8.-10. bekkingar vinna í bókaklúbbum

Nemendur í 8.-10. bekk velja eina af fimm bókum sem er í boða að lesa. Ein bókin (Egils saga) er eyrnamerkt fyrir þá nemendur sem vilja fá meiri stuðning við lesturinn frá kennara. Nemendur fá senda valmöguleikana í forms könnun þar sem Egils saga er merkt "sérkennsla, meiri stuðningur frá kennara".

Nemendum sem velja sömu bók er síðan raðað í 4-6 manna hópa sem setja sér áætlun um lesturinn, eiga samræður um kaflana jafnóðum og þeir eru lesnir og hjálpast að við fjölbreytta verkefnavinnu. Hver nemandi safnar öllum verkefnum sem hann vinnur í lestrardagbók eða safnmöppu. Þegar nemendur hafa lokið vinnu við skylduverkefni geta þeir unnið skapandi skil, minni eða stærri verkefni eftir áhuga, metnaði og tíma.

Ástæður fyrir því að við skipuleggjum lestur nemenda í bókaklúbbum eru t.d. að þá hafa nemendur val um lesefni, þeir hafa stuðning og hvatningu frá felögum sínum í hópunum og þeir læra betur að bera ábyrgð á námi sínu þar sem þeir þurfa sjálfir að skipuleggja lestur og verkefnavinnu.

Hæfniviðmið

Við skipulag verkefnisins var áhersla lögð á að vinna með lykilhæfni nemenda og hæfni í íslensku. Í Stapaskóla hafa kennarar á unglingastigi sett saman lista yfir lykilhæfniviðmið með því að nota grunninn úr Aðalnámskrá grunnskóla en safna líka saman viðmiðum sem birtust í námskrám ólíkra námssviða en fjölluðu um sömu hæfni svo sem talað mál, gagnrýna hugsun og heimildanotkun. Lykilhæfninámskráin er í þróun en hefur nýst kennurum mjög vel skólaárið 2021-2022.

Verkefni sem eru í gangi allt tímabilið

Umræður í bókaklúbbum

Í upphafi hverrar kennslustundar taka bókaklúbbarnir umræðu um þá kafla sem búið er að lesa. Á tímabilinu sem nemendur lesa Íslendingasögurnar koma kennarar í hlustun á umræður hópanna 1-3, eftir því sem tími vinnst til. Nemendum er kynntur matskvarðinn og auk þess að nýta hann í kennaramat má að sjálfsögðu líka nýta kvarðann í sjálfsmat eða jafningjamat innan hópanna.

Lestrardagbók

Skapandi skil

Með skapandi skilum hefur nemandinn tækifæri til að sýna meiri hæfni en skoðuð er í skylduverkefnunum.
Verkefnin geta nemendur unnið einstaklingslega eða í hópum.
Hugmyndir og lýsingar má nálgast á vef um skapandi skil.

Vika 2.

Hvernig byrjar bókin?

Verkefnið er tvíþætt og miðast við að nemendur vinni með efni úr 1. og 2. kafla bókarinnar.

• Nemendur búa til töflu og flokka nöfn og einkenni sögupersóna.

• Nemendur búa til landakort sem sýnir þá staði sem nefndir eru í 1. og 2. kafla.

Ættartré

Vika 4.

Setjið söguna á kortið

Segið frá Íslendingasögunni ykkar

Hver bókaklúbbur býr til söguveg sem sýnir söguþráð bókarinnar sem hópurinn er að lesa. Hver nemandi tekur síðan söguveginn með sér í nýjan hóp sem kennarar raða sama og segir krökkum sem voru að lesa aðra Íslendingasögu frá bókinni, og hlustar á söguþræði annarra Íslendingasagna sem hinir í nýja hópnum segja frá.

Nemendur frá matskvarða til að nýta í jafningjamati á frágangi söguvegar og framsögunni.