COVID 19- PROGRAMAZIOA

19-20 IKASTURTEKO PROGRAMAZIO DIDAKTIKOA

IKASTETXEA: ARRIGORRIAGA BHI

KODEA: 015072

ETAPA: DBH

ZIKLOA/MAILA: 1. MAILA

ARLOA/IRAKASGAIA: EUSKARA

DIZIPLINA BARRUKO OINARRIZKO KONPETENTZIA ELKARTUAK: Hizkuntza- eta literatura-komunikaziorako konpetentzia. Arterako konpetentzia- Gizarte eta herritartasunerako konpetentzia- Teknologiarako konpetentzia- Zientziarako konpetentzia - Matematikarako konpetentzia eta Konpetentzia motorra

IRAKASLEAK: Ainhoa Causo eta Olatz Bartolomé

IKASTURTEA: 2019-2020


ZEHARKAKO KONPETENTZIAK

1) Hitzez, hitzik gabe eta modu digitalean komunikatzeko konpetentzia.

2) Ikasten eta pentsatzen ikasteko konpetentzia.

3)Elkarbizitzarako konpetentzia.

4) Ekimenerako eta ekiteko espiriturako konpetentzia.

5) Izaten ikasteko konpetentzia.


HELBURUAK

1) Hizkuntzaren zenbait erabilera-eremutan sortutako ahozko, idatzizko eta ikus-entzunezko diskurtsoak ulertzea eta interpretatzea, zenbait motatako komunikazio-egoerei aurre egiteko.

2) Bai ahoz eta bai idatziz modu txukun, koherente eta zuzenean espresatzea eta elkar eragitea, eta horretan, errespetua, kooperazioa eta espiritu kritikoa hartzea oinarri, zenbait komunikazio-premiari modu eraginkorrean erantzuteko.

3) Hizkuntzak diren sistemari buruz modu autonomoan gogoeta egitea, eta testuak ulertzeko eta ekoizteko prozesuan testuinguruarekin, testuarekin, esaldiarekin eta hitzarekin lotutako hizkuntzaren erabilera-arauak aplikatzea, hizkuntza modu txukun, koherente eta zuzenean erabiltzea eta transferentzia egokiak egitea helburu hartuta.

4) Norberak hautatutako idatzizko, ahozko eta ikus-entzunezko literatura-testu erreferentzialez gozatzea, norberaren esperientziari zentzua emateko, mundua ulertzeko eta sentsibilitate estetikoan aurrera egiteko.

5) Literatura-generoen eta literaturaren historiako etapa eta lan nagusien oinarrizko arauei buruz ikasitakoak erabiltzea, denen artean literatura-testuak ondo ulertzeko, eta hori dela eta, literatura-ondarea esperientzia indibidual nahiz kolektiboa sinbolizatzeko eta norberaren kultura-identitatea eraikitzeko bidetzat hartzea.

6) Oinarrizko ezaguera soziolinguistikoetan oinarrituta, gure errealitate elebiduna eta, oro har, eleaniztasuna nahiz kultura-aniztasuna ezagutzea, interpretatzea eta balioestea, eta horretan, hizkuntza- eta kultura-aniztasunaren eta euskara eguneroko bizitzan erabiltzearen aldeko jarrera linguistiko enpatiko eta asertiboak bultzatzea eta sustatzea.

7) Informazioaren eta komunikazioaren teknologiak modu autonomo eta kritikoan erabiltzea, informazioa lortzeko, eta elkarrekin komunikatzeko eta kooperatzeko.

8) Norberaren ikaskuntza-prozesuez gogoeta egitea, beste hizkuntza eta ikasgai batzuetan ikasitako komunikazio-ezaguerak eta -estrategiak transferitzeko, eta norberaren ikaskuntza-gaitasunean konfiantza izatea, komunikaziorako konpetentzia hobetzeko.


EBALUAZIO-IRIZPIDEAK ETA LORPEN ADIERAZLEAK

1-2) Ea gai den pertsonen arteko harremanetan, hedabideetan eta hezkuntzan sarri-sarri agertu ohi direnen moduko euskarri eta genero desberdinetako ahozko testuak ulertzeko (narrazio- eta azalpen-testuak eta testu hezigarriak, nagusiki), eta horretan, ea igartzen dion testuen zentzu orokorrari, ideia nagusiak eta bigarren mailako ideiak ondo bereiziz eta kasuan-kasuan lortu beharreko helburuak erdiesteko informazio pertinentea hautatuz.

1.1)Komunikazio egoeraren ezaugarriak aztertzen ditu.

1.2)Edukia laburtu, gaia adierazi eta ondorioak ateratzen ditu.

1.3) Iritzia arrazoietan oinarrituta ematen du.

3) Ea gai den, aldez aurretik egindako plangintza bati jarraituz,gai akademiko nahiz pertsonalei buruz hedabideetan eta hezkuntzan sarri-sarri agertu ohi direnen moduko ahozko testu soil eta argiak sortzeko (narrazio- eta azalpen-testuak eta testu hezigarriak, nagusiki), eta horretan, ea txukun eta egoki erabiltzen dituen bai ikus-entzunezko teknologia berriak nahiz IKTak eta bai hitzezko nahiz hitzik gabeko baliabideak.

3.1)Egokitasunez, era koherentean, zuzen eta eraginkorra izanez idazten du.

3.2)Ereduak diren testuen ezaugarriak baliatzen ditu.

4) Ea, ikastea eta gizarte-harremanak jostea helburu duten testuinguruetan, modu aktibo eta egokian parte hartzen duen, eta horretan, ea baduen lan kooperatiboaren aldeko jarrerarik.

5) Ea gai den, aldez aurretik egindako plangintza bati jarraituz, pertsonen arteko harremanetan, hedabideetan eta hezkuntzan sarri-sarri agertu ohi direnen moduko idatzizko testuak sortzeko (narrazio- eta azalpen-testuak eta testu hezigarriak, nagusiki), eta horretan, ea kontuan hartzen duen komunikazio-egoera, eta ea bere testuak modu txukun, koherente, kohesionatu eta zuzenean idazten dituen.

5.1)Egokitasunez, era koherentean, zuzen eta eraginkorra izanez idazten du.

5.2)Ereduak diren testuen ezaugarriak baliatzen ditu.

5.3)Gaztelerarekin sortzen diren kalkoak identifikatu eta saihesten ditu.

6) Ea gai den testu, enuntziatu eta hitzak elkarrekin alderatu eta transformatu, eta hizkuntza-sistemari eta hizkuntzaren erabilera-arauei buruz gogoeta egiteko, eta ea gero badarabiltzan ezaguera horiek ulermen-arazoak konpontzeko eta testualizazio- eta berrikusketa-prozesuak hobetzeko.

6.1)Ezagutzen du hizkuntzetan erabiltzen den hizkuntza-terminologia.

6.2)Hizkuntza-ezagutzak, bere kabuz, lantzen, sistematizatzen eta sailkatzen ditu.

6.3)Ereduak diren testuen ezaugarriak baliatzen ditu.

6.4)Gaztelerarekin sortzen diren kalkoak identifikatu eta saihesten ditu.

7) Ea ezagutzen duen oinarrizko terminologia linguistikoa, eta ea badarabilen testuak ulertzearekin eta ekoiztearekin lotutako hizkuntzari buruzko gogoeta egitea helburu duten jardueretan.

7.1)Ezagutzen du hizkuntzetan erabiltzen den hizkuntza-terminologia.

7.2)Hizkuntza-ezagutzak, bere kabuz, lantzen, sistematizatzen eta sailkatzen ditu

8) Ea gai den, denen artean testu bat irakurri edo entzun, eta bai ahozko eta bai idatzizko testu labur eta literatura-pasarteak ulertzeko, eta horretan, ea badarabiltzan literaturari buruzko bere oinarrizko ezaguerak eta ea gai den testuari buruzko bere iritzia emateko.

8.1)Idazle, mugimendu eta lanen berri ahoz zein idatziz ematen du.

9) Ea gai den, literatura-testu bat eredutzat hartu eta parametro jakin batzuen arabera moldatuz, zenbait generotako eta ahozko, idatzizko nahiz ikus-entzunezko literatura-testuak ekoizteko.

9.1) Testuen iruzkin literario egokiak egiten ditu.

9.2)Ereduak diren testuen ezaugarriak baliatzen ditu.

10) Ea badakien ahozko eta idatzizko literaturaren berri, eta ea ezagutzen dituen literaturaren konbentzio espezifikoetako batzuk, horrela literatura-testuak hobeto ulertzeko eta bere kultura-ondarea aberasteko.

10.1)Idazle, mugimendu eta lanen berri ahoz zein idatziz ematen du.

11) Ea baduen irakurtzeko ohiturarik, eta ea literatura hartzen duen gozamen-iturritzat eta mundua ezagutzeko bidetzat.

11.1) Irakurliburuekiko jarrera positiboa adierazten du.

11.2) Liburuen inguruko hausnarketak zein laburpenak egiten ditu.

12) Ea jabetzen den hizkuntza-aniztasunaz, ea balioesten duen aniztasun hori, eta ea, oinarrizko ezaguera soziolinguistikoak oinarri hartuta, baduen hizkuntzen eta hizkuntza-aniztasunaren aldeko errespeturik.

12.1)Kritikoki aztertzen du inguruko egoera soziolinguistikoa.

12.2) Normalkuntzarako jokabide aktiboa erakusten du.

13) Ea ari den ohitura eta portaera linguistiko asertibo eta enpatikoak hartzen, eta ea baduen testuinguru eleaniztunetan euskara modu proaktibo, kooperatibo, ekitatibo eta arduratsuan erabiltzearen aldeko jarrerarik.

13.1) Normalkuntzarako jokabide aktiboa erakusten du.

13.2) Euskararekiko jarrera positiboa erakusten du.

13.3) Euskaraz hitz egiten saiatzen da lankide zein irakasleekin.

14) Ea, informazioa bilatzeko, hautatzeko, kudeatzeko eta komunikatzeko prozesuan, gai den gero eta autonomia handiagoz informazioaren teknologiak erabiltzeko, eskolan egunero sortzen zaizkion premiei aurre egiteko.

14.1)Gramatika alorrean dituen arazoak gainditzeko, Interneten jarduerak bilatu eta praktikatu egiten du.

14.2) IKTak erabiltzen ditu klasean ematen den informazioa osatzeko.

15) Ea gai den bere ikaskuntza linguistikoaz gogoeta egiteko, eta horretan, ea baduen konfiantzarik bere ikaskuntza-gaitasunean, horrela bere burua erregulatzen ikasteko.

15.1)Zalantzei hausnarketa eta argia bilatzen ahalegintzen da.

15.2)Hutsegiteen zergatiak bilatzen ditu ez errepikatzeko.

15.3)Konfiantza eta jarrera gogotsua erakusten ditu ikaskuntza prozesuan.


EDUKIEN SEKUENTZIA [denbora-tarteka, unitate didaktikoka, proiektuka, ikaskuntza-nukleoka edo beste moduren batera antolatuta …].

1.UNITATE DIDAKTIKOA.

  • KOMUNIKAZIOA
    • Irakurgaia: Umorearen mundua
    • Entzumena: Jon Plazaola
  • HIZKUNTZARI BURUZKO HAUSNARKETA
    • *Perpausaren osagaiak: izen sintagma eta aditz sintgama
    • *Aditz sintagma: osagarri zuzena eta zehar osagarria
    • *Kategoria gramatikalak: izena eta izenordaina
    • *Lexikoa: Multzo-atzizkiak
  • ORTOGRAFIA
    • Zenbaki kardinalen idazkera
    • s, z
  • AHOZKO /IDATZIZKO KOMUNIKAZIOA. PROIEKTUA
    • Deskribapena
  • LITERATURA
    • *Euskal mitologiako pertsonaia batzuk

15 saio


2. UNITATE DIDAKTIKOA.

  • KOMUNIKAZIOA
    • Irakurgaia: bideojokoak
    • Entzumena: bideojokoak, kaltegarri?


  • HIZKUNTZARI BURUZKO HAUSNARKETA
    • Deklinabidea: kasuak eta erabilera
    • *Kategoria gramatikalak: determinatzaileak
    • Lexikoa: Toki-atzizkiak
    • Aditza: baldintza nor
  • ORTOGRAFIA
    • Zenbaki ordinalen idazkera
    • s, x, z
  • AHOZKO /IDATZIZKO KOMUNIKAZIOA. PROIEKTUA
    • Aurkezpen bideoa: aktore euskaldunak
    • Entziklopedia sarrera
  • LITERATURA
    • *Herri ipuinak

15 saio


3. UNITATE DIDAKTIKOA.

  • KOMUNIKAZIOA
    • Irakurgaia: Heriotzaren kultura
    • Entzumena: Halloween bitxiak munduan
  • HIZKUNTZARI BURUZKO HAUSNARKETA
    • *Deklinabidea: mugagabea
    • Kategoria gramatikalak: adberbioak eta postposizioak
    • Lexikoa: Denbora-atzizkiak
    • Aditza: baldintza nor-nork
  • ORTOGRAFIA
    • Zenbaki banatzaileen idazkera
    • ts, tx, tz
  • AHOZKO /IDATZIZKO KOMUNIKAZIOA. PROIEKTUA
    • Dibulgazio-testua: deskribapenezkoa
  • LITERATURA
    • *Atsotitzak

15 saio


4. UNITATE DIDAKTIKOA.

  • KOMUNIKAZIOA
    • Irakurgaia: Marko Polo nafarra
    • Entzumena: Arrano arrantzalearen bidaia
  • HIZKUNTZARI BURUZKO HAUSNARKETA
    • *Aditz jokatuak eta jokatugabeak
    • Aditz trinkoen erabilera
    • Lexikoa: Gogo-atzizkiak
    • Aditza: baldintza nor nori nork
  • ORTOGRAFIA
    • Aditzoinaren idazkera
    • h letra
  • AHOZKO /IDATZIZKO KOMUNIKAZIOA. PROIEKTUA
    • Jarraibide testua
    • Gustuko bidaia baten ibilbidearen berri eman
  • LITERATURA
    • *Alegiak

15 saio


5. UNITATE DIDAKTIKOA.

  • KOMUNIKAZIOA
    • Irakurgaia: inauteriak
    • Entzumena: larruazalaren artisau
  • HIZKUNTZARI BURUZKO HAUSNARKETA
    • *Perpaus motak: juntadura eta menderakuntza
    • Baldintza: nor nori
    • Lexikoa: Jaien eta ospakizunen arlo lexikoa
  • ORTOGRAFIA
    • -a itsatsia
  • AHOZKO /IDATZIZKO KOMUNIKAZIOA. PROIEKTUA
    • *Albistea
  • LITERATURA
    • Narraziogintza: haur eta gazte literatura

15 saio


6. UNITATE DIDAKTIKOA.

  • KOMUNIKAZIOA
    • Irakurgaia: bizitza alternatiboak
    • Entzumena: Marten bizi
  • HIZKUNTZARI BURUZKO HAUSNARKETA
    • Perpaus erlatiboak eta moduzkoak
  • ORTOGRAFIA
    • Hitz elkartuen idazkera
    • Amaiera bereziko hitzak
  • AHOZKO /IDATZIZKO KOMUNIKAZIOA. PROIEKTUA
    • Zeharkako elkarrizketa
  • LITERATURA
    • Narraziogintza: bidaiak eta abenturak

15 saio


7. UNITATE DIDAKTIKOA.

  • KOMUNIKAZIOA
    • Irakurgaia: Artea. Cirque du Soleil
    • Entzumena: Musikaren balioa
  • HIZKUNTZARI BURUZKO HAUSNARKETA
    • *Denborazkoak eta perpaus osagarriak
    • Agintera
  • ORTOGRAFIA
    • Lokuzioak eta atsotitzak
    • H letraren erabilera
  • AHOZKO /IDATZIZKO KOMUNIKAZIOA. PROIEKTUA
    • Iritzi artikulua
    • Margolari baten margolanak eta ezaugarriak azaltzea
  • LITERATURA
    • Narraziogintza: eleberri historikoa

15 saio


8. UNITATE DIDAKTIKOA.

  • KOMUNIKAZIOA
    • Irakurgaia: aktoreen gutiziak
    • Entzumena: Internetetik askatzen
  • HIZKUNTZARI BURUZKO HAUSNARKETA
    • Perpaus kontzesiboak eta kausazkoak
    • Baldintzazko perpausak
  • ORTOGRAFIA
    • Arloak eta familiak
    • Hitz elkartuen idazkera
  • AHOZKO /IDATZIZKO KOMUNIKAZIOA. PROIEKTUA
    • Pelikula baten iruzkina ahoz
  • LITERATURA
    • Narraziogintza: eleberri erromantikoak

15 saio


9. UNITATE DIDAKTIKOA.

  • KOMUNIKAZIOA
    • Irakurgaia: Sareko izarrak
    • Entzumena: Sekula ahaztuko ez dudan esperientzia
  • HIZKUNTZARI BURUZKO HAUSNARKETA
    • Perpaus kontsekutiboak eta helburuzkoak
    • Sintaxiaren errepasoa
  • ORTOGRAFIA
    • Puntuazio zeinuak
  • AHOZKO /IDATZIZKO KOMUNIKAZIOA. PROIEKTUA
    • Gutun irekia

  • LITERATURA
    • Narraziogintza: polizia-eleberria eta eleberri beltza

15 saio


METODOLOGIA [edukien antolaketa, jarduera motak, baliabide didaktikoak, ikasleen taldekatzeak, espazioen eta denboren antolaketa, irakasleen eta ikasleen eginkizuna … ikuspegi inklusibo batetik].


Ikasturte honetako helburu eta ebaluazio irizpideak konpetentziatan oinarritzeak metodologia arloan ere aldaketa bat ezartzea dakar. Alde batetik, irakaslearen papera aldatzea, azalpen emaile hutsetik, ikaste-irakaste prozesuan laguntzaile edo gidari izatera pasatuz. Bestalde, ikasketa esanguratsua izan dadin, ikasleak, subjektu aktiboa izan behar du bere ikasketa prozesuan.

Aldaketa metodologiko hau apurka-apurka gauzatzea du helburu programazio honek, horretarako errealitatean oinarritutako proiektuak hiruhilabeteko guztietan proposatuz. Azken hiruhilabetekoan, proiektuaz gain, arazo-egoera oinarri duen unitate didaktikoa ere planteatu da.

Era berean, proiektu hauen ekoizpenean, gure ikasgeletan hain ohiko bihurtu den testu liburuaz gain, bestelako baliabide didaktikoen (aurrerago zerrendatuko ditut) erabilera bultzatuko dugu.

Ildo beretik jarraituz, ikasgelaren antolaketa ere malgua izango da, bakarka, binaka, nahiz taldeka egingo dute lan ikasleek, proiektuek edo unean uneko eginkizunek eskatzen dutenaren arabera.

Bestalde, ulermen maila eta irakurmena bultzatzeko asmotan testuez gain, ikasleek ikasturtean zehar, gutxienez, liburu bat irakurriko dute. Horretarako gelan tarte batzuk erabiliko dira.

Aurten ere, hobekuntza plana eta aurreko ikasturteetako ildoari jarraiki, arreta berezia jarriko dugu ahozko ulermen eta adierazpenean.

Atal honekin amaitzeko, aniztasunaren trataerari egingo diot tartetxo bat, eta horretarako erabiliko dudan oinarrizko baliabidea BERDINEN ARTEKO TUTORETZA izango da.


BALIABIDE DIDAKTIKOAK:

  • TESTU LIBURUA:
    • Eragin. Euskara eta literatura 2.DBH
    • Idatz 2, ortografia lantzeko liburuxka
  • GOOGLE-APLIKAZIOAK
    • Classroom
    • Hangouts
  • YOUTUBE
  • VIMEO
  • JARDUERA OSAGARRIAK
    • Eragin. Euskara eta literatura 2.DBH (Gida didaktikoa: indartze eta sakontze-jarduerak)
    • Irakasleak beren-beregi prestatutako ariketak


Web helbide erabilienak:


EBALUAZIO-TRESNAK [ahozko eta idatzizko probak, galdetegiak, banakako eta taldeko lanak, behaketa-eskalak, kontrol-zerrendak, ikasgelako koadernoa, portfolioa, kontratu didaktikoa…]


KALIFIKAZIO-IRIZPIDEAK [ebaluazio-tresna bakoitzaren pisua eta balioa]

  • Ahozko proba.
  • Irakurmen/Entzumen/Ulermen proba
  • Idatzizko komunikazioa (idazlanak)
  • Hizkuntzari buruzko hausnarketa: azterketak, gelan zein etxean egindako eta irakasleak, aurretiaz esanda, jasotako lan zein ariketak.
  • Proiektua. Ahozko zein idatzizko ekoizpena.
  • Jarrera. Irakaslearen koadernoa: ikaskide zein irakasleak errespetatzen dituen, gainerakoen esku-hartzean errespetatzen dituen, talde txikian zein handian proposatutako eginkizunetan parte hartzen duen, klasea oztopatu gabe jarraitzen duen, etxeko lanak egiten dituen, euskararen erabilerari lehentasuna ematen dion.


  • 3. ebaluazioan egunero Classroom bitartez entregatzen dituzten lanak baloratuko dira.
  • Horretaz gain, irakasleak planteatzen dituen azterketatxoak ee kontutan hartuko dira.


1.- Ebaluazio bakoitzean gutxienez bi azterketa idatzi izango dira, nota osoaren %45.

  • Irakurmena: %10
  • Entzumena: %10
  • Gramatika - Hiztegia: (%15- %5)
  • Literatura: %5

2.- Ebaluazio bakoitzean klaseko jarduna, etxerako agintzen diren lanak betetzea, euskararen erabilera, koadernoaren txukuntasuna, liburuen irakurketa eta aurkezten diren lanak, ahoz zein idatziz, baloratu egingo dira, nota osoaren %40 izanik.

  • Idazlana: %15
  • Ahozkoa: %10
  • Irakur-liburua: %10
  • Koadernoa: %5

3.- Ebaluazio bakoitzean klaseko jarrera, interesa behatuko zaie

  • Klaseko jarrera eta interesa %15

OHARRAK:

  • Klaseko jarrera desegokiak notan eragina izango du; ondorioz, ebaluazioko nota negatiboa (GUTXI) izan daiteke.


  • Ebaluagarriak diren atal guztietan gutxieneko nota bat (2) lortzea beharrezkoa da ikasgaia gainditu ahal izateko.


  1. Ebaluazio bakoitzak balio ezberdina izango du:
    1. 1. ebaluazioa: %40
    2. 2. ebaluazioa: %40
    3. 3. ebaluazioa: %20

2) 3.ebaluazioa ehuneko ezberdinekin ebaluatuko da:

  • Ahozkoa %10
  • Idazlana %15
  • Irakur-liburua %20
  • Lana/ jarrera %35
  • Irakurmena: %10
  • Entzumena %10


EBALUAZIOAREN ONDORIOAK [indartzeko eta zabaltzeko neurriak, antolamendu-egokitzapenak eta egokitzapen metodologikoak, emaitzen analisia, plangintza didaktikoaren berrikuspena, errekuperazio-sistema...].

Ikasleen ebaluazioaren ondorioz, alderdiren bat indartu behar dela ikusten denean indartze jarduerak erabiliko dira. Era berean, ikasleren batek bere ezagutzak zabaltzeko beharra edo nahia erakusten duenean, zabaltze jarduerak emango zaizkio.

Horretaz gain, beharren arabera, BERDINEN ARTEKO TUTORETZA erabiliko da aniztasunari erantzuteko oinarrizko neurri moduan.

Bestalde, ikasleen beharren arabera programazio honek aldaketaren bat jaso behar izango balu, ikasleak jakinaren gainean jarriko dira.

Plangintza didaktikoaren berrikuspenari dagokionez, COVID 19 dela -eta, honako eduki hauek eman gabe geratuko direla aurreikusten da:

  • Aditza: baldintza
  • Sintaxia: menpeko perpausak: kontsekutiboak eta helburuzkoak
  • Idazmena: Iritzi artikulua

ERREKUPERAZIO-SISTEMA:

1- Ebaluazio jarraitua izango da, hau da, ebaluazio bat gainditzen denean, aurrekoa, gainditu gabe balego, gaindituta geratzen da. Hala ere, Literatura arloa, aurreko ebaluazioan gainditu gabekoa, derrigorrean azterketa baten bitartez gainditu beharko du; irakurri ezean jarrerako atalean eragina izango du.

2- Azken ebaluazioan ikasgaia gainditzen ez bada, ekaineko ez-ohiko frogan azterketa idatzia egin behar izateaz gain, irakurritako liburu baten lana edo azterketa ere egin beharko ditu.

3- Ikasgaia aurreko ikasturtetik gainditu gabe baldin badago (ikasgai pendientea deitzen dena), Euskara mintegiak ezarritako prozedurari jarraitu beharko dio: urtean zehar bi azterketa egiteko aukera, bata urtarrilean eta bestea apirila aldera. Era berean, lehenengo ebaluazioa gaindituz gero, arloa gainditutzat emango zaio, ebaluazio jarraitua izateagatik. Ekaineko ezohiko azterketetan ere izango dute gaingabeen azterketa ereduak betetzeko aukera.


  1. Ebaluazio bakoitzak duen ehunekoaren batez bestekoa egingo da amaierako nota lortzeko, hau da, 1. ebaluazioa %40, 2. ebaluazioa %40, 3. ebaluazioa %20.
  2. Batez bestekoak ez badu 5 ematen, ez-ohiko azterketa bat egin beharko du ikasturte osoko gutxieneko edukiekin.


II. ERANSKINA

UNITATE DIDAKTIKOA ARAZO-EGOERA BATETIK ABIATUTA PROGRAMATZEKO TXANTILOIA


Irakasgaia: EUSKARA

Gaia: BIDAIA BATEN KAIERA

Maila: DBH 2

Saioak: 5

Proposamenaren justifikazioa:

Familia eta lagunekin gaztetatik egin ohi ditugu bidaiak toki berriak eta jende interesgarria ezagutzeko. Askotan, aurretiko prestakuntzarik gabeko bidaietan interesgarria izan litekeena bazterrean uzten dugu; hori gerta ez dadin, aukeratutako toki baten azalpena egingo dute ikasleek aukeratutako herri edo hiri horretan dauden elementu deigarriekin ibilbidea sortuz. Artelan, museo, paisaia erakargarrien historia laburrak kontatu beharko lituzkete. Gero, lauko taldeetan, klasekideen aurrean ahoz azaldu beharko dute egindako plangintzari jarraituta.

Arazo-egoera:

A. Testuingurua: Ikastetxeko zenbait ikaslek eta euren familiek, udan, toki ezberdinetara bidaiak egitea erabaki dute.

B. Arazoa: Ikasleek herri, hiri edo paisaia baten ibilbidea sortu behar dute pausuz pausu nora joango diren eta zer herri, hiri edo toki horretako elementu interesgarri bisitatuko duten, mintzamena eta idazmena landuz eta IKTak erabiliz.

C. Helburua: Mintzamena landuz, zuzentasunez, koherentziaz, egokitasunez eta eraginkortasunez ahozko aurkezpena egitea.

Zeregina:

Talde osoaren aurrean, ikasle talde batek (4 ikaslekin osatua) aurkeztu beharko du “Nire ibilbidearen kaiera” gaia, baliabide digitalak erabiliz, taldeko kideen artean aurretik prestaturiko gidoi bati jarraituz.

Oinarrizko gaitasunak:

A. Zeharkakoak:

1. Ikasten eta pentsatzen ikasteko konpetentzia.

2. Izaten ikasteko konpetentzia.

3. Hitzez, hitzik gabe eta era digitalean komunikatzeko gaitasuna

4. Elkarbizitzarako gaitasuna

5. Ekimenerako eta ekintzaile-sena garatzeko gaitasuna

B. Diziplinari dagozkionak:

  1. Hizkuntza- eta literatura-komunikaziorako konpetentzia.
  2. Arterako konpetentzia
  3. Gizarte eta herritartasunerako konpetentzia
  4. Teknologiarako konpetentzia
  5. Zientziarako konpetentzia
  6. Matematikarako konpetentzia
  7. Konpetentzia motorra

Helburu didaktikoak:

  1. Bai ahoz eta bai idatziz modu txukun, koherente eta zuzenean espresatzea eta elkar eragitea, eta horretan, errespetua, kooperazioa hartzea oinarri, zenbait komunikazio-premiari modu eraginkorrean erantzuteko.
  2. Ibilbide baten planifikazioa ordenan eta informazio egokia ematea.
  3. Kulturaren gaineko interesa sortzea eta balioestea.
  4. Hizkuntza modu txukun, koherente eta zuzenean erabiltzea eta transferentzia egokiak egitea helburu hartuta.
  5. Euskaraz egiten diren akatsak saihesteko tresna egokiak ezagutzea

eta baliatzea.

6. Informazioaren eta komunikazioaren teknologiak modu autonomo eta kritikoan erabiltzea, informazioa lortzeko, eta elkarrekin komunikatzeko eta kooperatzeko.

Edukiak:

  1. Jarraibide testuak
  2. Baldintzak
  3. Testua aberasteko esapideak
  4. Agintera
  5. Antolatzaileak
  6. Mapak interpretatu

Jardueren sekuentzia:

A. Lehen fasea:


1. jarduera. Nora joango gara? Helmuga erabakitzen

2. jarduera. Taldeak sortu nahiaren arabera

3. jarduera. Informazioa aurkitu


B. Garapen-fasea:


4. jarduera. Aldez aurretikoak: mapa batean zer bisitatuko dugun leku bakoitzean markatu ibilbide bat eginez

5. jarduera. Bisitatuko dugunari buruzko informazioa- historia, sortzaileak, bitxikeriak...- bilatzen hasiko gara. Taldekide bakoitzak leku baten ardura izango du.

6. jarduera. Daukagun informazioa komunean jarri eta antolatzen hasiko gara: eskema, buru-mapa….


C. Aplikazio- eta komunikazio-fasea:


7. jarduera. Eskematik testura: ideiak ordenatu

8. jarduera. Ataletan antolatu informazioa

9. jarduera: Informazioa hornitu baliabide testualak erabiliz: antolatzaileak...

10. jarduera: Zer egingo dugu akats horiek zuzentzeko?

11. jarduera: talde bakoitzak taldearen aurrean ahozko aurkezpena egin


D. Orokortzea eta transferentzia:


12. jarduera. Zenbat ikasi dugun erakusten: mapen bidez klasean , kartulinetan itsatsi

13. jarduera. Ikasitakoa ebaluatu

Ebaluazioa:

A. Adierazleak:

  1. Ea tokiak, pertsonak eta egoerak deskribatzen dituen eta edukia planifikatzen duen.
  2. Ea ahozko testuak sortzeko hainbat estrategia erabiltzen dituen.
  3. Ea era egokian ahoskatzen duen eta komunikazio-arauak errespetatzen dituen.
  4. Ea “Nire bidaiaren kaiera”ri buruzko informazio orokorra biltzen duen galdera batzuei erantzuna emanez.
  5. Ea taldekideen laguntzaz, bidaiaren ibilbidea egoki azaltzen duen, emandako jarraibideak kontuan hartuz.
  6. Ea kulturarekiko interesa sortzen duen

B. Tresnak:

-Hasierako ebaluazioa: 1. jardueratik 3.era

-Prozesuaren ebaluazioa: 4. jardueratik 10.era

-Amaierako ebaluazioa: 11. eta 12. jarduerak