Rescouantre dei cous de prouvençau – Lorgue, 13 de Mai 2023

Après tres annado d’anulacien en cauvo de la Covid, es emé grand plesi que si sian retrouva pèr la vintenco edicien d’aquéstou rescouantre. Moussu DESMAZIERES, président de l’Escolo de Margarido, diguè un mot de benvengudo, puei lou presidènt de l’AVEP, Oulivié NEIGE, gramaciè leis assouciacien presènto, leis assegurant de soun soustèn courau.

Èron 7 assouciacien e autant d’enfantounet vengu de l’escolo Maurin dei Mauro (Lei Maioun) emé sa mestresso Madamo Nivière e soun animatour de prouvençau Glàudi Iroir. De mai l’acoumpagnamen emé guitarro vo galoubet-tambourin pèr d’ùnei cansoun dounè uno tounalita festivo pèr un après-dina de prouvençau que fuguè dei mai plasènt. Dubert en cansoun emé l’Escolo de Margarido (Lorgue), lou prougramo, entre sceneto, pouësìo, coumtino e cansoun, s’acabè emé lei galejado dei Barjacaire (Lou Lu) avans que chascun prestè sa vouas pèr lou cant de la Coupo.

Èron presènto : ACÒ M’AGRADO (Le Muy) - L’AIGO DE FLOURIEIO (Flayosc) – LEI

BARJACAIRE (Le Luc) - ESCOLO DE MARGARIDO (Lorgues) - ESCOLO DEI MANTENEIRE PROUVENÇAU (Le Plan de la Tour) - ESCOLO DEI MOULIN (Trans) - FOYER RURAL (Taradeau)

Longo mai en tóutei ! À l’an que vèn…