Vedic Recitation - SYV-3.1-16-Krama

Audio: Shukla Yajurveda: Krama Paath by Ved Vrind

Mādhyandina-Krama-Pātha 3.1-16

Saṁhitā-Pātha

samidhāgninduvasyata ghṛtairbodhayatātithim |

āsminhavyā juhotana ||3.1|| (rv8.44.1)

Pada-Pātha

ā | asmin | havyā | juhotana ||

Krama-Pātha

1-2 | 1 iti 1 | 2-3 | 3-4 | 4-5 | 5-6 | 7 iti 7 ||

1-2 | 2-3 | 3-4 | 4 iti 4 ||

samidhāgnim | samidheti sam-idhā | agninduvasyata | duvasyata ghṛtaiḥ | ghṛtairbodhayata | bodhayatātithim | atithimityatithim ||

āsmin | asmin havyā | havyā juhotana | juhotaneti juhotana ||1||

susamiddhāya śociṣe ghṛtantīvrañjuhotana |

agnaye jātavedase ||3.2|| (rv5.5.1)

agnaye | jāta-vedase ||

susamiddhāya śociṣe | susamiddhāyeti su-samiddhāya | śociṣe ghṛtam | ghṛtantīvram | tīvrañjuhotana | juhotaneti juhotana ||

agnaye jātavedase | jātavedasa iti jāta-vedase ||2||

tantvā samidbhiraṅgiro ghṛtena vardhayāmasi |

bṛhacchocā yaviṣṭhya ||3.3|| (rv6.16.11)

bṛhat | śoca | yaviṣṭhya ||

tantvā | tvā samidbhiḥ | samidbhiraṅgiraḥ | samidbhiriti samit-bhiḥ | aṅgiro ghṛtena | ghṛtena vardhayāmasi | vardhayāmasīti vardhayāmasi ||

bṛhacchoca | śoca yaviṣṭhya | yaviṣṭhyeti yaviṣṭhya ||3||

upa tvāgne haviṣmatīrghṛtācīryantu haryata |

juṣasva samidho mama ||3.4||

juṣasva samidha'iti sam-idhaḥ |mama ||

upa tvā | tvāgne | agne haviṣmatīḥ | haviṣmatīrghṛtācīḥ | ghṛtācīryantu | yantu haryata | haryateti haryata ||

juṣasva samidhaḥ | samidho mama | samidha'iti sam-idhaḥ | mameti mama ||4||

bhūrbhuvaḥ svardyauriva bhūmnā pṛthivīva varimṇā |

tasyāste pṛthivi devayajani pṛṣṭhegnimannādamannādyāyādadhe ||3.5||

tasyāḥ | te | pṛthivi | devayajanīti deva-yajani | pṛṣṭhe | agnim | annādamiti anna-adam | annādyāyetyanna-adyāya | ā | dadhe ||

bhūrbhuvaḥ | bhuvaḥ svaḥ | svardyauriva | dyauriva bhūmnā | dyauriveti dyauḥ-iva | bhūmnā pṛthivīva | pṛthivīva varimṇā | pṛthivīveti pṛthivī-iva | varimṇeti varimṇā ||

tasyāste | te pṛthivi | pṛthivi devayajani | devayajani pṛṣṭhe | devayajanīti deva-yajani | pṛṣṭhegnim | agnimannādam | annādamannādyāya | annādamityanna-adam | annādyāyādadhe | annādyāyetyanna-adyāya | ādadhe | dadha'iti dadhe ||5||

āyaṅgauḥ pṛśnirakramīdasadanmātarampuraḥ |

pitarañca prayantsvaḥ ||3.6|| (rv10.189.1)

pitaram | ca | prayanniti pra-yan | svariti svaḥ ||

āyam | ayaṅgauḥ | gauḥ pṛśniḥ | pṛśnirakramīt | akramīdasadat | asadanmātaram | mātarampuraḥ | pura'iti puraḥ ||

pitarañca | ca prayan | prayantsvaḥ | prayanniti pra-yan | svariti svaḥ ||6||

antaścarati rocanāsya prāṇādapānatī |

vyakhyanmahiṣo divam ||3.7|| (rv10.189.2)

vi | akhyat | mahiṣaḥ | divam ||

antaścarati | antarityantaḥ | carati rocanā | rocanāsya | asya prāṇāt | prāṇādapānatī | apānatītyapa-anatī ||

vyakhyat | akhyanmahiṣaḥ | mahiṣo divam | divamiti divam ||7||

trim̐śaddhāma vi rājati vāk pataṅgāya dhīyate |

prati vastoraha dyubhiḥ ||3.8|| (rv10.189.3)

prati | vastoḥ | aha | dyubhiriti dyubhiḥ ||

trim̐śaddhāma | dhāma vi | vi rājati | rājati vāk | vākpataṅgāya | pataṅgāya dhīyate | dhīyata'iti dhīyate ||

prati vastoḥ | vastoraha | aha dyubhiḥ | dyubhiriti dyubhiḥ ||8||

agnirjyotirjyotiragniḥ svāhā sūryo jyotirjyotiḥ sūryaḥ svāhā |

agnirvarco jyotirvarcaḥ svāhā sūryo varco jyotirvarcaḥ svāhā |

jyotiḥ sūryaḥ sūryo jyotiḥ svāhā ||3.9||

agniḥ | jyotiḥ | jyotiḥ | agniḥ | svāhā | sūryaḥ | jyotiḥ | jyotiḥ | sūryaḥ | svāhā ||

agniḥ | varcaḥ | jyotiḥ | varcaḥ | svāhā | sūryaḥ | varcaḥ | jyotiḥ | varcaḥ | svāhā ||

jyotiḥ | sūryaḥ | sūryaḥ | jyotiḥ | svāhā ||

agnirjyotiḥ | yjotirjyotiḥ | jyotiragniḥ | agniḥ svāhā | svāhā sūryaḥ | sūryo jyotiḥ | jyotirjyotiḥ | jyotiḥ sūryaḥ | sūryaḥ svāhā | svāheti svāhā ||

agnirvarcaḥ | varco jyotiḥ | jyotirvarcaḥ | varcaḥ svāhā | svāhā sūryaḥ | sūryo varcaḥ | varco jyotiḥ | jyotirvarcaḥ | varcaḥ svāhā | svāheti svāhā ||

jyotiḥ sūryaḥ | sūryaḥ sūryaḥ | sūryo jyotiḥ | jyotiḥ svāhā | svāheti svāhā ||9||

sajūrdevena savitrā sajū rātryendravatyā |

juṣāṇo'agnirvetu svāhā |

sajūrdevena savitrā sajūruṣasendravatyā |

juṣāṇaḥ sūryo vetu svāhā ||3.10||

juṣāṇaḥ | agniḥ | vetu | svāhā |

uṣasā | sūryaḥ ||

sajūrdevena | sajūriti sa-jūḥ | devena savitrā | savitrā sajūḥ | sajū rātryā | sajūriti sa-jūḥ | rātryendravatyā | indravatyetīndra-vatyā ||

juṣāṇo'agniḥ | agnirvetu | vetu svāhā | svāheti svāhā ||10||

uṣasā sūryaḥ | sūrya'iti sūryaḥ ||

upaprayanto'adhvarammantram̐vvocemāgnaye |

āre'asme ca śṛṇvate ||3.11|| (rv1.74.1)

āre | asme'ityasme | ca | śṛṇvate ||

upaprayanto'adhvaram | upaprayanta'ityupa-prayantaḥ | adhvarammantram | mantram̐vvocema | vocemāgnaye | agnaya'ityagnaye ||

āre'asme | asme ca | asme'ityasme | ca śṛṇvate | śṛṇvata'iti śṛṇvate ||11||

agnirmūrdhā divaḥ kakutpatiḥ pṛthivyā'ayam |

apām̐ retām̐si jinvati ||3.12|| (rv8.44.16)

apām | retām̐si | jinvati ||

agnirmūrdhā | mūrdhā divaḥ | divaḥ kakut | kakutpatiḥ | patiḥ pṛthivyāḥ | pṛthivyā'ayam | ayamityaham ||

apām̐ retām̐si | retām̐si jinvati | jinvatīti jinvati ||12||

ubhā vāmindrāgnī'āhuvadhyā'ubhā rādhasaḥ saha mādayadhyai |

ubhā dātārāviṣām̐ rayīṇāmubhā vājasya sātaye huve vām ||3.13|| (rv6.60.13)

ubhā | dātārau | iṣām | rayīṇām | ubhā | vājasya | sātaye | huve | vām ||

ubhā vām | vāmindrāgnī | indrāgnī'āhuvadhyai | indrāgnī'itīndrāgnī | āhuvadhyā'ubhā | āhuvadhyā'ityā-huvadhyai | ubhā rādhasaḥ | rādhasaḥ saha | saha mādayadhyai | mādayadhyā'iti mādayadhyai ||

ubhā dātārau | dātārāviṣām | viṣām̐ rayīṇām | rayīṇāmubhā | ubhā vājasya | vājasya sātaye | sātaye huve | huve vām | vāmiti vām ||13||

ayante yonirṛtviyo yato jāto'arocathāḥ | (rv3.29.10a)

tañjānannagna'ārohāthā no vardhayā rayim ||3.14||

tam | jānan | agne | ā | roha | atha | naḥ | vardhaya | rayim ||

ayante | te yoniḥ | yonirṛtviyaḥ | ṛtviyo yataḥ | yato jātaḥ | jāto'arocathāḥ | arocathā'ityarocathāḥ ||

tañjānan | jānannagne | agna'āroha | āroha | rohātha | athā naḥ | no vardhaya | vardhayā rayim | rayimiti rayim ||14||

ayamiha prathamo dhāyi dhātṛbhirhotā yajiṣṭho'adhvareṣvīḍyaḥ |

yamapnavāno bhṛgavo virurucurvaneṣu citram̐vvibhvam̐vviśeviśe ||3.15|| (rv4.7.1)

yam | apnavānaḥ | bhṛgavaḥ | virurucuriti vi-rurucuḥ | vaneṣu | citram | vibhvamiti vi-bhvam | viśeviśa'iti viśe-viśe ||

ayamiha | iha prathamaḥ | prathamo dhāyi | dhāyi dhātṛbhiḥ | dhātṛbhirhotā | dhātṛbhiriti dhātṛ-bhiḥ | hotā yajiṣṭhaḥ | yajiṣṭho'adhvareṣu | adhvareṣvīḍyaḥ | īḍya'itīḍyaḥ ||

yamapnavānaḥ | apnavāno bhṛgavaḥ | bhṛgavo virurucuḥ | virurucurvaneṣu | virurucuriti vi-rurucuḥ | vaneṣu citram | citram̐vvibhvam | vibhvam̐vviśeviśe | vibhvamiti vi-bhvam | viśeviśa'iti viśe-viśe ||15||

asya pratnāmanu dyutam̐ śukranduduhre'ahrayaḥ |

payaḥ sahasrasāmṛṣim ||3.16|| (rv9.54.1)

payaḥ | sahasrasāmiti sahasra-sām | ṛṣim ||

asya pratnām | pratnāmanu | anu dyutam | dyutam̐ śukram | śukranduduhre | duduhre'ahrayaḥ | ahraya'ityahrayaḥ ||

payaḥ sahasrasām | sahasrasāmṛṣim | sahasrasāmiti sahasra-sām | ṛṣimityṛṣim ||16|

Notes

1. When in Krama (word 1- word 2) the first word is shown with itikaraṇa in the Padapātha then this word of the Padapātha is placed after the Krama. Example in 3.1: samidhāgnim | samidheti sam-idhā | (Padapātha reads: samidheti sam-idhā | agnim)

2. The Krama sequence 1-2 | 2-3 | … ends at the avasāna ( | ) shown in the Saṁhitā. In Krama the last word before the avasāna is shown both before and after iti. Examples in 3.1: atithimityatithim, juhotaneti juhotana (Padapātha reads atithim, juhotana).

3. There are 115 exceptions in which the Krama continues (see Kramasaṁdhāna Śikṣā). One of the 115 exceptions is shown in 3.10:

sajūrdevena savitrā sajūruṣasendravatyā |

juṣāṇaḥ sūryo vetu svāhā ||3.10||

The green marked words are dropped in the Padapātha (uṣasā | sūryaḥ). In the Saṁhitā uṣasā is placed before the avasāna and sūryaḥ after the avasāna but Krama (uṣasā sūryaḥ) continues.