Grags-pa Gling-grags

Grags pa rin chen gling grags 

(& associated texts)

Version: October 2004

Input by Dan Martin, 

Jerusalem

So far this file contains transcriptions of two complete texts:  

[1] G.yung drung bon gyi rgyud 'bum, contained in Sources for a History of Bon (SFHB), pp. 1-46.  

[2] Sgrags pa gling grags, contained in SFHB, pp. 48-71.

Note that these texts are badly spelled in general (and I haven't always followed the spelling used in the texts or their punctuation conventions), so it is highly advisable to use this file only as an index to the original text (which ought to be consulted directly in every case).  Examples of commonly used eccentric spellings include rter for gter ('treasure'), dbu rgyan for u rgyan, stag zig for stag gzig, etc.  Generally, the prescript and superscript letters (those preceding the ming gzhi) are the ones that are most likely to be eccentric (and knowing this will help with computer searches done on the text).  But then we notice such spellings as Lha drag khom thing for Lho brag Kho mthing...  These sorts of spellings will be very difficult to locate using even the most fuzzy computer search functions!

SOURCE:  G.yung drung bon gyi rgyud 'bum, contained in SFHB, pp. 1-46.  

Note that, despite the front title, this might (but with large question marks) be considered to be part of the Sgrags pa rin chen gling grags (see the occurrence of this title at p. 46.7).  This remains to be determined.  We might note that the usual text of the Sgrags pa rin chen gling grags has a four-fold outline (not three-fold as here), and starts with a world geography (and this history does not start with geography).  Although the mss. are in dbu can script, there are still some shorthand ways of writing, which have been resolved here without comment.

OUTLINE (based on that given at p. 4.1):  g.yung drung bon gyi lo rgyus la gsum du 'dus pa lags /

1. dang po bon gyi byung lugs dang gcig /

2. bar du rgyud khungs dang gnyis /

3. tha ma dar nub ji ltar byung ba dang gsum /

OUTLINE (based on actual divisions found in text):  

Chap. 1.  pp. 5.3 [dang po byung khungs ni] through13.2.

Chap. 2.  pp. 13.2 [bar du rgyud gdung rgyud ji ltar rgyud pa ni] through 18.1 [bar du rgyud khungs bstan pa'i le'u].

Chap. 3.  pp. 18.1 [tha mar dar nub bstan pa ni] through ?

[1] G.yung drung bon gyi rgyud 'bum bzhugs /

[2] 

[3] drung mu gyer bzhi tan tra da do ci /

bod skad du / g.yung drung bon gyi rgyud 'bum zhes bya ba /

ston pa rnam pa thams cad mkhyen pa la phyag 'tshal lo //

bon 'di ni g.yung drung bon gyi [4] byung tshul bstan pa lags so //

g.yung drung bon gyi lo rgyus la gsum du 'dus pa lags /

DANG PO bon gyi byung lugs dang gcig /

BAR du rgyud khungs dang gnyis /

THA MA dar nub ji ltar byung ba dang gsum gyis [5]

bstan te /

de la dang po BYUNG KHUNGS ni /

ston pa gshen lha 'od dkar nas byung ste /

de yang bon gyi sku nam mkha' lta bu las / longs spyod rdzogs pa'i sku nyi zla lta bur sprul /  longs spyod rdzogs pa'i sku nyi zla lta bu las / longs spyod rdzogs pa'i sku nyi zla lta bur sprul / longs spyod rdzogs pa'i sky nyi zla lta bu las / sbrul pa'i sku nyi zer ram / gzha' tshon lta bu las sprul te / 'gro ba'i don mdzad pa lags so //

bon de ji ltar rgyud cing bshad na / de yang bon gyi sku [6] rang bzhin thugs rje chen po byin gyis brlabs kyis bshad / bon de tshad med 'od ldan la sogs kyis rang bzhin med par go ba lags so //

rdzogs pa'i sku ting nge 'dzin thugs rje chen pos byin gyis rlabs kyis bshad pas ye gshen rtsug phud la sogs pas / bon thams cad brjod du med par go ba lags so //

de nas sprul pa'i sku ston pa gshen rabs mi bo yis / 'gro ba'i don ji ltar mdzad pa ni / tshig [7] dang / yi ge thugs rjes byin gyis brlabs kyis bshad de / bon thams cad tshigs sdebs su bshad nas / lha yul du lha'i bon po rma'u kha dang dang / lha'i bon po yongs su dag par sprul te / ting nge 'dzin g.yo rtsol med pa'i bon dang / g.yeng ba bzhi bar bya ba'i bon bshad / lha rnams ltung ba zhi bar bya ba'i bon bshad pa lags so //

lha ma yin gyi yul du / lha ma yin gyi bon po lce rgyal bar tir sku sprul te / thugs rje zhi ba'i ngang yang bde ba'i bon dang zhi ba'i ngang gis bon bshad nas / lha ma yin 'thab rtsod ki sdug bsngal zhi bar mdzad pa lags so //

glen lkugs byol song gi bon po ti sangs sangs sku sprul nas / ye shes [8] gsal ba'i bon dang / rig par bdol gyi bon bshad / byol song glen lkugs kyi sdug bsngal zhi bar mdzad pa lags so //

bkres skom yi dags kyi yul du / gshen gsang ba ngang rings su sku sprul te / sbyin pa kun tshim gyi bon dang / thugs rje rgya chen gyi bon bshad nas / yi dags bkres skom gyi sdug bsngal zhi bar mdzad pa lags so //

dmyal ba tsha grang gi yul du gshen mu cho ldem drug tu sku sprul te / kun sngags sgrib sel dang / bzod thob bde ba'i bon bshad nas / dmyal ba tsha grang gi sdug bsngal zhi bar mdzad pa lags so //

'gyur ba mi'i yul du / gshen rabs mi bor sku sprul te mi rnams las / dge sdig rnam par [9] 'byed pa'i bon la sogs ste / bon mang du bstan pa lags so //

de yang ji ltar bstan pa ni / sngon gyi bskal pa dang po la / tshe lo dpag tu med pa thub pa'i dus su / g.yung drung thob pa'i gshen bzhir sku sprul te / 'gro ba'i kha lo gyen du gyur pa lags pa / de nas stong thub pa'i dus su / rdzu 'phrul ldan pa'i gshen bzhir sprul nas / sems can gyi kha lo gyur ba lags so //

de nas lnga brgya thub pa'i dus su / grub pa thob pa'i gshen bzhir sprul nas / sems can gyi kha lo gyen du bsgyur ba lags so //

da nas tshe lo brgya thub pa'i dus su / ston pa gshen rabs mi bor mtshan gsol te / bstan pa rgyas par mdzad nas / sems can gyi kha lo gyen du bsgyur ba lags so //

de yang dus de nas phyis tshe lo bcu thub pa'i dus su / gshen thang ma me sgron du sprul [10] nas / sems can gyi kha lo gyen du bsgyur ba lags so //

de lgar gshen bdun gyis bstan pa mdzad pas / 'khor ba'i sems can stongs pa tsam cig sangs rgyas par mdzad pas / 'khor ba'i sems can stong pa tsam cig sangs rgyas par mdzad pa lags so //

dus da lta lnga brgya pa 'di lags na yang / bstan pa ni ston pa gshen rabs kyi bstan pa lags te / de yang ston pas bstan pa ji ltar ba'i mdzad pa'i khungs ni / mi yul du bskos bstan pa ji ltar mdzad na / dang po ston pas 'gro ba'i don la byon pa yang / gzigs tshad bzhi la dgongs nas byon pa lags te / gling mang yang lho'i 'dzam bu'i gling / bsod nams bsags pa'i gling la gzigs / yul mang yang 'ol mo lung rings la gzigs / yab yum mang yang rgyal bon thod dkar dang [11] yo phyi rgyal bzhad gnyis nyon mongs chung ba la gzigs / bstan pa'i gnas mang yang / gshen po rig pa che ba rnams la gzigs nas byon pa lags skad do //

de yang 'gro ba sems can gyi don du sku la skye shi mi mnga' yang / sku btsas pa'i tshul bstan / dus der rgyal bu mtshan ldan khyad par can cig 'khrungs / dgung lo gcig nas shes rig tshad du rdzogs / theg pa tha ma phya gshen pa'i bon mdzad / gnyis na snang gshen pa'i bon rnams mdzad / gsum na 'khrul gshen bon rnams mdzad / dgung lo bzhi na srid gshen gi bon rnams mdzad / rto spyad mang pos 'gro ba la phan btags / 'thun rdzas mang pos 'gro ba 'gu bar byas / rdzu 'phrul thabs kyi bar chad dgra bgyegs bsgral // thugs rje che thabs kyis gshen po mtho sar grangs / de ltar rgyu'i bon rnams mdzad pa lags skad do //

de nas dgung lo lnga lon nas dge sdig gnyis kyi don rtogs / 'dus byas kyi dge rtsa mthar phyung / dge bsnyen bon rnams rdzogs par mdzad pa lags skad do //

de nas dgung lo drug bzhes nas / g.yung drung gi bon phye ba med pa las ma 'dres [12] pa sum bcu thugs su chud / 

dge ba'i tshogs rnams rdzogs par bsrungs / 'dul ba rgyud lung la dka' ba skyangs / drang srong pa'i theg pa yang rdzogs par mdzad / dgung lo bdun lon nas / gsang sngags kyi bsgor bzhugs / lha rgyud lus la bkram ste rang rgyud lha ru bsgrubs / gshen glu thengs gsum blangs te / 'khor ba'i mya ngan sangs / gshen 'gros goms gsum bor nas / sa bcu zil gyis gnan / de ltar a dkar po'i theg pa mdzad do //

dgung lo brgyad lon nas ting nge 'dzin yan lag sgo nas zhugs / rang sems gtan la phab pas / lha lug sman bdun ma btsas par zho skyel ba byung / dge ba mi yis byas na 'tsho ba lha yis sbyor bya ba'i gtan tshigs dang po de nas byung / de ltar ye gshen pa'i theg pa rgyas par mdzad do //

de nas dgung lo dgu bzhes pa nas / khyad par chen po'i don rtogs te / skye shi med par sangs rgyas rang la 'byung // bde chen don la ma rtsal lhun gyis grub // 'bod rtsol sgrub pa'i rgyu ni gang yang med // [13] de ltar khyad par chen po'i don rtogs pa lags skad do //

de ltar rang don lhun gyis grub pas gzhan don mtha' ru phyin pa lags so //  de yan chad bon gyi byung khungs gleng bzhi u chad [~dbu chad] kyi le'u 'o //    //

----------

bar du rgyud gdung rgyud ji ltar rgyud pa ni / de ltar de'i dus su / ston pa gshen rabs 'dab chags kyi rgyal po khyung cig tu sprul te / lho 'dzam bu gling du skad rigs mi mthun pa sum brgya drug bcu la bon gyi skad bsgyur  / bon gyi lo tstsha ba chen po y ang ston pas mdzad / de yang ji ltar mdzad na / ston pa shel gyi mchod rten la bya ru gnyis yod pa la / rnga gshang re bya ru g.yas g.yon la yod pa cig tu sprul / rgya gar gyi yul pha sha ka ru'i gling [Peshawar? Pushkar?] bya bar byon nas / rgya gar si ti gnya' na (Siddhijñâna) dang / lha bdag sngags dro gnyis la bon gyi bstan pa gzhag pas / der rgya gar gyi rgyal po dad pa skyes nas / mchod rten mchod pa'i rten du bzung ste / mchod pa phul bas bkra shis te / yon tan 'byung bas / da lta mchod rten la bya ru dgos pa dang / bya ru la gshang dang dril [14] bu 'dogs pa yang g.yung drung bon gyi bka' rtags lags so //

de nas ston pas bal po'i yul du byon / bal po a sho dang / bal po u su da ra la sogs pa / rta bon tshangs pa la bon gyi bstan pa gzhag pa lags so // de dus bal yul du mchod rten sku tshad bzhengs te / bal po rnams kyis mchod pa phul bas / bal po rnams bkra shis pas / mtshan yang shing kun zhes gsol lo //  phyi rabs kyi dus su yang bal po'i yul du 'phags pa shing kun de la mchod pa 'bul zhing / bstan pa rgyas par yong ba lags so // de yang g.yung drung bon gyi bstan pa gzhag pa lags so //

de nas ston pas shel sku mtshon gang ba cig spyi bo'i gtsug tu bzhag / dbu brgyan [~u rgyan] gyi yul gsal ba ye shes kyi gling la byon pas / gtsug phud thob pa'i gshen po dgus / ston pa dang shel sku dngos su mthong bas / de la dad pa skyes nas bon zhus pas / der ston pas shel gyi sku de yid dam gyi lhar phog pas / de la dad pa skyes / yid dam du sgom du bcug [15] pas / slob bu rnams la mgo la gtsug phud re btags te / bsgoms pas grub pa thob pas / gtsug phud thob pa'i gshen dgu de la bya'o //

da lta bon po'i mgo la gtsug phud tshang ba'i gtan tshigs de ltar lags so //

de ltar yang dag don gyi bon dang po dbu rgyan yul du bstan pa gzhag pa lags so //

de nas ston pas za hor gyi yul du byon nas / mu stegs kha ste nag po la / mthu dang rdzu 'phrul gyi bon bstan / phyin ci log gi lta ba la 'gyod sems skye ru bcug / de ltar mu stegs / rdzu 'phrul dang mthu che ba yang de ltar lags so //

de nas ston pas kha che'i yul du gsal ba kha brgyan la byon / kha che'i sngags pa a dkar po dang / gshen dam nag po gnyis la / tshe phyi ma yod med gnyis la ma mthun pa la / ston pas kha che'i rgyal po dbang du btsugs te / dge sdig gi bon bshad / de gnyis kyis 'thun par byas / bon bden gnyis yang dag dang / dge sdig shan 'byed bstan / kha che'i yul du de gnyis la bsten pa gzhag pa lags so //

de nas ston pas tho gar yul du byon [16] nas / shel gyi mchod rten dang lha mo'i sku phru gang brdo ba la bzhengs pa gzhag / tho gar a dgod dang / dza la 'bar ba dang / rngam pa dgod 'bar gsum la bon bstan / de gsum gyis rten la mchod pa phul bas / byin brlabs dang ldan te bstan pa btsugs pas / da lta tho gar na sku la rtsigs su che ba lags / zlugs [~blugs] sku dang brdo sku rang 'byung yang / dang po de nas byung ba lags so //

de nas ston pas li yul ljang ra smug por byon / li yul gyi mi rnams thams cad 'tshogs pas / li bon u dpal [~utpal?] dang / li bon lha 'bar dang / li spungs dgung dang gsum la bstan pa bzhag pa lags so // bon po de gsum gyis lo gsum sgrubs pas / long spyod sna tshogs la spyod cing grub pa thob pa lags so //

de nas ston pas klu yul du byon / klu chen po brgyad dam la btags / klu bon ye shes snying po la man ngag nyung la 'dus pa bstan / klu chen yul du bstan pa gzhag pa lags so //

de nas ston pas stag zig yul du byon / stag zig gi yul rnams la bon bstan / stag zig lce thog gser 'byam la bstan pa bzhag pa lags so //

de nas zhang zhung gi yul du byon / zhang zhung gi bon po mu sangs dang / wer sangs dang he mu sangs gsum la / [17] gar zha nag po'i bon bslabs nas bstan pa bzhag pa lags so //

de ltar yul mi cig pa re rer / skad mi gcig pa re re bsgyur cing / lo tstsha ba yang mdzad bstan pa yang bzhag pa lags so //

de rnams kyis kyang gcig la gcig stan khung rgyud cing bstan pa spel ba lags so //

de nas bod yul dbus su byon pa'i shul ni / rtsang srubs ring thung la byon pas / bod ri gangs rgyud la gnas pa'i lha 'dre kun gyis gus pa phul te / srog snying tha tshig bzhag pas / da lta g.ya' ri gangs ri thams cad rtsang po'i ngos nas 'dug pa yang / dang po tha tshig de ltar lags /

gangs ri dang g.ya ri mgo yar btud pa yang / bon gyi bka' gnyan pa'i rtags lags so //

rtsang sbubs ring la 'bru smin pa yang gshen rabs kyi zhabs kyis bcags pa'i byin brlabs lags so //

rtsang sbubs ring la rtsi shing rgyas pa yang / de dus ston pa la lha 'dre zhabs la 'jus / ka stan cing sngon bsu skyel byas pa'i rtags so //

chu rgyung ring la rin po che sna tshang ba yod pa yang / ston pa'i zhabs kyis bcags pa'i byin rlabs lags / de nas ston pas rgyal rigs gshen po mi lus bsam legs la bon gyi stan pa bzhag pas / bod kyi rgyal khams kha lo gyen du sgyur ba lags so //

tha ma ston pa nyid kyang sems can rtag tu re ba sun dbyung ba'i phyir / sku mi rtag mya ngan 'da' tshul bstan nas / mi mngon dbyings nas 'gro [18] don mdzad pa lags so //

de yan chad ni BAR DU RGYUD KHUNGS BSTAN PA'i le'u'o //  //

----------------

THA MAR DAR NUB BSTAN PA ni / 

ston pa'i sku mya ngan las 'das kyang gsung ma 'das te / dar shog dang blegs bam [~glegs bam] la bris pa 'di ltar lags skad do //

de yang long ma sangs spun dgus srin po btul ba'i rting la yin te / rje yab la bdal drug gi sras / khri bar la bdun tshigs lags / de'i sras bar la srid med te / mgo nag mi'i rje ru gshegs pa yang / ston pas byin gyis brlabs te / 'gro don la btang /  rje de gshegs pa'i dus su / sku srungs kyi bon po nam mkha' las sprul pa ni / dmu bon ye than rgyud las 'tshe mi rgyal du sprul / phya bon the lag rgyud las bcwo gshen phyag dkar sprul te / ngon po de gnyis kyis rje'i phyag g.yas dang g.yon rten nas / yar lung sogs dkar gshegs pas / bon po la le gu zhes bya ba'i brtan tshigs dang po de ltar lags so //

mi mang pos bteg ste khri la bzhag pas / rje'i mtshan yang gnya' khri btsan po lags so //

'tshe mi yis dbu la 'tshe btsugs / gco bus phyag tu mkhar bskur nas / bon la rten nas 'ongs pas / lha sras thugs kyang bon la ches / bon gyi gnyer yang rgyal po la gtad do //

rgyal pos kyang so so kun nas la rang thad du spyad du med do //

de ltar sras rnal ba'i rmang [19] lam na / me cig 'bar ba yang bsod pa rmi / thugs la dgongs pas / bon dar nub yong bar mkhyen / lha sras ma dges te smon lam btab pa ni / nga'i g.yung drung bon 'di rgyal blon bdug pa can su yis snubs kyang / de ma thog tu dar cing rdol bar shog ces gsungs so //  //

de nas dri rum btsan po'i sku tshe'i tshe stod yan chad du / rgyal gyi sku yang 'tshe gco rgyud mas btsas / rgyal po nyid kyang g.yung drung bon la spyod / dus de tsam na rje yang bla nas mnga' thang che / 'bangs yongs kyang mnga' 'og na skyid / g.yung drung bon gyi bstan pa yang rab tu dar / bon la bon chen nyi shu rtsa bzhi byung / sgrub pa po bzhi bcu rtsa brgyad byung /

de nas btus pa mkhas pa mi bzhi byung / zhang zhung la mkhas pa stong rgyung mthu chen / me nyag la mkhas pa lce tsha mkhar bu / lde la mkhas pa gyin tsha rma chung / se la mkhas pa sha ri u chen / de ltar bzhi byung ngo //

gshen po de bzhi'i ring la / mthu khyung lung dngul 'khar mas chad nas / sum pa glang gi gyim shod yan chad du / bon gyi 'du gnas sum bcu rtsa gnyis bcas te / bon gyi mnga' thang rab tu rgyas pa lags so //

de yang 'du gnas sum bcu rtsa bdun ni /

dbus ru na bcu gsum /

g.yon ru na brgyad /

g.yas ru na brgyad /

ru lag na dgu ste so bdun no //

de yang dbus ru'i bcu gsum ni /

[1] ngan lam ral gsum bon gyi 'du gnas sa /

[2] 'dam shod snar mo bon gyi 'du gnas sa /

[3] 'phan yul 'dram dkar bon gyi 'du gnas sa / [20]

[4] mal gro ba rab bon gyi 'du gnas sa /

[5] shun gyi brag dmar bon gyi 'du gnas sa /

[6] has po phri thang bon gyi 'du gnas sa /

[7] lha sa yer pa bon gyi 'du gnas sa /

[8] nam gyi ra gdang bon gyi 'du gnas sa /

[9] gnam mtsho do rings bon gyi 'du gnas sa /

[10] stod rol ga lung gsum bon gyi 'du gnas sa /

[11] skyi shod lung nag bon gyi 'du gnas sa /

[12] re rgya ngan lam bon gyi 'du gnas sa /

[13] mtho gon rgyal mo mkha' dang bcu gsum mo //

g.yon ru'i brgyad ni

[1] mdor kha shug cig bon gyi 'du gnas sa /

[2] nya yul shing nag bon gyi 'du gnas sa /

[3] rkong yul bre sna bon gyi 'du gnas sa /

[4] g.ye lung gangs bar bon gyi 'du gnas sa /

[5] yar lung swogs ka bon gyi 'du gnas sa /

[6] klung shod thang dmar bon gyi 'du gnas sa /

[7] mal gro mtsho shod bon gyi 'du gnas sa /

[8] xxx xxx xxx dang brgyad //

g.yas ru'i brgyad ni /

[1] 'u yug sa nag bon gyi 'du gnas sa /

[2] shangs kyi sho tshal bon gyi 'du gnas sa /

[3] brud kyi mkhar gdong bon gyi 'du gnas sa /

[4] rta nag rkyang bu bon gyi 'du gnas sa /

[5] 'jad kyi rkyang 'khor bon gyi 'du gnas sa /

[6] sta bu gron lhas bon gyi 'du gnas sa /

[7] rtsang gi gyer phu bon gyi 'du gnas sa /

[8] zang zang lha brag bon gyi 'du gnas sa / dang brgyad do //

ru lag gi dgu ni /

[1] nyang stod stag tshal bon gyi 'du gnas sa /

[2] chu mgo brdo reng bon gyi 'du gnas sa /

[3] mkhar chen brag dkar bon gyi 'du gnas sa /

[4] mtsho rngam dril chung bon gyi 'du gnas sa /

[5] gnyan rtsa thang shod bon gyi 'du gnas sa /

[6] khrol sa khu'u bon gyi 'du gnas sa /

[7] na za thang zlum bon gyi 'du gnas sa /  [21]

[8] mang mkhar mdo phug bon gyi 'du gnas sa /

[9] lha yul gung thang bon gyi 'du gnas sa dang dgu'o //

'du gnas de dag tu / gshen po grangs las 'das pa cig yod pa la / de rnams kyi nang nas grub pa thob pa dgu / mkhas pa phul du 'gyur ba dgu / mthu bo che dgu / bon chen bzhi bcu rtsa gnyis / de dag gis mnga' ris bod kyi rgyal 'khams su bcad do //

de yang grub pa thub pa dgu ni /

[1] rgyal mu khri btsad po /

[2] mon bon ha ra ji bar /

[3] stag wer li wer /

[4] a nu phrag thag /

[5] sad ne ga'u /

[6] zings pa mthu chen /

[7] se shad ra khug /

[8] spe bon thog 'phrul /

[9] thi dmar thad ge dang dgu /

lce rings mkhas pa dgu ni /

[1] mkhas pa da mi thad ge /

[2] stong rgyung mthu chen /

[3] sha ri dbu chen /

[4] gyim tsha rma chung /

[5] lce tsha mkhar bu /

[6] za rang me 'bar /

[7] ngam pa lce rings /

[8] lha bdag sngags gro /

[9] mu spungs gsal ldan dang dgu /

mthu bo che dgu ni /

[1] gangs ri sor mos 'degs pa'i li bon mu cha /

[2] rtsi shing rang sdud byed pa'i gco gyim bu lan tsha /

[3] gnam sa go zlog pa'i pa kor dod de rgyal ba /

[4] rgya mtsho bal 'dab tu 'phur ba'i sum cha pa mu cha /

[5] has po ri me'i zhags pas 'debs pa'i khu bon mthong drags /

[6] bdud srin dngos su khugs pa'i zhang zhung mu cho /

[7] g.yar rtsang gyen la zlog pa'i pa kor dod de rgyal ba /

[8] ri rab sa la sa sor byed pa'i ljang tsha 'phan snang /

[9] rtsi shing goms pas spyod pa'i rma bon thugs dkar dang dgu'o //

bon chen bzhi bcu rtsa gnyis ni /

[1-10] rgyal gyi sku mtsho ba bcu /

[11-20] blon gyi gros dang srog mtsho ba bcu /

[21-30] rgya bod stod nas bsrung ba bcu / [22]

[31-40] sum pa stong sde smad nas bsrung ba bcu /

[41-42] bkra shis g.yang la ngo bo gnyis de ltar bzhi bcu rtsa gnyis so //

de dus de tsam na / bod kyis skor na mi rje lhas mdzad pas dpal mtho / lha srog gshen gyis btsas pas sku tshe ring / spyod phyogs bon la spyad pas lam rgyud ring / dmu thag gnam nas btags pas thar pa'i skas lam bzang // rtsang rigs lha ru sten pas stong grogs che / blon po gros la mkhas pas rgyal srid gzhi brtan cing bzhugs so //

de'i dus na / rgyal gyi gong na gshen btsun pas / blar bkur ste / rtsigs su byin pa ni / dbu la rtsigs byin pa ni / dbu sra rtse rgyal sil ma la breg cing sdud du med pa la / dar seng dkar po'i 'gying thod la / bya rgyal rgod kyi ldem gru btsugs pa dang / dar gyi 'phan spyad bya ba byin // sku la rtsigs byin pa / dbyi dkar dang slang dkar slag pa la / stag zig gung gsum gyi thod ka gsal ba byin / gsung la rtsigs byin pa ni / gshen ngag tshig gsum ma smras par / gong nas rgyal po'i bka' ma gsol // 'og nas blon po'i gros mi 'cha' / gshen klu thangs gsum ma blangs par / rgyal blon gro klu ma rol / gsung dbyangs bon la rol dus gral gang zhal mi smra / thugs mnyes pa'i rtsigs su / stong yang rgyal po dang mnyam / rkus na yang rang 'gyur dgu bcu chal du byas / chab la gshegs na rje yang byon chibs skyon pa lags so // dral cha rang gshen po g.yas dral / blon po g.yon dral / bar gyi gung la rgyal po'i gdan / rmangs phal pa ni bka' sdod do //

dus de tsam na / rgya gar [23] na chos yod skad /  

rgya nag la gtsug lag rtsis /

phrom la sman spyad /

bod dang zhang zhung gi yul na bon gyis 'dul zhing spyod pa las / gzhan gang yang med pa lags so //

sman spyad 'di bon gyi lag tu spyod pa lags so // 

dus de tsam na yul myang ro stag tshal / mkhar nyang ro sham po na / btsad po phri rje yag pa dang / btsun mo sbrang bza' lha rgyan gnyis la rnang lam ngan pa rmi /  the rang mang sta dbu wer gyi bu cig lto ru zhugs te / zla dgu ngo bcu na yum la ltam pas / sras bu de sra dmar ba mig tsa zlum pa / sha rtsi dmar ba lag 'thil g.yas la sme ba nag po yod pa cig skyes nas / sdigs dga' ba go mtshon la sre pa / kha ngan par smra ba / dri rtags sna dgu ma'i rum nas tshang ba cig byung ngo //

de sku gshen pha ba tshe gco gnyis pos / mtshan yang dri rum btsan por btags so //

de dang dpal za khri btsun 'tshos pa las / nam gyi gud la sras bya rta spyang khu gsum gyi spu yis / skra dang ba spu byas pa cig byung bas / mtshan yang spu lde gung rgyal du btags so //

dus de tsam na rgyal po'i thugs su don zhugs / blon po blo nor (blo na ro?) / rgya gar gyi srang po blo rig rno / btsun mo glen / sras bu chungs / bon yang thengs cig nub tu tho ste / blon po cen gzher me lha bya ba na re / khai rje rgyal btsad po lags / dbu'i zha ches na lus po rngul te 'chi / zas zhim po zos grags na skyug bro / shig 'khyams rkang pa la zhugs na spyi bo'i rtsug stog / bon po mgo ma thos pa 'dis / rje'i mnga' thang phrogs par 'chi'o zhes zer skad do //

rgya gar sprang po ratna si ti na re / [24] g.yung drung gi bon 'di rgya che la gting zab pas / shes pa'i dus mi 'chi / rtsang rigs kyi lha klu rnams rtag tu mngal rum thur bas / blo bur ye 'brog byed / gshen po rnams ni dbu mtho la dregs che bas / dus da lta rgyal gshen do mnyam tsam du bda' ste / sras dang dbon gyi ring la rgyal srid bon gyis mkhyer bar mchi'o // zer skad do //

blon po bla ngan bya mgo na re / khong gnyis kyang bden da lta yang bon po / rgyal po bas bka' che blon po bas dbang rtsan / rje'i gong na bka' mchid byed / 'di ma snubs na rje rgyal la dbang mi 'chi zer ro //

yang blon po zings pa ratna bya ba na re / grub pa'i gshen dgu ni mnga' thang dang byin rlabs che / mthu bo che mi dgu ni mthu dang rdzu 'phrul che / bon chen bzhi bcu rtsa gnyis ni bka' brtsan pas / bon po la chab gsol bar bka' ma phebs pas / gshen po rnams mthar bcug par bka' mchid gleng bar zhu / zhes kleng ngo //

der rgyal po'i zhal na re / g.yung drung gi bon 'di rnams gnyan la gting zab / rtsang rigs kyi lha sman (?) mngal rum thur bas / rang re tsho la nyes pa mi 'ong ngam / ces gsungs pas /

sprang po ratna na re / de'i thabs dngos la bdog pas / gshen po kun nan dang rtsigs la bor te / mthar skyugs lags mod zer /

blon po zi nam stag gu na re / rje'i sku srungs la gshen po cig rtsang rigs lha gsol ba la bzhag pas lha'i ka chad mi 'ong / gzhan ma spyugs pas chab srid la rang dbang yod pas / bka' gros lhur cig skad do /

gru zha gnam gsas na re / bon gshos kyi [25] lha bon bsgo bzhi / sku bsrungs la brtan par ma gzhag na / rgyal po yang sku mi rtag pa'i nyes che / lar yang gros de 'dra cig byas pa bda' bas / lha bon sgo bzhi 'di ston pa'i sku gshen cig med na / lha dgod lcam yang ru 'thur bar 'chi'o ces gleng ngo //

der rje'i thugs su don zhugs te / rgyal pos bang chen btang te / phyogs bzhi nas gshen po rnams bsogs te / rje'i zhal nas pha ba sku gshen rnams gson dang / mgo'i zha ches pas lus la rngul te 'chi / zas zhim zos grags na skyug gro / shig 'khyams dkang la zhugs na spyi bo'i gtsug stog / gshen po khyed mgo ma thos pas rgyal gyi mnga' la gnod pa 'dug pas / lha bon sgo bzhi dang / gyim bu lan tsha dang / ge god this 'phen dang / 'tshe mi klud gtong dang / de rnams bdag gi sku gshen du bzhugs 'tshal lo //

gshen po phyi ma rnams bod ru bzhi las 'das pa cig tu gshegs 'tshal la / zer ro //

de la blon po chen po ra sangs khod rum gyis zhus pa / kye rgyal po lags / sdig pa sgos khur lags pas ngan song gnas su ltung / dge ba spyi 'thun lags pas mtho ris skras la 'dzeg / lha bal chen zlos na nyid du mngon sangs rgya / blon po smra ba mangs na rgyal po thugs phral skye / rgyal po khyer rngams ches na / rgyal srid rmangs su kyis 'khyer ba lags / rje rgyal btsad po yang bka' de mi gsung bar zhu ces zhus pas /

thugs su gdon zhugs pas ma bzhed do //

de'i dus su rmangs rnams kyang rje 'di ci dran pa yin nam / yab mes kyis blar khur ba'i gshen po rnams [26] spyugs / g.yung drung bon 'di snubs na rje'i sku tshe la mi sman zer ro //

gtam ngan pa yang grags so //

byas te zhus pas ma gnang ngo //

de'i dus su gshen po rnams bka' gros pas / gshen po phal gyi zhe la de mi bden / yab mes kyi rnam dar gshig nas rje la yang 'phral du ngan / 'u bon po la rje mi dgol zer ro //

de'i dus rgyang yar bla chen khod spungs kyis gsungs pa /  khai gshen po kun de skad ma kleng / rgyal po smra ba thengs cig smra / gcam bu smra ba yang yang smra / yu bo gdung ba khus kyis rdung / bon gshen rnams kyang mtha' ru gshegs / gyim bu lan tsha yang ma bzhugs gshegs par zhu gsungs pas / 

gyim bu na re / rgun gnam la sprin ma chad na / sos char sprin 'byung / dgun chu sa la sbas na / drod gsher g.yar na ldang / dge ba tshe 'dir spyad na / dge ba'i rtags phyi ma 'byung / lha bon sgo bzhi dar na gsas mkhar srog 'dzin pas / bdag kyang mi 'gro sdod pa lags / lha bon yang ma nub pa dges zer nas bzhud du ma nyen pa la bon sgo phyed dang gnyis byin / thi mar ni rje'i sku srungs la khyer te btson ltar bsdams //

der gshen po rnams bka' gros te / bon rnams 'du gnas rnams su sbas / gshen po rnams bye ma la g.yung drung gi tshal / mkhar gsas kyi byi ba mkhar du tshogs nas / rgyal po yang bdud mo la stab pa'i brtan tshigs mdzad pa'i dus su / rkyel mu dur gyi zhal nas /  mgo la ra skyes mcher se can / skyur 'thungs mtshon thogs gdon gyis brlams / za ma mo dang rgyal 'khor la / [27] bag dang ldan pa ma byas na / gshen po sku yang bkrongs pa srid / bstan pa'ang me chus 'tshal ba srid pas / 'di la bka' gros bzab 'tshal lo skad do //

der gshen po rnams bka' bgros pas RA SANGS dang KHYE NA YO CHA'i zhal nas  /khye'u dran pas snoms la yar lung sogs dkar gshegs cig / bon sde cha cig mkhas pa gong ma bzhis bsnoms la / lho bal rus dgu la bstan pa 'dzugs su gshegs so //

bon sde cha cig ni KYE NAN YO BYA dang / khye'u dran pas snoms la yar lung sogs dkar gshegs cig /

bon sde cha cig mkhas pa gong ma bzhis bsnoms la / lho dom sgro nag por bstan pa 'dzugs su gshegs cig /

bon sde cha cig ni stangs dmu tsha gyer med dang / blon ra sangs khod ram gyis snoms la / byang 'brog gnam stod du gshegs cig /

bon sde cha cig ni ra lcags bya ru can dang / khu stag slag can gyis snoms la / yul byang smad gling drug la gshegs cig ces gsungs so //

der nam mkha' stong pa la rlung gi 'khor los dbang sgyur nas / nyi zla bza' skar yang nub pa bzhin du / yul mdo rtsang bar du dar ba'i gsas mkhar dang sku rten gsung rabs kyang / rgyal po cig gi sku ring la nub par 'gyur ro //

rlung gi 'khor los dbang bsgyur nas / nyi zla gza' skar yang nub par 'char ba bzhin / bon yang slar dar ba'i rgyu lags so //

zhes gsungs nas s[o] s[o]r bstan pa'i gnyer la gshegs so //

de'i dus su gshen po la la ni rtswa mi dang shing mi'i [28] yul du gshegs so //

la la ni rgya 'jang hor dang sog po'i yul du gshegs so //

gshen po la la ni g.ya' ri dang gangs ri la gshegs so //

la la ni nags khrod dang mtsho do la gshegs so //

la la ni mya ngams kyi snams bu la mtsho rting rdol dang / dmu yad rang babs bsgrubs nas gshegs so //

la la bdud rtsi gangs rdo dang chu'i bcud la gsol zhing / ri brag dben phug la bzhugs so //

bon sde cha cig ni stangs mu tsa gyer med dang / bla chen dran pa khod spung kyis gsang brag rgya bo dang / dang ra khyung rdzong yang dben du bsnoms te gshegs so //

rgyal glen pa snyan 'phra la bden par gzung ste / bon nub tu tho nas che gsum dbang gi (?) me 'bar ba la chung gsum 'phra ma'i shing snam nas / bon nub pa lags so //

de dus gshen po rnams kyis bon gyi dmod pa bor ba / nga'i bon 'di bden na rgyal po la dbu yogs shog / ces gsungs nas la yogs bdar bas / rgyal po la bon snubs pa'i dbu yogs byung ste / rgyal po gri rum btsan po yang / yul nyang ro thal ba 'tshal du gri ru gum ste / de yang sras kyis chibs dka' thub tsam na / yab dgung du gshegs pa yang bon snubs pa 'di bu yogs so //

dmu thag rgyang thag chad / dmu sras rim dgu zhig / de phan chad dgung du gshegs pa'i thabs ma byung ste / bang so sa la btab pa lags so //

de yan chad gnam la khri bdun zhes bya ste / gshegs pa yang nam mkha' la rdzu 'phrul gyis gshegs pa lags so //  [29]

der bon snubs pa'i la yogs kyis 'gro ba yang sa la leg leg por 'gro ba cig tu thal lo //

der sa'i legs drug bya ba yang de nas byung ba lags so //

rgyal po rdzu 'phrul dang bral ba yang bon snubs pa'i dbu yogs lags //

der rgyal po yang mnga' thang chung du song ngo //

der rgyal gyi dmu thag chad pas rgyal rmangs su babs / rgyal khams kyang ma bde / rgyal po'i spur yang klu lcam khod rings ma'i lag tu shor / ltas mi shis pa mang po byung ste / sras kyang rtog pa zos so //

der rgyal po yang mnga' thang chung du song ngo //

rto dang spyad byas te / spur klu'i lig nas khye'u rang la dar pos blangs te / bang so yar lung phu ru btab / sras spu lde gung rgyal yang der bdan grangs [gdan drangs] / rgyal khrims gzugs par dgongs te / rto dang spyad mo phra rtags pas / de nam mkha' la 'gro ba'i rdzu 'phrul dang bral ba 'di / bon snubs pa'i nyes par bda' zer / da yang bon po rnams bdan grangs la / g.yung drung bon rgyal pos spyod cig / rje yang mnga' thang rgyas pa bda'o zer /

de nas rgyal pos gshen po rnams bdan grangs / g.yung drung gi bon rgyal pos spyad / thugs dam rje'i bla 'bum g.yung drung bka' rtags can khams brgyad bzhengs so //

gsas mkhar khri rtse dgu rtsegs bzhengs / bon gyi dbu 'bangs rgyal gyis bstod / rgyal po sku yang srangs te / de nas bon yang slar rje dar rje dar la song / lha sras dri med kyi smon lam der rtsan no /

der bon la mkhas [30] pa mang po yang rims kyis byung ngo //

rgyal po nam mkha' la 'gro ba'i rdzu 'phrul bral yang / mnga' thang sngar bas cher skyes so //

de nas rgyal rabs bcu drug tu dar ba lags so //

de nas phri thob nas brtsan gyis zhang zhung gi gshen po mang po gdan grangs / 'bum dang gsas mkhar phyogs bzhir rtsigs / bod dang zhang zhung gcig tu sdebs / bon dar la rgyas par mdzad pas rje yang sku tshe ring / 'bangs kyang 'og nas skyid pa lags skad do //  •  //

de nas bod rje yang bod spyod pas / mnga' thang rje dar la song ste / mtha' dul bar dgongs so //

bla bon dang phyogs bzhi nas bteg /

de nas de'i tshe bon po la yig rtsang du rgod gsum gyi zhal / g.yu'i bya ru la btsugs pa dang / bya rgod dkar mo'i thul ba la stag gi gong lag btags pa phul ba yis / bon po bya gzhu dang bya thul gon pa yang de nas byung ba lags /

yang sum pa'i bon po spe nag gu yis / dgra lha gsol dgra sri gnan nas / hor la dgol bas hor gyi rgyal khams mnga' 'og tu chud de'i tshe dge dang / yig rtsang du gser gyi gsas zan dang / g.yu'i sman bshos phul /  gser mda' dang g.yu 'phang bka' rtags su byin pas / bon po gsas gsang dang sman bshos lha la 'dzugs pa dang / 'da' 'phang lha la rten 'dzugs pa [31] yang de nas byung bda' /

yang rgya nag rgyal pos rje'i sku la sdos pas / zhang zhung gi bon po gya re chen btso 'phen gyis / gser la sngags nas btso 'phangs pas / rgya nag rgyal khams thul /

de'i tshe dge dang yig rtsang du rgyal pos g.yu phrugs cig phul / dbu la dar thod dkar po bcings / da lta bon po dbu thod 'ching ba dang / 'gul du gser g.yu 'dogs pa yang brtan tshigs de ltar lags so //

de nas dpon la dmag grangs pas / zhang zhung btso chen thog 'bebs kyis / btso 'phangs te mon btul bas che rtags su stag gzig gsum gyi thul ba phul / mngar gsum 'gur du drangs pas / bon po'i sku la stag slag gon pa yang de lgar lags so //

de ltar rje'i sku dgra bon gyis btul / rgyal phran bcu gnyis mnga' 'og tu sdus /

de ltar rje'i mgna' thang bon gyis skyed do //

yang rje 'du spros mang pos rje stong nam gyi bla g.yu 'jang 'gre yis rkus pa yis / mtshe [ba?] gnyis kyi bon pos 'jang 'dre btul / rla b.yu phrogs nas rje la brtad pas / rje dges te che dge dang yig rtsang bon la gnang ba ni / stod smad bar gsum nas bon la 'bangs su phul ba ni / ngan 'dre ngan so snar thang gsum / srog lugs brgod dang gsum / sha mi rlung mi khu mi gsum / de dgu bon gyi 'bangs su phul lo //

yul dgu bon la phul ba ni 'ol phug / spang dkar 'phan yul rtsibs kyi brang mnyer / yar mo thod gsum dang gsum phul / [32] za khad gser sdings pa lam stod kyi dmyal mo bcu / chu bre sna brag dang gsum lha sdings g.ya' sdings sman sdings gsum ste ;/ dga' ba dgu ni bon gyi yul du phul / yul dgu 'bangs dgu phul ba des / bon po srog rje'i lha ru bzung // spyi rje nyid dang khyad med pas / 'du 'phro mang po rje yis bgyis pa lags so //  •  //

yang lha tho tho ri snyan gzhal gyi bla g.yu srin g.yag kham pas rkus nas / zhang zhung bon po shel le mig dmar gyis / srin g.yag ru bskyed btsugs te / bla g.yu kha nas phyung nas rje la phul bas / thugs dges te / byi thul dbyi' thul spyang thul gsum / stag slag zig slag gung slag phul / stag gi rmog gzhu che rtags su phul bas / da lta bon po stag slag dang stag gzhu dbyi sa'i thul ba gon pa de nas byung zhing srid pa lags so //

de dus rgya gar la dmag drangs pas / rgya gar gyi rgyal phran mang po thul bas / rgya gar gyi ngan 'dre dang dam 'gong rting nas 'brengs so //

de btul bas 'od nam mkha' la yar te song ngo //

che rtags su khyung ru dang dbal ru dbu la rtsugs so //

yang pha ba mang gzher lod po dang / gu rib kyi bon po btsan tho re mi gsar gnyis kyis / btsad po ral pa can gyis sre'u gsos te / sre'u'i mgo la ral pa rtags su gzhag pas / btsad po ral pa can bya ba yang brtan tshigs de ltar byung ba lags so //

bon po la ral pa yod pa dang / btsad po la ral pa yod pa yang / sre'u'i pha ba dang 'gra ba'i tshul lags so //

de ltar rje'i sku btsas pas sku gshen ba ba lags so //  blon po [33] dang 'bangs kyi bu gsos pas / pha ba bya ba lags so //

rgyal po dang bka' zla byed pas gshen rgyal bya ba lags so //

bon po'i che dge yig rtsang de rnams la gzhan gyis spyad du med pa lags so // • //

de nas rje srong btsan rgam po'i ring la mnga' gsol rgyal sar 'byin pa'i dus su 'bangs rnams mang du 'tshogs pas / gral la rgya 'dre byung ba la ma 'cham pas / sngon gyi dpe spyan drangs so //

dang po gnya' khri btsan po'i gnam dgung las / dog sa la mgo nag gi rje la byon dus gshegs tsam na / 'tshe mi dmu rgyal gyis phyag g.yas nas brten te byon pas / 'tshe bon rje'i g.yas nas 'dun du 'ong ba'i / thod ka'i thad tsam na mar bzhugs te / g.yas bral 'tshe mis thob po //

gco phyag dkar gyis phyag g.yon rten nas byon pas / gco bon g.yom gyi thod ka ltar bzhugs so //

de nas gshen po gzhan ma rim pas bzhugs so //

sku srungs thod ka snol ba 'dra zhes de la bya'o //

thugs su bcug kyang mi snying bya ba'i rtan gtshigs so //

zhang g.yas bral dbya lag pa 'dra zhes bya ste / rje rgyab kyi g.yas gral la bzhugs so //

blon po dbya lag g.yon pa 'dra zhes bya ste g.yon rgyab tu 'ong ngo //

dbya lag gis khyebs ma khyebs bya ba'i brtan tshigs de lags so //

de ltar brgya phram bzhi dbus su bzhugs pas / rje'i gung gral spe dkar gyi spyi bo 'dra zhes bya'o //

shar ba dgan pa gral sku rags bcings pa 'dra zhes bya ste / rje'i 'dun phyogs kyi phyi nas rgyab du dkar gyis bzhugs so //

mo btsun [34] gyi gral sham bu btags pa 'dra ba zhes bya ste / rje'i rgyab phyogs pha ta nas 'dun du dkar gyis bzhugs so //

de ltar zlum po dkor ba'i dbus na rje bzhugs pa ni / rje mnga' gsol dus kyi gral lugs lags so //

spyir ni che dge gzhan du tshogs tsam na / sgrub phyogs gsas mkhar sems don la mkhas pa gral gyi gtsor bton / drag sngags stobs ldan mthu la mkhas par grags / g.yas dral rtso la zhugs smra bu thugs dkar gson bon la mkhas pa g.yon gral rtsol bton / dri ma rgyang 'phan gshin bdur la mkhas pa dbus gral rtsol bton / rje chos gnol sangs la mkhas pa / sel bon g.yon dral gyi gzhugs gzhag / bon po gral la gzhan 'jug pa'i dbang med pa lags so //

blon po gung gral zhes bya ste / rje'i rgyab drang por bsgrigs so //

rmang phal pa rnams mtha' skor nas sdod pa lags so //

de'i dus na rje la bla mchod med pa lags so //

dus de tsam na mtha'i sprang 'khyams 'dra byung ba na re / rgya gar na chos bya ba yod skad / mtha' nas 'khyams pa 'dra byung ba la / ban te'i sprang bral chags sgrog 'dra zhes bya ste / rang re rang re khur bu khur bu stod pa lags so //

gzhan gyi gral la 'jug dbang med do //

dus de tsam na bon shin tu dar ba ste blar khur ba lags so //

bon la bla mar mkhur mkhas pa nyi shu byung ste / de'i nang nas mkhas pa phul du phyin pa DRAN PA NAM MKHA' byung ba lags so //

mthu che ba mi dgu byung / mkhas pa bzhi bcu rtsa brgyad byung / bon gnas stong rtsa gnyis byung /

de'i dus su gshen po rnams kyis 'phan yul 'gram ngar phug mor 'tshogs te / 'dun ma byas pa las / [35] gral dang rims dang sngan chad gong ma ltar byas / sgrub phyogs sems don la mkhas pa rnams kyi gyis phud du byung ngo //

de dus de tsam na blon po bon spyod cing dam la btags / zhang ma zhang khrom pa skyes dang / ngam stag ra klu gong dang / sbas mang rje lod po dang / 'gar stong rtsa yul gzungs dang / dbas to re stag snang dang / de la sogs pa mang zhig byung yang / de tsho nang na mkhas shing dam par byed pa / ngam stag ra klu gong lags skad /

de ltar g.yung drung bon rab tu dar tsam na / rje yang mnga' thang rgyas / 'bangs 'og na chab srid mtho / mi rje lha yis mdzad pas gzhan bas khyad par che / lha srog gshen gyis btsas pas sku tshe ring / spyod phyogs bon la spyod pas yul khams bkra shis / de ltar mchis pa lags so //

dus de tsam na rgya nag po'i mis / rgya dkar po la phrin yig brdzangs pa / skol le bod kyi rgyal khams na / mi rje lha yis mdzad pas mnga' thang rgyas / gshen rabs sku mthu che bas stod smad kun la gnod / 'di la bstan pa gshig thabs yod na kun gyis rem bya ba yig than skur ro //

der rgya gar gyi mi rnams kyis kyang bsams pas / de bden par go / rgyal blon gdug pa can rnams kyis thabs brtsal ba / gzhan gyis mi thub pas chos dang ngan sngags log chos sres nas btang bas / bod kyi mtha' thang 'jig par go // de'i btang thabs byed pa la kun mthun no //

dus de tsam na rnal 'byor pa sprang po gsum yod pas / tshe stod la sprangs nas / tshe smad la nor rgyags so //  khong gsum gros byas nas / mchod rten ri bo mchog rab tsam cig brtsigs pas / rmang things tsam na khong dgas nas 'chi bas / khong [36] gsum gros byas nas smon lam btab pas / gcig gis mchod rten 'di sbyong ba'i yon bdag tu skye bar shog byas so //

gcig gis mchod rten 'di sbyong ba'i blon po dbang can du skyes nas / las cha (?) ming po'i las dbang bsgyur cing mchod rten 'di sbyong bar gyur cig /

gcig gis mchod rten 'di sbyong ba'i gzo byed cing / las dpon byed par shog byas pas / de gsum shi nas dge ba byed pa'i stobs dang smon lam gyis / de ltar skyes nas mchod rten bzhengs so //

yang bum pa dang bre man chad 'byongs tsam na / khong gsum gtug gis thug te dgas so //

de yang khong gsum na re / gcig ni bod kyi rgyal po dbang can cig tu skye bar shog zer ro //  gcig na re brgya bod kyi lo tstsha ba cig tu skye bar shog zer ro // gcig na re pan tri ta cig tu skyes nas / bod du chos ston par shog cig zer bas / de ltar rgya gar gyi grub thob nus stobs ldan pa rnams kyis kyang / smon lam de ltar btab pas / de bzhin du skyes te / gcig khri srong lde tsan du 'khrungs / gcig padma 'byung gnas su 'khrungs / gcig bho de sa ta ru 'khrungs /

der khri srong lde btsan rgyal sar mnga' gsol ba dang / bon po kun bkra ltas ngan pa yang rmis / rgyal po yang blo la yab mes pas lhag pa'i las gran / bka' bgros pas rgya gar nas chos sgyur ba dang / bon snub pa la 'thun no //

der sngon gyi smon lam yang mtha' brtsan / khri srong lde btsan gyis yon bdag byas / padma sam bha ba spyan drangs / bho te sa tas lo tstsha ba byas te / chos rnams bod du bsgyur ro //   [37]

de gsum rnga pa'i las kyi smon lam 'thun te gna' tho bcad nas / bod yul du ches cig ci nas dar bar bya bar byas so //

de dus chos la dga' ba yang shas stag byung / der ban de yang gha re byung / bon yang mgo mtho brgyal blon gyis ma theg / snyan khra bcug pa yang zhugs /

de dus bon chos la ru kha byung ngo //  blon po sde gnyis su gyes / gra la yang kha ma 'dum / bod yul du yang mi bde ba sna tshogs byung ngo //

blon po rnams kyis phag tu gros byas pas / lho bal gyi chos kyis nyes par kha 'thun no //

blon po sde gnyis rnams kyis rje'i spyan sngar phyin nas / stag ra klu gong gis 'di skad zhus so //

um rje lha cig lags / 

nya yis bya yi chos spyad na /

nya 'khyags nas 'chi /

bya yis nya yis chos spyad na /

bya bying subs nas 'chi /

lho bal gyi chos bod kyis spyad na /

bod phung ta 'chi bar bda' bas /

rjes kyang chos mi spyad par lho bal du skyol cig zhu 'chal bgyis pas / rgya gar rgyal pos chos spyad pas / tshe lo stong thub zer / shi nas kyang bon bzhi bdur mi dgos par lha'i bde sar skye ba yin zer bas /

chos 'di spyad dgos skad do //

blon pos gsol ba phyis mngon te rje'i sku la sman te 'chi la gso byas pas / da rje'i bka' nas / 'o na bon chos 'di rang gang bded 'gran cig bskyed do //

der bon chos 'dran par byas te / zhal che ba zhang khrom pa skyes dang / stag ra klu gong gnyis bon pos btang / gnyer stag sna dang shâkya tra ba gnyis ban des btang / 'gos khri bza' yab lhag gis spyi zhal tu btus pas / ban de'i shags 'chibs shâkya pra mas btab / [38] bon po'i shags dran pa nam mkha's btab / shags ka btang bas / bzhug 'tshang thab tu song / bden mi bden cang ma byung /

der rje'i zhal nas / da mthu dang nus pa 'gron cig skad /

bon po bden nas mthu che na / 'chims shâ kya pra ma 'di sod cig /

ban de mthu che na ma shi bar gyis cig skad /

bon po la nang bsher byas pas / mthu bo che mi dgu byung / bon pos mthu btang bas / 'chi bas lan cig shi skad /

rje'i padma sam bha ba la zhus pas / 'di 'gran bon mthu che ba yin nam zhus pas / padma sam bha ba na re / de sems can las kyis 'chi ba yin zer / der rje'i zhal nas 'di las kysi shi ba yin zer na / de man pa yin na khyed kyis slong dang byas pas /

bon po rnams kyis g.yang blan tshe bkug bso ba'i bon byas pas / shâkya phra ma shi ba langs so //

rje yis khyod kyis gar phyin byas pas / mdos gnyid log pa'i rmi lam na / mi nag po cig gis khrid nas phyin pas / da lta mi dkar rta dkar cig byung nas / khyod de ru 'gro mi ran gyis slar la log la rgyug zer nas / der log yongs pa lags skad do //

der rje yang bag ban de la ma dges te / ban de rnams mthu che na / zhang khrom pa skyes shi bar gyis cig / bon pos tshe bzung la mi shi bar gyis cig gsungs pas /

de ka ltar byas pas / der zhang khrom pa skyes bag nyos tsam byung skad shi ni ma shi'o //

yang rje'i padma sam bha ba la zhus pa /

'di 'gran slob dpon mthu chung lags sam zhus pas / 'dis tshe snga ma la blang cig gi lus blangs pa yin [39] de yis cis kyang phan med skad do //

der mgo la lcags kyu cig byugs pas gnya' rtse re re zer ro //

de nas slar gsos pas ma sos par shi nas thal lo //

de ltar mthu rtags bon che yang / rje ni ban dh[e] yang mthu bden par byung zer nas / thugs ni bag ma dges so //

der 'gos khri bzang yab lhag gi zhal nas /  yang rje ci gsung ba yang mad / dge ba'i bshes gnyen gsung ba yang mad / bon 'di yang shin tu yang bden / sangs rgyas chos dang mang shing rgya che / ma bu dpyi zlum smra mkhas la lce bde / nam mkha' stong pa la 'dzugu 'dzugs / tshe phyin ma la dus 'debs / rtags dang dngos po ni gang yang med / brtan la phebs na rje yang bka' brtsan / da snga gdung rabs nyi shu rtsa drug tu chos la bka' drin ma mnos la / hab lhag rgod po da dags kyang dags / chos lobs kyang mi lobs bgyid kyang mi bgyid do // nyid rang gang dges mdzod skad do //

der zhal rje gcod du rjes ma ster / 'gos dgan yul du gshegs /

der gshen po rnams kyi mthu la bod 'bangs kun sdangs so //

bon bden pa 'dug zer nas mi yo ka kha 'cham mo //  la la ni rje'i gong du bon song gis dogs su 'dug zer ro //

mon lce bde ba'i kha la rje yang nyan nas / yab mes kyis bteg pa'i bon sgo snub par 'dug zer /

rje'i sku tshe la mi sr[u?]n zer ro //

da lta yang ltas mi shis pa'i rtags 'dug zer ba mang bar kha 'cham mo //

rje ni sngar gyi las dbang dang / gnam thos chos la dges so //  

der rjes padma sam bha wa spyan grangs te / [40] bsam yas chun gyi drag po cher sgrub pa byas / ngan sngags dang gnol rdzas mang po brag srin sgrubs te mthu rtsal bya bar chad do //

de dus bon chos gnyis ka spyod kyang / 'bangs kun ka bon la dga'o //

ban dhe la mi rnams kha sdad che'o //

der ban dhe blo ngan gyis bon po'i lha gnol du bcug / bon po 'di rdzu 'phrul lha yis byed par 'dug pas / rdzas ngan gyis lha gnol la btang ngo zer nas /

ban dhe dang blo chos la dga' ba rnams rje la zhus pa / bon po tsho gros byas nas / bod kyi rgyal khams tsam yang khral 'og tu gzhug pa dang / rje yang mnga' thang phral la dge rtsa bzang po mthun mong ma yin pa cig bon pos bgyi bar bgyis na bda'o //

rje dang bon po'i bar du 'phra ma bzhug go //

yang bho te sa ta dang / 'chibs smre chung na na re / che yang rje'i gral dang mnyam por 'dug pa dang / nam bza' dang dbu thod dbyi spyang shel gyi ska bo che dang / gser gyi chags bu rnams bon pos 'phrog par brda'o //

rje'i ring la 'di 'dra na / sras kyi ring la ci yang med pa cig mchis byas pas / rje'i zhal nas re mad / ci gtsug byas na phan gsungs / der bho te sa ta dang / dge bshes klu'i ba la swogs pas / ban dhe dang blon po chos la dga' ba rnams kyis smras pa / bon po ghos che sogs la / ljon ra'i ra ba ru chug la / khrims 'og tu 'jud pa gdam 'am / chab gsol ba gdam / gsungs cig zhes slabs pas /

rjes kyang [41] bden par go ste / bon po thams cad nga'i spyan sngar 'dus cig byas te /

phrin rdzangs pas / der bon po thams cad spyan sngar 'tshogs so //

de la rje yis gsungs pa / khyod bon po rnams 'go mthos grags pas / nga'i sku bsrung skos mtho ba mthu la re / nga rgyal po dbang la re / lan cig nga'i sku la mi sman par 'ongs bas / khyed rnams chab gsol ba dang khrims 'og tu 'jug pa bdoms cig byas pas /

rje'i zhal nas bon po rnams kyis smras pa /  mi lus rin chen thob pa shin tu dga' [~dka'] / thob nas chab gsol rngo mi thog / rje'i khrims ni bka' bstsol cig / byas pas /

rje'i zhal nas bon po rnams khyed rang gi bon zhog la ban dhe gyis gsungs pas / bon po kun na re 

ston pa'i thugs rje nam mkha' 'dra // 

bon chos dbye ba med mod kyang // 

bstan pa gcig 'og cig mi sdod //

rje la bon gyi drin med kyang //

lha gsas bka' drin skyabs yod pas //

gsung la mi nyan ban dhe'i chos mi spyod //

ces gsungs pas /

rang rang gi dbu skra rang re'i bregs nas / snam khrag tu bcug nas / ston pa gshen rab rab tu byung ba yang / ser ru gos ser gyis bcug pa med / bdag cag gshen po rnams ni rang gis rang 'byung bon la spyad gsungs te gshegs su gsol ba la /

der dran pa nam mkhas gsungs pa /

de nyid rtogs pa'i skyes bu la //

bon dang chos su dbye ba med //

bdag ni gser chung sa le sgram [~sa le sbram] //

me chu gang du skyur yang sa le sbram // [42]

bod kyi spu rgyal btsad po dang //

dge 'dun chos la dges pa rnams //

sangs rgyas sa la 'gro ba ma nongs te //

nga dang bdag tu 'dzin pa 'o re rgyal //

bon dang chos su 'dzin pa snying re rje //

ma rtogs lung gis bcings pas sangs rgyas ming yang mi rnyed do //

bdag dang ni rab tu byung du rung bas / gcig tu rje'i bka' gnyan // gnyis su ban dhe zhe sdang skyes // gsun du bdag la dbye ba med / bdag rtsigs cig ni 'dzin pas bkas gnang bar zhu 'tshal byas pas /

rje na re de ni sbyin na zor / de dus dran pa nam mkhas bzhes pa /

bdag skye ba 'di'i snga ba la //

pha ni g.yung drung rgyal po dang /

klu mo mi 'gyur bu ru skyes tsam na //

pha yis bslabs pas bon kyang shes //

ma yis slabs pas chos kyang shes //

tshe rabs snga phyi gnyis ka dran //

nga'i lta ba nam mkha' 'dra //

de phyir dran pa nam mkha yin //

'dam la skyes pa'i me tog ha lo 'di //

rtsa ba rgya mtsho'i rting du zug //

skyes pa 'dam gyi nang du skyes //

lo ma bar snang khams na yan //

me tog ha lo dang ni bdag gi sems //

gang nas ltas kyang 'od zer 'phro //;

gang btsug ltas kyang sangs rgyas yin //

bdug pa'i sad kyis yo ma [ya mo?] sad [sang?] //

skyon dang bral ba'i bon yid la //

gang ltar spyad kyang bde ba yin 

gsungs pas //

der rje'i zhal nas /  'phrul ngag bden pa'i bon 'di yang yab mes kyi sku bsrungs kyang yin la / bden pa yin srid de / bon chos gnyis gcig tu mi shong bas / nga chos la dga' ba'i blo 'di khyed bon po mkhyen pa che la dgongs [43] pa gsal bas / chos su gyis la rab tu byung cig / sku gshen mthu bo che rnams kyang nga'i sku la sdos de 'gro bas / bka'o dka' bas byang kha snang brgyad dang / yul gzhan du gshegs cig /  bon rnams thams cad nga'i lag tu khyer la shog skad do //

der bon po rnams kyis nyan pas / bka'o rnams kyis rang re la chab gsol ba bas / gang ltar byas kyang nyan pas bon rnams rje la gdod par gyis 'chams te bon thams cad rje'i phyag tu phul /

mthu chen dgu ni bon rnams snoms te 'bul du ma gsan no //

rje yis kyang mthu la 'jigs te gang dgar gzhud du bcug /

de dus rje la yang 'bangs ya ka di ri ri bon chos 'gran 'thab po / de'i ni snyan 'phra chos 'khus so //

der spen dgu dang / sba shod ma dang / lha 'dus so dang / 'khun dzu lha 'dzin bzhis rgyal po la zlog tshig smras pa / rnga gshang gzung cig dang sbags te yar rtsang la skyur btad pas / bon po de bzhi 'ben gang tsam nas thon nas / lha bos klu bos nas rje la dmod pa bor nas / mtha' bon dar ba'i smon lam btab nas nam mkha' la 'phur te rnga brdung gshang 'khrol gyin lha'i yul du song ngo //

der mi rnams dang mtha' ban dhe'i kah la gnyan te rje yang g.yung drung gi bon snubs pa 'di / da mi rung ba yong ngo di ri ri zer skad / 

de dus rje yang snga pa'i smon lam dang / 'khrul gyi rkyen 'dzom pas / bon nub kyang chos yod snyam pa skyes so //

de dus rdzu 'phrul pra rtags kyi bon rnams zangs kyi ga'ur bcug spyang khu sngon po la bkal nas / nyi ma shar phyogs su gshegs so //

bon la la ni lho mon kha la gshegs so // [44] 

bon la la ni rdzu 'phrul gyis bar snang la 'phur te thal lo //

bar der tshe bon sna bon dang / sngags bon dang gsum gyis gshen gyi mdzad khrims kyi shog dril rnams khur te stag gzig yul du bros so //

der dran pa nam mkha' brtsigs bzung ba ni / rjes kyang bdag la bon rnams byung ba'i dgra la mi skur bar / bdag dang blo sdur la bla mchod kyi tshul du bgyid par zhus pas /

der rjes kyang bla'i pho brang du rgya yis btab nas bzhugs par chad do //

bon la la ni gter la sba bar byas so //

de'i dus su mda' rgyal gzigs rab tu byung ba ni kun gyi bla mar bkur skye ba dran pas / bla dran par btags so //

pa kor bho de sa ta rgyal ba'i bu pa kor gsas g.yung drung gsas la / dge slong bhe ro tsa na [Vairocana] zhes bya bar btags so //

rgya bod kyi lo tstsha bar gyur to //

de'i tshe bla dran pa de sngar sbyangs la mkhyen pa'i ye shes dang ldan no //

chos ma slabs par rang 'byung du shes te / dgongs pa 'tho / sgra tshad phul du phyin / ban dhe kun gyis rtsod pas kyang 'gran zla med pas dran pa nam mkha' zhes te blar kur ro //

rje yis kyang pandi ta lhga brgya'i dpon po gyis gsung nas / be ro tsa na gnyis chos kyi bla dpon chen po byed du bcug go //

bon gyi gsang sngags thams cad la la chos su sgyur ba la gter du sbas so //

bco gyim bu'i bu rgyud rnams ni rje'i lha bon la zhog zer nas / snang gshen skor cig ma snubs pa lags so //

gnyer skos s[o] s[o]r btab te bon gsang sde gsum du bcad nas / gsas mkhar dang sngags [45] dang phyag rgya'i bon dang / dkyil 'hor gyi bon dang / man ngag gi don ma lus par bsam yas dbu rtse nag po na sbas yod do //

bon gsang sde gcig ni bsam yas bkor mdzod gling la sbas so //

bon gsang sde gcig ni bsam yas kyi brag gu skye rtsa'i rtsa ba na sbas yod do //

'gong 'bim legs po dang / chur ba skyid la 'phan gnyis kyis phro chu zhun ma'i rgya yis btab nas sbas so //

bon sde cha cig ni bsam yas mchod rten nag po'i rmang 'og na 'khrul 'khor gyi sa 'da' bdun gyis kha bcad nas sbas yod do //

bon gsang sde gcig ni skya ra drag thog tu / rgya bon legs gsum dang / bzir chu gnyan pa dang / zhu ra sabs gsum gyis / skya ra brag thog tu pho dza rim pa'i rgya yis btab nas yod do //  rang gsang thabs kyis bcad nas yod do //

bon gsang sde gcig ni / la phan snang dang / ga co gyim bu yis / shag dkar shod kyi brag thog tu / chu rtsang po'i rgyas btab nas yod do //  rang gsang thabs kyis bcad nas yod do //

bon sde gcig ni yar la sham po la bla dran pa dang / khu bon sgra stag gnyis kyis brag rtsi'i rgyas btab nas yod do //

bon gsang sde gcig ni / gnam mtsho se mo do la / zhang zhung gyer med dang / dran pa gnyis kyi rtsi yis rgyas btab nas yod do //

bon gsang sde gcig ni byang gi brag zang zang mo'i ngos la khu mang sgra legs dang / khung po lha 'od gnyis kyis sbas nas yod do //

bon gsang ba sde cig ni khu bon yang sgra dang / 'tshe mi gsas rgyal gnyis kyis / mkhar rag ma jo mo'i rdzong la [46] ye sangs rgyas btab nas yod do //

bon sde chen po cig ni yar mi lha 'phan dang / chur mi lha dgod kyis yar 'brog do ril rdo'i rgyas btab nas yod do //

bon gsang ba sde gcig ni rgya gar mdo'i brag rings la / dbon lha mkhyen dang spa ye mkhyen gnyis kyis / skyer tsher bang gi rgyas btab nas yod / rang gsang thabs kyis bcad nas yod do //

bon gsang sde gcig ni ya sham pa la / snya li shu stag rings dang / khrom bon gar gsas gnyis kyis / lha drag khom thing la sbas yod do //

khyung po gyer zla med kyis 'bring 'tshams do ri'i shar phyogs su bon sde chen po cig bka' rtags dang bcas te sbas so //

bon sde cig brag la pa gor rin chen gsas dang / ljang bon stag sgra gnyis kyis sbas so //

de rjes la gshen po phal cher mthar gshegs so //

bon po'i lha khang dang gsas khang la la ni gshig / la la ni nying zhal byas te chos kyi lha khang du sgyur ro //

mchod rten kun yang ming spos / la la gshig nas lha khang byas /

bon sgo bzhi mdzod dang lnga la grong chog skor cig man pa ming yang mi brag pa cig byas pa lags so //

de'i dus su dran pa'i gsung gis nga'i bon 'di lan cig dus la bab ce na / bon sbas pa rnams kyang slang la me tog rdol ba ltar rang sar rdol nas dar cing rgyas par gyur nas spyod pa cig yong ba la gso gsungs nas dkar cag yi ger btab pa'o //

sgrags pa rin chen gling grags bya ba bon gyi bka' 'bum dang po'o //  // phyi rabs las can cig gis spyod par 'gyur ro //

u ya swa ma ya ger bzhi smrar ro slig tso smrar ro //  //  

[Note: I think u ya sa ma ya of course means 'secret commitment', while ger bzhi is probably a scribal mistake for wer zhi... slig tso is Tib. kun rdzogs.]

=========+=======+=====+====+====+=====+=======+========

=========+=======+=====+====+====+=====+=======+========

Sgrags pa gling grags

Note:  A puzzling thing about the marginal titles.  Although the first folio has the marginal title Gling grags, the remaining folios have marginal title Lung bstan or Lung stan.

[48]  Sgrags pa gling grags bzhugs so / dge'o / bkris //

[49] bdag med mkhyen rtse'i stobs dang ldan pa yi //

lha dang dpon gsas rnams la gus pas 'dud //

bon gyi byung khungs bsgrags pa rin po che gling grags 'di la / don gyi khog gsum mchis te /

[1] phyi rgyud sprul pa'i sku las rgyud pa /

[2] nang rgyud long spyod rdzogs pa'i sku las rgyud pa /

[3] gsang rgyud bon gyi sku las rgyud pa dang gsum mchis te /

'di ni nang rgyud longs sku las rgyud pa ston te / gnas snga thogs med ci yang mi srid pa'i dus na / yab mngon rdzogs lha'i rgyal po'i zhal gyi ngad pa la / ye yod srid pa'i rgya bzhi ru sprul pa'i sku gsum srid / bon sku la ngos sku sprul sku gsum las tha mi dad pa la gzhan snang du tha dad bstan /  bon sku cir yang ma stan kyang / las kyis rgyud par bstan pa yin / longs sku'i rgyud pa bstan pa la / 'og min dbyings kyi pho brang du / rdzogs sku gshen lha 'od dkar gyis / bshad bkrol rnam pa gsum du bshad /

de gang zhe na / ting nge 'dzin byin rlabs kyis bshad nyan / thugs dgongs rig pa'i bshad nyan / snyan nas snyan du rgyud pa'i bshad nyan /

de ltar gsungs pa la TING NGE 'DZIN RIGS PAS RGYUD PA ni / rdzugs sku gshen lha 'od dkar gyis / 'og min gyi gnas nas / tshad med 'od ldan la ting nge 'dzin gyis rgyud / tshad med 'od ldan gyis nam mkha'i dbyings nas [50] rin chen gser sdings kyi tshal du / yab 'khrul gshen snang ldan rgyud / 'khrul gshen snang ldan gyis / g.yu lo ljon pa'i kha nas / ri rab kyi lho nub g.yung drung dum pa'i gling / g.yung drung rtsegs pa'i sa la / sras 'chi med rtsug phud la rgyud / sras kyis ri rab kyi byang shar 'od kyi lha ri spo mthon shel gyi do rings g.yung drung gsal gyi kha nas / yum bad za rigs btsun la rgyud / yum gyis 'dzam bu'i gling gi byang / g.yung drung dum pa'i tshal / sa le shing can shel gyi mandal sum rtsegs yod pa de na / gsang ba 'dus pa la / gsang ba 'dus pas dbyings kyi pho brang gsang ba g.yung drung ris can yongs su dag pa la rgyud / yongs su dag pas 'tshal gyi ri bo zur gsum na / ri rab kyi rtse la snang ba 'dog can (gsang ba mdog can) la rgyud / des TING NGE 'DZIN GYIS RGYUD PA'o //

SNYAN NAS SNYAN DU BRGYUD PA ni / yum dang gsang ba 'dus pa la dar dkar la rin po che zhun mas bris nas / lha'i yul du bstan pa la gshegs / nyung du 'dus pa chu dar la bris nas / klu'i yul du klu bon ye shes snying po la bstan pa bzhag / dung shog la 'bring po mdor bsdus nas / rgyal gshen mi lus bsam legs la bshad / de nas gdung rgyud kyi rgyal po dmu yis bstan pa'i srog bzung / gdung rgyud dang rgyal phran sil ma kun la [note separate line of small letters at bottom of page, perhaps a 'footnote insertion'] [51] rgyud /

de ltar dge rgyud ma chad par bon spyod / gdung rgyud rgyal po gum nas / rje gnya' khri tsad po 'gred mi'i mgon du byon te / gnam gyi lha bon la sa'i rgyal gshen du gshegs nas g.yung drung gi bon dar bar mdzad //

rgyas par 'dul ba'i phyis 'byung dang / rigs 'dzin dbu'i chad na zhib / 

gnya' khri'i sras po mu khri btsan po / des nam mkha' snang ba'i mdog can la / gsas mkhar sum rgya drug bcu'i bcud / spyi spungs gsang ba'i sgor zhugs nas / lha ri gyang tho la bsgrubs pas / grub pa'i rtags du ma mngon du byon te / rgun dpyid 'tshams su thog dbab pa / ro skam gyi lung par chu dbab pa / mya ngams kyi snam bu la me tog gi gling skyed pa / skad cig ma gcig la ston pa brgya'i zhal lta ba / ye shes kyi lha la mchod pa mi 'dra ba rgya 'bul ba / g.yung drung sems dpa' brgya la bon nyan pa / nam mkha' dbyings nas lha sman gyis gro 'dren pa / de la sogs te grub pa'i rtags stong dang ldan nas / rgyal po'i thugs la 'di lta bu'i bon ni rgyal rigs dra ma man pa tha mal gyis dpyad du phangs dgongs nas / gsang ba rtsa 'gags su sdams te / de yan chad lta spyod kun la spyod / gsang ba theg chen gyi rgyud pas / rtsa ba dang yan lag gi dam tshig nyams nas / rgyal gshen gyi grub rtags rnams yol //

de ji ltar yal na / dam can las la g.yel nas / rgyal po sa la leg leg cig pur 'gro'o //

de'i skyon ci las byung na / dam tshig nyams pa las byung ba yin pas / de yang rgyud pa'i rabs mi bcad dgos pa'i dmigs mi dbyung / yul ngan par 'khyam du mi bzhug / ces pa'i snying mi phyung /  dar thag la rin po che rgyus pa bzhin [52] snod ldan kun la stan par gsungs /  snod ngan kun la gab par gsungs //

khri bdun bar du bon gyi bstan pa dar / mon bon ha ra byi bar la bon gnam babs su babs / des stag wer li were la rgyud / des a nu phrag thag la / des sad ne ga'u la / des da mi dad kye la / des sad bu ra khug la / des spre bon thog rtsi la / des spre bon thog 'phrul la / des stong rgyung la / des mkhas pa mi gsum la / mkhas pa de rnams kyi ring la / mtho zhang zhung kha yug gi ru mtshams khyung lung dngul mkhar man chad nas / dma' ba sum pa glang gi gyim shod yan chod du / bon gyi 'du gnas sum bcu rtsa bdun / gsang sngags bsgrub pa'i brag phug dgu rgyud / 'dul khrims kyi sde lag nyi shu / sa nas sar bzung nas tha dad du nyams skyong / dpon gsas g.yung drung sems dpa' rnams kyis / bon gyi pri trang dang che bdun dang gnyer dpon mdzad / stag zig zhang zhung gi gshen po rnams kyis 'gro ba'i kha lo gyen du bsgyur / 

theg pa chen po bla na med pa'i don la spyod pa'i sgom chen bzhi bcu ni /skye ba med pa'i don sgom / sgrub pa po bzhi bcus theg pa chen po gsang sngags kyi dngos grub bsgrub / mthu bo che mi dgu ni bon gyi bstan pa bsrungs / mtha'i dgra 'dul / dge bsnyen bcu ni dge bcu'i las mthar phyin / 'gro don mthar phyin pa'i gshen po nyi shu rtsa lnga ni / gson gshin gnyis kyi go cha 'byed / bon chen bzhi bcu rtsa gnyis ni rgya bod gnyis kyi mtha' 'dul ba dang / rgyal blon sku mtsho zhing gros kyi ltad gcod / blad na rgyal che / gong na gshen gnyan / bar na mi khrims dam / 'og na 'bangs skyid [53] de ltar g.yung drung gi bon dar cing rgyas pa la / bstan pa dar nub byung ste / rgyal gshen bar du mang kha ze 'chu'i phra ma byung ste / kyai rje btsan po lags / g.yung drung gi bon 'di zab la rting ring / kha 'dzin gyi bon gshen shags rno / dper na nam mkha' 'a nyi ma gnyis shar na / 'jig rten tshig nyes / rgyal gnyis kyi bstan pa gcig las mi 'chi / bon pos bstan pa khyer ba'i rtags su rje'i dbu thod bon pos bcings / dar gyi 'jol gos dang 'jol ber yang bon pos khyer / gcan zan spu sdug gi slag pa la stag zig gung gsum gyi god lag / seng ge dkar mo'i gzhung 'bab tang ba rnams kyang bon pos khyer / khri dang gdan dang gshan ma tha shel gyi 'gying dkar man chad khyer / tha ma sku la sdo zhing krongs nas / sras dbon mtha' ru bcug / rgyal sa bon pos 'khyer nges par 'dug /  de ltar gyi phra ma mang po snyan du zhugs pas / rgyal po'i thgus 'khrugs / bden snyam pa byung / gshen rabs bla ma rnams kyis kyang / bshad nyan sgom gsum gyi pri trang mang du mdzad kyang / bstan pa 'grib pa'i rtags byung / bon mi nub pa'i rgyal mtshan 'phyar yang nub tu thos ste / gsang sngags kyi 'bras bu me dpung 'bar ba 'dra ba la / brtson 'grus dang brtul shugs dad pa nyams su len dgongs pa la / le lo dang btang snyoms dbang du gyur pas bar chod du song / rgyal pos yang bod dang bod gshen gyi bka' bcag thugs krugs pas / thugs kyi dam tshig nyams / de nas rje btsan pos 'bangs blo nye ba kun dang / gzong bu 'chu kun ba sogs g.yung drung gi bon 'di bka' nyan te gnyan grags / bon gshen rnams kyang [54] bkur mi theg / dbu 'bangs 'thos drags / bstan pa 'di yang mi spel snub dgos /  bon gshen rnams mnga' ris 'dir mi bzhugs pa'i tshig dang / bod 'bangs rnams kyanb bon spyod bya ru  med / gsas khang dang 'du gnas kun bshig dgos / zhugs la bzhen dgos pa'i bka' btsal pas / blon 'bangs 'phra ma 'jug mkhan rnams kyi tshig gis / rgyal po'i thugs su gdon gsol ba dang / bod 'bangs phung du thob dang / bon nub tu thob dang / bon byed rnams bsogs nas bon pos gleng pa / 'khrul ngag bden pa spyod pa'i bon gshen rnams / mi rje lha yis mdzad pa'i mnga' 'og tu bon gyi bstan pa mi 'phel snub dang / ston pa rnams kyang ma zhugs par zhu / gsar mkhar 'du gnas kun kyang mi 'jogs dbyings gshegs / rje btsan po'i zhal nas bka' phrin de skad gsung zhes blengs pas / der bon gshen bka' gros 'di ltar zhus / kye rje zhal blon gyi sgyur ba'i dra ma rnams / rje rgyal btsan po'i snyan du 'di skad zhus / 

snod kyi 'jig rten 'dzam gling sog ka'i dbus //

gangs kyi ra ba rin chen bdal ba'i gling //

bcud kyi skye 'gro mnga' mdzad rims kyis 'byung //

dus la khungs byung mar 'grib da lta ba //

mgo nag rje bo rje rgyal lha yis mdzad //

'gro ba'i 'dren ston gshen rabs drangs kyis 'byung //

da ltar rgyal 'theb gshen rgyal bdag gi dus //

'phrul ngag bden pa'i bstan pa rin po che //

zab cing rgya che byin rlabs dbang dang ldan //

thugs dam phyag sbal mdzad na mi gsan nam // [55] 

mi snub spel bar zhus na mi legs sam //

gsas kyi 'du gnas bsgrub khang gnyan po yang //

ma skyod dus mchod byas na mi dga' 'am //

dben bcugs 'phra ma'i tshig 'di ma gsan thugs la dgongs //

gsang sngags sgrub la snyems na thar lam theb //

bstan pa'i dbu yogs rje la mi smin nam //  zhus pas /

rje blon kun gyis ma gnang ngo //

gsas mkhar 'du gnas kun bshig / bon thams cad rin po che'i rter mdzod du sba bar dgongs /  la la ni ku hrangs dang ma he mdzo dre'u rnga mo la sogs pa la bkal nas / skad mi 'thun pa'i yul du spel bar dgongs nas / bsnyen sgrub grangs kyi rim pa bzhin bsgrub par dgongs pa la / bon gyi bka' la btags pa'i lha ma srin sde brgyad gangs ri g.ya' ri brag ri la gnas bcas pa'i lha rgod dang / ma mo brtan ma btsan rgod dang / rigs 'dzin gyi 'khor na gnas pa'i lha klu lcam dral kun dang / gsas mkhar 'du gnas kyi dkor bdag smug nag gi tshogs kun rab tu ma rga ste / nam gshegs pa'i dus na / la de ngan pa / ltas ngan dang bkra mi shis pa'i sgra 'don pa byung / kha ba rlung dmar dang bu yug dang tshub pas lam 'gyegs pa byung / mtshan mo'i dus su yang / la la ni mi sdug pa'i gzugs ston / la la ni bstan pa sku gsung thugs kyi rten rnams rin po che'i rter sbos cig zer / la la ni bka'i sde 'di rnams rgyal blon bdug pa'i lag tu ma shor ba gyis cig zer ro //  la la ni bka'i sde 'di rnams ni nyi ma rgas pa'i zer bsdus pa bzhin song zer nas ngu'o //

ku hrangs la sogs pa'i sems can rnams kyang rtsa chu bza' [56] btung byed du ma nyan / gcan zan kun yang ngu / 'dab chags kun gshog pa phyid ka log tu rkyong / mi dge ba sna tshogs pa byung ste / rbub mtsho g.yu thang gi 'gram nas log ste / bon ma bu bzhir phye / bzhi las brgyad du phye / rter gyi rgyal po lnga blon po brgyad yang blon bcu drug / slad ma yang bya mthas chod / bya dang 'dra bar bon gshen 'thor bas / bka' dang gros kyi khongs su chud pa yang yongs su babs / son yang rter lkugs pa / kha byang du ma chud pa yang mang po yod do //

slob ma mkhas pa mi bzhi thugs chad nas rab tu ma rga ste / lha dang bsrungs ma dpang du btsugs nas / rgyal blon bod 'bangs rnams la bka' sde snubs pa'i dbu yogs kyi mgur bzhes pa //

bswo ma nyes ma mo lha dang srungs ma'i tshogs //

dug lngas gzhi bzung rang che chos //

dug gi sdong po dar zab gos dgon cing //

gser g.yu'i rgyan btags mdzes pa'i gdan la bzhugs //

bka'i bstan pa khri gdugs khrims kha dam //

sems can kun la bsad gcad bco spyugs byed //

mi rnams kyi gshed mar ye nas skos //

de la rgyal por 'dogs pa e re 'khrul //

zhabs tog bstan bkur ma mdzad dug bzhin spongs //

lan cig bzhugs mchis ma mdzad rgyang thag srings //

blon 'bangs 'khrul la 'dzangs kyi thugs la zhog //

kye'o gson dang gshen rabs bla ma rnams //

ston pa gshen rabs mi bo yis //

sems can thugs rjes bzung ba'i don slad du //

khyab pa nag po rdzu 'phrul thabs kyis sgral //

bstan pa bshig pa'i dri rum btsan po 'di // [57]

ma lus dri mas gnon rtsang stang gis //

khyab pa nag po'i sprul pa yin par nges //

'gro ba 'dren pa'i ston pa 'ga' tsam gyis //

mdo dang yum du bcas pa'i gsung rabs dang //

sde snod rgyud lung man ngag mtha' dag la //

bstan pa spel phyir nyan bshad pri hrang mdzad //

sems can kun kyang thugs rje'i char gyis babs //

nyi zla'i 'od kyis smag gi mun pa sangs //

nyon mongs ko khyengs sbyin pa'i chab kyis btul //

bdag lha'i mdud pa rig pa'i snyung pus bkrol //

sdug bsngal rtsa 'phreng bde ba chen pos bcos //

nor bu'i 'od kyis kun gyi 'dod pa skangs //

'dus byas bon gyi rgyal mtshan phyar bas kyang //

bdud kyi bar chad byung ste bon yang nub //

bon skyong dam can dpal mo'i tshogs //

bstan pa bshig pa'i rgyal po myur du sgrol //

sngon yang sprul sku ston pa gshen rab kyis //

'gro ba thugs rjes bzung ba'i don slad du //

stag lha me 'bar dpal phur sku sprul nas //

dha sha 'dri ba rdzu 'phrul thabs kyis sgral //

bstan pa shig dri rum btsan po 'di //

ma lus drib mas non pa dbang du sdus //

dha sha 'dri ba'i sprul pa yin par nges //

bon skyong dam can sring dbal mo yis //

bstan bshig las ngan rgyal po myur du sgrol //

sngon yang ston pa gshen rabs mi bo yis //

'gro ba thugs rjes bzung ba'i don slad du //

byi na ya ga rdzu 'phrul thabs yis sgral //

bstan bshig dru rum btsan po 'di //

ma lus drib mas mnan stang gis //

byin na ya ga'i sprul pa yin par nges //

gsang sngags theg chen spyod pa'i dpon gsas [58] rnams //

dkyil 'khor phyag tu ma zhes lha dang 'gyangs //

phyag rgya nyams su ma blangs dgongs pa g.yel //

'dzab dang snying po ma bzlas thugs dam chag //

rtse gcig ting 'dzin ma sgoms lta ba dman //

phrin las 'tshams ma chod pas gyi gran rengs //

bsgrub la le lo shor cing du rtor chag pas dam can 'khrugs //

de dag bar chod byung bas bon yang nub //

bon skyong dpal mo ma srid rgya mtsho'i tshogs //

bstan pa bshig pa'i rgyal po myur du sgrol //

de skad smre ba'i mgur bzhes te //

lha dang srungs ma dbang du btsugs nas dam bdar bas // srungs ma'i rtags la / lo cig zla ba phyed lon nas / dri rum btsan lo ngam rta rdzi dang 'thabs nas / rje srog 'bangs kyis bcad pa'i rtags byung nas / snang srid kyi lha ma srin sde brgyad kyis drag po las kyi phur mda' la / gnam lcags thog gi mde'u can cig dpral ba'i dkyil du 'phangs ste dngos su bsgral lo //

pur zangs rgya ma kha sbyar du bcug nas / kha la gnam lcags kyi gzer rgyab nas / rtsang po la skyur nas srin yul nan pa dgu sul du bcugs so //

dang po bon rter du sbed pa'i dus su // mkhas pa mi bzhis theg pa dgu'i bon thams cad dril nas / mtsho rngam gra gu ka ru la sbas / 

sems phyogs lung phran / mdo rin chen khrig gsal / rdzogs chen gyi skor rtsang lta bu dar gyi mgul du sbas //

gsang sngags spyi spungs kyi bcud mar gyi nying khu dang 'dra ba rnams / dang ra'i brag la rter kha gsum du sbas /  yang snying zhi khro dang man ngag bcud kyi skor rgyud srubs rgya'o la sbas / [59] 

'dul ba rgyud drug mngon pa sde bzhi / mdo bsdus lnga bcu rtsa bdun / gshen rabs kyi phyag [rj?] la sogs lod kyi brag dmar tshang ba can la sbas / spyir rter kha sum brgya drug bcu sbas so //

de la rgya gsum btags pa ni / phyi rgya ri brag rgya mtshos btab / nang rgya dregs pa lha 'dres btab // gsang rgya gur gum sman gyis btab // yang gsang dregs pa'i rgya yis btab / 'phel zad smon lam dkar nag btab // bka'i sde 'di rnams yang // rgyal blon ru kra'i sde la ma shor bar // dam can dbal mo khyed kyis bya ra gyis // 'byung ba me chu'i dbang du ma shor bar // 'byung ba'i lha bzhis nya ra legs po gyis // ye shes spyan can bka' la rten pa yang // g.yung drung bon gyi bstan pa bsrung ba'i phyir // 'byung ba'i lha mched rnams la 'chol lags na // skal ldan cig gis dngos grub ma snyems par // ma shor 'chol bas dam par btsa bar gyis // spel ba'i smon lam dkar po ni // bstan pa rter du sbas pa 'di rnams dang / nam zhig 'gro don byed pa'i dus su yang // bstan pa dar cing rgyas par gyur cig //  nam mkha' bas rgya che bar gyur cig // sa bzhi bas lhun 'thug par gyur cig // ri rabs pas byin che bar gyur cig // rgya mtsho bas rting zab par gyur cig // nor bu rin po che ltar dgos 'dod thams cad 'byung bar gyur cig // 

bdag cag dpon slob kun yang sa yis rter mi thub pa'i dus na / sprul pa'i sku skyes bu blo la ye shes kyi me 'bar ba / lce dkar la rkan drag pa gzhi ru skyes nas / smon lam gyi mtha' brtsa na [60] nas las bzang po thun mong ma yin pa'i 'phro len par gyur cig / de yang bstan pa dar zhing 'gro don nus par gyur cig //

ces smon lam btab bo //

btsan po'i sras gsum yang myang rkong spung yul du gshegs so //

de nas lo gsum rgyal sa lo ngam gyis bzung / lo ngam yang che ba ma mkhyen te / rgyal phran rje blon kun ma bde nas / mching gros byas nas / rgyal po'i bur btsal bar byas pas / srin yul nag po dgu sul nas / klu lcam bye ma lag gi rangs la klus nas / spyan drangs nas bang so drang mo dza la btab / mched gsum gyi gcen po spu yul nas gdan drangs nas / mtshan spu lde gung rgyal du btags / spu lde gung rgyal gyis gong du yab kyi bon gshen snubs pa'i bka' chad ches pas / bstan pa'i dbu yogs dngos por bstan pas / sku gshen phyogs su skyod pa'i bla ma dam pa gdan drangs la /bstan pa rter du nub pa kun gdan 'dren pa dang / slad ma yang bon la blo gtod pa / bod yul na med pa yang / zhang zhung stag zig dbu rgyan gyi yul nas gdan drangs la / bstan pa spel bar dam byas / rgyas par rigs 'dzin gyi rgyud na yod /

de dus bon gshen kun spyan drangs pa la / bon gshen kun gyis bka bros nas / bstan pa spel ba'i ched du / rter bdag dang lha srin gyis ma sgribs pa'i rter kha yar las ma thon / skad rigs mi gcig pa'i yul na yang / g.yung drung gi bon tshol ba'i gshen po gser phye ma / dngul khrol bu / g.yu sbram po la sogs pa skur btang ba la / me nyag gi bon po dpal legs rgyal mtshan / [61] mtshe mi rings skyol po de gnyis kyis zhang zhung gi yul du phyin te / ston pa ma rgyud rgyal mtshan la bon gyi mdzod / sgo gang las kyang ma 'gags par mkhyen pas / khyad par yang 'bum sde lnga dang / bon sgo bcu gnyis la mkhas pa cig dang / ston pa lha khyung bya ba theg pa rims pa dgu'i bon la mkhas pa / 'phra ba'i 'bum bcu gnyis zhal don du sgrogs pa / khyad par du yang sngags zab mo'i don la grub pa stems pa / bla ma de gnyis la rin po che'i zhugs thogs phul nas 'di skad zhus so //

kye lha'i sras po gshen rabs bla ma lags // 

thabs mkhas thugs rje kun gyi dpal //

brjid pa'i sku ni ri rab lhun po 'dra //

drag po'i gsung ni tshangs pa'i gsung ltar sgrogs //

yon tan thugs ni rgya mtsho chen po'i klong //

mkhyen pa'i yon tan nyi ma'i zer ltar spro //

sprul sku'i phrin las 'gro don rnam gnyis mdzad //

nyid kyi sku la bdag cag rab tu 'dud //

snod kyi 'jig rten 'dzam gling sogs bka'i dbus //

gangs ri'i ra ba rin chen bdal ba'i gling //

bcud kyi sems can 'gro ba grangs mang yang //

nam mkha' 'dab chags bya khyung gsum pa lags //

de'i rje bo g.yu bya khu byug lags //

sa'i ma ma mi rigs sde bzhi lags //

mi rje lhas mdzad gnya' khri btsan po'i gdung //

dgung las dog pa byon pa ngo mtshar che //

bdag 'dren gshegs shul g.yung drung bon gyis mdzad //

mnga' thang rgyal srid bon gyis bskyed //

rgyal srid mtho yis bka'i bstan pa [62] spel //

rje btsan lha gshen skyabs kyi kun ka skyid //

dri rum btsan po log lta bdud kyi rigs //

khyab pa bdud kyi bstan pa dngos por bstan //

bstan pa'i sgron me mun pa'i khung du bsad //

rgyud lung man ngag bstan pa rter du sbas //

stan pa'i dbu yogs ma thags myur du byung //

spu lde gung rgyal thugs la 'gyod pa skyes //

lha gshen bon skyong rnams la bdung ba phul //

bka'i bstan pa rgya cher spel ba'i phyir //

rin chen 'phra mo'i zhugs tog bdag la rdzangs //

gshen rabs bla ma'i sku la mchod par 'bul //

nyon mongs nad kyis gdungs pa bsal phyir du //

spu rgyal rje 'bangs spyan mngar gshegs par zhu zhus pas //

bka' gnang ste / bod yul du 'bum sde lnga / bon sgo bcu gnyis dang / bon gyi mdzod sgo mang po dang / 'phra mo bcu gnyis dang / theg pa tha dad kyi bon mang po spel nas / bstan pa yang rgyas so //

rje btsan po'i sku ring la / bla'i sku gshen re / sku bsrungs kyi gshen po re re / rgyal srid mtsho ba lags so //

spu lde gung rgyal gyi ring la gong du bla ma dang sku gshen re yod / mu khri btsan po dpon gsas gru ben kha 'bar / sku gshen bco gyin bu phyag dkar / gsas mkhar khong ma ne chung / 

de'i sras ding khri btsan po / dpon gsas 'ol bon spyan cig / sku gshen bco'u smin dkar / gsas 'khar khong ma yang rtse / 

de'i sras dri rum btsan po / dpon gsas li bon spungs rgyud / sku gshen co'u zhal dkar / bsas mkhar khong ma ru rings / 

khri bdun la sku gshen re / dpon gsas re kun la [63] yod / phyag rjes kyi bsas mkhar re / bstan pa'i rjes gzhag mang du mdzad do //

dri rum btsan po'i sku tshe'i stod la / bla ma 'od zer kun gsal / lha bon bco'u smin dkar / sku tshe'i smad la bon snubs / bon gyi dbu yogs bod 'bangs rlag par btang / spu lde gung rgyal gyi bla ma ni dran pa nam mkha' dang / khyung po stag sgra dun rtsug / lha bon btso mo gung rgyal / des khri bdun dang ltengs pa gnyis kyi bstan pa song //

da sa la leg drug gis bon ji ltar dar na / de sho legs btsan po'i bla ma ni li shu stag rings / lha bon btso nyag / bzher thod dkar / 

e shi legs kyi dpon gsas mun spungs / lha co stag klu gsas / 'od du legs kyi dpon gsas ni spe sho 'gra / lha bon bco phan grags / 'brong bzhi legs kyi dpon gsas gu rum tsan de mi ser / lha bon co snyan rings / 

de sho legs kyi dpon gsas khu lung gru 'dzin / lha bon seg gshen bdud 'dul / za nam zan gyi dpon gyim thang rma'o // lha bon stong dra zhing sha / 

gnam khro'o bzhung btsan / dpon gsum la mu phya / lha bon gshen thang mi chung / bse bon la gnam rings / dpon gsas drag po kun 'dul / lha bon ches pa gnam 'dul / 

rgyal po srin btsan gyi dpon gsas ni / stag sgra dge bshes / lha bon ya zi kong grags (?) / rgya wer li long (?) / btsan gyi dpon gsas ni srong sku kun 'dul (?) / lha bon co'i 'od dkar / khri thog rje / 

thog btsan gyi ring la / dpon gsas ljang tsha 'phan snang (?) / lha bon tha tsha khog 'phar / 

de'i [64] dus na rgyal khri rje thog tsan gyi zhal nas /

gshen rabs bla ma rnams kyang dgongs cig / sku gshen rnams kyang dgongs cig / bod 'bangs kun yang soms cig / bla'i rgyal srid bon gyis mtsho ba'i dur 'dir bon gnyan pas blan che / rje gong na btsun / 'bangs 'og na skyid pas / ston pa kun yang 'dus cig gi bka' byung ngo //

dus der yang zhang zhung nas bdan drangs pa'i bon yang nub / rgyal po'i bka' byung bas bon gshen rgyal blon rnams 'dus so // 

de nas kun gros byas pas / rje blon bon gshen la bka' bstsal pa //

kye skyes bu chen po lnga brgya dran //

rigs 'dzin sa la gnas pas tshe'i dngos grub thob //

sku la 'das grongs mi mnga' khri thub bstan pa mdzad //

mngon shes brtsal rdzogs 'di phyi kun ka mkhyen //

stag zig zhang zhung yul nas gsang ba'i bon //

rdzu 'phrul stobs kyis gang yang mkhyen //

tshegs chung don che slab pa sla //

sgrub thag nye ba'i bon cig btsal bar zhu //

bod 'bangs kun gyis gser khro lu skur cig gsung /

dus der bod 'bangs kyis bser bsdus nas bla chen po la brdzangs so //

bla chen pos rdzu 'phrul stobs kyis stag zig yul du byon // a ru ra dang mdza' ti sman gyi tshal gyi pha log na / g.yung drung 'od ma'i gling gi shar phyogs na / dpon gsas g.yung drung rgod 'bar la dug lnga rang grol gsang sngags kyi bon / gsal ba chig chod rdzogs chen gyi bon / mnyam pa gnyis med sems phyogs kyi bon / thar par chig grol tshe 'das kyi bon / de ltar bon sgo bdan grangs nas / ge god this kyi skor yang bdan drangs nas yang bon gyi [65] bstan pa dar cing rgyas ba lags so //

dus de tsam na srong btsan rgan pos [srong brtsan sgam pos] bal mo za khri btsun khab tu bzhes nas / rgyal po'i zhal nas nga ni dge ba lha khang cig la mos byas pas / bal mo na re chos nyid rnam dag dri med kyi lha khang cig bzhengs dgos zer ro //

rgyal po na re nga ni bon gyi lha khang cig la mos te zer bas /

lho bal gyi mis sgyur bas / rje khra jo mos sgyur bas bal 'dre dang gse mo btsan po'i thugs su chud de / lha sa'i ri xx lha khang chos lugs su bzhengs par chad pa la / rje'i mgur lha dang / bod 'bangs lha ma srin sde brgyad kyis bkrugs nas / bod rje 'bangs la ltas ngan sna tshogs byung . mi nad phyugs nad dang mtha' nas 'khrug pa langs nas sa 'tshams dbus su zug / de tsam na bal mo rdzu 'phrul can cig yod pa la dris pas / bal mo na re kye rgyal po rje 'bangs kun ka gson / mi bde las rnams 'byung ba ni / gzhan ma cis kyang ma lan te / rje gong ma'i bon spyod thugs dam gzhag nas / chos la mos pas lan / 'di phyi don yod bon dang 'gal bas lan / g.yung drung bon snubs chos la log pas lan / don dam gyi lha med par kun rdzob kyi lha la mos pa byas pas lha srin 'khrungs pa yin / lha khang yang mi grub / rgyal po yang sku tshe thung bar mchi'o zhes zer ro //

rgyal pos gris pas / de la cis phan byas pas /

bal mo na re 'di la rje blon rnams kyis gshen rabs bla ma bdan drangs nas / yi dam lha dang bsrungs ma dpang du bcugs nas / gdung ba'i gshags pa phul lo //

bon la 'tshal phyogs mchis na rgyal blon 'bangs 'khor [66] bde skyid kyi khri gdugs bdal nas 'chi gsung ba dang / dus der bod 'bangs kun rjes bsdus nas / bka' bstsal pa /

chims kyi bon po khri lde ne rtsug lags / khyed thabs kyi 'khrul bag ni 'gros 'gyogs lta na sdug / sems gsal ngag snyan / brtson 'grus rtul zhugs dang ldan pa khyod rgyug la / phyogs bzhir bros pa'i gshen rnams gang 'dug pa bdan drongs cig //  spyan 'drongs pa dang b[su?] pa nyan pa sku che ba / rtsis dang yig rtsang sngar bas kyang che bar bkur gsungs pas /

zhang gis kyang g.yar gyis blangs / slob dpon stong rgyung mthu chen / bla chen dran pa / se sha ri la sogs / zhang zhung du bros pa'i sa ru tsho bar bcad / rgyal pos bla gser padma 'od 'dzes skur te btang ba la / zhang gi zhang zhung g.yung drung sprul pa'i gling du byon / phyag rten gser gyi padma la byas nas 'di skad zhus /

kye ston pa thabs mkhas thugs rje sprul pa'i 'gro ba mthar phyin thar lam ston / gshen rabs bla ma rnams la bstod // ngag khong spungs dbus na mchis pa la // 

skyid nas ma mchis sdug nas mchis // 

bod kyi rje blon rje 'bangs thugs blo 'khrul // 

g.yung drung bon snubs bal mo khab tu bzhes // 

bon gyi gsas mkhar bshig nas chos kyi lha khang bzhengs // 

bon gyi bka' la btags pa'i lha srungs 'khrugs //

bod mi bde nang mug mtshon gsum dar //

mtha'i sa mtshams dbus [la] thug //

bal mo mngon shes can la zhus pa /

bon snubs gshen rabs mtha' ru spyugs pa dang /

gsas mkhar rnying pa bshig nas bal mo khab tu zhes /

chos kyi lha khang bzhengs par byas pas lan /

phyogs kyi gshen rabs [67] bla ma bdan drongs la //

phyag bshags gus pa phul na sman de che //

bsrungs ma dam la btags na legs par mchi //

de'i don la bdag nyid mchis pa lags //

rje rgyal btsan po'i sku rgyal dang dregs pa skyur phyir gshegs par zhu ces zhus pas / blon po'i bdug sems phra ma dben bcugs dang / bde skyid 'cham pa mchi na bon la spyod par g.yar gyis blangs // bka'i bstan pa dar bar dbyar gyis blangs // 'gro ba'i don la gshegs par zhu zhus pas /

se sha ri zhal nas / yong yul la mtha' dbus yod kyang sems la mtha' dbus med //

gnas la 'thon man yod kyang sems la mthon dman med //

rdzas la kha dog yod kyang sems la kha dog med //

rin chen gling la gser g.yu'i khri rtsigs nas //

nyi zla'i bdan la 'jog kyang yong mi 'chi //

rgyal blon 'bangs la de tsam ran pa yin gsung nas ma gnang ngo //

gnya' li shu stag rings kyi zhal nas / lta ba log par gol ba'i dun tse dang //

blo phugs mol rtod pa'i rgyal po dang / 'phra ma debs la dga' ba'i blon 'khor la / chad pa de tsam ran no dam can rnams // las kyi mtha' la bon spyod dar bar shog / zhes gsungs so //

stong rgyung gis gsungs pa / bod yul dbus kyi rgyal blon gra ma rnams // dang po blon 'khor 'khrul nas dbes dang 'phra ma byas // de nas rgyal po 'khrul nas dbes pa gsan / tha ma bod 'bangs 'khrul nas bon spangs chos la spyad // bden pa'i bka' bcag la yogs 'phral du byung // g.yung drung bon la spyad na bde ba la // rgyal blon gsung tshig bden na skyid pa la // 'chi bar spro ba tsam du mi gda' ste // gnyis med mnyam pa'i ngang la [68] 'jog pa tsam // g.yung drung sems dpa'i spyod pa dam pa 'di // byams dang snying rje mthar phyin pas // nyes pa'i lan yang legs par len // 'gro ba'i don du btang snyoms tsam // zhes gsungs nas /

chen dran pa dang gnyis chas pa la snang srid kyi las 'dre kun dga' nas gsu ba la chas so // zhang zhung gi yul nas bod kyi yul du zla lam drug yod pa la rdzu 'phrul gyis bdugs phyed la lha sa mkhar phu'i rtser byon / der rgyal gshen phyag la ma 'chams pa la / rgyal po'i bsam pa la nga yab mes nas dgung la dog la gshegs nas mgo nag gi rje yin zhe sa nga la 'bul dgongs //

stong rgyung gi thugs la mkhas pa grub pa thob pa / snang srid kyi lha ma srin sde brgyad bran du 'khol bas / nga rgyal po rang gi don man pa ni ming zhe sa nga la 'bul bas 'os med snyam nas / rgongs gsum du zhe sa ma 'byal / khri lde ni brtsug gis bar byas nas / rgyal po rgyal srid la thugs rgyas / mkhas pa yon tan gyis thugs rgyas / zhe sa rtse sprod du mdzod cig gsungs pas / der slob dpon gyi zhal nas / nga 'o na rgyal po'i phyag mkhar 'dun du tshugs cig / de la bdag gis phyag cis bgyi / bdag gi phyag shing la rgyal pos phyag mdzad cig gsung nas / phyag rtse sprod du mdzad pas / btsad phyag phyag shing gis thub ste tser re ldem me 'dug / bon phyag rgyal po'i phyag mkhar gyis ma thub ste dum bu gsum du chag go //

der rgyal po'i dgongs pa la bon phyag bdag la btsal na bdag gi lus dum bu gsum du 'gro nges par 'dug bsam nas / bon gshen mtha' ru gshegs pa rnams kyi gnod yang dran nas / zhe sa yang [69] gshen rabs la phul / 

rje'i zhal nas 'di skad gsungs /

kye dpon gsas bla ma yi dam lha //

yab mes gong nas dus 'di yan chod du //

bon gyis sku btsas mnga' thang dgung dang mnyam //

bod yul mun pa'i smar rum 'od kyis bkang //

rgyal gshen cig tu sdebs pas gangs pas dkar //

phyin ci log gi bud med blo 'khrul dang //

mtho yis dogs pa'i blon po mang la gze 'chu dang //

khrel med bod 'bangs dam log snying med kyis //

dbes bcug ya gas dbus nas mtha' ru bros //

da lta spyan drangs byon pa blo re spro //

nga mis bsam pa'i mchod rten bre tsam 'di //

nyin mo mis rtsigs nub mo bgegs kyis bshig //

bod 'bangs mi chugs kun yang cha ma bde //

'di la sman pa'i byin rlabs thugs la dgongs //

bod 'bangs bde la bkod na 'phrul ngag dar nas mchi //

mtha' ru mi spel bstan pa dbus nas 'dzugs //

rter du sbas pa kun yang brton la spyad //

ces zhus pas gsungs pa /

mi rje lhas mdzad mgo nag yongs kyi rje //

lha la gnyis med mnyam pa la //

gnyis mthar 'dzin pa'i rgyal po thugs re 'khrul //

bka' la dri bkol med pa la //

bon chos gnyis su 'dzin pa las re nor //

thugs rje thabs kyis 'dren pa la //

bstan pa khyad du bsod pa tshod re chung //

rje'i rgyal srid bon gyis skyong ba la //

lha khang chos la byed pa dam re nyams //

rgyal ba'i thugs la de ltar ma dgongs kyang //

snang srid lha 'dres gnam thig sa la btab //

chos kyi lha khang bzhengs pas bon mi dar gsungs nas ma gnang ngo //

der rgyal pos bon gyi lha khang g.yung drung khri skor bzhengs par zhal gyis bzhes nas / [70] lha srin zil gyis gnan nas bzhengs pas grub pa dang / bal mo ma nyan nas lha chos lugs su bzhengs //

der bon gyi bstan pa mi tshugs pa'i rtags byung bas / slob dpon gyis gsungs pa /

bdag gi sems la bdag phyogs med pa la /

dam med rgyal 'khor sde la bdag phyogs byung //

bon gyi nang rdzongs chos kyi lha la byas //

bdag ni dbus su mi sdod srin po'i yul du 'gro //

bon po mtha' ru song dus su //

rje 'bangs sku tshe thung ste mchi //

buid med spyod ngan mthong ste 'chi //

dme 'khrug rgyal srid nyams te 'chi //

gser gyi 'khren bu kha ru rdol te 'chi //

rje'u 'dre la 'chor te 'chi //

bud med ngo tsha the rang gis khyer te 'chi //

mtha' mis bod 'bangs 'joms te 'chi //

rje 'bangs mnyam por 'grogs te 'chi //

rje rgyud mi nag g.yog tu 'gro ste 'chi //

bod 'bangs sil bun 'gro ste 'chi //

mang thang 'gram nas 'gyel te 'chi //

lha sa chus khyer te 'chi //

rgyal po khri sr[o]ng 'chag ste 'chi //

de skad gsungs pas / rgyal pos gsol pa /

bdag g.yung drung bon la mos pa'i ched du / lha khang bon lugs g.yung drung khri skor bzhengs / bud med ngan pas bgyis pas bdag gis ma lan no // dpon gsas bla ma spyi bor khur // bkur ba la che rtags [Note: following in tiny cursive letters, which I have made out as best I can from the microfilm:]  su phyag tu zhal bu rgyu sa skyogs dang / bse'i gru gu dang / rgya yor gsol zhal du byas / ral gri gshen gyi yul cha / dar gyi 'jol ber / bdan za 'og dar gyi bdan / re rngon gyi bdag / sig ti di ltam / rta dre' mdzong / gsum nor kam po / dral g.yas dral / sha sme sha mi rtsang pa'i sha mi za ba / zas rtsang shar gsum longs spyod pas byas /

de ltar du byas yang rtsang min lha rigs ma bzhes nas / bon po bla chen 'phrag 'ta' stan pa'i rgyu ma la bzhag / xxx bstan pa de btang 'dzin la bzhag / slob dpon stung rgyung mthu chen lho nub srin po'i yul du / srin po kha gnon du gshegs /

de'i dus na bon 'di' yin bya ba med / chos [71] 'di yin sla ba med / bal po'i ring la bon gyi stan pa thang cig nub pa lags / stong rgyung chag tsam las ma byung / bud med dbang che ba dang / thob ma'i 'bor rdzun ches pas bstan pa dar rgyas ma nus so // 

bsgrags pa rin po che'i gling grags las / rgyal gshen gi dar nub gsum pa dri gum man byung dang / phyis bstan pa rims kyi bdar pa lags s.ho /  u ya // smar ro //

------------------------------------

The Meeting of Gyer mi Nyi 'od and Rma ston Srid 'dzin {SFHB; just beginning & end of text given here}  This interview evidently took place when Rma ston was in his 17th year:

[288]  bla ma ge mi 'od dang rma ston 'jal rabs //

[289]  e ma ho // bdag med mkhyen rtse stobs dang ldan pa yi //

'od dkar gnas 'dzin sku la phyag 'tshal lo //

bla rin po che rma ston srid 'dzin bya ba de / dgung lo bcu bdun lon tsam na / yul mus kyi grong po che bya bar byon nas bzhugs nas yod tsam na / bon po zang ma'i zha gon pa / dre'u gcig la khal sgro do cog bkal cig dang 'phrad / mi de na re 'dir shog dang zer / rtsa bar byon pas / de na re snang ba mi rtag pa 'khrul pa / de las dang spyod nyams su blangs pas rang log /  kun rtags dang byed pa las kyi snang ba mi rtag pa de go'am gsung /

de la bla mas gang nas byon byas pas /

de na re stong la dngos med bon dbyings / rang log zhen pa rang shar / yul gyi ngo zung dbyer med / yongs pa'i sa khungs nas mi rnyed /

yab gang lags byas pas /

kun rtags dran pa thabs chen kun bzang bde stong bon sku / pha'i ngo 'di ngas ma mthong /

rus ci lags byas pas /

kun rtags rang log / snang ba sems nyid sangs rgyas / rus dang rigs rtogs sems can / kun rtags kyi rus pa gyer lo lags gsung / mtshan ci lags byas pas / kun rtags las dang byed tshul la / ji ltar btags pa ming yin mdo / ... ... ...

...    ...    ...

Colophon (308.6): bla ma gyer mi nyi 'od de / la stod bam pa ru 'da' tshul bstan skad do //  // 

snyan rgyud a gsal sgron ma zhes bya ba / tshegs chung la don che ba'i bdams pa rdzogs s.ho //  // 

rma ston srid 'dzin bya ba'i skyes bu khyad par can 'di la / bla ma gyer mi nyi 'od kyis zhal 'jal nas / bdams pa 'di zhus lan du byas nas gnang ba lag [p. 309 blank].