Rescouantre de Trans

Rescouantre dei cous de prouvençau, Trans lou 28 de jun.

Es à la fin de l'annado escoulàri que si debanè aquest an 2025 l'acampado dei cous de prouvençau dóu Var à Trans e noun à Lorgue.

Coumo l'an passa, 10 assouciacien d'escoulan adulte si soun presentado davans lou publi. Emé cansoun, pouësìo vo sceneto de tiatre, la resulto dóu travai coumpli tout de-long de l'an s'amerito de bèu coumplimen. Es de nouta lou bèl esfort deis escoulan pèr teni la sceno sènso liegi soun papié...

Tres assouciacien èron representado pèr un soulet de sei membre; pèr leis autro, la reparticien dei role si tenié entre dous enjusqu'à mai de vint persouno. Adounc avèn agu de varieta...

Nouasto capelado à l'Escolo dei Bouco d'Argèns que, venènt pèr lou proumié còup, nous an interpreta d'un poulit biais uno peceto de tiatre en tres tablèu.

En fin de sesiho, après lou cant de la Coupo, l'AVEP pourgè de libre en chasco assouciacien e counvidè lou mounde à un goustaroun calourènt e bèn-vengu!

Lei gramaci à l'Escolo dei Moulin que nous reçubè au siéu e à la coumuno de Trans.

Leis assoucicien presènto:  ACÒ M’AGRADO    (Le Muy) - LEIS AMBOURIGO ROUJO    (Salernes) - LEI BARJACAIRE      (Le Luc) - LEI BOUCO D’ARGENS      (Fréjus) - CENTRE CULTUREL PROVENÇAL   (Draguignan) - ESCOLO DE MARGARIDO   (Lorgues) - ESCOLO DEI MANTENÈIRE PROUVENÇAU    (Lou Plan de la Tourre) - ESCOLO DEI MOULIN    (Trans) - FOYER RURAL (Taradeau) - LOU ROUNDELET    (Barjols)