6. bekkur

Í 6. bekk er lögð áhersla á miðlalæsi og ábyrga hegðun á netinu

Í 6. bekk er áfram unnið með viðfangsefni sem tengjast heilbrigðum lífsstíl og jafnvægi í daglegu lífi. Nemendur fá jafnframt verkefni um mögulegar hættur á Netinu og þau eru látin velta fyrir sér hversu skynsamlegt eða óskynsamlegt það er að vera með fleiri en eina útgáfu af sjálfum sér í netheimum. Farið er yfir það hvernig má stjórna netsamskiptum í öruggan farveg og vakin athygli á hatursorðræðu og netofbeldi. Nemendur eru fengnir til að greina eigin hegðun og meta hvort hún er í lagi. Að lokum er nemendum kennt að greina ólíka fréttamiðla með gátlista sér til stuðnings.

Eins og í öllum árgöngum er mikilvægt að gera sáttmála í upphafi skólaárs og móta skýrar umgengnisvenjur um tækninotkun í skólastofunni.