Ang Kahulugan ng Ekonomiks

Krrrrrring, krrrrring... Nag-alarm na iyong alarm clock. Ang iyong selpon. Kumakatok at tinatawag ka na ng iyong Nanay sa pinto. Ano ang iyong unang gagawin?

Maligo? Kumain? Dumiretso sa eskwelahan?

Syempre, ang imulat ang iyong mata! Pwera biro, alinman sa iyong pipiliin o gagawin, papasok ang pag-aaral ng Ekonomiks.

Hindi ba kahanga-hanga ang ating mga magulang? Pareho ang ating mga nanay at tatay ay nagpupursige sa trabaho at nagpaplano upang mapakain tayo sa araw-araw, mabayaran ang mga bayarin, at mapag-aral tayo hanggang mapagtapos. Maaaring ito ang naging inspirasyon ng mga Griyego dahil ang salitang Ekonomiks ay nanggaling sa dalawang salitang Griyego, oikos na ang ibig sabihin ay pamamahala at nomos na ibig sabihin ay tahanan. Kung kaya, ang literal na ibig sabihin nito ay "pamamahala sa tahanan".

Naranasan niyo na ba ang mawalan at maubusan ng pera? O kaya magka-brownout o mawalan ng tubig sa inyong lugar? Bakit nga ba walang poreber dito sa mundo?

Ang kakapusan ay likas na umiiral dahil limitado ang pinagkukunang-yaman. Paminsan, nagkakaroon ng kakulangan kung mayroong natitirang yaman ngunit hindi magamit dahil sa limitadong kakayahan ng tao.

Ibig sabihin, ang lahat ay may hangganan, may katapusan. Ito ay isang katotohanan ng buhay, ang kakapusan. Ngunit, sadyang dahil sa hindi natin maayos na pamamahala sa ating mga likas-yaman, nakakaranas tayo ng kakulangan. Hindi man natin matatakasan ang kakapusan, ngunit sa maayos nating pagdedesisyon at pagkilos ay maaari nating malimitihan ang kakulangan.