dga' seng ges kyang tshal dang gung thang gi bla ma dge 'dun rnams la me byi lo mang 'byed mdzo rta sogs 'bul ba sne bzhag mar lcags 'dres pa khal khri phrag tu long ba phul zhing | dpon chen snga phyi 'di rnams kyi dus su gung thang du bla chen rnams gdan 'dren pa'i tshe dpon chen rnams kyis kyang kya hrags dang bcas chibs bsu dang dang | gser 'phan gzi brjid mtha' [35r] yas dang bkra shis khra ring sogs phyar zhing bkram pa sogs kyi phyag srol bzang po yod par 'dug ||

de ltar dpon chen po dga' bde'i snga phyi'i dpon chen 'di rnams kyi dus su chos srid mnga' thang thams cad gung du dar ba dang | de nas dbon rabs du ma'i bar lo brgya dang bzhi bcu skor dbus gtsang gi bdag po mdzad de | thams cad la pha ma ltar byams pas bskyangs pa sogs mdzad pa rlabs chen po brjod pa'i yul las 'das pa byung ba ni sngar 'gro mgon rin po che'i thugs sras yar lung pa grags pa seng ge dang | gtsang pa dung khur ba dpon slob rnams kyis jing gir rgyal po dang se chen yum sras rnams la tshal lugs kyi dbang dang rjes gnang las 'bras kyi chos dang 'gro mgon zhang rin po che'i sku gsung thugs kyi yon tan mang po brjod pa dang | ma 'ongs 'byung 'gyur gyi lung bstan mang po gnang nas bstan pa rin po che spyi dger dang bstan 'dzin dam pa dge 'dun gyi sde dang bcas par sri zhu dang zhabs tog sogs kyi sgo nas mchod yon du gyur ba'i thugs smon rgya chen po'i sa bon nam yang zad pa med par btab pa'i 'bras bu dus su smin par shes par bya zhing | rjes su yi rang bar byas na dge ba thob mnyam du 'byung ba ni mdo rgyud thams cad las gsungs so ||

des na bla ma yar lung pa dang | gtsang pa dung khur ba 'di gnyis ni zhang rin po che'i slob ma 'phrin las nam mkha' dang mnyam pa'i bstan pa phyogs mthar skyong ba'i dar chen dang 'dra ba yin no ||

dpon chen dga' bde'i [35v] rjes su dpon chen rin chen seng ge ni dga' bde'i sras su stag lo la 'khrungs dgung lo bcu bdun la dbon sar bskos | dgung lo bcu dgu la yang mes kyi lugs srol bzhin rgya yul du byon | rgyal pos rjes su bzung | dngul bre dang gos dar gyi gnang sbyin sogs bdag rkyen mang po thob nas dbus su phebs | mnga' thang longs spyod lha yul dang mnyam | dpon sa lo bzhi mdzad | dgung lo nyi shu rtsa gcig la gshegs |

de rjes drung chen rin po che smon lam rdo rje[8] dpon sar phebs | de ni sngar zhang rin po che la rje 'ol kha bas bla ma khyed kyi dgon pa mthar dpon skyas 'dzin pa zhig 'ong zhing mthar yang chus 'jig gsungs pas | zhang rin po ches de'i dus su yang nga rang yong ste grogs byed pa yin zhes lung bstan pa bzhin | zhang rin po che nyid tshal pa'i bstan srid spel ba'i phyir du bsam bzhin byon par gsungs shing | de ni dga' bde'i sras su sbrel lo (1284) la 'khrungs | mtshan dang dpe byad bzang zhing rig gnas sogs yon tan mtha' yas pa dang ldan dgung lo lnga nas 'dri klog mkhyen | dgung lo nyi shu (1303) la dpon sar phebs | sprel lo (1308?) la yab mes thams cad kyi lugs srol bzhin rgya nag tu byon | rgyal po dang mjal bas shin tu mnyes nas dngul bre dang gos dar sngar gyi mi sde rnams shes su bcug pa'i 'ja' sa ka'u ling | dngul gyi thel ka | gser gyi rgyan dang bcas pa gnang nas dbus su phebs | bsu ba dang dga' ston bsam gyis mi khyab pa mdzad | sde dgon gyi dge 'dun la mang 'gyed dang bcas pa | rta lo (1318?) la [36r] slob dpon chos dpal gyi 'bul ba la brten nas gser 'phan mthong ba don ldan dang | brag lha klu phug gi rgya phibs bzhengs | khyi lo (1322?) la ya rtse rgyal pos gser gyi 'bul ba byung ba bzhin jo bo dang thugs rje chen po gnyis kyi dbu thog tu rgya phibs | 'bum mo che'i ganydzi ra | yab mes kyi nang rten gser sku chen mo dang | phyi rten gser 'bum ngo mtshar can bzhengs nas 'bum mo che'i byang du lha khang rgya phibs dang bcas pa bzhengs | gsung rten bka' 'gyur rin po che bod phyed sum brgya bzhengs nas dbus gling du bzhugs | dar 'bag pa si thu rdo rin gyi 'bul ba la brten nas gser 'phan gzi brjid mtha' yas bzhengs | dgung lo zhe lnga ba sa 'brug lo (1328) dbyar zla dang po'i tshes nyer bdun la jo gdan mkhan chen bsod nams dpal bas mkhan po | yang dgon gdan sa pa byang chub dpal bzang pos las slob | mkhan chen shes rab mgon pos gsang ste ston pa mdzad nas dad pa'i dge 'dun nyi shu rtsa bzhi'i dbus su rab tu byung zhing bsnyen par rdzogs | lho phyogs dpal gyi ri bo btab | tshal du 'od gsal phrul gyi lha khang bzhengs | srid kyi 'khor gsum dbang po'i dpal la 'gran pa dang chos phyogs nas kyang zhang bka' rgyud rnams la gsol 'debs byin rlabs rgyun 'bebs | tshal lugs kyi sems bskyed chen mo | mnyam med shåkya ye shes kyi rnam thar sogs bstan chos kyang grangs med pa mdzad | snyan pa dang grags pa phyogs thams cad du khyab | dge 'dun [36v] tshal pa'i bstan pa dar | mnga' thang de dus su che bar grags | dpon sa lo sum cu so gsum mdzad | dgung lo drug cu rtsa bzhi (1347) la sku gshegs so ||

sngar zhang rin po che rje sgom tshul gyis lha sa'i gtsug lag khang rnam gnyis gtod par mdzad pa bzhin | dpon dar ma gzhon nu khu dbon dang mgar gyi gdung rigs dbon sangs rgyas dngos grub rgyud bcas la 'jags pa bzhin drung chen 'di dag gis gtsug lag khang gi nang du chos rgyal yab yum gyi sku | dpal lha zhi drag gi sku dang gsob | sgo khang phyi ma | sgo bsrungs ma mgon | seng ldeng sgo glegs dang bcas pa bzhengs | phyi'i chu rags sogs sri zhu rgya chen po mdzad pa sogs ni brjod pa'i yul las 'das | de rjes rje btsun 'jam dpal dbyangs kyi sprul pa drung chen kun dga' rdo rje dpon sar phebs | de ni drung smon lam pa'i sras su bya lo (1309) la 'khrungs | dgung lo lnga la 'dri klog mkhyen cing tshal pa'i chos skor thams cad thugs su chud | shes bya thams cad la gzigs pa tsam gyis mkhyen | dgung lo bco lnga pa phag lo la dpon sar bskos | dgung lo bcu bdun la rgya nag du byon | rgyal po dang mjal bas thugs rjes bzung | dngul bre chen | de ni gser srang brgyad kyi rin thang gi tshad | gos dar sogs dang dngul gyi tham ka | gser gyi rgyan dang bcas pa dang | sngar gyi mi sde rnams kyang shes su bcug pa'i 'ja' sa thob nas dbus su byon | bsu ba dang dga' ston bsam gyis mi khyab pa mdzad | rdo gcal chen mo brje ba dang bar bskor gyi gyang [37r] ris rnams mdzad | yab kyi rten gser sku chen mo dang | dngul gdung bkra shis sgo mang bka' 'gyur po ti nyis brgya drug cu bzhengs te dbus gling du bzhugs | ri bo dge 'phel btab | mnga' thang dang dpal 'byor ni bsam gyis mi khyab bo ||  dpon sa lo nyi shu rtsa brgyad mdzad nas gcung grags pa bshes gnyen la gtad | yi dam gyi lung bstan dang rmis ltas la brten sngon nas nye bar 'brel ba'i don zhags pa sangs rgyas rin chen las rab tu byung zhing bsnyen par rdzogs mtshan dge ba'i blo gros su gsol bas don zhags par mkhan chen sang rin par grags | 'dis chos 'khor gling sogs gung thang skor du'ang chos mang du gsungs | drung chen 'di ni sngags dang mtshan nyid | lung man ngag | mdo dang bstan chos thams cad la mkhas shing mkhyen rab phul du byung bas drung chen nyid rang gis sgrigs pa'i bka' 'gyur da lta tshal sgrigs su grags par zhus dag dang rab gnas bu ston rin po che spyan drangs skabs | nga tshal pa dbon po'i kha ya cor dgos pas rang bag ra phyin na mi yong zhes phyag dpe mang po bsnams nas phebs lam sogs su'ang gzigs par grags | chos rje karma pa rol pa'i rdo rje yang gdan drangs mdo sngags kyi chos mang du zhus | sngon gyi skye rabs mang po gsungs pas dad pa thob | zhang rin po che'i bka' 'bum dang bka' rgya rnams phyogs phyogs su 'thor ba thams cad khyon gcig tu sgrigs nas lung rgyun dang dpe rgyun mang du spel bas da lta [37v] zhang bka' 'bum dang bka' rgya'i dpe dang lung rgyun rnam par dag pa thams cad mkhyen pa lnga pa chen po nas rgyud pa bzhin ma chad tsam yod pa 'di dag kyang 'di kho na'i bka' drin yin |  bka' rtsom kyi rim pa'ang gro mgon rin po che'i gsol 'debs dgos 'dod re skong ma'i 'grel pa 'di mdzad | de dus 'gro mgon zhing gshegs nas lo brgya dang drug cu 'das 'dug | gzhan yang yab smon lam rdo rje'i rnam thar | tshal pa'i deb ther chen mo dang | de'i lhan thabs deb ther mkhas pa'i yid 'phrog sogs bstan chos grangs med pa mdzad pa sogs bstan srid la rgya'i skor la thugs 'gan rgya chen po bzhes |  gdul bya dang dpal 'byor longs spyod thams cad nam mkha' dang mnyam | dgung lo lnga bcu rtsa bdun (1364) la sku gshegs so ||

de rjes spyan snga grags pa bshes gnyen ni drung chen kun dga' rdo rje'i gcung po yin dpon sa lo drug mdzad | mnga' thang rgyas par byed rjes yang dgon gyi gdan sar phebs pa yin no ||

de rjes drung chen rin po che tå'i si tu dge legs bzang po ni | drung chen kun dga' rdo rje'i sras su rta lor sku 'khrungs | dgung lo bcu gsum la dpon sar bskos | shar gong ma rgyal po'i thugs la btags | si tu'i mtshan dang dngul gyi tham ka | dngul bre chen | gos dar gyi gnang sbyin | sngar gyi mi sde rnams shes su bcug pa'i 'ja' sa | jo bo byang chub chen por gser rkong ngo mtshar can rnams dus gcig la byung | yab kyi gser sku chen mo dang | gser 'bum gang mang dang | spyan snga grags pa bshes gnyen [38r] gyi nang rten dang | bde yangs kyi gnas brtan lha khang sogs rten gsum rgya chen po bzhengs | ra kha brag dang | rag la sogs par dben gnas btab nas dge 'dun gyi sde mang po gsar du btsugs | rten gsum khyad 'phags can gsar du bzhengs | dge 'dun rnams la yang rgyun dang bus kyi zhabs tog nar mar mdzad | bka' bsrung ma mgon gyi chams sku khyad du mtshar pa ye shes pa dngos su bzhugs pa 'dra ba gsar du bskrun te | me tog mchod pa'i skabs su gos sku'i mdun rdo gcal du gdan 'dren par mdzad pa 'di snga sor rag gi dgon par bzhugs shing | dus phyis chos 'khor gling du bzhugs pa'i lha mgon gyi sku gsob 'di nyid yin par gleng |  mnga' thang dang dpal 'byor nam mkha' dang mnyam | glang lo la tre hos dpal 'byor bzang po 'khrungs | rta lor spyan snga legs pa rgyal mtshan 'khrungs | lug lor drung slob dpon pa legs ldan bzang po 'khrungs | dpon sa o bcu bdun mdzad | 'di'i snga phyi rnams su rgyal sras dngul chu chos rdzong pa thogs med bzang po dang | dpang lo chen po | lo chen byang rtse sogs rim par gdan drangs mas bka' gdams kyi chos skor mang po dang | dus kyi 'khor lo'i chos skor sogss zab rgyas chos kyi 'khor lo rgya chen po skor ba'i sbyin bdag mdzad | de'i skabs sde snod 'dzin pa stong du nye ba dang | khyim pa'i rigs kyang shin tu mang ba bcas par blo gros kyi mig sbyin nas smin cing grol bar mdzad | de gong tsam nas rims [38v] nad chen po byung ba yang de dag gi mthu la brten nas rgyun chad cing | nag chen gyi btson pa mang po yang thar bar mdzad de | si tu nyid rgyal ba'i bstan pa rin po che'i sgor zhugs shing bsnyen par rdzogs nas rag gi dben gnas su bzhugs te sgrub pa snying por mdzad mus | dgung lo lnga bcu rtsa gnyis la zhing gshegs so ||

de rjes tre hos dpal 'byor bzang po dgung lo bcu la dpon sar bskos | gong ma chen po'i thugs la btags | tre hos kyi mtshan dang dngul bre chen gos dar gyi gnang sbyin | dngul tham | 'ja' sa dang bcas pa thob | mnga' thang dpal 'byor che zhing dpon sa lo nyi shu rtsa gcig mdzad dgung lo sum cu so gcig la sku gshegs so ||

de rjes drung slob dpon ps dpon sa mtshon tsam mdzad nas dbus gling ru rnam grol sgrub bzhin bzhugs |

de rjes tre hos dga' bde bzang po dpon sar phebs | de ni tre hos dpal 'byor bzang po'i sras su stag lor sku 'khrungs | dgung lo bcu gcig la dpon sar bskos | yab kyi nang rten gser sku chen mo dang | phyi rten dngul gdung chen mo bzhengs | yab kyi dgongs rdzogs su rje thams cad mkhyen pas lha ldan smon lam chen mo gsar 'dzug skabs | cho 'phrul zla ba'i tshes bcu gsum la sngon sbyin bdag khyad par du 'phags pa rgyal po shun tsi de las sbyin bdag mdzad pa'i nyin bcom ldan 'das kyi sku'i lte ba alas 'od zer byung ba'i sne la sangs rgyas re re sprul pa sogs cho 'phrul ngo mtshar can mtha' yas pa bstan nas lha mi bgrang ba las 'das pa smin grol la bkod pa'i sngon [39r] byung de dang mthun par sbyin bdag mdzad nas dge 'dun rnams dang jo shåk rnams la mchod pa dang ston mo'i ched du rtsam khal phyed sum brgya | mar khal brgya dang nyi shu | bsngo rten du ja sig gsum | thug rdor sha skam khog bcu gcig | gser zho bzhi | mchod 'bru nas khal brgya | me mchod la yang mar sogs dngos chas rgya chen po phul nas bsod nams kyi zhing la longs spyod kyi gter kha sbas | gong ma rgyal po chen po'i thugs la btags | tre hos kyi mtshan dang gnang sbyin sogs sngar mus bzhin thob | drung chen 'di dag gi snga phyir byams chen chos rje yang tshal pa'i gdung rigs su 'khrungs shing | de'i dbang gis se ra theg chen gling btab nas phyogs der tshal pa dpon chen gyis byams pa'i sku brnyan khyad du 'phags pa thog so gnyis lhag tsa, byams khang dang bcas pa gsar du bzhengs te phyag mchod sogs mdzad | mchod chas kyang rgyun tu 'bul ba sogs dang | de nas mtshungs med gung ru ba chen pos[9] kun mkhyen byang 'bum par tshal pa'i byams khang la gtsug lag khang gi gzhi bcas nas grwa tshang 'dzugs dgos kyi bka' phebs bzhin 'dzugs par mdzad pa las ser smad grwa tshang chags tshul sogs ni gzhan du rgyas par gsal | tre hos 'dis dpon sa lo bcu bzhi mdzad | dgung lo nyi shu rtsa lnga la sku gshegs |

de rjes spyan snga dngos grub rgyal mtshan bas slar gung thang gi sde gtsug lag khang dang bcas pa gong ma grags pa rgyal mtshan la phul nas gnyer pa dgyes rgyas mkhan po [39v] phebs pa'i lug lo zla ba bcu gnyis pa'i tshes brgyad kyi nyin gung thang la dmag gis gnod pa byung ba mtshan gung thang btab nas lo nyis brgya dang snyi shu lhat tsam song zhes tshal pa'i deb ther chen mo'i lhan thabs las gsungs shing | de nas kyang gdung rabs bzhi lnga tsam song 'dra yang de rigs kyi yig cha mi snang zhing kun gzigs lnga pa chen po'i sku dus su | yang dgon spyan snga skal ldan rgya mtshos yang dgon gyi khrir bzhugs nas bstan 'gro'i don rgya cher mdzad ste | rab byung bcu pa'i 'gal ba zhes pa sa glang lor (1586) zhing gshegs | mgar stong btsan yul bsrung gi gdung rabs chad pas de phral ston bsdu long med par yang dgon nang so'i sa ris rnams bde chen nas rtsis bzhes pas | rgyus rten bzhengs sogs ni sos ka'i than sprin ltar gyur zhes kun gzigs lnga pa chen pos zur rnam du gsungs 'dug cing | yang 'ga' zhig gi ngag rgyun la zhabs drung grags pa tshe dbang rab brtan tshal pai gdung gi tha ma yin par gleng ba dang | de dang phyogs mtshungs 'dra bar | lnga pa chen po'i rnam thar du ku la'i gos bzang cha par | rab byung bcu gcig pa'i chu bya lo (1633) sa ga zla ba'i tshes bco lnga lla lo snga mar tshal zhabs drung grags pa tshe dbang rab brtan gshegs nas sras rgyud med gshis lo gcig ring sa ris rnams sku rjes su 'jags shing | de nas gzung bzhes thog | gzhis gnyer du brag gdong rgyal phur rdzong brda mdzad nas dge rgyun sngar mus bzhin 'jags gras lo lo bzhin rgyud stod smad gsang sngags mkhar bcas kyi 'jigs byed | [40r] lha sa smon lam chen mo'i gtong sgo | ra che dang gnas chung sogs kyi dus mtshams kyi gsol mchod | zla re bzhin nyer dgu'i bskang gso | dpal lha dang gung thang bcas kyi ri ras (?) brje rgyu | khri khang gi gtong sgo | yang dgon dang chos 'khor gling bcas kyi grwa phogs | yang dgon 'du khang sbug gi lnga pa chen po'i sku brnyan dang gung thang tshe dpag lha khang gi mchod chas dang rgyal mtshan brje rgyu | tshal dgun rim dang me tog mchod pa'i gtong sgo sogs dge rgyun la lo re bzhin 'gro dgos sdom par 'bru khal nyi khri brgyad stong brgya dang bcu gsum | bre drug | phul phyed gsum bcas pa rnams ji srid nyi zla'i snang bas mun pa sel ba de srid du lo lo bzhin gnang rgyu'i skor tshig lhug tu rgyas par gsungs nas | tshigs bcad bar bsdoms su yang |

skyid shod tshal pa'i srid ||

mi gnas gyur kyang rnam dkar dge rgyun rigs ||

nyi ma'i snang bas 'jig rten mun sel bar ||

'jags mtshon dge legs dbyar mtsho'i dpal la 'gran ||

zhes nan tan gsung ba de ltar na zhabs drung 'di nyid tshal pa'i gdung rigs yin 'dra ba dang | zhabs drung nyid rang gi dus su yang gong gsal kyi bstan pa bstan 'dzin dang bcas par sri zhu che zhing | lhag par kun gzigs lnga pa chen po'i 'dra sku rin po che khams gsum zil gyis gnon pa thogs tshad ma bzo dang gzungs rab gnas sogs khyad du 'phags pa sgrub ste dben gnas byang mkhar gyi rten gtsor spyan 'dren pa'i tshe yang rtags mtshan bsam gyis mi khyab cing gnam sgo sogs lam phreng shin tu [40v] dog pa rnams la yang thams cad kyi mthong sar 'dra sku rin po che nyid rang gi 'gul bskyod dang dgyed gug mdzad pa lta bus gang la yang ma thogs par gdan 'dren thub pa dang | de nas rten gtsor mnga' gsol ba na sngar bzhin du sku che zhing drang ba dang | chu zheng gab pa | gzi brjid che ba bcas ye shes pa dngos su bzhugs pa'i rtags mtshan mang du bstan | kun gzigs lnga pa chen po'i dgongs rdozg su zhabs brtan lha khang dug rags pa'i mdun ngos su rdo ring khyad du 'phags pa'i sri'i phu nas 'dren pa'i tshe yang bzo bo dang mkhas pa rnams dpyod can sus kyang rngo ma thogs par lus pa'i tshe | zhabs drung 'di nyid mkhyen dpyod phul du byung ba'i dbang gis gzhan gyis blo gros kyi rtsal las ma mthon pa'i thabs mkhas bla na med pai 'phrul la brten nas tshegs med par skyid chu'i 'gram du khyol zhing | skam po yung nas rdo chen gdung ma lta bu khyad du 'phags pa che rigs don ba rnams kyang chu thog tu rdzings dang de'i sne rnams su g.yag rkyal btags nas gang la yang nye zho med par pho brang chen po'i mdun du khyol ba sogs la mi dbang 'jam dpal dbyangs kyis bsngags brjod 'di ltar mdzad de | der 'dren ma smad rgyal ba'i thugs rje'i 'phrul || skal can rgyud 'phos mthu las che ba'i rdo || ngo mtshar sgrom bus skyid pa'i chus bor yang || ma bying rnam dpyod mthu yis bde bar drangs || zhes so ||

de rigs kyang ngag rgyun tsam ma yin par gnas tshod rang yin tshul dkar chag thar gling rgya mtshor bgrod pa'i gru rdzing sogs su lan mang du gsungs pa ltar thabs mkhas kyi 'phrul ji 'dra zhig la yang chos blon chen po mgar dng ch mthun pa'am de kha'i gdung rigs su 'khrungs pa lta bu'i khyad chos ni mang po zhig yod par sngag (?) [41r] ji ltar yang | yang dgon spyan snga skal ldan rgya mtsho gshegs nas zhabs drung 'di gshegs pa'i bar la lo bzhi bcu zhe bzhi song 'dug ||

yang rnam pa gcig tu na | spyan snga gshegs phral sa ris rnams bde chen rtse nas rtsis bzhes gnang ba dang snga sor gung thang me shor gyi mjug tu gtsug lag khang brten bcas la skyid shod zhabs drung don grub rab brtan dpal bzang pos gung thang gtsug lag khang brten bcas la zhig gso dpangs mi dma' ba sgrub | yum gyi dgongs rdzogs su me tog mchod par 'grems rgyu'i gos sku gsar du bzhengs tshul dga' ldan pa'i gdung rabs rnam thar du gsal ba ltar na | dga' ldan pa dmag dpon bsod nams rgyal po 'di nyid tshal dpon tre hos dga bde dpal ba'i zhabs gras mi chung don rgyal gyi gdung rgyud yin zhing slar dus 'gyur gyi dbang gis phag gru'i bon po gzhis ka spel ba'i zhabs gras byas pa'i rgyud las bdag rkyen rim par thob ste dmag dpon gyi go sa dang cho lo thob |  de nas rim pa bzhin du bde chen du gtogs pa'i chu lho byang dang | lha ldan gyis gtsos skyid shod lho byang gi khrims bdag tu gtan khra dang shel tham gyis chod pa'i dbang gis | de gong zhig nas skyid shod dga' ldan pa dang tshal pa gnyis kyi rgya gcig tu 'dril bas zhabs drung grags pa yang tshal pai gdung rigs min kyang skyid shod dga' ldan pa'i mi ngo zhig yin nam snyam pa las brjod dka' bar snang la | yang deb ther chen mor mi gsal rung lha thabs sogs la gsal [41v] dgos sam snyam pa 'di 'dra zhig kyang snang ste | mi dbang 'jam dpal dbyangs kyi gsung gnas chung dkar chag las | chos rgyal chen po 'di nyid yang dgon gyi gtsug lag khang du gnas bzhin pa dang thams cad mkhyen pa dge 'dun rgya mtsho'i dus su yang dgon nas rta mgo'i rnam par phebs shing chos sde chen po dpal ldan 'bras spungs kyi bsrung ma mdzad tshul dang | yang lcog pa byang dpal ba'i rnam thar mdor bsdus shig tu tshal pa khri dpon don yod rdo rje la | sa glang hor zla dang po'i tshes gsum la dpe har khog tu brlams nas mi ring bar gung thang mes 'jigs | don yod rdo rje dag pa'i zhing du gshegs tshul gyi lung smras pa la brten nas khri dpon gyi phral du rgyal rdzong byas par chu bo'i gzhung nas dan 'bag dmar ser can du phebs | de nas lcog pas rten gsol mdzad tshul zhig kyang 'dug pas de ltar na tre hos dga' bde bzang po nas yang dgon spyan snga skal ldan rgya mtsho'i bar du khri dpon don yod rdo rje zhes pa zhig kyang byung ngam snyam | de ltar skyid shod tshal pa'i chos srid kyi byung khungs dpyad bzod par byas te cung zad tsam bkod pa yin na'ang | 'di skor gyi yig tshang la yang mi mthung pa mang ba bcas rgyas pa ni sngon rabs kyi yi ge khungs ma las shes par bya'o || 

smras pa |

lung rtogs chos kyi nyi ma g.yu brag che ||

gangs can 'dab brgya'i mgon dang dpal gyur tshe ||

srid skyong ku mud zum na mi rung zhes ||

'khor gsum cha rdzogs ri bong can yang shar ||

dge bcu'i lugs smad mi dge'i srol ngan btod ||

'phrog 'joms nor dang gzhan dpal gyis brgyan nas || [42r]

khrel med ngan 'gro'i kha sgor dregs 'gyings pa'i ||

ngang tshul ring nas spangs 'di 'di dag lugs ||

lha dbang dpal yang khengs pa skyungs dgos pa'i ||

lha dbang dpal 'byor gnyis pas brgyan pa yang ||

lha dbang lha yi drang srong mchod pa bzhin ||

lha dbang 'dis kyang lha mi'i zhing mchog mchod ||

tshul de'i dpe zla gnyis par 'gran byed pa'i ||

tshul bzung mgar blon gdung rabs brgyud bcas kyis ||

tshul mthun lugs gnyis gang la'ang bdag dang ni ||

tshul ldan mkhas pa kun kyang bsngags pa'i yul ||

'khor gsum bdog pa dus gsum dge rtsa rnams ||

mtshan 'dzin rang don skyon gyis ma slad par ||

phul byung zhing du bsngo ba'i thabs mkhas kyis ||

dus gsum rgyal kun bzhed pa bskong gyur cig ||

ces bya ba ni bar skabs kyi tshigs su bcad pa'o ||

+ gsum pa gtsug lag khang dgon ma lag dang bcas pa'i dkar chag rgyas par bshad pa ni | de yang 'gro mgon nyid kyi dus su bla ma dang yi dam gyi lha mang pos lung bstan cing lhag par lha ldan jo bo rnam gnyis kyi zhabs debs su gtsug lag khang 'debs par bzhed pa na | da lta'i gtsug lag khang gi thad sor bcom ldan 'das 'khor lo bde mchog gi rten brten pa'i dkyil 'khor dngos su gzigs shing | bzang yul mon gdong gi phug par bzhugs dus rang nyid u rgyan rdo rje'i gnas su phebs te | yi dam gyi lha rnal 'byor ma'i sky'i dbyibs brgyud lte bar slebs pa na | dus gsum gyi shes bya thams cad gzigs shing | [42v] lhag par sngar 'das pa'i dus kyi bla ma stong rtsa brgyad | da ltar gyi bla ma sum cu rtsa gnyis | ma 'ongs pa na rang nyid kyis bzheng bar 'gyur ba'i gtsug lag khang rten dang bcas pa dang | sku 'bum chen mo'i bang rim gsum pa'i steng du rang nyid mya ngan las 'das pa'i sku gdung zhugs 'bul byed pa la rigs drug gi sems can dang | mkha' 'gro chos skyong rnams kyis mya ngan dang | mchod pa byed pa rnams kyi 'byung 'gyur gzigs par ma zad bka' rgya ngar phub ma las | ngas klu mo la chos bshad pa dar ma gzhon nus mthong nas rin po ches | lha | klu | mi thams cad la chos gsung bar snang bas rang re'i dgon pa'i gzhi de gang du mdzad zhus pas | ngar phug gi klu mo des | rin po che bstan pa'i gtso bo yin | khong bstan pa'i bdag po yin pas zhib tu gsung bar zhu zhes zhus pa dang zhang rin po ches nga'i gdan sa skyid shod kyi tshal rta mo rar rgyas par 'ong | der ma zad jo bo rnam gnyis kyi zhabs tog tu gtsug lag khang dang rten phun sum tshogs pa gcig gung thang dpal le'i phyogs su 'ong | bdag po khyod kyis byed | de'i rgyu mtshan nga lo bco lnga lon tsam na gnas bdun gyi lha dpal 'bar dbang phyug zhal mthong bar | da lta rang lha mthong ma ran bar chad yin nam snyam nas slob dpon rngog ston la zhus pas | 'o khyod kyi sgo spyad kyi thos pa sogs byas pa'i yon tan yin | ngas brtag gis gsungs nas | gtsang chab ldan na sbra cig 'dug | de'i nang nas khyi dkar po gcig rgyugs nas byung | da srang khar slebs | da khyim du slebs gsung ba dang | nga'i shes pa [43r] 'gyur nas khyim de lha khang gcig tu song ba sogs kyi lo rgyus yod | gtsang chab kyi klu des rin po che'i khang pa blos mi khyud pa'i nang na rin po che dbang gi rgyal po dang bsam 'phel gyis gtsos rin po che bsam gyi mi khyab pas mer gyis khengs par byas nas | nga klu rgyal gtsug na rin chen gyi bu mo yin | rtogs ldan byang chub sems dpa' khyod kyi yon bdag ngas byed pa yin | mkhar nag klu btsan nga'i ming po yin | smin drug mtsho'i klu mo nga'i 'og ma yin | ngar phug klu mo chung shos yin zer nas nga la de dus gtsang chab klu mos bod kyi rgyal khams thams cad rgyal srid sna bdun sogs rin po che mang pos bkang nas phul | khyad par gtsang chab nas | nas la sogs pa'i chu mig rdol nas |  ngan lam lung pa ral gsum grib dang bcas pa mer gyis khengs nas ma shor bar lhud lhud lud pa las dbus gtsang ru bzhir ma shong bar mi nyag phyogs su chil gyis song nas klu mo na re | 'gro ba'i don du thugs bskyed nas | grangs med mang por tshogs bsags pa'i || dus gsum sangs rgyas sras gcig pu || bstan pa'i bdag po khyod nyid la || deng nas bzung ste dus mtha'i bar || dgongs pa thams cad nga yis sgrub || rin po che gzigs dang 'di tsug 'ong ba yin zer nas rta mo ra'i tshal du yang dgon skor sa dang bcas pa | nag tshang dpon khang la sogs pa dgon pas mer gyis gang ba la lcang ma dang lcags ri zlum por bskor ba | gung thang du gtsug lag khang blo 'bur dang bcas | [43v] mgon khang | sgo skyibs gnyis | rgyal sgo'i 'gram gnyis na lha mgon gnyis | gzims chung chos spyil dang bcas pa dang | dpal lha las babs pa'i lugs kyi sku 'bum dang bcas pa rnams lcags ri gru bzhis bskor ba dang bcas pa bstan nas | rin po che gzigs dang da gdod 'di ltar mdzad pa yin mod zer te nga la bstan nas yod pas | nga'i gdan sa dngos de tsha ba gru'i byang shar mtshams su 'ong ba yin | phyis gtsang chab ldan nas chu hub re 'thung na longs spyod dang ldan | bskal par nor sgrub byas pa bas lhag gsung ngo || zhes pa ltar gyi nyams snang gis bskul zhing | gnas kyi gzhi bdag dang klu rgyal gtsug na rin chen gyis sa gzhi phul te ma 'ongs pa'i slob rgyud rnams la klu dang sa bdag gi gnod pa mi 'byung ba dang | dgos 'dod 'du ba'i dam bca' phul ba sogs la brten | yang dgon gu dbon slob rnams sde snod gsum dang rgyud sde bzhi la bshad sgrub byed pa'i dgon gnas dang | sa phyogs 'di nyid du gtsug lag khang 'khor sa dang bcas pa | pho brang dbus ma'i khyams stod ka ba bzhi bcu dang | khyams smad ka ba sum cu so bzhi | steng brtsegs ka ba bzhi bcu ste khyon kha brgya dang bcu bzhi | pho brang dbus ma glo 'bur bzhi | rgya phibs bcu gnyis bya 'dab 'khor yug | rgyal mtshan sogs mdzes byed kyi rgyan dpag tu med pa | gtsug lag khang lte ba'i byang chub chen po'i pho brang gi ka ba bcu gnyis yod pa rnams tsan dan sha stag las byas pa | gong du bshad pa ltar byang chub chen po'i sku brnyan | rin po che'i phung po bzhu ba'i rgyu las grub cing | [44r] dpangs 'dom dgu pa sprul sku'i cha byad can lta bas chog mi shes pa | gong ma se chen rgyal po'i bkas bskul te | chen po dga' bdes bzhengs pa'i seng khri dang rgyab yol mu khyud gsum pa | 'phrul ris ngo mtshar can gyi spras pa la bla ma rgyud pa dang sangs rgyas byang sems mang po'i sku dang bcas pa sogs bsam pa'i yul las 'das pa dang | nang zhugs su gser gyi rgyas 'bring bsdus gsum de bzhin gshegs pa'i ring srel dpag med sogs mtha' yas pa dang | g.yas g.yon gyi ka khongs so sor yang dngul gyi byams pa dang kha sar pa ni sogs sku dang gdung rten gtso 'khor shin tu mang ba | de'i g.yas kyi lha khang la 'gro mgon nyid kyi thugs dam rten bde mchog drug cu rtsa gnyis kyi sku blos blangs dang bcas pa bzo khyad phul du byung ba dang | g.yon phyogs kyi lha khang du thub pa'i sku khyad 'phags shig gis gtso byas pa'i zhi khro'i lha tshogs dpag tu med pa dang | khyams stod kyi nang logs su'ang rgya bal gyi bzo las grub pa'i sku che chung dang | bka' 'gyur ro cog dang bstan 'gyur sogs gsung rab skya chos pod nyi khri sum stong lnga brgya kun dga' ra ba grwa mig dang bcas pa | gzhan yang lha khang nang ma so sor gser chos na bza' dang sku rags sogs zhe mtshungs po ti sum stong dang nyi shu bcas khyon gsung rab po ti bzhi khrir nye ba[10] | khyams stod kyi glo 'bur nug mar 'gro mgon rin po che'i sku brnyan mthong ba don ldan la chos skyong nor lha sogs kyi bskor ba dang glo 'bur [44v] shar mar 'gro mgon rin po che'i gdung rten bkra shis 'od 'bar mar grags pa sogs bris 'bur gyi sku che chung dpag tu med pa dang | lho'i glo 'bur gyi nang du thub pa chen po'i sku khyad 'phags can tho bco lnga'i tshad tsam la g.yas g.yon du zhang rin po che'i sku sogs che chung dpag tu med pa dang | khyams smad kyi nang gi ka khongs rnams nas zhal nang gzigs su | spyan ras gzigs dang byams pa 'jam dbyangs sogs sku dang glegs bam dpag tu med pa | shar lho'i glo 'bur la bka' bsrung yab yum gyi sku shin tu gnyan pa gtso 'khor sogs dang | gtsug lag khang gi nub ngo kyi steng du hor gyi chos rgyal rim byon gyi lha khang dang | khyams stod smad glo 'bur dbu rtse | 'khor sa rnam skyi gyang logs phyi nang du sangs rgyas byang sems mang po'i mdzad pa dang | 'khrungs rabs | bla ma rgyud pa mang po dang | zhi khro'i rnam 'gyur gyi sku sogs brgyud ris dang | sku ris dpag tu med pa de dag la yang 'gro mgon rang nyid dang gong ma se chen rgyal po | tshal pa'i dpon rabs rgyud pa dang bcas pa | mnyam med shåkya ye shes | gtsang pa dung khur ba | yar lung pa grags seng | lha phyug mkhar ba | kha rag pa sogs slob ma yang slob dang bcas pa dang | sbyin bdag brgyud bcas rnams kyis phul ba'i spyan gzigs sa rgyan | gnam rgyan | ting mchod rol sogs nyer dpyad dpag tu med pa dang lha khang spyi khyab dang so sor rgyan dang dus kyi mchod sogs kyang gdan rabs kyi bla ma dang | sbyin bdag mang pos btsugs nas rgyun chags su xxx xxx mtha' yas te | thams cad bkod [45r] pa ngo mtshar ba dang rjes su yi rang gi zhing phul du byung bar 'gyur yang | yi ge mang po ni mgo nyog gi rgyu dang | nyung ngur ni 'dur yang mi 'dod pas re zhig bzhag go ||

de lta bu'i pho brang 'khor sa dang bcas pa'i phyi rol na | nang gi gle 'bur gyi dbyibs dang mtshungs pa'i lcags ri dang | mtha' skor gyi khang bran rnams 'khor ba'i lcags ri chen mo bskor ba'i nub ngos su | zhang gi sku 'bum chen mo zhes grags pa sri gnon 'bum pa sogs kyis bskor ba dang | chos khri lho nub dang bla ye phyi nang mgron khang che chung gnyis | skye shing gis bskor ba'i bye thang chen mo zhes bya ba | da lta lha sa'i gsung chos rwa ba ltar gdan rabs rnams khri 'don dang | dus mchod che chung gi tshe tshogs 'du byed pa dang | de'i 'dab chags su khroms 'dus tshogs sa sogs yod la | zhang rin po che'i mjug tu gdan rabs gcig gnyis kyi bar du | yang dgon tshogs pa dang phyogs 'dus rnams 'dir tshogs nas chos thog dus mchod sogs byed pa las | gzhis grwa dngos med kyang tshal pa'i dpon thog lnga pa rin chen rgyal mtshan dang | gdan sa ba sprul sku sangs rgyas 'bum gnyis mchod yon gyi tshul gyis chu stag lo sgom sde gzims khang shar pa 'di phyag btab nas chos srid lugs gnyis kyi sgo nas legs par bskyangs | de rjes de kha'i dbon rin po ches gdan sa lo nyi shu rtsa bzhi bskyangs | de rjes sang 'bum phyi mas lo gnyis | bla ma gzhung pas lo gnyis bskyangs | de rjes rgyal srid shåkya rgyal mtshan pas gdan sa lo nyi shu rtsa lnga [45r] mdzad cing 'phrin las che | de nas dbon rin po che'i gnag dpon tshul khrims gzhon nus lo bzhi bcu bar chos srid lugs gnyis kyi sgo nas gdan sa legs par bskyangs pas drin can pa zhes thams cad kyis bsngags pa'i me tog 'thor ba'ang byung |  'di yan la gdan rabs gsum pa dang bzhi pa gnyis kyi lo bzhi bskyangs pa las lo dgu bcu lhag tsam gyi bar sprul sku sangs rgyas 'bum dang nyid kyi dbon rgyud rnams kyi legs par bskyangs pa bcas sprul sku sang 'bum 'di nyid dang | de'i skye phreng zur chen rin po che gnyis ni spyir tshal pa bka' rgyud dang lhag par sgom snga ba 'di la ni bka' drin mtshungs pa med pa'i gnas su shes par bya'o ||

gdan sa 'dir spyir na dam pa'i skyes bu grangs med pa byon nas byin gyis rlabs | khyad par dpal ldan sa skya'i khri gdung 'dzin pa'i bdag chen rin po che ngag dbang kun dga' blo gros yang yi bdag chen phal cher gyis zhabs kyis bcags shing zab chos mang po stsal | lhag par mgon po bsod nams mchog ldan lan du mar phebs te yun ring du bzhugs nas mdo sngags kyi zab chos rgya chen po stsal | zur chen rin po che gdan sa 'dir bzhugs skabs shig 'od gsal du mi ras jang gu'i ang rag gyon pa rgya dang sma ra dkar ba lag du rkang dung khyer ba zhig byung nas mgon po bsod nams mchog ldan 'di sngon kha che dharma pa la dang | tshar pa chos rje gzims khang shar gyi bla ma sogs kyi skye ba yin zhes gsung ba sogs dang | yang mgon po bsod nams mchog ldan gdan [46r] sa 'dir bzhugs skabs | las mgon gyi 'dzin gtor btsugs pa 'jigs par nye ba na gsar du brje ba'i sta gon gyis rnying pa bton shul du gtor snod bdud rtsi khengs pa mchod dpon 'jam dbyangs rgyal mtshan dang zhwa lu shes rin pa gnyis kyis longs spyod rgyu byung ba bcas grub rtags mang du bstan pa sogs kyi sgo nas byin gyis brlabs pa'i gnas khyad par can yin no ||

chos 'khor gling ni | dpon chen dga' bde dpal bas | spre'u'i lo la gsang ne'u thog nas gsang phu'i gdan rabs bcu drug pa 'jam dbyangs shåkya gzhon nu gdan drangs te | chos 'khor gling gsar du btab nas phar tshad sogs mtshan nyid kyi bshad grwa btsugs nas gdan sa lo drug mdzad | de nas gsang ne'u thog gi gdan sar phebs te gdan sa la nyi shu rtsa bdun mdzad | de'i ring la mkhas pa chen po blo gros mtshungs med | phyogs las rnam rgyal | e ba rdor gzhon | rgyal sde ba gzhon nu seng ge | chos rje karma pa | rtogs ldan grags pa seng ge la sogs pa mkhas shing grub pa brnyes pa mang po smin cing grol bar mdzad | chos 'khor gling du mkhas pa shˆkya gzhon ba'i rjes su chos rje don grub dpal gyi stag lo nas rta lo'i bar lo bzhi bcu zhe gcig gi ring mkhas pa'i bya ba gsum gyis gdan sa legs par bskyangs te slob dpon chen po dkon mchog seng ge | jog po ba | kun mkhyen shes rab rgyal mtshan | mkhas btsun chen po blo gros bzang po | slob dpon shes rab 'phel | smra ba'i skyes mchog bso dnams dpal | slob dpon [46v] dka bzhi pa | slob dpon chos mchog | mkhas btsun ri khrod pa sogs sde snod gsum gyi don a blo gros kyi pad tshal rgyas shing sa'i steng 'dir nyi ma dang zla ba ltar grags pa'i mkhas grub bgrang ba las 'das pa smin par mdzad | de rjes chos 'khor gling gi gdan sar thugs sras dam pa kun mkhyen shes rab rgyal mtshan phebs nas gdan sa lo bcu bzhi mdzad cing | yos lo nas mkhas btsun blo bzang bas gdan sa lo bcu gcig | de rjes bsod nams dpal bas gdan sa lo bcu | de rjes slob dpon chen po kun bzang pas gdan sa lo nyi shu rtsa gnyis | de nas rgyal sras bde 'byung bas gdan sa lo bco brgyad mdzad | 'di ni rje thams cad mkhyen pa'i thugs sras gsung rab mang du mkhyen pa'i bstan 'dzin chen po brgyad kyi ya gyal yin |

'di'i dus su snyigs dus kyi thams cad mkhyen pa ye bzang rtse ba [yid bzang brtse pa?] sogs mkhas pa grangs med pas gdan sa 'dir grwa skor sogs mdzad | de nas chos rje chos kyi shes rab | bshes gnyen dpal ba | rin shåk pa sogs mkhas grub kyi phreng ba tshar du dngar ba gdan sar rim pa bzhin byon | 'di dag gi snga phyi ci rigs par pan chen byams pa gling pa bsod nams rnam par rgyal ba'i sde sogs gdan sa 'di nyid nas thon pa'i mkhas grub nam mkha'i skar tshogs lta bus yangs pa'i sa chen po 'di mdzes par byas shing 'di nyid gsang phu gling smad pa'i le lag yin no || dus phyis ni chos khri lho lcog pa sogs dang gcig tu byas te sngar gyi tshogs 'du'i sa mtshams 'dzin pa tsam mo ||

+ tshal dbus gling ni | zhang rin po ches [47r] tshal 'debs pa'i thog mar dbus gling du gzims chung zhig bzhengs nas yun ring bzhugs pa de la slar dpon dga' bde bas sa skya'i chos rgyun rgyas par bya ba'i phyir sa skya shar ba'i dge ba'i bshes gnyen chen po rdo rje [?] don 'grub dpal ldan du grags pa'i sems dpa' chen po de nyid gdan drangs nas phyag btab ste sa skya'i phyag len rnam par dag pa'i sgo nas lo shas bskyangs | de nas khong rang gi nye gnas dge ba'i bshes gnyen rin chen dpal bzang gdan sar phebs | de nas sems dpa' chen po shes rab bzang pos gdan sa bskyangs | de nas bla ma sangs rgyas rgyal mtshan | de nas chos rje sangs rgyas dpal gyis bskyangs | de rjes si tu dge legs bzang po'i sras drung slob dpon pas lo nyer gsum bzhugs shing bskyangs | de rjes bla ma nam mkha' shes rab kyis lo bcu gsum gdan sa mdzad | de rjes mkhas pa byang chub bzang pos gdan sa lo gsum | de rjes mkhan rin po che blo mchog pas mkhan tshang dang dbus gling gnyis ka sbrags nas lo drug mdzad | de nas kyang mkhan rgyud 'ga' zhig song mtshams slar rje thams cad mkhyen pa yab sras rnams kyi bka' drin la brten nas dge ldan par gyur | de nas yar pa ba byams pa yongs grags sogs mkhan rabs mang po bar ma chad du byung | khyad par se ra rje btsun chos kyi rgyal mtshan ser byes mkhan por bzhugs pa'i skabs nas bzung ser byes mkhas mang grwa tshang kyang gdan sa 'dir yang yang chos dbar bteg | de'i dus su se ra rje btsun par [47v] rje thams cad mkhyen pa'i zhal gzigs yang yang byung zhing | 'chad nyan bshad sgrub ches cher 'phel | gtsang dus su gdan sa 'di karma par phul na | karma pa'i chos dbar bteg pa dang dus mtshungs byung bar | rje zhal snga nas don yod dpal ldan pa'i dgongs par karma pa rnams dbang shugs btsan pa'i stabs kyis | 'chad nyan 'phel ba zhig rang mi 'o rang ma snyam pa'i thugs dogs byung nas re zhig chos dbar mdzad rgyu then pa'i dgongs pa gtad par mnal lam du | gung thang gtsug lag khang gi sgo khang nub kyi logs ris la bzhugs pa'i mgon po beng gi sku brnyan des beng rgyug gis g.yabs te khyod rang chos dbar bteg chog ces gsung ba zhig byung bas | de lo rang 'chad nyan 'phel bar byung | dus phyis nged la tshal gung gi chos bsrung 'di rnams mnyes pa'i rtags mtshan mang du byung bas | tshal du chos sgyur ba grwa tshang 'phel ba sogs legs tshogs shin tu che ba byung zhes rje btsun pa'i rnam thar las byung ba dang | yang dung dkar ba don grub rgya mtshos lha ldan du zhig gso rgya chen po mdzad skabs 'gro mgon rin po che'i gdung rus 'khrul me dbus gling zhal snga nas ngag dbang chos kyi dpal 'byor bas rab gnas dang | bde mchog dkar po | tshe dpag med | phyag rdor | mgon po phyag bzhi pa sogs kyi bka' dbang mang po gnang nas thugs yid gzhig tu 'dres pa sogs kyang byung | dus phyis gdan sa 'di la phyag rjes bla na med pa ni dpon slob dpal bzang po yin la | de ni grong mchog tu sku 'khrungs gzhon nu'i dus su grib rdzong btsan pas dpal bzang po zhes pa'i [48r] mtshan gsol nas | 'di bstan pa la byin rlabs chen nus pa'i gang zag khyad par can yin pa'i lung bstan sogs mtha' yas pa'i sgo nas bsngags brjod mdzad | mi ring bar se rar thun tsam bzhugs te yig ri sogs la slob sbyong mdzad | de nas 'bras spungs su bzhugs re zhig bar bla ma rigs grwa ba rnams kyi zhabs 'ded pa rnam par dag pa sgrub | de dag gi tshe yang sdom pa gsum gyi bcas mtshams rnam par dag pa gzhir bzung ste | bla ma rigs grwa ba'i sku chas gras nas dus gcig rtsis rgyag phyogs kyi dbang gis dngul zho gang nged rang la thal med dam snyam pa'i blo mi bde ba zhig tshe 'dzug par byung zhing | de la dmigs phugs pa'i bshags pa'ang nyin re bzhin byed kyin yod | de min sdom pa gsum gyi bcas mtshams gang gi thad la yang sna ngag pher ba yod zhes dngos su gsung ba sogs bsam brjod kyi yul las 'das pa'i rnam thar bzang por mchis | rigs grwa ba'i zhabs 'debs skabs phan yul rag ma rdzong la yun ring bzhugs dgos byung skabs | las byed sbrel po nas mi ser la mnar gcod mang po byad pa gzigs pa'i rkyen gyis bla ma rnams la dgongs pa nan zhu mdzad nas sku chas gang yod thams cad rnam 'dren rgyal ba'i dbang po tshangs dbyangs rgya mtsho dang | kun gzigs pan chen chos kyi rgyal po blo bzang ye shes sogs bla ma rnams dang | 'bras spungs tshogs chen sogs la 'bul ba dang mang 'byed sogs gnang nas sku lus lan bza' tsam ma togs ma 'byar bar sgo rtsam la zad [48v] len byed pa'i bya btang gi brtul zhugs bzung ste | thang sag rin po che dngos grub rgya mtsho la mdo sngags kyi chos skor mtha' yas pa zhus shing brtson 'grus dang dka' spyad | kha rag sgom chung pa ltar mdzad nas | 'jigs byed gcig pu'i bsnyen pa yang bye ba song shing | slar mdo sngags gzhung lugs rab 'byams kun la shes rab kyi snang ba skad cig re la rgyas | zhang bka' rgyai chos skor la sgom sgrub mdzad skabs tshal sgang chos spyil du bsnyen mtshams yun ring du mdzad pas 'gro mgon rin po ches gtsos tshal pa bka' rgyud kyi bla ma rnams zhal gzigs shing | rdzogs rim gyi rtogs pa mngon du gyur | lhag par dbus gling 'di grwa tshogs chung ba sogs nyams rgud shin tu che bas 'du khang dang grwa shag sogs thams cad 'gyel zhig kho nar gyur par | rje 'di par bgres song grwa dmangs rnams blo rtse gcig dril gyis gsol ba btab pa bzhin zhal gyis bzhes te 'du khang shag bskor dang bcas pa dang | gtsang khang sbung (?) tu mchod rten khyad 'phags dang zhang bka' 'bum gyis mtshon gsung rab po ti yang mang du bzhengs | tshal dus su bzhengs pa'i mgon po'i sku dang | drung chen smon lam pa yab sras kyi bzhengs pa'i bka' 'gyur pod lnga brgya lhag tsam dang | do pa don 'grub dpal ldan gyi sku brnyan khyad 'phags can dang slar sngags grong sgrub sde nas gdan drangs pa'i gser bzang li sku mang po rnams kyis gtsos rten rnying rnams la yang zhig gso dang | gser chab snyan shal sogs mchod 'bul rgya chen po dang | gtsug lag khang rten bcas rnams la [49r] yang rgyud grwa stod smad tshogs yongs dang | dga' ldan khri rin po che sogs gdan drangs nas rab gnas kyang mang du gnang ba'i mthu las gdan sa 'di nyid dar rgyas su song |

de nas phan yul du mtsho kha dang | 'di phyogs su ri skya sdig 'joms sam dga' ldan me tog thar pa'i gling zhes grags pa sogs kyang gsar du 'debs pa dang yun ring du skyong ba sogs mdzad | sku tshe'i mjug tu sngags grong du sgrub sde gsar du btsugs nas rgyal ba'i bka' 'gyur ro cog gi lung gsan | de dus se 'bras rgyud pa bcas kyi dge bshes bstan pa rin po cher bya ba nus pa sum cu skor la lo ngo bzhi'i ring zhabs tog sogs mdzad | lung rdzogs nas kyang bla ma dang chos zhu ba so sor go babs kyi 'bul ba dang sku yon sogs rgya chen po mdzad nas bstan rgyun la phan par mdzad | gsung rtsom gyi rim pa yang bka' 'gyur gyi dkar chag | bla ma rang nyid kyi rnam thar | zhang rin po che'i gsol 'debs | slab bya'i rigs mang po | 'dod gsol dang smon lam gyi rigs mang po | ja mchod kyi rigs mang ba sogs mdzad | da lta'i 'don rgyun snang ba mtha' yas rgyal ba'i gtso || grub pa'i dbang phyug kun gyi mgon || 'gro ba'i mgon po g.yu brag pa || ye shes bdud rtsis dgyes par mdzod || ces pa 'di yang rje 'di gsung du snang |  rje 'di'i mtshan la da lta phan po rnams kyis ni mtsho kha dbon slob dang | 'di phyogs su dbus gling dpon slob dpal bzang por grags kyang mtshan dngos ni blo bzang lhun grub zer ba yin no ||  [49v]

de ltar rje 'di'i 'phrin las kyi rgyun las dar rgyas su yod mus la | dpon slob ngag dbang yon tan du grags pa'i grub pa'i dbang phyug chen po des | gdan sa 'di lo bzhi bcu skor bskyangs | dam pa de ni mdo khams phyogs su sku 'khrungs 'bras spungs blo gsal gling du gzhung lugs la sbyangs | blo gsal ging gi dbu mdzad thog nas rnam 'dren rgyal ba'i dbang po blo bzang bskal bzang rgya mtsho 'gar thar du phebs skabs zhabs phyir khas len byas nas phebs | zhabs 'debs su ha cang 'gyur ba'i bdag rkyen du so so'i blo la gang yod kyi dgon rdzong sogs 'dam rgyu byung skabs rje 'dis gdan sa 'di ga rang gsol ras zhus | de skabs gzhan dag nas rje 'dir dgon pa 'di las yong babs che ba zhig zhu br mi mdzad par zhes zhus skabs | rje 'dis rgyal dbang thams cad mkhyen pa sngon rgya gar du rgyal po dza zhes pa zhig gi skye ba bhes dus ngas rgyal po'i mdzod pa byas te | ser sna'i dbang gis gtong sgo rnams la ji bzhin ma byas pa'i rkyen gyis yun ring por ngan song du skyes | de nas grub thob thang stong pa'i skabs su lug shig pa zer ba'i shin tu dbul ba zhig tu skyes | de nas kyang dbul po sha stag tu skyes shing | da res las phyug par ma skyes pa lta bu yin bas | nged rang la dpags na dgon pa 'di yang ches skyon lta bu yod gsung ba sogs sngon gnas rjes su dran pa zhig yin 'dug || 

yang nub re bzhin dbus gling gi rgyal sgo shar gyi lho zur gyi rgyal mkhar chung ngu zhig yod pa der chang bu re gnang nas | 'di dbus gling gi bla ma zhig rgyal 'gong du skyes pa yin tshul [50r] gsung ba sogs bsam gyis mi khyab pa'i rtogs pa dang ldan tshul mang po yod cing | ji ltar kyang gdan sa 'di dang le lag bya mkhar gnyis la ni dpon slob 'di'i dus su 'dus tshogs ha canag 'phel rgyal che zhing bshad sgrub 'chad nyan 'phel ba sogs brjod pa'i yul las 'das pa dang mthar mdzad pa tha ma'ang gdan sa 'di nyid rang du bstan to ||

bar zhgi tu gzhung lugs rgya mtsho'i mnga' bdag dge ba'i bshes gnyen chen po byams pa blo bzang nas gdan sar phebs te chos dang 'jig rten gnyis kyi sgo nas bskyangs | de skabs sngar gyi shag skor dang ra b sogs chud skyon gyis me tog mchod pa'i deb la sogs kyang shag skor gyi phyi'i lam srang zhig tu byed dgos bcas thugs kyis ma bzod par gzhung sa rin po cher snyan gsol thog shag skor sogs lho nub so sor rgya bskyed rgyu'i dgongs bzhed gtad pa bzhin 'di kha'i grwa rigs phyag mdzod 'phrin las chos 'phel zhes gang cir rnam dpyod 'gran zla dang bral bar ma zad | gdan sa 'di kho rang (?) la thugs bskyed shin tu che ba sku mched ltos bcas rnams kyis thugs 'gan rgya chen po bzhes te shag skor sogs gsar rgyag dang | dge 'dun rnams 'phel rgyas kyi thabs sgo gang zag | dbyar dgun so sor yang chos grwa tshogs nas 'don chas mtshon bsgribs lam thams cad la do dam gang drag mdzad pa'i rgyun da lta'i bar snang la | sdom brtson gnas brtan chen po dge slong ngag dbang dar rgyas kyis kyang bstan pa'i rtsa ba so sor thar pa'i phyag len rnam par dag pa [50v] gso sbyong sogs gsar du btsugs | de dag dang gzhan yang sman bla sogs kyi gtong thebs kyis mtshon chos dang 'jig rten gnyis kyi sgo nas dar rgyas su 'gro ba'i thabs tshul rgya mi chung tsam byas pa sogs mdor bsdus tsam bkod pa yin no ||

de rnams ni spyi dger tshang ma'i sngar gyi byung rabs tsam mdor bsdus te bshad pa yin la | des na da lta'i gtsug lag khang yang sngon dus kyi de dag las rnam pa kun nas 'gyur te | sngar byung ba rnams la yang gong ma'i yig rnying mang po snang ba rnams kyang rgyu mtshan mthun mi mthun ci rigs 'dug cing | rgan rabs kyi ngag 'gros kyang mi mthung pa mang ba bcas brjod dka' bar snang la | thang yig las | me mo phag la yar klung khrims dmag 'byung || tshal pa'i bstan pa dpon rabs bdun gyi rjes || zhes pa ltar gyi lo khams sogs ni thad kar byung ba'i bar skabs med 'dra zhing ji ltar yang gung thang btab nas lo nyis brgya dang nyi shu rtsa lnga lcags rta lor gung thang la dmag gi gnod pa chen po dang | de nas lo brgya dang bzhi bcu ba me lug lo (1547? usually said to have happened in 1546) me shor chen mo byung bas mtshon snga phyi rnams su khri dpon so so yang rang rang gi mnga' thang gis chog mi shes par 'thab 'khrug mang po zhig byung bas | de dag gis mtshon spyi dger gyi rnam smin gyi 'bras bu bdo ba'i dbang gis dge 'dun tshal pa'i 'khor lo gsum gyi bya ba dang | srid skyong zhabs drung yab sras kyi mnga' thang yang je 'grib la song nas | de la brten nas rten gsum 'di dag la yang rim 'grib byung 'dra'o ||

skyid shod zhabs drung bkra shis rab brtan (the one active in 1680's?) gyis gung thang gtsug lag khang [51r] rten brten pa thams cad nyams zhig bzod dka' ba thugs kyis ma bzod par | de dag zhig gsos rnam par dag pa mdzad de | 'phags mchog 'jig rten dbang phyug bsod nams rgya mtsho spyan drangs nas spyan dbye'i cho ga mdzad pa'i tshe | nam mkha' shin tu dwangs pa sogs rtags mang po dang | yang gung thang gi mchod mjal mdzad skabs | zhang gi sku brnyan yid bzhin nor bus zhwa phud mdzad pa sogs la dpags na | da lta'i lo rgyus la lar zhabs drung bkra shis rab brtan gyis da lta'i lha chen gyi sku 'di bzhengs nas de'i thugs khar | sngar gyi lha chen gyi sku me shor gyis phal cher dag nas phyag g.yas pa 'ba' zhig skyon med du lus pa de bzhugs yod ces 'byung ba 'di nyid khyungs dag par mngon no ||

des na zhabs drung don grub rab brtan nas yum gyi dgongs rdzogs su gos sku gsar bzhengs dang | gtsug lag khang chen mo mes bzhes pa'i rten bzhengs zhig gso dpangs mi dma' ba sgrub | zhabs drung bkra shis pas kyang zhig gso dang | gser zangs kyi tshe dpag lha khang dang gos sku sogs gsar du bskrun pa dang | rgyal mchog bsod nams rgya mtsho lan du mar spyan drangs te | rab tu gnas pa'i cho ga sbyin sreg dang bcas pa mdzad pa sogs bdag rkyen yang dag gnang ba dang |  zhabs drung g.yul rgyal ba'i dus gung thang la chu rdol gyis nyen skabs chu bsgyur gyi chu rags chen mo'i thugs khur bzhes nas so sor 'dom bsgos gtad pas so sos rags kyi khur len me shor med pa'i dgos pa'i dam ra sogs [51v] bstan rgyun la shin tu phan par mdzad | de yang tha mal pa'i u tshugs lta bu ma yin par thabs mkhas kyi 'gro mgron zhang rin po cher yon chab rgyun mi chad du 'bul rgyu yin pas de la thams cad 'bad dgos zhes gsungs pas brtson pa che chung gi dbang gis la las rags skal la zhags thag do gsum dang | rta lcags gang dang | ral gri gang thob pa sogs byung skad | de nas kyang zhabs drung sku rim kha yar byung ba rnams kyis kyang gtsug lag khang sde bcas la bsnyen bkur dang 'dzin skyong cung zad byung yang | sngar bshad pa ltar phal cher zhig ral dang | gyar rgud la song nas rten mchod lhag lus rnams kyang char yibs tsam la brten pa dang | sde phal cher yang gong du bshad pa'i bshad sgrub lta ci | cha lugs rnam dag tsam yang med par ser khyim 'ba' zhig la song ba na | 'gro mgon nyid kyi 'phrin las kyi 'jug pa bsnyel ba mi mnga' zhing | bka' bsrung yab yum gyis kyang zhang rje'i g.yar dam dus la babs par dgongs te | rgyal mchog ngag dbang blo bzang rgya mtsho'i rigs kyi cod pan zur chen chos dbyings rang grol (1604-1664) yer pa spos dkar bzhugs dus nang pa glang kha ba'i bsngo zhus su zhang gi bka' 'bum pod gcig 'bul bar byung skabs | mgon po'i rnam 'phrul gyi bya rog zhig gi dga' ba'i rnam 'gyur mang po ston pa dang | mnal lam du mi nag po zhig gis 'dir shog ces lha khang chen po zhig gi nang du khrid byung bar | bla ma zhang yin zer ba zhig dang mjal tshul gyi nyams snang byung ba dang | chos khri lho lcog pa'i bla ma mdzad dgos kyi gsol [52r] 'debs dus mtshungs su byung bar | bla ma dang chos bsrungs rnams kyis gung thang gi khri mdzad par bskul zhing chos skyong gis 'phrin las sgrub pas 'gro don rgya chen 'byung ba'i rtags mtshan du mkhyen pa dang | lhag par rang nyid gdan sa ba sangs rgyas 'bum du skye ba bzhes dus kyi sngon gnas rjes su dran te | zhal gyi bzhes | de nas mi ring bar gung thang gi gdan sar ser spreng sogs bkur bsti phun sum tshogs pas spyan drangs | gtsug lag khang gi rten mjal dang | gzims khang shar gyi sku 'bum sogs mjal ba na | rang nyid sangs rgyas 'bum du skye ba bzhes tshul dran te sku 'bum dang ngo bo gcig tu song ba'i nyams la yud gcig lus | mchod khang chen mo'i mgon khang mjal dus de'i sgo yang rang byer song ba dang | mgon po'i zhal dkyil gyi thad du skya 'od 'char ba sogs rtags mtshan mang po dang | de nub chos skyong bse khrab pas khyod bla brang pa chos dpal bzang por gyur dus nga bsrung ma yin gsung ba sogs dgyes pa'i rnam 'gyur mang du bstan | lhag par lha khang rnams zhig ral bzod dka' ba dang | dge 'dun rnams kyang lugs gnyis gang gi cha nas nyams rgud che bar gzigs nas chos khri lho nub so sor sde tshugs nyag phra bar gnas pa rnamas phyogs gcig tu bsgril | bla brang yong babs kyi bogs (?) shas kyi nas dang | zur nyid kyis mtha' rgyas nas grib kyi bar bsod snyoms mdzad pa'i 'bru rnams gcig tu sdoms nas nyid kyi dbon po sogs la do dam byed du bcug ste | [52v] gtsug lag khang dang chos khri'i 'du khang gzhi nas gso ba dang | de dag la 'phrin las dang mchod tshogs 'du ba'i phyir du khrom dbang dang sbrags pa'i tshes bcu'i gar 'chams sogs kyi rgyun btsugs pas | gung thang dkar me zhes da lta'i bar du'ang skye bo rnams rang rang gi 'byor pa dang bstun pa'i phyag mchod kyi dge rgyun lo lo bzhin byed srol 'di bzhin byung | der zur chen nyid nas chos khri'i bla ye rnying pa'i thog tu spyil bu kha shas kyis cha bsnan nas | da lta'i 'du khang ka ba bcu drug sang g.yab dang bcas pai ldebs ris zur rang nyid kyi phyag bris kyi bde gshegs brgyad sogs zhi khro'i sku mang po dang | gnas bcu rgyal gyi sri thang la dpe mdzod pa rnams dang | mgon khang du mgon po'i sku sogs bzhengs shing | de mtshungs steng 'og mdo sbubs thams cad la yang zur rang nyid nas rab gnas kyi cho ga rgyas pa dang | rgyal mchog lnga pa chen po dga' ldan la chibs bsgyur sogs kyi tshe zhag bzhugs mang du mdzad de phyag nas zhu ba yang mang du gnang | phyis su gzims khang shar gyi khrir phebs par gsol ba btab pa bzhin khrir phebs shing 'du khang ldebs ris dang bcas pa gsar bzo mdzad pa sogs bdag rkyen yang dag mdzad | mgar chen po'i gdung rgyud tha ma spyan snga skal ldan rgya mtsho las zhang rin po che'i chos skor 'ga' zhig gsan | gung thang mchod khang chen mo'i zhig gsos kyis ris rnams gung thang mchod khang sus 'dzin la babs 'brel yod gshis sa skyong bsod nams rab brtan gyi lha khang dang sbrags pa'i mgo bdag zur nyid la phul bar mchod khang [53r] 'khor bcas la chos khri bla brang nas bdag rkyen yang dag mdzad pa yin la | de'i phyir zur chen nyid phal cher rgyal dbang mchog dang 'bral med lta bur bzhugs shing | phyogs kyi skyes chen mang po'i bla mar song gshis phyogs phebs mang po yang yang mdzad pa ma gtogs rgyun bzhugs chos khri bla brang du mdzad cing | dbang lung sogs phal cher tshe dpag lha khang du gnang bas na | da lta rang cag mchod khang gtso bo gsum mgon khang dang bcas par phyag mchod sogs kyi sgo nas sngar gyis khongs ma stongs tsam byed rgyu yod pa 'di rje nyid kyi bka' drin yin la | phyag rjes gzhan ni slar 'chad do ||

+ spyir yang | dgon gzhan rnams kyi gnas tshul rags rim tsam ni gong du bshad yod la | chos khri lho lcog pa zhes pa 'di ni zhang nyid kyi dus | khrom chos lta bu lugs gnyis dang 'brel ba'i 'chad rtsod spyi khyab lta bu dang | grwa bu slob rnams la gsang sngags kyi khrid sgrub skor sogs thun mong ma yin pa'i 'chad nyan byed pa'i chos grwa lta bu chos khri lho nub ces pa las grwa tshang dngos med la | de'i phyir gong ma rnams kyis kyang 'di thog mar sus btab la dka' dka' ltang mdzad mod | 'di ni nges par khri chen gung thang pa'i gsung ltar 'jam mgon bla ma tsong kha pa chen po'i dngos slob sbyangs pa'i yon tan bsten pa rnams kyi nang tshan lcog chen pa bkra shis bzang pos zhwa ser ring lugs 'dzin pa'i rnam thar dang ldan pa'i rang dgon du 'debs par mdzad pa yin la | 'on k yang gung thang khri 'dzin tshal pa'i [53v] gdung gi grwa nas thub pa'i brtul zhugs blangs pa'ang 'ga' zhig byung ba de dag gis rang rang gi dben dgon dang mchod 'bul ba lta bu'i sgril khungs 'dra yang med pa'i nges pa mi 'dug kyang | de dag gi gnas tshul blor bzung ba'i skyes bu bsam shes dkon zhing | byung khungs kyi yi ge phyi ma rnams la yang sngar gyi yi ge ldab pa tsam las mtha' dag par ma bkod pas khungs ma rnyed do ||

sngon dus su dung dkar ba don grub rgya mtshos (the one who became 48th khri chen in about 1707?) gdan sa 'dir phebs | mang 'gyed sogs gya nom pa stsal te | nang tshogs su thugs mthun pa | phyi khog tu bsgrigs lam dam pa | so thar gyi 'dul khrims la gces spras che ba | dus skabs kun tu thugs dam 'phel ba sogs dgos pa'i bka' slob mtha' yas pa gnang bas | chos khri'i dge 'dun rnams kyis bcos min gyi dad 'dun chen pos bla ma rin po che dgon pa 'dir phebs pa phyis song | sngon dus 'gro mgon zhang rin po che gdul bya thar lam la bkri bar shin tu mkhas pa zhig yod zer ba de bla ma rin po che rang 'dra ba zhig yod 'dug zer nas bgres gzhon tshang mas mig nas mchi ma 'byin pa bcas byung 'dug pa sogs dam pa'i skyes chen mang pos byin gyis brlabs pa yin no ||

de ltar zur chen po'i sku tshe phal cher gyi 'phrin las rnams bskyangs nas mthar 'bras spungs su rgyal dbang mchog dang lhan du bzhugs skabs gshegs tshul bstan te | bsam yas phying phur sku gdung zhus su phul ba'i gdung rus rnams la rgyal mchog lnga pa chen po mchod yon nas rin chen gnyis pa'i gdung khang sgo khyim nang du zur nyid kyi sku longs spyod [54r] rdzogs sku'i cha byad dang bcas pa da lta tshe dpag lha khang du dngos su snang ba 'di ltar ro ||

de lta bu'i zur chen de nyid kyi slar yang 'gro ba'i don du bsam bzhin du byon te gdan sa 'di'i khrir bzhugs mdzad nas | gong ma'i mdzad srol bskyangs te dgon sde lha khang dang bcas pa la bsnyen bkur mdzad cing | lhag par 'bum mo che'i 'khor gyi lha rnams gsar bzhengs dang | ganydzi ra dang | chos 'khor | gdugs | g.yu gtsi sogs zhig gso bsam gyis mi khyab pa gsar bzhengs lta bu dang | 'bum chung gzhan thams cad kyi gser tog | chos 'khor sogs gsar bzhengs dang zhig gso mtha' yas pa mdzad kyang | dzun gar bod du lhags nas bod kyi rnying phyogs kyi bla dgon mang po chams la phabs skabs bsam yas su sku gshegs shing grwa tshang rnams la'ang lta grub la bsnyad pa'i gzan god shin tu che bar byung ba na | dge 'dun rnams phyogs phyogs su byer | chos gzhis rten dang bcas pa rnams kyang dbang gshed kyi 'phrog ste bla brang 'dzin thebs dang chabs gcig par dga' ldan khri thog lnga bcu pa rje dge 'dun phun tshogs (from 1714-1720; he was the first Gung-thang Sprul-sku, also) kyi phyag tu phul ba'i dbang gis re zhig dge 'dun rnams kyi 'khor lo gsum gyi bya ba rnams kyang nam mkha'i 'ja' bzhin du yal | gtsug lag khang so so'i bsnyen bkur rnams kyang chu gnyis bar gyi zam pa bzhin du gyur pa na | ring por ma thogs par dzun gar rnams khrom tshugs par rang yul du log pas | khri chen nyid la'ang sngon nas dgon sde lha khang dang [54v] bcas pa'i ngang tshul thugs yul du bzod dka' bar yod kyang | dpon 'bangs kyi blo dang bstun dgos gshis da lam du lus | dzun gar rnams log phral thubs kyi re ba 'grub ste | lha khang phyi nang so sor yang zhig gso legs par mdzad cing | sngar gyi grwa khongs nas se ra smad du log pa'i grwa rgyun mang po yod pa rnams la gzhi byas te | nye 'khor gyi grwa pa kha shas dang | gsar 'jug kyang mang du gnang ste | rab byung bcu gnyis pa'i lcags glang lo (1721) chos khri ba btsugs shing | gzims khang shar pa sogs kyang rang rang gi lta grub la gnas pa'i sgo nas shul 'jags yong ba mdzad | chos khri ba sogs kyi rten mchod 'dzin thebs gnyer tshang | rung khang rnams kyi cha rkyen 'phrogs te rje nyid la phul b rnams so sor sprad cing | rten mchod dang 'du khang gi sa rgyan | gnam rgyan | 'phan phye phur | tshogs gdan sogs gsar sbyor yang mang du mdzad | dge lugs bying 'dre'i 'don chos dang | bskang gso sogs sngar gtong rgyun rnams kyang btsugs te mtsho sngar shul du log pa bzhin mdzad | de mtshungs lha khang chen mor rten gsar bzhengs sogs mdzad pa rnams brjod par 'gyur ba ltar gang gi cha nas kyang gzhan 'gran med pa lta bu'i bka' drin mdzad cing | mthar gzugs sku'i bkod pa yang 'di nyid du bsdus pas na | khri chen 'di nyid | 'gro mgon rin po che dang | 'jam mgon bla ma tsong kha pa chen po ltar dgon gnas lha khang dang bcas pa la gang gi cha nas bka' drin tshad med pa mdzad pas sku'i skye phreng tshun la'ang khri chen gung thang pa zhes brjod par 'gyur ba 'di byung ba yin no ||  [55r]

de ltar khri chen de nyid kyis bskyangs pa'i 'jug tu mkhan rabs kha yar byung kyang de dag gis ni bla ma dang zhabs 'degs pa rnams bsam sbyor thabs shes ya bral ba lta bur song gshis | rang rang gi yod babs bsdud pa tsam las | dgon gnas lha khang dang bcas par bsam chung du lus shing | lha khang lte ba dang | sgo khang gi nye 'dabs su mi gtsang ba 'dor ba dang | gtsang khang 'ga' rer ser skya 'dod zhen can re gnyis nas gtsug lag khang gi 'du shes dor nas khyim pa'i shod mdzod lta bu'i 'du shes kyis 'bru sran dang mkho dgu'i yo byad rnams 'jog pa dang | khams phan tshun dang | sgo khang phyi nang du dud 'gro 'dogs pa sogs snang bar gang dran gyi srol ngan je rgyas su song ba la brten nas gtsang khang gi phyi nang thams cad zhig ral kho nar song ba'i rkyen gyis rten gsum rnams kyang chu char dang | nyi ltags dang | bya gyis bsdungs te mdor na gtsug lag khang rten dang bcas pa rnams sngar brjod pa thams cad las phyi rol tu gyur te | skye bo bsam shes kun yid 'byung ba'i gnas su byed pa zhig byung la | de bzhin du dgon gnas rnams kyang rnyed bkur gyis dben zhing | rang rang gi 'khor lo gsum gyi bya ba rnams kyang je 'grib la song ba'i mtshams shig nas 'gro mgon rang dang zhal mi gnyis pa'i rgyal dbang srid zhi'i gtsug rgyan mchog nas sngon gyi las smon gyi mthu rdol ba'i sku mdun sngags ram pa rgyud bcas la 'dzin bdag du sprod par gnang zhing | lhag tu rgyal mchog nyid kyi sku tsha dar han mkhan rin po che bskal bzang yon tan [55v] la dgongs gzhi rgya chen pos gtsug lag khang sde bcas la bkur bsti sri zhu zla med par 'byung tshul ye shes sgrib pa med pas gzigs te | 'dzin bdag gi bka' gnang zhing | sku nyid nas kyang sngon smon lam brlabs chen po'i mtshams sbyor gyi mthus bskul te spyi bor nod nas bdag gir bzung zhing | dgon sde lha khang dang bcas pa'i ngang tshul thugs yul la bstar ba na | bu gcig shi ba'i ro mthong ba'i ma bzhin du mi bzod pa'i zug rngus yid la 'khyud pa bzhin du gyur la | zhabs 'debs pa rnams kyang 'di phyi'i bde legs rnam dkar gyi mthu las byung ba la yid ches kyi dad pas rgyud brlan par song gshis | rang gi rgyu dngos dang dka' tshegs la ma bsam par lhag bsam bzang pos bskul te | gtsug lag khang gi steng shod | phyi nang bar gsum | lcags ri | sgo khang yas mas | khyams | gos sku spe'u | thog shing | rtsigs zhal | gtsug lag khang dang | grwa tshang so so'i sben pad dang | la bad sogs phal cher gzhi nas gsar bskrun dang zhig gso gang 'os mdzad cing | gtsug lag khang gi nye 'dabs su mi gtsang ba'i 'dor gnas rnams kyang rgyang ring du gnas spar bar mdzad | mig lam du ma mdzes pa'i rtsigs stod so so yang mdzes par byas | sngar gyi rtsig khyon kho chung zhing 'dzin bdag dka' ba rnams kyang gzhan du bsgyur ba dang bsdu ba gang 'os mdzad cing | sngar gyi glo 'bur shar ma sa stong gzhan dang sbrel te lha khang gsar du byas nas sngar gyi rten rnying gi thog tu gsar bzhengs kyang mang du mdzad | lha khang gzhan la yang rten rnying [56r] rnams la zhig gso dang | gsar bzhengs kyang mang du gnang te lha khang gi go sar sgribs shing | 'di dang gong gi sku gsar bzhengs thams cad kyang | rgyal mchog sku phreng gong ma rnams dang | lhag par rje btsun bskal bzang rgya mtsho'i gdung tshwa dang byin rten sha stag | skyes chen du ma dang rgyud grwa gnyis kyis gtsos pa'i chog grwa mang pos rab tu gnas pa'ang mang du sgrub nas | de dag gi steng du ganydzi ra | gser zangs kyi rgyal mtshan sogs mdzes byed du ma dang | rten gsar rnying so sor yang dbu rgyan | na bza' | snyan dar sogs dang | bla re | 'phan | phye phur | gnam rgyan | ting | mchod rol | sa rgyan sogs kyi sri zhu bkur bsti phul du byung ba ndzad cing | gnas skabs su gtsug lag khang dgon sde dang bcas pa'i mdzes byed dang | phu chu'i 'jigs skyob lta bu dang | ma 'ongs pa na gtsug lag khang ma bu rnams kyi zhig gso sogs kyi thebs su lcags ri'i phyi skor du yang ljon shing gi rabs 'khor yug tu 'khrig par mdzad pa dang | de mtshungs grwa tshang gnyis la snga dus bde dgyes kyi cho ga ngag 'don nas rang skya phe ba dka' dka' tsam yod kyang | de dag la yan thags mkhas (thabs mkhas?) thugs rje nan tan mdzad pa'i mthu las bdag mdun dbang cha lag dang bcas pa gsar 'dzugs lta bur mdzad de | skyabs mgon bskal bzang rgya mtsho'i dus mchod chen mor kha skongs sbyin bsreg dang bcas pa'i sgrub mchod zhag sbrel dang | zla ba ngo re'i dus tshes la'ang dbang bdag mdun nyin khyongs mdzad pa dang | de dag la dogs pa'i bzang gos [56v] sna tshogs las grub pa'i dbang rdzas | mchod rol | sa rgyan | gnam rgyan | 'phan | phye phur sogs lan du mar sbyor 'jags dang | dge 'dun rnams la yang lto thog tu ja gral grig thub tsam ma yin par | bde mchog kun rigs sogs sgrigs khongs kyi 'don chos | mchod rol | gar thig dbyangs gsum sogs kyi rgyugs thon rim dang bstun pa'i yod babs kyi go yul mdzad pa dang | nar mar dang blo bur mang 'gyed kyi bsnyen bkur sogs mdor na | gtong sgo | sgrigs lam | lha khang so so'i zhabs tog sogs phul du phyin pa mdzad cing | de la brten nas dge 'dun rnams kyang gzhi gsum gyis mtshon | bslab pa gsum dang | rgyud sde'i phyag len sogs su la'ang smon mi dgos pa 'di bzhin mdzad pas mtshon bka' drin bsam pa'i yul las 'das pa 'di dang | gzhan yang 'chad par 'gyur ba ltar | lha khang phyi nang rnams la 'dzin bdag snga na med pa mdzad pa'i rkyen gyis deng skabs lha ldan sprul pa'i gtsug lag khang dang dbyer med pa lta bu 'di ltar mdzad pa 'di la dpags na zhang rin po che dang khams gsum 'gro ba'i bla ma tsong kha pa chen po gnyis kyi ye shes kyi 'phrul las 'di dag gang la gang 'os su byung bar mngon te | 'di dag gi bka' drin gyis 'tsho ba rnams kyis kyang bla dgon gzhan gyi snang tshul ltas nas byas pa shes shing dran du bzo ba la mi khyad 'don dgos te | rgyas pa ni rten so so'i bshad pa'i skabs su 'byung ngo ||

+ de ltar gtsug lag khang rnying pa'i khyams stod kyis longs glo 'bur byang ma'am (byar ma'am?) gtsang khang dbus ma khang brtsegs dang bcas pa'i nang du | de yang mdo sde gdams ngag 'bog pa'i rgyal po las |

'di nas byang phyogs mtha' khob tu ||

tshal thang bye ma can zhes par ||

dge bsnyen li tsa gzhon nu 'di ||

yi ge a yi bdag nyid can ||

skye med zhes byar grags pa 'byung ||

nga yi sku gzugs chen po byed ||

sems can rnams kyang drag pos 'dul ||

de yi 'khor ni lnga brgya'o ||

zhes gsal bar lung bstan pa bzhin zhang rin po che rang nyid kyis thog mar bzhengs shing | nang zhugs su rgyal ba sras bcas kyi gdung ring bsrel mang po dang lha sku | bsam yas nas ye shes kyi mkha' 'gro ma gcig gis phul ba'i nor bu rin po che bsam 'phel | dung dkar g.yas 'khyil sogs rten byin rlabs can du ma dang | gro mgon nyid dang | rje dus gsum mkhyen pa | grub thob gling chen ras pa sogs kyis rab gnas mdzad | de yang gling ras pa nags shod du bzhugs skabs bya rog zhig gis zhang rin po che'i gsung 'phrin skyal bar | de ma thag nye gnas la mig tshum zhig gsungs nas rdzu 'phrul gyis phebs pas mig phye ba dang bla slob gnyis ka gung thang gu jo bo'i sku mdun du phebs nas byin chen gyi mgur gsung bzhin du rab gnas mdzad | dus gsum mkhyen pas ni zhang rin po che bteg nas 'di la thim zhes gsungs nas rab gnas mdzad | sangs rgyas dbon ston gyis ni | ri bo mandal gyi rtse nas phyag nas 'thor te | gung thang gi rten rnams la bgegs bskrod dang rab gnas mdzad pas rten [57v] rnams kyi thog la me tog khrol khrol babs | zhang nyid mya ngan las 'da' ba'i skabs su yang khyi 'brong zhur dang bcas dngos su thim pa slob ma las dag 'gas gzigs pa dang | yang dus phyis sde phan tshun gyi 'thab 'khrug sogs la brten sngar gyi sku gsung thugs rten grangs mang la ngo mtshar che yang | phyag mchod sogs zhabs tog shin tu ngan (?) par byung skabs shig || grub chen thang stong pas gser zho dos lha chen la gser chab phul bas sku lus yongs rdzogs khebs pa'i rdzu 'phrul dang | zhag bdun gyi bar mar me dang zhal zas sgos la sogs pas mchod de slar zhabs tog bzang du 'gro ba'i rten 'brel sgrigs te gsol ba btab pas | jo bo'i thugs ka nas 'gro mgon rin po che dngos su byon nas | rgyal ba'i thugs sprul rig 'dzin lcags zam pa || zhes dang | rgya bod kla klo gdul bya ma rung 'dul || zhes pa nas | nga dang khyod gnyis mkha' spyod pho brang du || 'du 'bral med do skyes mchog sprul pa'i sku || zhes gsungs nas sgra dang bcas jo bo la thim pa sogs jo bo snga ma'i nang zhugs mang po dang | ma 'ongs pa'i rten skal du me ma bzhes par bzhugs pa'i phyag g.yas pa rnams thugs kar ye shes sems dpa'i tshul dang dbu'i nang du jo bo'i bzo phud du 'dra sku yid bzhin nor bu dang lhan du dpon mar pa lha dkar gyi bzhengs pa'i 'dra sku 'dzud gang ma dang khyud re ma | mtshon re ma sogs brgya dang brgyad | 'gro mgon rang gis rab gnas mdzad | lhag tu chung ba rnams zhal du 'jug gin byin gyis brlabs pas mu ru ma zhes grags pa [58r] rnams kyis til gyi gang bu bzhin gang ba | bdud 'dul ba'i phyag rgya dang sprul sku'i cha byad can | khri chen ngag dbang mchog ldan gyi snam sbyar dang stod le ras bse'i rgyan cha sogs phul te longs sku'i chas su bsgyur ba la slar gser zangs las grub pa'i 'phrul ris dang | rin po che sna tshogs kyi phra bkod dang bzo khyad phul du byung ba'i prog zhu snyan rgyan | mgul rgyan | dar dpyangs | do shal dang bcas pa rnams skyabs mgon rgyal tshab de mo rin po che dang mgul rgyan rin po che nor rigs kyi phras phyug pa 'di ni rdo ring no yon nas 'bul bar mdzad cing | gzhan g.yas g.yon du mchog zung | 'phags pa lo ke shwa ra | kha sar pa ni bzhi dang gtso 'khor lnga | drug 'gyogs pa ta bcas rnams kyi rgyab yol dang zhal byang gzigs kyi nye ba'i sras brgyad | sgo bsrung khro bo gnyis dang bcas pa dang | gtso 'khor rnams kyi stod g.yogs smad g.yogs | dar lhug tshon sna dang bcas pa | bla re phyi nang dang | phye phur | ka 'phan | gdung khebs | lda ldi dang bcas pa rgyu dang bzo khyad phul du byung ba 'di rnams dar han mkhan rin po che dang sku tsha phyag mdzod sde pa bskal bzang dngos grub dpon g.yog gis bhzengs par mdzad pa yin la | gtso bo'i g.yas g.yon gyi tshe dpag med gnyis dang | shar nub kyi tshe dpag med sman gyi bla | klu dbang rgyal po mi 'khrug pa dang bcas pa'i sku drug po 'di khri chen gung thang pas bzhengs par mdzad pa ste gtsang khang dbus ma'i skor ro ||

+ gtsang khang nub ma'am sngon dus glo 'bur nub mar grags pa 'di'i [58v] dbus kyi zhang rin po che'i sku brnyan yid bzhin nor bu dang | g.yas kyi gnyis pa gdan rabs thog ma mnyam med shåkya ye shes dang | g.yon gyi gsum pa zhang gi nye gnas dar ma gzhon nu dang gsum po 'di ni 'gro mgon yab sras kyi dus lha chen dpal 'bar bzhengs pa'i bzo phud du dpon mar pa lha dkar gyis bzhengs pas | jo bo dang sku rgyu gcig cing nang zhugs sogs kyang me ma ba zhes par sngar gyi de kha sor gnas dang | 'gro mgon rang nyid kyi rab gnas mdzad | lhag par 'dra sku rin po che ni zhang nyid phyogs g.yas g.yon du bshegs bzhud mdzad dus kyang dpon slob bde bar yod dam zhes dri lan dang mnyes mnyes mdzad pa bzhin nyid kyi sku tshab tu byin gyis brlabs | phyis kyang g.ya' bzang gi sangs rgyas gnub sgom dang | dpal rgyal ba lha gdong pa sogs la 'dra sku rin po che las 'od zer mang po 'phros shing chos mtha' yas pa gsungs pa sogs ye shes pa dngos su bzhugs pa'i dbang gis zur chen rin po che dgongs pa gzhan du gtod par nye ba'i tshe yang thugs mya ngan gyi rnam pas zhwa phud lan mang mdzad cing gsung yang lan mang du byon pa sogs byin brlabs can dang | g.yas kyi gsum pa rgyal mchog lnga pa chen po dang | rdo rje 'chang te lo | nå ro | mar pa | mi la | sgam po pa | dwags sgoms tshul khrims snying po rnams dang | g.yon gral gyi bzhi pa dbyangs can bzhad pa dge 'dun rgya mtsho | rje btsun rgwa lo ba | dwags bsgom tshul khrims snying po | mal yer pa ba | bla ma rngog pa | bla ma 'ol kha ba | bla ma bai ro ba ste zhang gi rtsa ba'i bla ma drug gi [59r] sku 'di rnams zur chen chos dbyings rang grol gyis bzhengs par mdzad cing | g.yon phyogs kyi gral mgo'i skyab mgon rgyal mchog bskal bzang rgya mtsho'i sku brnyan khri rgyab yol dang bcas pa phul du byung ba 'di nyid dang | gzhan gnam rgyan dang so so'i na bza' dbu zhwa dang bcas pa 'di dag dar han mkhan rin po che dpon g.yog rnams kyis bzhengs pa yin te | de ni zhang lha khang gi skor lags so ||

+ gtsang khang shar ma'am sngon dus kyi glo 'bur shar mar grags pa 'di nyid lha khang rgya khyon sogs phal cher dar han mkhan rin po che sku 'khor rnams kyis gzhi nas gso bar mdzad pa yin la | 'di'i dbus kyi brten gtso ni gdung rten bkra shis 'od 'bar du grags pa zhang gi nye gnas dar ma gzhon nu zhes lha dbang brgya byin gyi sprul pa de dang | gdan rabs dang po mnyam med rin po che zung gis bzhengs par mdzad cing | zhang rin po che'i gdung ring bsrel sogs byin rten gyi nang zhugs dpag tu med pa sku rgyu rin po cher byas pa dang | shar gzigs rje btsun sgrol ma 'di nyid kyang 'gro mgon rin po che'i dus nas bzhengs shing | mtshan yang sgrol ma gsung byon ma dang | me thub ma zhes grags pa'i byin brlabs can | gzhan thub dbang gi li sku che ba bzhi dang | 'od dpag med thub dbang grong khyer ma sogs li sku dang | gdung rten che chung 'di rnams kyang sngar gyi rten rnying byin can sha stag yin la | sngar lha khang ang por kha 'thor te o rgyal bar bzhugs pa rnams dar han phyag mdzod nas phyogs 'dir [59v] bsdu bar mdzad cing bzhugs gnas khang brtsegs brag ri sogs gsar bzhengs mdzad pa'i steng bde gshegs mchod rten brgyar gandho la'i tshul du 'god par mdzad pa yin la | 'di'i khrod kyi pha dam pa'i sku brnyan 'di ni 'gro mgon rin po che'i gzims phug nub na bzhugs pa'i rten rnying gral 'dir spyan drangs pa yin zhing | de phyin lho gzigs kyi thugs rje chen po bcu gcig zhal | rgyal mchog gong ma | 'khor lo bde mchog rnams dang | nub gzigs kyi jo bo yab sras | 'jam mgon tsong kha pa | 'gro mgon g.yu brag pa | pan chen thams cad mkhyen pa blo bzang dpal ldan ye shes | phyag na padmo 'jam dpal rgya mtsho dang bcas pa'i bzhugs gnas | rigs lnga'i khri | brag ri yul ljongs dang bcas pa | de dag la bzang gos sna tshogs kyi na bza' | bla re | 'phan phur | stegs | mchod ting dang bcas pa 'di rnams dar han mkhan rin po che dang sku tsha phyag mdzod sde pa bskal bzang dngos grub la sogs pa rnams kyis bzhengs pa lags shing | byang gzigs kyi sgrol ma 'jigs pa brgyad skyob bzhugs gnas brag ri yul ljongs dang bcas pa 'di rnams lha ldan bzhi sde chos mdzad kyis mthun rkyen sbyar nas bzhengs pa yin te glo 'bur shar ma'i skor lags so ||

+ tshe dpag lha khang 'di'i rten gtso tshe dpag med | bde gshegs brgyad | sku brnyan rgyan 'gros | khri rgyab 'od bskor pa ta dang bcas pa'i sku | bo bkod phun sum tshogs pa 'di rnams skyid shod zhabs drung bkra shis rab brtan yab sras kyis bzhengs shing rgyal mchog bsod nams rgya mtsho lan du mar spyan drangs nas rab [60r] gnas mdzad pa'i byin brlabs can yin zhing | byang ngos kyi dngul gdung 'di nyid zur chos dbyings rang grol gyi dngul gdung dpangs su rgyug tho bcu bdun pa byang chub mchod rten gyi dbyibs | nang zhugs su zur nyid kyi 'bu thod ril po thugs dang bcas pa ring bsrel bzhi dang byin rten dpag tu med pa rgyal mchog lnga pa chen pos bzhengs te gdan sa 'dir 'bul bar mdzad pa yin la | bka' 'gyur 'di yang zur chen gyi dgongs rdzogs su rgyal mchog nyid kyis rgyal rtse nas 'dir gnang ba yin te | mthing shog la gser zhun gyis bris pa skyes chen mang rabs kyis rab gnas mdzad pa'i byin rlabs can yin lags | gzhan bka' 'gyur tshar gnyis bstan 'gyur tshar gcig glegs shing glegs thag zhal khebs gdong dar kun dga' ra ba lha gzhan gyi na bza' | gnam rgyan | 'phan | phye phur dang bcas pa 'di rnams dar han mkhan rin po che dpon slob rnams kyis gsar bzhengs mdzad pa yin zhing | lho phyogs kyi zur chen gyi yab kyi gdung khang mchod rten dang bcas pa di nyid dang | rje yab sras gsum | rgyal ba rigs lnga | dus gsum sangs rgyas | rigs gsum mgon po | jo bo rje a ti sha | phag gru | rnam 'joms | thugs rje chen po sems nyid ngal gso | dpal lha gtso 'khor gsum dang bcas pa 'di rnams kyang zur chen rin po ches bzhengs par mdzad pa yin la | spyan ras gzigs nam mkha' rgyal po 'di gtsug lag khang gzhan nas spyan drangs te 'dir bzhugs pa lags | tshe dpag lha khang gi skor lags so ||  [60v]

+ byams khang du mi pham pa'i sku brnyan rten gtso 'di ni khri chen gung thang pas bzhengs par grags shing lo rgyus la lar zur chen sprul skus byams pa nye sras brgyad kyis bskor ba zhig bzhengs bzhed yod pa la | byams pa bzhengs mjug tu dzun gar gyi dgongs pogs la brten lus zer ba'ang 'dug | g.yas g.yon gyi 'phags mchog spyan ras gzigs seng ge'i sgra | sman bla bde gshegs brgyad | 'phags pa sems nyid ngal gso | rgyal ba'i rigs lnga | gsang ba 'dus pa | dus kyi 'khor lo | rje 'jigs byed dang bcas pa rnams kyi na bza' dang | me tog mchod pa sogs kyi tshe 'gram rgyu'i thub dbang gtso gyur gyi gos sku bzang gos sna tshogs las grub cing rje btsun blo bzang bskal bzang rgya mtshos phyag nas 'thor ba'i gos sku byin rlabs can dang | gzhan yang gnam rgyan | 'phan phur dang bcas pa bzang gos las byas pa 'di rnams kyang dar han mkhan rin po che dpon slob rnams kyis gsar du bzhengs par mdzad pa yin la | 'di nang gi thub dbang gtso gyur gyi gos sku rnying pa 'di ni skyid shod zhabs drung don grub rab brtan sku mched kyis tshe dpag lha khang dang dus mnyam du gsar bskrun mdzad de thams cad mkhyen pa bsod nams rgya mtshos phyag nas 'thor ba'i byin rlabs can lags te | byams khang gi skor lags so ||

+ mgon khang chen mo 'di nyid ni zhang rin po che'i nye gnas dar ma gzhon nu dang mnyam med chen pos bskrun par mdzad cing | skyabs mgon bsod nams rgya mtsho dang | rgyal mchog yon tan rgya mtsho | rgyal ba lnga pa chen po sogs rgyal ba na rim phebs [61r] te| mchod bstod dang phyag nas 'phrin bcol mang du mdzad cing | rgyal mchog gong ma phebs skabs mgon po'i zhabs nas bdud rtsi 'dzag pa sogs ngo mtshar ba'i rtags kyang mang du byung | rgyal dbang yon tan rgya mtshos mgon po'i sku mdun du mngon spyod kyi las sbyor mdzad pa'i hom khung yang dngos su yod la | bde gzar mang por bya rog gdong can gyi thugs kha nas bya rog dngos su thon pa sogs brjod kyi mi lang ba'i rtags mtshan dang 'phrin las grub pa'i lo rgyus mang du yod cing | kun mkhyen pad ma dkar pos thog mar mjal ba'i tshe mgon po'i sku de zhal gser shin tud (?) thug par gsol ba 'dra ba zhig la mthar me long nang gi gzugs brnyan 'dra bar mjal ba sogs ye shes pa dngos su bzhugs pa'i mtshan ma gsal bar yod la | de lta bu'i mgon po gdong can rnams dang | gong bo dang | mdzes ma dang bcas pa'i gtso 'khor drug | 'dod khams dbang phyug ma gung thang lha mor grags pa'i sku gsob 'di yang zhang rin po che'i dus nas mgon po dang zung 'brel gyi tshul du bsten par grags shing | rgyal mchog dge 'dun rgya mtsho chibs bsgyur skabs zhal dngos su bstan pa sogs bka' gnyan pa dang | 'phrin las myur ba'i lo rgyus mang bar grags shing | sngar gtsug lag khang gi steng gi dbu rtse'i phyogs gcig tu lha mo khang zhes par bzhugs kyang | bar skabs su khri chen gung thang pas gtsug lag khang la zhig gso mdzad skabs mgon khang du sgril ba min (yin?) la | lha mo 'di la gos bzang gi phod ka lcog dar rma bya'i sgro gdugs sogs dang | [61v] spyan gzigs snyan shal sogs dar han dpon slob kyis phul ba yin te | mgon khang chen mo'i skor ro |

da nub kyi rnam sras lha khang du rgyal chen rnam sras gser can dang mdung dmar can gyi sku phyag mtshan dang bcas pa zhal dkyil du rdul ma bzhes shing lhag par rgyal mchog bskal bzang rgya mtsho chibs bsgyur skabs mdung dmar can gyi spyan nas bdud rtsi 'dzag pa sogs byung ba dang | 'di'i nang gi sku gsob 'di ni dben gnas bya mkhar gyi gzhi bdag jo mo sman gcig ma'i sku gseb byin rlabs can te rnam sras lha khang gi skor ro ||

+ gzhan khyams kyi logs ris rnams dang | sgo khang gi 'od zer can ma sogs zhi khro rnams dar han dpon g.yog rnams kyis gsar bskrun dang | sgo khang phyi ma'i rgyal chen bzhi la yang zhig gso mdzad | sgo khang nang ma'i shar nub tu zhal sprod kyi tshul du dpal ldan lha mo dang mgon po beng dmar gnyis po 'di ni zhang rin po che yab sras rnams kyis byin gyis brlabs shing | ye shes pa dngos su bzhugs pa'i dbang gis mgon po 'dis se rwa byes zhal snga nas don yod dpal ldan pa la gsung byon shing 'byung 'gyur lung bstan pa dang | lhag par lha mo'i sku 'di ni zhal dkyi du rdul tsam yang mi bzhes shing legs nyes kyi rtags mtshan mngon sum du bstan pa'i bka' shin tu gnyan pas | tshon sogs kyang 'os rigs tsam las sngar gyi de gsor gnas lags so ||

de ltar mchod khang bdun po 'di dag gi thog mtha' bar gsum gyi byung tshul dang | de dag la gdan rabs [62r] sbyin bdag dang bcas pa rnams kyis sri zhu ji ltar byung tshul sogs rags rim tsam brjod zin la ||

+ nub phyogs kyi sku 'bum chen mo 'di ni zhang rang nyid la bzang yul mon pa gdong du mnal lam gyi nyams la sku 'bum chen mo'i bang rim gsum pa man chad bzhengs pa'i steng na | rang nyid mya ngan las 'das pa'i sku gdung zhugs 'bul byed pa la lha klu mang po dang mkha' 'gro chos skyong slob ma'i tshogs dang bcas pas mya ngan dang mchod pa byed par gzigs pa bzhin du zhang rin po che sku 'khor 'ga' re dang bcas mchod rten bzhengs sar phebs nas 'grub min gyi brtags pa mdzad pas rtags mtshan legs par byung ba bzhin thig tshad bzhes nas zur rdo bzhag par | dbon dar ma gzhon nus mchod rten che chung ji tsam mdzad zhus pas | zur rdo bzhag pa bzhin yin gsungs par nye gnas kyis 'di khang pa byed pa ni min | che drags na 'byongs dus dka' bas cung zad skum par zhu zhus pas | zhang rin po ches kun rdzob kyi rdzun snang 'di la sus rdo ba de pham pa yin khyod kyis mchod rten che byas pas sdig pa shin tu che ba yin | de'i bshags par phyogs rer 'dom re bskyed dgos gsungs pa bzhin dpon slob rnams kyis lha babs kyi dbyibs can gyi mchod rten brtsigs pa'i bang rim gsum pa man chad grub mtshams su nye hing | zhang nyid dgung lo don gcig pa chu mo glang gi lo (1193) zla ba lnga pa'i tshes bcu'i nyin chos khri nub kyi steng du phebs nas | da lo nga'i chso la rdul sprug byed ces gsungs te | zhang rang nyid kyi bka' 'bum dang | [62v] yon tan btsal mchog ma | mchod rten bzhengs pa'i phan yon sogs gsungs pa'i mthar | mya ngan las 'da' tshul bstan cing | de'i tshe sngar gyi mchod rten bzhengs 'phro'i steng du sku gdung gdan drangs te zhugs 'bul byed pa'i tshe slob ma grub chen brag nag pa zhes pas skad chen pos gsol ba btab par spur khang nas zhal gdams gsungs pa dang | de ma thag sku gdung la ye shes kyi me rang 'bar du song ste | thugs ljags spyan gsum | spyan ras gzigs dang | sgrol ma sogs ring bsrel dang bcas pa byung ba rnams gdung rten bkra shis 'od 'bar gyi nang du bzhugs | de lhag rnams la bum pa yan chad kyis gtums shing | sngon dus bum nang du lha khang gcig las med kyang | drung chen smon lam rdo rjes phyi g.yogs mdzad de | bum pa'i rtsa ba'i phyogs bzhir sgo khyim tshul gyis lha khang bzhir rten gtso'i tshul du rdor dbyings rtsa ba'i lha rnams rigs lnga'i tshul dang | 'khor gyi lha rnams bris 'bur ci rigs su bkod cing | gzhan stong sku par ma cha tshang ba dang | brgyud rigs sogs yod par bshad kyang bar skabs su rtsa ba'i lha rnams ma gtogs gzhan phal cher zhig ral du song bar | slar zur chen po'i sprul skus 'khor gyi lha rnams rtse mo'i thugs dkyil dang mthun par gsar du kha bskang ba yin la | gzhan chos 'khor gdugs gser 'phru dang bcas pa rnams phal cher drung chen smon lam rdo rjes sngar gyi rnying pa rnams gzhi nas gsar bskrun mdzad | zur sprul dang | gdan rabs kyi bla ma 'ga' zhig gis kyang zhig gso mdzad | mdor na zhang gi sku 'bum [63r] chen mo'i phyogs bzhi'i lha gnas | gdugs | chos 'khor | gser 'phru | zur de then gyi lcags thag | sne 'dogs kyi rdo seng 'khor sa dang bcas pa la lo rgyus byung tshul mtha' yas kyang cung zad tsam brjod pa yin no ||

de'i 'khor gyi 'bum chung phal mo che ni sku 'bum chen mo'i 'phro las mchod rten brgyad kyi kha skong gi tshul du nye gnas dar ma gzhon nus bzhengs par mdzad pa la slar gdan rabs bla ma rnams kyi sku gdung bcas 'phel bar mngon te | lo rgyus ji bzhin ma 'khod pa'i rkyen gyis gong ma rnams kyis kyang btang snyoms su mdzad pa 'dra zhing | zur sprul gyis de rnams la chos 'khor dang gser 'phru thams cad gsar bzo lta bu mdzad pa yin no ||

+ da lta sri gnon mchod rten nam khyi 'bum du grags pa 'di ni mgon po phyag bzhi pa'i bka' sdod bya rog gdong can gyi sprul pa mgon khyi dom nag snying dkar ming du 'brong zhur bya ba bla ma nang par phebs rgyu yin na do nub nas phyogs der sleb pa | de yang mi gzhan yod na dkyus bzhin dang | med dus nam mkhar 'gro ba | zhang rin po che'i 'phrin las thams cad sgrub pa zhig yod pa des sna drangs te lcang rgyab btsad po dang | gdol po btsad po sogs bstan pa rin po cher log par 'khu ba'i rigs grangs med pa drag po'i sgo nas btul | btsad po'i glo snying yan lag thams cad mnan par rgyab | ma 'ongs pa'i slob rgyud dang bcas pa skyong zhing pa'i mchod rten la phyag mchod bskor ba byed pa sogs kyi sri'i gnod pa sogs bzlog par bya'o zhes [63v] dam bcas te khyi rus kyi rnam pa'i rten tsam zhig bzhag nas de nyid du sprul pa dngos gzhi bsdus pa'i sku rus kyi rnam pa de nyid btsad po'i glo snying sogs kyi steng du lo zad kyi nyer dgu'i srod la mnan te 'gro ba kun gyi ltas ngan dang sri ngan chags tshe nyams thams cad bzlog pa'i smon lam mdzad pa la mchod rten bzhengs nas rab gnas mdzad pa yin pas 'di la bskor ba dang phyag mchod sogs byas na sri ngan gyi rigs sogs mi shis pa thams cad bzlog par gsungs so ||

gzhan yang tshe sgrub 'bum pa | rta 'bum | nor 'bum zhes sogs kyang sngon gdung rabs gong ma rnams kyi tshe sgrub dang | god kha bzlog byed du bzhengs pa las mched du byung ba yin la | 'di dag la yang pyag mchod sogs byas na da lga'ang tshe bsring ba sogs kyi don grub par grags pa'i byin brlabs can sha stag yin la | 'bum mo che'i byang phyogs su sngar drung chen smon lam rdo rjes gtsug lag khang rten gsum rgya phibs dang bcas gsar du bzhengs nas | sman gzhung la slob gnyer byed pa'i mkhas pa mang du tshogs pa byung zhing | rje thams cad mkhyen pas kyang gnas 'dir sman pa dkon mchog skyabs la sman gzhung rnams gsan bzhes bka' drin bskyangs te | de dus rje thams cad mkhyen pas phyag bstar nas sman rnams 'dul bar mdzad pa'i sman gting yin zer ba sogs 'ga' re da lta yang yod cing | sman pa dkon mchog skyabs kyi rgyud pa sman sgom 'bang rgyas pa zer ba'i rgyud kyang dus phyis kyi bar byung la | da lta ni gtsug lag khang de kha'i shul [64r] tsam dang de'i sa khongs su mgon po'i sku zhig kyang mjal rgyu snang ngo ||  'di dag ni sku 'bum chen mo 'khor bcas kyi lo rgyus rags rim lags so ||

+ zhang rin po che'i gzims phug nub ma'am chos khri nub mar grags pa'i lha khang 'di ni sngon dus 'gro mgon nyid kyi gzims chung dang | slob ma khyad par can rnams la gsang sngags kyi bskyed rdzogs sogs lkog chos lta bu gnang sa dang | mthar mya ngan las 'da' tshul yang 'di nyid du ston par mdzad pa'i byin brlabs can yin zhing | 'di nang gi sku brnyan 'di ni gsung byon ma'am gser shog mar grags pa'i byin brlabs can de yin la ||

+ mchod rten 'di ni 'gro mgon rin po cher log lta dang ser snas bcings pa gzhan gyi dpal 'joms pa sogs kyi sdig can mang por sprul pa'i khyi dmag 'gyed pa sogs drag po mngon spyod kyis tshar gcod pa dang | sku lus mi snang bar mdzad de zhing khams gzhan gyi gdul bya 'dul ba sogs mdzad pa na | skabs zhig nye gnas dar ma gzhon nu la nga zhag bdun mtshams byed de'i bar su yang ma 'ong zhes gsung zhing | zhag shas nas nye gnas kyis sgo phrag nas ltas pas | bla ma'i khri'i steng na sku ber dang 'od kyi yi ge a zhig min pa ma mthong nas | nye gnas kyi nga'i bla ma zhes bos te nang du zhugs pa na bla ma de nyid du snang bar mdzad pa'i sku ber a gcig ma zhes de nyid dang | rgyun par chos gsung dus kyi bzhugs khri rin po che gnyis nang bzhugs su byas te bzhengs par grags shing | 'gro mgon nyid [64v] kyi rtsa ba'i bla ma mal yer pa ba'i sku brnyan ras se ma | sngar gyi rten rnying grags thub dbang dang gdung rten gnyis | gzhan yang 'gro mgon nyid dang mgon khyi'i zhabs rjes dang | sngon dus dam pa rgya gar ma'i sku byin brlabs can bzhugs pa da lta sgrol ma lha khang du bzhugs | mdo'i khyams logs la zhang rin po che'i phyi nang gsang gsum gyi rnam thar sogs kyi logs bris dang bcas pa dang | 'jam mgon bla ma tsong kha pa chen po'i gdan sa dgu pa rje dbon blo bzang nyi mas gnas 'dir dben dgon zhig btab par chu mig rang rdol du byung ba sogs byin brlabs shin tu che zhing | dben dgon de da lta chos khri bar thim par grags te gzims phug gi bskor lags so ||

+ chos khri ba dang gzigs khang shar gnyis ka'i 'du khang ni snga phyi tsam ma gtogs zur chen pos gsar bskrun mdzad cing | logs bris rnams kyang zur gyi phyag bris ma yin tshul gong du brjod zin la | gzims khang shar gyi rten gtsor gdan sa ba sangs rgyas 'bum gyi sku gdung gi mchod rten dang | gzhan yang sngon dus kyi sku gsung thugs rten mang po yod par grags la | dpal ldan sa skya'i ring lugs rnam dag 'dzin cing 'jam mgon tsong kha pa'i ring lugs la'ang shin tu mos pa zhig ste rten bshad kyi yi ge zhib par ma mthong bas 'dir der tsam mo ||

+ chos khri'i rten gtsor rje rin po che'i sku brnyan bkra shis rdo kha ma | 'gro mgon g.yu brag pa chen po'i sku brnyan gsung byon ma 'di nyid ni zhang rin po che'i phyag nas ma | gsung yang lan mang byon pa'i byin brlabs can yin te | 'dis gtsang pho rog pa'i bla [65r] ma mdo sde mgon sogs la zab chos mang du gsung shing || lan cig bskor ba byed mi zhig gis 'dra sku 'di mjal bar bla ma zhig bzhugs 'dug snyam nas bzhugs gnas kyi sgo gdong gi seng ge la phye rkyal zhig bkal nas bla ma rin po che 'di yug cig bdag mdzod cig zer nas song shul du mi gzhan zhig gis yongs nas phye rkyal khyer bas | 'dra sku rin po ches de kho bo la bcol ba yin pas ma khyer zhes gsung byon | yang lan cig chom rkun ba zhig byung nas na bza' rnams rim gyis zhus de nas bla gos kyang zhus pa na | kho bo dge slong zhig yin pas de zhog gsungs pa sogs byin brlabs shin tu che ba dang | gzhan yang zhang gi rtsa ba'i bla ma mal yer pa ba'i sku brnyan ras se ma | byams pa'i sku brnyan | byams chen chos kyi rje shåkya ye shes kyi gzims khang nas gdan drangs pa'i 'phags pa'i gnas brtan 'khor bcas klu 'jim las grub pa'i byin brlabs caan zhig dang | de min gnas brtan bcu drug | rgyal ba gong ma na rim | lnga pa chen po'i bzhugs khri | zur chen gyis bzhengs pa'i mgon po'i sku khri chen gung thang pa mya ngan las 'da' khar gri gug sar skyur ba sogs legs nyes kyi rtags mtshan mngon sum du ston pa'i byin brlabs can gyis mtshon pa'i rten mang po bzhugs par grags shing | lhag par gdan sa 'di nyid lta grub rnam par dag pa dang | tshul khrims la gces spras su 'dzin par grags pas rten dang nor gyi mchog rang rgyud kyi bslab pa gsum la gces spras byed pa [65v] 'di rten thams cad kyi mchog dang | rgyal ba sras bcas thams cad kyis mgrin gcig tu bsngags par mdzad pas 'di nyid phul du byung ba yin no ||

de ltar gung thang gtsug lag khang dang | dgon gnas so so'i byung ba dang bcas pa'i dkar chag mdo tsam re zhig bkod zin to || 

smras pa |

rnam 'dren rgyal dang rgyal sras slob mar bcas ||

rnam dag thugs dang rnam pa sku gsung gi ||

gsang ba mchog dang gsang gsum rol pa'i tshul ||

bdag blo rmongs pas bdag gis ji ltar rtogs ||

'on kyang tha snyad shes bya lung rigs dang ||

yang dag dam pa'i man ngag gos bral nas ||

rgan po'i ngag bgros shog bu'i thang chen la ||

gya tshom gcer rgyug de dang 'di mi 'dra ||

lhag bsam rigs stobs brtson pa'i nyag thag la ||

sngon rabs legs bshad man ngag rgyu mtshan khungs ||

yang dag nor bu man shel rin chen sna ||

spel legs sngon med legs bshad 'di grub kyi ||

phyogs lhung rab rib blo skyon dri bral zhing ||

yang dag ltar snang rnam dpyod blo gros rgyas ||

pha mes rigs rgyud 'dod pa'i bu yod na ||

'di nyid rgyan du byin gyi rgyan byos shig ||

dge ba 'di yis 'di dang tshe rabs kun ||

rnam pa kun ldan rnam dkar yod do cog ||

dkon mchog gsum bsten bstan pa 'dzin mkhas pa'i ||

mkhas btsun bzang po'i mgon du bdag 'gyur shog ||

ces bya ba ni bar skabs kyi tshigs su bcad pa'o ||

+ bzhi pa mdor bsdus brten bshad bya tshul bshad pa ni | rten mjal ba rnams rten bshad bya yul gyi rten la mngon du phyogs par lag pa thal mo sbyar te 'greng ba'am 'dug pa gang 'os kyi spyod lam [66r] gyis 'khod du bcug ste | rang nyid kyis rten rnams la phyag gsum btsal nas | lag pa g.yas pa spos reng dang | g.yon pa me tog sil ma 'thor ba dang bcas 'di ltar brjod do ||

phun tshogs dge legs bye bas bskrun pa'i sku ||

mtha' yas 'gro ba'i re ba bskong ba'i gsung ||

ma lus shes bya ji bzhin gzigs pa'i thugs ||

shåkya'i gtso bo de la gus phyag 'tshal ||

rnam 'dren thugs rje'i spyi gzugs tsong kha pa ||

bslab gsum rgyan mdzes blo bzang ye shes zhabs ||

pad dkar 'chang ba bskal bzang rgya mtsho'i sde ||

mnyam med bla ma gsum la gus phyag 'tshal ||

bka' brgyud mes po 'gro mgon g.yu brag rje ||

brtan g.yo kun khyab zung 'jug he ru ka ||

legs ldan phyag bzhi 'dod khams dbang phyug ma ||

mchog gsum dam pa'i tshogs la phyag 'tshal lo ||

zhes bstod phyag sngon du btang nas bka' rgyud bstan pa'i mes po zhang g.yu brag pa zhes mtshan gyi khyad par du ma dang ldan pa de nyid kyis sngon bskal pa dpag tu med pa'i gong rol du de bzhin gshegs pa 'od zer kun 'phags dpal brtsegs rgyal po zhes bya bar sangs rgyas te nam mkhas gang khyab la sprul pas khyab par mdzad nas sems can gyi don mdzad | lhag par bod yul rdo rje ldan lha ldan sprul pa'i gtsug lag khang gi nye 'dabs tsha ba grur | mi rnams dang skal pa mnyam par skye ba bzhes pa'i tshul bstan nas | dwags sgom tshul khrims snying po la sogs bla ma du ma bsten te | thos bsam bgom gsum mthar phyin par mdzad pa las | zhang rin po che nyid kyi [66v] rtsa ba'i bla ma dpal rga lo chen po sogs bla ma yi dam gzhi bdag dang bcas pa thams cad kyis lha ldan jo bo rnams kyi zhabs tog tu dgon sde gtsug lag khang dang bcas pa btab na | ma 'ongs par bstan pa dang 'gro ba la phan rgya chen po thogs pa'i lung bstan mdzad cing | lhag par zhang nyid kyis gnas 'dir bde mchog 'khor lo'i dkyil 'khor rten brten par bcas pa gzigs pa la brten nas gtsug lag khang 'debs par bzhed de rtsig rmang 'khrid pa'i tshe | sangs rgyas rab bdun bde gshegs brgyad sogs nam mkhar byon te | me tog 'thor ba sogs mdzad pa'i rten 'brel khyad par can dang bcas byung ba sngon gyi tshe | khyams stod smad bar skor phyi skor sogs lha sa'i gtsug lag khang dang khyad med ltar yod kyang | gung thang me shor chen mo'i skabs phal cher dag nas phyis nang 'khor lha khang dang bcas pa zhig gso byas pa yin la | de lta bu'i gtsug lag khang gi gtsang khang dbus ma 'di'i jo bo byang chub chen po 'am | lha chen dpal 'bar gyi sku 'di ni | sngon dus 'gro mgon rin po ches bzhengs pa'i dzhai kshim (zi khyim, a gold alloy) las grub pa zhig yod pa der me'i skyon phran tshegs byung ba thugs khar ye shes sems dpa'i tshul gyis bzhugs shing | dpangs su 'dom dgu ba sngon dus sprul sku'i cha byad du yod pa la | khri chen ngag dbang mchog ldan gyis ras se'i dbu rgyan sogs sgron (?) nas zhal bsgyur | slar skyabs mgon rgyal tshab de mo rin po ches gser zangs las grub pa'i dbu rgyan sogs phras phyug pa 'di dag 'bul bar mdzad cing | gzhan g.yas g.yon gyi nyan thos sems dpa' bzhi dang | sham gyi nye bai sras brgyad | phro (?) [67r] xx dang bcas pa 'di rnams rgyal dbang srid zhi'i gtsug rgyan gong ma bskal bzang rgya mtsho de nyid kyi spur tshwa gtso bor gyur pa'i 'phags bod kyi pan grub phal mo che dang | rje yab sras | rgyal dbang sku phreng na rim | pan chen na rim sogs skyes chen mang po'i na bza' byin rten sogs sman 'dam 'ba' zhig las grub pa | nang zhugs su chos sku'i ring bsrel sogs kyis yongs su gtams pa rgyal dbang yab sras sogs gangs can gyi mkhas pa phal cher gyis phyag nas 'thor te | 'gro ba'i bsod nams kyi zhing du bskrun pa lags | g.yas g.yon gyi tshe dpag med la sogs pa 'di rnams khri chen rin po che dge 'dun phun tshogs kyi bzhengs pa lags la | 'di dag gi na bza' bla re sa rgyan dang bcas pa thams cad kyang sku mdun mkhan rin po che nas 'bul bar mdzada do ||

+ gtsang khang nub ma 'di la sngon dus glo 'bur nub ces zer ba 'di'i zhang rin po che'i 'dra sku yid bzhin gyi nor bu zhes bya ba 'di sngon gyi lha chen dpal 'bar gyi bzo phud du bzhengs pa | zhang nyid kyi rab gnas ma | gsung yang lan mang du byon zhing | sku 'dra nyid la drod rgyun mi chad du yod pas | gtsang khang 'di la dgun dus shin tu grang skabs kyang yon chab mi 'khyags pa mngon sum gyis grub pa dang | rgyal ba bsod nams rgya mtshos sku brnyan 'di mjal ba'i tshe 'dis zhwa phud mdzad pa dang | rtogs ldan za lung pa chen pos sgrub pa la dka' spyad bsam gyis mi khyab pa mdzad kyang rtogs pa ma skyes par | rmi lam du mkha' 'gro ma zhig gis sku brnyan 'dir gsol ba thob gsung ba la | 'di'i sku mdun [67v] du mandal phul gsol ba nan tan btab pas | sku mdun 'di nyid du rtogs pa skyes pa sogs byin brlabs can yin la | g.yas kyi gnyis pa 'di gdan rabs thog ma mnyam med shåkya ye shes dang | g.yon gyi gsum pa 'di nye gnas dar ma gzhon nu zhes pa de nyid yin zhing | de gsum sku rgyu dang bzhengs dus kyang gcig pas | zhang bzhugs dus kyi rten gtso'i gral byin brlabs can yin la | g.yas kyi gnyis pa rgyal mchog lnga pa chen po dang | rdo rje 'chang te lo na ro sogs bka' rgyud kyi bla ma 'di dag dang | g.yon phyogs kyi rgyal mchog dge 'dun rgya mtsho dang | dpal rga lo | dwags sgom tshul khrims snying po | byang sems 'ol kha ba | mal yer pa ba | slob dpon rngog pa | bla ma be ro ba ste zhang gi rtsa ba'i bla ma drug dang bcas pa'i sku 'di rnams zur chen chos dbyings rang grol gyis bzhengs shing | zur chen nyid dang rgyal mchog na rim rnams kyis rab gnas mdzad pa'i byin brlabs can yin la | g.yon gyi gral mgo'i rgyal mchog bskal bzang rgya mtsho'i sku brnyan gser zangs las grub pa khri rgyab dang bcas pa dang | gzhan yang bla re sku so so'i na bza' mchod rdzas dang bcas pa 'di dag kyang sku mdun mkhan rin po che dpon slob rnams kyis bzhengs par mdzad pa lags so ||

+ gtso bo'i g.yon ngos kyi gtsang khang 'di sngon dus glo 'bur shar ma zer ba la | phyis sku mdun dar han dpon slob kyi byang ngos su rgya bskyed nas gyang logs tshon rtsi dang bcas pa gsar bskrun mdzad la | 'di'i rten gtso 'di ni zhang rin po che'i gdung khang bkra shis 'od 'bar zhes bya ba mya ngan las 'da' tshul bstan [68r] nas nye gnas dar ma gzhon nu sogs dngos slob rnams kyis sku 'bum chen mo'i bang rim gsum pa man chad zhal bzhugs dus bzhengs tshar ba de'i steng du gdung zhugs 'phul mdzad pa'i tshe | ring bsrel dang bcas pa'i dbu thod dang | thugs ljags spyan gsum sogs byon pa 'di nang du bzhugs te | slob ma grub thob rnams kyis gsol ba 'debs pa'i rten khyad par can yin la | 'di la phyag mchod sogs byas na ngan song du mi gtong zhing cho rabs mang po'i sgrib pa'ang 'dag par gsungs pa yin no ||

'di'i sgrol ma gsung byon mar grags pa 'di ni sngar gyi rten gtso khyad par can skyid shod tshal pa'i gdung rabs rnams kyi gnas skabs dang mthar thug gi gsol ba 'debs rten hin zhing | gzhan li ma dang gdung rten la sogs pa 'di dag sngar gyi rten rnying me shor gyi mjug tu lha khang zhig po'i nang na bzhugs pa | sku mdun dar han dpon slob rnams kyis bzhugs gnas khang brtsegs la sogs pa 'di bzhengs te | phyogs gcig tu bsgrig par mdzad pa yin la | dam pa sangs rgyas kyi sku 'di ni zhang gi gzims phug sgrub gnas nas 'dir phebs pa yin zhing | byang phyogs dang | shar phyogs dang | lho'i sku brnyan 'di rnams rgyal dbang gong ma blo bzang bskal bzang rgya mtsho de nyid kyi spur tshwas gtsos byin rten bsam gyis mi khyab pa'i sman 'dam las grub cing nang bzhugs kyang ring bsrel bzhi sogs brjod pa'i yul las 'das pa dang | 'di dag gi bla re mchod rdzas na bza' dang bcas pa'ang sku mdun mkhan rin po che [68v] nas gsar bzo mdzad pa yin lags ||

+ tshe dpag lha khang 'di'i rten gtso tshe dpag med gser zangs las grub pa 'di ni skyid shod zhabs drung bkra shis rab brtan yab sras kyis lha khang gtso 'khor rnams la zhig gso rgya chen po mdzad skabs bzhengs te thams cad mkhyen pa bsod nams rgya mtsho spyan drangs nas rab gnas mdzad pa'i byin brlabs can yin la | byang gi dngul gdung 'di ni zur chen chos dbyings rang grol gyi dngul gdung rgyal mchog lnga pa chen pos bzhengs par mdzad nas rgyal rtse nas phebs pa'i bka' 'gyur 'di dang mnyam du 'dir gnang ba yin la | gzhan bka' 'gyur par ma tshar gnyis dang bstan 'gyur tshar gcig bcas yod pa 'di rnams sku mdun mkhan rin po che nas gnang ba yin zhing | gzhan lho ngos kyi sku 'dra gdung rten dang bcas pa 'di rnams zur chen gyis bzhengs pa yin lags | 'di nang gi na bza' mchod rdzas phal cher sku mdun tshang nas phul ba lags so ||

+ byams khang gi rten gtso byams mgon 'di ni khri chen gung thang pas bzhengs par grags shing | g.yas g.yon gyi sku brnyan 'di rnams dang thub dbang gtsor gyur gyi gos sku bcas dar han mkhan rin po che nas gsar bzhengs mdzad de rgyal dbang yab sras sogs skyes chen dam pa mang po'i byin rten dang phyag nas 'thor ba'i byin brlabs can dang | thub dbang gtsor gyur gyi gos sku rnying pa 'di ni phyag na padmo bsod nams rgya mtshos phyag nas 'thor ba'i byin brlabs can yin la | mdun gyi snga 'gyur gyi khro bo 'di rnams ni kun gzigs lnga pa mchod yon gyis phyogs ngan bzlog ched du bzhengs pa phyis su gtsug lag khang [69r] 'di nyid du phebs pa yin zhing | gtso 'khor rnams kyi na bza' mchod rdzas rnams kyang sku mdun mkhan rin po che dpon slob rnams kyis gsar sbyor mdzad pa yin no ||

+ mgon khang gi rten gtso ye shes mgon po gtso 'khor drug po 'di rnams ni 'gro mgon nyid kyi nye gnas dar ma gzhon nu sogs dngos slob rnams kyis bzhengs pa yin zhing | me shor chen mo'i dus su'ang mgon po'i zhabs rkyangs pa tsam gyis me blo bur du shi ba dang | rgyal mchog gong ma phebs skabs shig gi dus kyang zhabs nas bdud rtsi 'dzag pa dang zur chen chos dbyings rang grol thog mar phebs dus kyang mgon po'i thugs ka nas 'od zer dkar po zhig byung bas | mgon khang gi nang thams cad skya chal ler 'gro ba sogs rtags ngo mtshar can mang du bstan pa dang | bya rog gdong can 'dis kyang bde gzer du ma'i dus thugs ka nas bya rog dngos su thon te | pha rol mi bsrun pa rnams la mngon spyod drag po'i rtags mtshan dngos su bstan pa dang | 'dod khams dbang phyug gung thang lha or grags pa sku gsob 'di yang sprul sku dbu gru bzhis bzhengs par grags shing | rgyal dbang dge 'dun rgya mtsho la yang lha mo 'dis zhal mngon sum du bstan nas 'phrin las thogs med du sgrub pa dang | bka' gnyan pa dang 'phrin las myur ba'i lo rgyus mang du yod la | sngar gtsug lag khang gi dbu rtser lha mo khang du bzhugs pa las | phyis mgon khang 'di nyid du bzhugs pa yin la | 'di dag gi na bza' sogs ni sku mdun mkhan rin po ches gsar bskrun dang | snyan dar spyan gzigs sogs ni [69v] gzhung sa rin po che dang dar han mkhan rin po che sogs nas phul ba lags so ||

+ rnam sras lha khang gi rnam sras gser can dang mdung dmar can gyi sku 'di gnyis ni sngar gyi rten rnying dang me shor dus kyang me ma bzhes pas me thub mar grags pa yin lags | lhag par mdung dmar can 'di zhal dkyil du rdul tsam yang mi bzhes zhing rgyal mchog gong ma chibs bsgyur rjes ma'i dus su spyan nas bdud rtsi 'dzag pa sogs rtags mtshan du ma bstan cing zhal mjal ba tsam gyis dbul 'phong gi sdug bsngal sel ba sogs dang | sku gsob 'di ni gnas chen bya mkhar gyi gzhi bdag jo mo sman gcig ma'i sku gsob byin brlabs shin tu che ba dang | gtso 'khor gyi na bza' phyag mtshan snyan shal sogs kyang sku mdun mkhan rin po ches 'bul bar mdzad pa lags so ||

gzhan yang gtsug lag khang gi phyi nang bar gsum | steng 'og thams cad kyi logs ris rtsig zhal spen bad gser 'phru mchod rdzas sogs phal cher sku mdun mkhan rin po che dpon g.yog rnams kyis gsar bskrun dang zhig gso mdzad pa lags so ||

+ sku 'bum chen mo 'di ni 'gro mgon rang nyid la bzang yul mon gdong du nyams snang gi tshul du sku 'bum 'di nyid bang rim gsum pa man chad grub pa'i steng na rang nyid mya ngan las 'das pa'i sku gdung zhugs 'bul byed pa la steng 'og bar gsum nas lha klu dri za bu slob sogs kyis phyag mchod dang | mya ngan byed pa gzigs pa bzhin du phyis dpon slob rnams kyis mchod rten brtsigs pas bang rim gsum pa man chad [70r] 'grub par nye ba'i tshe | chos khri nub kyi steng du phebs te mchod rten bzhengs pa'i phan yon sogs gsungs pa'i mthar | zhang rang nyid dgung lo don gcig pa chu mo glang gi lo zla ba lnga pa'i tshes bcu'i tho rangs kyi dus su mya ngan las 'da' tshul bstan pa na | mchod rten gyi bang rim gsum pa'i steng du sku gdung gdan drangs te zhugs 'bul byas pa'i tshe thog mar me ma bzhes par bu slob rnams kyis gsol ba shugs drag btab pa'i tshe spur khang nas steng du 'phags par mdzad nas zhal gdams du ma gsungs shing | de nas thugs ka nas ye shes kyi me rang 'bar du song ba na thugs ljags sogs 'ga' zhig ma gtogs pa'i gdung rus dang bcas pa rnams bum pa yan chad kyis gtums shing | bum nang gi lha khang shar ma 'di nyid dang bcas pa rnams bu slob rnams kyis bzhengs par mdzad pa yin la | phyogs gzhan rnams kyi lha khang dang rten gtso'i tshul du rdor dbyings rtsa ba'i lha rnams rigs lnga'i tshul dang | 'khor gyi lha rnams bris 'bur ci rigs su bkod cing | stong sku cha tshang dang | brgyud rigs sogs drung chen smon lam pas bzhengs par mdzad kyang bar skabs su rtsa ba'i lha rnams ma gtogs phal cher zhig ral du song bar | slar zur chen sprul skus 'khor gyi lha 'di rnams rtse mo'i thugs dkyil dang mthun par kha bskang ba yin pas 'di dag la phyag mchod bskor ba byas pa lta ci smos | tha na dang ba'i mig gis blta ba dang | ser bu'i rdzi phog pa tsam dang | rlung dril gyi sgra rna lam du grags pa tshun chad kyang ngan 'gro'i skye sgo bcad [70v] nas thar pa'i sa bon bskrun par gdon mi za zhing | 'khor gyi mchod rten phal cher ni sku 'bum chen mo'i 'phro las bde gshegs mchod rten brgyad kyi kha bskong lta bur bu slob rnams kyis bzhengs par grags shing | 'ga' zhig ni gdan rabs gong ma rnams kyi sku gdung bzhugs pa'i mchod rten yin la | gzhan yang gdung rgyud gong ma 'ga' zhig gi sku tshe'i bar chad bzlog phyir bzhengs pa'i tshe sgrub 'bum pa dang | rta nor sogs kyi god kha bzlog phyir bzhengs pa'i mchod rten rnams la yang da lta phyag bskor byas na tshe'i bar chad bzlog nas tshe yun ring du 'phel ba dang | rta nor sogs longs spyod mnga' thang rnams gong 'phel du 'gyur ba sogs kyi phan yon mtha' yas par gsungs so ||

+ sri gcod 'bum pa 'am khyi 'bum du grags pa 'di ni 'gro mgon nyid zhal bzhugs dus su ye shes mgon po phyag bzhi pas khyi dom nag zhig tu sprul nas zhang nyid kyi dbang drag gtso gyur gyi las thams cad sgrub pa zhig yod pa des sprul pa bsdu bar nye ba'i tshe zhang gi drung du ma 'ongs pa'i slob rgyud dang bcas pa skyong zhing nga'i mchod rten la phyag mchod bskor ba byed pa de dag gi sri'i gnod pa sogs nyer 'tshe thams cad bzlog par bya'o ||  zhes dam bcas te khyi rus kyi rnam pa'i rten tsam zhig bzhag nas de nyid du sprul pa bsdus pa'i sku rus la mchod rten bzhengs par mdzad pa yin la | 'di la mchod gsod dang bskor ba sogs byas na sri'i gnod pa sogs nyer 'tshe thams cad zhi bar byed pa sogs kyi phan yon mtha' yas pa 'byung bar gsungs so ||

+ sngon dus gzims chung nub ma dang | da lta [71r] gzims phug tu grags pa 'di ni zhang rin po che'i gzims chung dang bu slob khyad par can rnams la gsang sngags kyi bskyed rdzogs sogs lkog chos lta bu gnang sa dang | mthar mya ngan las 'da' tshul yang 'di nyid du bstan pas byin brlabs can yin la | 'di'i nang gi sku brnyan nga 'dra ma'am gser shog mar grags pa 'di ni 'gro mgon nyid kyi phyag nas ma | sku rgyu ras se las grub pa | nang zhugs kyang khyad par can mang du bzhugs shing | gsung yang lan mang du byon pa yin la | gzhan gdung rten gnyis thub dbang dang bcas pa yang sngar gyi rten rnying gral dang | 'gro mgon rang nyid kyi rtsa ba'i bla ma yin nges bzhi'i nang tshan rdo rje rnal 'byor ma dang zhal mi gnyis pa'i rje btsun yer pa ba'i sku brnyan ras se mar grags pa'i byin rlabs can dang | zhang rang nyid dang mgon khyi'i zhabs rjes | gong du brjod pa ltar gyi gsung chos dang | mthar mya ngan las 'da' tshul bstan pa'i rnam thar gtso gyur gyi zhi khro'i bris sku gsar rnying byin brlabs shin tu che ba du mas bzhugs so ||

smras pa |

ma 'dris 'gro ba'i mdza' bshes thams cad mkhyen ||

khyod thugs 'gro la rjes chags 'gro ba kun ||

smin grol thabs tshul brgyad khri bzhi stong bcud ||

rang rang gang 'tshams stsol 'di khyad par chos ||

bden gnyis thabs shes gshog rlabs bskyod min par || [71v]

sku gnyis zung 'jug mkha' dbyings pha mtha'i gnas ||

bgrod min de phyir tshogs gnyis rlung shugs stobs ||

'dren mkhas thub dbang bka' drin snying la babs ||

de phyir rang rang gces pa'i lhag bsam dang ||

bstan 'gror sman pa'i khur chen 'degs mkhas rnams ||

sgo gsum rtsol ba 'bras bcas su 'dod pa ||

zhing mchog tshogs gnyis bskrun la brtson par mdzod ||

mchod sbyin yul phyogs thal kar khyu chen tshogs ||

gtong sems gting zab mtsho chen drung lhags tshe ||

rnam dpyod rgyal sras chu gter rlabs chen dag ||

dga' bde'i rba rlabs bzhin ras ngom min nam ||

de ltar zhing mchog dam pa'i yon tan dang ||

ngo mtshar mngon rtogs byung rabs bsngags 'os tshul ||

cung zad brjod pa'i rnam dkar gangga'i rgyun ||

kun mkhyen ye shes rgya mtshor 'bab gyur cig ||

ces bya ba ni bar skabs kyi tshigs su bcad pa'o ||

+ lnga pa ni de ltar gong du bshad pa'i gung thang dpal gyi gtsug lag khang rten brten par bcas pa'i dang po'i byed po 'gro mgon yab sras rnams dang | de dag la sri zhu bkur bsti byung ba'i tshul mdor bsdus tsam gong ma'i gsung rgyun dang | ngag 'gros khungs dag rnams las ji ltar 'byung ba bzhin bshad zin la | da ni de dag la phyag mchod sogs byas pa'i phan yon cung zad bshad na | de yang yon tan rin po che bsdud pa las |  la las ganggå'i klung gi ji snyed zhing rnams na || sems can ji snyed 'khod kun dgra bcom nyid btul bas || gang gi shes rab pha rol phyin 'di yig bris te || sems can mchog la glegs byin bsod nams khyad par 'phags || zhes dang | mgon po klu grub [72r] kyis || ji ltar bde gshegs sku gzugs shing las kyang || bgyis pa ci 'dra yang rung mkhas pas mchod ces gsungs pa ltar | gtso bo ni dal 'byor lan cig tsam thob pa'i dus 'dir rang gis rang ma bslus par byas te | rgyal ba'i bstan pa rin po che'i sgor zhugs nas | ma mtha' yang gsum la skyabs su 'gro ba tshun chad kyi bslab bzhi rnam par dag pa mnos te | de'i steng du bshes gnyen dam pa tshul bzhin du bsten nas | des bstan pa'i gdams ngag la nyams len gyi he dam tshun chad kyi shes rgyud la bag chags 'debs thub pa zhig byung na | sgo gsum g.yo 'gul gyi dge rtsa gzhan thams cad las mchog tu gyur pa yin zhing | rgyal ba sras bcas kyi dgongs pa'i gtad so yang de yin la | gal te rigs nus kyis de ltar ma nus na'ang | dkonmchog yid yul du byas te skyabs su 'gro ba dang | gzungs sngags khyad par can bzla ba dang | rten khyad par can la phyag dang mchod pas bsnyen bkur zhing gsol ba 'debs pa dang | sangs rgyas dang byang chub sems dpa'i bris 'bur gyi sku gsar du bzhengs shing | rnying pa gso ba dang | bkur bsti med pa'i lha khang la bsnyen bkur byed pa sogs kyi sgo nas nyin re bzhin bsod nams kyi dngos po bskyed cing spel nas dal 'byor la snying po len par byas na rang gis sha thang thab du sgrub pa'i longs spyod rnams kyang chud zos su mi 'gro ba dang | de la brten nas las kyi sgrib pa dag ste gnas skabs dang mthar thug gi don thams cad dkon mchog gi thugs rjes bde blag tu 'grub pa dang | nad nyung zhing longs spyod 'phel ba dang | [72v] dge rtsa byed pa rnams kyang je rgyas su 'gyur ba sogs rgyal ba'i bka' bslu ba med pa mang po nas phan yon dpag tu med pa gsungs shing | lhag par gong du bshad pa ltar | zhang rin po che 'di nyid rgyal ba sras bcas rnams kyi 'phrin las kyi ngo bo yin pas | sku gzugs 'di dag kyang 'gro ba'i don du sku gzugs bris 'bur gyi rnam par shar ba tsam ma gtogs | ye shes kyi ngo bo nyid yin pas na | gtsug lag khang gzhan la mchod pa las 'di dag la mchod pa sogs byas pa phan yon che ste | rang cag rnams las kyi sgrib pa'i bag chags 'thug pos sems non nas ji mi snyam du gyur ba yin gyi | sngon gyi skyes bu dam pa rnams dang zhang rin po che'i slob rgyud grub pa'i go 'phang mthon por gshegs pa de dag gis kyang rten 'di dag la bsnyen bkur lhur mdzad cing | da lta rgyal ba yab sras rnams kyang mchod bstod rgya cher mdzad pa 'di dag kyang zhing khyad par can du dgongs nas mdzad pa yin zhing | de dag gi khungs kyang mdo rgyud bstan bcos mang po nas gsungs mod kyis | 'dir de dag drangs na yig tshogs che bar 'gyur bas | shes par 'dod na mdo dang bstan chos so sor blta bar bya'o ||

smras pa |

'phul byung rgyal ba'i gsang ba gsum gyi ngo mtshar rnam thar ji snyed pa ||

phul byung mkhas rnams brjod (?) pa ngo mtshar rgya mtsho ji snyed mjings brgal te ||

phul byung dgongs don nor bu bai dËr mu tig gser dang byu ru sogs ||

phul byung rin chen zla med zong 'di bdag gi lhag bsam brtson pas sgrubs ||

rgyal sras dbang phyug rgyal ba'i rnam thar las ||

rgyal ba dgyes phyir bskal par brjod byed na || [73r]

rgyal la shes nas dad pa'i 'gro ba dag ||

rgyal ba'i yon tan bsngags la cis mi gus ||

lnga rig shes bya'i gnas la ma sbyangs kyang ||

go rim drang nges 'thad pa'i legs bshad 'di ||

rgyal kun ye shes ngo bo bla ma des ||

gsung gis bskyangs pa'i bka' drin lags so kye ||

spangs rtogs yon tan rgya mtshos thugs phyug cing ||

gang 'dul gdul byar 'tshams pa'i sku gsung gis ||

bstan 'gror phan bde stsol mkhas bla ma des ||

da dung byang chub bar du bdag skyongs shig ||

bdag gi sgo gsum legs byas rnam dkar dge ||

khyad par 'dir 'bad bsod nams phung po'i mthus ||

rang gzhan cho rabs dal 'byor yid bzhin nor ||

cod pan mdzes pa'i rten bzang rim rgyud shog ||

de tshe de yi gdams pa'i man ngag ni ||

cha tshang ma nor rmad byung dgongs pa'i gnad ||

ji bzhin rtogs nas nyams myong bdud rtsi yis ||

tha rgod sems kyi zhing sa brlan par shog ||

khyad par dus gsum rgyal ba bskrun pa'i yum ||

rgyal sras kun gyi thugs la brnag pa'i nor ||

byang chub sems gnyis spyod par bcas pa de ||

yid la byed dang nam yang 'bral med shog ||

byang chub spyod pa yid 'ong sgoms pa'i 'bras ||

thams cad gzigs pa'i go 'phang thob pa na ||

'gro ba'i grangs dang mtshungs pa'i sprul pa yis ||

gang 'dul thabs kyis 'gro rnams sgrol bar shog ||

ji snyed khams dang bsam pa'i bye brag gis ||

rgyu 'bras mtho dman theg par mos pa'i blor ||

gang 'tshams ston dang 'dul la mi skyo ba'i ||

spyan ras gzigs dang bdag nyid mtshungs par shog ||

tshul 'di bskul ba'i byed po 'khor bcas rnams ||  [73v]

'gro mgon yab sras 'jam dpal snying po yis ||

rjes su bzung zhing gnas skabs mthar thug gi ||

'dod don ma lus smon bzhin 'grub par shog ||

mdor na bdag gi bsam pa'i re ba kun ||

ji bzhin 'grub la rgyal ba sras bcas dang ||

'phrin las lha mo chos bsrung spyi dgos kyis ||

'phrin las rten 'brel bsnyel ba med par shog ||  ||

ces skyid shod gung thang dpal gyi gtsug lag khang byung rabs dang bcas pa'i dkar chag 'gro mgon zhal lung bdud rtsi'i chu rgyun zhes bya ba 'di ni gung thang chos khri grwa tshang gi dbu mdzad dge slong ngag dbang yar 'phel | 'chams dpon zur pa dge slong bstan 'dzin chos 'phel | 'chams dpon las thog pa dge slong bskal bzang mthu stobs | grwa tshang dge skos bskal bzang chos grags | mchod khang chen mo'i dkon gnyer dang grwa tshang spyi gnyer sogs las khrom (?) gcig char 'dzin mi dge slong thub bstan bsam 'phel sogs lugs gnyis kyi rnam dpyod can du mas | mos 'dun chen pos bskul zhing | lhag par grwa tshang rang gi grwa rigs gzhung lugs smra ba dka' bcu grags pa mkhas grub kyis kyang | 'di skor gyi dpe rnying rnams kyis da lha'i mngon rtogs 'grig dka' zhing rten khyad par can 'di dag la rten bshad sogs nye bar mkho yang deb rnying rnams las bsdu dka' ba bcas sngon gyi byung rabs dang 'brel ba'i dkar chag dang | rten bshad thams cad 'du zhing khungs dag pa 'di lta bu zhig cis kyang dgos zhes yang yang nan gyis bskul ba la brten nas | yongs rdzogs bstan pa'i mnga' bdag rje btsun ye shes rgyal mtshan sogs bshes gnyen dam pa du mas rjes su bzung ba'i mthu las rgyal ba'i gsung rab rin po che spyi dang bye brag la rnam dpyod cung zad thob pa | spos dga' ri khrod 'dzin pa'i goms las pa bla ming ngag dbang bstan 'dzin 'phrin las rnam rgyal gyis 'o sol gyi ston pa thugs rje can de nyid lumbi'i tshal du sku bltams nas lo nyis stong bdun brgya zhe gsum | wa ra na sir [74r] 'khor lnga sde bzang po la bden bzhi'i chos 'khor bskor nas lo nyis stong bdun brgya dang nyag ma dgu | bka' brgyud bstan pa'i chu mgo 'gro mgon g.yu brag pa chen po bsam bzhin 'gro ba'i don du skyid shod tsha ba grur sku bltams nas lo drug brgya dang drug cu re gnyis | dam pa de nyid kyi lha ldan jo shåk rnam gnyis kyi zhabs 'debs su tshal btab nas lo drug brgya dang nyag ma brgyad | gung thang dpal gyi gtsug lag khang btab nas lo lnga brgya dang dgu bcu go drug | khams gsum chos kyi rgyal po tsong kha pa chen po mdo smad tsong kha'i yul du sku bltams nas lo bzhi brgya dang nyer drug | dam pa de nyid kyis rang cag gser mdog cod pan 'dzin pa rnams kyi bstan pa rin po che'i 'byung khungs 'brog ri bo dge ldan rnam par rgyal ba'i gling btab nas lo sum brgya dang bdun cu don bzhi lon pa rab byung bcu gsum pa'i dge byed ces pa chu pho stag gi lo hor zla bcu gnyis pa'i tshes lnga'i nyin mjug grub par bgyis te | lha ldan sprul pa'i gtsug lag khang gi nye 'dabs su sbyar ba 'dis kyang bstan pa dang sems can la phan pa'i rgyur gyur cig || + ||

om swa sti |

tshogs gnyis rin chen khams las mngon 'ongs pa'i ||

sku gsum nor bu'i mdzod la dbang bsgyur zhing ||

'phrin las 'od kyi dra ba 'bum phrag tu ||

'gyed mkhas 'gro mgon g.yu brag pa la 'dud ||

mgon khyod ring nas byang chub rgyal thab cher ||

dbang bsgyur zin kyang 'gro tshogs dbugs 'byin slad ||

dus kyi mthar yang bshes gnyen skur bstan nas ||

dpag yas mdzad pa'i 'khor lo ci yang bsgyur ||

lhag par don brgyud snying po phyag rgya che ||

'dzin skyob spel ba'i phrin las dar drag pas ||

kun lhag zla bral mnyam med ring lugs mchog ||

tshal pa ba zhes snyan pa'i grags pa 'bar ||

gsung skyes slob tshogs rgyu skar grangs mnyam pas ||

gang gi lugs bzang sgrub rgyud snying po'i bstan ||  [74v]

'dzam gling phyogs kun khyab par spel ba las ||

stod smad bar gyi tshal par yongs su grags ||

khyad par dbus 'gyur sa yi thig le'i dpyid ||

rten dang brten par bcas pa'i gandho la ||

sde snod 'dzin pa'i 'dus tshogs dang bcas pa ||

dpag yas 'gro ba'i nyer 'tshor smin par bskrun ||

der ni mnyam med shåkya ye shes sogs ||

chos kyi ring lugs 'dzin pa'i gdan rabs dang ||

lugs zung spel mdzad dar ma gzhon nu sogs ||

srid skyong mi rje'i tshul 'dzin mtha' klas byon ||

de dag gis kyang rnam bzhi'i 'phrin las kyis ||

'jam gling yangs pa'i khyon la dbang bsgyur te ||

bstan 'gro'i gsos su smin pa'i rnam dkar gyi ||

rlabs chen mdzad pa'i ba dan srid rtser bsgrengs ||

dus mtha' 'dir yang bstan pa'i yang snying mchog ||

gser mdog 'chang ba'i lugs bzang 'dzin nas kyang ||

gangs can mgon sogs dam pa du ma yis ||

ring du spel dang yun du gnas par mdzad ||

de ltar 'gro bai mgon po nyid nas bzungs ||

rim byon dam pa'i 'phrin las kyis bskrun pa'i ||

yang dgon chos khri dbus gling la sogs pa'i ||

bslab gsum khrims ldan 'das pa'i sde chen dang ||

mthong ba don ldan ngo mtshar byin rlabs gter ||

mnyam med thub dbang byang chub chen po dang ||

'gro mgon snang brnyan yid bzhin nor bus gtsos ||

gdan rabs rim byon du ma'i 'dra 'bag sogs ||

rten gsum ngo mtshar can rnams gtsor bzhugs pa'i ||

mig gi bdud rtsir che ba'i gtsug lag khang ||

rten dang brten par bcas rnams skye rgu yi ||

bsod nams rgya mtsho'i zhing du mngon par 'phags ||

de dag rnams la yid ches mos gus dang ||

dang ba bskyed phyir 'byung khungs lo rgyus sogs ||

yon tan bsngags pa'i phreng ba las brtsams pa'i ||  [75r]

dkar chag 'gro ba'i mgon po'i zhal ung 'di ||

nges pa don gyi grub pa'i dbang phyug mchog ||

bka' drin mtshungs med ngag gi dbang po zhes ||

mtshan tsam gyis kyang rgud kun sel mdzad pa'i ||

mgon de'i gsung gi gsang ba che las thon ||

de nyid mi nyams ring du gnas phyir dang ||

mthong thos dran reg 'gro ba mtha' dag gi ||

rgyud la dkar po'i sa bon 'debs pa'i phyir ||

'dzad med bar gyi mchod sbyin chen por spel ||

tshul 'dir 'brel thogs ser skya mtha' dag dang ||

khyad par thog mtha' bar ma thams cad du ||

mdzad pa'i khur chen khyed la gzhan gyi dring ||

mi 'jog mtshungs med rje btsun bla ma mchog ||

grags pa'i mtshan can gang gi gsang gsum gyi ||

'gal rkyen zhi zhing bstan 'gror sman pa yi ||

mdzad 'phrin mtha' dag yar ngo'i zla bzhin du ||

gong nas gong du 'phel ba nyid gyur cig ||

rgyu sbyor byed po mang thos xxx brtson mchog ||

yang dgon bla ma blo bzang 'byung gnas dang ||

rig grol bde chen chos khri grwa tshang nas ||

rgyud chen dge slong bskal bzang rab 'byor dang ||

dbu mdzad dge slong bshes gnyen tshul khrims dang ||

dge bskos dge slong blo bzang phun tshogs dang ||

spyi gnyer dge slong blo bzang bde chos dang ||

ngag dbang rnam rgyal ngag dbang rgyal mtshan sogs ||

'dus sde dmangs dang bcas pas gzhi bzung zhing ||

dge slong blo gros rgya mtsho la sogs pa'i ||

dbus ging 'dus spyi rnams dang gzhan yang ni ||

dad ldan rnam dpyod ldan pa du ma yis ||

lhag bsam rnam par dag pas kun blangs te ||

'di phyi'i bde legs rlabs chen sgrub pa'i phyir ||

rang rang dngos po'i 'byor tshogs du mar bcas ||

gcig tu dril bas rgyu tshogs bla lhag tu ||

sgrub pa'i dge mthus rgyu sbyor de kun kyang ||  [75v]

gnas skabs 'gal rkyen bar chad kun zhi zhing ||

mthar thug rim gnyis lam gyis rgyud sbyangs te ||

ring min sku bzhi'i go 'phang thob gyur cig ||

mchod sbyin 'di nyid sgrub la rtse gcig pa'i ||

lhag bsam phul du phyin cing yid gzhungs pa ||

yig mkhan par brkos zhus dag pa la sogs ||

kun kyang tshe 'dir mi 'dod nyer 'tshe'i rigs ||

mtha' dag lhag med zhi nas skye kun tu ||

'jam dpal snying po'i bstan dang mi 'bral zhing ||

sa dang lam gyi rtogs pa mthar phyin te ||

rang gzhan don gnyis 'grub pa'i rgyur gyur cig ||

snyigs dus xxx'i phan bde'i gzhir gyur pa ||

chos khri yang dgon dbus gling sgom bde sogs ||

'dus sde rten gsum gtsug lag khang bcas pa ||

bskal pa'i bar du nyams med gnas gyur cig ||

gzhan yang 'di lta'i dge ba ci bsags pa ||

rgyal bstan dar zhing de 'dzin zhab pad brtan ||

'gro kun chos 'byor bde skyid dga' ston la ||

spyod pa'i bskal bzang nyid du smin gyur cig ||

mdor na 'dis mtshon rang gzhan thams cad kyi ||

dus gsum dge ba'i tshogs rnams ma lus pa ||

gcig tu bsdus shing 'dums der lus can kun ||

rdo rje 'dzin pa'i sa la reg gur cig ||

bslu med mchog gsum thugs rje'i byin rlabs dang ||

rten 'brel bslu ba med pa'i bden pa dang ||

bdag sogs lhag bsam dag pa'i legs byas mthus ||

smon pa'i gnas kun bde blag 'grub gyur cig ||

ces tshal gung thang gi gtsug lag khang rten gsum 'dus sde dang bcas pa rnams kyi 'byung khungs lo rgyus rnam dag bcas brtsams pa'i sngon med kyi dkar chag 'gro mgon zhal lung zhes bya ba rje btsun 'jog ri ba chen po ngag gi dbang po'i gsung gi gsang ba las thon pa di nyid rang gzhan thams cad kyi dad pa dang gus [76r] pa'i gsos su nyams med ring du gnas shing chos sbyin rgya cher spel phyir | gtso bor rje bla ma nyid kyi sras kyi thu bo mtshungs med chos kyi rje zhal snga nas grags pa mkhas grub nas thog mtha' bar gsum du thugs khur bla lhag tu bzhes pa'i don bzhin | rgyu sbyor gyi mchod sbyin spel ba po | tshal yang dgon bla ma 'byung gnas lags nas kha btags phyi mdzod dang | dngul srang bcu gcig | 'bag 'bri gzhi'i shog bu grangs phyed nyis brgya skor | par shing gnyis | zhabs pad lha sdings dge slong rin po che nas dngul srang lnga | g.yu thog sprul sku rin po che nas srang phyed gsum || skyabs mgon bla ma rin po che'i nye gnas phyag mdzod dge slong nas dngul srang bco lnga dang zho lnga | chos khri grwa gi grwa rigs sku gshegs rgyud chen dge slong bskal bzang rab 'byor gyi sku chas nas srang bcu | gung thang chos khri grwa tshang gi dbu mdzad dge slong bshes gnyen tshul khrims | dge bskos blo bzang phun tshogs | phyi gnyer blo bzang bde chos | mchod khang chen mo'i dkon gnyer blo bzang mkhyen rab | grwa tshang phyag mdzod ngag dbang rgyal mtshan | phyag mdzod zur pa ngag dbang rnam rgyal bcas nas khur len gyis grwa tshang spyi nas dngul srang sum cu so gnyis dang zho dgu skar lnga | tshal dbus gling grwa tshang spyi nas dngul srang gang | kha btags phyi mdzod | dbus gling dge slong blo gros rgya mtsho nas srang gang | yang dgon bla ma dbu mdzad ngag dbang lhun grub nas zho lnga dang bsod btags | chu bzang dge bshes ngag dbang mkhas grub nas zho lnga | ser byes grwa rigs khal kha tshul khrims pa nas srang gang | ser smad grwa rigs gung ru phun tshogs dpal ldan nas par shing gsum | chos khri dbu mdzad bshes gnyen nas tam bcu | chos khri (?) dge slong ngag dbang rnam rgyal | blo bzang shes rab | blo bzang zla ba gsum nas srang gang zho gang skar phyed brgyad | par shing brgyad | par shing gcig | bsod btags | mchod khang dkon gnyer blo bzang mkhyen rab sger nas zho bdun skar lnga | chos khri dge slong don ldan nas zho gsum | chos khri dge slong byams pa shes rab nas zho gang skar lnga | bsod btags par shing gcig | chos khri dge slong bshes gnyen nas skar lnga | bya mkhar btsun ma spyi nas srang

{Note:  an extra line, line 7, has been squeezed into the bottom of the page.  It is supposed to be inserted somewhere, but the insertion point isn't clear.  As far as it is readable, it says:  sgom sde gzims shar mdzod pa kun dga' chos 'phel dang byams pa dam chos gnyis las khur thog grwa tshang spyi nas bsod btags dang dngul zho lnga | phyag mdzod byams pa dam chos nas bsod btags dngul skar phyed brgyad | chos khri dge slong 'jam dbyangs bstan 'dzin nas tam gcig |}

[76v] gsum | smon khar spyil bu ba'i dge tshul ma nas srang gsum bcas phul bas gzhi bzung ste thugs khur dang rgyu sbyor bla lhag gi sgo nas par du bskrun par mdzad pa'i par byang smon tshig 'di lta bu zhig dgos zhes dpal ldan bla ma dam pa mtshungs med kyi rje zhal snga nas grags pa mkhas grub dpal bzang pos bka' lung spyi bor bkod pa dad du blangs te ser stod mkhan po rgyal dbang sprul ming blo bzang 'phrin las rnam rgyal gyi bris pa dza yantu ||  ||

'od gsal 'dus ma byas pa chos kyi sku ||

ma lus mtshan dpe'i rgyan ldan longs spyod rdzogs ||

dgos 'dod re ba bskong mdzad sprul pa'i sku ||

'gro mgon g.yu brag pa la gsol ba 'debs ||

sa bcu nyid la gnas pa'i sems dpa' che ||

gzi brjid me ltar 'bar ba'i khro gtum can ||

bstan la sdang ba'i dgra bgegs tshar gcod pa'i ||

ye shes mgon po'i tshogs la gus pas 'dud ||

snang ba mtha' yas rgyal ba'i gtso ||

sgrub pa'i dbang phyug kun gyi mgon ||

'gro ba'i mgon po g.yu brag pa ||

ye shes bdud rtsis dgyes par mdzod ||

oµ a ma rå .ni dzi wanti ye swå hå | oµ bhrËm swå hå | oµ a mri ta å yurda de swå hå | oµ tå re tutta re tu re ma ma a yurpunyai dznyå na pu.sh.tiµ su ru ye swå hå | oµ a ma rå .ni ja wanti ye swå hå | oµ bhr˵ swå hå | oµ a mri ta å yurda de swå hå | oµ tå re tuttå re tu re ma ma a yurpu.nyai dznyå na pu.sh.tiµ ku ru ye swå hå | oµ a ma ra .ni ji wanti ye swå hå | oµ bhr˵ swå hå | oµ a mri ta å yurda de swå hå |

mdo sngags bshad sgrub bstan pa'i 'byung khungs 'dir ||

mkhas shing grub brnyes rgyun mi chad byon nas ||

'brel tshad don ldan dam pa'i skyes bu yis ||

sa chen padmo'i tshal bzhin mdzes gyur cig ||

oµ a ra pa tsa na dhi ||

[1]Ögödei reigned from 1229-1241, acc. to Petech.

[2]See Petech, Central Tibet and the Mongols, p. 6, n. 5.

[3]Petech, Central Tibet & the Mongols, p. 31:  "In Dbus itself the Mongols arrested the 'Ts'al-pa k'ri dpon dGa'-bde-mgon-po, who was sent to Peking and was released only after the fall of Sang-ko."  See also p. 72, which says that after Sang-ko's fall from power and execution in 1291, Dga'-bde was allowed to return to his myriarchy, where he lived peacefully til his death in 1310.

[4]Petech, Central Tibet & the Mongols, lists Kun dga' bzang po as the dpon chen from about 1270 to about 1275.  He was slain by Zam kha in 1281 (p. 25).

[5]See Petech, Central Tibet & the Mongols, p. 21, which says that in 1267 Mongol troups led by Kher khe ta penetrated into Tibet and killed one 'Dam pa ri pa and crushed resistance.  Petech dates the real power of the Mongols over Tibet to the year 1268.

[6]Blue Annals, p. 490 has him as a teacher of the Karma pa III in his youth (therefore in the vicinity of 1300).

[7]Petech (see above) says he died in 1310.  Therefore he must have been born in 1253, and become Dpon in 1267 or so (age 14, western system, 15 in Tibetan system).

[8]Father of Tshal-pa Kun-dga'-rdo-rje.  He was b. in 1284, fathered Kun-dga'-rdo-rje in 1309, became a full monk at age 44 in 1328, and must have died in 1347.

[9](Gung-ru) RGYAL MTSHAN BZANG PO  (1350-1425)  Famous abbot of Se-ra.  Guenther, Buddhist Philosophy 105.  Disc. of Tsong-kha-pa.

[10] This passage on the number of books at Tshal Gung thang is translated into German in the catalog Tibet Klöster öffenen ihre Schatzkammern, p. 57.