Skapandi skil

Þegar nemendur hafa kynnt sér nýja þekkingu eða leikni er tilvalið að gefa þeim frjálsan tauminn til að beita og birta nýja hæfni. Þá setjum við skapandi skil á dagskrá.

Hugtakið er orðið nokkuð þekkt í íslenska menntasamfélaginu og á vefnum Skólastofan.is má nálgast góða samantekt á efni sem kennarar hafa birt til leiðbeiningar.

Myndina hér til hliðar birti Elínborg Anna Siggeirsdóttir (@elinborgin) á Twitter þann 26. mars 2019. Hugmyndasafnið á hurðinni er frábært dæmi um þann sköpunarkraft sem getur brotist út þegar nemendur og kennarar taka höndum saman.