Горад майстроў

На выставачных палічках прадстаўлены вырабы гарадзенскіх цагельняў і кафлярняў (асабліва каштоўныя экспанаты – плінфа 12 ст., з якой былі пабудаваны Ніжняя царква, Барыса-Глебская (Каложская) царква; цэгла-пальчатка, плітка для падлогі і дахоўка 16 ст. са Старога Замка; цэгла-пальчатка з Фары Вітаўта, найстарэйшага касцёла Гродна. А вось тут – кавалкі пяшчаніка і цэглы, якія засталіся пасля ўзрыву Фары Вітаўта ў 1961 годзе.

А тут – вырабы ганчарства, на аснове якіх можна вывучасць розныя школы ганчарства Гродзеншчыны. Вельмі прыгожыя збаны і глякі, у тым ліку знакамітая чорная кераміка з мястэчка Поразава. Сёння на Дзевятоўцы жыве Спадарыня Тэрэза Белавусава, адна з нашчадкаў роду Шоцікаў – славутых поразаўскіх ганчароў. На старым фотаздымку: Пётр Шоцік за ганчарным кругам у коле сям’і. У доме Шоцікаў у Поразаве Тэрэза Белавусава ставарае музей ганчарства.

Наступная частка экспазіцыі – гэта вырабы кавальства; шклярства; бондарства, прылады працы для шавецтва, сталярства.

Вашай увазе – калекцыя старадаўніх лямпаў.