ತಾಯೆ ಶಾರದೆ ಲೋಕ ಪೂಜಿತೆ|

ಜ್ಞಾನ ದಾತೆ ನಮೋಸ್ತುತೆ ||

ಪ್ರೇಮದಿಂದಲಿ ಸಲಹು ಮಾತೆ

ನೀಡು ಸನ್ಮತಿ ಸೌಖ್ಯದಾತೆ || ||ಪ||

ಅಂಧಕಾರವ ಓಡಿಸು

ಜ್ಞಾನ ಜ್ಯೋತಿಯ ಬೆಳಗಿಸು ||

ಹೃದಯ ಮಂದಿರದಲ್ಲಿ ನೆಲೆಸು

ಚಿಂತೆಯ ಅಳಿಸು ||

ಶಾಂತಿಯ ಉಳಿಸು ||

|| ತಾಯೆ ||

ನಿನ್ನ ಮಡಿಲಿನ ಮಕ್ಕಳಮ್ಮ

ನಿನ್ನ ನಂಬಿದ ಕಂದರಮ್ಮ ||

ನಿನ್ನ ಕರುಣೆಯ ಬೆಳಕಲೆಮ್ಮ

ಬಾಳನು ಬೆಳಗಮ್ಮ ||

ನಮ್ಮ ಕೋರಿಕೆ ಆಲಿಸಮ್ಮ ||

|| ತಾಯೆ ||

ಒಳ್ಳೆ ಮಾತುಗಳಾಡಿಸು

ಒಳ್ಳೆ ಕೆಲಸವ ಮಾಡಿಸು ||

ಒಳ್ಳೆ ದಾರಿಯಲೆಮ್ಮ ನಡೆಸು

ವಿದ್ಯೆಯ ಕಲಿಸು ||

ಆಸೆ ಪೂರೈಸು ||

||ತಾಯೆ||

***