o recurso páxina
o recurso libro
Para que serve unha páxina?
O recurso páxina permite ao profesorado, usando o editor de texto do EVA, crear un recurso de tipo páxina web na que se poden incluír imaxes, texto, vídeos, sons, ligazóns ... etc, de maneira que son probablemente o tipo de recurso máis versátil do que dispoñemos para configurar os nosos propios recursos da nosa materia.
Como se crea unha páxina?
Activar o modo edición.
No tema que se desexe, pulsar sobre o enlace "Engadir unha actividade ou un recurso".
Seleccionar a opción "Páxina".
Finalmente pulsar o botón "Engadir"
Unha vez lle damos a engadir cubrimos os campos da páxina:
Xeral
Nome = Introducimos un nome que servirá como título.
Descrición = Escribimos un pequeno texto descritivo da páxina.
Contido
Contido da páxina = Aqui será onde deberemos introducir o contido da páxina propiamente dito: texto, imaxes, arqueivos multimedia, enlaces, etc.
Unha vez elaborado o contido da páxina gardamos os cambios .
Para que serve un libro?
Un libro permite ao profesor crear un conxunto de páxinas cun orden e unha xerarquía determinada. Os libros poden conter diversos tipos de ficheiros, entre eles os ficheiros multimedia, así como texto e son apropiados para presentar gran cantidade de información que pode subdividirse en seccións.
O libro non é interactivo en sí mesmo, aínda que pode conter todo tipo de elementos multimedia como imaxe, vídeo, son, enlaces internos e externos, ... etc.
Como se crea un libro?
Para engadir un libro a un curso teremos que seguir os seguintes pasos:
Activar o "modo edición".
No tema que queiramos do curso, pulsamos sobre o enlace "Engadir unha actividade ou un recurso".
Seleccionamos a opción "Libro".
Finalmente pulsamos o botón "Engadir".
No formulario que nos aparece a continuación deberemos escoller un "Nome" para dar título a este novo libro, así como un pequeno texto no apartado "Descrición"
Despois de que o libro está creado, para xestionalo (engadir capítulos e subcapítulos) empregaremos o cadro "Táboa de contidos" que aparece na parte dereita da pantalla, unha vez que entramos no propio libro.