ಭಾಗ್ಯದ ಲಕ್ಷ್ಮಿ ಬಾರಮ್ಮ |
ನಮ್ಮಮ್ಮ ನೀ ಸೌಭಾಗ್ಯದ ಲಕ್ಷ್ಮಿ ಬಾರಮ್ಮ||
|| ಪ||
ಹೆಜ್ಜೆಯ ಮೇಲೊಂದೆಜ್ಜೆಯ ನಿಕ್ಕುತ |
ಗೆಜ್ಜೆಯ ಕಾಲ ನಾದವ ತೋರುತ ||
ಸಜ್ಜನ ಸಾಧು ಪೂಜೆಯ ವೇಳೆಗೆ |
ಮಜ್ಜಿಗೆಯೊಳಗಿನ ಬೆಣ್ಣೆಯಂತೆ||
||ಭಾಗ್ಯದ ಲಕ್ಷ್ಮಿ ||
ಕನಕ ವ್ರಷ್ಟಿಯಗರೆಯುತ ಬಾರೇ|
ಮನಕೇ ಮಾನವ ಸಿದ್ದಿಯ ತೋರೇ||
ದಿನಕರ ಕೋಟಿತೇಜದಿ ಹೊಳೆಯುವ |
ಜನಕರಾಯನ ಕುಮಾರಿ ಬಾರೇ||
||ಭಾಗ್ಯದ ಲಕ್ಷ್ಮಿ ||
ಸಂಖ್ಯೆಯಿಲ್ಲದ ಭಾಗ್ಯವ ಕೊಟ್ಟು|
ಕಂಕಣ ಕೈಯ ತಿರುಗುತ ಬಾರೆ||
ಕುಂಕುಮಾಂಕಿತೆ ಪಂಕಜಲೋಚನೆ|
ವೆಂಕಟರಮಣನ ಬಿಂಕದ ರಾಣಿ||
||ಭಾಗ್ಯದ ಲಕ್ಷ್ಮಿ ||
ಅತ್ತಿತ್ತಗಲದೆ ಭಕ್ತರ ಮನೆಯೊಳು|
ನಿತ್ಯ ಮಹೋತ್ಸವ ನಿತ್ಯ ಸುಮಂಗಲ||
ಸತ್ಯವ ತೋರುವ ಸಾದು ಸಜ್ಜನರ|
ಚಿತ್ತದಿ ಹೊಳೆಯುವ ಪುತ್ತಲಿಬೊಂಬೆ||
||ಭಾಗ್ಯದ ಲಕ್ಷ್ಮಿ ||
ಸಕ್ಕರೆ ತುಪ್ಪದ ಕಾಲುವೆ ಹರಿಸಿ|
ಶುಕ್ರವಾರದ ಪೂಜೆಯ ವೇಳೆಗೆ||
ಅಕ್ಕರೆಯುಳ್ಳ ಅಳಗಿರಿ ರಂಗನ|
ಚೊಕ್ಕ ಪುರಂದರ ವಿಠಲನ ರಾಣಿ||
||ಭಾಗ್ಯದ ಲಕ್ಷ್ಮಿ ||
***