12ஆடுவோமே ! பள்ளு பாடுவோமே !

ஆடுவோமே ! பள்ளு பாடுவோமே !

ஆனந்த சுதந்திரம் அடைந்துவிட்டோம் என்று

ஆடுவோமே!

எங்கும் சுதந்திரம்

என்பதே பேச்சு -- நாம்

எல்லோரும்

சமமென்பது உறுதியாச்சு

சங்குகொண் டேவெற்றி

ஊதுவோமே -- இதைத்

தரணிக்கெல் லாமெடுத்து

ஓதுவோமே.

-

உழவுக்கும் தொழிலுக்கும்

வந்தனைசெய்வோம் -- வீணில்

உண்டுகளித் திருப்போரை

நிந்தனைசெய்வோம்

விழலுக்கு நீர்ப் பாய்ச்சி

மாயமாட்டோம் -- வெறும்

வீணருக்கு உழைத்துடலம்

ஓயமாட்டோம்.

---

நாமிருக்கும் நாடுநமது

என்பதறிந்தோம் -- இது

நமக்கே உரிமையாம்

என்பதறிந்தோம் -- இந்தப்

பூமியில் எவர்க்கும் இனி

அடிமைசெய்யோம் -- பரி

பூரணனுக் கேயடிமை

செய்து வாழ்வோம்.

===============================================

this song is from Naam Iruvar 1947 January

Music director for that film was Sri.Sudharsanam

but the music director for this particular song was

S.V.VENKATARAMAN