1-Hizkuntzaren didaktika
A.- Hizkuntza irakastearen helburuak: komunikazioa, hizkuntza eta komunikazioaren gaineko gogoeta egitea, eta kultur erreferentziak eraikitzea.
B.- Hiruki didaktikoa giltzarria da hizkuntzaren didaktikan, hau da: irakasleek, ikasleek eta edukiek osatutako egitura zein ondoren egiten den edukien transposizio didaktikoa.
C.- Mintzamenak ikasgaia izan behar du.
Dolz: "Ez da nahikoa hizkuntza bat erabiltzea; mintzamenak irakasgaia ere izan beharko luke".
D.- Jean-Paul Bronckart-ek hizkuntzak ezagutzaren eraikuntza eta garapenean duen eragina aztertzen du, hau da, zein den hizkuntza edo lengoaiaren eginkizuna pentsamendu eta ezagutzaren teorian.
Zeinu linguistikoak jabetzeak eta barneratzeak pentsamendu-unitateak osatzen ditu.
Egitura linguistikoak bereganatzeak eta barneratzeak unitate horiek pentsamendu kontziente batean antolatzea eragiten du, eta horrek esanahien inplikazio-erregimenaren arabera funtzionatzen du.
Diskurtso motak praktikatzeak, jabetzeak eta barneratzeak sortzen dituzte giza arrazoibide mota desberdinak.
Ahozko testua emaitza soziala da; horregatik, izugarrizko garrantzia ematen diegu gelan helburu komunikatiboari zein testuinguruaren lanketari.
E.-Testu generoak eta sekuenziazioa hizkuntza arloko curriculumean. Dolz: Sekuentzia didaktikoa tresna edo baliabide egokia da testu generoak praktikan lantzeko eta hizkuntza lantzeko bidea ematen du.
