ಅಮ್ಮ ನಿನ್ನ ನಾಮದಿಂದ ಜನುಮ ಪಾವನ|

ಅಮ್ಮ ನಿನ್ನ ಧ್ಯಾನವೊಂದೇ ಮುಕುತಿ ಸಾಧನ ||

|| ಅಮ್ಮ ನಿನ್ನ ನಾಮದಿಂದ ||

ಶಾರದಾಂಬೆ ಜಯ ಜಗದಂಬೆ|

ಶಾರದಾಂಬೆ ಜಗದಂಬೆ ನಿನ್ನನೆ ನಂಬಿದೆ||

ನೀರಜಾಕ್ಷಿ ಕರುಣದಿ| ಹರಸು ಎನುತ ಬೇಡುವೆ||

|| ಅಮ್ಮ ನಿನ್ನ ನಾಮದಿಂದ ||

ದೂರ ದೂರ ದೂರ ಇರುವ ಬಾಳ ತೀರಕೆ|

ಸಾರ ಸವಿಯು ಸೇರಿರುವಂತ ಪ್ರೇಮದೂರಿಗೆ ||

ಬೀರಿ ನಿನ್ನ ನಗುವಿನ| ಹೊನಲು ನವ್ಯ ಲೋಕಕೆ||

ದಾರಿ ತೋರು ಭಕುತಗೆ| ಸತತ ಹೃದಯನಾದಕೆ||

||ಅಮ್ಮ ನಿನ್ನ ನಾಮದಿಂದ ||

ಮನೆ ಮಡದಿ ಮಕ್ಕಳು ಎನ್ನುವ ಭಾವ ಅಳಿಯಲಿ|

ಕನಸ ಸ್ವರ್ಗ ನಾಶವಾಗಿ ಉರಿದು ಹೋಗಲಿ ||

ಮನವು ಕರ್ಮಫಲವನು| ಬಯಸದೆ ನಿನ್ನ ಹಾಡಲಿ ||

ದಿನವು ದಾನಗೈಯುವ| ಮನವು ನನ್ನದಾಗಲಿ ||

|| ಅಮ್ಮ ನಿನ್ನ ನಾಮ ದಿಂದ ||