ເຈ້ຍປໍສາ
ເຈ້ຍປໍສາ ເຮັດດ້ວຍປໍສາເນື້ອຫຍາບ, ການຜະລິດເຈ້ຍປໍສາ ມີຫຼາຍຂັ້ນຕອນ, ໃຊ້ເວລາໃນການຜະລິດດົນນານ, ເປັນພູມປັນຍາດັ້ງເດີມ ທີ່ເປັນເອກະລັກສະເພາະ ຂອງຊາວຫຼວງພະບາງ. ເຈ້ຍປໍ ສາອາດຖືກໍາເນີດ ໃນສະຕະວັດ ທີ່ XIV ເປັນໄລຍະທີ່ອານາຈັກລາວລ້ານຊ້າງຈະເລີນຮຸ່ງເຮືອງ.
Embedded Files
ປະຫວັດຄວາມເປັນມາ
ປະຫວັດຄວາມເປັນມາ
ໜັງສືຜູກໃບລານ ແລະ ເຈ້ຍປໍສາ ອາດຈະເກີດຂຶ້ນ ໃນສະໄໝອານາຈັກລ້ານຊ້າງ ໃນສະຕະວັດ ທີ່ XIV ເຊິ່ງໄລຍະທີ່ອານາຈັກລາວລ້ານຊ້າງຈະເລີນຮຸ່ງເຮືອງ. ພຸດທະສາສະໜາ ໄດ້ຖືກເຜີຍແຜ່ ຢ່າງກ້ວາງຂວາງ ໃນນັ້ນ ໜັງສືຜູກໃບລານ ແລະ ເຈ້ຍປໍສາ ໄດ້ຖືກນໍາໃຊ້ ເພື່ອບັນທຶກອັກສອນທໍາ, ປະຫວັດຄວາມເປັນມາກ່ຽວກັບ ພຸດທະສາສະໜາ, ບັນທຶກຂໍ້ມູນທາງດ້ານປະຫວັດສາດ, ກົດປະເພນີ, ບົດກອນ, ນາວະນິຍາຍ, ບຸນງານ, ຮີດຄອງປະເພນີ, ແຜນຕໍາລາຢາພື້ນເມືອງ, ແຜນທີ່, ການນົບໄຫວ້, ຕໍານານບັນພະບູລຸດ, ບົດຄາຖາອາຄົມ ແລະ ອື່ນໆ. ບາງຂໍ້ມູນກໍ່ບອກວ່າ ເຈ້ຍປໍສາ, ເຈ້ຍໄມ້ປ່ອງ ແມ່ນຕິດພັນກັບວິຖີຊີວິດ ຂອງຊົນເຜົ່າມົ້ງມາຢ່າງຍາວນານ ເພາະເຂົາເຈົ້າຜະລິດເຈ້ຍຂຶ້ນມາເພື່ອໃຊ້ໃນຊີວິດປະຈໍາວັນ ແລະ ພິທີກໍາ ຕ່າງໆ. ປະຈຸບັນນີ້ ເຈ້ຍປໍສາ ຖືກຜະລິດເປັນ ແຜ່ນເຈ້ຍ, ໂຄມໄຟ, ຖົງເຈ້ຍ, ໜ້າປົກປື້ມ, ປຶ້ມສໍາລັບເກັບຮູູບ, ນູນຊ້າງ, ນູນນົກ, ນູນພຣະ, ແລະ ສິ່ງຂອງທີ່ລະນຶກ ເປັນຕົ້ນ.
ໄພຂົ່ມຂູ່
ໄພຂົ່ມຂູ່
ການຜະລິດເຈ້ຍປໍສາມີຫຼາຍຂັ້ນຕອນ, ໃຊ້ເວລາຜະລິດດົນນານ, ການຜະລິດເຈ້ຍມີລາຍຮັບຕໍ່າ.
ບໍ່ມີຕະຫຼາດຮອງຮັບ ເພື່ອຈໍາໜ່າຍຢ່າງກ້ວາງຂວາງ ຈຶ່ງເຮັດໃຫ້ຄົນຮຸ່ນໃໝ່ຫັນໄປປະກອບອາຊີບອື່ນ ທີ່ດີກວ່າ.
ຄູ-ອາຈານທີ່ມີຄວາມຮູ້, ມີຄວາມຊໍານານໃນການຖ່າຍທອດການຜະລິດເຈ້ຍປໍສາມີຈໍານວນໜ້ອຍ.
ບໍ່ມີປື້ມຄູ່ມື, ຕໍາລາຮຽນ, ຫຼັກສູດການຮຽນການສອນ ແລະ ຂາດຜູ້ສົນໃຈເຂົ້າມາສຶກສາຮໍ່າຮຽນ.
ຕົ້ນປໍສາ ມີທ່າອ່ຽງຫຼຸດລົງ ເຊິ່ງອາດຂາດເຂີນດ້ານວັດຖຸດິບ ແລະ ຈະເຮັດໃຫ້ຕົ້ນທຶນໃນການຜະລິດສູງຂຶ້ນ.
ອາດມີການລອກຮຽນແບບ ແລະ ຜະລິດຕະພັນ ມາຈາກໂຮງງານທີ່ໃຊ້ເຄື່ອງຈັກ ເຊິ່ງເປັນສາເຫດ ທີ່ຈະເຮັດໃຫ້ປະຊາຊົນ ປະລະອາຊີບນີ້ ໃນອານາຄົດ.
ການເຮັດເຈ້ຍປໍສາ ອາດມີທ່າອ່ຽງຫຼຸດລົງ ຖ້າບໍ່ໄດ້ຮັບຄວາມນິຍົມຈາກສັງຄົມ ແລະ ການປົກປັກຮັກສາ ທີ່ດີ.
ນຳມາແຊ່ນ້ຳ
ແຜນປົກປ້ອງ
ແຜນປົກປ້ອງ
ສ້າງກົດລະບຽບ, ນິຕິກໍາ ເພື່ອຄຸ້ມຄອງ, ສ້າງປື້ມຄູ່ມື, ສ້າງຕຳລາຫຼັກສູດ ການຜະລິດເຈ້ຍປໍສາເຂົ້າໃນຫຼັກສູດການສຶກສາ ໂດຍສະເພາະ ແມ່ນວິທະຍາໄລວິຈິດສິນພື້ນເມືອງຫຼວງພະບາງ.
ໂຄສະນາ, ສົ່ງເສີມ ໃຫ້ຊາວຫຼວງພະບາງຫັນມາໃຊ້ເຈ້ຍປໍສາ ເພື່ອທົດແທນຖົງຢາງປາສຕິກ ເປັນການຮັກສາສິ່ງແວດລ້ອມ.
ສົ່ງເສີມຊາວກະສິກອນ ທີ່ຢູ່ໃກ້ຄຽງໃຫ້ປູກຕົ້ນປໍສາເພື່ອເປັນແຫຼ່ງສະໜອງວັດຖຸດິບ.
ຈັດເຝິກອົບຮົມຂັ້ນຕອນການຜະລິດເຈ້ຍປໍສາໃຫ້ຄົນຮຸ່ນໃໝ່ ຜູ້ທີ່ມີຄວາມສົນໃຈມາສຶກສາຮໍ່າຮຽນ.
ນໍາສະເໜີ ໃຫ້ພາກສ່ວນທີ່ກ່ຽວຂ້ອງ ຈົດທະບຽນເຂົ້າເປັນມໍລະດົກທາງດ້ານວັດທະນະທຳທີ່ບໍ່ເປັນວັດຖຸໃນລະດັບທ້ອງຖິ່ນ.
ນໍາໄປແຊ່ນໍ້າໃຫ້ຢາງປໍສາອອກ
ເອົາປໍສາທີ່ຕາກແຫ້ງໄປແຊ່ນໍ້າ ປະມານ 01 ມື້
ນໍາເອົາປໍສາໄປຕໍາໃຫ້ລະອຽດ
ນໍາເອົາປໍສາທີ່ຕົ້ມມາລ້າງດ້ວຍນໍ້າໃຫ້ສະອາດ
ນໍາໄປຕາກແດດໃຫ້ແຫ້ງ
Google Sites
Report abuse