Contacontos pola igualdade

Dentro do plan proxecta Donas de si, o alumnado de Educación Primaria participou nun contacontos pola igualdade ofrecido pola Secretaría Xeral da Igualdade para visibilizar a figura de Ángeles Alvariño. Esta actividade consistiu na narración da súa biografía á vez que unha ilustradora plasmaba o retrato desta muller importante na ciencia en Galicia. Aproveitamos este día tamén para facer coincidir esta actividade con outra organizada polo Concello na que participaron distintas asociacións como: ASPABER, AFABER ou ÍNTEGRO. As persoas usuarias destas asociacións, xunto coas alumnas e mestras do obradoiro de emprego de atención sociosanitaria a persoas dependentes en institucións sociais participaron tamén da actividade. Xogamos a distintas actividades cos usuarios das asociacións e compartimos unha merenda elaborada polo taller de hostelería e cociña.