Reting Paintings
Note: This file extracts lists of paintings that were kept at Reting Monastery from a guidebook to that same monastery by one Lhun grub chos 'phel (although he post-dates 1400 CE, he is citing a still earlier guidebook, as detailed just below). This will prove useful for finding references to early Bka' gdams pa art, understanding words typically used in thangka inscriptions and so forth.
This source material is further sourced from the earlier Rwa sgreng dkar chag text by 'Brom Shes rab me lce as recently published in the Dpal brtsegs Publishing House's History Set,* vol. 11, pp. 233-296, at pp. 282.2-288.5. The text is in a somewhat difficult cursive script.
(*Dpal brtsegs Bod yig Dpe rnying Zhib 'jug Khang, ed., Bod kyi Lo rgyus Rnam thar Phyogs bsgrigs, Mtsho sngon Mi rigs Dpe skrun khang [Xining 2010-2011].)
It has now been transcribed and annotated in Maho Iuchi, An Early Text on the History of Rwa sgreng Monastery: The Rgyal ba'i dben gnas rwa sgreng gi bshad pa nyi ma'i 'od zer of 'Brom Shes rab me lce, Harvard University Press (Cambridge 2016), at pp. 124-132. The author is given as 'Brom Shes rab me lce, who has not been well identified, and there is a small problem with determining the date of composition. Here is the relevant entry from Prop Names:
SHES RAB ME LCE — Author of a dkar chag, acc. to Lhun grub chos 'phel, Rwa sgreng Dgon pa'i Dkar chag (Chengdu 1994), p. 90. This has now been published in HS XI 233-296, where the author is called 'Brom Shes rab me lce, with the date of composition being a Wood Pig year 242 years after the founding of the monastery (I suppose this places its composition in around 1300). The colophon title given here, on p. 295, is Rgyal ba'i Dben gnas Rwa sgreng gi Bshad pa Nyi ma'i 'Od zer. It was composed at the behest of Dge 'dun dbang phyug and others.
*One named Bo dong Lo tsā ba Shes rab me lce is mentioned in DTK5 116. I'm not sure, but this may be the author, despite the different clan name.
Source: Lhun grub chos 'phel, Rwa sgreng dgon pa'i dkar chag, pp. 121-138:
da ni sku rten bris ma rnams kyi lo rgyus rags rim tsam zhu ba la / thog mar jo bo'i sku 'dra dbu yon ma che bar grags pa 'di ni / jo bos byang chub kyi thugs sbyong ba'i 'dra 'bag tu dge bshes ston pa [122] rin po che nas bzhengs mdzad par / skya ris btab nas gzigs su phul bas jo bo'i zhal nas / a re kho bo 'di lta bu yod dam gsungs nas thugs mnyes mnyes mdzad cing rab tu gnas pa jo bo rje nyid kyis lan mang du gnang ba'i byin rlabs kyi gzi 'od lham mer bzhugs shing / glang ri thang pa rdo rje seng ge'i zhal nas / byang rwa sgreng gi rten gsum rnams kyi nang nas 'dam du bcug na jo bo'i sku 'dra dbu yon ne ba de 'dam / de ci'i phyir zhe na jo bo dngos dang khyad par med pa'i phyir ro // zhes gsungs so //
'di'i zhal lan gcig mthong ba dang / ser bus phog pa tsam gyis kyang 'khor ba dang ngan song las thar ba gdon mi za gsungs shing / phyis su yang 'jam mgon bla ma tsong kha pa chen pos dgon pa gong du gdan drangs te gsol ba btab pas jo bo rje la thub pa'i dbang po nas nam mkha' rgyal mtshan bar gyi lam rim brgyud pa'i bla ma rnams kyis zhal mngon sum du gzigs / khyad par du jo bo rje dang po to ba / sha ra ba rnams zla ba gcig gi bar du zhal gzigs shing dams pa dang rjes su bstan pa mang du stsal nas mthar po to ba dang sha ra ba sogs jo bo rje la thim te a ti shas phyag spyi bor bzhag nas khyod kyis bstan pa la bya ba rgya cher bgyis dang byang chub sgrub pa dang sems can gyi don byed pa'i grogs bdag gis bya'o gsungs nas sku 'di nyid la thim pa sogs ngo mtshar che zhing byin rlabs kyi tshan ka shin tu myur ba dang / bris sku rnams kyi nang nas [123] rab dang mchog dang gtso bo dang phul du byung bar grags so //
jo bo'i sku thang dbu yon ma chung bar grags pa 'di ni / jo bo rje dpal ldan a ti sha de nyid snye thang du gzhan don la gshegs rgyu dgongs pa gtad zin nas / rnal 'byor pa chen po la khyod rang rgya gar du song nas rdo rje gdan gyis gtsos pa'i gnas chen khag dang dpal ldan bla ma dam pa rnams kyi drung du gser dang 'phrin yig la sogs phul zhig gsungs par / rnal 'byor pa chen pos bla ma yang sku na mthon por phebs shing dgongs pa gtad tshul sogs la brtag na phyin chad khyod sku yid bzhin nor bu ma mjal na mi rung zhus par / jo bo'i zhal nas / blo gtad thug pa grogs kyi mchog / bya ba yin pas / da lan khyod cis kyang rgya gar du song la gser dang yi ge 'di rnams 'bul yul so sor skyol cig / khyod da lan ma phyin na kho bo dang mjal yang don gyis ma mjal ba yin / khyod gang du 'dug kyang kho bos byin gyis rlobs pas cis kyang song gsungs par / rnal 'byor pa chen pos / bla ma rje btsun chen po bka' drin can bdag bsdad pa la mi mnyes 'gro ba la mnyes na bka' gcog tu ga la rung 'gro ba lags so zhus pas / jo bo rje'i zhal nas / bla ma mnyes pa grub pa'i mchog // nad med pa ni bde ba'i mchog // blo gtad thug pa grogs kyi mchog // ces bya ba yin pas da lan khyod kyis gser dang yi ge 'di rnams rdo rje gdan [124] gyis gtsos pa'i gnas chen rnams dang bla ma rnams kyi drung du skyol cig / khyod gang du 'dug kyang kho bos byin gyis rlobs pa yin / kho bo dran par gyis gsungs nas jo bo nyid kyi shangs tshal phyung nas des skya bris btab te lha bzo la gtad pas lha bzo bas gdugs dang sham bu med pa la sham bu btags / mandal ljang gur 'dug pa la ljang ser du sgyur ba de ma gtogs jo bo rang gi phyag ris yin par grags /
de nas rnal 'byor pa chen pos rgya gar du byon te tshur phebs skabs thang dpal mo dpal thang du bod kyi tshong pa mang po dang 'phrad pas / rnal 'byor pa chen pos deng sang bod du kha skad ci 'dra yod ces dris par / kha skad cher mi 'dug a ti sha mya ngan las 'das 'dug zer bas / kha skad chung ngur mi 'dug chen por 'dug gsung nas / de ma thag tu sku di 'khar gsil gyi rtse mor bkram nas gsol ba btab pas / jo bo rje nam mkhar dngos su byon nas rnal 'byor pa chen pos kho bo'i don du dka' ba chen po spyad ang gsungs / de'i dus su zhus lan rnams gzigs su phul ba'i mthar jo bo sku 'di nyid la dngos su thim /
de nas rnal 'byor pa chen pos / bha ga lar bltams dge slong gang // mar me mdzad dpal ye shes zhes // rig pa'i gnas lnga kun la mkhas // bslab pa gsum dang yang dag ldan // sgrub la brtson mdzad 'bad rtsol gyis // rang dang lha yi zhal mthong ba'i // gzhan gyi don la rtag dgyes pa // bdag cag rnams kyi bla ma lags // [125] a ti sha la phyag 'tshal lo // zhes pa'i bstod pa sogs mdzad cing / jo bo dngos dang dbyer ma mchis pa'i mthong ba don ldan du bzhugs pa lags so //
thub pa dang seng ldeng nags sgrol 'di gnyis ni jo bo rje dpal ldan a ti sha'i yab rgyal po dge ba'i dpal dang / yum padma 'od zer can rnam gnyis kyi thugs dam gyi rten du bzhengs te / bu mo lo brgyad ma gcig gis ras 'thag / khye'u lo brgyad pa gcig gis skya ris btab nas tshon bkye ba sogs ya mtshan shin tu che zhing / de nyid sprul pa'i khye'u dang bu mo yin par grags shing rab gnas kyang bla ma gser gling pa chen pos lan mang mdzad par yongs su grags so //
yi ge drug pa 'di ni / rnal 'byor ma me ha ras u rgyan gyi yul du bzhengs te padma sambha wa'i phyag nas bzhugs shing thugs dam gyi rten mdzad de rim par brgyud nas gser gling pa chen po'i phyag tu byon / des jo bo la gnang / jo bos rnal 'byor pa shes rab rdo rje la gnang / rnal 'byor ma me ha ra nas rnal 'byor pa shes rab rdo rje yan rnal 'byor pa bcu gsum la zhal dngos su gzigs shing phyis su shes rab rdo rje rwa sgreng du phebs dus dgon pa gong du khong rang gi spyil bu'i nang du lha 'di gdan drangs te gsol ba 'debs pa'i skabs su / sku mched gsum rog ngom rgur du 'tsho ba la spyan drangs te byon pas / shes rab rdo rje phyir phebs pa dang / [126] 'bum chung ki ru na mjal bas / shes rab rdo rje'i zhal nas / khyed rang gi lha rtsis po che de ya gir bzhugs 'dug gsungs / khong la rkang mgyogs kyi rdzu 'phrul yod pas gsang phu dang rwa sgreng gi bar la dro lam re res phebs pa yin / sku mched gsum dgon gong gzims khang du phebs tsa na / lha 'di ma sgril bar bzhugs gda' skad do //
der po to ba'i zhal nas / rnal 'byor pa de ni bris sku la ltos mi dgos pa'i rgyud tshod la slebs ang gsungs / spyan snga ba'i zhal nas / rnal 'byor pa de ni rnam pa thams cad du rang nyid lhar gzigs pa zhig yin ang gsungs / phu chung ba'i zhal nas / rnal 'byor pa de ni chags med zhen med cig yin ang gsungs / phyis su stab kha ba chen po sku gshegs khar jo bo'i thugs dam gyi rten 'ga' shas yar gdan drangs pa dang lha 'di yang gdan drangs te gsol ba shugs drag btab par / deng sang sems can la ci mkho gsungs / stab kha ba'i zhal nas / deng sang sems can rnams la char pa mkho bar 'dug pas / jo bo nga'i sems can rnams la thugs rjes char pa dbab tu gsol zhus par skad cig gcig gis char babs pas stab kha ba'i char 'bebs ma dang / lha 'di gang du gdan drangs par 'bri re 'bul bas jo bo 'bri 'dod mar grags shing lhag par du sems can gang dang gang gis 'di'i zhal lan gcig mjal bas kyang ngan song du mi skye ba sogs phan yon shin tu che bar gsungs so // [127]
sgrol ma dkar ljon 'di gnyis kyi byung ba brjod pa ni / phyag dar ston pa dang yongs rdzogs rnal 'byor pa rnam gnyis dngul gdugs can gyi ched du dngul sgrub sar bal yul du byon te bsgrubs zin nas thang dpal mo dpal thang du tshur phebs pa'i nub mor rmi lam du rje btsun ma byon nas sang khye'u ras 'tshong mkhan zhig 'ong bas de nyos nas nged la phul na lam du 'jigs pa dang bag tsha ba bgyid mi dgos pa gnyer kha rang gis byed pa yin gsungs / nang par khye'u zhig gis ras yug gcig khyer nas byung bar nyos te dngul gyi ljang pa dang lhan cig dril nas rje btsun ma'i na bzar bsngos te tshong pa tshan gcig dang 'grogs nas byon pa'i nub mo gcig la jag pa byung nas tshong pa rnams bcom par dngul gyi ljang pa rnams ka pa la'i dbyibs can byad gad skyibs su bzhag pas / jag pa rnams kyis de la 'goms nas song ngo //
rwa sgreng du phebs nas de'i lo rgyus rnams ston pa rin po che la zhus pas / ston pa rin po che'i zhal nas / rje btsun ma de dkar sngon gang du gda' gsungs par / dkar sngon ni shan ma phyed / skyabs ni dngos su skyabs byung zhus pas / da 'o na ras der sgrol ma dkar sngon gnyis ka bzhengs gsungs nas de ltar grub 'phral ston pa rin po che nyid nas rab tu gnas pa lan mang mdzad de 'di ri mo'i rnam pa dod tsam yin yang sprul pa'i sku dngos dang khyad par med gsungs pa sogs bsngags brjod chen po gnang ba yongs su grags so // [128]
rje btsun ma'i sku di ni bla ma nâ ro pa'i thugs dam gyi rten yin la khong rang gis rab gnas mdzad cing gsol bar btab pas / nâ ro pa chen po la zhal mngon sum du gzigs shing gsung gi snang ba thogs med du stsal / des jo bo la gnang / jo bos rnal 'byor pa chen po la gnang bas mtha' bzhi sgom pas sgril nas lha phon gyi gseb tu bzhugs par / sangs rgyas dbon ston rwa sgreng du byon skabs bla ma nâ ro pa'i rje btsun ma ga re red gsungs par / gang du bzhugs sam zhus pas / lha phon gdan drongs shig gsungs nas gdan drangs pas lha phon gyi gseb nas phyag gis tog te bzhes nas dbu thog tu bzhag ste kha sang nga nâ ro pa chen po so tsa mor mjal dus na nga'i jo mo don grub ma dkar mo gnas mchog rwa sgreng na bzhugs yod gsungs / dge 'dun rwa sgreng ba rnams da phyin chad lha 'di ma sbed par khroms shig gsungs pa sogs ngo mtshar rmad du byung ba'i byin rlabs can lags so //
gshin rje gshed ma he la chibs pa 'di ni / jo bo'i bla ma gshin rje gshed kyi rnal 'byor pa chen po'i thugs dam gyi rten yin zhing sngon ma ga dha na du ru ka'i dmag byung ba'i dus su bla ma gshin rje gshed kyi rnal 'byor pas lha 'di'i mdun du mchod gtor zhig bshams nas gsol ba btab te bag phye'i zan la bya rog gi gzugs bcos te dmigs pa la man mkhar khebs pa zhig gnang nas bya rog [129] gi gshog pas dmag thams cad bsdus nas chu bo gangga'i pha rol tu btang ngo // de'i dus su ma he 'di la rtsod pa thal lcag gis bsnun pas ma he 'dis rwa yog yog byung skad dang thal lcag gi rjes da lta yang gsal bar yod pa kun gyi 'dren byed kyi yul du gyur / 'di bla ma gshin rje gshed kyi rnal 'byor pas jo bo la gnang / jo bos dge bshes khu la gnang / khu'i dbon po gcig gis dge bshes sha ra ba la phul / sha ra bas rwa sgreng du phul te khong rang gi thugs dam gyi rten du mdzad pa'i byin rlabs shin tu che bar grags so //
yang gshin rje gshed kyi sku 'di ni / 'brom rin po ches jo bo la gshin rje gshed kyi sgrubs thabs zhus par / lha 'di yar grus byed pa cig yod nga'i bla ma gshin rje gshed kyi rnal 'byor pa la zhal dngos su gzigs kyang ngas ma mjal khyod kyis sgrubs dang mjal yong gsungs nas stsal bas de bzhin du sgrubs par mdzad pa'i ring or ma lon par zhal gzigs pa byung zhing jo bo nyid kyis rab gnas lan mang mdzad pa lags so //
parna sha ba ri 'di ni / spyan snga rin po ches / spyir bod kha ba can pa dang / sgos dge 'dun rwa sgreng pa bsrung ba'i lha gcig dgos gsungs nas bzhengs shing rab gnas kyang khong rang gis dam tshig pa dang ye shes pa dbyer med du byin gyis rlabs pa mdzad cing lha 'di yul gang du gdan drangs pa'i sa phyogs kun tu mi nad dang phyugs [130] nad sogs rgud tshogs gang gis kyang mi tshugs pa mngon sum gyis grub pa lags so //
'jam dpal rdo rje'i gser thang 'di ni / ston pa rin po ches 'jam dpal rdo rje'i sku tshab tu bzhengs shing jo bo rje'i phyag nas 'khrul med bzhugs pa sogs gzi byin lhag par 'phel ba'o //
bcu gcig zhal 'di ni / rgyal po bde spyod bzang po'i thugs dam gyi rten dang dpal mgon 'phags pa klu sgrub kyi phyag nas bzhugs //
phyag na rdo rje 'di ni a me sman rgan gyi thugs dam gyi rten dang 'brom rin po che'i phyag nas bzhugs //
rnal 'byor pa chen po'i snang brnyan 'di ni / g.yag sgom rin chen 'bar gyi thugs dam gyi rten dang rnal 'byor pa nyid kyi phyag nas bzhugs //
jo bo yab sras zhal sprod 'di ni / phu chung ba'i thugs dam gyi rten dang khong rang gis rab gnas lan du mar gnang ba'o //
jo bo rje'i thugs dam gyi rten sgrol ma 'jigs pa brgyad skyob ma 'di ni / rnal 'byor pa chen pos rgya gar du bzhengs su btang ste / shar phyogs sems dpa' mkhas pa'i chos grol mdzad dang / nâ lantra la bzhugs pa'i sgrol ma rang byon dang / ma ga dha na byang chub chen po'i drung du mchod rten brgyad pa bzhengs te tshur byon nas jo bo rje snye thang du [131] bzhugs skabs rab gnas brgya rtsa brgyad mdzad cing gsol ba btab pas / jo bo rje la dam pa'i chos gsungs pas gsung byon ma yin no // jo bos dge bshes ston pa la gnang nas 'di la gsol ba thob dang khyod kyi dod don thams cad 'grub nas 'ong gsungs pa sogs byin rlabs can du grags so //
rje btsun mi g.yo ba 'di ni / skya ris jo bo nyid kyis mdzad de stang stabs gcig kyang mdzad nas drang srong khros pa'i cha byad can bya ba 'di lta bu zhig 'tshal ba yin gsungs te rab gnas dam ye dbyer med du mdzad do // de nas rnal 'byor pa chen po'i thugs dam gyi rten mdzad cing byang rwa sgreng gi mi g.yo ba me ris ser po can du grags pa 'di yin no //
smra gur zhal sprod 'di ni smra ston gyis rab gnas mdzad pa zhig go //
'od zer can ma 'di ni / spyan snga ba'i thugs dam gyi rten dang dge bshes ston pa'i phyag nas bzhugs so //
sgrol ma gser gzungs ma 'di ni / sha ra ba'i thugs dam gyi rten dang khong nyid kyis rab gnas mdzad pa sogs byin can zhig go //
'chad kha ba'i sku brnyan 'di ni khong nyid kyis rab gnas bzhugs so //
thub dbang gi sku 'di ni li yi rgyal pos jo bo la zhu yig [132] gzigs rten du phul ba lags so //
spyan ras gzigs bcu gcig zhal 'di ni / chos rgyal khri srong lde btsan gyi thugs dam gyi rten dang slob dpon padma sam bha wa'i phyag nas bzhugs so //
thub pa lanydza ma 'di / byang sems rwa sgreng pa'i thugs dam gyi rten byin can du grags so //
jo bo mchod grwa che ba 'di ni / 'od 'jo ba phyi ma'i thugs dam gyi rten dang / khong rang gi phyag nas bzhugs /
chug ba 'di ni karma pa'i thugs dam gyi rten du lo tsâ ba'i gsung bzhin rong pas bzhengs te khong rang gi phyag nas bzhugs so //
'jam dbyangs dkar po 'di ni bya yul ba'i thugs dam gyi rten dang khong rang gi phyag nas bzhugs so //
mi bskyod pa'i stong sku 'di ni / 'od 'jo ba'i thugs dam gyi rten yin la / dgon pa ba yan gyi bka' gdams kyi skyes bu dam pa ji snyed byon pa rnams kyis rab gnas lan mang mdzad par grags so //
bya 'dab shar ma 'di ni / mkhan po ye rgyal gyis / dge bshes ston pa ba la 'dra 'bag gcig bzhengs rgyur zhu ba phul bas / mi'i gzugs bris nas ci byed / 'bri na de bzhin gshegs pa'i sku gcig bzhengs gsungs par / yang dang yang du zhu ba nan gyis phul stabs / [133] da 'o na bla ma'i sku 'dra 'bri ba la sla chos kyis mi yong / mi'i gzugs la lha'i byad thon pa zhig dgos gsungs nas / yar tshes brgyad kyi nyin na bza' spyang dkar gyi slog pa de sku la gsol / rum gdan steng du nyi mthongs su bzhugs nas skya ris 'debs bcug pas legs par grub 'phral rab gnas kyang ston pa rin po che nyid kyis lan mang du mdzad do // slob dpon ratna dhwa dza'i zhal nas 'di ston pa dngos dang khyad par med gsungs pa sogs ngo mtshar shin tu che ba lags so //
bya 'dab nub ma 'di ni jo legs kyi thugs dam gyi rten dang khong rang gi phyag nas bzhugs so //
gser gungs ma 'di ni rje btsun gzhon nu ye shes kyi thugs dam gyi rten du mdzad cing sha ra ba dang dgon 'od 'jo ba sogs kyis rab gnas lan mang mdzad par grags so //
bcu gcig zhal 'di ni stab kha ba'i zhal gzigs mar grags shing khong gis phyag nas kyang mdzad do //
mdzad bcu 'di stod lung pa'i thugs dam gyi rten dang spyan snga bas rab gnas mdzad pa lags so //
thub dbang 'di ni 'chad kha ba'i thugs dam dang khong gis rab gnas mdzad pa bzhugs so //
sha ra ba'i sku 'bag 'di ni khong rang gi shangs tshal gyis skya ris [134] btab cing stab kha bas rab gnas mdzad do //
bcu gcig zhal 'di ni gos sa mo'i sku tshab dang / sgrol dkar 'di ni rga lo tsâ ba'i thugs dam gyi rten gragsn can zhig go //
'od zer can ma 'di ni spyan snga ba'i thugs dam gyi rten dang khong rang nyid kyi phyag nas bzhugs //
ston pa rin po che'i sku brnyan 'di ni rnal 'byor pa a mes kyi thugs dam gyi rten dang dge bshes ston pa'i phyag nas bzhugs //
yi ge drug ma'i sku 'bag 'di ni sha ra bas ras chog mdzad de dgon pa bas rab gnas mdzad / rje btsun rme ru ba'i thugs dam mdzad do // yang yi ge drug ma 'di lcang le gu med kyi thugs dam dang sha ra ba'i rab gnas bzhugs so //
'jam dpal dpa' bo 'di ni / 'brom nya pa dbang phyug mgon gyi thugs dam gyi rten dang bshes gnyen pa'i rab gnas bzhugs //
yi ge drug ma chung ba 'di ni yon btsun bsod she'i [bsod nams shes rab kyi] thugs dan dang sha ra ba'i rab gnas bzhugs so //
yi ge drug ma lanydza ma 'di sdings po ba'i thugs dam gyi rten dang po to ba'i rab gnas bzhugs /
seng ldeng nags sgrol 'di smyug rum pa'i thugs dam gyi rten dang [135] dgon pa ba'i rab gnas bzhugs /
mi g.yo ba'i sku 'di ni 'od 'jo ba'i thugs dam gyi rten dang khong rang gis phyag nas bzhugs /
jo bo yab sras rdul mi chags pa 'di ni dgon pa ba'i thugs dam gyi rten mdzad /
byang chub chen po 'di ni slob dpon sna ra ba'i thugs dam gyi rten yin /
jo bo lha sa ma 'di ni sum pa shes rab blo gros kyi thugs dam gyi rten mdzad / stod lung pa'i jo bo / smra ston gyi thugs dam gyi rten jo bo yab sras / rnal 'byor pa bzhi / mdzad bcu / snubs mchod gnas kyi sman rgyal / mar pa dge bsnyen gyi sangs rgyas stong rtsa gnyis sogs byin rlabs can bsam gyis mi khyab pa sha stag go /
dam tshig gsum bkod pa'i rgyal po 'di ni rnal 'byor pa chen po dang / dgon pa ba gnyis mnga' ris mthon mthing du jo bo rje dang mjal dus dam tshig gsum bkod pa'i sgrub thabs zhus par jo bo'i zhal nas khyed gnyis nga'i zan za byed na ster gyi de min na sgrub thabs mi ster gsungs pas / khong gnyis kyis bla mchod byed par khas blangs te sgrub thabs zhus nas bris sku 'di bzhengs te rab tu gnas pa jo bo yab sras gnyis kas mdzad de bsnyen pa stong phrag brgyad bskyal ba dang zhal stabs su gzigs pa'o // [136]
thugs rje chen po yi ge drug ma gtso 'khor gsum pa 'di ni / rnal 'byor pa chen pos dbu rtse ka ba bcu drug ma na gzim khang mdzad nas rwa sgreng gi gdan sa mdzad dus zhal gzigs pa dang / dang por bo dhi tsi ta'i phreng ba brgya rtsa brgyad pa zhig yod pa de phyag tu phul / de nas chos gos rgya gar ma phul bas de rnams dar cig phyag tu bsnams te bzhugs / bya 'dab 'og ma'i dbyangs rta de yang de yi dus su mdzad cing stod lung pas phyag 'bul du phyin tsa na rigs kyi bu da nang ni yi dam thugs rje chen pog tso 'khor gsum nam mkha' la bzhugs te dpung pa g.yas g.yon gyi steng na sprin re yol le yod pa / yi ge drug mas g.yon nas gus pa 'bul ba'i tshul du bzhugs pa / nor bu 'dzin pa g.yas nas gus pa 'bul ba'i tshul gyis bzhugs pa dngos su mjal bas nga yang ha cang dga' ba zhig byung gsungs par / de la ston pa rin po che nas mkhyen bzhin du byon pa dang / rnal 'byor pa chen pos bzhugs gdan bshams te / dge ba'i bshes gnyen rin po che bzhugs gdan 'di'i steng du bag phebs par bzhugs te ja sun cig kyang gsol bar zhu zhus pas / ston pa rin po che'i zhal nas nga khyod can du ja sun 'dod nas 'ongs pa min / rgyud la byang chub kyi sems yod na yi dam lha'i zhal mthong ba chos nyid yin / khyod de la rlom sems ma skye gsungs / zhal gzigs pa'i bris sku bzhengs nas rab tu gnas pa ston pa rin po ches mdzad de rnal 'byor pa'i [137] thugs dam gyi rten bya 'dab 'og mar grags so //
jo bo'i zhabs rjes ma 'di ni dge bshes nag tsho lo tsâ bas jo bo chen po'i zhabs rjes zhus nas bzhengs / rab tu gnas pa jo bo nyid kyis mdzad / lo tsâ ba'i thugs dam gyi rten rong pa phyag sor ba'i phyag tu byon nas rwa sgreng du phebs pa'i byin rlabs can no //
rnal 'byor pa'i sku 'di ni g.yag sgom rin chen 'bar gyis rnal 'byor pa chen po'i 'dra 'bag tu bzhengs nas rnal 'byor pa nyid kyis rab tu gnas pa mdzad do //
jo bo lha sa ma zhes bya ba 'di ni / dge bshes stab kha ba lha sar byon te jo bo la ras zhig gsol ste gsol ba btab pa'i nub mor mi mdog kdar po spyi blugs bsnams pa zhig gis skya ris btab pas khong gi zhal nas bsnyen pa yi ge bcu pa kho na la byas pa yin te thugs rjes su 'dzin par snang gsungs / dge bshes stab kha ba chen po la zhal gzigs shing de nyid kyis rab tu gnas pa bzhugs shing byin rlabs thugs rje chen po dngos dang khyad par ma mchis par grags so //
gzhan yang bla ma se btsun gyi thugs dam gyi rten jo mo btsun de dkar mo dang rnal 'byor pa phyag khri mchog gi thugs dam gyi rten rje btsun sgrol ma dang 'brom gyi lha chen rdul mi chags par grags pa dang / gzhan yang spyan snga ba / po to ba / 'od 'jo ba dar ma grags / sha mkha' ra padma badzra sogs la zhal gzigs pas dpal mgon lho nub ma'i sku thang 'di ni [138] bka' gnyan zhing byin rlabs kyi gzi byin 'bar ba ngo mtshar dpag tu med pa 'di dag la yang re re nas lo rgyus mang po yod kyang 'dir bris pa mi lang ngo //
mdor na bris sku stong phrag gsum dang drug brgya lhag tsam[1] bzhugs pa thams cad kyang byin rlabs kyi gzi 'od lham mer gsal ba sha stag bzhugs pa lags so //
[1] Same number as given in History Set, vol. 11 (DA), p. 288.4 (Iuchi ed., p. 132).