Acamp Generau Flaiò

Es à Flaiò, lou dissato 28 de mars 2026, que si debanè l’acamp generau de l’AVEP. Sian esta reçu pèr Germano Michel, urouso de nous reçubre dins soun vilage.

Avans d’entamena l’ordre dóu jour, lou presidènt Oulivié Neige demandè d’óusserva uno minuto de silènci à la memòri dei membre defunta, en particulié pèr nouastre rèire-clavaire Jan Graziani que nous quitè à la debuto dóu mes de febrié, coumo, en aquesto semano d’aqui, Reinié Grosso que menavo lou cous de prouvençau à Cougoulin.

Dins lou debana de la sesiho estatutàri, lei raport fuguèron tóutei adóuta à l’unanimita e l’ensèn dei membre dóu C A fuguèron tourna elegi pèr tres an.

L’après-dina, erian au Museon deis Art e Tradicien Poupulàri de Draguignan pour vesita l’espousicien tempouràri « Lei Treio eis ourigino dóu museon de Draguignan », uno espousicien ourdounado alentour de la couleicien de touto meno d’óujèt prouvençau amoulouna pèr dono Schlumberger dins sa grando proupieta de Tourtour. La presentacien d’aquelo espousicien fuguè assegurado pèr Jan-Lu Domenge, que sabié de que parla bord qu’es coumissàri d’aquesto bello espousicien.