Seicoleg Addysgol

Mae'r tîm seicoleg addysgol yn cefnogi ysgolion trwy ymgynghoriadau tymhorol a darparu hyfforddiant mewn llythrennedd emosiynol i staff ysgol. Mae'r tîm seicoleg addysgol hefyd yn cwblhau asesiadau ar gyfer plant a phobl ifanc ym Mhowys.

Gwasanaethau Synhwyraidd

Mae'r tîm gwasanaeth synhwyraidd yn cefnogi dysgwyr ag anghenion synhwyraidd, gan gynnwys cefnogi gyda thechnoleg gynorthwyol, cwblhau asesiadau, ac ymweld â dysgwyr yn yr ysgol. 

Athro Arbenigol

Mae'r athrawon arbenigol yn cael sesiwn galw heibio yn fisol lle gall ysgolion dderbyn cyngor ac arweiniad. Maent hefyd yn cynnal ymweliadau ysgol i asesu a chefnogi dysgwyr. 

Ysgol Rithwir PDG

Mae Ysgol Rithwir Plant Sy’n Derbyn Gofal yn cynnwys rheolwr cynhwysiant a thri athro arbenigol. Maent yn cefnogi dysgwyr sy'n derbyn gofal, gan gynnwys cefnogi ysgolion gyda'r adolygiadau Cynllun Addysg Personol (PEP) statudol bob tymor. 

Y Tim Addysg Deg

Mae'r tîm Addysg Deg yn cynnwys un athro arbenigol a dau gynorthwyydd addysgu ymyrraeth sy'n cefnogi dysgwyr sy'n Sipsiwn, Teithwyr Roma (GRT), ffoaduriaid/ceiswyr lloches, teuluoedd amlieithog, a phlant y fyddin. 

Tîm BC ADY

Mae'r tîm ADY Blynyddoedd Cynnar yn cefnogi plant o'u genedigaeth hyd at 5 mlwydd oed. Maent hefyd yn cynnig cymorth i'w teuluoedd. Mae'r tîm hwn yn cynnal sesiynau galw heibio rhithwir wythnosol, lle gall lleoliadau dderbyn cyngor ac arweiniad. 

Gweithwyr Achos

Mae ein gweithwyr achos yn cydlynu'r holl waith sy'n gysylltiedig â Chynlluniau Datblygu Unigol a gynhelir gan Awdurdodau Lleol sy'n cynnwys ysgrifennu ac adolygu'r cynlluniau hyn. 

Cymorth Addysg

Mae'r tîm cymorth addysg yn gweithio ar draws yr holl wasanaeth ac yn cefnogi'r gwahanol dimau gyda'u gwaith gweinyddol. Mae'r tîm hefyd yn ateb ymholiadau a galwadau i borth Tyfu. Os oes angen unrhyw gyngor neu arweiniad arnoch, cysylltwch â ni:

• tyfu@powys.gov.uk

• 01597 827108