2020

Barjòu dissato 14 de mars

Nouaste acamp generau si debanè just e just avans lei restricien naciounalo contro lou Covid19.

Emé 40 sòci presènt e uno trenteno de poudé, l’acamp pousqué si debana nourmalamen. Se lei verbau d’ativeta e financié fuguèron adóuta à l’unanimita, fuguè gaire poussible d’assegura lei rescontre previst dins l’annado. Pamens l’acampado dei cous si tendrié lou dissato 6 de jun à Courrèns ounte si farié lou dematin la vesito dóu vilage. Es en preparacien l’edicien d’un libre de tèste de Reinié Nonjon (Lei Maioun) pèr lei 50 an de l’AVEP.

La sesiho s’acabè en evoucant l’atualita emé la refourmo Blanquer sus lou bacheilerat, la prepousicien de lèi de Pau Molac, deputa dóu Finistere, enfin la rubrico de M. Feltin-Pallas « Sur le bout des langues » que si pòu legi sus internet.

L’après-dina, l’assouciacien « Lou Roundelet » nous presentè quàuqueis uno de si sceneto tiatralo que nous an regala qu’es pau de va dire, n’avèn ri tant e mai… Avèn evouca, pèr tres leituro, l’obro majestouso de Jóusè d’Arbaud qu’es en terro barjoulenco despuei setanto an.

Un grand gramaci à Jóuseto Michel e soun burèu dóu « Roundelet » pèr sa gènto acuiènço e l’ourganisacien de la journado.