Lou dissate 6 de desèmbre, moussu lou Conse de la coumuno, lei counvida vengu de Draguignan, Flayosc, Fréjus, le Muy, Figanières, le Luc, e que sàbi encaro e bèn segur de Trans,  an agu la joio de se retrouba à la cantino de l’escolo primàri de Trans pèr lou soupa de Nouvè ingimbra pèr l’Escolo dei Moulin.

Lou soupa de Nouvè que se di « Gros Soupa » es un repas maigre que se prèn la vèio avans d’ana à la messo de miejo-nue ; aquest’an lou cousinié e sei ajudaire nous an coungousta « un tian de cougourdo » e bèn segu « la merlusso en boui-abaisso ».

Puei tóuto aquesto bello assemblado se soun gouspiha de cansoun e de favelo de Jan-Bernar Plantevin acoumpagna de sei talentuous musician.

« Lei trege dessèr », pèr respeta la tradicien, soun vengu e la veiado esté acabado pèr lou cant de « La Coupo ».