Taittirīya-Upaniṣad 3.6.1
Taittirīya-Upaniṣad 3.6.1
आ॒न॒न्दो ब्र॒ह्मेति॒ व्य॑जानात्।
आ॒नन्दा॒ध्ये॑व खल्वि॒मानि॒ भूता॑नि॒जाय॑न्ते।
आ॒न॒न्देन॒ जाता॑नि॒ जीव॑न्ति। आ॒न॒न्दं प्रय॑न्त्य॒भिसंवि॑श॒न्तीति॑।
सैषा भा॑र्ग॒वी वा॑रु॒णी वि॒द्या। प॒र॒मे व्यो॑म॒न्प्रति॑ष्ठिता।
य ए॒वं वेद॒ प्रतिति॑ष्ठति। अन्न॑वानन्ना॒दो भ॑वति।
म॒हान्भ॑वति प्र॒जया॑ प॒शुभि॑र्ब्रह्मवर्च॒सेन॑।
म॒हान् की॒र्त्या॥ १॥
ā̱na̱ndo bra̱hmeti̱ vya̍jānāt |
ā̱nandā̱d dhy e̍va khalv i̱māni̱ bhūtā̍ni̱ jāya̍nte |
ā̱na̱ndena̱ jātā̍ni̱ jīva̍nti | ā̱na̱ndaṁ praya̍nty a̱bhisaṁvi̍śa̱ntīti̍ |
saiṣā bhā̍rga̱vī vā̍ru̱ṇī vi̱dyā | pa̱ra̱me vyo̍ma̱n prati̍ṣṭhitā |
ya e̱vaṁ veda̱ pratiti̍ṣṭhati | anna̍vān annā̱do bha̍vati |
ma̱hān bha̍vati pra̱jayā̍ pa̱śubhi̍r brahma-varca̱sena̍ |
ma̱hān kī̱rtyā || 1||