Bethlehem

"Die drie oumense: ou Paul Naude, ou Jan Muller en ou Daniel Malan het die plaas Pretoriuskloof gekoop van jan Pretorius, en 'n dorp uitgele met osrieme, en ek (Jan Godfried Ernst Heydenrych - Heydenreich) het gehelp om die penne inslaan. Lodewijk Papenfus van Bloemfontein het nog kom help om die dokumente op te trek en die kaarte reg te maak.

Hulle het toe 'n kerk gebouw; en die man wat die eerste kerk gebou het, was Willem Meets. Hij het dit gebouw van klip en steen, en dit het'n grasdak gehad. Simon Range het die dak gedek."(Huisgenoot - Mei 1919).