ເຂົ້າໂຄບ
ເຂົ້າໂຄບ ໄດ້ມາຈາກ ການນຳເອົາເຂົ້າໜຽວສຸກ ( ເຂົ້າໄຮ່ ) ມາແປຮູບເປັນແຜ່ນວົງມົນຕາກໃຫ້ແຫ້ງແລ້ວ ມາຈືນດ້ວຍນ້ຳມັນພືດ ຫຼື ນ້ຳມັນໝູ ເພື່ອບໍລິໂພກກັບອາຫານປະເພດຕ່າງໆ ຫຼື ໃຊ້ປະກອບເປັນຂອງຫວານໃນພິທີກໍາ ທາງພຸດພະສາສະໜາ.
Embedded Files
ປະຫວັດຄວາມເປັນມາ
ປະຫວັດຄວາມເປັນມາ
ເຂົ້າໂຄບ ກໍາເນີດເກີດຂຶ້ນເວລາໃດ ສະຖານທີ່ໃດກ່ອນໝູ່ໃນປະເທດລາວ ເລື່ອງນີ້ສຸດວິໄສທີ່ຈະຮູ້ໄດ້. ເຂົ້າໂຄບ ເປັນອາຫານທີ່ສືບທອດກັນມາເປັນເວລາຍາວນານ ຮ່ອງຮອຍຂໍ້ມູນທີ່ພວກເຮົາພໍສາມາດເອົາມາອ້າງອີງກໍ່ແມ່ນເຂົ້າໂຄບໃຊ້ປະກອບເປັນຂອງຫວານ ໃນພິທີກໍາທາງພຸດທະສາສະໜາ ໃນພິທີພາບາສີ-ສູ່ຂວັນ ແລະ ພິທີກໍາ ອື່ນໆ ແລະ ເປັນຂອງບໍລິໂພກ ຮ່ວມກັບອາຫານອື່ນໆ ໃນຊີວິດປະຈໍາວັນ. ໃນເມື່ອກ່ອນ ປະຊາຊົນໃນຂອບເຂດບ້ານ ໂພນເຮືອງ, ບ້ານ ຊຽງທອງ-ຄີລີ ແມ່ນມີອາຊີບຜະລິດເຂົ້າໂຄບເກືອບທຸກຫຼັ້ງຄາເຮືອນເພື່ອໄວ້ບໍລິໂພກ ແລະ ເພື່ອຈໍາໜ່າຍ ໃນໂອກາດບຸນປະເພນີສໍາຄັນຕ່າງໆ...
ໄພຂົ່ມຂູ່
ໄພຂົ່ມຂູ່
ລາຍຮັບ ໃນການເຮັດເຂົ້າໂຄບ ແມ່ນຍັງຕ່ຳ, ຕະຫຼາດຈໍາໜ່າຍ ບໍ່ກວ້າງຂວາງ.
ການຜະລິດສ່ວນຫຼາຍ ແມ່ນແບບຄອບຄົວເພື່ອບໍລິໂພກໃນຊ່ວງໄລຍະມີງານບຸນປະເພນີ, ພິທີກຳ ຕ່າງໆ ຫຼື ຕາມການສັ່ງຊື້ເທົ່ານັ້ນ.
ບໍລິໂພກຫັນໄປນິຍົມເຂົ້າໜົມຮູບແບບອື່ນຫຼາຍຂຶ້ນ.
ການເຮັດເຂົ້າໂຄບ ມີຄວາມຫຍຸ້ງຍາກ, ມີຫຼາຍຂັ້ນຕອນ ແລະ ໃຊ້ເວລາຫຼາຍວັນ.
ສະຖານທີ່ ສໍາລັບການຜະລິດເຂົ້າໂຄບມີຈໍາກັດ ຍາກຕໍ່ການຕາກແຫ້ງ ແລະ ການເກັບຮັກສາເຂົ້າໂຄບ.
ເຂົ້າໄຮ່ ມີລາຄາຂ້ອນຂ້າງສູງ, ຫາຍາກ ແລະ ການປູກມີແນວໂນ້ມຫຼຸດລົງ. ບາງຄັ້ງຂາດຕະຫຼາດອາດມີການນໍາເຂົ້າມາຈາກບ່ອນອື່ນ.
ການບັນຈຸຫຸ້ມຫໍ່ຍັງບໍ່ໄດ້ມາດຖານ ແລະ ກາໝາຍສິນຄ້າຍັງບໍ່ທັນຜ່ານການຮັບຮອງ.
ແຜນປົກປ້ອງ
ແຜນປົກປ້ອງ
ສ້າງຕັ້ງກຸ່ມຜະລິດໃນບ້ານ ຫຼື ໝູ່ບ້ານຂຶ້ນ ແລະ ເປັນສູນລວມຜະລິດຕະພັນປະຈຳໝູ່ບ້ານ
ຂຽນ ຫຼື ສ້າງຕຳລາ, ປຶ້ມຄູ່ມືການປຸງແຕ່ງເຂົ້າໂຄບຢ່າງລະອຽດເພື່ອສຶກສາຮຽນຮູ້.
ສ້າງກົດລະບຽບ, ກົດໝາຍ ຫຼື ນິຕິກໍາເພື່ອຄຸ້ມຄອງ.
ເຜີຍແຜ່ ການປຸງແຕ່ງເຂົ້າໂຄບໃຫ້ຊຸມຊົນ ແລະ ໂຮງຮຽນຕ່າງໆຢ່າງທົ່ວເຖິງ.
ພາກສ່ວນທີ່ກ່ຽວຂ້ອງ ຕ້ອງໄດ້ລົງໂຄສະນາ ຜ່ານທາງສື່ທີ່ມີຢູ່ເພື່ອໃຫ້ທັງຊາວລາວຫັນມາປຸງແຕ່ງແລະບໍລິໂພກອາຫານພື້ນເມືອງໃຫ້ຫຼາຍຂຶ້ນ.
ປັບປຸງສິ່ງຫຸ້ມຫໍ່, ສະຫຼາກແນະນໍາຕ່າງໆໃຫ້ໄດ້ມາດຕະຖານ ແລະ ຊອກຕະຫຼາດຈໍາໜ່າຍໃຫ້ກວ້າງຂວາງ.
ສະເໜີໃຫ້ທາງພາກສ່ວນທີ່ກ່ຽວຂອ້ງນຳສະເໜີເຂົ້າໂຄບໃຫ້ຈົດທະບຽນບັນຊີເຂົ້າເປັນມໍລະດົກວັດທະນະທໍາໃນລະດັບທ້ອງຖິ່ນ.
Google Sites
Report abuse