Verkefni 2 - LEISERSKERI
Hannað fyrir leiserskera - skurður, röstun og smellismíði
Annað verkefni áfangans er mjög viðamikið en það má segja að það sé fjórþætt:
Kynning á forritum.
Hönnun fyrir leiserskurð þar sem bæði er rastað og skorið.
Hönnun á smellismíðaverkefni (press-fit).
Skrásetning á ferlinu í verkdagbók á vefsíðunni ykkar
ANNAÐ
NÁMSMAT
AÐALMARKMIÐ
Að kynna sér sem flest forriti.
Að læra á leiserskerann.
Að læra stencil hugsun og röstun.
Að læra smellismíði.
Að skrásetja allt ferlið.
Við metum verkefni tvö sem 16 stig.
2 stig fyrir að kynna sér að lámarki þrjú forrit til viðbótar við Inkscape, (verið dugleg að taka skjáskot).
1 stig fyrir hönnun fyrir röstun.
1 stig fyrir hönnun á skurði þar sem skilningur á stensil hugsun kemur skýrt fram.
1 stig fyrir undirbúning á skurðalínum og myndvinnlsu fyrir röstun.
1 stig fyrir röstun og leiserskurð.
1 stig fyrir smellismíða tilraunir og prufur.
2 stig fyrir hönnun á smellismíði.
1 stig fyrir að undirbúa skjalið fyrir leiserskerann (offset og skurðarlínur).
1 stig fyrir skurð á smellismíðaverkefni.
1 stig fyrir lokafrágang og samsetningu á smellismíði.
2 stig fyrir skrásetningu í verkdagbók.
2 auka stig fyrir áhuga og góð vinnubrögð.
Hafið í huga að þó við séum að kynna okkur önnur forrit þá gæti niðurstaðan verið sú að þið myndð vilja vinna smellismíðina í Inkscape og það er auðvitað í lagi.
Efnið sem við vinnum mest með í þessum hluta er 4mm þykkar mdf plötur og pappi. Ef þið viljið hanna fyrir önnur efni eins og t.d. leður, kork eða textíl komið þá endilega með þau. Ekki allt plast hentar til skurðar þar sem það getur bráðnað. Hér er linkur á hvaða efni henta í leiserskerann.
Hönnunarferli fyrir röstun og skurð:
Í leiserskeranum er bæði hægt að skera út og rasta. Skurður skýrir sig að mestu sjálfur en röstun þýðir að vélin sker ofan í efnið án þess að fara í gegn, þannig að leiserinn teiknar mynd með því að brenna burt mismikið af efsta laginu .
Í þessum hluta verkefnisins erum við að leggja áherslu á að allir læri að skera út einfaldan hlut í leiseskeranum og læri að rasta. Til að uppfylla það er hægt að hanna einn hlut sem sameinar röstun og skurð eða hanna tvo eða fleiri hluti sem sýna fram á þekkingu á þessum mismunandi aðferðum. Ykkur er fullkomlega frjálst að hanna hvað sem er í þessum hluta verkefnisins. Hafið í huga að hægt er að rasta á allskyns efnivið og líka er hægt að rasta á þvívíddarhluti. Hér neðst á síðunni er að finna innblástur sem við höfum tekið saman.
Inkscape henntar vel í þessu verkefni sem og myndvinnsluforritið Gimp.
Í þessum hluta er mikilvægt að átta sig á því sem kjósum að kalla stensil-hugsunargang. þ.e. að hlutir sem við hönnum og skerum út haldist saman eftir skurðinn. Einfalt dæmi um þetta er t.d. að við ætlum að skera út texta í plötu. Við teiknum stafina O og A. Ef við skerum þá út óbreytta þá mun innvolsið úr þeim detta út, þ.e. O-ið verður þá bara eitt kringlótt gat og í A-ið vantar littla þvíhyringinn. Þetta er mjög einfalt að leysa. Við einfaldlega tengjum allt saman sem á að halda sér: allt hvítt í myndinni þarf að snertast.
Hönnunarferli fyrir smellismíði:
Smellismíði (PressFit) er einfaldlega sú tækni að hanna hluti þannig að þeir smelli og tolli saman án líms eða nagla.
Velið eitt af eftirfarandi verkefnum og hannið með smellismíði í huga:
Ljós/lýsing: Þetta er mjög opið viðfangsefni þar sem unnið er útfrá ljósgjafa af einhverjum toga. s.s. kerti, sólarljósi, ljósaperu, LED eða vasaljósi. Útkoman gæti t.d. endað sem kertastjaki, veggljós, lampi, ljósakróna, sólúr, gluggaskermur o.s.frv..
Hirsla: Þýðir einfaldlega eitthvað sem geymir eitthvað. Hirsla er mjög teigjanlegt hugtak og hægt að túlka það á svo marga vegu. Hirsla gæti t.d. verið hilla, skrýni, tölvukassi, skápur, skál o.s.frv..
Húsgögn í skala: Hér gefst kostur að vinna módel í skala, þ.e. ekki í fullri stærð heldur minkaða útgáfu til að prófa og þróa hönnunina áfram. Þetta verkefni gæti verið kjörið fyrir þá sem langar að vinna með húsgögn í lokaverkefninu sínu.
Byrið á að gera rannsóknarvinnu. Skoðið á netinu hvað heillar ykkur og hvað ykkur finnst virka vel. Sjá innblástur hér að neðan.
Fléttið inní verkefnið ykkar viðbótarþema til að vinna út frá. Þetta viðbótar þema getur verið hvað sem er. Sem dæmi um þemu: pönk, sjávarlífverur, handbolti, útsaumur, barnaherbergi, hreinlega hvað sem er. Gott getur verið að prófa eitt þema og reyna vel á það, skipta svo um og reyna fyrir sér með annað viðbótarþema. Með þessum hætti tekst okkur að hanna frá eigin brjósti og hugmyndir okkar litast af okkar áhuga og sköpunargleði.
Skoðið efniviðin. Reynið að gera ykkur í hugarlund hvaða efniviður færi verkefninu vel. Til að vinna hönnina áfram munum við nota pappír, pappa og mdf til að gera frumgerðir, (prótótýpur) Þegar þið eruð sátt við hönnunina þá gætuð þið gert hönnunina í endanlegt efni.
Athugið að ef þið hafið nú þegar sterkar hugmyndir að öðru smellismíðaverkefni sem ykkur langar að framkvæma þá erum við vissulega opnar til viðræðu um það.
Forrit:
Forritin sem hér eru upptalin eru af ólíkum toga og hvert og eitt hentar mismunandi verkefnum. Öll forritin eru frí.
Við biðjum ykkur nú að hlaða sem flestum af þeim niður og prófa ykkur áfram með þau. Einblínið svo á það forrit sem hentar verkefninu ykkar best. Ef þið eruð í vafa, spjallið þá við okkur og við finnum út úr því saman hvað hentar best.
Hér kemur upptalning og stutt kynning á forritunum og svo er kennsluefni þeim tengt að finna undir KENNSLUEFNI- FORRIT.
Gimp er myndvinnsluforrit eins og Photoshop. Forritið vinnur með ljósmyndir og pixla. Þetta forrit hentar vel til að vinna ljósmyndir fyrir röstun. Gimpshop er frítt systurforrit Gimps þar sem reynt er að líkja sem mest eftir Photoshop umhverfinu. Gimp kennsluefni.
SketchUp Þetta er skemmtilegt og sérlega einfalt þrívíddarforrit sem gaman er að skoða. Það vinnur mest með kassalaga form og hentar því m.a. vel fyrir hönnun húsa, húsgagna og alls kyns smellismíði. Það er hellingur af góðum kennslumyndböndum á netinu sem kenna á SketchUp. SketchUp Pro er mikið notað af arkitektum en hægt er að fá SketchUp Make frítt. Sketch-Up kennsluefni.
123D Make er forrit sem breytir þrívíddarlíkönum fyrir þig í sneiðar sem er hægt að skera í leiserskeranum og setja svo saman sem smellismíði. Foritið er svo einfalt að það þarf bara að skilgreina hvað þú ert með stórt blað/plötu og hvaða þykkt efnið er og það svo raðar upp hönnunni fyrir þig þannig að best fari. Eina er að þú þarft að vera búin að hanna þvívíddarlíkanið þitt í öðru forriti á borð við TinkerCad eða finna þér módel sem hentar þinni hugmynd á netinu, hjá t.d. Thingiverse. 123D Make kennsluefni.
TinkerCad - ótrúlega einfalt þrívíddarforrit sem maður er snöggur að læra á. Það er bara að opna forritið og byrja að leika sér. Forritið vinnur með allskyns þrívíddarform og myndi henta vel ef þú ert að hugsa um að búa til eitthvað sem er t.d. kúlulaga, keilulaga eða laginu eins og kleinuhringur. Þegar maður byrjar að nota forritið er maður leiddur í gegnum fyrstu skrefin. Það er líka til fullt af góðu kennsluefni á netinu. TinkerCAD kennsluefni.
FlatFab er góður kostur fyrir þá sem vilja sjálfir teikna upp “fríhendis” sína smellismíði á auðveldan hátt. Mjög flott forrit sem virkar mjög auðvelt í notkun. FlatFab kennsluefni.
SketchChair er forrit til að hanna stóla. Það virkar mjög einfalt. Skemmtilegt forrit til að gera flókna hluti á einfaldan hátt. SketchChair kennsluefni.
MatterMachine er frábært forrit til að hann húsgögn. Það leyfir manni að stilla til stærð og hlutföll húsgangana eftir að maður hefur teiknað þau upp. (S.s. parametric design forrit.) Sannleikurinn er sá að við höfum ekki fengið forritið til að virka á okkar tölvum en samnemandi okkar, Þórarinn á Ísafirði náði því. Okkur þætti reglulega gaman ef einhver í hópnum væri til að spreyta sig á þessu forriti en við gerum okkur grein fyrir því að það er mikil áskorun. MatterMachine kennsluefni.
Leiserskeri:
Í Fab labinu hér í Reykjavík erum við svo lánsöm að hafa tvo leiserskera. Þeir eru báðir að tegundinni Epilog Mini 24. Undir síðunni KENNSLUEFNI -TÆKI er að finna síðu með leiðbeingum sem við höfum tekið saman um græjuna: LEISERSKERI.
Leiserskerinn tekur mest 300mm x 600mm plötur.
Leiserskerinn getur skorið í gegnum allt að 5mm þykku efni, allt þykkara efni verður að gera tilraunir með.
Hægt er að rastera á mun þykkra efni og þríviða hluti.
Innblástur:
Það er alltaf gott þegar maður byrjar að hanna fyrir verkefni eins og þetta að verða sér út um innblástur og gera örlitla rannsóknarvinnu í byrjun.
Við hvetjum ykkur til að skrá ykkur á Pintrest í þessum áfanga. Einfaldlega vegna þess að þar er svo einfallt fyrir okkur að safna saman ólíkum innblæstri alls staðar af netinu á einum stað.
https://www.pinterest.com/sigrhelga/cnc/ - Húsgögn, smellismíði
https://www.pinterest.com/sigrhelga/laser-cutting-inspiration/ Almennur innblástur fyrir leiserskurð
Það getur líka verið áhugvert að googla í myndaleit orð eins og:
Fyrir þá sem hafa áhuga á að kynna sér betur beygjanlegan við (flexible wood) þá eru hér nokkrir hlekkir:
http://www.instructables.com/id/Curved-laser-bent-wood/ - góð grein sem tekur saman tilraunir með beigjanlegan við. Hér er líka hægt að hlaða niður hönnunarskrám höfundar.
http://www.deferredprocrastination.co.uk/blog/category/def-proc/lattice-hinges/ góð samantekt, fer djúpt í saumana.
Orð til að google í þessu samhengi eru: lattice hinges, flexures og flexible wood.