Að stjórna tæknivæddum kennslustundum. Nokkrar leiðir kynntar.

Viðbrögð við óviðeigandi hegðun. Góð ráð.

Samvinna nemenda með tæknileg námsgögn. 

Ofangreindar leiðbeiningar er fengnar í grunninn úr bókinni "Síðasta skólatöskukynslóðin" - handbók í snjalltækni fyrir kennara eftir Zachary Walker, Kara Rosenblatt og Donald McMahon. Textinn var aðlagaður að vinnubrögðum og kennsluháttum um spjaldtölvur sem námsgagn í grunnskólum Kópavogsbæjar.

Bekkjarsáttmáli. Þegar nemendur í grunnskólum Kópavogs fá spjaldtölvur er lagt fyrir verkefni í öllum bekkjum þar sem nemendur gera sáttmála sem inniheldur fáar og einfaldar reglur um notkun spjaldtölvanna. Farið er yfir myndatökur og myndbirtingar, virðingu fyrir spjaldtölvum annarra, notkun spjaldtölvunnar sem leiktækis utan skóla, hver ræður notkuninni og hvað sé hæfilegur tími á dag með spjaldtölvuna. Þennan bekkjarsáttmála þarf að endurskoða eða endurgera ár hvert hið minnsta og lögð áhersla á að fara í þau atriði sem leiðbeiningar kennsluráðgjafa í upplýsingatækni segja til um.

Ef árgangur á miðstigi hefur ekki farið í gegnum loturnar tvær fyrir 1. - 4. bekk má jafnframt nýta efni úr þeim lotum / námskeiðum við kennsluna.

Ég og sjálfsmyndin er bæði gefin út hjá Menntamálastofnun sem rafbók og prentuð bók og fjallar hún um samfélagið. Bókin er einkum ætluð nemendum á miðstigi grunnskólans. Bókin fjallar um ýmislegt í nærumhverfi nemandans. Hún skiptist í 8 sjálfstæða kafla. Einn kaflinn fjallar um sjálfsmyndina og velt er upp spurningunni hver er ég og af hverju er ég eins og ég er. Síðan tekur við umfjöllun um félagsmótun, helstu félagsmótunaraðila og hópa sem við tilheyrum. Þarnæst er fjallað um lýðheilsumál eins og mataræði, hreyfingu og svefn og áhrif þessara þátta á andlega líðan. Kynþroski og klám fá sína umfjöllun, svo og ýmis vandamál í nærumhverfinu svo sem ofbeldi og vímuefni. Bókin endar síðan á stuttum kafla með hugleiðingum um hvað þú vilt verða en starfs- og menntunarmöguleikar hafa aldrei verið jafn fjölbreyttir og nú á dögum.  

Við leggjum til að í hverjum skóla verði ákveðið hvernig farið er í þetta efni og í hvaða árgöngum, en efnið spannar fleiri en einn þátt stafrænnar borgaravitundar sem stuðst er við á þessum vef. 

Hugmynd:

1. Sjálfsmynd og félagsmótun (samfélagsmiðlar bls. 18-21 og einelti á netinu bls. 31) í 5. bekk.

2. Lýðheilsumál, kynþroski og klám (Samskiptamiðlar og kynlíf bls. 66 - 67 og Jafnvægi í stafrænni notkun og vellíðan bls. 34 - 59) í 6. bekk. 

3. Fræðsla um vímuefni, ofbeldi og hópþrýsting og starfs- og menntunarmöguleika í 7. bekk. Í 7. bekk er tilvalið að fá náms- og starfsráðgjafa skólans til að koma að fræðslunni.

Mikilvægt er að nemendur þekki hvaða úrræða þeir geta gripið til ef þeir rekast á ólöglegt eða óviðeigandi  efni á netinu. Ef nemandi er ekki viss er betra að gera viðvart frekar en að gera ekki neitt. Þeir sem taka við skilaboðunum hvort sem það er kennari, foreldri, Saft eða Barnaheill vinna úr upplýsingunum og meta þær.

Ábendingalína um ólöglegt og óviðeigandi efni er rekin í samstarfi við Barnaheill – Save the Children á Íslandi og Ríkislögreglustjóra. Hún hefur verið aðili að SAFT- verkefninu um örugga netnotkun frá árinu 2010.

Ábendingalínan er styrkt af samgönguáætlun Evrópusambandsins og fylgir verklagsreglum Inhope.  Nánari upplýsingar.

Tilkynna ólöglegt efni.

Umboðsmaður barna, Fjölmiðlanefnd og Persónuvernd hafa gefið út leiðbeiningar til foreldra, ábyrgðaraðila og starfsfólks í skóla- og frístundastarfi sem varðar netið, samfélagsmiðla og börn. Þessar leiðbeiningar getur verið gagnlegt að nýta í foreldrasamstarfi og fræðslu þar sem nemendur hafa aðgang að alnetinu. 

Hér má finna kennsluleiðbeiningar í stafrænni borgaravitund sem er meistaraprófsverkefni (2018).
Í verkefninu er unnið út frá níu þáttum stafrænnar borgaravitundar samkvæmt þeim Ribble og Bailey (2007) sem eru:  aðgengi, verslun, samskipti, læsi, siðferði, lög og reglur, réttindi og ábyrgð, heilsa og velferð og öryggi. Notkun verkefnanna er ætlað að efla og byggja upp stafræna borgaravitund nemenda og kynna fyrir þeimm leiðir til að vera ábyrg á samfélagsmiðlum, gera sér grein fyrir hættunum sem geta fylgt því að verja of löngum tíma inni á slíkum miðlum daglega og að setja sér mörk. 

Höfundur: Edda Rut Þorvaldsdóttir 

Í Seesaw má finna tæplega 1700 verkefni sem flokkast sem stafræn borgaravitund (digital citizenship). Verkefnin getur kennari gert að sínu með því einu að smella á hjartað. Þá flyst verkefnið yfir í safn kennarans (My Library). Þar getur kennarinn þýtt verkefnið ef hann vill breyta því (smella á heiti verkefnis, fara þar í þrjá punktana neðst til hægri og velja þar "Copy and edit activity") t.d.ef kennari vill þýða verkefnið og/eða aðlaga verkefnið að eigin ósk. 

Góð venja er að geta höfundar verkefnis þegar verkefni eru nýtt með þessum hætti. Það er þá gert um leið og verkefnið er aðlagað (Teacher Notes (not visible to students).

Munið að velja "Save" þegar aðlögun verkefnisins hefur farið fram.

Til að fleiri kennarar geti nýtt verkefnið sem einn kennari þýðir og/eða aðlagar þarf að er farið í punktana þrjá neðst í horninu og nú velur kennari "Share acitvity". Þá kemur upp gluggi með deilingarmöguleikum bæði innan Kópavogs (Share to School & District Libraries) og/eða til alls Seesaw samfélagsins í heiminum (Share to Community Library). Seesaw teymið birtir ekki verkefni í Community Library fyrr en eftir ritskoðun. Kennari fær póst frá þeim þegar verkefnið er komið í birtingu.

Seesaw er einnig mjög gott verkfæri til þjálfunar í rafrænum samskiptum og kennari og foreldrar fá þar tækifæri til að vera þeim góðar fyrirmyndir. Dæmi um það má nefna "Like"notkun og "Comment" eða skrifleg/munnleg viðbrögð við verkefnum.

Í Nearpod forritinu er hægt að sækja kennsluefni í stafrænni borgaravitund í verkefnasafni forritsins. Þegar þú ert innskráður notandi getur í áskrift hjá sveitarfélaginu þínu (District útgáfu) hefur þú aðgang að miklu safni verkefna á fjölda tungumála. Þú notar síuna til vinstri til að leita að verkefni sem hæfir efni og aldri. 

Verkefni sem tengjast stafrænni borgaravitund er helst að finna í "Nearpod Library" enn sem komið er. Vonandi á það eftir að breytast með tímanum en kennarar geta deilt verkefnum sem þeir gera á íslensku í "District Library" og "Nearpod Library". 

Til þess að verkefni kennara lendi í deildu bókasafni innan skóla eða bæjarfélags þarf að fara í mynd verkefnisins draga músina yfir það og velja þrjá punktana til hægri, efst á myndinni. Þar velur kennari "Add To" og þá opnast gluggi með vali um að setja verkefnið í "School Library" eða "District Library". Ef þú vilt senda tengil á verkefnið til nemenda eða annarra kennara án þess að það lendi í safni í Nearpod öðru en þínu (My Lessons) þá velur þú "Share with teachers". Þá opnast gluggi þar sem kennari getur valið hvar hann vill deila verkefnunum sínum s.s. á samfélagsmiðlum og eins og áður segir með því að senda tengil á verkefnið.