Прыпынак 1. Дзятлава на скрыжаванні стагоддзяў

За час гісторыі свайго існавання Дзятлавам валодалі такія вядомыя магнацкія роды як Астрожскія, Сапегі, Палубінскія, Радзівілы, Солтаны. За актыўны ўдзел апошніх у паўстанні 1830-1831 гадоў Дзятлава перайшло ў дзяржаўную казну. Такім чынам, 333 гады сваёй гісторыі Дзятлава было прыватнаўласніцкім мястэчкам. Кожны ўладар унёс свой уклад у развіццё Дзятлава.

Вялікі князь Літоўскі Аляксандр надае двор “Здзечоло” (Sdziecziolo) найвышэйшаму гетману Вялікага Княства Канстанціну Іванавічу Астрожскаму за ваенныя заслугі “на вечнае карыстанне і з правам заснаваць горад”.

Канстанцін Астрожскі пабудаваў невялікую драўляную царкву. Царква праіснавала больш 200 гадоў. У 2004 годзе яе сімвал быў прыняты за аснову герба горада.

З цягам часу праз дынастычныя шлюбы ўладанне пераходзіць да роду Сапегаў. Ад іх – да Палубінскіх.

У 1646 г. на рыначнай плошчы мястэчка ўзняўся прыгожы і велічны касцёл Успення Багародзіцы, які захаваўся да нашых дзён. У касцёле, пад наглядам Казіміра Сапегі, пачаўся збор цікавай бібліятэкі, якая згарэла падчас пажараў у Дзятлаве ў XVIII ст.

У 1770 годзе "Здетела" адкупіў зяць Станіслава Мікалая Радзівіла надворны маршалак Станіслаў Солтан. Праз паўстагоддзе сын графа Адам Солтан прыняў удзел у паўстанні 1830 – 1831 гадоў. З гэтай прычыны маёмасць удзельніка паўстання была з 1836 года адабрана ў дзяржаўную ўласнасць Расійскай імперыі.

Падрабязней пра Дзятлава чытайце тут і тут і тут і тут.

А таксама загляніце на старонку "Цікава ведаць", дзе вы знойдзеце відэафільмы аб Дзятлаўшчыне розных часоў.