Month and Year Names

--------------------------- ---- --- --- - - - - ---- -- --- -- -- ---- - -- - - - --- --

A Dunhuang Tibeto-Chinese list of the twelve animals.  See Poussin, Catalogue, no. 724:

1. byi ba.                  tshi.

2. glang.                   che'u.

3. stag.                      'ying.

4. yos bu.                 'bre'u.

5. 'brug.                    zhin.

6. sbrul.                    zi.

7. rta.                       'gu.

8. lug.                      'byi.

9. spre'u.                  gzhin.

10. bya.                    ye'u.

11. khyi.                   gshur.

12. phag.                  hra'.

  See Poussin, Catalogue, no. 725 (a kind of astrology for people born in particular months, evidently):  dgun zla 'bring po // po btsasna lha dpal 'go...  dgun zla tha cungs // phor btsas na phyug la btsan du mchi ///  mor skyes na khyo dang rga khar bye nas...  tses dgu bcu dgu nyi shu dgu / ...

Source:    Sne thang Blo gros brtan pa, Mngon brjod kyi bstan bcos tshig gi gter zhes bya ba'i 'grel pa rgya cher don gsal ba, "a detailed commentary on Sa-skya Paṇḍi ta's Tshig gi gter, a Tibetan abhidhāna work based upon the famed Amarakoṣa of Amarasimha, reproduced from a manuscript from the library of Burmiok Athing," Gonpo Tseten, Palace Monastery (Gangtok 1977).  Passage on [1] month and [2] year names.

+ gsum pa dus rtsom tshul la /

zla ba rtsom tshul dang / lo rtsom tshul dang / zla ba so so'i ming dang / dus drug gi ming dang / bskal pa rtsom tshul dang lnga'o //

dang po ni / 

mig 'dzum bco brgyad mthar gnas pa //

de ni sum cus bgrang ba yin //

de sum cu la skad gcig go //

de ni bcu gnyis yud tsam yin //

de sum cu la nyin zhag gcig //

de dag bco lnga phyogs su grags //

snga phyi'i phyogs ni dkar nag gnyis //

de gnyis bsdoms pa 'jal byed yin //

zhes gsungs te /

nad med pa'i skyes bu stobs ldan gyi se gol gcig la drug cu rtsa bzhir phye ba'i cha gcig ni dus mtha' skad gcig ma drug cu rtsa bzhi la mig 'dzum bco brgyad la kāṣh†a te mthar gnas pa gcig ces bya'o //

mthar gnas pa de ni sum cu tham pa la ka lā'am bgrang ba gcig ces bya'o //

bgrang ba de sum cu la skad gcig go //

skad gcig de bcu gnyis kyis yud tsam yin no //

yud tsam sum cu la nyin zhag gcig go //

nyin zhag bco lnga la phyogs su grags so //

de yang yar ngo'i tshes gcig nas bco lnga'i bar snga ma'i phyogs ni zla ba 'phel ba'i dus yin pas dkar phyogs zhes bya'o //

dkar phyogs nag phyogs de gnyis sdoms pa ni 'jal byed zla ba'i ming yin no //

de yang zla ba'i grangs kyis lo 'jal bas de skad ces bya'o //

+ gnyis pa lo rtsom tshul ni /

mchu la sogs gnyis gnyis la dus tshigs de gsum bgrod pa gcig / [149] lho byang bgrod pa gnyis pa lo'o //

nyin mtshan mnyam pa bi ṣhu ba //

'phel 'grib med pa zhes su grags //

zhes gsungs te /

de la sngon gyi dus 'dzam bu gling pa'i mi tshe lo dpag med thub pa'i dus gangs ri ti se dang nye bar drang srong rnga bong zhes bya ba byung ste /  des rkang pa ya gcig sa la btsugs nas lo 'bum phrag drug gi bar du ting nge 'dzin gcig la mnyam par gzhag go //

de srid pa gsum na mthu che bar gyur te tshangs pa dang drag po la sogs pa srid pa gsum na stobs che ba thams cad 'khor dang bcas te drang srong de'i drung na lhags nas chos nyan pa dang / rnyed bkur la brtson par byed do //

de'i tshe drang srong rnga bong gis tshangs pa la sogs pa'i 'khor rnams la smras pa / [150]

nga sngon gyi skye ba dran te / 'jig rten gyi khams gzhan gyi gza' dang / skar ma rnams la go rim nges pa dang / de rnams mjal phrad la phan yon ces pa mthong na / 'jig rten gyi khams 'di'i gza' skar rnams la de lta bu min 'dug pas / khyed rnams kyis gza' skar rnams kyi go rim gyis shig ces bsgo'o //

de nas tshangs pa la sogs pas gsol pa /  da lta 'jig rten 'di na khyed las mthu che ba med pas gza' skar gyi go rim rnams khyed kyis mdzod cig ces gsol ba btab bo //

de yan chod du gza' dang skar ma rnams res lhan gcig tu rgyu / res nges med du snga phyir rgyu ba yin no //

de nas tshangs pa la sogs pas gsol ba btab pa gsan nas drang srong rnga bong gis gza' skar rnams kyi go rim mdzad nas / bdag gi rgyu skar smin drug brjod //

ston zla tha chung zhes bya ba // ]151]

'di ni rab tu brjod pa yin //

zla ba nya tshes zla rangs 'gyur //

zhes bya ba la sogs pa zla ba'i ming dang / zla ba re re'i tshes grangs la skar ma rgyu tshul / nyi ma la sogs pa'i res gza' rnams tshes la res mos kyis longs spyod cig ces sogs rgyas par gsungs te / zhib par mdo sde nyi ma'i snying por shes par bya'o //

de la rkang pa mtha' ma'i don ni zla ba nya ba na zla ba de rdzogs pa'i don te / de'i phyir mar ngo sngon 'gro byas pa yin no //

drang srong rnga bong gis gza' skar gyi go rim 'di sgrigs dus zla ba nya gang ba dang / smin drug 'dzoms yod cing de yan chod du smin drug gi zla ba rtsing rgyu ma byung la / de'i sang nyin nas mgo'i zla ba'i mar ngo'i tshes gcig byung bas mgo zla lo mgor 'jig rten du grags so //

'dir smin drug gi zla ba ston zla tha chung du bshad pas mgo yi zla ba dgun zla ra bar yang grags so // [152]

yang drang srong des de'i tshe smin drug la sogs pa bdun shar dang / mchu la sogs pa bdun byang dang / lha mtshams la sogs pa bdun nub dang / mon bre la sogs pa bdun lho phyogs kyi nam mkhar bkod pas phyogs skar du yang grags so //

de la rtsa bar mchu zla la sogs zhes mchu zla dang por bzhag pa ni zla ba de la nyi ma 'phel ba'i mgo rtsom pas shis pa'i phyir mdzad pa yin la / gong 'og tu grags pa dang mthun par mgo zla lo mgor bzhag cing / 'di bzhin byas na bshad bde bas mgo zla nas brtsams te bshad par bya'o //

de la zla ba bcu gnyis ni /

mgo can dang / rgyal can dang / mchu can dang / dbo can dang / nag pa can dang / sa ga can dang / snron can dang / chu stod can dang / 'gro bzhin can dang / [153] khrums stod can dang / tha skar can dang / smin drug can gyi zla ba rnams so //

de yang dus tshigs can gyi dbang du byas na mgo zla nas dbo'i bar dgun gyi dus so //

nag pa nas chu stod kyi bar dpyid kyi dus so //

gro bzhin nas smin drug gi bar dbyar gyi dus so //

de skad du / mngon pa mdzod las /

dbyar gyi zla ba gnyis pa yi //

tha ma'i tshes dgu nas mtshan ring //

dgun rnams kyi ni bzhi pa la //

thung ngur 'gyur ro nyin mo bzlog //

zhes gsungs pa ltar ro //

de yang nyin mtshan mnyam dus nas brtsi ba ste / rang rtsis kyi dbang du byas pa'o //

dus tshigs bzhi'i dbang du byas na mgo zla la sogs pa gsum ni / dgun zla ra 'bring tha gsum mo //

dbo zla la sogs pa gsum ni / dpyid zla ra 'bring tha gsum mo //  [154]

snron la sogs pa gsum ni / dbyar zla ra 'bring tha gsum mo //

khrums la sogs pa gsum ni / ston zla ra 'bring tha gsum mo //

de ltar yang mdo sde nyi ma'i snying po dang / 'phags pa gser 'od dam pa sogs las 'byung ngo //

rgya nag rtsis pa'i lugs kyi dpyid ra rta'i thog tha ste / gcig pa zhes byar brjod pa yin // zhes 'byung ste /

dpyid zla ra ba zhes zer zhing lo yi dang por 'jog ste / 'di dang lugs mi gcig go //

dus drug gi dbang du byas na /

mgo dang rgyal gnyis dgun gyi dus //

mchu dang dbo gnyis dgun smad dus //

nag pa dang sa ga gnyis spyid kyi dus //

snron dang chu stod gnyis sos ka'i dus //

gro bzhin dang khrums stod gnyis dbyar gyi dus /

tha skar dang smin drug can gnyis ston gyi dus so // [155]

dus drug po 'di'i dbang du byas nas / rtsa bar mchu la sogs pa gnyis gnyis la dus tshigs zhes gsungs so //

mcu nas brtsams te dgun smad dpyid sos ka de gsum la nyin mo 'phel ba'am byang du bgrod pa ste bgrod pa gcig go //

dbyar stod dgun stod ston stod de de gsum la nyin mo 'grib pa'am lhor bgrod de / bgrod pa gcig go //

bgrod pa de gnyis la lo zhes bya'o //

de skad du mngon pa mdzod las /

zhag mi thub dang bcas pa yi //

zla ba bcu gnyis la lo gcig //

zhes gsungs te /

zla ba bcu gnyis dang zhag drug la nyi mas bgrod pa gnyis rdzogs pa'i dbang du byas pa'o //

'di yang rags pa yin gyi zhib par byed rtsis kyi rjes su 'brang bar bya'o //

der yar ngo sngon 'gror byas pa ni drang srong rnams kyis rtsis kyi gnad sbed pa'i ched du byas shing / [156] rgya nag rtsis pa'i lugs yin no //

nyin mtshan mnyam pa'i dus kyi ming ni / bi ṣhu ba ste / thad kar bgrod pa'i dus dang / 'phel 'grib med pa'i dus zhes kyang grags so //

+  gsum pa zla ba so so'i ming la bcu gsum gyi dang po sgra don ni /

me tog ldan pa'i zla ba nya //

rgyal gyi zla ba gang yin de //

ming ni rgyal yin mchu zla sogs //

lhag ma bcu gcig de bzhin no //

zhes gsungs te / me tog zla ba'i tshes bco lnga la zla ba nya ba dang // skar ma rgyal 'jom pa / rgyal gyi zla ba gang yin pa de'i ming ni rgyal can zhes bya'o //

mchu zla sogs pa zla ba lhag ma bcu gcig kyang de bzhin du skar ma de dang de la zla ba nya gang ba'i ming yin no //

me tog ldan pa'i skad dod puṣṇa˙ [puṣpa?] zhes pa rgyal gyi sbyar ba'o //

zla ba dang po'i ming ni /  [157]

ri dwags mgo can mig 'byed dang //

lo mgo zhes bya smal po'i ming //

zhes gsungs te /

ri dwags mgo can gyi zla ba dang / mig 'byed ces pa 'di lus stobs chung bas 'bad pas 'byed dgos pa'o //

lo mgo zhes kyang bya ste smal po'i zla ba'i ming ngo //

zla ba gnyis pa'i ming ni /

rgyal dang tai sha mig 'byed gsum //

zhes gsungs te /

rgyal gyi zla ba dang / tai sha zhes pa de 'di zhes pa yin la / mig 'byed ces pa a ma ra ko ṣhar / sa ha zhes 'byung la lhan gcig pa'i don te de 'di dang lhan gcig zhes pa skar ma rgyal dang lhan gcig pa'i zla ba'o //

gsum zhes pa a ma ra ko ṣhar / twau zhes gnyis dag ste rtog pa zhes par snang ngo //

zla ba gsum pa'i ming ni /

dka' thub zla ba mchu gnyis so //

zhes gsungs te / [158]

dka' thub pa'i zla ba dang / mchu yi zla ba zhes rnam grangs gnyis so //

dka' thub zla ba'i don ni / zla ba 'di la dka' thub dka' spyad dang / bzlas brjod sogs 'gyur stobs che ba ste / kri ya legs grub las /

cho 'phrul gyi ni zla phyed dang //

mngon par byang chub dus dag dang //

nyi zla gza' yis zin pa'i dus //

bsnyen pa de ni the tshom med //

zhes gsungs shing /

mdo myang 'das dang / lung bsil bu las /

dge ba bye ba phrag brgya'i 'gyur du gsungs so //

zla ba bzhi pa'i ming ni /

'bras bu'i zla ba dka' thub bzang //

dbo yin zhes gsungs te /

zla ba 'di la skyes bu'i don 'grub pas 'bras bu'i zla ba dang / don nyid kyi phyir ro //

dka' thub bzang po'i zla ba dang / dbo yi zla ba zhes bya'o //

zla ba lnga pa'i ming ni /

nag pa can nag pa 'dod zla'o //  [159]

zhes gsungs te /

nag pa can ni nag pa'i ming ngo //

'dod pa'i zla ba zhes bya ste /

'jig rten pa rnams 'dod pa'i lha la mchod par byed pa'o //

zla ba drug pa'i ming ni /

sa ga sbrang ldan mgu byed do //

zhes gsungs te / sa ga'i zla ba'i ming ni /

sbrang ldan dang / mgu byed ces bya ste / me tog la sbrang rtsi sngon ma byung ba'i dus yin pa dang / rtswa gsar pa skye bas 'gro ba rnams dga' bar byed pa'o //

zla ba bdun pa'i ming ni /

thu bo zhu ba dag byed zla //

zhes gsungs te /

thu bo ni a ma ra ko ṣhar /

dzaiṣ†ha zhes pa rgan pa ste / skar ma snron dang / gdu bu gnyis spun yin zhing / 'di gdu bu'i pho bo yin pas de skad ces bya ste / de'i phyir zla ba 'di la thu bo'i zla ba zhes bya'o //

zhu ba ni a ma ra ko ṣhar / shukra zhes pa zhu ba'i don te / [160] 'di khu ba \thor ba'i gzugs su gnas pa'o //

dag byed zla ba ni de'i dus su sa gzhi dang nam mkha' dri ma med par snang ba'o //

de gsum snron gyi zla ba'i ming ngo //

zla ba brgyad pa'i ming ni /

mi bzod /  zhes gsungs te / 'di'i dus su tsha ba'i gdung bas mi bzod pas mi bzod pa'i zla ba dang / chu stod kyi zla ba zhes bya'o //

zla ba dgu pa'i ming ni /

chu 'dzag mkha' sgro sgrogs //

zhes gsungs te /

chu 'dzag pa'i zla ba ni char 'bab pa'o //

mkha' sgra sgrogs pa ni 'brug sgra sgrogs pa'o //

de gnyis gro bzhin gyi zla ba'i ming ngo //

zla ba bcu pa'i ming ni /

sprin bzang ba glang ba lang rkang //

khyu mchog rkang pa khrums kyi ming //

zhes gsungs te /

'di la sprin stug po 'byung bas sprin bzang gi zla ba dang / ba glang sha rgyas pas ba glang gi zla ba dang / ba lang rkang dang / khyu mchog gi rkang pa dang / [161] khrums kyi zla ba rnams rnam grangs so //

zla ba bcu gcig pa'i ming ni /

rgod pa ltad mo'i zla ba dang //

rgod ma can ni tha skar ming //

zhes gsungs te /

rgod ma'i zla ba dang / 'bras bu smin pa mthong bas ltad mo'i zla ba dang / rgod ma can gyi zla ba dang / tha skar gyi zla ba'i ming rnams rnam grangs so //

zla ba bcu gnyis pa'i ming ni /

smin drug mang ster spro ba can //

zhes gsungs te /

smin drug gi zla ba dang / 'bras bu rnams thob pas mang ster gyi zla ba dang / skye bo rnams dga' bas spro ba can gyi zla ba zhes bya'o //

+ bzhi pa dus drug gi ming ni /

kha ba 'bab dang bgrang ba'i dus //

dgun stod dgun smad rim pa bzhin //

dpyid dang me tog dus bde byed //

rngul dus tshad zla nges bsgreg dus //

drod phebs drod 'ong tshad pa tshad pa can //  [162]

char zla dang ni char pa'i dus //

'di na chu yi zla ba zer //

ston zla gzhan las smin pa'i dus //

'di na dpyid zla ra ba sog //

gsum tshan bzhi ru phye nas smras //

zhes gsungs te / mgo dang rgyal gyi zla ba gnyis kha ba 'babs pa'i dus dang / dgun stod ces bya'o //

mchu dang dbo yi zla ba gnyis grang ba'i dus dang / dgun smad kyi dus zhes bya'o //

'di la rgya mtsho'i chu bar grang snang bas so //

de ltar rim pa bzhin sbyar ro //

nag pa dang sa ga'i zla ba gnyis dpyid kyi dus zhes bya zhing / a ma ra ko ṣhar / ba stanta [vasanta] zhes pa 'dod pa skye ba'i dus zhes kyang bya'o //

gzhan yang me tog dus dang / dga' ba skye bas bde byed kyi dus zhes kyang bya'o //

snron dang chu stod kyi bar gnyis tsha bas lus rngul 'byung bas rngul dus dang / tshad zla dang / nges bsreg gi dus dang / [163] drod phebs pa'i dus dang / drod 'ong ba'i dus dang / tshad pa can gyi dus zhes pa sos ka'i dus kyi rnam grangs so //

tshad zla'i skad dod griṣhma zhes pa sos kar sngon gyi lo tstsha ba rnams kyis bsgyur ro //

gro bzhin dang khrums stod kyi bar gnyis ni char zla dang char pa'i dus zhes bya zhing / bod 'di na chu yi zla ba yang zer ro //

tha skar dang smin drug gi zla ba gnyis ston ka'i dus zhes bya zhing / bstan bcos gzhan las 'bras bu smin pa'i dus zhes zer ro //

gzhan yang gangs can 'di na / chu zla sogs rim pa bzhin dpyid zla ra 'bring tha gsum dang / sogs pas dbyar gsum / ston gsum / dgun gsum ste / sum tshan bzhi ru phye ste smra'o //

+ lnga pa bskal pa bcom tshul la /

lo'i rnam grangs dang / des bskal pa brtsom tshul dang / [164] bskal pa'i rnam grangs dang gsum /

dang po ni /

yongs bgrang bgrang gzhi rang skyobs dang //

'dor byed ces bya lo yi ming //

zhes gsungs te / yongs bgrang ni skye bo rnams lo bgrangs pa'o //

bskal pa bgrangs pa'i gzhi yin pas na bgrang gzhi'o //

rang skyob ni a ma ti zhes pa 'gro zhing slar yang 'khor bas rang gi lus rdzogs pa'i dus der rang bsrung ngo //

'dor byed ces bya ba ni rim pas 'dor ba ste / de bzhi lo spyi'i ming ngo /

lo so so'i ming ni /

'dzam bu'i gling pa'i mi rnams tshe tshad lo brgya par sleb pa'i dus su rgya yi ri bo rtse lngar 'phags pa 'jam dpal gyis rgya rtsis gsungs te / de'i lo shing pho byi bar grags so //

rgya rtsis pa rnams 'di lo mgor 'jog pa'i rgyu mtshan yang de yin no //

'di'i lugs ltar na / byi ba / glang / stag / [165] yos / 'brug / 'brul / rta / lug / sprel / bya / khyi / phag / zhes pa lo'i ming bcu gnyis dang /

shing me sa lcags chu dang 'byung ba rnam pa lnga zhes 'byung ba lnga las / shing pho shing mo zhes gnyis gnyis su phye nas lo bcu gnyis la sbyar bas drug cu bskor gyi lo'i ming yin par 'dod //

'phags pa 'jam dpal gyis rtsis gsungs nas lo bzhi pa me yos la yul dbus su bcom ldan 'das don thams cad grub pa sku 'khrungs te / de'i tshe rgya nag tu 'od zer ser po 'byung ste rgya rtsis pa rnams kyis rtsis byas pas nub kyi phyogs su gser gyi mi gcig 'khrungs te de'i bhe la ka 'dir 'ong pa'i rtags yin pa 'dug zer bar mthun par gyur zhes grags so //

lo de skar rtsis pa'i lugs kyi rab byung gi lo yin pas rgya gar ba dang bal po rnams lo'i dang por 'jog pa'i rgyu mtshan yang de bzhin no //  [166]

'di'i lugs kyi lo'i ming ni /

rab byung [me yos]

rnam byang [sa pho 'brug]

dkar po [sa mo sbrul] dang //

rab myos [lcags pho rta]

skyes bdag [lcags mo lug]

aṃ gi ra [chu pho spre'u] //

dpal gdong [chu mo bya]

dngos po [shing pho khyi]

na tshod ldan [shing mo phag] //

'dzin byed [me pho byi ba]

dbang phyug [me mo glang]

'bru mang po [sa pho stag] / 1 /

myos ldan [sa mo yos]

rnam gnon [lcags pho 'brug]

khyu mchog [lcags mo sbrul] dang //

sna tshogs [chu pho rta]

nyi ma [chu mo lug]

nyi sgrol byed [shing pho spre'u] //

sa skyong [shing mo bya]

mi zad [me pho khyi]

thams cad 'dul [me mo phag] //

kun 'dzin [sa pho byi ba]

'gal ba [sa mo glang]

rnam 'gyur [lcags pho stag] dang / 2 /

bong bu [lcags mo yos]

dga' ba [chu pho 'brug]

rnam rgyal [chu mo sbrul] dang //

rgyal ba [shing pho rta]

myos byed [shing mo lug]

gdong ngan [me pho spre'u] dang //

gser 'phyang [me mo bya]

rnam 'phyang [sa pho khyi] [167]

bsgyur byed [sa mo phag] dang //

kun ldan [lcags pho byi ba]

'phar [lcags mo glang] dang

dge byed [chu pho stag] dang / 3 /

mdzes byed [chu mo yos]

khro mo [shing pho 'brug]

sna tshogs dbyig [shing mo sbrul] //

zil gnon [me pho rta]

spre'u [me mo lug]

phur bu [sa pho sbrel] //

zhi ba [sa mo bya]

thun mong [lcags pho khyi]

'gal byed [lcags mo phag] dang //

yongs 'dzin [chu pho byi ba]

bag med [chu mo glang]

kun dga' [shing pho stag] dang / 4 /

srin po [shing mo yos]

me [me pho 'brug] dang

dmar ser can [me mo sbrul] //

dus kyi pho nya [sa pho rta]

don grub [sa mo lug]

drag [lcags pho spre'u] //

blo ngan [lcags mo bya]

rnga chen [chu pho khyi]

khrag skyug pa [chu mo phag] //

mig dmar [shing pho byi ba]

khro bo [shing mo glang]

zad pa'o [me pho stag] //

lnga zhes 'byung ngo //

On Seasons, see Banerjee, Sarvāstivāda Literature, pp. 127-8.  According to Vinayavastu, there are five seasons:  summer, short summer, long summer, winter and spring.  Winter & spring are both of 4 months duration, while the  summer is of one month, short summer of one day and long summer of three months minus a day.  There is an informative footnote on seasons here, saying that there are generally six seasons in India.

(( (( (( ((O)) )) )) ))