ເມື່ອຊຸມຊົນປັບຕົວເຂົ້າກັບເວລາ ແລະ ເງື່ອນໄຂຂອງສະພາບແວດລ້ອມ, ມໍຣະດົກທາງວັດທະນະທໍາທີ່ບໍ່ເປັນວັດຖຸ (ICH) ກໍໄດ້ຮັບການພັດທະນາຢ່າງຕໍ່ເນື່ອງເພື່ອເປັນຕົວແທນວັດທະນະທໍາຂອງຊຸມຊົນ. ນີ້ແມ່ນເຫດຜົນທີ່ ICH ເອີ້ນອີກຢ່າງວ່າ ‘ມໍຣະດົກທີ່ມີຊີວິດ’ ຊຶ່ງຜ່ານຂະບວນການຖ່າຍທອດຈາກລຸ້ນໜຶ່ງໄປສູ່ອີກລຸ້ນໜຶ່ງຢ່າງບໍ່ຮູ້ຈົບ.

ຊຸມຊົນຫຼວງພະບາງຢູ່ໃນລະດັບແນວໜ້າໃນການປົກປ້ອງມໍຣະດົກທີ່ມີຊີວິດ. ດ້ວຍການຮຽນເອົາຄວາມຮູ້ ແລະ ຄວາມຊໍານານຈາກຜູ້ຖື ແລະ ຜູ້ປະຕິບັດ, ສະມາຊິກຊຸມຊົນຮວມທັງຊາວໜຸ່ມ ສາມາດຝຶກຝົນແລະປະຕິບັດ ICH ໂດຍການສະແດງອອກຂອງພວກເຂົາເອງ ແລະ ຊ່ວຍສົ່ງເສີມມໍລະດົກທີ່ມີຊີວິດຂອງຊຸມຊົນຫຼວງພະບາງໃຫ້ມີຄວາມອຸດົມຮັ່ງມີ.