Gwybodaeth i Weithwyr Proffesiynol Eraill

Iechyd

Fel gweithiwr iechyd proffesiynol, mae'n debygol y byddwch yn ymwneud â phlant ag ADY. Gallwch ddarparu ymyriad, cwblhau asesiadau, neu gyfeirio achos at Gyngor Sir Powys oherwydd eich bod yn credu y gallai fod gan y plentyn yr ydych yn gweithio gydag ef anghenion dysgu ychwanegol.

Mae Cod Anghenion Dysgu Ychwanegol Cymru 2021 yn nodi dyletswyddau ar gyfer y bwrdd iechyd lleol. Mae’r dyletswyddau hyn yn cynnwys:

• ystyried a oes triniaeth neu wasanaeth perthnasol sy’n debygol o fod o fudd wrth ymdrin ag ADY plentyn neu berson ifanc;

• sicrhau’r ddarpariaeth ddysgu ychwanegol (hynny yw, y driniaeth neu’r gwasanaeth perthnasol) a ddisgrifir mewn CDU (IDP) fel darpariaeth sydd i’w sicrhau gan y Bwrdd Iechyd Lleol (gan gynnwys cymryd camau rhesymol i sicrhau ei fod yn cael ei ddarparu yn y Gymraeg pan fo angen hynny);

• cymryd rhan mewn adolygiadau o Gynlluniau Datblygu Unigol lle mae triniaeth neu wasanaeth perthnasol wedi’i nodi fel Darpariaeth Ddysgu Ychwanegol i'w sicrhau gan y Bwrdd Iechyd Lleol;

• ceisiadau gan awdurdodau lleol i’r Bwrdd Iechyd Lleol am wybodaeth neu gymorth arall, y mae’r awdurdodau ei angen er mwyn cyflawni ei swyddogaethau ADY;

• hysbysu rhieni ac awdurdodau lleol o farn y Bwrdd Iechyd Lleol ei bod yn debygol bod gan blentyn o dan oedran ysgol gorfodol ADY.

Gallwch ddarllen mwy am ddyletswyddau’r bwrdd iechyd lleol ym mhennod 9 y cod ADY.

Mae Cyngor Sir Powys yn defnyddio platfform Tyfu i storio CDU, storio dogfennau, a phrosesu atgyfeiriadau. Er mwyn ei gwneud yn haws i weithwyr iechyd proffesiynol gyflawni eu dyletswyddau o dan y cod ADY, mae set o systemau wedi'u rhoi ar waith. Isod, fe welwch wybodaeth am sut i gael mynediad at broffiliau Tyfu er mwyn gallu lanlwytho adroddiadau a dogfennau, gwybodaeth i ymwelwyr iechyd sydd am hysbysu’r Awdurdod Lleol am ADY posibl, y broses ar gyfer ysgrifennu Darpariaeth Ddysgu Ychwanegol  iechyd, a mynychu cyfarfodydd adolygu.

Mynychu cyfarfodydd adolygu

Efallai y bydd angen mewnbwn gan iechyd i ysgrifennu ac adolygu CDU. Os oes angen i weithiwr iechyd proffesiynol fynychu Cyfarfod Asesu ar y Cyd (JAM) neu gyfarfod adolygu, anfonir gwahoddiad at y gweithiwr proffesiynol a gellir rhoi mynediad i broffil Tyfu y plentyn. Os na allwch ddod i'r cyfarfod, efallai y bydd angen i chi anfon adroddiad yn lle hynny fel y gellir cynnwys persbectif iechyd proffesiynol yn y CDU terfynol.