Saídas á contorna
Para este curso 23-24 propuxémonos facer, por escolas, mínimo unha saída a contorna de forma mensual. Deixámosvos a continuación algunhas fotografías.
Apañamos castañas
Nas distintas escolas do CRA aproveitamos a marabillosa contorna que temos para coñecer a árbore das castañas: o castiñeiro.
Saída á contorna de Verdillo
O alumnado da Escola de Verdillo, tanto de Infantil como de Primaria, planificamos e gozamos dunha mañá polos arredores da nosa escola e achegámonos ás pistas deportivas. Primeiro traballamos de forma visual, o mapa, para saber que camiño iamos tomar, para despois poñernos en marcha coas merendas ás costas. Canto aprendemos!
Caderno de campo
Na escola de Rega aproveitamos o libro dos montes para ir apañar pinas e follas pola contorna. Puidemos observar que o paso do outono está deixando o chan repleto de follas marróns.
Visita ao mercado e a Chocolates Mariño
A escola de Artes visitou, no mes de abril, o mercado de abastos de Carballo e a emblemática tenda de Chocolates Mariño fundada en 1927.
No mercado coñecemos diferentes postos segundo a procedencia dos alimentos: froitería, carnicería, peixería, panadaría... e aproveitamos para que as tendeiras e tendeiros nos contasen máis sobre os produtos que vendían e sobre o seu traballo.
Na fábrica de chocolate explicáronnos a elaboración destes manxares e mercamos algunha que outra tableta para degustalos máis tarde.
Gustounos moito aproveitar a mañá para camiñar polo centro de Carballo e achegarnos tamén a conocer o Concello, a Policía Local, a Policía Nacional e, como non, xogar no parque da praza.
Anotamos esta saída para que a fagamos todas as escolas o curso que vén, encantounos!