2022

A G du dimanche 13 mars 2022 à Cuers.

Acamp generau

Aquest an 2022, si sian acampa à Cuers mounte si trobo l’escolo  bilengo que Sandra Imbert, n’es sa direitriço. L’impourtanto delegacien municipalo presènto à la reünien prouvè bèn lou soustèn que leis elegi loucau pouarton à-n-aquesto escolo particuliero e à la lengo prouvençalo. Es mèstre Cabri, proumier ajoun au mèro, que durbè lou tai. Èro acoumpagna de douas àutrei counseièro coumunalo.

La sesiho estatutàri coumencè pèr un óumage à Glàudi Fiorenzano, amenistratour de l’AVEP, defunta sus la fin de l’an 2021.

De nouta l’eleicien de Jaque Faluomi, nouma nouvèu clavaire, en remplaçamen de Jan Graziani que leissè soun poste après quàsi trente an de bouan servìci.

L’après-dina si debané au restaurant « La Bastide Enchantée » dins lou vau de Gapèu. Aqui, après un repas bèn servi, Jan-Lu Domenge nous parlè dei « legèndo e èstre fantasti dins lou Var e la Prouvènço ».