IKASLEEN ESKUBIDEAK

Ikasleen betebehar eta eskubideen legean eta gure arautegian hainbat eskubide onartzen zaizkie ikasleei, ikastetxeen esparruaren barnean: greba eskubidea, adierazpen askatasuna, biltzeko eskubidea, ... Eskubideak erabiltzeko direlakoan gaude, eta horregatik normaltasunaren adierazlea da ikasleek greba egitea, asanbladan biltzea edota kartelak jartzea.

• Eskubide horietaz baliatzeko muga estuegirik ez jartzea da gure apustua, tolerantziaren irizpidea mantenduz

• Jarduera horietan ikastetxeko kide guztiekiko errespetua izatea eskatuko zaie ikasleei

• Barne arau eta prozedurak betetzea heziketa helburua ere bada (kartelak jartzeko berezko lekuak erabili, bilerak egiteko baimen idatzia aurkeztu, grebak deitzeko eta burutzeko dagokien prozedurari jarraitu, institutuko denborak eta lekuak erabiltzeko zuzendaritzarekin adostu, ...)

Honen inguruko erabakiak hartzeko funtsezkoa deritzogu komunikazio ona izatea ikasleekin, haiek institutuaren baldintzak eta egoera ulertzeko eta guk ere haien asmoak, proposamenak  eta eskaerak ezagutzeko.