En todas as escolas do CRA realizamos actividades de concienciación sobre a Violencia de xénero, incidindo na necesidade dunha sociedade baseada nos coidados. Este mes de novembro conmemórase o día contra a violencia de xénero e para iso decidimos utilizar as figuras de mulleres próximas ao alumnado e darlles o protagonismo que realmente teñen nas súas vidas. Para iso, cada alumna e alumno escolleu a unha muller da súa contorna que a adoita coidar e anotamos algunha idea de como podiamos coidar nós delas. Reflexionar sobre como nos coidan estas persoas e que lles gusta facer con elas, para tamén agradecer e facer que se sintan coidadas pola nosa parte.

Unha actividade que sen duda algunha tivo unha fonda pegada e que nos enganchou desde o primeiro día. Moitísimas gracias, familias, por participar connosco.