COVID 19- PROGRAMAZIOA

19-20 IKASTURTEKO PROGRAMAZIO DIDAKTIKOA

IKASTETXEA: ARRIGORRIAGA BHI

KODEA: 015072

ETAPA: DBH

ZIKLOA/MAILA: 1. MAILA

ARLOA/IRAKASGAIA: EUSKARA

DIZIPLINA BARRUKO OINARRIZKO KONPETENTZIA ELKARTUAK: Hizkuntza- eta literatura-komunikaziorako konpetentzia. Arterako konpetentzia- Gizarte eta herritartasunerako konpetentzia- Teknologiarako konpetentzia- Zientziarako konpetentzia - Matematikarako konpetentzia eta Konpetentzia motorra

IRAKASLEAK: Karlos Aretxabaleta

IKASTURTEA: 2019-2020

Zeharkako konpetentziak:

1. Hitzez, hitzik gabe eta modu digitalean komunikatzeko konpetentzia.
2. Ikasten eta pentsatzen ikasteko konpetentzia.
3. Elkarbizitzarako konpetentzia.
4. Ekimenerako eta ekiteko espiriturako konpetentzia
5. Izaten ikasteko konpetentzia.

HELBURUAK

1) Hizkuntzaren zenbait erabilera-eremutan sortutako ahozko, idatzizko eta ikus-entzunezko diskurtsoak ulertzea eta interpretatzea, zenbait motatako komunikazio-egoerei aurre egiteko.

2)Bai ahoz eta bai idatziz modu txukun, koherente eta zuzenean espresatzea eta interaktuatzea, eta horretan, errespetua, kooperazioa eta espiritu kritikoa hartzea oinarri, zenbait komunikazio-premiari modu eraginkorrean erantzuteko.

3)Hizkuntzak diren sistemari buruz modu autonomoan gogoeta egitea, eta testuak ulertzeko eta ekoizteko prozesuan testuinguruarekin, testuarekin, esaldiarekin eta hitzarekin lotutako hizkuntzaren erabilera-arauak aplikatzea, hizkuntza modu txukun, koherente eta zuzenean erabiltzea eta transferentzia egokiak egitea helburu hartuta.

4) Norberak hautatutako idatzizko, ahozko eta ikus-entzunezko literatura-testu erreferentzialez gozatzea, norberaren esperientziari zentzua emateko, mundua ulertzeko eta sentsibilitate estetikoan aurrera egiteko.

5) Literatura-generoen eta literaturaren historiako etapa eta lan nagusien oinarrizko arauei buruz ikasitakoak erabiltzea, denen artean literatura-testuak ondo ulertzeko, eta hori dela eta, literatura-ondarea esperientzia indibidual nahiz kolektiboa sinbolizatzeko eta norberaren kultura-identitatea eraikitzeko bidetzat hartzea.

6) Oinarrizko ezaguera soziolinguistikoetan oinarrituta, gure errealitate elebiduna eta, oro har, eleaniztasuna nahiz kultura-aniztasuna ezagutzea, interpretatzea eta balioestea, eta horretan, hizkuntza- eta kultura-aniztasunaren eta euskara eguneroko bizitzan erabiltzearen aldeko jarrera linguistiko enpatiko eta asertiboak bultzatzea eta sustatzea.

7) Informazioaren eta komunikazioaren teknologiak modu autonomo eta kritikoan erabiltzea, informazioa lortzeko, eta elkarrekin komunikatzeko eta kooperatzeko.

8) Norberaren ikaskuntza-prozesuez gogoeta egitea, beste hizkuntza eta ikasgai batzuetan ikasitako komunikazio-ezaguerak eta -estrategiak transferitzeko, eta norberaren ikaskuntza-gaitasunean konfiantza izatea, komunikaziorako konpetentzia hobetzeko.

EBALUAZIO-IRIZPIDEAK ETA LORPEN-ADIERAZLEAK

1) Hainbat euskarritan dauden ahozko testuak ulertzea, hedabideetakoak, ikaskuntzakoak eta lanekoak, batik bat azalpen- eta argudio-testuak, zentzu orokorraz ohartuz, ideia nagusiak eta bigarren mailakoak bereiziz eta informaziorik eta daturik garrantzitsuenak hautatuz, proposatutako helburuari begira eta tesia eta argudioak identifikatuz.

1.1 Entzungaiko informazioak identifikatu eta erauzten ditu, bai eta testuko daturik garrantzitsuenak ere.

1.2 Ahozko testuak ulertzeko orduan agertzen diren zalantzak argitzeko estrategia egokiak erabiltzen ditu.

1.3 Ahozko testuen gaiari igartzen dio.

2) Hainbat euskarritan idatzitako azalpen- eta argudio-testuak ulertzea eta interpretatzea, hedabideetakoak, ikaskuntzakoak eta lanekoak, zentzu orokorraz ohartuz, ideia nagusiak eta bigarren mailakoak bereiziz, edukia eta testuaren forma modu kritikoan balioetsiz, eta informaziorik eta daturik garrantzitsuenak hautatuz, proposatutako helburuari begira.

2.1 Igorlearen asmoaz ohartzen da, idatzizko testuetako eta testuinguruko elementu esplizituen nahiz inplizituen arabera.

2.2 Testuko elementu ez-esplizituak eta testuinguruko inplizituak ondorioztatzen ditu.

2.3 Autonomiaz hautatzen eta erabiltzen ditu ideiak antolatzeko teknikak, idatzizko testuak antolatzeko: eskemak, grafikoak, kontzeptu-mapak...

3) Planifikatu ondoren, azalpen- eta argudio-testu eraginkorrak egitea, argiak eta egituratuak, gizarteari, politikari edo kulturari buruzkoak, ikus-entzunezko baliabideen eta IKTen laguntzaz, hitzezko eta ez-hitzezko baliabideak egoki erabiliz.

3.1 Komunikazio-egoeraren ezaugarriak aztertu, eta haien araberako erabaki egokiak hartzen ditu.

3.2 Informazio esanguratsua bilatu eta hautatzen du, hainbat ikuspuntu eta iturritakoa: analogikoa, ikus-entzunezkoa eta digitala.

3.3 Modu logikoan antolatzen du informazioa, komunikatu asmo denaren arabera.

4) Modu aktiboan eta egokian parte hartzea ikaskuntzako eta gizarteko ahozko harremanetan, bai eta interes sozial, politiko edo kulturaleko eztabaidetan ere, elkarlanerako jarrera positiboarekin.

4.1 Taldeko elkarrizketetan parte hartzen du, ideiak, gertaerak, bizipenak eta sentimenduak adieraziz, iritziak kontrastatuz eta erabakiak hartuz.

5) Planifikatu ondoren, idatzizko testu egokiak sortzea, batik bat azalpen- eta argudio-testuak, paperean nahiz digitalean, koherenteak, ongi kohesionatuak eta zuzenak, gai sozial, politiko edo kulturalei buruzkoak, kontuan hartuz komunikazio-egoera.

5.1 Komunikazio-egoeraren ezaugarriak aztertu, eta haien araberako erabaki egokiak hartzen ditu.

5.2 Modu autonomoan bilatu eta hautatzen du informazio egokia eta hainbat ikuspuntutakoa, iturri analogikotan nahiz digitaletan.

5.3 Arau gramatikalak eta tipografikoak errespetatzen ditu, bai eta arau ortografikoak ere.

6) Sistema linguistikoaz eta haren erabilera-arauez gogoeta egitea, eta jakintza horiek erabiltzea, lagunduta, ulermen-arazoak konpontzeko ez ezik testu eta berrikuspen hobeak egiteko.

6.1 Perpauseko elementuak ezagutzen eta karakterizatzen ditu, bai eta perpausen arteko harremanak ere.

6.2 Kategoria gramatikalak, haien forma eta funtzioa ezagutzen du eta karakterizatzen du.

7) Oinarrizko hizkuntza-terminologia ezagutzea eta erabiltzea hizkuntzari buruz gogoeta egiteko.

7.1 Hizkuntzari buruzko gogoeta egitean emandako azalpenak eta argibideak jarraitzeko terminologia ulertzen du.

8) Euskal Literaturaren XX) mendera arteko testu osoak edo pasarteak ulertzea, denen artean irakurrita eta entzunda, eta iritzi pertsonala ematea, oinarrizko literatura-ezaguerak erabiliz.

8.1 Testuaren oinarrizko elementuak edo ezaugarriak identifikatzeko jarraibideak erabiltzen ditu.

8.2 Gaia identifikatzen du, bai eta ideia nagusiak eta bigarren mailakoak ere.

9) Literatura asmoko testuak sortzea, ahozkoak, idatzizkoak nahiz ikus-entzunezkoak, hainbat generotakoak, sormena sustatzeko teknikak erabiliz, ereduen gogoetan eta azterketan oinarrituta.

9.1 Bere estiloarekin espresatzen da, eta malgutasunez eta sormenez erabiltzen ditu baliabide erretorikoak nahiz estilistikoak.

9.2 Sormenez eta originaltasunez espresatzen ditu bere bizipenak, sentimenduak eta gogoetak.

9.3 Testuak sortzeko prozedura orokorrak aplikatzen ditu, autonomiaz eta ganoraz.

10) Euskal Literaturaren XX) mendera arteko laginik garrantzitsuenak ezagutzea, literatura-testuak hobeto ulertzeko eta norberaren kultura aberasteko.

10.1 Literatura-genero tradizional handiak bereizten ditu, eta haien ezaugarri nagusiak ezagutzen ditu.

10.2 Euskal Literaturako eta Espainiar Literaturako egile eta obra nagusiak karakterizatzen ditu, bai eta haien aldi eta mugimenduak ere.

10.3 Literatura-testuetako gaien eta formen jarraipenaz nahiz bilakaeraz ohartzen da

11) Irakurtzeko ohitura garatzea, eta literatura gozamen-iturritzat hartzea, mundua ezagutzeko bidetzat, kultura eta hizkuntza aberasteko modutzat, eta nortasun pertsonala, kulturala nahiz soziala eraikitzeko eratzat.

11.1 Literaturari buruzko elkarrizketetan parte hartzen du modu aktiboan, bere bizipenak eta ikuspegi pertsonala adieraziz

13) Hizkuntza-ohitura nahiz -jokaera asertiboak eta enpatikoak izatea, bai eta euskara erabiltzeko jarrera proaktiboa, kooperatiboa, bidezkoa eta arduratsua ere testuinguru eleaniztunetan.

13.1 Euskara normaltzeko eta euskal kultura zabaldu eta sortzeko eskola-jardueretan parte hartzen du.

14) Informazio-teknologiak modu autonomo eta kritikoan erabiltzea, eskolako jardueretan informazioa bilatu, hautatu, kudeatu eta komunikatzeko.

14.1 Informazioa bilatu eta aurkitzen du, bilaketa aurreratuko tresnak eta gaikako bilatzaileak erabiliz.

14.2 Komunikatzeko eta lankidetzan aritzeko tresnak eta aplikazioak erabiltzen ditu

15) Ikasleak bere hizkuntza-ikaskuntzaz gogoeta egitea, bere ikasteko gaitasunean konfiantzarekin, autorregulazioa sustatzeko.

15.1 Hizkuntza ikasteak berez dituen zailtasunak gainditzeko jarrera proaktiboa eta asertiboa du.

15.2 Gero eta kontzientzia handiagoa du bere ikaskuntza-prozesuko gaitasunei eta zailtasunei buruz.

EDUKIEN SEKUENTZIA [denbora-tarteka, unitate didaktikoak, proiektuka, ikaskuntza-nukleoka edo beste moduren batera antolatuta, …].

1.EBALUAZIOA

1. UNITATE DIDAKTIKOA.

• HIZKUNTZARI BURUZKO HAUSNARKETA
  • *Morfosintaxia: Adjektiboa, Aditzondoa, Izenlaguna, Izenondoa
  • *Ahalera: Nor, Nor-Nork saila (Orain eta lehen)
  • *Lexikoa: Hitz motak, hitz eratorpena eta mailegutza

• ORTOGRAFIA
  • Data
  • Orduak

• AHOZKO /IDATZIZKO KOMUNIKAZIOA

• Entzumen testuak
• LITERATURA
• Euskal Literaturaren sarrera
• *Literaturaren hastapenak

15 saio

2. UNITATE DIDAKTIKOA.

• HIZKUNTZARI BURUZKO HAUSNARKETA
  • morfosintaxia: izen motak, OZ, ZO, ahalera (N, N-N sailak, hipotetikoa; N-N-N saila orainaldia)
  • Lexikoa:Onomatopeiak, konnotazioa eta denotazioa
• ORTOGRAFIA
• Zenbakien idazkera
• *Puntuazioa
• AHOZKO /IDATZIZKO KOMUNIKAZIOA. PROIEKTUA
  • *Gutun formala
• Proiektu baten defentsa (talde kop.)
• Entzumen testuak
• LITERATURA
• *Erdi Aroa: eresia eta erromantze epikoa
  • Milia Lasturkoren eresia
• Ez naiz ni! (Karmele Jaio)

15 saio

2.EBALUAZIOA

4. UNITATE DIDAKTIKOA.

• HIZKUNTZARI BURUZKO HAUSNARKETA
  • *Morfosintaxia: Izenorndain arruntak eta indartuak, aditz jokatugabeak, juntadurazko perpausak.
  • aditza: ahalera errepasoa
  • *subjuntiboa NOR eta NOR- NORK
  • lexikoa: sinonimoak eta antonimoak, aditz-izenak sortzeko bidea

• ORTOGRAFIA
• Loturik ala bereiz
• -a itsatsia
• AHOZKO /IDATZIZKO KOMUNIKAZIOA. PROIEKTUA
• Iritzi artikulua
• ahozko ekoizpena
• entzumen testua
• LITERATURA
  • *Barrokoa: Sarako eskola
    • Gero
    • Axular

16 saio

5. UNITATE DIDAKTIKOA.

• HIZKUNTZARI BURUZKO HAUSNARKETA
  • *Morfosintaxia: izenordain bihurkaria, aditz jokatuak, Kausazko perpausak
  • *aditza: indikatiboa errepasoa
  • *Subjuntiboa: NOR NORK
  • Lexikoa: adberbioak sortzeko bidea, hiztegia

• ORTOGRAFIA
• *puntu eta koma
• *ts, tx eta tz

• AHOZKO /IDATZIZKO KOMUNIKAZIOA. PROIEKTUAK
• Arazo egoera garatu
• ahozko ekoizpena
• entzumen testua
• LITERATURA
• Ilustrazioa: Larramendiren mendea
• Erromantizismoa

16 saio

6. UNITATE DIDAKTIKOA.

• HIZKUNTZARI BURUZKO HAUSNARKETA
  • Morfosintaxia: Helburuzko perpausak, determinatzaile mugatzaile
  • *subjuntiboa: NOR NORK
  • lexikoa: Arlo semantikoa, arlo lexikoa, kortesiazko esapideak

• ORTOGRAFIA
• Bi puntuen erabilera, txistukariak
• AHOZKO /IDATZIZKO KOMUNIKAZIOA. PROIEKTUAK
• Arazo egoera garatu
• Olerkia
• entzumen testua

16 saio

3.EBALUAZIOA

7. UNITATE DIDAKTIKOA.

• HIZKUNTZARI BURUZKO
  • * Ondorio perpausak, Kontzesio perpausak
  • lexikoa: jatorri atzizkiak eta atzizki graduatzaioleak

• ORTOGRAFIA
• *arazi
• *bait- partikula
• AHOZKO /IDATZIZKO KOMUNIKAZIOA. PROIEKTUAK
• Argudio testua
• Poesia: Kirmen Uribe
• ahozko ekoizpena
• entzumen testua
• LITERATURA
• errealismoa

14 saio

8. UNITATE DIDAKTIKOA.

• HIZKUNTZARI BURUZKO HAUSNARKETA
  • Morfosintaxia: analisi sintaktikoak II
  • aditza: errepaso orokorra, indikatiboa
  • Subjuntiboa: NOR; NOR NORI; NOR NORI NORK eta NOR NORK
  • Lexikoa: Hedapen semantikoa, hiztegia

• ORTOGRAFIA
• Maileguen idazkera, siglak eta laburdurak
• AHOZKO /IDATZIZKO KOMUNIKAZIOA. PROIEKTUAK
• Argudio testua
• Poesia: Kirmen Uribe
• ahozko ekoizpena
• entzumen testua
• LITERATURA
• XX. mendea: abangoardiak eta euskal pizkundea

14 saio

METODOLOGIA [edukien antolaketa, jarduera motak, baliabide didaktikoak, ikasleen taldekatzeak, espazioen eta denboren antolaketa, irakasleen eta ikasleen eginkizuna… ikuspegi inklusibo batetik].

Ikasturte honetako helburu eta ebaluazio irizpideak konpetentziatan oinarritzeak metodologia arloan ere aldaketa bat ezartzea dakar. Alde batetik, irakaslearen papera aldatzea, azalpen emaile hutsetik, ikaste-irakaste prozesuan laguntzaile edo gidari izatera pasatuz. Bestalde, ikasketa esanguratsua izan dadin, ikasleak, subjektu aktiboa izan behar du bere ikasketa prozesuan.

Aldaketa metodologiko hau apurka-apurka gauzatzea du helburu programazio honek, horretarako errealitatean oinarritutako proiektuak hiruhilabeteko guztietan proposatuz. Azken hiruhilabetekoan, proiektuaz gain, problema-egoera oinarri duen unitate didaktikoa ere planteatu da.

Era berean, proiektu hauen ekoizpenean, gure ikasgeletan hain ohiko bihurtu den testu liburua alde batera utzi eta bestelako baliabide didaktikoen (aurrerago zerrendatuko ditut) erabilera bultzatuko dugu.

Ildo beretik jarraituz, ikasgelaren antolaketa ere malgua izango da, bakarka, binaka, nahiz taldeka egingo dute lan ikasleek, proiektuek edo unean uneko eginkizunek eskatzen dutenaren arabera.

Bestalde, Ulermen maila eta irakurmena bultzatzeko asmotan testuez gain, ikasleek ikasturtean zehar, gutxienez, liburu bat irakurriko dute. Horretarako gelan tarte batzuk erabiltzeaz gain etxean ere irakurri behar izango dute.

Aurten ere, hobekuntza plana eta aurreko ikasturteetako ildoari jarraiki, arreta berezia jarriko dugu ahozko ulermen eta adierazpenean.

Atal honekin amaitzeko, aniztasunaren trataerari egingo diot tartetxo bat, eta horretarako erabiliko dudan oinarrizko baliabidea BERDINEN ARTEKO TUTORETZA izango da.

• CHROMEBOOK-APLIKAZIOAK
  • Google classroom
  • Google Hangouts
  • Google inprimakiak
  • Google Meet
  • *Screencastify

BALIABIDE DIDAKTIKOAK:

• Ulermena 4, Euskara eta literatura DBH; Ibaizabal argitaletxea.
• Gramatika 4, Euskara eta literatura DBH; Ibaizabal argitaletxea.
• www.consumer.es
• www.aldizkaria.elhuyar.eus
• www.etxebarrieuskaraz.blogspot.com.es
• www.euskaljakintza.com
• www.ikasbil.eus
• www.eitb.tv/eu/
• www.nagusiak.berritzeguneak,net/hizkuntzak
• www.hiztegia.net
• www.aditzak.com
• www.etxegiroan.com
• 
  

Honetaz gain, etxeuskara4 google sites-ak garrantzi handia izango du, ikasleek bertan izango baitituzte eskura eguneroko lanean beharrezko izango dituzten hainbat material, esate baterako, proiektuak aurrera eramateko beharrezko izango dituzten fitxak (eginkizunak); kontsultatu beharreko web orriak, izan ere proiektu bakoitza egin ahal izateko aurrekoez gain, webgune espezifikoak ere kontsultatu behar izango baitituzte; etab

EBALUAZIO-TRESNAK [ahozko eta idatzizko probak, galdetegiak, banakako eta taldeko lanak, behaketa-eskalak, kontrol-zerrendak, ikasgelako koadernoa, portfolioa, kontratu didaktikoa…]

KALIFIKAZIO-IRIZPIDEAK [ebaluazio-tresna bakoitzaren pisua eta balioa]

• Ahozko proba.
• Irakurmen/Ulermen proba/lana
• Idatzizko komunikazioa (idazlanak)
• Hizkuntzari buruzko hausnarketa: azterketak, gelan zein etxean egindako eta irakasleak, aurretiaz esanda, jasotako lan zein ariketak.
• Proiektua. Ahozko zein idatzizko ekoizpena.
• Googleko baliabideak: Classroom, Hangouts, Screecastify..
• Jarrera. Irakaslearen koadernoa: ikaskide zein irakasleak errespetatzen dituen, gainerakoen esku-hartzean errespetatzen dituen, talde txikian zein handian proposatutako eginkizunetan parte hartzen duen, klasea oztopatu gabe jarraitzen duen, etxeko lanak egiten dituen, euskararen erabilerari lehentasuna ematen dion,

• 3. ebaluazioan egunero Classroom bitartez entregatzen dituzten lanak baloratuko dira.
• Horretaz gain, irakasleak planteatzen dituen azterketatxoak ere kontutan hartuko dira.

IRIZPIDEAK

1- Ebaluazio bakoitzean azterketa idatziek (gramatika eta literaturari buruzkoak)nota osoaren %65 egingo dute. Derrigorrean irakurri behar dituzte eskatutako liburuak gainditu ahal izateko ebaluazioa.

• Irakurmena %10
• Entzumena %10
• Gramatika - Hiztegia %20
• Lite - Irakur liburua ( %10- %15)

2- Ebaluazio bakoitzean ahozko froga bat egingo da, nota osoaren %15 izango dena.

3.- Etxerako bidalitako gai jakin batzuei buruzko lan idatziak notaren %10 emango dute. Eskatutako lan guztiak aurkeztu behar dira.

4- Ebaluazio bakoitzean klaseko jarrera, arloa eta euskararekiko interesa behatuko zaie, nota osoaren %10 izango dena.

.------------------------------------------------------OHARRAK:

-Ikasgaia gainditzeko baldintzetariko bat atal guztietan 2,5 puntutik gora ateratzea da.

-Akats ortografikoek zein gramatikalek notan eragina izango dute: 0,1 akats ortografikoek, 0,2 gramatikalek.

1. Ebaluazio bakoitzak balio ezberdina izango du:
   1. 1. ebaluazioa: %40
   2. 2. ebaluazioa: %40
   3. 3. ebaluazioa: %20

3. Ebaluazioa ehuneko ezberdinekin ebaluatuko da:

Lanak %70, galdetegiak %30:

-Lanak: %50

-Irakur liburua: %10

-Idazlanak: %25

-Froga Idatzia: %1

EBALUAZIOAREN ONDORIOAK [indartzeko eta zabaltzeko neurriak, antolamendu-egokitzapenak eta egokitzapen metodologikoak, emaitzen analisia, plangintza didaktikoaren berrikuspena, errekuperazio-sistema...].

C- IKASGAIA BERRESKURATZEKO PROZEDURA

1- Ebaluazio jarraitua izango da, hau da, ebaluazio bat gainditzen denean, aurrekoa, gainditu gabe balego, gaindituta geratzen da. Hala ere, Literatura arloan (irakur liburuak), aurreko ebaluazioan gainditu gabekoa derrigorrean azterketa baten bitartez gainditu beharko du; irakurri ezean, jarrera atalean eragina izango du.

2- Azken ebaluazioan ikasgaia gainditzen ez bada,ekaineko ez-ohiko frogan azterketa idatzia egin beharko du.

3- Ikasgaia aurreko ikasturtetik gainditu gabe baldin badago (ikasgai pendientea deitzen dena), Euskara mintegiak ezarritako prozedurari jarraitu beharko dio: urtean zehar bi azterketa egiteko aukera, bata urtarrilean eta bestea apirila aldera. Era berean, lehenengo ebaluazioa gaindituz gero, arloa gainditutzat emango zaio, ebaluazio jarraitua izateagatik. Ekaineko ezohiko azterketetan ere izango dute gaingabeen arterketa ereduak betetzeko aukera.

Plangintza didaktikoaren berrikuspenari dagokionez, COVID 19 dela -eta, honako eduki hauek eman gabe geratuko direla aurreikusten da:

1. Aditza: Subjuntiboa: Nor/ Nor-Nork/ eta Nor-nori-nork lehenaldia
2. Sintaxia: menpeko perpausak: Moduzkoak, Zehar estiloa, eta Osagarriak
3. Idazmena: Argudio testua

1. Ebaluazio bakoitzak duen ehunekoaren batez bestekoa egingo da amaierako nota lortzeko, hau da, 1. ebaluazioa %40, 2. ebaluazioa %40, 3. ebaluazioa %20.
2. Batez bestekoak ez badu 5 ematen, ez-ohiko azterketa bat egin beharko du ikasturte osoko gutxieneko edukiekin.

Aurreko informazioa Euskara Departamentuko Programazio Laburtuetatik atera dugu. Programazio hauek Urteko Planean txertatzen dira. Bertan, lortu nahi diren helburuak (konpetentzietan oinarriturik), edukien denboralizazioa eta ebaluazio-irizpideak jasotzen dira.

OHARRAK / OBSERVACIONES

II. ERANSKINA

UNITATE DIDAKTIKOA ARAZO-EGOERA BATETIK ABIATUTA PROGRAMATZEKO TXANTILOIA

Izenburua: Ikasbidaia antolatzen

Irakasgaia: Euskara eta literatura

Maila: 4.DBH

Saio kopurua: 15

Proposamenaren justifikazioa: Betidanik izan dute gizakiek besteen bizitza ezagutzeko jakin-mina. Gure ikasleak, ere ez dira ezberdinak horretan eta pertsonaia ezagun askoren bizitza nolakoa den, izan den , edo bizitzan zehar izan dituzten gora- beherarik garrantzitsuenak ezagutu nahi dituzte. Bestalde pertsonaia ezagun eta garrantzitsu askoren bizitzako daturik esanguratsuenak ezagutzeak informaturik egotea esan nahi du.

Horregatik, unitate honetan zehar hizkuntzari loturiko bai ahozko bai idatzizko trebeziak lantzeko asmoz, “benetako” ikasbidaia antolatu beharko dute .

Testuaren hartzaileak ikaskideak, irakasleak eta gurasoak izango dira, horrela ekoizpenaren funtzionaltasuna bermatuta egongo da.

Arazo-egoera:

1. Testuingurua: 4.maila hasi berri dugu eta dagoeneko ikasturte amaierako ikasbidaiari begira gaude. Garestia izango da? Nora joango ote gara? Zelan lor dezakegu dirua?

1. Arazoa: Aurreko guztia dela eta, ezinbestekoa da ikasleek kontzientzia hartzea eta eurek izatea antolakuntzaren arduradunak; horrek dakarren azpiegitura eta lan mardularekin.

1. Helburua: Euskarri desberdinak baliatuz (blog, triptiko, web orria...etab.), balizko ikasbidaia bat antolatu beharko dute, gurasoei, gainerako ikaskideei eta zentroari aurkezteko.

Ataza: Taldeka, ikasbidaiaren helmuga zehaztu beharko dute, helmugari buruzko informazio bilatu ondoren (zer egin, nora joan, zer bisitatu...etab.), ikasleek talde kooperatiboan bidaiaren nondik norakoak zehazten hasi beharko dira. Ondoren, euskarri desberdinak aukeran izanik, proiektuaren aurkezpena jorratu beharko dute.

Oinarrizko konpetentzia hauek lantzen dira:

1. Zeharkako konpetentziak:

a) Hitzez, hitzik gabe eta modu digitalean komunikatzeko konpetentzia.

b) Ikasten eta pentsatzen ikasteko konpetentzia.

c) Elkarbizitzarako konpetentzia.

d) Ekimenerako eta ekiteko espiriturako konpetentzia.

e) Izaten ikasteko konpetentzia.

1. Diziplina barruko konpetentziak:

a) Hizkuntza- eta literatura-komunikaziorako konpetentzia.

Helburu didaktikoak:

• Gida turistikoak ezagutzea.
• Irakurritako informazioa ulertzea.
• Informazio garrantzitsua hautatzea.
• Testua planifikatzea, idaztea eta ahoz aurkeztea.
• Autoebaluazio zein koebaluazio jardueretan aktiboki parte hartzea eta autozuzenketa estrategiak erabiltzea.
• Informazio-teknologiak gero eta autonomia handiagoz erabiltzea.
• Ahoz eta idatziz koherentziaz eta zuzentasunez aritzea.
• Jarduerak egiterakoan errespetuzko eta lankidetzarako jarrera izatea.

Edukiak:

• Izaera ezberdineko gida turistikoen ezaugarrien analisia.
• Informazio esanguratsuaren bilaketa.
• Testuak idazteko prozedurak.
• Ahozko azalpenaren planifikazioa.
• Jenio arrakastatsu batzuen gorabeherak.
• Taldeko lana.
• Ebaluazio prozedurak eta autozuzenketa estrategiak.

Jardueren segida:

1. Hasierako fasea:

• 1. JARDUERA : IKASBIDAIA GAZTEEN ESKU!
• 2. JARDUERA: BAGOAZ?

1. Garapen fasea:

• 3. JARDUERA: IKERKETA.
• 4. JARDUERA: GIDA TURISTIKOEN EZAUGARRIAK.
• 5. JARDUERA: ZIRRIBORROA.
• 6. JARDUERA: AKATSAK ZUZENDUKO DITUGU.

1. Aplikazio-fasea:

• 7. JARDUERA: MAKETAZIO FASEA.
• 8. JARDUERA: AHOZKO AZALPENA.

1. Orokortze- eta transferentzia-fasea:

• 9. JARDUERA: ETA BESTE EGOERA BATEN?
• 10. JARDUERA: ZER IKASI DUT HEMEN? NOLA ARITU NAIZ?

Ebaluazioa:

1. Adierazleak:
   • Gida turistikoen ezaugarriak bereizteko gai den.
   • Bere ekoizpena egiteko irakurritako informazioa ulertu duen.
   • Gai den aurrez emandako informazio-iturri digitalak era egokian erabiltzeko eta informazio garrantzitsua hautatzeko.
   • Lana, taldeka, ahoz aurkeztu baino lehen egoki planifikatu eta idazteko gai den.
   • Autoebaluazio zein koebaluazio prozeduretan parte hartzen duen, hobetzeko iradokizunak eginez eta autozuzenketa estrategiak erabiliz.
   • Gida koherente eta zuzena idazteko eta ahoz azaltzeko gai den.
   • Gai den taldeko zereginetan erantzukizunez aritzeko, erabakiak hartuz, iritziak emanez eta gainerakoenak errespetatuz.

1. Tresnak:

• Hasierako ebaluazioa: 1. Jarduera.
• Tarteko ebaluazioa: 3-5-6 eta 7. Jarduerak.
• Amaierako ebaluazioa: 8-9 eta 10. Jarduerak.

Autoebaluazio, koebaluazio eta heteroebaluazio jarduerak proposatu dira.