ಶಿವ ಶಿವ ಎಂದರೆ ಭಯವಿಲ್ಲ|

ಶಿವ ನಾಮಕೆ ಸಾಟಿ ಬೇರಿಲ್ಲ|| ಶಿವ ನಾಮಕೆ ಸಾಟಿ ಬೇರಿಲ್ಲ ||ಪ||

ಶಿವ ಭಕ್ತನಿಗೆ ನರಕಾ ಇಲ್ಲ |

ಜನುಮ ಜನುಮಗಳ ಕಾಟವು ಇಲ್ಲ ||

|| ಶಿವ ಶಿವ ||

ಅನ್ನದಾನವ ಮರೆಯದಿರು|

ನಾನು ನನ್ನದು ಎನ್ನದಿರು||

ಉನ್ನತಿ ಸಾಧಿಸೆ ಹಗಲಿರುಳು|

ದೀನಾನಾಥನ ಮರೆಯದಿರು ||

|| ಶಿವ ಶಿವ ||

ಭೋಗ ಭಾಗ್ಯದ ಬಲೆಯೊಳಗೆ|

ಬಳಲಿ ಬಾಡದೆ ಇಳೆಯೊಳಗೆ ||

ಕಾಯಕ ಮಾಡುತ ಎಂದೆಂದೂ|

ಆತ್ಮಾನಂದವ ಪಡೆಯುತಿರು||

|| ಶಿವ ಶಿವ ||

ದಾನವೆ ಜಗದೊಳು ತಪವಯ್ಯ|

ಧ್ಯಾನವೆ ಘನತರ ಜಪವಯ್ಯ||

ಅಪಕಾರವ ನೀ ಮಾಡಿದರೆ|

ಕೈಲಾಸವದು ಸಿಗದಯ್ಯ ||

|| ಶಿವ ಶಿವ ||

***