Abhidhāna (Mngon-brjod) Texts

Abhidhāna (Mngon-brjod) Texts

So far included in this file are 4 'sections':

[1] only part of Bo dong's abhidhāna text,

[2] the whole of one by Dngul chu Dharmabhadra,

[3] the whole of one by Snye thang Blo gros brtan pa, and

[4] an outline of the Amarakoṣa.

Source: Bo dong Phyogs las rnam rgyal, Encyclopedia Tibetica, vol. 6 (unfortunately the calligraphy isn't the best, and there are some spelling errors, some of which I've tacitly corrected, which is a risky procedure, as I know):

[87]

'CHI MED MDZOD LAS BLANGS PA'I MING GI MNGON BRJOD RTSA 'GREL bzhugs so //

[88]  gtsug lag bu mo sdeb sbyor lus mdzes shing //

snyan ngags rgyan gyis ci yang yid 'phrog kyang //

mngon brjod mig dang bral na ji ltar mdzes //

rnam bkra ming gis mngon brjod 'dir bstan bya //

de ltar tha snyad kyis gtso bo snyan ngags sgrub par byed pa'i sdeb sbyor gyis 'phreng ba bshad nas / de dag gi yi ge sgrub sla bar bya ba dang / snyan ngags kyi don so so'i ming ji snyed pa'i rnam grangs gsal bar bya ba'i phyir ming gi mngon brjod bshad par bya ste //

'di la rtags gsum rnam dbye sogs //

legs par sbyar la nyer mkho yang //

de ni gzhan du dpyad zin phyir //  [89]

skabs 'dir ming rnams rnam par dbye //

bder gshegs sangs rgyas thams cad mkhyen //

chos kyi rgyal po de bzhin gshegs //

kun tu bzang po bcom ldan 'das //

bdud btul 'jig rten rgyal ba po //

mngon shes rab drug ldan stobs bcu pa //

gnyis med gsung dang rnam par 'dren //

thub pa'i dbang po dpal stug dang //

ston pa thub pa nyid rnams so //

shāk thub shākya'i seng ge dang //

don rnams grub dang zas gtsang sras //

gau ta ma nyi ma'i gnyen //

lha mo sgyu 'phrul sras rnams so //

tshangs pa bdag skyes lha las rgan // [90]

mchog la gnas dang mes po dang //

gser gyi mngal dang 'jig rten dbang //

rang byung gdong bzhi byed po dang //

padma'i skye gnas nyes can dang //

sna tshogs sgrub byed padma'i gdan //

'byin byed skye rgu'i bdag po dang //

rig byed rnams byed sna tshogs byed // + //

bde 'byung phyugs bdag zhi ba dang //

mdung thogs dbang phyug chen po dang //

dbang phyug gsod byed dbang ldan dang //

bde byed gtsug na zla ba dang //

'byung po'i dbang po dgra sta'i dum //

ri dbang ri smod tshim byed dang //

'chi ba las rgyal gzigs gos can [?] //

skyo med gzhung dang 'joms byed bdag //

drag shul ral can dpal gyi mgrin //

mgul nag thod pa 'chang ba dang //

g.yon phyogs lta dang lha chen po //

sna tshogs mig dang mig gsum pa //

me yi khu ba kun mkhyen dang // [91]

ral pa'i khur can sngon dmar can //

'phrogs pa dran 'joms 'joms byed po //

spyan gsum grong khyer gsum mthar byed //

gang ga 'dzin pa long ba'i dgra //

khyu mchog rgyal mtshan mchod sbyin 'joms //

nam mkha'i skra can srid dang 'jig //

gnas byed rnga byed u ma'i bdag //

chus gang dag byed ral pa bcings //

skyo med khyab dang sgra ldan gzhu // + //

khyab 'jug nag po na ra'i bu //

a ṣad tha thos rtul ma'i bu //

dbang po dbang phyug me tog lto //

sgra can gsod dang sbrang gi bu //

rang skyes sbyin dgra pad dkar mig //

mkha' lding rgyal mtshan glang rdzir grags //

mi 'dzag go ser ra gzhu can //

sna tshogs sde dang 'gro ba 'joms //

steng gi dbang po dbang gzhan skyes //

lag pa bzhi pa 'khor lo'i phyag //

padma'i lte ba sbrang rtsi'i dgra // [92]

bdud gnas lha dang gom gsum gnon //

lha mi'i dga' dang dpa' bo rgyud //

dpal gyi bdag po skyes bu mchog //

me tog 'phreng ldan stobs ldan 'joms //

mkhar ba'i dgra dang 'og dbang skyes //

kun 'gengs lha min 'joms pa dang //

sdeng byed dpal gyi be'us mtshan //

nor lha'i bu dang de bzhin du //

a na ka yi rnga can no // + //

stobs bzang dang ni rab 'phyang gsod //

stobs lha mi 'dzag sngon skyes dang //

nam gru'i bdag po dga' byed dang //

'dod skyong gshol gyi mtshon cha dang //

tā las mtshon dang rtun shing gshol //

legs 'gugs dang mi thod pa'i lag //

klu 'joms pa dang stobs ldan no // + //

myos byed yid srubs gsod byed dang //

rang stobs dang ni nya yi tog //

tshangs bcom snyems dang lus med dang //

'dod lha mda' lnga dran pa dang //

sdom pa'i dgra dang yid las skyes //

me tog mda' dang gzhan ma skyes //

me tog gzhu can dga' ba'i bdag //

chu srin rgyal mtshan bdag las byung //

tshangs spong i dang 'gro ba'i tog //

ma 'gags pa dang a khu'i bdag //

mtshon byed pad gnas pad mo can // [93]

chur rgyan dpal mo 'phrog byed yum //

dung can lnga skyes dpal mo'i bdag //

'khor lo legs thong can dang ni //

ba mos dbyug pa ral gri dga' //

sa rnams rten byed nor bu'o // + //

'dab bzang dug 'joms skar mig bu //

'dul skyes mkha' 'gro'i dbang phyug dang //

khyab 'jug shing rta klu mthar byed //

gser gyi 'dab ma ltos 'gro za // + //

dbang po'i lha ldan mchod byed dang //

khyab stobs smin pa 'joms par byed //

rgan po la nyan shis pa nyan //

gang po 'bod dang grong 'joms dang //

rgyal byed nus ldan legs bris gtso //

mchod sbyin brgya pa mtho ris bdag //

legs skyobs ri 'joms rdo rje can //

dbyig ldan 'phel 'joms char 'bebs dang //

gnas kyi bdag po lha'i bdag //

stobs ldan dgra dang legs brjod bdag //

mugs byed 'joms dang 'phrog byed rta //

mtho ris rgyal po grol med 'joms //

yang dag du dang bzod kas rengs //

gzhan snyems bzod dang sprin la zhon //

kun 'jims mig stong ri skyes ldan // + // [94]

log 'dren bgegs kyi rgyal po dang //

ma gnyis pa dang tshogs kyi bdag //

mche ba gcig pa ha la gnas //

lto ba 'phyang ba glang po'i gdong //

smmin drug bu dang sde chen dang //

'dam bu'i tshal skyes gdong drug pa //

ri skyes dga' byed skye ma byed dang //

sde dpon me skyong sbed byed dang //

mang po las skyes sgrol byed 'dul //

gtsug phud can skyes sa ga skyes //

ma drug pa dang mdung thogs dang //

gzhon nu dang ni khrung khrung 'joms // + ??

lus ngan dang ni mig gsum grogs //

gnod sbyin rgyal po gsang bdag dang //

mi yis chos ldan nor sbyin dang //

rgyal po'i rgyal po gter gyi bdag //

mi'am ci bu rnam thos bu //

'od yangs tsha bo mi la zhon //

mchod sbyin mig skye e la'i rgyud //

'gro med kun khyab rgyas byed dang //

sgra sgrogs mkha' dang bar snang dang //

kun 'gro mtha' med lha lam gnam //

mi g.yo ba dang khyab 'jug gnas //

kun gsal rnal grol skyes bu'am //

phyogs dang nyi ston gsal gnas dang //

kun khyab 'phrog byed nyid kyang ngo // +//  [95]

bsil zer sim bye ka sur dang //

dbang po ku mud gnyen byed dang //

bdud rtsi 'od dang 'od dkar can //

[?] mi yi dbang po mtshan mo'i bdag //

mtsho byed zhags byed rgya mtsho skyes //

'grib byed nyin byed 'od byed snang byed dang //

cha gter ri dags mtshan //

gnyis skyes rgyal po ri bong 'dzin //

rgyu skar rgyal po mtshan mor byed //

nyi ma 'od 'byed sten byed dang //

mi sbyin skyes dang bcu gnyis bdag //

rab tu gsal byed rnams gsal byed //

'od ldan min gzugs rta bdun pa //

rta ljangs can ni tsha zer can //

rnam sgyur mchod 'os mngal cha sdug //

char 'bengs 'od 'gro gso bar byed //

nam mkha'i nor bu sgrol byed bshes //

sna tshogs 'od zer rnam snang byed //

'od kyi nor can gza' yi bdag //

'od zer bdag po snang byed bdag //

'od can 'jams byed 'od stong pa //

gdung pa 'od 'byin 'od zer gzugs //

'od dang gsal ba snang ba sgron //

snang gsal 'od mdangs 'od zer ro //

lha bdag lha'i slob dpon dang //

dbyangs bdag blo ldan bla ma dang //

mtsho byed phur bu smra ba'i bdag //

sna tshogs gtsug phud can gyi bu // [96]

mya ngan snyan dngags lham ni bla //

'od can pa sangs snyan dngags bu //

mig dmar pa skyes pa las byung //

lus dmar dang ni sa bzhi'i bu //

zla bu gza' lag snar ma skyes //

gnye dang nyi bu dal 'gro spen //

mun pa sgra can mtho ris mdzes //

seng ge'i bu dang zla ba tshe //

ri dags mgo ldan nus ldan mgo //

smal po zhes bya gsum yin no //

me tog rgyal zla nus zla gnyis //

bka' thub chu zla de nas ni //

'bras zla dka' thub dpo zla bo //

nag pa 'dod dus sbrang zla'o //

sa ga sbrang dus me tog can //

gtso bo sgron zla gcan ma dang //

chu stod zla ba grwo zhun dang //

nam mkha' dang ni thos zla'o //

sprin bzang khyu mchog rkang pa dang //

ba lang rkang dang khrums zla mtshungs //

tha skar ltad mo'i zla ba dang //

glu dbyangs zla ba smin drug dang //

mang po 'dzin dang smin drug zla //

sa gzhi rkun byed mi g.yo ba //

mtha' yas bcud ldan sna tshogs 'gengs //

'gyur med 'dzin byed rten byed dang //

'chang byed g.yo byed rgyal byed dang //

'od srungs byin dang gnas dang ni // [97]

kun bzod gser ldan nor 'dzin dang //

yangs can chu 'dzin chu skyob dang //

dbang chen chu gter ske regs can //

sa 'dzin rtse can sa bzhi 'chang //

mi 'phogs 'dzin byed tshigs can dang //

ri bo sa skyong gyen du 'phyur //

lhun po ri rab ri dbang nyid //

ri bo ri mtho ri chen nyid //

ri phran ri chung ri rkang sogs //

ri rtse ri stengs ri yi mgo //

ri zhol ri shong ri stengs rnams //

spyi dang bye brag rnam grangs yin //

sman ljongs nags 'tshal gnas stug po //

skyed tshal ldum ra sti gnas nyid //

dben gnas sgon pa bas mtha' ste //

shing dang sa skyes yal 'dab can //

shing sdong ljon pa rkang thung ste //

yal ga yal 'dab yan lag shing //

lcug ma lcug phran 'khri shing nyid //

padma chu skyes dri yi rten //

ku mud kun da ud dpal dkar //  [ut pal]

sbun ba shun pa skog pa nyid //

ngang pa rkang pa rtsa sbu nyid //

gsum gsum phal cher rnam grangs yin //

rgya mtsho chu 'dzin zla bas 'phel //

pha rol 'grib dang chu klung bdag //

chu srel dang ni chu 'dus dang //

chu bo'i khrangs dang mtsho chen dang //

rin chen 'byung gnas chu gter dang // [98]

chu srin bdag po chu bdag go //

....  to be continued  ....

:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:

:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:.:¨:

Dngul chu Dharmabhadra

A Drop from the Great Ocean of the Classical Commentaries on Poetics.

Mngon brjod kyi bstan bcos rgya mtsho'i chu thigs. ACIP data version: S6391M.ACT.

Despite his partly Sanskrit name, Dngul chu Dharmabhadra was thoroughly Tibetan, born in Gtsang province in 1772.  His first teacher, when he was 11, was an uncle on his mother's side.  This uncle was very likely the one who inspired his lifelong interest in the language arts.  He entered a monastery when he was 14.  Between age 22 and 32, he was frequently at Tashilhunpo Monastery, where he made a special study of grammar and language arts with Rje drung Blo bzang dge 'dun.  Most famous among his disciples, and the one who carried on his interests in philological studies, was his own nephew Dbyangs can grub pa'i rdo rje (1809-1887).  After Dharmabhadra died in 1851, six volumes of his collected works were carved into woodblocks for publication.  These loose-leafed pothi volumes contain about 185 works, largely tantric ritual texts, while in volume 5 are his best known (and most frequently reprinted) compositions, the ones on poetry, grammar, word-studies, letter writing and the like.

The work contained here belongs to the abhidhāna (mngon brjod) genre.  The abhidhāna is a kind of poetic thesaurus (arranged by subject, not alphabetically), the study of which generally went hand in hand with the study of kāvya (snyan dngags), which includes the theoretics of poetic composition and rhetoric.  The abhidhānas are meant to provide 'examples' of poetic expressions; they are not just a poetry writers' cheat-sheet, as is sometimes presumed (which is not to say that they were never treated in that manner by some lesser poets).  I'm not certain how best to translate the Sanskrit and Tibetan terms, but perhaps 'lofty expressions' would suffice to capture in one sweep the etymology and present usage.  These abhidhāna works are so pervaded with Indian imagery and even Hindu deities, one might wonder how relevant they were to the Tibetan world, especially since so much of it has all the clunkiness we come to expect from calque translations (that's what you get when translators don't take the necessary steps to make things clear to their target audience, when they are too timid or conservative).  Well, this is an interesting subject for study...  But we should also consider the charm of these things that would have been sensed by Tibet's more passionate Indophiles.  Perhaps we could say that the abhidhāna texts assisted Tibetans who wished to creatively weave Indian themes and images into their poetry.  It might go without saying that Tibetans, except those with the benefit of some elite literary training, would have had great difficulty in understanding very much of it.

The mother of all abhidhāna texts is Amarasimha's (in Tibetan, 'Chi med seng ge) work, the Amarakoṣa ('Chi ba med pa'i mdzod), 'The Deathless Treasury,' it is contained in the Derge Tanjur, vol. SE, fols. 126v.1-243r.7 (Tohoku no. 4299).  This, along with its Indian commentaries, was translated, retranslated, edited, copied, studied and mirrored for several centuries by a long line of Tibetan savants.  Dharmabhadra's is just one recent example, but it's very succinct, quite lucid, relatively fun, and written in verse as it should be.

Also have (long sized) dpe cha woodblock print version from Lhasa Zhol Par khang (in 12 fols.), which was used to totally redo the text, as it was full of careless errors.

The grammatical work appended was not in my blockprint, and so has not been emended.

Revised version by

Dan Martin,

Jerusalem

April 16, 2003

@001a * //

mngon brjod kyi bstan bcos rgya mtsho'i chu thigs zhes bya ba bzhugs so //

na mo gu ru manydzu gho shā ya /

gtsug na zla ba rang byung pad dkar mig /

sprin la zhon dang ma gnyis karti ka /

ma zlum cha gter gtsug gi nor bu'i khrir //

zhabs sen 'god mdzad zas gtsang sras la 'dud //

mtshan dpe'i dpal 'bar zla zhun phung po'i sku //

indra nî la'i zur phud lngas mdzes pa //

cung zad dran pa yis kyang rmongs pa'i mun //

pham mdzad gsung gi dbang phyug la phyag 'tshal //

stong phrag brgyad cu rtsa bzhi'i chos kyi glu //

rgyud mangs sgra las drangs nas snyan pa'i dpyid //

'jo mdzad dri za'i sgeg mo dbyangs can mas //

mi zad spobs pa'i dngos po deng 'dir stsol //

'khor 'das brtan g.yo'i dngos po re rer yang //

brda dang tha snyad ming tshul mtha' yas phyir //

sar gnas dpa' bo kho na'i spyod yul las //

nyam chung byis blo'i gzhal bya ga la yin //

'on te 'bab chu'i rgyun las cha shas tsam //

btungs kyang skyes bu'i skom sred sel ba ltar //

mngon brjod rgya mtsho'i dbus nas chu thigs tsam //

thos brtson ku sha'i rtse mos blangs te brjod //

rgyal ba dang ni lha rnams dang //

phyogs dang na mkha' gza' rgyu skar //

dus dang bskal pa yan lag bcas //

mtho ris sde tshan 'dir bshad bya //

kha sbyor bdun ldan rigs brgya'i bdag /

drug pa rdo rje 'chang gi mtshan //

rgyal ba bde gshegs kun mkhyen dang //

rnam 'dren dpal stug rkang gnyis gtso //

gnyis med gsung dang bcom ldan 'das //

stobs bcu mnga' ba sangs rgyas mtshan //

bu ram shing pa nyi ma'i gnyen //

go'u ta ma zas gtsang sras //

mi mjed bdag po shâkya'i rgyal //

lha yi lha rnams shâk thub mtshan //

rgyal sras rgyal ba'i myu gu dang //

'phags mchog byang sems spyi yi mtshan //

rgyal tshab mi pham mgon po dang //

sa bcu'i dbang phyug byams pa'i mtshan //

brtan pa'i 'khor lo smra ba'i rgyal //

zur phud lnga pa blo yi gter //

ye shes me long 'jam dbyangs mtshan //

'jig rten dbang phyug gru 'dzin bdag //

phyag na padma spyan ras gzigs //

lag na rdo rje gsang ba'i bdag //

mthu stobs bdag po phyag rdor mtshan //

[phyag na rdo rje]

rgyal yum myur skyob zhi ma dang //

chos kyi dpal mo sgrol ma'i mtshan //

sgra dbyangs lha mo tshangs sras ma //

zla ba'i sring mo mtsho byung ma //

shes rab lha mo dbyangs can mtshan //

[dbyangs can ma]

chu yi dbang po rmugs 'dzin dang //

nor gyi dbang phyug 'dzam la'i mtshan //

['dzam ba la]

sangs rgyas 'bring po rkyen gcig rtogs //

bse ru'i rgyal ba rang rgyal mtshan //

thub dbang gsung skyes thos sgrog pa //

brtul zhugs dbang po nyan thos mtshan //

rgyal ba dang byang chub sems dpa' la sogs pa'i rab tu byed pa'o //

mtho ris sa bla skabs gsum gnas //

gsum rtsen dal 'dzin lha yul ming //

legs bris 'chi med skabs gsum pa //

mkhar nyal tshigs bzang tshig mda' can //

me zhal rnam sad lha spyi'i ming //

grags pa'i mu khyud sprin la zhon //

mchod sbyin brgya pa mig stong can //

lha dbang grong 'joms brgya byin ming //

pu lo'i sras mo bde sogs ma //

legs brjod brgya byin btsun mo'i ming //

rang byung gser mngal skye dgu'i bdag //

mes po gdong bzhi mi mjed bdag //

dga' ba brgya pa tshangs pa'i ming //

thig le drug pa tha gu'i lto //

'jug pa bcu pa gos ser can //

nye dbang dpal bdag pad dkar mig /

mi yi seng ge khyab 'jug ming //

padma can dang 'phrog byed yum //

dpal mo khyab 'jug btsun mo'i ming //

yid srubs bdag po nya yi tog /

me tog mda' can mda' lnga pa //

lus med chu srin rgyal mtshan can //

dga' rab dbang phyug 'dod lha'i ming //

skya rengs nu bo skar mig bu //

mkha' 'gro'i dbang phyug bya khyung ming //

gtsug na zla ba mgrin sngon can //

dpal mgrin bde 'byung phyugs bdag dang //

drag po dbang phyug chen po'i ming //

u ma gau rî dka' zlog ma //

ri skyes dbang phyug btsun mo'i ming //

mche ba gcig pa glang po'i gdong //

rdo rje'i mchu can ma gnyis pa //

log 'dren tshogs bdag glang sna'i ming //

ma drug gzhon nu lha'i dmag dpon //

bcu gnyis mig ldan gdong drug ming //

tshangs dbang sras po ra la zhon //

gser gyi thig le sbyin sreg za //

rta dmar can rnams me lha'i ming //

'khyog 'bar bi shwa na ra'i bu //

rlung gi grogs po lam nag zhugs //

nor las rgyal rnams me yi ming //

chos kyi rgyal po mtshun gyi lha //

ya mu na'i spun lnga pa'i bdag /

nyi bu mtshungs 'jug gshin rje'i ming //

langka'i bdag po mgrin bcu pa //

bden bral bdag po srin po'i ming //

'bod sgrogs mtshan rgyu sha rjen za //

ro zan srin po spyi yi ming //

mchog sems chu bdag lce brgya pa //

zhags pa can rnams chu lha'i ming //

sna tshogs rta can stobs kyi lha //

g.yo byed mgon po rlung lha'i ming //

dri bzhon rtag 'gro ma mos 'phel //

rdul gyi kha lo rlung spyi'i ming //

mig skya gsang bdag gnod sbyin rgyal //

ngal bsos lus ngan rnam sras ming //

bden dbang phag gi shing rta can //

bdud la skyengs ster bstan ma'i ming //

sbyin skyes gzhu rgyal dbang po'i dgra /

khu ba'i slob ma bcud mi ldan //

sngon gyi lha rnams lha min ming //

kun khyab 'phrog byed phyogs spyi'i ming //

lha dang phyogs la sogs pa'i rab tu byed pa'o //

lha lam sprin lam rgyu skar lam //

kun gsal chu mthong lha'i rdzing ring //

gnam dgung kun khyab nam kha'i ming //

chu 'dzin sgra ldan tsha zer 'joms //

chu khur mkha' glang sprin gyi ming //

'jug pa brgya pa gzhi sngon skyes //

lus phra bde 'thung glog gi ming //

sprin gyi sgra dang dbyar skyes rnga //

sgra brgya pa rnams 'brug skad ming //

me char gnam lcags sprin gyi 'od //

ri 'joms lce 'bab thog gi ming //

skyin thang sprin rus lo thog gshed //

rdo char chu 'khregs ser ba'i ming //

gru char sbrang char sprin bcud dang //

sprin gyi me tog char pa'i ming //

rlung gi rgyal mtshan rgan po'i thig //

drang 'khyog gzha' ris brgya byin gzhu //

sos ka bzhad rnams 'ja' tshon ming //

Note:  E. Gene Smith, in his 1964 seminar paper on Tibetan philology, p. 14, shows that, although Tibetan tradition believes it so, most of these are not in fact names for 'rainbow' in Sanskrit, where they rather mean 'flocculent seeds' (that blow about in the wind).

mdongs sel bum skyes chu lha'i bu //

a gastya: rnams ri byi'i ming //

mtho ris snang byed mun pa can //

srid gsum rnam rgyal râ hu la //

seng ge mo'i bu sgra gcan ming //

bcu gnyis bdag po 'od stong ldan //

nam mkha'i nor bu padma'i gnyen //

rta bdun bdag po rta ljang can //

snang byed me zlum nyi ma'i ming //

brla med 'od srungs khyung sngon skyes //

nyi ma'i kha lo skya rengs ming //

bde 'byung gtsug rgyan ri bong 'dzin //

rgyu skar rgyal po ku mud gnyen //

gnyis skyes rgyal po bsil sbyin mkhan //

'od dkar can dang bcu drug cha //

cha gter kun phan zla ba'i ming //

sa skyes 'od zer dgu pa dang //

bkra shis zhes pa mig dmar ming //

gsal ldan zla bu snar ma skyes //

gser ldan lus gcig lhag pa'i ming //

blo ldan dbyangs bdag me bzhi skyes //

lha yi bla ma phur bu'i ming //

khu ba dkar po ngan spong bu //

lha min bla ma pa sangs ming //

'od zer bdun pa gos sngon can //

tshangs skyes nyi bu spen pa'i ming //

nam mkha' dang gza' skar la sogs pa'i rab tu byed pa'o //

bgrang bya slar byung yang dag 'gro //

dus spyi'i ming yin nyin mo la //

gdugs dang mun bsal bdud 'joms zer //

bya bral snang med mel tshe can //

sngo sangs chags dus mtshan mo'i ming //

dga' bzang rgyal stong rdzogs pa lnga //

zla ba'i phyogs rer lan gsum 'khor //

dkar phyogs gang phyogs phyogs snga ma //

zhi dang rgyas phyogs yar ngo'i ming //

nag phyogs dmar phyogs phyogs phyi ma //

dbang dang drag phyogs mar ngo'i ming //

'jal byed dbugs skyes lo'i yan lag / ['ja' byed]

phyogs can dus kyi zla ba'i ming //

bzod ldan ma dang lo'i thog ma //

hor zla bcu gcig pa yi ming //

tshim byed nus zla rgyal zla'i 12 ming //

dka' thub zla ba chu zla'i 1 ming //

'bras zla dbo zla'i 2 ming du grags //

'dod dus nag pa zla ba'i 3 ming //

me tog can dang sbrang dus ni //

sa ga'i 4 ming yin snron zla 5 la //

'dod 'phel dag byed zla ba zer //

chu ston hor zla drug pa'i ming //

mkha' sprin can ni gro bzhin 7 ming //

sprin bzang khyu mchog khrums zla'i 8 ming //

ltad mo'i zla ba tha skar 9 ming //

glu dbyangs zla ba mang po 'dzin //

smin drug zla ba'i ming 10 du grags //

grang reg can dang bsil ldan ma //

kha ba'i dus rnams dgun gyi ming //

dri zhim drod 'bebs 'dod pa'i dus //

me tog ldan dus dpyid kyi ming //

bde byed nges sreg tsha gdung can //

sos ka'i ming yin char 'bab dus //

sprin 'byung char ldan dbyar gyi ming //

'bras ldan dus kyi lnga pa dang //

mda' sbyin ston gyi ming du grags //

'gro 'ong 'dor byed zla ba'i 'phreng //

bgrang gzhi bgrang bya lo yi ming //

rab byung rnam byung dkar po dang //

rab myos skyes bdag ang gi ra //

dpal gdong dngos po na tshod ldan //

'dzin byed dbang phyug 'bru mang po //

myos ldan rnam gnon khyu mchog dang //

sna tshogs nyi ma nyi sgrol byed //

sa skyong mi zad thams cad 'dul //

kun 'dzin 'gal ba rnam 'gyur dang //

bong bu dga' ba rnam rgyal dang //

rgyal ba myos byed gdong ngan dang //

gser 'byung rnam 'phyang sgyur byed dang //

kun ldan 'phar ba dge byed dang //

mdzes byed khro mo sna tshogs dbyig //

zil gnon spre'u phur bu dang //

zhi ba thun mong 'gal byed dang //

yongs 'dzin bag med kun dga' dang //

srin po med dang dmar ser can // [srin po me]

dus kyi pho nya don grub drag //

blo ngang rnga chen khrag skyug pa //

mig dmar khro bo zad pa rnams //

me yos la sogs drug cu'i ming //

yongs gyur spyad zin lo'i phung po //

bskal pa'i ming du grags pa yin //

dus dang bskal pa la sogs pa'i rab tu byed pa'o //

mngon brjod kyi bstan bcos rgya mtsho'i chu thigs zhes bya ba las mtho ris kyi sde yan lag dang bcas pa bshad zin to // + //

sa 'og gdengs can dmyal ba dang //

yi dwags chu dang chu'i srog chags //

gzings dang chu skyes sogs dbye ba //

yan lag dang bcas 'dir bshad bya //

bcu 'og rkang 'og stobs ldan gnas //

klu yi 'jig rten sa 'og ming //

rab rib smag rum mkha'i pags pa /

she mun ldongs byed mun pa'i ming //

ri gnas gdengs can ka dru'i bu //

nâ ga klu yi ming du bshad //

rkang sbas lto 'phye mig gis thos //

lce gnyis brang 'gro rlung zas can //

dug 'dzin 'khyog 'gro sbrul gyi ming //

nag po brtsegs pa tshangs pa'i bu //

be'u'i lte ba dug gi ming //

'dod pa'i 'bras bral ngan 'gro'i mthil //

bde med dmyal ba'i ming du grags //

ngan khyab dpal min phun tshogs min //

chu bo rab med yi dwags ming //

brnag dka' zug rngu bro 'tshal ba //

mnar ba gdung ba sdug bsngal ming //

chu spel chu gter zla bas 'phel //

rin chen 'byung gnas sindhu'i bdag /

zla ba'i ma ma rgya mtsho'i ming //

dag byed ngan sel 'bru phan dang //

btung bya nyal 'gro chu yi ming //

dza hu'i bu mo gser ldan ma //

lam gsum lha chu gangga'i ming //

rtsod can nyi ma'i bu mo dang //

zhi ba'i sring mo pakshu'i ming //

rtsed 'jo'i chu bo zla ba skyes //

sngon gyi ganggâ sindhu'i ming //

khrag 'bab brgyar gyes srid sgrub ma //

lag pa'i chu bo si ta'i ming //

'dzum dkar chu sbur lbu ba ste //

chu 'khyags chab rom 'khyag pa'i ming //

sham ka chu srin gshed dung ste //

skye ba lnga pa g.yas 'khyil ming //

mu tig 'byung gnas nya lcibs te //

na kra 'dzin khri chu srin ming //

gser mig can dang mig mi 'dzum //

chur nyal rgyab ring nya yi ming //

'gram skyong bul 'gro ngan shubs can //

yan lag lnga pa rus sbal ming //

lce med 'phar 'gro sbal pa ste //

cho lo'i sa bon 'gron bu'i ming //

nya 'dzin chu'i spre'u skad cig dbugs //

'ug pa mchod byed sram gyi ming //

chu gter lam ni gzings la ste //

zho sha rnam bdun ded dpon ming //

rtags gsum sgrol byed rta mgo can //

chu yi shing rta gru yi ming //

mnyan pa gdos dang rna ba 'dzin //

skya ba 'dzin rnams gru mkhan ming //

dpal gos 'dab brgya chu'i lang tsho //

chu skyes 'dam skyes padma'i ming //

dbang mchog steng 'thung mig gi gnyen //

sa yi gdu bu utpal ming //

steng 'thung dkar po mtshan mo bzhad //

sa mos sa dga' kunda'i ming //

zhes pa mngon brjod kyi bstan bcos rgya mtsho'i chu thigs zhes bya ba las sa 'og gi sde yan lag dang bcas pa bshad zin to // + //

sa gzhi yul dang sa 'dzin grong //

nags tshal sman dang ri dwags tshogs //

mi rigs dbye ba bye brag gzhan //

'dir ni yan lag dang bcas brjod //

nor 'dzin 'dzin ma gser ldan ma //

kun bzod nor gyi blo gros ma //

rgya mtsho'i gos can sa gzhi'i ming //

dbus 'gyur 'chang dang sa'i snying po //

'phags pa'i yul gnas rgya gar ming //

nai pâ la ni bal po ste //

monggo zhes pa sog po'i ming //

stong khun ma hâ tsi na ni /

rgya nag ming yin bod 'di la //

bho .ta gangs can bsil ljongs zer //

lam srol bgrod bya 'jug bya dang //

bshul lam zhes pa lam gyi ming //

rin chen brtsegs pa ri yi mchog //

ri rab lhun po'i ming du grags //

khor yug mu khyud rtse gsum pa //

rdo rje'i ri rnams lcags ri'i ming //

'gro med gyen 'phyur mi g.yo ba //

sa 'dzin chu skyob ri spyi'i ming //

kha ba'i rdul brtsegs ke la sha //

sa 'dzin dkar po gangs ri'i ming //

sbed byed gor ma btsog po dang //

ju bo gtun rnams rdo ba'i ming //

rdul dmar phye dmar zha nye skyes //

sindhu ra rnams li khri'i ming //

sa 'og 'phreng ba sna tshogs mdog //

byi li'i mig rnams ba bla'i ming // [byi la'i mig?]

bal yul skyes dang glu lce ba // [klu lce ba?]

gar mkhan ma rnams ldong ros ming //

sngon po dang ni rma bya can //

rtse can mgrin rnams spang ma'i ming //

mig sman sngon po bya khyung rdo //

dus kyi me tog mthing gi ming //

me lce le brgan me tog dang //

tshon chen btsag ste rdo thal ni //

sa dkar ming du bshad pa mthong //

skyong byed rgyal lam pho brang 'khor //

'jigs med gnas rnams grong spyi'i ming //

gnas gzhi rten gzhi bla gab can //

khyim dang khab rnams khang pa'i ming //

gandho la dang dri gtsang khang //

kun dga' ra ba gtsug lag khang //

'du khang dkon mchog pho brang ming //

dben gnas zhi grong bsam gtan khang //

chos kyi 'dun sa dgon pa'i ming //

g.yung drung 'khyil pa ba gam can //

rgyal khab rgyal po'i pho brang ming //

khrims mun phyag sbal 'khrul 'khor khyim //

til mar ra ba btson ra'i ming //

yang thog ya phub chu skyob ni //

thog gi ming ste chu skyor la //

pu shu mda' yab lan kan zer //

rlung sgo dra mig ba lang mig /

skar khung ming ste skas ka la //

ya gad them skas 'dzeg rten zer //

chab sgo sgo 'phar sgo glegs te //

ra ba yongs bskor lcags ri'i ming //

sa gzhi dang ri grong la sogs pa'i rab tu byed pa'o //

nags klung dang ni tshang tshing can //

'thibs po shing ldan nags tshal ming //

ljon shing ldum ra bcos ma'i nags //

nye ba'i tshal rnams skyed tshal ming //

khye'u kha dang steng du 'then //

zha lu skyes rnams myu gu'i ming //

'dab ldan rkang 'thung yal ga can //

rlan skyes sa skyes chur mi ltung //

rtse mo can rnams ljon shing ming //

'bras bus 'jig dang e ra.n.da //  [e randa]

chu shing smyug ma'i ming du grags //

sdong po'i sor mo yal ga ste //

ltung byed sgrib byed lo 'dab ming //

yid dga' pushpa me tog ste //

snye ma gang bu 'bras bu'i ming //

yam shing bud shing tshim byed shing //

sreg shing sbyin sreg shing gi ming //

a shwattha dang glang po'i zas //

shing dbang byang chub ljon shing ming //

yongs 'du gser shing rnga yab can //

sa brtol dpag bsam shing gi ming //

bdud 'joms u dumba ra ste //

sngo sangs dang ni tsan dan mchog //

tsandan sbrul gyi snying po'i ming //

dpal dum ma la yar skyes ni //

tsandan spyi ste dkar po la //

ha ri tsandan ba lang mgo //

sa mchog zer ro dmar po la //

'dab lus tshos byed snum ldan zer //

sâ la spos skar shing la ste /

nags kyi tsandan a ga ru'o //

lha shing thang shing shug pa ste //

bum mkhan 'dre 'jigs gu gul lo //

'dzag byed tsû ta a mra ste //

rkang mdzes mya ngan med kyi ming //

nus ldan bandhu ka: la ste //

dri ldan ba ku la yi ming //

ro mngar bcud 'dzin bur shing ste //

ro ldan rgun 'brum shing gi ming //

pâ la sha dang kem shu ka //

'dab gsum rgya skyegs shing gi ming //

dmar po len pa zhu mkhan te //

le brgan brtsod kyi ming du grags //

mdog mdzes yung ba lga ser te //

shing ser dus skyes skyer pa'i ming //

byis pa'i nu ma glu len ma //

seng ldeng ming ste gsom la ni //

thang shing bcud 'dzin zer ba yin //

tindu star ga nag po ste //

rgya shug ras bal shing gi ming //

myug rgod las shing shun pa mkhregs //

tshigs brgya pa rnams 'od ma'i ming //

srin can sbubs ldan gling bu'i shing //

rlung gi sgra sgrog smyug ma'i ming //

gro ga shun 'jam re .sha'i 'dab //

yi ge'i gzhi can stag pa'i ming //

gzhon nu'i 'phreng can ma la ti //

sna ma'i me tog dza ti'i ming //  [dzâ ti]

dpal gyi ming can lha'i me tog //

spos kyi rgyal po li shi'i ming //

rtsa ba brgya pa kha che skyes //

gur kum ming ste sug smel la // [gur gum]

thum gsum lus ngan ma zhes zer //

mi rgan sen mo na gi ste //

zla ba'i bye ma ka ka la'o //

dre sras spu can spang spos te //

ston gyi me tog spang rgyan ming //

kun dong ro ldan lha min khrag //

kla klo'i spos rnams sgog pa'i ming //

'dab gsum gtun shing ngang pa'i rkang //

la phug ming yin ku sha la //

dag byed rtswa mchog khrus rtswa zer //

nags dang sman la sogs pa'i rab tu byed pa'o //

'phrog byed gdong lnga ral pa can //

sder chags rgyal po seng ge'i ming //

lus bkra dri snom ngar skad can //

nags kyi shwa na stag gi ming //

gcan gzan gtum po dom la ste //

ri dwags za ba dred kyi ming //

mang skye sa 'joms dur sgra can //  [ngur sgra can?]

mchu ring spu ring phag pa'i ming //

mtshal dang ko pa 'phar ba ste //  [mtsha' dang ko ba]

sa myos ce spyang wa skyes ming //

grong spre'u khrus mkhan byi la ni //

zhum bu'i ming ste ma he la //

sa nyal mig dmar khyu mchog zer //

khri gnyan sa lus rlung gi srog //

'phrog byed ri dwags spyi yi ming //

bse dang rwa gcig gcig pur gnas //

bse ru'i ming ste spre'u la //

yal ga'i ri dwags gnyer ma'i gdong //

'phar 'gro sa yi mjug ma zer //

rkun po rko byed byi ba ste //

gshin rje'i bu ni grog ma'i ming //

bal can thags mkhan sdom la ste //

mar gyis nyams byed sdig rwa'i ming //

sgong skyes tshangs skyes gnyis skyes dang //

yan lag drug pa nam mkha'i rta //

mkha' 'gro 'dab chags bya spyi'i ming //

mig mdzes dbyangs snyan gzhan gyis gsos //

dpyid kyi pho nya khu byug ming //

sprin sgeg mgrin sngon 'dab brgya pa //

mdongs mtha' gtsug ldan sprin la dga' //

'brug sgras mngal 'dzin rma bya'i ming //

'thor byed yid gzhungs lce gnyis pa //

'jam ljang tshig 'jam ne tso'i ming //

ring 'phur rlung spyod bya rgod ming //

mjug nag mgrin ring khrung khrung ming //

lus dkar grong 'joms 'khor lo'i lag //

dra ba'i rkang ldan ngang pa'i ming //

gnyis gnyis spyod dang mtshan mo 'bral //

'dab chags gser ldan ngur pa'i ming //

gangs sbal mdza' mo ka damba //

chu skyar ming ste phug ron la //

dig snyan rdo yi zas can zer //

nor bu'i mgrin can zangs ze can //

mtshan mo rig pa khyim bya'i ming //

sna ring mtshan spyod bya rog dgra /

nyin mo long ba 'ug pa'i ming //

'gal 'du'i rdzun can 'byung po'i bya //

gad mo'i dbyangs ldan srin bya'i ming //

'khrig sbed gzhan gso mdog gcig pa //

khwa ta thos sgrogs bya rog ming //

'ol ba cilla ne le ste //

ka lanta ka 'chil pa'i ming //

pags bye'u mtshan rgyu pha wang ste //

cha ga phye leb co ka'i ming //

rkang drug bung ba bhra ma ra //

ra yig gnyis pa me tog 'thung //

sbrang rtsi'i brtul zhugs ge sar spyod //

'khor 'gro bcud 'dzin sbrang ma'i ming //

sbubs shubs mdzod rnams sgo nga ste //

'gebs byed lus 'degs 'dab gshog ming //

ri dwags dang bya la sogs pa'i rab tu byed pa'o //

gang zag shed bu ma nu'i bu //

rkang gnyis shes ldan mi spyi'i ming //

skye rgyal lnga skyes bgrod byed dang //

khu ba'i bdag nyid skyes pa'i ming //

skye dman stobs med 'ching byed ma //

g.yon ma bgrod bya bud med ming //

yan lag mchog ma glang chen 'gros //

lus phra sgeg mo sked med ma //

ri dwags mig can mdzes ma'i ming //

mchis 'brang chung ma khyim 'dzin ma //

mna' ma rigs skyong bag gsar ming //

'phags ma rgyal mo sa spyod ma //

btsun mo'i ming ste rje mo dang //

jo mo skye dgu'i bdag mo'ang zer //

'phyon ma g.yem ma gzugs 'tshong ma //

gzugs kyi snye ma lcug ldan ma //

'jud mthun res ma smad 'tshong ming //

'khrig pa log g.yem dga' mgur spyod //

she sbyor gsang spyod grong pa'i chos //

lag bsdams mi tshangs spyod kyi ming //

rdul dang me tog zla mtshan te //

mngal chags lus lci sbrum ma'i ming //

bltams pa btsas pa skyes pa ste //

zho 'thung byis pa bus pa'i ming //

skyed byed pha dang yab la ste //

rab bskrun skyed ma ma dang yum //

khyo shug khyim thab bza' tsho ste //

thor bu lang tsho gzhon nu'i ming //

smin dang lo mang khur ldan dang //

bzhi pa'i gnas skabs rgan po'i ming //

dus chos lnga pa blta ba'i mtha' //

tshe 'da' tshe 'pho 'chi ba'i ming //

'jig gnas ro gnas pha mes nags //

zhi ba'i gnas rnams dur khrod ming //

gsum pa'i rang bzhin za ma ni //

ma ning ming ste 'og med la //

ral gu can dang nyug rum zer //

mnyes gshin mdza' bshes rtsa lag dang //

nye 'brel nye du gnyen spyi'i ming //

sngon skyes phu bo gcen rnams ni //

jo jo'i ming yin nu bo la //

phyis skyes gcung po tha chung dang //

sring mor che zhe lcam mo zer //

zag phung nyer len phung po gzugs //

tshogs pa sku lus spyi yi ming //

mig 'dzin dbu dang yan lag mchog //

mgo bo'i ming ste skra la ni //

ral pa thor tshugs slar skye dang //

gtsug phud mgo nyal lan bu zer //

yal ga lnga pa dpung ba'i 'dab //

sug pa 'dzin byed lag pa'i ming //

lag pa'i yal ga sor mo ste //

lag skyes sder mo sen mo'i ming //

rgyu byed bgrod byed rkang pa ste //

sgro ba 'bras bu rlig pa'i ming //

pho rtags dran ka myos byed shing //

'doms kyi sba ba pho mtshan ming //

chos 'byung padma me tog lam //

chu gnyer srid lam gnyis dga'i khyim //

dga' ba'i bu ga mo mtshan ming //

sha mchog srog gnas tsitta thugs //

sems kyi khang pa snying gi ming //

rakta rma skyes sha'i sa bon //

khrag gi ming ste sha la ni //

mam sa lus zungs gsum pa zer //

zhag dang snum bag tshil la ste //

rus par gdung dang keng rus zer //

khu ba sa bon khams dkar po //

dwangs ma kunda thig le'i ming //

rus 'chings 'dab ldan rtsa la ste //

khrag 'dzin rus gzeb pags pa'i ming //

lus skyes pags pa'i myu gu dang //

pags pa'i me tog ba sbu'i ming //

lta byed 'dren byed lha'i sgron ma //

snang byed tsakshu spyan mig ming //

sgra 'dzin thos 'dzin nyan byed snyan //

rna ba'i ming ste snom byed shangs //

dri 'dzin dri len sna yi ming //

bcud ma ro 'dzin ngag gi 'dab //

smra ba'i 'bab stegs ljags lce'i ming //

ldad byed mche ba tshems gnyis skyes //

so ste so gos sgros dmar mchu'o //

gdong zhal za byed smra ba'i sgo //

gtam gyi 'byung gnas kha yi ming //

gre ba mgrin mgul mgur ske ste //

gsus pa dku dag lto ba'i ming //

brang skyes 'o 'dzin lang tsho'i mtshan //

'dod pa'i myos bum nu ma'i ming //

bshang lam 'og sgo 'phongs rkub ste //

dpyi dang sta zur dpyi mgo'i ming //

rgyun 'bab dri chu gcin la ste //

bshang ba phyi sa dri chen ming //

rid skem sha srab stobs chung ste //

'tshag ldan sha rgyas stobs ldan ming //

tshig nyams ngag dbul lkugs pa ste //

glen pa rmongs pa blun po'i ming //

grim grung sgrin po spyang po ste //

nad la bro 'tshal 'du ba 'khrugs //

zug rngu gcod dang snyun zhes zer //

rtsi sman nad sel rkyen sman rnams //

sman ste sman par mkhyud dpyad pa //

'tsho byed skyon shes tshe rig zer //

bkod dang spras dang spud dang spa //

brgyan pa'i ming ste dbu rgyan la //

cod pan prog zhu rtse phran zer //

'khyil pa can ni sna rgyan te //

mgur na spa ba mgrin rgyan ming //

phyang phrul zhes pa do shal te //

'og pag ska rags rgyan can ming //

kha ba'i bye ma zla ba'i thal //

nus ldan sprin snying ga pur ming //

ri dwags lte ba sbrul skrag byed //

myos pa'i mtshan ma gla tsi'i ming //

kun mthong bzhin snod ma ku ra //

byi dor mel tshe me long ming //

khyim gyi nor bu snum za dang //

snang gsal sgron me mar me'i ming //

bgo ba dgab bya gcer skyob dang /

na bza' gos kyi ming du grags //

mi la sogs pa'i rab tu byed pa'o //

sa bon las byung gdung dang rus //

cho 'brang sha nye rnag las skyes //

rigs brgyud ming yin 'phags rigs la //

tshang spyod nags gnas dge slong zer //

snong skyes gnyis skyes tshangs pa'i bu //

kha skyes mgrin skud bram ze'i ming //

sdom brtson thub pa dka' thub spyod //

bden smra gtsang gnas kun tu rgyu //

mi smra ngag gdams drang srong ming //

blo ldan sems shes dus yig can //

dpyod ldan rnam gsal dran pa'i dbang //

gsal sgo kun rig grangs can mdzangs //

rig pa'i dpa' bo mkhas pa'i ming //

lam ston bla ma slob dpon te //

grwa pa nye gnas slob ma'i ming //

tshogs pa 'dus pa 'khor la ste /

brtul zhugs gso sbyong bsnyen gnas ming //

rgyud bdun pa dang mtho ris don //

sbyin sreg ces pa mchod sbyin te //

gsar 'ongs glo bur 'ongs pa ni //

mgron po'i ming yin yon la ni //

mchod pa dang ni me tog zer //

phul dang dbul ba 'bul ba ste //

sbyin dang gtong ba byin pa'i ming //

nye reg zhal bsil kha bshal te //

mthor 'thung mchod yon yon chab ming //

sa skyong mi rje dpung pa skyes //

dma' skyob sa spyod skye dgu'i bdag //

sa bdag mi dbang rgyal po'i ming //

mi'i lha gnam skos 'khor sgyur te //

khams rgyal sde dpon rgyal phran ming //

bka' dbang gros snod mdun na 'don //

phying sang sna chen blon po'i ming //

mdzod pa nor skyong lde mig pa //

mig gi chos can gnyer pa'i ming //

dus shes mtshan mkhan skar dpyad pa //

grangs shes ltas mkhan rtsis pa'i ming //

smyig can bris mkhan yig mkhan te //

pho nya nyan rna bya ma rta //

gtam skyel 'phrin khyer bang chen ming //

gdams pa rjes gnang bka' lung ste //

nongs pa skyon can nyes pa'i ming //

lugs dang yul chos rgyal khrims te //

rnam gzhag phyag rten 'bul ba'i ming //

g.yar khral sho gam sdud pa dpya //

khral rigs ming yin gdugs la ni //

tshad skyob thur ma brgya pa zer //

ba dan dha dza rgyal mtshan te //

g.yo byed bsil byed rnga yab ming //

ma .ni zhes pa nor bu ste //

ratna rin po che yi ming //

rdo rje'i rigs ni pha lam ste //

sprin chen gzhon skyes bai .dur ming // [bai dûrya]

nor bu'i snying po andra snyil / [indra nî la]

dbang sngon mthon ka chen po'i ming //

rin chen dmar po pad rag ste // [pad ma râ ga]

nor bu ser po karke ta'o //

mkha' lding gshog pa rdo'i snying po //

nor bu ljang gu marga ta ming //

man shel zla 'od mig la phan //

nor bu dkar po chu shel ming //

sa zla mdog bzang sa le sbram //

rin chen dang po gang gâ skyes //

he ma zong mchog gser gyi ming //

mtshon can mdog ngan khardzu ram //

rin chen gnyis pa dngul gyi ming //

mtshal skyes mes 'ching dngul chu ste //

ri snying gar bu lcags kyi ming //

ljon dmar kla klo kha zangs te //

zangs skyes bsil skyes 'khar ba'i ming //

gser can rtsibs brtsegs ra gan te //

skud 'dren len po khab len ming //

rdo yi rgyal po g.yu la ste //

grol ba can ni mu tig ming //

lus dmar 'dab dang dpal me tog //

rin chen sdong bo byu ru'i ming //

lag ldan gnyis 'thung myos bum can //

so ldan nyi bu so gnyis pa //

dbyug pa'i sna can glang po'i ming //

mgyogs 'gro rgyab 'dzin rtag tu za //

dpal bu rnga yab mjug ma can //

rlung skyes bang ldan rta spyi'i ming //

cang shes legs 'gro rlung gshog can //

rigs ldan gyi ling rta mchog ming //

lam bgrod sgra ldan shing rta ste //

khyogs dang theg pa bzhon pa'i ming //

mtshon chas 'tsho ba dpung bu chung //

lus kyis rgol ba rkang dmag ming //

mda' rten mda' za mda' snun byed //

mda' bskyed gnam ru gzhu yi ming //

nyag phran 'bigs byed rtse mo can //

sgro ldan drang 'gro mda' yi ming //

shang lang rdeg cha rjes su gcod //

dpal gyi snying po ral gri'i ming //

'khrug gos mtshon skyob lcags gos dang //

go cha khrab ste rmog la ni //

lcags zhu mgo skyob ya lad zer //

ru pa dpung tshogs dmag dpung dang //

yan lag bzhi pa dmag tshogs ming //

stobs chen gyad mi pha rol gnon //

brtul phod bsnyengs bral g.yul ngor brtan //

gtum pa'i dpung can dpa' bo'i ming //

dpung gi khyu mchog ral gri'i gnyen //

dmag gi 'dren pa dmag dpon ming //

'khrug 'jing 'thab rtsod g.yul 'gyed de //

zhogs 'ur byer 'khyus bros pa'i ming //

sdang byed mdza' bral pha rol po //

phyir rgol phas rgol dgra zla'i ming //

brgyal myos bog rmongs 'jigs skrag ste //

bsgral ba bkums pa bsad pa'i ming //

srog bral phung po ro la ste //

byus legs g.yul las rgyal ba'i ming //

yid gcugs mdza' bshes khon med zun //

grogs po blo nye rang phyogs ming //

bram ze dang rgyal rigs la sogs pa'i rab tu byed pa'o //

brla skyes jo bo rje'u rigs te //

'tsho tshis 'jug byed so nam ming //

'bru skyes rmo sa zhing la ste //

rmo byed sa 'joms thong gshol ming //

gshol mda' gnya' phur gnya' shing ste //

'jor dang rko byed tog tse'i ming //

gcod byed rnga byed zor ba ste //

gcugs bskrun bskyed gdab btab pa'i ming //

'bru dkar pa .ta la 'bras te //

chu ma rtsi dkar nas kyi ming //

yid legs yid bzang gro la ste //

tshogs can 'phrog byed tsa na ka //

nas kyi 'khri shing sran ma'i ming //

don grub zas gtsang yungs kar te //

tsha ba'i snum can pad khang ming //  [pad kha]

sngon skyes nag mo lha min mo //

yungs kar rgyal po ske tshe'i ming //

dog pa zhes ba snye ma ste //

spun pa phub ma phyi skogs ming //

sngo sangs nges sgrib ljang ba ste //

so ma rma med srus kyi ming //

g.yos ma lag bde phyag tshang ba //

thab ka pa ste thab tshang la //

g.yos khang gsol khang bsro khang zer //

me thab sgyed bu thab ka ste //

rngod gzhi ther po sla nga'i ming //

khol ma g.yo snod phru ba ste //

skyogs dang lag skyogs gzar bu'i ming /

kham phor zhes pa rdza phor te //

yol go zhes pa snod dpyad ming //

bzhes pa zas lto kha zas te //

bya na skyo tsha tshod ma'i ming //

chu ro 'gyur byed dpyid dus chags //

lan tsha'i ming yin 'dod zhen la //

gdung ba chags pa sred pa zer //

kha skam chu 'dod skoms pa ste //

bru ba tsha ba ltogs pa'i ming //

phyugs skyong phyugs ldan 'brog pa ste //

lkog shal nog can ba lang ming //

bzang po khyu mchog glang la ste //

grus ma 'bab byed ba yi ming //

mchu 'phyang rlung dga' rnga mo ste //

lba 'phyang tshe tshe rwa yi ming //

lto 'phyang g.yang mo lug la ste //

nu skyes 'o ma rab chags zho'o //

rtsi bcud bsrubs skyes mar la ste //

chu skya chab skya dar ba'i ming //

lam 'gron zong 'tsho tshong pa ste //

brje dang bsgyur ba nyo tshong ming //

'jal byed nya ga srang la ste //

'degs byed snyom byed na ra'i ming //

nor rdzas yo byad zang zing dkor //

ka ca dbyig rnams dngos po'i ming //

'dres ma kun gtum rigs kyi tha //

phyis skyes rkang skyes dmangs rigs ming //

'phreng ldan me tog gis 'tsho ba //

phreng rgyud mkhan te rdza mkhan la //

'khor los 'tsho dang bum mkhan zer //

mtshon cha mkhan dang rdeg cha mkhan //

mgar ba'i ming ste ri mo bar //

pir thogs bkra byed tshon 'tsho zer //

'dra 'bag lder bzo snang brnyan dang //

slar gzugs slar byas sku gzugs ming //

lha yis 'tsho ba sku gnyer te //

gos bzo tshem bu mkhan gyi ming //

ko pags mkhan ni lham bzo ste //

rtse rno ko 'bigs snyung bu'i ming //

'byar byed snag tsha 'phel byed spyin //

yin te lham la tsher ma srung //

zhabs phyags mchil lham bcag lham zer //

shing mkhan zhes pa shing bzo ste //

btso lag mkhan ni tshos mkhan ming //

zla 'dzin skra mkhan 'dreg mkhan te //

mig 'phrul byed pa sgyu ma'i ming //

zlos gar mkhan ni gar pa ste //

myos byed zong can chang ma'i ming //

myos byed myos 'gyur chu bdag skyes //

yang 'bab chus ma ca co byed //  [chu ma]

lha min nying khu chang gi ming //

mngar ldan spra tshil sprang rtsi ste //

gla rngan bya dga' yon gyi ming //

g.yung po gdol pa rigs ngag te //

gsod po gshed ma sha ba ri //

bshan pa ling ba rngon pa'i ming //

'ching byed dra ba rnyi rgya ste //

srad bu thag pa zhags pa'i ming //

grong gi gcan gzan seng ge'i rigs //

nor srung rdo rje'i mjug ma khyi'o //

mgrin bzang rna chen shugs 'gro ba //

bzod pa'i mu khyud bong bu'i ming //

rtse rgod bran khol mngag gzhug 'bangs //

zhabs 'bring gzhan gsos phyag rnyan dang /

bka' nyan ci bgyi g.yog ri ming //

ar pa jag pa 'jab bu ba //

'og rgyu g.yas ma chom rkun ming //

bkren po dbul po sgrub ngan dang //

phongs pa nor med ming du grags //

lag rkyong lam pa mu lto ba //

dâ ri dra rnams sprang po'i ming //

cha 'dzin gnya' bo dpang po ste //

cho lo za rgyan sho yi ming //

rje rigs dang dmang rigs la sogs pa'i rab tu byed pa'o //

mngon brjod kyi bstan bcos rgya mtsho'i chu thigs zhes bya ba las

sa gzha'i sde yan lag dang bcas pa bshad zin to //

+ smras pa /

phags yul 'chi med bang mdzod las byung 'ba'i //

legs bshad nor bu rin thang che na yang //

deng dus 'gro blo'i spyod yul ma yin zhes //

mchod sbyin brgya pa'i mdun sar lha rnams gleng //

brtan pa'i 'khor lo ngur smig gur mkhan mchog //

kun dga'i mtshan can gzhung bzang tshig gi gter //

de yang legs sbyar brda la ma byang na //

brjod bya'i gting mtha' cha tsam ga la rnyed //

bsil ljongs sa spyod yongs kyi rab dang phul //

ngag gi dbang phyug 'jig rten grags pa'i sde'i //

legs par bshad pa mkhas pa'i rna rgyan de'i //

rjod byed pha mtha' tshig mda'i lam las brgal //

de phyir ha cang rgyas bsdus mtha' spangs shing //

bklags pa tsam gyis bde blag don rtogs pa'i //

sngon med bstan bcos rgya mtsho'i chu thigs 'di //

blo gsal gzhon nu dga' ba'i gnyen mchog yin //

de las 'ongs pa'i legs spyad mthu dpal gyis //

brtan g.yo'i ming don kun la ma rmongs par //

mkhas pa'i bgyi ba gsum gyis rgyal ba'i bstan //

'dzin la rgyal ba nyid dang mtshungs bar shog //

ces mngon brjod kyis bstan bcos rgya mtsho'i chu thigs zhes bya ba 'di yang dpyod ldan tshong dpon dpal 'byor phun tshogs lags sku mched zung nas nan chen pos bskul ma mdzad pa ltar / rgya bod kyi brda dang mngon brjod kyi gzhung mang po zhig mig lam du byas pa'i shâkya'i dge slong dharma bha dras rang lo so gcig pa rnga chen gyi lo'i gro bzhin zla ba'i yar tshes bzang por bzhad dngul chu'i ri khrod dga' ldan rtse'i spong khang du sbyar ba dge legs 'phel //

+ na mo gu ru ma nydzu gho shâ ya //

mkhyen brtse'i gshog yangs dkar po yis //

srid zhi'i dgung mtha' kun gzhal ba'i //

dang ba'i bu mo dkar mo khyod //

bdag snying bang mtsher kun nas rol //

'chad rtsod rtsom pa'i gzhung gyur pa'i //

dag byed rnam gzhag mdor bsdus ni //

bod yig ka sogs sum cu la //

gi gu zhabs kyu 'greng bu dang //

na ro bzhi yi srog zhugs dang //

ra la sa yi mgo can gsum //

ya ra la wa'i smad 'dogs bzhi //

ga da ba ma 'a yi na //

sngon du 'jug pa rnam lnga dang //

ga nga da na ba ma 'a //

ra la sa ste rjes 'jug bcu //

da sa'i yang 'jug ba'i brtsegs 'phul //

la sogs bzhib par me long sogs //

mkhas pa'i gzhung mang gzhan du gsal //

'dir ni snga ma'i ming shugs kyis //

phyi ma'i rnam dbye la sogs pa //

rtogs dka' nyer mkho ldan pa 'ga' //

ji ltar 'thob tshul bshad kyis nyon //

rnam dbye drug pa gang gi //

da ba sa dang da drag kyi //

na ma ra la bzhi mthar gyi //

'a dang mtha' med 'di dang yi 'o //

rnam dbye bdun pa ga ba dang //

drag mtha' tu dang sa mthar su //

nga da na ma ra la du //

'a dang mtha' med mthar ru'o //

lhag bcas na ra la sa te //

da de gzhan kun sa btags ste'o //

mtshams sbyor ga da ba sa dang //

drag mthar kyang dang gzhan 'ang yang //

phrad kyi ga da ba drag mthar //

cing ces ce'o ce na cig //

sa mthar shing sogs gzhan mthar zhing //

sa mthar shes sbyor bkag phyir zhes //

dri bar ma dang rdzogs tshig skabs //

na ro rjes 'jug rang rang la //

sbyor mod na ra la gsum bor //

drag yod ta dang mtha' med 'ar //

ming mtha'i ga da na ba ma //

sa mthar pa dang gzhan kun ba //

da drag can dang 'das pa dang //

bdag po sogs la pa yin na //

'i yi gnyis dang 'ang yang gnyis //

rkang pa mi skong skong ba'i khyad //

'o 'u 'am gyi gong du tsheg //

med dang yod pa'ang de bzhin no //

nga yig ma gtogs yig bshad bar //

tsheg med la dang sa dbar yod //

lhug pa'i don mang ming mtshams dang //

don 'bring 'byed dang don nyung rdzogs //

tshig bcad ga mthar tshog bshad dang //

lhug pa'i rdzogs tshig ao can dang //

tshig bcad rkang mthar nyis bshad dang //

le'u'i mtshams su bzhi shad dgos //

rnga yab skyil krung phyag dar dang //

tshon rtse rim gror sngon 'jug spang //

thud gdar nyes dmigs phyi bdar dang //

khyim mtshes khri shing sogs la dgos //

gsar pa snyan dang gas sngo bsangs dang //

mthun mong 'phreng bar gang yang rung //

yi ge sgo nga sri zhu dang //

se mo do dang le brgan dang //

rgya mtsho brda dang bya rgod dang //

brgya byin so gar rjes 'jug spang //

bdag cag mthe bong ded dpon dang //

sen mo dpon nam mkha' dang //

dur khrod gsal rgyal lhas byin la //

rjes 'jug bcu po rim bzhin dgos //

skad cig bder gshegs 'khor los bsgyur //

sogs la gang yang rung zhes zer //

gzhan yang thon mi sambho tas //

de nyid la ni bcu pa sbyar //

byed pa po ru shes par bya //

zhes gsungs don ni 'di ltar yin //

bdag gi chos nyan lta bu la //

mnyan bya bdag gi chos yin phyir //

bdag gi gi las mtha' spang //

bdag gis chos nyan lta bu la //

mnyan bya chos dang nyan byed bdag //

yin phyir gi las sa mtha' dgos //

gzhan yang dka' gnad 'di lta ste //

btings sogs 'das tshig ba yis dang //

'ding sogs da lta 'a yis dang //

gding sogs ma 'ongs ga das phul //

'di ni dag byed gzhung rnams la //

cung zad sbyangs pa'i snyoms las mkhan //

dge slong su dha rme shwa ras //

kun dga' lags ldan zla bar bris //

zhes pa 'di ni phan pa'i blos legs par bshad pa sum rtag rtsa 'grel dang rma rgyan za ma tog ngag sgron me long ma rnams la legs par brtags te bkod pa yin cing / gzhan yang sgra don rgya mtsho'i me long dang 'od zer brgya pa sogs yod par grags mod brjod bya lhag po med par nges la / smra rgyan sogs de dag kyang phyi ma rim bzhin mtha' btsan la tshig chung ba yod par mthong ngo //  //

Source:   Snye thang Blo gros brtan pa, Mngon brjod kyi bstan bcos tshig gi gter zhes bya ba'i 'grel pa rgya cher don gsal ba, "a detailed commentary on Sa-skya Paṇḍi ta's Tshig gi gter, a Tibetan abhidhāna work based upon the famed Amarakoṣa of Amarasimha, reproduced from a manuscript from the library of Burmiok Athing, Gonpo Tseten, Palace Monastery (Gangtok 1977).  Note:  The author Snye thang Lo tsā ba Blo gros brtan pa is the person who made some further revisions to the translation of the Kāvyādarśa in the mid 15th century.

See Smith, Among Tibetan Texts, p. 203 (and note 653), which identifies the text by She thang Blo gros brtan pa Bzhi pa as having the title Tshig gi gter gyi rgya cher 'grel pa me tog gi chun po, ms. in 68 ff. India Office Library (London), no. 12.

[2]

siddhirastu /

bcom ldan 'das ngag gi dbang phyug la phyag 'tshal lo //

gang gi thugs rjes lam gsum bgrod //

srid gsum gdung ba kun 'phrog nas //

thams cad mkhyen mtshor ro gcig pa'i //

bla ma lhar bcas phyag 'tshal nas //

byis pa rnams kyis 'jug pa'i sgo //

sde gsum yan lag dang bcas pa //

mkhas pa'i gsung gi rjes 'brang nas //

lung bzhin mdo tsam bshad par bya //  [3]

de la rje btsun 'jam pa'i dbyangs kyi rnam par 'phrul pa dpal ldan sa skya paṇḍi tas mdzad pa'i tshig gi gter ni gang bshad par bya'o //

spyir thams cad mkhyen pa thob par 'dod pas rig pa'i gnas lnga la bslab par bya ste / rgyal ba byams pas /

rig pa'i gnas lnga dag la brtson par ma byas na //

'phags mchog gis kyang thams cad mkhyen nyid mi 'gyur te //

de bas gzhan dag tshar gcad rjes su bzung phyir dang // [4]

bdag nyid kun shes bya phyir de la des brtson bya //

zhes gsungs pas so //

de la sgra dang tshad ma / bzo dang gso ba / nang rig pa ste lnga ni rig pa'i gnas chen lnga zhes bya la / snyan ngag dang / sdebs sbyor dang / ming gi mngon brjod dang / bzlos gar dang / rtsis rnams ni rig pa'i gnas chung lnga zhes bya ste / de dag las ming gi mngon brjod kyi bstan bcos yin no //

'di bshad pa la mtshan gyi don / phyag 'tshal ba / tshig gi don dang gsum mo //

+ dang po ni / rgya gar skad du pā da zhes pa / bod skad du tshig / ni dhi zhes pa / gter zhes pa'o //  drug sgra gi zhes pa rgya skad la rnam dbye phyis kyang bod skad la sbyar ba'o //

+ gnyis pa ni / bla ma dang 'jam pa'i dpal la phyag 'tshal lo // zhes pa ste /

bla ma dang yi dam la gus pas bdud pa'o // [~gus pas 'dud pa'o]

+ gsum pa la / brtsom pa la 'jug pa dang / [5] bstan bcos dngos / bstan bcos mthar phyin pa'i bya ba'o //

+ dang po la mchod par brjod pa / bshad par dam bca' ba / dgos pa bstan pa'o //

+ dang po ni / 'jam dbyangs mi zad tshig gi gter //

'gro ba skyobs mdzad la btud de //

'jam dbyangs zhes pa mtshan no //

mi zad tshig gi gter zhes pa legs par bshad pa / zad mi shes pa'i 'byung khungs su gyur pas gter chen po lta bu ste / mkhyen rab mtha' yas pa'i yon tan no //

rkang pa phyi mas phrin las bstan te / mdor na rtogs pa dang mdzad pa gnyis kyi sgo nas lhag pa'i lha la bstod cing phyag 'tshal ba yin no //

+ gnyis pa ni / mkhas pa rnams kyi mdzod gyur pa //

tshig gi gter ni bdag gis dbye // zhes pa ste /

mkhas pa rnams kyi bdog pa'i nor ni legs par bshad pa yin la / de'i mdzod du gyur pa tshig gi gter ni [6] bshad par bya'o zhes bya ba'i don to //

+ gsum pa ni /

byang phyogs 'di ni tshig la mkhas pa med //

legs par shes nas 'chad pa kho bo tsam //

rtags kyi dbye ba phal cher 'dir mi 'jug //

'on kyang bod la mkho ba mdo tsam bsdu //

zhes gsungs te /

rkang pa dang po gnyis kyis rtsom pa po'i khyad par bstan la / de yang byang phyogs kha ba can 'di na legs sbyar dang / sdeb sbyor la sogs pa'i tshig la mkhas pa med ces pas don la yang mi mkhas par bstan te / des kha ba can gyi mkhas par rlom pa rnams tshig don la mi mkhas par bstan nas / tshig don gnyis legs par shes nas 'chad pa byang phyogs 'di ni kho bo tsam yin no zhes pa'o //

rkang pa gsum pas legs sbyar gyi skad la 'jug pa'i pho rtags / mo rtags / ma ning gi rtags / gsum pa ting nge'i mtha' la sogs pa'i dbye ba phal cher bod kyi skad [7] 'dir rang skad la mi 'jug pas ma bshad la / mngon brjod kyi bstan bcos a ma ra ko ṣha sogs sa'i rtags kyi dbye ba bshad pa ni legs sbyar gyi dbang du byas pa'o //

rkang pa bzhi par 'on kyang bod la mkho ba mdo tsam du bsdus nas bshad par bya zhes pas bod kyi tshig sbyor dang / bstan bcos kun la 'jug pa la nye bar mkho bas dgos pa bstan no //

+ gnyis pa bstan bcos dngos la /

sangs rgyas kyi mtshan dang / mtho ris kyi sde tshan dang / sa 'og gi sde tshan dang gsum /

[NAMES OF BUDDHA SECTION]

+ dang po ni /

sangs rgyas bde gshegs thams cad mkhyen //

chos kyi rgyal po de bzhin gshegs //

kun tu bzang po bcom ldan 'das //

rgyal ba bdud 'dul 'jig rten 'dul //

mngon shes drug ldan stobs bcu pa //

gnyis med gsang gsum rnams 'dul mdzad //

thub pa dpal stug ston pa thub //

zhes pa'i tshig [8] rkang bdun gyis sangs rgyas spyi'i mtshan bstan /

thub pa shākya'i seng ge dang //

don grub go taṃ zas gtsang sras //

sgyu 'phrul sras po nyi ma'i gnyen //

gzhan yang skyob pa nyid gzigs dang //

bu ram shing la sogs pa'o //

zhes pas sangs rgyas bye brag gi ming bstan to //

de la spyir a ma ra ko ṣha'i 'grel par / mtho ris dang / sa dang / sa 'og gi sde tshan gsum mdzad nas /

[HEAVEN SECTION]

+ dang po la /

lha'i dbang po sogs phyogs skyong dang / nam mkha'i bdag po nyi zla rgyu skar gnas dang bcas pa dang / de dag gi zhar la dus kyi khyad par dang / bskal pa 'chags 'jig dang / lus dang blo dang / dbang po la sogs pa / kha la sogs pa bshad do //

sa'i sde tshan la grong dang / grong khyer dang / ri dang / nags tshal dang / de dag la brten pa'i ri dwags dang / mi spyi dang / khyad par bram ze dang / rgyal rigs dang / dmangs rigs la sogs [9] yan lag dang bcas pa bshad do //

[UNDERWORLD SECTION]

sde 'og gi sde tshan la / klu'i phyogs skyong dang lhan cig tu bshad la / gnas dang gnas kyi khyad par dang / ngan 'gro gzhan yan lag dang bcas pa sde tshan logs su bshad do //

yang sangs rgyas ni mtho ris kyi sde tshan du'ang bshad la / 'dis ni sangs rgyas mchod 'os yin par bshad do //

de la sangs rgyas kyi skad dod buddha zhes pa ma rig pa sangs pa'am shes bya la blo rgyas pa gang rung la 'jug pa la / sangs rgyas zhes rgya skad gcig la bod skad gnyis su bshad do //

bde gshegs ni spangs rtogs gnyis ka la 'jug pas legs par / mi bzlog par / ma lus par spangs pas sam / legs par rtogs / mi log par rtogs / ma lus par rtogs pa'o //

thams cad mkhyen pa ni ji lta ji snyed mkhyen pa'o //

chos kyi rgyal po ni chos kyi 'khor lo bskor ba'o // [10]

de bzhin gshegs pa ni de bzhin nyid thugs su chud pa'o //

kun tu bzang po ni bsod nams dang ye shes kyi tshogs yongs su rdzogs pa'o //

bcom ldan 'das ni skal pa drug dang ldan pas te /

dbang phyug dang ni gzugs bzang dang //

dpal dang grags dang ye shes dang //

brtson 'grus phun sum tshogs pa ste //

drug po rnams la skal zhes brjod //

zhes rtse mor gsungs pa ltar ro //

'das ni bkas bcad kyis bsnan pa'o //

rgyal ba ni bdud bzhi bcom pa'o // 

bdud 'dul ba'ang de bzhin te / de la bdud bzhi ni / nyon mongs pa'i bdud / phung po'i bdud / 'chi bdag gi bdud / lha'i bu'i bdud do //

bdud kyi 'jig rten skyong ba bzhi ni / rmongs par byed pa / brgyal bar byed pa / sems med par byed pa // lhag par rab tu chags par byed pa'o //

bdud kyi rigs kyi yi dwags ni / yi dwags kyi [11] rigs sum cu rtsa drug gi zla bo'o // de rnams 'dul ba'o //

'jig rten 'dul ba ni / 'dod pa dang / gzugs dang / gzugs med pa'i sems can la byams pa'o //

'jig rten rgyal po zhes kyang bya'o //

mngon shes drug ldan ni /

lha yi spyan dang rna ba dang //

gzhan sems shes dang sngon gnas dran //

zag pa med shes rdzu 'phrul shes //

ces pa ltar ro //

stobs bcu po ni / gnas dang gnas ma yin pa dang / las kyi rnam par smin pa dang / mos pa sna tshogs pa dang / khams du ma dang / dbang po mchog dang mchog ma yin pa dang / lam thams cad dang / kun nas nyon mongs pa dang / rnam par byang ba dang // 'chi 'pho ba dang / skye ba dang zag pa zad pa mkhyen pa'i stobs dang ldan pa'o //

gnyis med gsung ni mtha' gnyis dang bral ba'i chos ston pa'o // [12]

rnam 'dul mdzad ni gdul bya la phan pa gsungs pa'o //

rnam par 'dren pa zhes kyang bya //

thub dbang ni thub pa nyan thos dang / rang sangs rgyas rnams yin la / de dag gi rgyal por gyur pa'o //

dpal stug ni dpal mtshan dang dpe byad yin la / de dag tshogs pa la bya'o //

dpal rkang zhes kyang bya'o //

ston pa ni cho 'phrul rnam pa gsum gyis chos ston pa'o //

thub pa ni sku gsung thugs kyi mi mthun phyogs thub pa'o //

gzhan yang drang srong chen po dang / chos kyi rje dang / rkang gnyis gtso bo dang / skyes bu chen po dang / lus med 'thul dang / 'gro ba'i bla ma dang / tshad ma'i skyes bu dang / khyab bdag dang / dge sbyong chen po dang / lha yi lha dang / rdzogs pa'i sangs rgyas la sogs pa'o //

+ gnyis pa ni /  shākya'i rigs su 'khrungs pa'i thub pa yin pas shākya thub pa ste /  sngon bu ram shing pa'i rigs las byung ba'i rgyal po ke tsha na zhes pa'i [13] bu phas nags su bskrad de nags der thub pa ser skya zhes bya ba la brten nas gnas so //

der shing shākya zhes bya ba'i drung du bzhugs te ser skya'i slob mar gyur pa ni rigs pa dang ldan no //  de nas shākya zhes grags so //

de'i rigs ni shākya'i rigs so //

yang shākya ni phod pa dang / nus pa ste / de dang ldan pa'o //

shākya'i seng ge ni shākya rnams kyi gtso bor gyur pa'o //

don grub ni 'dir 'khrungs pa'i dus su rin po che'i gter lnga brgya byung /  glang mo lnga brgya la glang phrug lnga brgya skyes pa dang / rgod ma lnga brgya la rte'u lnga brgya skyes pa dang / blon po lnga brgya la blon phrug lnga brgya skyes pa la sogs pa don dpag tu med pa grub pas de ltar grags so //

go ta ma ni sngar bshad pa ltar thub pa ser skya'i slob ma yin pas de'i rigs su skyes pa ste /  shākya gau ta ma zhes bya'o //

de la gau ta ni rigs yin la / u ta ma ni mchog ste / [14] bla dang ldan pa zhes bya'o //

zas ster 'jigs skyobs rigs sbyin dang //

bskyod byed bag ston lnga po pha //

zhes rtan pa'i gzhung las byung ba ltar ro //

zas gtsang sras ni skyon gdang ma 'dres pa'i zas la longs spyod pa'i rgyal po'i sras su gyur pa'o //

sgyu 'phrul sras ni yum gyi mngal bzung ste / lha mo sgyu 'phrul gyi lhums su zhugs nas glo g.yas nas 'khrungs pa'o // zhes lung las 'byung ngo //

nyi ma'i gnyen ni rus kyi ming ngo //

gzhan yang skyobs pa nyid gzigs ni nyid kyis gzigs pa'i lam gzhan la bstan nas sdug bsngal las skyob pa'o //

bu ram shing pa ni rigs kyi ming ngo //

de yang sngon rgyal rigs shig la nyes pa 'ga' zhig las rgyal po'i bka' chad las byung ste / dur khrod du gsal shing la skyon no //  de'i ling ka las sa bon babs te / mdun na bu ram gyi shing yod pa la lhung ngo // shing des kyang sa bon de bzungs te / [15] de yang nyi 'od kyis bskyangs pa las khye'u zhig byung ste / de'i rigs brgyud rnams la nyi ma'i gnyen dang bu ram shing par grags so //  de la sogs pa ni bstan pa'i bdag po la sogs pa'o //

zhar la byang chub sems dpa'i mtshan ni / mdo sde rgyan las /

byang chub sems dpa' sems dpa' che //

blo ldan dang ni gsal ba'i mchog //

rgyal sras rgyal ba'i gzhi dang ni //

rgyal byed rgyal ba'i myu gu dang //

rtsa la ldan dang ni 'phags mchog dang //

sde dpon dang ni grags mchog dang //

snying rje can dang bsod nams che //

dbang phyug de bzhin chos dang ldan //

zhes so //

rang sangs rgyas kyi ming ni /  rang rgyal dang / bse ru lta bu dang / zhi ba 'tsho zhes bya'o //

nyan thos ni / gsung skyes dang / thos sgrogs pa zhes bya'o //  [16]

[HEAVEN SECTION]

+ gnyis pa mtho ris kyi sde tshan ni / mtho ris kyi gnas dang / dbang po la sogs pa phyogs kyi bdag po rnams dang / de dag dang 'brel ba rnams rim pa bzhin bshad par bya'o //

+ dang po la gnas dang / lha spyi dang / de'i rigs dang / so so ba'i ming ngo //

de la lha'i gnas ni /

gnas bzang sdig med sum rtsen dang //

lha yi 'jig rten skabs gsum gnas //

rol pa gsum gnas mtho ris ming //

gzhan yang grub pa'i gnas sogs yod //

ces gsungs te /

gnas bzang ni rin po che las grub pa'o //

sdig med ni sdig pa'i rnam smin ngan song gi sdug bsngal med pa'o //

gsum rtsen ni lha'i gtso bo tshangs pa dang / khyab 'jug dang / dbang phyug gsum brtse ba'i gnas so //

lha'i 'jig rten zhes kyang bya'o //

skabs gsum gnas ni lha rnams skye ba ni yod de / lo nyi shu rtsa lnga lon pa lta bu skye'o //  [17]

gzhon nu dar la bab pa dang / rgas pa ni med pa'o //

yang na rgas pa dang / na ba dang / 'chi ba med pas de skad ces bya'o //

rol pa ni lha rnams rtse ba'i gnas so //

gsum gnas ni lha'i gtso bo gsum gnas pa'o //

de dag ni mtho ris kyi ming ngo //

gzhan yang grub pa'i gnas ni bskal pa chags pa'i dus su grub pa'o //

sogs pa nam mkha'i gnas la sogs pa'i ming yang yod do //

lha spyi tsam gyi ming ni /

'chi med rgas med skabs gsum lha //

rnam sad bcud ldan tshigs bzang dang //

yid bzangs gsum rtsen dbang ldan dang //

mtho rigs gnas dang mi sbyin skyes //

mkhar nyal legs bris mi sbyin dga' //

mi sbyin bu dang ri yig bu //

mi rmis mi 'chi bdud rtsi'i zas //

me zhal ngag mtshon mchod sbyin za // [18]

sbyin byed dgra dang tshogs bzang po // zhes te /

'chi ba med pa ni dus ring po la bya'o //

rgas med ni lha la rgas pa med pa'o //

skabs gsum ni skye ba / gnas pa / 'chi ba gsum yod pa'o //

lha ni di bu rtse ba la'o // zhes pa'i byings las rtse ba'i don gyisl ha'o //

rnam sad ni gnyid med pa'o //

bcud ldan ni sngon lha chen po rnams dang / lha ma yin gyi bdag po rnams kyis nor rgyas la srub thags byas / ri rab la bsrubs shing byas te rgya mtsho bsrubs pas nyi ma dang zla ba byung ste nam mkha' la song /  de nas lha mo dpal mo byung / de nas glang po rab brtan byung / de nas rta mthor thos byung / de nas bdud rtsi bum pa gang byung / de nas dug bum pa gang byung ste / de rnams spun du yang grags so //

de nas lha mo dpal mo khyab 'jug gis khyer / [19] zla ba dbang phyug gis khyer nas spyi bor rgyan du byas / dug bum pa gang po dbang phyug gi mgrin par bzhag pas mgrin pa sngon por gyur / bdud rtsi bum pa gang po lha rnams kyis thob pas su ra zhes pa bcud ldan du grags so //

de lha ma yin gyis ma thob pas a su ra zhes grags so //

su ra'i sgra chang la yang 'jug go // de phyin chad lha dang lha ma yin so sor gyes so //

tshigs bzangs ni yan lag gi lhu tshigs rnams 'jam zhing gnyen pa'o //

yid bzang ni bsam pa tsam gyis dgos 'dod 'grub pa'o //

gsum rtsen ni skabs gsum gyis gnas na rtse ba'o //

dpal ldan zhes pa dang / mtho ris ni gnas pa zhes kyang bya'o //

mi sbyin skyes ni sngon pha gho ra dang ma kṣhu brtson gnyis la bu mo sbyin pa dang / mi sbyin bya ba gnyis yod pa'i sbyin pa'i bu lha ma yin / mi sbyin gyis drang srong kā shya pa'i chung ma byas pa las lha skyes pas de skad ces bya'o //  [20]

mkhar nyal ni nam mkha' la gnas pa'o //

legs bris ni mgrin pa / lag pa / rkang pa rnams la bkra shis kyi rtags kyi ri mo yod pa'o //

mi sbyin bu ni ma dga' bar byed pa'o //

mi sbyin bu zhes kyang bya'o //

ri yig bu ni ma yi ming las btags pa'o //

mi rmi ni rmi lam med pa'o //

mi 'chi ni 'chi ba gzhan gyis mi tshor ba ste / brgya byin snga phyi skye 'chi byed pa 'khor gyis mi shes par grags so //

bdud rtsi'i zas ni de la longs spyod pa'o //

me'i zhal ni me la sbyin sreg byas pas lha'i zhal du 'gro ba'o //

ngag gi mtshon cha ni smod pa grub pa'o //

ngag gi mda' can dang mchod sbyin za zhes kyang bya'o //

sbyin byed dgra ni lha ma yin gyi ma'i dgra'o //

lha mi dgra zhes kyang bya'o //

tshogs bzang ni nye dbang la sogs pa 'dus pa thams cad mdzes pa'o //

nye dbang sum cu rtsa gnyis ni / de la nyi ma bcu gnyis so //  sna tshogs lha rnams bcu gnyis shes // [21] nor gyi lha rnams brgyad du grags // zhes pa ltar te / brgya byin sum cu rtsa gsum mo //  gtso bo sum cu rtsa gsum yod pas de ltar grags so //

gzhan yang /

dga' ldan de bzhin su cu drug //

'od gsal drug cu rtsa bzhi dang //

rlung zhes bya ba bzhi bcu dgu //

rgyal po chen po zhes bya ba //

de bzhin nyis brgya nyi shu'o //

grub pa zhes bya bcu gnyis grags //

rtag po bcu gcig shes par bya //

'di rnams tshogs kyi lha rnams te //

de la sogs par rang ming ngo //

de la nyi ma bcu gnyis ni 'di lta ste /

dbang po byed po lam pa dang //

char babs bstod byed sngon ming 'phags //

mi gzugs khyab 'jug 'od can dang //

chu bdag bshes gnyen zhes bya'o //

+  nor dang sems dpa' mchog sbyin dang //

gsal dus 'od khyur mig dang ni //

rab brtan dang ni 'phrog byed dang //

skyes bu dang ni g.yon dngos po //  [22]

de rnams sna tshogs lha ru grags //

+ chu dang brten pa zla ba dang //

'dzin byed me dang rlung dang ni //

rnam lang 'od byed ces bya ba //

brgyad po nor gyi lha zhes bya //

+ gshed dang yid rjes khyab 'jug dang //

gshed pra li yig bu dang ni //

de bzhin du ni dka' thub gter //

ngang pa dang ni chos dang grags //

nyin mtshan mnyam byed legs skyes te //

bsgrub pa'i lha rnams bcu gnyis grags //

+ ma skyes rkang gcig 'phel dang bstod //

drag po dang ni brtson 'grus ldan //

'phrog byed de nas bde 'byung dang //

spyan gsum gzhan las rgyal ba dang //

dbang ldan dang ni sa gsum pa //

drag po bcu gcig shes par bya //

'di rnams ni da lta lhar grags pa'i dbang du byas pa'o //  de'i rigs las byung ba ni 'khor du gtogs pa dang lha ma yin //

+ dang po ni /

rig 'dzin chus byung gnod sbyin dang //

bsrung ma dri za mi'am ci //  [23]

sha za grub pas gsang ba pa //

\byung po 'di dag lha las byung // zhes te /

rig 'dzin sngags kyis bsgrubs pa'i mig sman mig la byugs pas srid pa gsum mthong ba ni / mig sman rig pa 'dzin pa yin la / de bzhin du ral gril dang / ril bu dang / sngags kyi rig pa 'dzin pa la sogs pa'o //

rnam grangs ni /

bha ra ta las /

rig pa 'dzin dang 'dod gzugs dang //

mkha' spyod bden dang legs 'tsho'o //  zhes pa'o //

chus byung ni chu skyes te / lha'i smad 'tshong ma ur pa shi la sogs pa'i ming ngo //

gnod sbyin ni lha'i gnod sbyin byed mkhan no //

bsrung ma ni srin po ste langka mgrin bcu la sogs pa'o //

dri za ni lha'i rol mo mkhan te glu mkhan no //

sgra ngan spangs zhes kyang bya'o //

mi'am ci ni gzugs mdzes shing mi'i yul na gnas pa ljon pa rta mgo can la sogs pa'o //  [24]

sha za ni sha rjen za ba lus ngan gyi rigs su gtogs pa'o //

grub pa ni yon tan chung ngu la sogs pa yon tan brgyad dang ldan pa'o //

gsang ba pa ni sbas pa'i gter bsrung ba srin po dang gnod sbyin no //

'byung po ni sha za'i rigs kha 'og tu blta ba dang steng du blta ba la sogs pa'o //

'di dag lha'i rigs las byung ba yin la / da lta lhar mi bgrang ngo //

+ gnyis pa lha ma yin ni /

lha min sbyin byed sbyin skyes dang //

gzhu rgyal dang ni dbang po'i dgra //

khu ba'i slob ma sbyin ma'i bu //

sngon gyi lha dang lha yi dgra //

zhes gsungs te /

lha min ni rgya mtsho bsrub pa las byung ba'i bdud rtsi ma thob pas a su ra zhes pa bcud mi ldan te / de phyin chad lha ma yin du btags so //

sbyin byed ni ma'i ming gis btags so //

sbyin skyes ni ma sbyin byed dang 'gro skyong gser can ma zhes pa las skyes pa'o //

gzhu rgyal ni dbang po'i gzhu las rgyal ba'o //  [25]

dbang po'i dgra ni lha'i dgra byed pa'o //

khu ba'i slob ma ni lha ma yin gyi slob dpon spa ba sangs yin la de'i ming khu ba zhes bya'o //

sbyin ma'i bu zhes kyang bya'o //

sngon gyi lha ni lha ma yin rnams ni dang po ri rab kyi rtser gnas pa las lha rnams kyis 'phrog nas rtsa bar bskrad ces grags so //

lha'i dgra dang / lha la ngan smras brjod pas lha rnams smod / bcud mi ldan zhes kyang bya'o //

lha so so'i ming la / lha'i gtso bo gsum gyi dang po / tshangs pa'i ming ni /

tshangs pa bdag bskyed lha las rgan // 

mes po mchog gnas gser gyi mngal //

rang byung gdong bzhi 'jig rten dbang //

byed po sdang byed chu skyes mngal //

bsgrub byed 'byin byed padma'i bstan //

sna tshogs 'byin byed skyes dgu'i bdag // 

zhes gsungs te /

tshangs pa ni lus khyad par du 'phags shing lus tshad mi shes pa ste / de'i lus kyi tshad khyab 'jug gis yar bltas /  [26] dbang phyug gis mar bltas kyang ma rnyed ces grags so //

bdag bskyed ni las kyis ma bskyed pa'am /  mngon pa las / de blta ba'i gnas su bshad pas / rang byung du rlom pas de skad ces bya'o //

lha las rgan ni 'jig rten chags dus dang po tshangs pa byung / de las gzhan rnams 'phros pa ltar byung bsams shing / lha rnams kyi che shos yin pa'i phyir ro //

mes po ni 'jig rten gyi dbang po'i pha rnams 'dis bskyed par rloms pas so //

mchog gnas ni go 'phang mchog la gnas pas so //

gser gyi mngal ni gser gyi sgo nga las byung ste / dran pa'i gzhung las / khyab 'jug rang byung bcom ldan 'das // skyes dgu sna tshogs bsgrub 'dod pas // der ni chu rnams bskyed byas nas // de las sa bon rab tu 'phangs // gser gyi mdog can rab mdzes pa'i // sgo nga chu las rab byung ste // de las mchod sbyin rab byung ba // [27] tshangs pa rang byung rnam par grags // gser gyi mdog can de nyid la // bcom ldan de ni lo gcig nas // sgo nga dum bu gnyis gyur pas // steng dang 'og tu de nas chags // ces byung ngo //  rang byung zhes kyang bya'o //

gdong bzhi ni tshangs pas thig le mchog ma zhes pa'i bu mo zhig sprul / de las rang nyid chags te bu mo des bskor ba sogs phyogs bzhir song ba la bltas pas gdong bzhi byung / steng phyogs su song ba la bltas pas gdong pa lnga byung / de dbang phyug gis nam mkha' nas mthong nas / chad las la steng gi gdong pa seng ges bcad ces grags / de nas gdong bzhir grags so // 'jig rten dbang phyug dang byed po zhes kyang bya ste / 'jig rten thams cad des sprul par 'dod do //

sdang byed ni 'jig rten bshig ces zer ro //

chu skyes mngal ni khyab 'jug gi lte ba'i padma las skyes pas sam / [28] gser gyi sgo nga'i nang gi gser gyi padma las skyes zhes zer ro //

grub byed dang 'byin byed ni 'jig rten thams cad tshangs pa las byung bar 'dod do //

padma'i stan dang sna tshogs 'byin byed zhes kyang bya ste / rgyu mtshan snga ma ltar ro //

skyes dgu'i bdag po ni skye 'gro kun gyi gtso bo yin pa'o //

gzhan yang tshangs pas bskal pa chags pa'i dus su 'gro gzhan yang bdag gis bskyed par bya'o snyam du bsams pa las lha sogs rim gyis byung bas sna tshogs byed dang / rnam 'byed zhes bya'o //

gzhan yang nyes can dang / rig byed pa dang / rtag tu zhi dang / rig byed gdong dang / gnyis skyes dbang po dang / dbyig gi snying po dang / mi mjed bdag po zhes kyang bya ste / tshangs pa chen po'i ming ngo //

+  lha'i gtso bo gnyis pa khyab 'jug gi ming drug gi dang po dngos ni /

khyab 'jug mi yi theg pa dang //

nag po biṣhṭi rag thos dang //

gtum mo'i bu dang thag gu'i lto //  [29]

dbang po'i dbang phyug skra can gsod //

sbrang rtsi'i bu dang rang las skyes //

sbyin byed dgra bo pad dkar mig //

mkha' lding rgyal mtshan glang rdzir grags //

mi 'jag gos ser rwa gzhu can //

sde can 'gro ba 'joms pa dang //

nye dbang dbang pos brten pa dang //

lag pa bzhi pa 'khor lo'i lag //

padma'i lte ba sbrang rtsi'i dgra //

nor lha'i bu dang rnam gsum gnon //

lha mo dga' byed dpa' bo'i brgyud //

dpal gyi bdag po skyes bu'i mchog //

me tog 'phreng ldan stobs ldan 'joms //

mkhar ba'i dgra dang 'og dbang skyes //

kun skyob 'joms byed shes gsal thugs //

dpal bes mtshan pa rin chen dga' //

zhes pa tshig rkang bcu dgu ste /

khyab 'jug ni 'gro ba mtha' dag la khyab pa'o //

mi'i theg pa ni na ra ya'i sgra don te / ka cog gis sred med kyi bu ru bsgyur ro //

nag po ni kha dog gis btags pa'o //  [30]

biṣhṭa rag thos ni shing a shwa tha'i drung du gnas par thos pas de skad ces bya'o //

gtum mo'i bu ni ma'i ming gis btags pa'o //

thag gu'i lto ni byis pa'i tshe thag gu'i ske rags bcings pa'o zhes zer ro //

dbang po'i dbang phyug ni mig sogs dbang po lnga'i bdag po'o //

skra can gsod ni 'dis lha ma yin skra can bsad ces zer ro //

yang na seng ge bsad pa'o //

sbrang rtsi'i bu ni skyes bu sbrang rtsi'i ming can gyi rigs brgyud yin pas de ltar grags so //

rang las skyes ni 'gro ba rnams rang gis gsod cing rang gis 'don pas de skad ces zer ro //

sbyin byed dgra bo ni lha min sbyin byed des bsad pa'o //

pad dkar mig ni 'dis drag po mchod pa'i ched du padma dkar po stong gis gtor ma'i gzugs byas pa la / drag pos nyams sad pa'i phyir du pad dkar gcig sbas pa na 'dis rang gi mig phyung ste pad dkar gyi tshab tu gtor ma la bzhag go //  [31]

de nas drag pos sbas pa'i pad dkar mig gi tshab tu bcug ste byin gyis rlabs pas de ltar grags so //

mkha' lding rgyal mtshan ni bya khyung gi rgyal mtshan 'chang ba'o //

glang rdzi ni ba glang skyong ba'i rigs su gyur pa na / char chen po bab dus ba glang rnams ri bo btegs nas de'i 'og tu bsrung ngo //

de nas bram ze rnams kyis ba glang skyong ba'i dpon du bskos so //

mi 'jags pa ni go 'phang las mi nyams pa'o //

gos ser can ni gos kyi ming du btags pa'o //

rwa gzhu can ni phyag mtshan gyi ming du btags pa'o //

sde can ni 'gro ba mtha' dag 'dis byas par 'dod pa ste sna tshogs sde zhes kyang bya'o //

'gro ba 'joms pa ni lha ma yin 'gro ba zhes pa 'dis bsad pa'o //

yang na bskal pa 'jig dus 'jig rten 'dis 'jig par byed par 'dod do //

nye dbang ni brgya byin gyi 'khor gyi gtso bo gcig pa'o //

dbang pos brten pa ni des lha ma yin rnams bsad pa ste / [32] dbang po gzhan skyes so zhes kyang grags so //

lag pa bzhi pa zhes kyang bya'o //

'khor lo'i lag ni phyag g.yas dang po na 'khor lo yod pa'o //

padma'i lte ba ni 'di'i lte ba padma'i rnam pa can no //

sbrang rtsi'i dgra ni lha ma yin sbrang rtsi 'dis bsad pa'o //

nor lha'i bu ni pha'i ming gis btags pa'o //

gom gsum gnon ni lha ma yin stobs ldan la / khyab 'jug gis mi'u thung du sprul nas sbyin sreg byed pas sa gzhi gom pa gang blang zhes smras pas / des gsum yang byed zer ba la lus cher bskyed de ri rab kyi rtse dang / rgya mtsho'i mthil la rkang pa gnyis bzhag nas gom pa gang 'di yin /  da gang nas ster zhes smras pas / stobs ldan khum ste mgor rkang pa bzhag go //  de nas stobs ldan sa 'og tu bros te / des de nas bsad ces grag go //  de'i phyir gom gsum gnon zhes kyang grag go //  [33]

lha ma dga' byed ni ma dga' bar byed pa'o //

dpa' bo'i brgyud ni mes po dpa' bo zhes bya'i rigs brgyud do //

dpal gyi bdag po ni rgya mtsho nas byung ba'i lha mo dpal gyi bdag po byed pa'o //

skyes bu mchog ni skyes bu'i mchog yin zhes rang gis khas blangs zhes grags so //

me tog 'phreng ldan zhes kyang bya'o //

yang ba na'i sgra nags la'ang 'jug /  ka ra'i me tog la'ang 'jug go //

stobs ldan 'joms ni sngar bshad zin to //

mkhar ba'i dgra ni lha ma yin gyi zhang po mkhar ba zhes pa rkang pa gnyis nas 'then skas nas bsad ces zer ro //

'og dbang skyes ni tshangs pa sgo nga las skyes / dbang phyug rang las skyes / khyab 'jug mngal nas skyes zhes grags so //

pha'i ming gis btags zhes kyang zer ro //

kun skyob ni 'gro ba thams cad la khyab pas de kun 'gengs dang / gnas thabs cad du khyab pas 'dug gnas lha zhes kyang bya'o //  [34]

'joms byed ni lha ma yin ke ṭa 'dis bsad pas lha min 'joms byed du grags / lha ma yin brag la sdeb cing bsad pas bsdebs byed zhes kyang bya'o //

shes gsal thugs ni shes bya sna tshogs shes pa'o //

dpal bes mtshan ni 'di'i snying kha na dpal gyi be'u'i spu yod pa'o //  [dpal be'u]

rin chen dga' dang nor sbyin dga' zhes kyang bya'o //

gzhan yang sred med kyi bu dang / srin bu'i dgra dang / sbrang rtsir byed pa dang / go binda zhes kyang bya'o //

khyab 'jug gi pha'i ming nor lha dang / a na ka'i rnga can zhes bya ste / rol mo'i bzo phul du byung ba zhes pa'o //

ma'i ming snar ma dang / lha mo dang / rol mo zhes kyang bya'o //

+ gnyis pa khyab 'jug gi phu bo'i ming ni /

stobs bzang dang ni rab 'phyangs gsod //

stobs lhag mi 'jag sngon skyes dang //

nam gru dga' byed dga' byed dang //

'dod skyod gshol mtshon gos sngon can //

snar ma'i bu dang ta la'i mtshan //

legs 'gugs thor ldan gtun shing can // [35]

dus ldan 'joms dang lag na gshol //

stobs ldan zhes pa de yi spun //

zhes gsungs te /

khyab 'jug de'i spun stobs bzang ni stobs phul du byung ba'o //

rab 'phyang gsod ni lha ma yin rab 'phyang gsod pa'o //

stobs lha ni stobs phul du byung ba yod la lha yang yin pa'o //

mi 'jag sngon skyes zhes pa mi 'jag pa ni khyab 'jug yin la / de'i sngon la skyes pa'o //

nam gru dga' byed ni gza' zla ba dang skar ma nam gru 'dzoms pa'i dus su skyes pas / nam gru zhes pa chung ma'i ming yin la / de dga' bar byed pa'o //

dga' byed zhes kyang bya'o //

'dod skyod ni sgeg pa la sogs pas 'dod pas rgyas par byed pa'o //

gshol mtshon ni lag na thong gshol 'dzin pa'o //

gos sngon can ni gos kyi ming gis btags pa'o //

snar ma'i bu ni ma'i ming gis btags pa'o //

ta las mtshan ni de'i lag na yod pas te / ta la dang gtun shing dang / [36] gshol mda' 'di'i phyag mtshan no //

legs 'gugs ni gzhan gyi yid 'gugs pa'am dgra bo nas gsod pa'o //

thor ldan ni chu thig 'dzin pa'o //

gtun shing can zhes kyang bya'o //

dus ldan 'joms ni lho phyogs su chu bo ya mu na'i ngos na shing ka li ta zhes pa la gnas pa'i klu ka lin di zhes pa thong gshol gyis bsad ces grags so //

lag na thong gshol 'dzin dang / stobs ldan zhes kyang bya'o //

+ gsum pa khyab 'jug gi bu'i ming ni / myos byed yid srub gsod byed dang //

rang stobs dang ni nya yi tog //

tshangs 'joms lus med stobs ldan snyems //

dran pa 'dod pa mda' lnga pa //

sdom pa'i dgra dang yid las skyes //

gzhan las skye med me tog mda' //

dga' ma'i bdag po me tog gzhu //

chu srin rgyal mtshan bdag las byung //

zhes gsungs te /

myos byed ni 'dod pas myos par byed pa'o // [37]

yid srub ni sems dbyer bar byed pa'o //

gsod byed ni chags pa'i dbang gis 'chi bar byed pa'o //

rab stobs ni kun gyis bzlog par dka' ba'o //

nya'i tog ni nya dang chu srin gyi rgyal mtshan can te /  tog ces pa rgyal mtshan gyi rnam grangs so //

tshangs 'joms ni lha tshags pa yang rang gis sprul pa'i bu mo la chags pa sngar bshad do //

lus med ni kun gyis lha dbang phyug chen po ri bo ti se la gau ris mchod cing dka' thub la gnas pa na / lha rnams the tshom du gyur te / gau ri dang lhan cig byed pa ben nam zer nas der 'dod lha ltar gtang ba dang / 'dod lhas mda' lnga 'phangs te dang po dang gnyis pas rtog pa tsam yang ma byung / gsum pa dang bzhi pas 'dod pa'i rtog pa skyes / lnga pa phogs pas / gau ri dang lhan cig gnas te dka' thub zhig go //

skad cig phyi ma la 'gyod pa skyes nas ci nyes snyam du bsam pas / [38] 'dod lhas nyes par shes nas mig gsum nas me phyung ste 'dod lha bsregs so //

de nas lus med pa'i sems can du byas zhes grags so //

stobs ldan ni sngar bzhin no //

snyems ni thams cad 'dod pa la dga' ba'o //

dran pa ni rang gi yid la dran pas skyes pa'o //

'dod pa ni chags pa'i ming ngo //

mda' lnga pa ni lag na me tog gi mda' yod pa ste / myos byed / reg byed / rmongs byed / skam byed / 'chi byed ces pa'i mda' rnams so //

sdom pa'i dgra ni sdom pa'i mi mthun phyogs su gyur pa'o //

yid las skyes ni ma bslab par pho mo sbyor ba sogs rang gi yid las byung bas so //

de phyir gzhan las skye med ces kyang bya'o //

me tog mda' ni mda' lnga po des lus la rma med par snying 'bugs pa'am / mda' me tog gi mde'u can gyi dbyigs su yod pa'o //

dga' ma'i bdag po ni chung ma'i ming gis btags pa'o //

des na dga' rab dbang phyug ces kyang bya'o //  [39]

me tog gzhu can ni 'dod pa'i mda' lnga 'phen pa'o //

chu srin rgyal mtshan dang / bdag las byung ba dang / tshangs spyod spangs zhes kyang bya'o //

de'i zhar la 'dod pa'i bu'i ming ni / sna tshogs tog ldan tshangs pas skyes //

nyag phran bdag po ma 'gags pa //

zhes gsungs te /

sna tshogs tog ni khams gsum thams cad 'od kyis khyab pas te / 'gro ba'i tog ces kyang bya'o //

tshangs pa las skyes zhes kyang bya'o //

nyag phran bdag po ni lha ma yin mda' zhes pa'i bu mo u ṣha zhes pa 'di'i chung ma yin la / de'i bdag po ni 'dod lha'i bu'o //  ma 'gags pa zhes kyang bya'o //

+ bzhi pakhyab 'jug gi chung ma'i ming ni /

mtshon byed padma'i gzhal med khang //

padma can dang ka ma la //

dpal dang 'phrog byed dga' ba 'dul //

dbyangs bdag lnga skyes 'khor lo dang //  [40]

legs mthong zhes pa'i bar rnams te /

mtshon byed ni lakṣhma'i sgra dpal dang mtshon byed la 'jug pa'o //

padma'i gzhal med khang ni padma la gnas pa'o //

padma'i gnas can zhes kyang bya'o //

padma can ni lag na padma 'dzin pa'o //

ka ma la can ni sa kyang bya'o //

ka ma ni chu'i rgyan te padma'i ming ngo //

dpal dang dpal mo zhes pa'o //

'phrog byed ces pa a ma ra ko ṣhar 'phrog byed yum zhes kyang 'byung ste /  bdag po'i ming gis btags pa'o //

'di yum gyis 'chad do //  dga' ba dul zhes kyang bya'o //

dbyangs bdag dang lnga skyes ni lha ma yin lnga skyes zhes bya ba nya ti ma'i gzugs kyis nub phyogs kyi rgya mtsho na gnas la / de'i rus pa las skyes pa'o //

yang na a ma ra ko ṣhar 'phrog byed dga' zhes 'byung gi dul gyi skad dod mi snang ngo //

dbyangs la'ang skad dod med cing / dpal bdag lnga skyes 'byung ste / pha ming la bu mo'i bdag por grags pa ltar ro //  [41]

lha ma yin de'ang mdung dang / 'khor lo dang / be con dang / ral gri dang / nor bu dang lnga'i rjes la skyes pas de skad ces bya'o //

'khor lo ni de lnga mtshon pa'i tshig go //

legs mthong ni dad pa can gyis mthong ba'o //

+ lnga pa khyab 'jug gi phyag mtshan ni /

sa mos be con dang //

ral gri dga' byed sa rengs dang //

nor bu zhes kyang grags pa yin //

zhes gsungs te /

khyab 'jug gi be con ni dbyug pa ste / de'i ming sa mos zhes bya ste / sa'i nang du zhugs pas sa dga' bar byed ces grags so //

khyab 'jug gi ral gri ni dga' byed ces bya'o //

sa rengs ni sa rnams brtan par byed pa ste ka ba'i ming ngo //  nor bu'ang phyag mtshan no //

yang na khyab 'jug gi snying kha na nor bu yod pas nor bu can zhes kyang grags pa yin no //  de rnams khyab 'jug gi rtags so //

+ drug pa khyab 'jug gi rta ni / [42]

'dab ldan dug 'joms skar mig bu //

rnam 'dul la skyes klu mthar byed //

mkha' 'gro'i dbang phyug 'dab bzang dang //

khyab 'jug shing rta ltos 'gro za //

zhes gsungs te //

'dab ldan ni gshog pa dang ldan pa'o //

dug 'joms ni dug can gyi sbrul za ba'o //

skar mig bu ni pha'i ming gis btags pa'o //

rnam 'dul sa skyes ni 'dul byed ma dang bkra shis ma zhes pa gnyis kyis rgyal po zhig gi chung ma byas pa na / lan gcig gi tshe de gnyis kyis nyi ma'i rta mthong nas / 'dul byed mas dkar po 'dug ces smras te / bkra shis mas nag po 'dug ces smras te //  de gnyis kyis rgyal byas nas gang bden pas rgyal po'i btsun mo byed / mi bden pas g.yog mo byed par byas so //

de nas bkra shis mas klu gcig yod pa'i sa la bsnyen bkur byas te khyod kyis nyi ma'i rta nag por 'dug gyis shig /  de ltar ma byas na kho mo g.yog mo byed dgos pa yod do //  zhes smras pas khas blangs so //  [43]

de nas 'di gnyis kyis klu la drir phyin pas / des nag por mthong zhes smras so //  de nas 'dul byed mas g.yog byas te sdug bsngal bar gyur pa na / drang srong skar mig gis sgo nga gsum byin te 'dis khyod la phan par 'gyur gyis zhag bdun ma brtol cig zer ro //

mo rings te nyi ma gsum pa na gcig brtol bas glog tu gyur te nam mkha' la song / drug pa na gcig brtol bas skar ma skya rengs su song / bdun pa na gcig brtol bas bya khyung du song ste / ma la phyag byas nas khyod kyi bya ba gang dgos bdag gis bya'o zhes zer ro //

mas klus nyes pas klu rnams med par gyis shig ces smras so //

de nas klu rnams bya khyung gis za bar byed pa'o //

des na drang srong dkar mig gi bu dang / klu mthar byed dang / mkha' 'gro'i dbang phyug ces kyang bya'o //

'dab bzang ni gshog pa mchog yod pa'o //

su warṇa'i sgra gser mdog la'ang 'jug go //

khyab 'jug gi shing rta ni [44] bya tri ti ri'i sgo nga rgya mtsho'i 'gram na yod pa chu rlabs kyis mtsho nang du song ngo //

bya des rgya mtsho zad par 'dod pas gshog pa chur bcug gin ston pas / drang srong gcig na re / dud 'gro mthu chung zhes zer ro //

de bya chung de na yod pas thos te khros nas gshog pa gcig rgya mtsho la bkag nas / gcig nam mkha' la 'phyar bas klu rnams skrag te / phyag 'tsha sgo nga yang de ma thag gtad do //

de nas lha rnams kyang shin tu skrag par gyur pa na / khyab 'jug gis drang srong shin tu rid pa gcig tu sprul nas de'i drung du phyin pas / de yang brtse ba skyes so //

drang srong des bdag gi bya ba don chen po gcig yod pa la lus kyis mi lcogs pas / de khyod kyis sgrubs shig ces smras so //

des kyang khas blangs te / de'i tshe mda' la bcug nas 'gyur ba med par byas so //

de nas khyod kyis bdag lha'i yul du khur cig smras te khyab par zhon par gyur to //

ltos 'gro za ni sbrul za ba'o //  [45]

de rnams khyab 'jug 'khor dang bcas pa'o //

lha'i gtso bo gsum pa ni / dbang phyug chen po ste / de la dbang phyug chen po ni //

gangs ri ti se la gnas pa //

u ma'i bdag po yin la /

dbang phyug chung ba ni / byang shar mtshans na gnas pa dbang ldan yin no //

de bzhin du tshags pa che ba ni / stong gsum gyi stong chen po'i bdag po yin la /

tshangs pa chung ba ni / stong spyi phud kyi bdag po'am stong gcig gi bdag po yin no //

brgya byin yang che ba ni / sum cu rtsa gsum gyi bdag po yin la / 

chung ba ni / shar gyi phyogs skyong yin no //

de lta na yang 'dir so sor ma phye bar bstan to //

+ gnyis pa phyogs kyi bdag po lha ma yin gyi ming la steng gi phyogs bdag tshangs pa bshad zin la / 'og gi phyogs bdag 'og tu 'chad do //

'dir phyogs mtshams brgyad kyi bdag po 'chad la /  [46]  de'ang byang shar nas rim pa bzhin du bshad do //

'di la dbang phyug de'i 'khor / de'i btsun mo / de'i bu gnyis rnams so //

+ dang po dbang phyug gi ming ni /

bde 'byung dbang phyug phyugs bdag dang //

mchog dga' dang ni mdung thogs dang //

dbang phyug dbang phyug chen po dang //

mthar gsod dbang ldan bde byed dang //

gtsug na zla ba 'byung po'i dbang //

dgra rta'i dum bu gangs ri'i bdag //

ri yi bdag po sim byed dang //

lpags pa'i gos can 'chi las rgyal //

'joms byed bdag po drag shul can //

dpal mgrin mgul nag ral pa can //

thod pa 'chang bdag g.yon phyogs lha //

mig mi bzang dang lha chen po //

ri yi khu ba mig gsum pa //

kun mkhyen ral pa'i khur po can //

gsum po dran pa 'phrog byed dang //

'jigs byed gsum lha gangga 'dzin //

grong gsum mthar byed long ba'i dgra //

mchod sbyin 'joms byed nam mkha'i skra // [47]

khyu mchog rgyal mtshan srid pa 'jigs //

rta gnas drag po u ma'i bdag //

gzhan las dran dgra rtse gsum can //

mgrin sngon la sogs grags pa yod //

ral pa bcings pa ka ra dha //

zhes gsungs te /

bde 'byung ni mchog tu dga' ba'i gzugs yod pa'o //

dbang phyug ni gong na rgyal po gzhan med pa'o //

phyugs bdag ni 'joms byed la sogs pa'i 'khor rnams kyi bdag po ste / phyugs thag pa btags pa dang 'dra zhes zer ro //

mchog dga' ni lingka khyad par can dang ldan pa'o //

de'i phyir zhi ba zhes kyang grags so //

mdung thogs ni mtshon cha'i ming gis btags pa'o //

dbang phyug dang dbang phyug chen po ni gong bzhin no //

mthar gsod ni / bskal gsod ni bskal pa 'jigs pa'i dus na des thams cad 'jigs par byed par grags so //

dbang ldan ni byang shar gyi phyogs skyong gi ming ngo //

bde byed ni dpal chen pos dga' ba'o //  [48]

gtsug na zla ba ni rgya mtsho bsrubs pa las byung ba'i dbu rgyan can no //

'byung po'i dbang po ni 'joms byed la sogs pa'i 'byung po rnams kyi bdag po'o //

dgra sta'i dum bu ni g.yul gyi dus su dbang phyug gi dgra sta chag zer grags so //

gangs ri'i bdag po ni gnas kyi ming gis btags pa'o //

ri'i bdag po ni rang gi 'khor 'joms byed la sogs pa'i ri bo gangs ldan gyi 'khor du ri'i gzugs su sprul pa'i bdag po'o //

sim byed ni thams cad dga' bar byed pa'o //

lpags pa'i gos can ni gzig pags gyon pa'o //

'chi las rgyal ni drang srong dkar po la 'chi rtags byung dus dbang phyug gi gzhung 'chi las rgyal bklags pas 'chi rtags las rgyal lo zhes grags so //

'joms byed bdag po ni 'khor gyi ming gis btags pa'o //

drag shul can ni nga las che ba su yang med snyam du bsam pa'o //

dpal mgrin ni rgya mtsho bsrubs pa las byung ba'i dug bum pa gang po gzhan du bzhag na sems can la gnod cing lto bar song na lto ba 'tshig pas / des mgrin par bzhag go //  [49]  de nas bai ḍūrya'i mdog lta bu'i mgrin pa shin tu legs par gyur to //  de'i phyir mgul nag ces kyang bya'o //

ral pa can zhes kyang bya'o //

thod pa 'chang ba ni thod pa'i phreng ba yod pa'o //

g.yon phyogs lha ni 'jig rten pa zur gyis blta bas mdzes pa bzhin du 'jig rten pa dang mi mthun bsam bzhin du mdzes pa'o //

mig mi bzang ni mig g.yas nyi ma g.yon zla ba / dbus me'i mig tu yod pas mig mi mthun nam / sna tshogs mig zhes pa'i don no //

lha chen po ni lha thams cad kyis mchod pa'o //

ri yi khu ba ni skad dod mi snang la / a ma ra ko ṣhar me'i khu ba zhes byung ste 'og tu 'chad do //

mig gsum pa dang / kun mkhyen dang / ral pa'i khur po can zhes kyang bya ste / 'di skra chen po yod pa'o //  [50]

gsum po ni bde sdug myong ba'am / khams gsum za ba por rlom pa'o //

dran pa 'phrog byed ni dran pa 'joms byed de / dran pa ni 'dod lha yin la de mig nas me phyung nas bsregs pa'o //  yang 'phrog byed 'jigs byed ces bya ste / mthar gsod kyi skabs su bshad pa ltar ro //

gsum lha zhes pa skad dod rgyu mtshan mi snang ngo //

ganggā 'dzin ni bskal pa 'jig pa'i mes bsreg pa'i dus su lha mo ganggā 'dis nam mkha' la ral pa rkyang nas ral pa'i gseb tu bzung bar grags so //

grong gsum mthar byed ni nam mkha' la lha ma yin gyi grong gsum brtsegs byung ste sems can la gnod par byed pa na 'dis mda' bsnun te mda'i mes bsreg go //

long ba'i dgra ni lha ma yin long ba zhes pa 'dis bsad pas so //

mchod sbyin 'joms ni lha mo u ma'i pha drang srong gsal ba zhes pas mchod sbyin la lha thams cad gdan drangs /  dbang phyug gcer bur gnas pas [51] ngo tsha snyam ste ma bos so //  der dbang phyug khros te de bsad ces grags so //

nam mkha'i skra can ni skra gnam la brkyang pa'o //

khyu mchog rgyal mtshan ni ba glang gi rgyal mtshan 'dzin pa'o //

srid pa ni rdul gyi yon tan rdzogs pas khams thams cad de las byung ba'o //

'jigs byed ni 'jigs byed chen po'i gzugs su yod pa'o //

rtag gnas ni 'jig rten 'jig pa'i tshe mi 'jigs pa'am / a ma ra ko ṣhar gnas byed ces 'byung ste / bskal pa gnas pa'i yang byed pa por 'dod do //

drag po ni drag shul can dang 'dra ba'o //

u ma'i bdag po ni btsun mo'i ming gis btags pa'o //

gzhung gzhan las dran pa'i dgra dang / rtse gsum can dang / mgrin sngon zhes pa la sogs par grags pa'ang yod do //

tshangs pa'i sbyin sregs byas na me'i nang du dpral ba nas rngul lhung pas me sngon dmar du song ba las dbang phyug skyes pas sngon dmar can zhes kyang bya //  [52]

de'i phyir tshangs pas skye ba len du bcug go snyam nas dbang phyug gis ngus pas ngu zhes kyang grags so //

ral pa bcing ba'i ming ka ra dha zhes bya'o //

a ma ra ko ṣhar ka pa dī zhes 'byung ste / de'i don dag byed chu bsag zhes pa ste / skra ganggās gang ba'o //

ral pa bcings pa ni ral pa la mdud pa byasn pa'o // rtsa ba'i sgra ji bzhin a ma ra ko ṣha'i don du mi snang ngo //

dbang phyug gzhu'i ming ni skye med khyab byedd ces pa dang / sgra ldan gzhu zhes 'byung ngo //

de'ang lha ma yin gyi grong khyer gsum brtsegs la mda' 'phangs pas mes bsreg pa'i du bas lha'i gnas khyab pas skyo med khyab pa'o //

+ gnyis pa dbang phyug gi 'khor gyi ming ni /

de'i 'khor ni 'joms byed do // zhes gsungs te /

dgra 'joms par byed pas 'joms byed ni 'khor rnams te [53] 'khor gyi gtso bo gsum ni dga' byed dbang phyug dang / nag po chen po dang / 'khor gzhan ni 'bring gi ri ti'o //

'byung po bye ba dpag tu med pa yod do // ma mo'i 'khor ni lha ma yin ru ru dang / dbang phyug 'thab pa dang / dbang phyug gis rngul sa la lhung bas ma ma'i bdun du gyur te tshangs ma dang / khyab 'jug ma dang / dbang po dang / phag mo dang / lus ngan mo dang / drag mo dang / gzhon nu ma rnams so //

de re re la yang 'khor dpag tu med pa yod do //

dbang phyug gi yon ta ni / a ma ra ko ṣhar / chung ngu la sogs yon tan brgyad // ces 'byung ste / chung ba'o //  phra ba dang / yang ba dang / go 'phang che ba dang / 'dod dgur byed pa dang / mchod par 'os pa dang / bya ba la dbang ba dang / las la mi dbang ba dang / 'dod pa sbyin par byed pa'o //  [54] 

+ gsum pa dbang phyug gi btsun mo'i ming ni / 

u ma ka ta'i bu mo dang //

dkar mo nag mo gser ldan ma //

dbang ldan zhi ma srid pa ma //

drag mo gsod ma la mo med //

kun la bkra shis ri khrod ma //

gtum mo sim byed ljongs na gnas //

kun gyi ma rnams btsun mo'i ming //

zhes gsungs te //

u ma ni 'dis dbang phyug gi dka' thub la ma rangs pa'i tshig u zhes brjod pas u mar grags so //

ka ta'i bu mo ni pha drang srong ka ta zhes pa'i bu mo'o //

dkar mo ni gau ri'i don no //

yang dbang phyug dka' thub la 'jug pa na ser skya ma khyod rang lhan cig tu mi sdod zer bar byas pa na des zla ra ba la phyogs bzhi nas me bzhi dang / steng nas nyi mas brdungs pa na dbang phyug 'ongs te sa 'og nas ganggā ston nas me zhi bar byas so //  der kha dog nag mor song / de slar yang khros te rngul spyod pas kha dog ser por song / [55]  de'i phyir nag mo ser skya ma zhes bya'o //

gser ldan ma zhes pa rgya dpe la mi snang zhing / gangs ldan bu mo zhes 'byung ste / ti se'i lha'i bu mo yin pa'o //

dbang mo dang / zhi ma dang / srid pa ma dang / drag mo dang / gsod ma zhes pa rnams ni bdag po'i ming tu btags pa'o //

lo ma med pa ni dka' thub kyi tshe lo ma skam po yang ma za zhing mi reg pa'o //

kun la bkra shis ma ni bkra shis re ba'o //

ri khrod ma zhes kyang bya'o //

yang na a ma ra ko ṣhar ri skyes zhes 'byung ste / ri'i bu mo'o //

gtum mo ni khengs pa che ba'o //

sim byed ma zhes kyang bya'o //

ljongs na gnas ni sgrod dka' ba'i ri la gnas pa'o //

kun gyi ma zhes kyang bya'o //

yang na dka' thub bzlog pas dka' bzlog ma zhes grags so //

de rnams btsun mo'i ming ngo //  [56]

+ bzhi pa de'i bu gnyis las che ba tshogs bdag gi ming ni / 

log 'dren bgegs kyi rgyal po dang //

tshogs kyi bdag po ma gnyis pa //

he raṃ pa dang lto 'phyangs pa //

mche ba gcig pa glang po'i gdong //

zhes gsungs te /

log 'dren ni dbang phyug la chung ma gnyis te / u ma dang ganggā'o //

ganggā la bu gcig te / u mas ltar phyin nas bu ston ces smras nas /  bi na ya ka'i sgra las drangs pa'o //

bgegs kyi rgyal po ni bgegs kyi gtso bo'o //

de'i phyir log 'dren zhes kyang bya'o //

tshogs kyi bdag po ni gtum po la sogs pa'i 'khor gyi gtso bo'o //

ma gnyis pa ni dbang phyug la chung ma gnyis te u ma dang ganggā'o //

ganggā la bu gcig skyes te / u mas bu ltar phyin nas bu ston ces smras pas / bu la mgo med zer te ston du mi 'dod pa na u ma khros te mgo med par gyur cig ces smras pas de ltar gyur te / [57] slar u ma la zhus pas mgo byang du bstan pa'i ro gang brnyed kyi mgo chod las byor cig zer des gzhan ma rnyed nas glang po che'i ro gcig dang 'phrad nas de'i mgo bcad nas sbyar bas glang po'i mgor song /  de nas u mas gsos zhes grags so //

yuang dutka dang tsa mun ṭaa gnyis ma yin zhes kyang bya'o //

he raṃ pa ni ha la gnas zhes pas ston te / ha ni dbang phyug yin la de'i drung na gnas pa'o //

lto ba 'phyang ba ni gsus pa che ba'o //

mche ba gcig pa ni u ma'i bu smin drug dang brtse bas smin drug gis mche ba la 'phyangs nas mche ba g.yas chag go //

der khros nas brdeg par gzas pas smin drug ma'i drung du bros so //

der snyegs pas ma na re / bu chung la bsam pa med pas de ltar ma byed zer /

'o na cher song nas gsod cig byas pas khyod kyi pus mo la ma sleb kyi bar du ma gsod zer ro //  [58]  khas blangs so

//  de nas smin drug rtag tu gzhon nur gnas so //  glang po'i gdong zhes kyang bya'o //

bu gnyis pa smin drug gi ming ni / sde chen dang ni smin drug bu //

'dam bu'i tshal skyes gdong drug pa //

ri khrod ma dga' du mo dang //

sde dpon dang ni mang po skyes //

sgrol byed 'dul ba sa ga skyes //

gtsug phud can zhes ma drug pa //

gdung thogs gzhon nu khrung khrung 'joms //

zhes gsungs te /

sde chen ni dmag dpung dang ldan pa'o //

smin drug bu dang / 'dam bu'i tshal skyes ni ma'i ming gis btags pa'o //

gdong pa drug ni ma drug la blta ba'i phyir du sprul pa'o //

ri khrod ma dga' ni u ma dga' bar byed pa'o //

ngu mo ni lha ma yin mthong ba na ngus par bshad do //

yang na ka na'i sgra skem byed du bshad do //

lha ma yin gyi stobs skem pa'o //

sde dpon ni lha'i dmag dpon no //  [59]

mang po skyes dang / me skyes zhes kyang 'byung ste / lha chen po dang u ma snyoms 'jug byas dus me lha na re / sa bon u ma'i mngal du song na bu shin tu thub dka' 'gyur bas ma btang zer / sa lo 'pho ba dang u mas khyod kyi mngal du song bar gyur cig ces brjod pa dang / me lha'i mngal du song bas de sdug bsngal bar gyur pas lha mo gang gi drung du phyin nas skyugs te de'i mngal du bcol lo //  des smyug ma'i tshal du phyin nas skyes pas smyug ma'i tshal du phyin skyes zhes grags so //

de nas dbang phyug la me'i sa bon can zhes kyang bya'o //

de nas skar ma smin drug gis nu ma bsnun nas gsos so //

sgrol byed 'dul ba ni lha ma yin sgrol byed 'dul ba'o //

sa ga skyes ni skar ma sa ga dang zla ba lhan cig pa'i dus su skyes pa'o //

gtsug phud can ni rma bya la zhon pa'o //  [60]

ma drug pa zhes kyang bya'o //

mdung thogs ni mdung thung 'dzin pa'o //

a ma ra ko ṣhar / shaktri 'dzin pa'o zhes 'byung ste / shaktri ni phur pa'i dbal lta bu la rma bya'i mjug sgro'i chun pos mtshan pa ste / sgro mdung dang / 'phang mdung dang / mdung thung zhes kyang bya'o //

gzhon nu ni lo bcu drug pa'i cha byed 'dzin pa ste / tshangs pas byis pa'i rang bzhin du byin gyis rlabs zer zhing / phu bo'i chad pa bzlog pa'i ched yin te / sngon rabs las /

de ni lha yi bur gyur te //

stobs chen sbyor ba dag dang ldan //

byis pa bzhin du rtag tu mdzes //

zhes dang /

bcu drug lon dang ldan pa la //

'dir ni gzhon nu zhes bshad do //  zhes so //

khrung khrung 'joms ni rang gi zhang po lha ma yin khrung khrung ces pa 'dis bsad ces grags so //

+ gnyis pa shar gyi phyogs bdag la brgya byin / de'i btsun mo / de'i grong dang / grong khyer / [61] de'i bzhon pa / de'i mtshon cha / de'i btung ba / de'i gnas / de'i ljon shing / de'i bu mo rnams kyi ming ngo //

+ dang po ni /

dbang po dang ni ma ru trā //

maṃ gha la skyes 'od khyab dang //

smin pa 'dul byed bi ḍo dzaḥ

rgan las thos pū nā shrī ra //

su ru hū taḥ grong 'joms dang //

dzi ṣhṇurla ṣha ra ṣha bhaḥ

nus ldan mchod sbyin brgya pa dang //

mtho ris bdag po legs skyob dang //

rigs 'joms dbyig ldan rdo rje can //

gnas bdag char 'bebs sgrib skyong 'joms //

lha yi bdag po stobs kyi dgra //

bde sogs bdag po smug 'joms dang //

'phrog byed rta dang swā rā ṇu //

ngur 'jug dang ni mig stong gsod //

mi nyams bzod dka' gzhan snyems thog //

mig stong kun 'joms sprin la zhon //

mtho ris gnas pa gzhan las ni // [62]

kau shi ka [la] sogs par grags //  zhes gsungs te /

dbang po ni lha'i rgyal po'o //

ma ru trā ni dga' ba dang ldan pa'o //

maṃ gha la skyes ni maṃ gha zhes lha thams cad mchod sbyin gyi ming yin la / brgya byin gyi skye ba snga ma la mchod sbyin de lta bu byas pa las lus 'di skyes pa'o //

'od khyab ni / a ma ra ko ṣhar / khyab stong zhes 'byung ste /  kun la khyab pa'i stobs yod pa'o //

'od kyi skad dod mi snang ngo //

smin pa 'dul byed ni lha ma yin pa 'dis bsad pa'o //

bi ḍo dza zhes pa ni a ma ra ko ṣhar / baṃ gha bā bi to dzā zhes 'byung ste / baṃ gha la skyes zhes pa'i don yin gyis don log par mi snang ngo //

rgan las thos ni brgya byin la drang srong gi 'khor stong yod la / de rnams rigs pas rgan pas de rnams kyi ngag la nyan pa'o //

pū ṇā shrī ra ni shis brjod nyan brjod pa ste / brgya byin la drang srong rnams kyis rgyal bar gyur cig ces shis pa brjod pa'o //  [63]

su ru hū ta mo gang po gsod byed de / lha ma yin gyi rgyal po gang po zhes pa 'dis bsad ces grags so //

grong 'joms ni lha ma yin gyi grong 'joms pa'o //

dziṣhṇur zhes pa ni rgyal byed ces pa ste / gzhan gyis mi thub pa'o //

la ṣha ra ṣha bhaḥ zhes pa ni legs zhes pa ste / rkang lag gi mthil la 'khor lo la sogs pa'i ri mo yod pa'o //

nus ldan zhes kyang bya'o //

mchod sbyin brgya pa ni mu stegs rnams kyis mchod sbyin brgya byas na lha'i dbang po thob ces zer ba thos nas 'dis kyang sngon mchod sbyin brgya byas zhes grags so //

mtho ris bdag po zhes kyang bya'o //

legs skyobs ni rang gi mnga' ris skyongs ba'o //

rigs 'joms ni lha ma yin gyis rigs kyi ming go tra zhes byas te / yang na ri 'joms zhes bya ste / sngon ri rnams 'gro 'dug byed pas skye bo mang po la gnod pa na brgya byin gyis rdo rjes bsnun nas ri'i rkang pa bcad pas 'gro ma shes so //  [64]  mi na [mi na ka] zhes pa'i ri bros nas rgya mtsho na yod ces grags so //

dbyig ldan ni nor dang ldan pa'o //

rdo rje can ni mtshon cha'i ming gis btags pa'o //

gnas bdag ni khang pa rtsig dus sa brgya byin las blang na gter zhing byin gyis brlabs so ces grags so //

char 'bebs ni brgya byin gyi sprin gyi glang pos rgya mtsho brdab nas ches char 'bebs so //

sgrib skyongs 'joms ni lha ma yin 'phel ba 'dis bsad pas 'phel 'joms zhes bya ste / sgrib skyong gi skad dod mi snang ngo //

lha'i bdag po zhes kyang bya'o //

stobs kyi dgra ni lha ma yin stobs ldan dang / rmug byed dang / grol med ces pa 'dis bsad pa'o //

bde sogs bdag po ni btsun mo'i ming gis btags pa'o //

rmug 'joms zhes kyang bya'o //  [65]

'phrog byed rta ni / a ma ra ko ṣhar ha ri ha yaḥ zhes 'byung ste /  ha ri ljang khu la 'jug pas rta ljang can zhes bya ste / 'di'i rta rma bya'i mgrin pa'i mdog can du bshad do //

swā rā ṇu zhes pa ni legs spyod ma zhes pa ste / 'di'i btsun mo dbyangs shin tu snyan pas de'i ming gis mtshon pa ste legs spyod bdag po'o //

ngur 'jug ni lha ma yin gyi ma sbyin byed ces pa la bu skyes pa rnams brgya byin gyis bsad do //

der ma mo dga' nas drang srong 'od srung la zhabs tog byas pas / de na re khyod ci 'dod zer / brgya byin thub pa'i bu gcig 'dod zer bar byas pas / chu thig gcig byin te mngal du gzung ngo //  brgya byin gyis thos nas da lta nyid du med par bya'o zer nas mo'i mngal du zhugs nas dum bu bdun du byas kyang ma shi bar ngus so //

de re re yang bdun bdun du byas so //  [66]  de nas de rnams rlung gi lha bzhi bcu rtsa dgur 'gyur to //  der ma de shin tu ngu'o //

mig stong gsod ni lha ma yin mig sbyin zhes pa 'dis bsad do //

mi nyams bzod dka' ni / a ma ra ko ṣhar / duṣhtsya ba na zhes 'byung ste / de'i don gzod dkas rengs zhes pa yin la / de yang sngon drang srong lus shin tu bzod par dka' ba rgan pa gcig yod pa la / tha skar gyi bu gnyis yod pa'i lha'i sman pa zhes pas drang srong de sros pas shin tu gzhon par gyur te dga' nas ci 'dod ces smras pas / sbyin sreg byag pa'i shing tog cig blang zer / des phyi rol pa rnams brgya byin gyi go 'phang thob par 'dod do //  des ster bar gzas pa dang / brgya byin khros te rdo rje 'phyar bas brgya byin gyi lag pa rengs so //

de'i phyir bzod dkas rengs zhes bya'o //

gzhan snyems theg ni gzhan gyis nga rgyal byes pa 'dis bzod pa'o //  [67] mig stong pa ni drang srong gau ta ma'i chung ma a he lye zhes pa shin tu sdug cing yid du 'ong ba gcig yod pa shing gi khong gseb tu sbas so //

de ma dga' nas phyir ston te / 'di phan chad song cig / 'di phan chad ma 'gro cig zer ro //  drang srong gzhan du song ba'i dus su brgya byin lhan cig tu gnas so //  der drang srong 'ongs pa dang 'doms nas zhugs te mngal du yib bo //  der su 'ong zhes dris pa na mo na re / su yang ma 'ongs zhes zer ro //  der drang srong gis mngon shes kyis rig ste / dmod pa'i mes bsreg par bya'o //  zhes smras pas de 'jigs nas phyir byung ngo //

de nas drang srong na re / khyod lha'i dbang po yin pas gsod par mi bya'o //  lus mo mtshan stong du gyur cig ces brjod pas de ltar song ngo //  slar bzod par zhu bas mig stong du byas so zhes grags so //  [68]

kun 'joms ni dgra thams cad 'joms pa'o //

sprin la zhon ni / a ma ra ko ṣhar / me gha wa hā na zhes 'byung ste / sprin lta bu'i bzhon pa can zhes pa ste / sprin la zhon pa min pa'i rgyu mtshan 'og tu 'byung ngo //  bzhon pa'i ming gis btags pa'o //

mtho ris na gnas pa zhes kyang bya'o //

lung gzhan las ni kau shi ka dang / sum cu rtsa gsum gyi bdag po la sogs par brags so //

+ gnyis pa de'i btsun mo'i ming ni /

de yi btsun mo dbang mo dang //

bden smras mthong las skyes zhes grags //

zhes gsungs te /

brgya byin gyi btsun mo dang / dbang mo zhes pa bdag po'i ming gis btags pa'o //

bden smras ni / a ma ra ko ṣhar / sha rtsi zhes 'byung ste / bde sogs zhes bya'o //

yang na legs brjod ma zhes bya ste /  sgra dbyangs shin tu snyan pa'o //  [69]

mthong las skyes ni / pu lo ma dza zhes 'byung ste / pha lha ma yin gyi drang srong pu lo ma dza zhes pa las skyes pa'o //

gzhan yang 'chi med dbang po zhes sogs grags so //

+ gsum pa lha'i grong dang grong gi khyad par ni /

de'i grong mkhar 'chi med gnas //

khang bzang rnam rgyal 'dun sa ni //

chos bzang nags ni dga' ba'i tshal //

zhes gsungs te /

lha de'i grong mkhar ram grong khyer gyi ming ni 'chi med gnas zhes bya ste / lha'i gnas so //

lta na sdug ces kyang bya'o //

brgya byin gyi khang bzang ni rnam rgyal lam / rnam par rgyal byed dam / ba dan can zhes bya'o //

brgya byin gyi ['dun sa ni chos bzang zhes bya ste / der lha rnams chos sems pa'o //

brgya byin gyi nags ni dga' ba'i tshal zhes bya ste / der lha rnams brtse bar byed pa'o //  [70]

de grong khyer gyi byang na yod la / shar na shing rta sna tshogs ni / lha rnams yo byad sna tshogs kyi rtse'o //

lhur rtsub 'gyur ni / lha rnams zhe sdang skyes nas lha ma yin dang g.yul sprod do //

nub na 'dres 'tshal ni / der pho mo 'dres par byed do //

chos bzang ni byang hsar mtshams na yod par sa'i dngos gzhi las bshad do //

tshal bzhi po de'i phyi rol gyi phyogs na rtse ba'i gnas sa gzhi bzang po bzhi yod do //

bzhi pa de'i bzhon pa'i ming ni /

de yi glang chen mtsho 'byung dang //

sprin gyi glang po sgra sgrogs dang //

sgra 'byin sprin sgrol ma yi khyo //

kha lo pa ni ma ti li //

de'i rta mthor thos zhes pa'i bar te /

brgya byin de'i glang chen ni / rgya mtsho bsrubs pa las byung bas mtsho 'byung ngam / mtsho skyes zhes bya'o //  a ma ra ko ṣhar / e ra wa ti zhes 'byung ste / don sa srung gi bu zhes bya ste / glang po ches srung la bu brgyad yod pa bdun phyogs su gnas shing / [71] che ba 'di yin par grags so //

sprin gyi glang po ni 'dra ba las btags so //

sgra sgrogs ngar sgra 'byin zhes kyang bya'o //

sprin sgrol ma yi khyo ni glang mo'i ming gis btags pa'o //

de rnams sa srung gi ming du yang grags so //

glang po'i kha lo pa'i ming ni ma ta li zhes bya'o //

brgya byin de'i rta'i ming mthor thos zhes bya ste / mtho ris nas sgra sgrogs nyan shes pas shes pa'o //  rtsa ba na nya tshig zur nyams pa'o //

+ lnga pa mtshon cha'i ming ni /

rdo rje lag nyal 'jigs byed dang //

dga' byed dang ni rtse brgya pa //

sgra gcan bde ldan bsgyings 'gro dang //

za byed ces bya nam mkha' la //

'gro ba'i theg pa bi ma nā //

zhes gsungs te /

rdo rje ni gang gis kyang mi gshig pa'o //  [72]

lag nyal ni dbang po'i lag na gnas pa'o //

'jigs byed ni / a ma ra ko ṣhar / bhi du ri zhes 'byung ste / ci la yang thogs pa med par 'bigs pas 'bigs byed do //  dga' byed zhes kyang bya'o //

rtse mo brgya pa ni zur brgya yod pas de 'drar grags so //

sgra gcan ni rdo rje 'bab pa ni thog 'byung ba'o //

bde ldan ni mi 'jigs par gnas pa'o //

bsgyings 'gro ni pra dza ti zhes pa 'gro ldan no //

za byed ces bya ste / dngos po thams cad 'joms pa'o //

gnam lcags zhes kyang grags so //

dbang po'i mtshon cha'i ming ni / nam mkha' la 'gro ba'i theg pa dang ni ma nā zhes pa gzhal med khang ste / 'di gnyis nyi zla rgyu skar sogs kyi khang pa'i ming du snang ngo //

+ drug pa de'i btung ba'i ming ni /

btung bya bdud rtsi btung bde yin //

chu bo dal bab bdud rtsi'i klung //

nam mkha'i gangga lha rings po // [73]

zhes gsungs te /

de rnams kyi btung bya ni bdud rtsi ste / 'chi ba'i sman yin pa'o //

btung bde ni de mthung na lus bsil bar byed pa'o //

yang na de 'thung pas tshe dpag tu med pa'am / 'chi ba med par bya phyir bdud rtsi zhes bya'o //

zhar la lha'i chu bo'i ming ni dal 'bab dang / mtho ris kyi klung dang / nam mkha'i gangga zhes bya'o //

rtsa bar lha rings zhes pa / a ma ra ko ṣhar / swa ra nā dī su ra dīrgha / zhes 'byung ste / lha'i bcud ldan ring po zhes pa ste / rdzing ring zhes pa'i don no //

bdun pa de'i gnas ni /

'tsher byed lhun po gser gyi ri //

rin chen rdul brtsegs lha yi gnas //

zhes gsungs te /

'tsher byed ni phyogs bzhi nas dkar sngo dmar ser ba'i 'od dang ldan pa'o //

lhun po ni skyes bus ma byas par grub pa'o // [74]

gser gyi ri ni gser gyi ri bdun gyi dbus na gnas pas gser ldan ri'o //

rin chen rdul brtsegs ni rin chen du ma las grub pa'o //

lha'i gnas zhes kyang bya'o //

brgyad pa ljon shing gi ming ni /

ljon shing yid smon rgya mtsho skyes //

legs rgyas dang ni dpag bsam shing //

dbang po sim byed rnam pa lnga //

zhes 'byung ste /

lha'i ljon shing gi ming ni yid smon te /  ta ra bho zhes pa yongs 'du'o //

manda ra zhes kyang bya'o //

rgya mtshor skyes ni rtsa ba rgya mtshor zug pa'o //

legs rgyas ni spos ngad kyis khyab par byed pa ste / legs khyab ces 'byung ngo //

dpag bsam shing ni bsam pa'i don kun 'byung ste / yid smon kyang yin no //

dbang po sim byed ni /

a ma ra ko ṣhar / ha ri tsandan nags zhes pa'i ha ri ni 'phrog byed / tsandan ni sim byed te dbang po bde bar byed pa ste / [75] 'di las dgos pa thams cad 'byung zhing / ri rab kyi byang shar na yod do //

des na yongs 'du'i shing ni ha ri tsandan gyi rang bzhin no //

rnam pa lnga la skad dod mi snang ngo //

dgu pa lha'i bu mo'i ming ni /

kun 'gyed gzhon nu rnam 'byed bu //

swarbi rgya dang rgod ma'i bu //

mi bden med dang tha skar skyes //

nad sel zhes bya lha mo rnams //

chus byung sarbe shya utba shi la sogs /

zhes gsungs te /

kun 'gyed gzhon nu ni kun 'byed tshangs pa yin la de'i bu yin pas kun 'gyed gzhon nu'o //

rnam 'byed bu ni rnam 'byed pa tshangs pa ste /  des na ming 'di gnyis pha yi ming gis btags pa'o //

swarba rgya ni swa ra zhes pa mtho ris yin la / rbi rgya ni sman pa ste / mtho ris kyi sman pa zhes pa'o //  [76]

rgod ma'i bu ni ma da'i bu zhes pa ste / ngon nyi ma'i chung ma gcig yod / nyi ma'i drung du phyin pas de'i 'od zer ma bzod nas yid chad de rta'i gzugs su byas nas byang gi sgra mi snyan du phyin nas dka' thub byed cing gnas so //  nyi ma de'i drung du 'gro 'dod nas rta'i gzugs su byas te chung ma'i drung du song / der bzhon par gzas pa na mo'i bsam pa la skyes bu gzhan byung ngo snyam nas gdong phyir log pa dang sna'i bu ga gnyis su sa bon song ngo //  de las bu gnyis skyes pas gnyis ka la sna skyes zhes btags so //  mi bden med ni drang por smra ba'o //

tha skar skyes ni skar ma tha skar dang zla ba 'dzoms pa'i dus su skyes pa'o //

nad sel zhes bya ba ni sman pa'i ming ngo //

des na ming bdun po lha'i sman pa'i ming ngo //

rtsa bar lha mo rnams zhes pa lha mo'i ming ma yin gyi  saṃ skri ta'i skad la ming bdun po 'di mo rtags su yod pas lha'i bu mo'i ming zhes btags pa yin no //  [77]

de rnams zhar byung ngo //

dngos ni /

chu byung zhes pa / a ma ra ko ṣhar / as sa ra zhes 'byung ste / yid 'phrog pa'o //

yang na chu las skyes pa ste / rgya mtsho las byung ba'o //

de yang brgya byin gyi mdun du glu dang rol mo byed pa'i lha mo so so'i ming ni / sarbe shya zh[e]s pa dang / utpa shi zhes pa dang / la sogs pa ste skad bsgyur du mi snang ngo //

gzhan yang lha'i msad tshong ma ni dbang mo che dang / glog gi 'od can ma dang / til mchog ma dang / pad dkar ma dang / lag bzangs ma dang / dga' ba'i shing rta ma dang / rab tu myos byed ma / skra 'dres ma dang / legs brgyan ma dang / mun dza skyes ma dang / chu shing brla can ma dang / [78] skad legs ma la sogs pa'o //

lha'i glu mkhan ma dang / a ma ra ko ṣhar / ha ha hū hū zhes 'byung ste / sngon gyi glu dbyangs len pa dang / yangs pa'i glu dbyangs dang / sgra ngan spangs pa'i glu dbyangs dang / snyan pa'i glu dbyangs dang / sgeg pa'i glu dbyangs dang / glu len pa ste dri za'am glu mkhan zhes bya'o //

yang lha'i drang srong ni / drang srong chen po mi sbyin dang / drang srong chen po rgyal ba la sogs pa drang srong stong brgya byin 'khor na gnas par bshad pa'o //

de dag gi shar gyi phyogs bdag 'khor dang bcas pa'o //

+ gsum pa shar lho'i phyogs bdag gi ming ni / spyi dang / rgod ma kha dang / me stag dang / reg bya'o //

+ dang po / me dang 'khyog 'bar bsreg za dang //

nor las rgyal dang chu'i skye gnas // [79]

gsal byed skyes thob lus 'phel dang //

lam nag skem byed shing las 'phel //

'bar ba'i skra can snga dro 'bar //

rtan za 'dod byed 'phrog byed dang //

dag byed 'tsho byed rta dmar can //

rlung gi grogs po gtsug phud can //

rtswa zan gser gyi khu ba dang //

bsreg bya bsreg byed mtshan thob byed //

dul 'gro 'od 'grib 'od bdun pa //

'od gsal 'od bkra 'od nor can //

zhes gsungs te /

me ni drang srong gi shwa na ra zhes pa las skyes pas me zhes grags te / bi shwa zhes pa sna tshogs yin la / a na ra zhes pa mi ma yin pa ste / me'i pha'i ming ngo //

'khyog 'bar ni 'khyog por 'gro ba ste / 'khyog 'gro zhes pa'o //

bsreg za ni / a ma ra ko ṣhar / wā hī zhes pa bsreg za ste / gang du skyes kyang bsreg bya gcig skyes pa'o //  [80]

nor las rgyal ni dngos po gang bsreg kyang tshig pa'o //

chu yi skye gnas ni bskal pa chags pa'i dus su rgya mtsho'i nang nas skyes pa'o //

yang na / a ma ra ko ṣhar / dzwa la no zhes 'byung ste / 'bar ba'i skye gnas can nam 'bar ba can zhes bya'o //

gsal byed zhes kyang bya'o //

skyes thob ni tsha ba'i rang bzhin du skyes pa'o //

lus 'phel ni 'dis sman dang zas la sogs pa smin las lus bskyed pa'o //

yang na a ma ra ko ṣhar / tanṭa na pha zhes pa lus mi bsrung zhes pa ste / 'dis lus bsreg pa'o //

lam nag ni shul nag po'o //

skem byed dang / shing las 'phel zhes kyang bya'o //

'bar ba'i skra can ni rtse mo 'bar bar snang ba'o //

snga dro 'bar ni drang srong dang ya rabs rnams dang por sbyin sreg la sogs pa rnams byas nas [81] bya ba la 'jug pas snga dro pad ces kyang 'byung ngo //

rten za ni rang gi rten shing la sogs pa bsregs pa'o //

'od chen ni lus kyi me'i ming ste / 'od chen dang / chung ngur byed dang / smin par byed pa dang / 'tsho byed ces pa lus kyi srog 'dzin pa'i mer bshad do //

'phrog byed ni 'od 'phro ba'o //

dag byed ni mi gtsang ba bsregs pa'o //

'tsho byed ni lus 'tsho bar byed pa'o //

rta dmar can ni lho phyogs rgya mtsho'i steng gi rta gdong gi me'o //

rlung gi grogs ni rlung 'di gnyis phan tshun phan 'dogs pa'o //

gtsug phud can ni 'bar ba na rtse mo mtho bar skyes pa ste / rtse mo can zhes kyang bya'o //

rtswa zan ni rtswa bsregs pa'o //

gser gyi khu ba ni lha mo u ma'i smod pas dbang phyug chen po'i thig le me lha'i lto bar chags te [82] thig le de gser gyi mdog can du gnas so //  des na gser gyi khu ba can zhes bya'o //

bsreg za ni bsreg rdzas za ba ste /  yam shing sogs bsreg pa'o //

des na bsreg byed zhes kyang bya'o //

mtshun thob byed ni me la bsreg pa rnams lha dang mtshun gyis thob ces grags te / mtshun ni pha mes shi ba rnams so //

des na 'di la lha'i zhal dang mtshun gyi zhal zhes kyang zer ro //

dul 'gro dang / 'od 'grib ni shing med na nyams nas 'gro ba'o //

'od bdun pa ni me la 'od bdun yod pa ste / nag po 'jigs byed dang / yid mgyogs dang / du mdog dang / me stag can dang / shin tu rno dang / sna tshogs 'od do //

'od gsal dang / 'od bkra dang / 'od nor can zhes kyang bya ste / 'od dmar po yod pa'o //

byin za zhes kyang bya ste / mer bsreg pa rnams 'tshig pa'o //  [83]

+ gnyis pa rgod ma kha'i me'i ming ni /

chu mkhris brang skyes rgod ma can //

me 'od de 'od 'bar ba dang bcings //

mchod bya der 'gro nyal spur dang //

zhes gsungs te /

chu mkhris ni bskal pa 'jigs dus rgya mtsho chen po yang mes skams pas mkhris nad dang 'dra'o //

brang skyes ni drang srong u ra pa zhes pa mngal nas ma skyes pa'i bu gcig 'dod nas brang gi steng du bsgrugs pas drod 'bar nas bu gcig skyes so //

de rgod ma'i gzugs kyis 'dzam bu'i gling gi lho phyogs kyi rgya mtsho na gnas so //

da lta yang mtshor rlabs 'phel 'grib las nam mkha' la rta gdong de'i 'od 'byung ba la 'jig rten na mtsho rlabs tu grags so //

de'i phyir rgod ma can gyi me zhes kyang bya'o //

mchod bya ni me la sbyin bsreg byas na lha mnyes pas dngos su me la mchod pa'o //  [84]

der 'gro zhes pa skad dod mi snang ngo //

nyal zhes pa nyal ldan te mi nyal ba bzhin du mi snang ba'o //

spu ra zhes pa la skad dod mi snang ngo //

de rnams me'i ming ste / me'o zhes pa'i don no //

de'i 'od kyi ming ni / 'bar dang bcing ba zhes pa ste / 'bar ba ni me lce'o //

bcings pa ni g.yo ba med pa'o //

rtsa bar de 'od 'bar dang bcing zhes pa me'i ming dang / me 'od kyi ming dang 'dres par snang ngo //

des na rkang pa dang pos rgod ma kha'i me'i ming bstan /  rkang pa gnyis pas me 'od kyi ming bstan / rkang pa gsum pas me mtshams kyi ming bstan par snang ngo //

+ bzhi pa me stag gi ming ni /

'phros 'gro me yi zegs ma dang //

zhes gsungs te /

don go sla zhing / me skar zhes kyang bya'o //

+ lnga pa me'i reg bya'i ming ni / yongs su gdung ba tshad pa can //  zhes gsungs te / go sla'o //  [85]

+ lho'i phyogs kyi bdag po'i ming ni /

chos kyi rgyal po pha yi bdag //

mtshungs 'jug mthar byed rab song rgyal //

zhi bsgrubs ya mu na yi spun //

dus 'dzin gsod byed bka' sdod dang //

nyi ma'i bu dang mtshun la rol //

zhes gsungs te /

chos kyi rgyal po ni sdig pa byed pa rnams chad pas gcod pa'o //

pha yi bdag ni pha mes shi ba rnams kyi bdag po ste / gshin rje dang gshin rje'i rgyal po zhes kyang bya'o //

de yang gshin rje spun bzhi la bu bzhi bzhi yod pa rnams kyi che shos 'di yin par grags so //

mtshungs 'jug ni dgra gnyen thams cad 'joms pa'o //

mthar byed ni tshe mthar byed de 'chi bar byed pa'o //

rab song rgyal ni srog song ba rnams kyi rgyal po'o //

yang na 'chi byed ces pa la sogs pa pho nya rnams kyis ci bya zhes smras nas [86] rang nyid kyis srog 'joms pas de skad do //

zhi bsgrub ni srog chags thams cad med par byed pa'o //

ya mu na'i spun ni chu bo chen po ya mu na dang / 'di gnyis spun zla yin par grags so //

ya mu na bhā tā zhes pa ya mu na'i ming po'o //

dus 'dzin ni / a ma ra ko ṣhar / ka lo daṇḍa dha raḥ zhes 'byung ste / ka lo zhes pa dus yin / daṇḍa dha raḥ ni dbyug 'dzin te / dus ni 'chi ba ste / dus la bab zhes pa lta bu'o //

dbyug 'dzin ni srog chags rnams kyi dge sdig las byed pa'i grangs kyi ri mo bris pa'i dbyug pa 'dzin pa'o //

gsod byed zhes kyang bya'o //

dka' sdod ni rgyal ba'i bstan pa bsrung ba'o //

nyi ma'i bu  ni pha nyi ma las skyes pa'o //

mtshun la rol ni shi ba rnams la mchod pa'i cha shas kyang 'dis kyang thob bo //

gzhan yang yi dwags kyi rgyal po dang / ma mo'i rgyal por yang grags so //  [87]

+ lho nub kyi phyogs bdag gi ming ni /

bsrung po za byed sha za dang //

khrag 'thung kun gsod mtshan mo rgyu //

mtshan mor spyod dang snyan par bstod //

gsod byed bdag skyes mthar 'gro sbyin //

bsod nams skye bo phyogs kyi bu //

mthar 'gro dang ni bsrung ba po //

zhes gsungs te /

bsrung po ni a ma ra ko ṣhar / rākṣha yāḥ zhes 'byung ste /  sngon gyi lo tsa ba rnams kyis srin por bsgyur te / gter bsrung ba'i don no //

za byed dang / sha za dang / khrag 'thung dang / sha rjen za ba rnams srin po'i don no //  kun gsod zhes kyang bya'o //

mtshan mo rgyu dang / mtshan mor spyod ni bya byed mtshan mo byed pa'o //

snyan par bstod ni mi la 'tshe ba na des snyan par smra ba'o // [88]

gsod byed bdag skyes ni / a ma ra ko ṣhar / nī ka sharmu jaḥ zhes 'byung ste / de'i don gsod bdag skyes pa ste / 'di pha gsod bdag ces pa las skyes pas pha'i ming gis btags pa'o //

mthar 'gro sbyin ni 'chi ba ster ba'o //

bsod nams skye bo ni skal ba chad pa la btags te / gza' mig dmar la bkra shis su btags pa lta bu'o //

phyogs kyi bu ni / a ma ra ko ṣhar / nair ri tyo zhes 'byung ste / bden bral bu'o //

mthar 'gro ni / a ma ra ko ṣhar / rjes 'jug zhes 'byung ste / skye bo rnams la glang tshol ba'i phyir rjes su 'brangs pa'o //

bsrung ba pa ni 'dis 'jigs las skye bo rnams sngags dang rdzas kyis bsrung ba ste / yul can gyi ming gis btags pa'o //

gzhan yang ro zan dang / lus khra bor yod pas sna tshogs mdog zhes kyang bya'o //  [89]

+ nub kyi phyogs bdag gi ming ni /

rab sems mchog ster zhags pa can //

chu spyod bdag po chu bdag dang //

zhes gsungs te /

rab sems ni sems shin tu bzang ba'o //

mchog ster ni lha rnams kyang 'di las mchog slong zhing 'dis kyang ster bar grags so //

zhags pa can ni sbrul zhags 'dzin pa'o //

chu spyod bdag po ni chu nang du rgyu ba rnams kyi gtso bo'o //

chu bdag ni char dang chu rlung sogs 'dis gtong ba'o //

gzhan yang chu lha dang / klu'i bdag dang / 'dzin ma rten zhes sogs grags so //

+ nub byang gi ming ni /

dbugs 'byin reg byed ma bdag nyal //

rtag 'gro dri len rta dmar can //

dri bzhon gnas med myur 'gro dang //

bsil byed bsil ba yang dag rgyug //

'gro ba'i ngang tshul skye 'gro'i srog //

mkha' bdag dag byed rab 'joms so //  [90]

zhes gsungs te /

dbugs 'byin ni /  a ma ra ko ṣhar / shwa sa nuḥ zhes pa rlung ste / 'di las dbugs thams cad 'byung ba'o //

reg byed ni grang dro la sogs pa'i reg bya dang ldan pa ste / reg ldan zhes kyang bya'o //

ma bdag nyal ni / a ma ra ko ṣhar / ma tā ri shwô zhes 'byung ste / de'i don ma mo'i gnas nas 'phel zhes pa ste / tshang ma la sogs pa ma mo bdun gyi gnas nas 'phel zhes grags so //

yang na gnas der nyal bas so //

rtag 'gro ni nam yang mi bskyod pa'o //

dri len ni 'dis dri rnams phyogs su 'gro bar byed pa'o //

rta dmar can ni kha dog dmar ba'i rta la zhon pa'o //

yang na 'di'i kha dog dkar po dang / dmar po dang / ser po gsum dang ldan no zhes grags so //

dri bzhon ni 'di dri rnams kyi rta lta bur gyur pa ste / 'dra ba'i ming gis btags pa'o //  [91]

gnas med dang / myur 'gro dang / yang dag rgyug dang / 'gro ba'i ngang tshul zhes kyang bya ste go sla'o //

bsil byed dang bsil ba ni rlung dang chu 'grogs pa las bsil ba 'byung ba'o //

skye 'gro'i srog ni srog chags kyi dbugs ni rlung gi rang bzhin yin pa'o //

mkha' bdag ni mkha' la rtag tu gnas shing longs spyod pa'o //

dag byed zhes kyang bya'o //

rab 'joms ni rlung spu gri'i gzugs kyis gnod par byed pa'o //

rlung nad kyis 'joms pa'o //

gzhan yang reg 'dzin dang / mi ngal ba dang / rlung lha zhes kyang grags so //

+ gnyis pa zhar byung la / lus kyi rlung dang / myur ba dang / rgyun gyi rnam grangs gsum las /

+ dang po lus kyi rlung gi ming ni /

srog dang 'thur sel mnyam gnas dang /

gyen rgyu khyab byed lus kyi rlung // [92]

zhes gsungs te /

srog ni snying kha na gnas / lus sems mi 'bral ba'i bya ba byed /

'thur sel ni 'og sgo na gnas / gshang gci dang khu ba 'dor ba dang / sdoms pa'i bya ba byed /

mnyam gnas ni lto bar gnas / zas 'ju bar byed / gyen rgyu mgrin par gnas / smra ba dang zas za ba la sogs pa'i bya ba byed /

khyab byed lus kun la gnas / lus kyi bkrag mdangs dang / rngul 'byung ba dang / mig 'byed 'dzum dang / lag pa brkyang bskum dang rkang pa 'degs 'jog / lce mchu g.yo ba la sogs pa'i bya ba byed pa'o //

de rnams lus kyi rlung gi ming ngo //

+ gnyis pa myur ba'i ming ni /

myur ba nyid sgrol shugs ldan 'gro //

mgyogs pa la gor skyem pa yud //

thabs gcig mi sdod de ma thag //

zhes gsungs te /

myur ba nyid du sgrol ba dang / myur ba dang / [93] shugs ldan du 'gro ba dang / mgyogs pa dang / la gor dang / rkyen pa dang / yud tsam dang / thabs gcig gam gcig char mi sdod pa dang / de ma thag ces pa go sla'o //

gzhan yang mi thogs pa dang / mi 'gor ba dang / skad gcig ma dang / dar tsam zhes kyang grags so //

+ gsum pa rgyun du ba'i ming ni /

rtag tu rgyun du mi ngal bar //

rgyun mi 'chad dang bar med sogs //

zhes gsungs te /

rtag tu dang / rgyun du dang / mi ngal bar byed pa dang / rgyun ma chad pa dang / bar med pa dang / sogs pas res 'ga' ma yin pa dang / dus rgyun du ba zhes grags so //

yang kun tu dang / shin tu dang / rab tu dang / phul du phyin pa dang / khyad par 'phags pa dang / gong nas gong du dang / [94] drug po yang rnam grangs su bshad do //

+ byang gi phyogs bdag gi ming la / dngos dang / zhar byung dang / mi 'am ci'i ming ngo //

+ dang po ni /

lus ngan grogs po mig gsum pa //

gsang ba'i bdag po gnod sbyin rgyal //

mi yi chos ldan nor sbyin rgyal //

mi'am ci'i dbang rnam thos sras //

'od yangs bu pho mi la zhon //

mchod sbyin dmar ser mig ya can //

dpal ster dbang phyug bsod nams skye //

zhes gsungs te / lus ngan ni rkang pa gsum pa mche ba brgya dang ldan pa shin tu mi sdug pa'o //

mig gsum grogs ni / mig gsum ni dbang phyug chen po ste / 'o skol gnyis grogs po yin no zhes smras pas de ltar grags so //

rtsa bar mig gsum zhes pa 'gyur ma bde bas 'di ltar byas so //

gsang ba'i bdag po ni gsang ba zhes pa [95] sbas pa'i gter yig la de'i bdag po yin pa'o //

gnod sbyin rgyal po ni gnod sbyin thams cad kyi gtso bo ste / 'khor rnams ni sems can la 'tshe bar byed do zhes grags so //

mi yi chos ldan ni bya byed la sogs pa mi mthun pa'o //

nor sbyin rgyal ni gter la sogs pa'i nor ster ba'o //

rgyal po dang nor sbyin rgyal zhes pa ni gnod sbyin la'ang nor sbyin zhes grags pa dang / de rnams kyi rgyal por grags so //

mi'am ci'i dbang ni mi'am ci'i rgyal po ste / mi'am ci rnams 'di'i 'khor yin no //

rnam thos sras ni / a ma ra ko ṣhar bai shra ba ṇaḥ zhes 'byung ste / shra ba zhes pa thos pa yin la / bai zhes pa dgag tshig dang / ṇaḥ ni bu brgyud kyi rkyen yin te / rnam thos sras zhes pa'i don yin /  [96]  de yang yab rgyal po 'on pa gcig la 'khrungs pas rnam thos sras su 'jig rten du grags la / gangs chen 'dir rnam thos sras zhes zer ro //

'od yangs bu pho zhes pa ni 'di yi mo pho la drang srong 'od yangs zhes pa 'byung ste / 'di yi rigs brgyud yin pas 'od yangs tsha bo ste / a ma ra ko ṣhar / sau la bhyo zhes pa'i don to //

bu yi skad dod mi snang ngo //

mi la zhon ni 'di'i lingka rkang pa tsam zhig yod pa ma theg nas dbang phyug gis lingka 'degs pa'i mi gcig byin pas de ltar grags so //

rkang pa gsum pa zhes bya'o //

mchod sbyin ni gnod sbyin zhes pa'i don te / gnod sbyin gyi rigs yin pa'o //

a ma ra ko ṣhar / yakṣha zhes 'byung ba'i don to //

dmar ser mig ya can ni 'dis gau ri mthong nas de la chags shing bltas pas mig phyed de chus zos pa'o //  [97]

der drag po na re / de ltar ma byed zer nas mig dmar skya byas so //

de nas 'di'i mig ya gcig dmar ser du byas so //

dpal ster ni longs spyod sbyin pa'o //

bsod nams skye ni / a ma ra ko ṣhar / puṇye dza na i shwa ra zhes 'byung ste /  puṇye ni bsod nams dza na skye ba'o //  i shwa ra dbang phyg ste / de la bsod nams skye bo ni srin po'i ming du sngar bshad zin la / de'i dbang phyug ni de'i rgyal po zhes pa'o //

des na srin po rnams 'di'i 'khor yin pas srin po rnams la gsang ba par yang grags pa'am / gzhan yang drang srong 'od yangs kyi chung ma e la zhes pa'i tsha bo yin pas e la'i brgyud ces kyang bya'o //

+ gnyis pa zhar byung ni /

sna tshogs shing rta de yi tshal // [98]

de yi bu ni gar mkhan mchog //

gangs can gnas yin grong khyer ni //

rgyan pa can yin de'i shing rta //

me tog rgyas pa can zhes bya //

zhes gsungs te /

rgyal po de'i tshal gyi ming ni / sna tshogs shing rta zhes bya ste / dri za'i rgyal po sna tshogs shing rta zhes bya bas byas pas de ltar grags so //

de'i bu yi ming ni gar mkhan mchog ces bya'o //

de'i gnas ni gangs can zhes bya'o //

yang kai la sha'i sgra rol can la'ang 'jug go //

de'i grong khyer gyi ming ni brgya pa can zhes bya'o //

de'i shing rta'i ming ni me tog rgyas pa zhes bya'o //

gzhan las lus ngan gyi bu'i ming ni / dpal gyis mtshan pa'am phun tshogs pas brgya pa dang / gnas ni lcang lo can dang / grong khyer ni mkha' nas me tog gis brgyan pa can zhes 'byung ste / [99] 'di'i gzhal med khang nam mkha' la 'gro ba yin no //

de rnams dri zas byas zhes grags so //

rtsa bar bshad pa'i shing rta'i ming ni / a ma ra ko ṣhar mi snang ngo //

+ gsum pa de'i 'khor gyi ming ni /

mi'am ci dang ci'i skyes bu //

rta'i gdong can 'gro mgyogs dang //

mi'am ci chung zad mi dang 'dra ba'o //

ci'i skyes bu ni lha'i rigs yin pas mi yang ma yin pa'o //

rta yi gdong pa can ni pho 'ga' zhig lus kyang rta'i dbyigs can du gnas so //

phal cher lha dang lus mthun pa'o //

'gro mgyogs ni thogs pa med par 'gro nus pa'o //

mo rnams ni rin po che'i cod paṇ bcing na de ltar 'gro nus la / ma bcing na 'gro mi nus so zhes grags so //

de'i gter gyi ming ni /

gter gyi gtso bo gnyen gter te // [100]

dbye na dung dang padma sogs //

zhes gsungs te /

rkang pa dang po a ma ra ko ṣhar mi snang ngo //

gter ni mi zad pa'i nor gyi phung po ste / de la dbye na dung can dang / padma can dang / padma chen po dang / chu srin can dang / rus sbal can dang / rnga can dang / dga' ba can dang / sngon po can dang / 'dzin byed de dgur bshad do //

de dag gi phyogs bdag rnams dang / de dag dang 'brel ba rnams bshad zin to //

da ni don bsdu ba'i skabs su /

mtho ris mkha' dang phyogs dus blo //

sgra sogs gar dang bcas pa dang //

sa 'og gdengs can dmyal ba chu //

de dag dang ni 'brel bcas bshad //

zhes gsungs pa ltar shes par bya ste /

de la mtho ris dang 'brel ba bshad zin la / lhag ma la mkha' dang / phyogs dang / dus dang / [101] blo dang / sgra sogs dang / gar sogs 'brel ba dang bcas pa ste drug go //

+ dang po nam mkha'i ming ni /

lha rtsen rol pa 'khor lo dang //

kun 'gebs go 'byed chu sgrogs dang //

mi gsal kun 'gro dbus na gsal //

bar med mtha' bral lha yi lam //

mi 'da' rtag sdod khyab 'jug gnas //

kun gsal rnam grol nam mkha'i ming //

zhes gsungs te / lha rtsen ni lha rnams rtse ba'i gnas yin pas te / de'i phyir rol pa zhes kyang bya'o //

'khor lo zhes pa skad dod mi snang ngo //

kun 'gebs ni dngos po kun la khyab pa'o //

go 'byed ni me tog sogs skye ba kun gyi go skabs 'byed pa'o //

chu sgrogs ni / a ma ra ko ṣhar / na bho zhes pa'i don sgra sgrots te nam mkha'i yon tan du grags so //  [102]

mi gsal ni bye brag du mar mi shes pa'o //

kun 'gro ni khyab pa'o //

dbus na gsal ni mtho ris kyi dbus na gsal ba'o //

bar snang zhes kyang grags so //

bar med ni mtha' dbus mi phyed pa'o //

nam mkha' zhes kyang grags so //

mtha' bral ni snga ma ltar ro //

lha yi lam ni lha rnams rgyu ba'o //

mi 'da' ni rang gi ngo bo las nam yang mi 'da' ba'o //

'di la snang ldan zhes kyang grags so //

de'i phyir rtag sdod zhes kyang bya'o //

khyab 'jug gnas ni khyab 'jug sbrul chen po'i gzugs kyis nam mkha' la gnas par bshad do //

kun gsal ni 'dis dngos po kun skye ba'i go 'byed pas mthong ba'o //

rnam grol ni thogs pa med pa'o //

de rnams ni nam mkha'i ming ste steng gi phyogs su yang grags so //  [103]

+ gnyis pa phyogs 'brel dang bcas pa'i ming la /  phyogs spyi'i ming dang / 'brel ba'i ming ngo //

+ dang po ni /

kun khyab gsal gnas nyi mas ston //

'phrog byed rnams ni phyogs kyi'o //

zhes gsungs te /

a ma ra ko ṣhar / di sha pū zhes pa phyogs te gang du'ang ma lhung ba'i don no //

kun khyab ni yul kun la khyab pa'o //

gsal ba'i gnas ni dngos po rnams phyogs kyi go skabs nas ston pa'o //

nyi mas ston ni ny zla rgyu skar rnams shar ba dang nub pa las phyogs 'byung ba'o //

'phrog byed ni phyogs gang du sems gtad pa de la chags pa'i phyir ro //

de rnams phyogs kyi ming ngo //

+ gnyis pa phyogs dang 'brel ba'i ming la /  phyogs skyong dang / phyogs kyi glang po'i ming dang / glang mo'i ming dang / lcags ri dang / [104] sprin dang 'brel ba dang / gza' skar dang 'brel ba'i ming ngo //

+ dang po ni /

shar la sogs pa'i phyogs rnams su //

dbang po la sogs rim bzhin gnas //

zhes gsungs te /

nyi ma snga dro shar ba ni shar phyogs so //

gung gi lho phyogs so //

phyi dro nub phyogs so //

nyi ma nub pas byang phyogs te /

nyi ma 'char nub kyis phyogs rnams btags la / mtshams bzhi phyogs la brten nas btags so //  gzhan rnams bshad zin to //

+ gnyis pa phyogs kyi glang po'i ming ni /

rgya mtsho las byung padma dkar //

g.yon bcing mchog 'gro sa la mos //

me tog so dang sa steng grags //

cha mdzes phyogs kyi glang po brgyad //

zhes gsungs te /

rgya mtsho las 'byung ba ni chu skyes te /

sa srung gi bu'i ming ngo //

de shar na gnas so //  [105]

me'i phyogs la padma dkar can no //

gshin rje'i phyogs la g.yon phyogs zhes pa shin tu mdzes pa'i ming ngo //

bcing zhes pa 'gyur ma bde'o //

mchog 'gro la skad dod mi snang ngo //

bden bral phyogs na sa la mos zhes pa ste / ku mud da zhes kyang rgya dpe la snang ngo //  a ma ra ko ṣhar / anydza na zhes 'byung ste / de'i don chu bdag phyogs na gsal byed do //

rlung gi phyogs ni me tog so can no //

lus ngan gyi phyogs na sa stengs grags so //

dbang ldan gyi phyogs na cha mdzes zhes pa ste / 'di rnams phyogs kyi glang po brgyad do //

glang mo'i ming ni /

de dag chung ma sprin grol ma //

ser skya ma dang dmar ser ma //

dpe med ma dang zangs sna can //

dge ba'i so can yan lag can //

mchod bya ces bya rim pa bzhin // [106]

zhes gsungs te /

phyogs kyi glang po de dag gi chung ma ni /

sprin grol ma dang / ser skya ma dang / dmar ser ma dang / dpe med ma dang / zangs sna can dang / dge ba'i so can dang / yan lag can dang / mchod ldan ma zhes bya ste rim pa bzhin phyogs kyi glang po brgyad dang sbyar ro //

++  lcags ri'i ming ni /

lcags ri mu khyud 'khor yug go //

zhes gsungs te /

lcags ri dang / mu khyud dang / 'khor yug gi ri zhes pa'o //

+ lnga pa sprin dang 'brel ba'i ming la /

sprin gyi ming dang / de dang 'brel ba'i ming ngo //

+ dang po ni / 

chu 'dzin bsil byed chu khur dang //

chu yi bzhon pa sgra sgrog dang //

rgyun 'dzin rlon 'dzin glog can dang //

bsil byed chu yi rtsa 'gu byed //

chu 'dzin du ba'i skye gnas can // [107]

ka dam pa can sprin gyi 'phreng //

zhes gsungs te /

chu 'dzin ni rgya mtsho las byung ba'i chu rdul 'dzin pa'o //

bsil byed ni bsil bar byed pa'o //

chu khur can dang / chu'i bzhon pa dang / chu rgyun 'dzin dang / rlon 'dzin ni chu klung 'khrigs pa'o //

sgra sgrogs ni 'brug sgra 'byin pa'o //

glog can zhes kyang bya'o //

bsil byed ni tshad pa bsil ba'o //

chu yi rtsa ba ni 'di las chu rgyun 'byung bas chu 'bebs pa'o //

mgu byed ni sprin 'khrigs nas skye bo rnams dga' ba'o //

chu 'byin ni chu 'bebs pa'o //

du ba'i skye gnas can ni du ba 'khrigs pa las sprin du 'gyur te / dper na dngul chu bzhin no //

sprin gyi rgyu ni chu dang sa dang rlung dang du ba rnams te /  du ba'i rdul thim pa las sprin 'byung ngo //

ka dam pa ni bya ka dam pa zhes bya ba chu skyar te / [108]  rtag tu sprin gyi dbus su gnas pa'o //

sprin gyi 'phreng ba zhes kyang bya'o //

gzhan yang chur nyal dang / chab sprin zhes sogs grags te / sprin 'ja' tshon 'dra ba ni rdul lo //

bal 'dra ba ni chu med pa'o //

nag pa ni chu dang bcas pa'o //

+ gnyis pa sprin dang 'brel ba'i ming la brgyad las / dang po 'brug gi ming ni /

'brug sgra sgra sgrogs sprin gyi sgra //

sgra can dang ni sgra brgya pa //

zhes gsungs te /

'brug sgra dang / sgra sgrogs dang / sprin gyi sgra dang / sgra can dang / sgra brgya pa zhes bya ste /  gzhan yang sgra 'byin zhes pa la sogs pa'o //

'dir ni tsha grang 'phrad pa las 'byung ba'i sgra yin la / gzhan du lus can yod par bshad do //

+ gnyis pa glog gi ming ni /

sa srung can dang skad cig gsal // [109]

glog dang rnam gsal g.yo 'gul can // 

zhes gsungs te /

sa srung can ni sprin thams cad kyi steng na sa srung yod pa de las glog 'byung zhes zer ro //

skad cig gsal dang / glog dang rnam gsal dang / g.yo 'gul can zhes bya zhing / glog 'byung ba na skrag pa skye bas bde thung zhes kyang grags so //

+ gsum pa thog gi ming ni /

'phro 'joms rdo rje'i zer 'phro ba //

sprin gyi 'od zer chu las 'bar //

zhes gsungs te /

'phro 'joms ni 'od dang ldan zhing ri sogs 'joms pa ste / de yang ri dang khang khyim sogs 'bigs par byed cing rjes mi mngon / me yin yang chus nyams par mi nus la / chang dang 'phrad na nyams par 'gyur ro //

rdo rje'i zer 'phro ni rdo rje dang 'dra bar zegs mas kyang gzhan 'joms pa'o //  [110]

de yang sprin phan tshun 'thab pa las byung bas sprin gyi 'od zer dang / chu las 'bar zhes bya'o //

gnam lcags dang / me lce zhes kyang grags so //

+ thog dang lhan cig pa'i 'brug gi ming ni /

thog gi sgra dang rdo rje'i sgra //

zhes bya'o //

bzhi pa 'ja' tshon gyi ming ni /

dbang po'i mtshon cha brgya byin gzhu //

'ja' tshon ming yin de drang na //

ro hi ta zhes bya bar grags //

zhes gsungs te /

dbang po'i mtshon cha dang / brgya byin gzhu zhes pa 'ja' tshon gyi ming yin la / drang 'khyog zhes kyang bya ste / phyogs gcig tu bsgyur zhing gye dgu mang po med pa'o //

'ja' tshon de drang zhing dmar po yin na ro hi ta zhes grags so // 

de ni nyin par byung zhing snga dro 'byung bar mi 'dod pa'i ltas yin la / mtshan mo'i 'ja' dkar po yang de dang 'dra'o //

+ lnga pa char pa'i ming ni / [111]

char pa dgung char char rgyun dang //

yongs lhung dang ni kun nas 'bab //

chu yi zegs ma pad zil can //

gzhan las sprin gyi bcud dang ni //

mkha' las 'bab dang sprin las byung //

zhes gsungs te //

char pa dang / dgung char dang / char rgyun dang / yongs su lhung ba'i chu dang / kun nas 'bab dang / chu yi zegs ma dang / pad zil can zhes bya'o //

gzhung gzhan las sprin gyi bcud dang / mkha' las 'bab dang / sprin las byung ba'i chu zhes kyang grags so //

+ drug pa gser ba'i ming ni /

rdo char sdang byed ser ba'i ming //

zhes gsungs te / rdo'i char pa dang / lo thog la sdang byed ces kyang bya'o //

+ bdun pa 'then pa'i ming ni / de la gnod byed 'then pa sogs //

zhes gsungs te /  [112]

lo thog la gnod byed 'then pa sa sogs pa char med ces bya'o //

+ brgyad pa yul ngan gyi ming ni / 

sprin gyis sgrib byed nyi ma ngan //

mngon par mi gsal nye bar nub //

khebs pa zhes bya yul ngan ming //

zhes gsungs te /

sprin gyis sgrib par byed pa dang nyi ma ngan pa dang / nyi ma mngon par mi gsal ba dang / nye ma nye bar nub pa dang / sprin gyis khebs pa zhes bya ba yul ngan gyi ming ngo //

+ gnyis pa gza' skar dang 'brel ba'i ming la /

zla ba'i ming dang / skar ma rnams kyi ming dang / gza' rnams kyi ming dang / nyi ma'i ming 'brel pa dang bcas pa'o //

+ dang po zla ba'i ming ni /

bsil zer can dang bsil byed 'od //

zla ba dbang po ku mud gnyen //

'byed mkhas bdud rtsi'i 'od can dang //

'od dkar can dang rtsi'i dbang phyug //  [113]

mtshan mo'i bdag po chu las skyes //

srog 'tsho chags skyes 'grib pa can //

ri dwags mtshan pa cha shas gter //

gnyis skyes rgyal po ri bong 'dzin //

rgyu skar dbang phyug mtshan mor byed //

cha shas can dang bcu drug cha //

'od gzugs dkyil 'khor can phyed pa //

cha nus dum bu yang dag ldan //

'od ldan kun phan bsil 'od can //

rab gsal rang snub aṃ mtsham pa //

rtags can mtshon byed med zhi ba //

mchog tu mdzes pa mdzes pa dang //

'tsher ldan gsal byed 'gebs pa po //

zhes gsungs te /

bsil zer can ni 'od zer bsil ba'o //  de'i phyir bsil byed 'od ces kyang bya'o //

zla ba dang / dbang po dang / ku mut gnyen zhes bya ste / 'di shar bas srog chags rnams bde bar byed pa'o //

chags skyes ni zla ba shar ba na chags pa 'phel ba'o // [114]

'grib pa can ni nag phyogs la 'grib pa'o //

ri dwags mtshan pa ni ri bong gi gzugs yod pa'o //

de'i phyir ri bong 'dzin pa zhes kyang bya'o //

yang byang chub sems dpa' ri bong du skyes pa na lus sbyin pa btang bas brgya byin ngo mtshar skyes te / ri bong de mtho ris su khyer te lha rnams la bstan pa'i phyir zla ba'i ngos la ri bong gi gzugs bris so zhes kyang grags so //

cha shas gter ni tshes gcig nas bcu drug gi bar du 'phel ba'o //

gnyis skyes rgyal po ni gnyis skyes zhes pa bram ze ste / pha bram ze'i brtul zhugs las skyes pa ste / bram ze rnams kyi rgyal po'o //

de ltar yang /

rgyu skar gza' dang bram ze dang //

sman dang mchod sbyin mtshan mo rnams //

de rnams kyis ni rgyal po ru //

zla ba bram ze rnams kyis bskos // [115]

zhes bram ze rnams kyi gzung las 'byung ngo //

de'i phyir rgyu skar dbang phyug dang / mtshan mor byed pa dang / cha shas can dang / bcu drug cha dang / 'od kyi gzugs dang / dkyil 'khor can dang / phyed pa ste phyed can zhes kyang bya'o //

a ma ra ko ṣhar / bhyin taṃ zhes pa'i don te / phyed kyis kyang zla ba'i bya ba byed pa'o // de'i phyir cha nus dang / dum bu dang / yan lag dang zhes kyang bya'o //

mun pa sel bas 'od ldan dang / kun phan zhes bya zhing // bsil 'od can dang / rab gsal zhes bya'o //

rang snub ni mthun mtshams su rang gi 'od dmar pos rang sgrib pa'o //

aṃ mtshan ni / a ma ra ko ṣhar / kā la aṃ ka aṃ kau zhes 'byung ste / [116] kā la nag po / aṃ ka yan lag / aṃ kau mtshan pa ste / yan lag nag pos mtshan pa zhes pa ste / ri bong gi gzugs kyis mtshan pa'o //

de'i phyir rtags can dang / mtshon byed ces kyang bya'o //

kun nas mdzes pa legs par zhi ba dang / mchog tu mdzes pa dang / 'od dang ldan pas 'tsher ldan dang / gsal byed dang / 'od kyis khyab par byed pas 'gebs pa po zhes kyang bya'o //

gzhan yang 'od brgya pa dang / bdud rtsi'i 'byung gnas zhes bya'o //

de'i zhar byung ni / khug sna lho 'u ba mdo dang //

mtsher byed kha ba 'jigs las skyes //

mchod bya khu 'phangs bsil yon can //

zhes gsungs te /

khug sna dang / lho 'u gnyis rnam grangs so //

ba mo dang / kha ba dang / mchod bya dang / khu 'phangs dang / bsil yon can ni / a ma ra ko ṣhar / [117] hi ma sing ha ti zhes pa kha ba phungs pa'i ming ste / mchod bya zhes pa ma hi la'i sgra las drangs pa'o //

mtsher byed ni ring por gsal ba'o //

'jigs las skyes zhes pa a ma ra ko ṣhar mi snang ngo //

+ gnyis pa skar ma'i ming ni /

rgyu skar gyi ming dang / skar ma gtso bo bdun gyi ming gnyis so //

+ dang po ni / smin drug / snar ma / mgo / lag / nab so / rgyal / skag / mchu / gre / dbo / me bzhi / nag pa / sa ri / sa ga / lha mtshams / snron / snubs / chu stod / chu smad / gro zhun / byi bzhin / mon gre / mon gru / khrums stod / khrums smad / nam gru / tha skar / bra nye rnams nyi shu rtsa bryad do //

+ gnyis pa la bdun gyi dang po skar ma stod phur gyi ming ni / brtan gnas dang ni [118] gan rgyal bu //  zhes gsungs te /

brtan gnas ni rgyu skar kun gyi stengs na mi 'gyur bar gnas pa ste / a ma ra ko ṣhar / dhru ba zhes 'byung ngo //

gan rgyal bu ni drang srong skar ma zhes kyang bya'o /

drang srong gan rgyal [~gan rkyal] zhes bya ba'i bu ste / pha yi ming gis btags pa'o //

stod phur zhes pa rgyu skar rnams 'di las ha cang mi ring mi nye bar rgyu bas de skad ces grags so //

+ gnyis pa skar ma a ka'i skya'i ming ni /

ri byi dang ni bum pa skyes //

grogs po dang chu lha'i bu //

mi 'gyur skar ma 'od can dang //

sgron ma can dang mdongs sel ma //

trakṣa'i bu mo zhes gsungs te / ri byi ni ri ṣhi zhes pa drang srong ste / bod skad la zur chag pa'o //

bum pa skyes ni bum nang nas skyes pa'o //

grogs po ni / a ma ra ko ṣhar / mai tri zhes pa byams pa dang ldan pa'o // [119]

chu lha'i bu ni drang srong gis bum nang gi sngags kyis btab pa'i chu las skyes pas de ltar grags so //

mi 'gyur ni mi zad pa'am / 'phal 'grib med pa'o //

skar ma 'od can zhes kyang bya'o //

sgron ma can ni chung ma'i ming gis btags pa'o //

mdongs sel ma ni 'di 'dzam bu'i gling gi lho phyogs na gnas nas chu'i dug rnams sel te / khams kyi bstan bcos las / ri byi yis ni mthong ba'i chu // de ni dug med shes bya ste // zhes bshad cing / 'jig rten na yang skar chus dug med par grags so //

trakṣha'i bu mo ni / trakṣa zhes pa rtsol phod pa ste / a ma ra ko ṣhar / nakśa tra mri kṣaṃ zhes 'byung ste / nakṣa tra zhes pa skar ma dang / mri kṣaṃ zhes pa drang srong ste / drang srong skar ma'i bu'o //  [120]  bu mo'i skad dod mi snang ngo //

+ gsum pa tha skar gyi ming ni /

rgod ma can kun bsgrub rnam khyab //

ces gsungs te /

rgod ma can ni nyi ma dang / rgod ma kha'i me 'grogs pa las byung ba ste bshad zin to //

kun bsgrub ni don thams cad bsgrub pa'o //

rnam khyag ni rgyu skar rnams kyi bya ba kun la khyab pa'o //

+ bzhi pa rgyal stod kyi ming ni / rgyas byed grub pa zhes 'byung ste / rgyas byed ni dpal rgyas par byed pa'o //

grub pa ni don thams cad grub pa'o //

'di gnyis rgyal stod kyi ming du grags kyang rgyal gyi ming yin no //

+ lnga pa gro zhun gyi ming ni /

tshims byed legs nyen dang zhes gsungs te / tshims byed ni sems tshims par byed pa'o //

legs nyan ni 'di'i ngag la gzhan rnams nyan pa'o //

'di la gangs can du mchu zhes grags so // [121]

+ drug pa khrums kyi ming ni / 

nor ldan ba glang khyu mchog rkang //

zhes gsungs te / nor ldan ni phyug po'o //

ba glang rkang ni ba glang gi rkang pa dang 'dra ba 'di la yod pa'o //

khyu mchog rkang zhes pa de dang 'dra'o //

+ bdun pa smal po'i ming ni /

ri dwags mgo can ri dwags mgo //

de nyid lo yi dang po yin //

steng gi char gnas skar ma dpyid //

zhes gsungs te /

ri dwags mgo can ni 'di'i mgo bo ri dwags sha ba dang dbyibs mtshungs par grags so //

ri dwags mgo ni di'i phyir 'di la mgo zhes grags so //