Acamp generau lou Va
Acamp generau dóu 16 de mars au Va
L’acamp generau de l’AVEP si debanè aquest an dins lou poulit vilage dóu Va, proche Brignolo. Sian esta acuhi pèr lou jouine mèro M. Juliano que nous diguè quàuquei mot en prouvençau. Parieramen, M. Revest, counseié municipau carga de la lengo e dei tradicien prouvençalo proche lou mèro de Brignolo, nous diguè soun countentamen d’èstre emé nautre.
L’acamp si tenguè dins la counvivialita coustumiero, lei raport estènt tóutei adóuta à l’unanimita.
L’après-dina, avèn passa pèr carriero anant dóu museon deis Art sacra à n-aquéu dóu Juguet ancian.
Un bèu gramaci à Cristòu Barale e à soun assouciacien l’Acampado Valenco qu’avien ourganisa touto la journado.
